قلق

مش عايزة اضيع ال rank بتاعي 😂 اخباركم ايه اتمني تكونوا كويسين انا حاسة اني الحمد لله احسن بس الحاحات بتاعة الكلية اللب ورايا كتير جدا و لسة ما بدأتش فيهم و مش عايزة اسيب الشغل علشان بردو وقتها مش هذاكر و زيادة عليها هكون مخنوقة و متضايقة و مكتئبة و قاعدة مش طايقة نفسي مش عارفة اعمل ايه حقيقي و المفروض بردو اذاكر

عندي مشكله كل ما اطلع ققدم حاجه قدام ناس لا اراديا جسمي بيبتدي يتعرعش وصوتي وبتهته في الكلام مع اني طلعت ققدم قبل كده بس برضو نفس الشعور بيجلي حد بيعاني من نفس المشكلة ؟ او علي الاقل عنده حل للمشكله

يوزر T زي الاسم فوق أحيانًا أنظر حولي وأتساءل كيف أصبح كل شيء معقّدًا إلى هذا الحد، كيف تحوّل المجتمع إلى منظومة تخاف من أبسط ما في الإنسان، من حريته، من صوته، من رغبته في أن يعيش دون وصاية، لماذا يُربّى الإنسان هنا على الخوف مرتين، مرة من الناس، ومرة من الصورة التي زرعوها داخله عن الناس، حتى وهو وحده يظل مُراقَبًا، كأن العيون لا تغادره أبدًا. هذا الثقل لا يتوقف عند حدود السلوك، بل يمتد إلى أعمق ما فينا، إلى العاطفة، إلى القرب، إلى تلك الرغبة الطبيعية في أن يلتقي إنسان بآخر دون أن يتحول ذلك إلى معركة أخلاقية أو اختبار اجتماعي، كأن الفطرة نفسها أصبحت موضع شك، وكأن كل محاولة للصدق يجب أن تمر عبر سلسلة من الأحكام المسبقة قبل أن تُعاش. والأصعب من ذلك أن المرأة تتحمل العبء الأكبر من هذا الخوف، تُربّى منذ البداية على الحذر من نفسها، على الشك في مشاعرها، وعلى ربط رغبتها بصورة مشوّهة عنها، فيصبح داخلها صوتان، صوتها الحقيقي، وصوت المجتمع الذي لا يصمت، يراقبها حتى في أكثر لحظاتها صدقًا، فيحوّل ما هو إنساني إلى شعور بالذنب، وما هو فطري إلى تهمة. وهنا لا يعود الأمر مجرد لقاء بين شخصين، بل يتحول إلى مساحة مليئة بالحسابات، بالخوف من الخطأ، من العواقب، من نظرة الآخرين، وكأن القرب لم يعد تجربة إنسانية بسيطة، بل قرارًا محفوفًا بالقلق، يحتاج إلى شجاعة مضاعفة، خصوصًا لمن تدفع ثمنه الأكبر إن حُكم عليها. أحيانًا أشعر بثقل هذا الواقع، بثقل أن تبحث عن شيء بسيط وصادق في بيئة تُحمّله أكثر مما يحتمل، أن تحاول أن تعيش بشكل طبيعي فتجد نفسك تقاوم أفكارًا ليست لك، ومخاوف لم تخترها، وحدودًا لم ترسمها، ومع ذلك تفرض نفسها عليك كأنها الحقيقة الوحيدة. ورغم كل هذا، يبقى داخلي إيمان هادئ بأن ما هو صادق لا يموت، وأن الإنسان، مهما تم تقييده، يظل يبحث عن مساحة يعيش فيها كما هو، دون خوف، دون أقنعة، مساحة لا يكون فيها القرب جريمة، ولا الصدق مخاطرة، بل مجرد تعبير بسيط عن إنسان يريد أن يحيا كما يشعر.

بقالي كام يوم منزلتش اي مشكلة ليا بس ده مش بسبب ان مشاكلي اتحلت بالعكس لسه هي هي المشاكل ويمكن بتزيد اكتر كمان بس بقيت حاسس ان المشاكل مبقاش ليها حل اصلا وبحاول اتأقلم معاها ومش عارف حتي البيئة المحيطة بيا مبقتش امنة البيت مبقاش راحة هل هي الدنيا وانا انهزمت واعلنت استسلامي ؟ هل لازم احاول اتعايش مع الخوف والقلق والرهبة والحزن والزعل ووجع القلب ؟

عندي مذاكره كتير اوي و فصول تتراكم عليا و الدكاتره طبعا مش موقفين شرح و المشكله ان امتحان الميد قرب و انا تايهه و مش عارفه ابدأ منين ولا ازاي واقفه كدا ف النص و الوقت بيعدي مش فاهمه مالي كدا عملت كل حاجة تجددلي الشغف بس برضو مش عارفه اركز ولا عارفه اذاكر و فعلا عاوزه حل

حرفيا فاضل شهرين علي امتحانات تالته ثانوي انا مش قادره اصعابي تعبت انا كلمه مروعبه كلمه قليله انا مش قادره أتخيل أن شهرين و اكون قاعده في لجنه بمتحن كل ما اتخيل و انا رايحه اول يوم امتحان بحس قلبي مقبوض ممكن حد يشوف ده اوفر بس حقيقي انا تعبت انا اساسا بتعب قبل الامتحانات من و انا صغيره بنا اعرف ان الجدول نزل بتعب مليش نفس اكل دايما متوتره خايفه حاليا انا فعلا مش كويسه و خايفه من يوم النتيجة جدا مش قادره أتخيل انا ازاي خلصت السنه بي السرعه دي و أمتي خلصت و ازاي انا في شهر 4 دلوقتي انا عوزه اعيط و بس حقيقي تعبت

طموحاتي عالية اوي يا جماعه خايفة اتخذل ومحققش حاجه ده غير ان كل الناس الي حوالية شايفني بدون اخطاء واني شاطرة جدا من مدرسين لحد اهلي طب اعمل ايه انا خايفة اوي اخذلهم واخذل نفسي وحاسة اني بدات انزل وبحاول والله بس انا خايفة خايفة اوي وحاسة اني بدات احود من الطريق الصح في وقت مش مناسب ابدا

انا بجد متضايقة وتعبانة ومش عارفة ايه اللي ممكن اعمله عشان اكون احسن انهاردة كنت مع المدرب بسوق وحصل موقف واحد بس ان اشارة الشمال قفلت لوحدها والناس زعقت فيا عشان دخلت شمال تخطيت الموضوع عادي وحسيت اني احسن لما الراجل مشي اختي قالتلي انتي مش متخيلة الناس بيبصوا لك ازاي وان العربية بتاعتنا هتبقى سمعتها وحشة بعد ما حسيت اني خدت ثقة وحاولت اتعلم من اخطائي وابطل قلق فالاقي اني كنت زفث ومش كويسة انا مش عايزة اسيب العربية وعايزة اتحسن وعايزة اسوقها ومش اسيبها لاخواتي عشان انا الكبيرة انا اللي لازم اتحمل مسؤوليتها اكتر منهم انا اللي كنت بزن عشان نجيبها والله انا كنت كويسة من قبل كده وحصل لي انتكاسة بدون سبب وخوف ورعب وقلق انا مش عارفة هل انا هفشل فعلا فيها؟ وهسيب العربية؟ وهبقى انا اللي شيلتهم المسؤولية وخلعت؟ انا مش عايزة كده

شكراً لكل الي صبروني بس عايز أخد رأيكم ف حاجة بس. يوم الاربع الي فات كنت ف الشغل ومن في عميل سئيل شوية كانت طالباته مبالغ فيها ودايما كان بيخليني اشيل الشغل كله واعيد من الأول فضلنا كدا كتير، بس فجأة حسيت بتشويش جامد اوي وصوت عالي مخليني مش سامع حاجة رغم إن كان العميل معلي صوته وحسيت إن جسمي خدلان وعملت حاجات أنا مش قادر اتحكم فيها أنا شايف الي بيحصل بس حاسس إني ف حلم وضربت العميل وحصلت مشكلة كبيرة المدير صفالي حسابي واتطردت وحالياً قاعد منغير شغل ومش عارف ايه الي حصلي ساعتها

لو حد حكالي حاجة تخص شخص قريبي و انا قولتهاله عن طريق الهزار و قولت للشخص اللي قالي اني قولتله و هو اخد الموضوع بطريقه تاني و زعل مني المفروض اعمل اي في الموقف دا و لو انا غلطانه المفروض ازاي اصالح الشخص

من فضلكم عندي استفسار اذا كنت انا الوحيدة لي عندها مشكلة انها تضخم الامور يعني يمكن امور تكون مش كبيرة بصح انا نضخمها ونبقا نخمم ونعطيها اكبر من حجمها حتى نفسيتي تتعب وعينيا ينشفو من بكا ونهاري كامل يفسد وعندي احساس سيء تجاه كامل حوايج حالة هدي عندها حلول؟

الفتره دى الواحد بدا يفكر بزياده فى حاجات كتير و مش عارف يوقف تفكير مهما حاول فكرة الدخول للنوم دلوقتى مرعبه عشان خايف من التفكير و بقى فيه ارق جامد و مش عارف انام اى الحل مش فاهم الغريب انى مكنتش كده

السلام عليكم ورحمة الله وبركاته ازيكم اخباركم ايه نوتيلا تعبت تاني و رجعت تاني بجد تعبت من نفسي و غالبا هرجع اضيع نفسي رجعت افكر في كل حاجة غلط كنت هعملها زي الفيب و فكرت اجيبها رجعت اكلم ناس تاني رجعت ابطل مذاكرة و اكثر لدرجة اني فتحت المادة اللي هي صعبة اصلا قبل الإمتحان بساعة و نص و كنت قاعدة بردو بمسك الموبايل و مش قادره اسيطر علي نفسي خالص خلاص بقيت مش قادره و محتاجة مساعدة انا بتابع مع مع دكتورة لكن كان بقالنا حوالي اسبوعين ما حضرتش معاها انا بتكلم معاها و بقول كل حاجة و بعرف اتكلم و بتخليني اكتشف حاجات فيا و الاحظ حاجات لكن بردو مش قادرة اعمل اي حاحة في خياتي ولا التاسكات اللي بتقولي عليها المفروض عندي سيشن بكرة و معرفش هعمل ايه هي كانت قالتلي هنشوف عندي اكتئاب ولا لا و لو كده هروح لطبيبة لو الموضوع محتاج ادوية و قاعدة بفكر في الموضوع ده و خايفة بردو حاسة اني تعبت و زهقت من نفسي و هأذي نفسي بجد حاسة اني عايزة اروح مكان افضل فيه لحد ما اتعالج و ارجع لما ابقي كويسة و حاجة كمان انا بهرب من التفكير او الزهق او كده بروح اكلم ناس و بزعل من ده اوي و رجعت اعمل كده و انا عايزة اقرب من ربنا بس مش قادره بجد و مش عارفة اعمل ايه في نفسي علي البوست اللي فات انا مسحته و مش مسامحة اللي قالولي كلام يضايقني و انا restricted لكن هقرأ كل اللي هتقولوه ياريت تحاولوا تساعدوني فعلا انا تعبت و محتاجة مساعدة و لو في حاجة محتاجة ارد عليها هرد بكرة ان شاء الله لما يتفك و شكرا ليكم كلكم

الفتره دى الواحد بدا يفكر بزياده فى حاجات كتير و مش عارف يوقف تفكيره مهما حاول فكرة الدخول للنوم دلوقتى مرعبه عشان خايف من التفكير و بقى فى ارق جامد و مش عارف انام اى الحل مش فاهم الغريب انى مكنتش كده

جماعة عايزة اسأل على حاجة عارفة إنه مش مكانه بس مش عارفة اسأل مين عليا امتحان ميد كمان ساعة بالظبط في مادة كيميا تحليلية حضرت اول محاضرة كانت حلوة و نظري بعد كده كنت للاسف بوصل متأخر ف الدكتور مكنتش بتدخل حد وراها و بعدين حصلي ظروف مكنتش بروح اصلا و دلوقت انا معكوكة في ام المادة دي مش فاهمة فيها أي حاجة الكتاب ملغبط كل حاجة و كمان كل شوية يقولوا فيه حاجات غلط و كانوا بيقولوا إن الدكاترة مكنتش بتشرح كانوا بيقروا من الكتاب و حاليا انا قاعدة مع ملخص طالب عامله هو مفهوم شوية بس كله نظري بردو و احنا عندنا مسائل مش فاهمة فيهم اي حاجة و قاعدة بتنطط في تولز الai سؤالي بقى هل لو حليت الامتحان باستعانة من ai هيبقى حرام في حالة اني مش عارفة اذاكرها؟ انا عارفة إن كده غش وحرام بس في الحالة دي هيبقى حرام بردو؟ محدش يقطمني الله يكرمكم انا فيا اللي مكفيني

الاول كنت بزعل اوي ع اقل حاجه واعيط واحس بحزن لحد ما لقيت ان مفيش حاجه بتتغير ومفيش فايده من الزعل لحد ما بقيت كل حاجه تحصل اقول عادي واجبر نفسي محسش بزعل لحد مبقتش بحس باي حاجه ولا بتأثر مبقتش بحس اني زعلانه من حاجه ولا مبسوطه بردو برود ولامبالاه مش طبيعيه مبقتش حاسه اني عايشه حرفيا الحاجه الوحيده اللي مش عارفه ابطل احس بيها هي القلق اوقات بحس انه قله رضا او ايمان ومينفعش ابقي كده بس حتي وانا راضيه ببقي حاسه بتوتر وقلق من غير سبب الموضوع بياكل ف روحي وفي قلبي تركيزي بقي ضعيف ومشاعري متجمده ببص لكل حاجه لنظره انها لحظه وهتعدي ومش فارقه معايا ان اللحظات دي عمري

اعمل ايه لو بعمل كل حاجه في البيت بس دايما امي بتحسسني اني مش كفايه دايما بتقولي ده وحش ده غلط بتستنى لابسط غلطه وتمسكهالي بقيت طول الوقت متوتره ومرعوبه وخايفه اعمل حاجه غلط حتى لو غصب عني ومش قاصداها اتعامل ازاي من غير ما ازعلها وبرضه ارجع احس بثقه في نفسي واكون اهدى وعايشه هاديه مش متوتره ع طول

بتعملوا ايه علشان تسكتوا دماغوا او توقفوا overthinking?? و اقصد هنا ان يكون ال ،overthinking قوي لدرجه بياثر في يومكوا جامد لدرجه ان ساعات الجسم بيدخل في panic mode و مش عارفين تسكتوا دماغكوا ب اي طريقه حرفيا جربت كل حاجه و مفيش حل

مش عارفه بس انا حاليا مش مرتاحة مش مظبوطة من ناحية العلاقات مش عارفه اتعامل مع حد ولا اكون علاقة صحية ولا عارفة ارتاح لأي حد يعني طبيعي ابقي مقلقة لأن مشوفتش حد مظبوط ارتاحلو حتي الناس الكويسة يمكن برضو مش قادرة اقرب ل حد برضو مش مرتاحة اللي برتاحلهم قليلين و مش بنكمل برضو بيمشو و يبعدو ف مش عارفه ولا عارفة اكون علاقة كويسة سوشيال ولا حتي ريل حاسة اني ف الزون دي بقالي كتير مش عارفه اخرج منها ولا احل ولا اتراجع عنها و مش فاهمة برضو المشكلة فين بظبط فيا ولا فيهم ولا ايه اللي بيحصل بس مش عارفه اعمل ايه

انا عندي مشكله غريبه أوقات كتير بقعد اتخيل حاجات كتير وممكن اقعد بساعات كده واندمج مع الخيال لدرجة ان احس بفرج وازعل علي حسب القصه الخياليه الي في دماغي وتقلب في المزاج بشكل واضح جدا غير كره الاصوات العليه والاضائة العليا وحب القعده علي السرير بشكل مرعب ارجع من شغل اقعد علي السرير في الضلمه القعده مع اهلي مستحيلا وناس كتير بتقولي ازور دكتور نفسي وانا مش عارف هل انا فعلا محتاج اروح لدكتور

انا من تلت ايام الصبح كنت بعمل ايداع ف atm البنك الاهلي والفلوس اتسحبت ومتودعتش لحد النهارده روحت البنك عشان أقدم شكوي ويشوفو حل للفلوس هترجع ولا لا قالولي كلم خدمه العملاء كلمت خدمه العملاء كل يوم ع الأقل مره نفس الكلام ونفس الحوار مفيش جديد ولحد النهارده مرجعش ف كده في حل الفلوس ترجع ولا لا عشان مش هستغني ع المبلغ ده حرام والله حد حصل معاه حاجه شبه كده ولا لا ولو حصل الفلوس رجعت ورجعت في قد اي وحسبي الله ونعم الوكيل

الخوف الرعشة الارتجاف التهويل من المشاكل الصغير عشان تزرعي خوف مزلزل في قلب طفل مكملش ال ١٦ سنة قلة القيمة التهزيق انا مش هوصم ولادي انهم غلابة وقدراتهم العقلية محدودة وانهم مجانين بس👍

انا مش كويسه ومش عارفه اتصرف اتقدملى شخص اهلى موافقين عليه بس من اول مشوفته وانا حسه انه مش هو ده الشخص الى عوزه اكمل معاه حياتى المهم بعد ظغوطات عملت قرايه فاتحه وحاليا بتعرف عليه هو كويس وبيحاول يراضينى مش هكدب بس هو مش التيب بتاعي وساعات مهتم وساعات لاء ودي حاجه موتراني اوي ومش عارفه اخد قرار هل اكمل ومش عارفه هتبسطت بعدين ولا لاء ولا ابعد من دلوقتى واضيع حد محترم وخصوصا اني ف ارياف وبالنسبالهم اني سني كبر فمش من حقى اختار خلاص

انا مقبلة على اهم سنة دراسة في منوالي الدراسي كله ومحتاجة نصيحة عملية وفعلا تغير شيء طول سنواتي الدراسية كنت طالبة متوفقة. مااحتجت ابدا اني اضغط على نفسي في الدراسة لاني كنت ادرس عن حب وشغف، مؤخرا في آخر سنتين في الثانوية تعرضت لظروف سيئة خلتني افقد الشغف والحافز لكل شيء، طول السنة الماضية حابسة نفسي بغرفة مااطلع الا اوقات الحاجة، حياتي اصبحت عن اكل ونوم ادمنت الشاشات والمسلسلات وصحتي تدهورت حتى الاشياء الي احبها كرهتها وتوقفت عن ممارسة هواياتي وحتى علاقتي مع الله ضعفت، وهاذي السنة طول الاشهر الماضية احاول اني ارجع مثل قبل ادرس لكن كل مرة الاقي القلق والحزن اكل نص يومي وانا مادرست شيء والآن تبقى حوالي شهرين لامتحان البكالوريا وانا جدا ضائعة واشعر بالاسى على نفسي لاني اعلم ان قدراتي عالية... 🙁

انا مش عارف اشتغل اية/اتخصص فى اية شخصيتى معقدة جدًا ودماغى بتفكر فى تفاصيل ملهاش لازمة احيانًا ومتقلب المزاج على قد ما انا كدة بس بعرف كويس اختار المكان المناسب من الغير مناسب حاليًا بدور على Career يحتوى سلبياتى 😂 انا بتخض ياجماعة لما بدخل اى شغل… بحس الناس مركزة اوى زيادة عن اللزوم وطافحة الكوتة اه والله بيبان على وشهم وبحس بردو ان الشغل ده للناس الاجتماعية وانا مش اجتماعى بطبعى اروح جمصة فى ليلتى المهببة دى ولا اعمل اى ؟

الفتره دى الواحد بدا يفكر بزياده فى حاجات كتير و مش عارف يوقف تفكير مهما حاول فكرة الدخول للنوم دلوقتى مرعبه عشان خايف من التفكير و بقى فيه ارق جامد و مش عارف انام اى الحل مش فاهم الغريب انى مكنتش كده

عندي احساس قلق شديد بقالي اسبوع او اكتر ومش بحس براحة غير لما اكلم حد ممكن افقد الشغف في النص بصراحة بس معنديش حد اكلمه دلوقتي وقاعدة منتظرة الطبيب وقدامي ساعة مش بشئُط ولا قصدي اي ئلة ادب والله هو بس عايزة اتكلم

ازيكم عاملين ايه انا حاسة ان المفروض الصح الكتمان بس انا فعلا مش بعرف و بحب احكي كتير فكنت حابة احكيلكم علي كذا حاجة اولا حابة اشكركم كلكم بجد و اي حد ساعدني و اتكلم معايا امبارح بجد فرق معايا جدا وانا الحمد لله امبارح لما رحعت من الامتحان قولت اعمل رياضة و اسمع قرآن و لغيت اوردر الفيب الحمد لله و كان في موقف حصل كان ممكن يخليني اضعف و اعمل حاحة غلط لكن الحمد لله عملت بلوك و كل شةية يطلعلي اعلانات فيب بجد 😂😂🤦‍♀️ حاسة اني مش بفكر كتير اوي زي قبل كده (عارفة التفكير هيرجع تاني ده يعتبراول يوم) لكن بردو لسة مشكلة الموبايل قاعدة بردو ماسكة الموبايل امبارح طول اليوم و صاحية من الساعة 7 ماسكة الموبايل و كل ده قاعدة بأجل المذاكرة و انا الامتحان عندي كمان ثلاث ساعات منهم ساعة علي ما اجهز و الطريق و كده و قدامي ساعتين او اقل كمان و يدوبك قرأت ملخص لأول محاضرتين من ال 6 و المادة ديه اصلا بجد كلها رغي و حاجة بجد رخمة اوي مش عارفة اعمل ايه انا عارفة ايه حلي بس مش قادره اعمله و اهلي مش بيشجعوني عليه انا مش بعرف اركز في البيت لاني بفضل نايمة علي السريرو لو ذاكرت علي السرير بردو فببقي مهمة او بنام او بلعب في الموبايل او بفكر في الاكل و اقوم ارزح كل شوية المطبخ لكن الحل اللي بيفرق معايا انزل اقعد في كافيه او working space بحيث يكون هادي و اقدر اركز و اذاكر من زمان كنت بروح تقريبا بذاكر طول الوقت ماعدا شوية صغيرين بريك مؤخرا ممكن اضيع وقت حتي لما اروح بس علي الاقل بحط تارجت و اخله حتي لو صغير و بردو ممكن بذاكر علي الاقل نصف الوقت لكن في البيت بجد لو ذاكرت نص ساعة ولا حاجة ده انجاز و اهلي يقعدوا يقولولي مثلا البيت فاضي او ايه مشكلتك فيه و اقعدي عادي و كل الكلام ده لكن بجد مش بعرف و بتشتت جدا و هما شايفين ان مش علي طول اروح اذاكر برا البيت انا هقرأ كل اللي هتقولوه بس الاكونت لسة restricted فمش هعرف ارد عليكم و ما تنسوش تدعولي بقي شكرا ليكم 🖤

عليا امتحان لماده سهله وعارف انها سهله والدكتور قال كمان متقلقوش ، وانا مذاكرها قبل كدا وسامع كل المحاضرات مره تانيه ومبيض ورا الدكتور وملخص تلخيص عامله لنفسي كمان ، وبالرغم من دا قاعد متقدر ف ليله الامتحان وبذاكر زي اللي مذاكرش خالص ولا فتح الماده ، حاسس اني محبوس جوا دماغي وجوا المعتاد ، مدام الامتحان بكرا يعنني ذاكر جامد حتى لو مذاكر تاني ، المشكله اني بتدايق جدا ان بعد المجهود دا كله بلاقي ان معظم الامتحانات سهله واللي مذاكرش غير ليله الامتحان بيحل وطالع مبسوط ، واللي اصلا مش بيحضر حل ، واللي مش بيفهم الماده ده حل ، ف بندم على المجهود اللي بعمله وبتدايق جدا ، وف نفس الوقت مش عارف اخد قرار حازم واقول اني خلاص مذاكر ، حتى وانا براجع كل المعلومات عارفها بس برده الشك ماسك فيا ، والشك ده للاسف ف معظم جوانب حياتي بس الفتره ده عشان امتحانات ف بعاني منه فالنقطه ده بالتحديد ، وياعالم بعد الامتحانات هيطاردني ف انهي مكان تاني

انا واحدة محترمة وبنت ناس اوي بكالريوس تربية بيولوجي دفعة ٢٠٢٥ بتقدير عام امتياز مع مرتبة الشرف طبعا لسا بقبل على الحياة ما بعد التخرج بطاقة لكن مفيش اي حاجه مشجعة اشتغلت اول شغل ٣ شهور تدريس ستيم وروبوتكس لسن صغير ومشوني بسبب واحدة حقودة افتعلتلي مشكلة ومشيت اكتئبت شويه وبعدين قعدت في البيت كتير لحد ما جالي شغل في مدرسه خاصه لغات طبعا انا مفهماهم اني ما عنديش خبره لسه واتقبلت على هذا الاساس وكنت لسه بخلص ورق عشان امضي العقد لانهم قبلوني بالفعل طبعا ما كانش في تدريب ولا نيله ودخلتني قالت لي اشرح الحصه دي شرحتها طبعا حصلت شويه دروبات بسيطة جدا جدا بس المفروض ده طبيعي لكن اتفاجئت بيها بتقول لي انزلي امضي استقاله وانا لسا حتى ما خلصتش باقي الورق بعد كده قعدت في البيت تاني نزلت تدريب اسبوع في مدرسه خاصه برده وقالوا لي هيكون افضل لو في اجازه الصيف فمشينا وبعدين قعدت في البيت ثاني اكتئبت ثاني بعدين ما كانش قدامي غير اروح اشتغل في حضانه طبعا الموضوع متعب ومرهق جدا والمرتب قليل جدا جدا وطبعا بنتعرض هناك لحاجات زي ان طفل ممكن يشتمني باهلي او يضربني حتى والموضوع مرهق ومش طايقه ومش عايزه امشي عشان انا لو قعدت في البيت هكتئب طبعا انا بالفعل بتعالج من الاكتئاب واضطراب القلق العام بقالي سنتين ونص والدكتور قالي لازم تشتغلي وتخرجي وحرفيا شغلي دا مرهق جداااا احترت اعمل ايه

عامة انا خلصت مذاكرة الكيمياء ( خلصت الاساسي مفروض احل كتاب كمان) بس فعليا فاصلة طيب انا اي اللي مصحيني؟ في الحقيقة انا صاحية لهدفين الاول اني اصلي الفجر حاضر لان بقالي عشر ايام مواعيد نومي بايظة و جدولي كله معتمد علي اني هصحي وانام في وقت معين المهم ياجدعان الهدف التاني اني ازود ساعات مذاكرتي لان الدنيا باظت عندي من اول رمضان بقيت بذاكر في النهار 5/6 ساعات بس من وقتها بعد ما كنت بذاكر 8 ساعات والامتحانات قربت ولازم اشد( انا ثانويةةة عامة) المهم ناوية اصلي وانام 5 ساعات واصحي اشرب قهوة واكمل اليوم بدون نوم ( لو عليا مش عاوزه أنام بس مطبقة من امبارح ) المهم للمرة المليون اللي عنده طريقة اصحي بيها يفدني عشان بقيت خم نوم

ايوا ايوا مش عارفه انام من التفكير في الموضوع... قعدنا قعدة تعارف وقبل ما يمشي قال لبابا انه هيكون في اتصال.. والنهارده عدى سادس يوم من وقتها وصمت💀 تاني حاجة، ليه طالما انت مش حابب تكمل بتعشم اللي قدامك، حصلت مع صحابي كذا مرة

بحب بنت أنا من القاهرة و هي من اسيوط مستواها المدي اعلي ابوها شغال في مهمدس الامارات و عمها شغال في البترول و عمها التاني مقاول فا عيله كبيرة شويتين البنت محترمه جدا و بحبها اوي أنا 25 هي 19 شغال كول سنتر عندي شقتي في بيت اهلي مش عارف هل ده فرق طبقات ولا أنا اللي عندي حاجة في دماغي ولا أي فا حد يفهمني يا جدعان

انا الاكونت بتاعي restricted فمش عارفة ارد عليكم بس انا للاسف لاقيت ان من اكبر المشاكل اللي بنواجهها اننا فعلا مش عارفين ديننا و الدين مادة برا المجموع فأنا كنت عايزة اتعلم اكثر فلو ممكن تثولولي اعمل ايه و امشي ازاي علشان اتعلم في كله زي الفقه و العقيدة و الاحاديث و تفسير القرآن و السيرة النبوية و كل ده وبجد يا جماعة ديه حاجات مهمة لازم كلنا نتعلمها لان لما نتحوز لما يكون الاهل مش عارفين كل ده اولادنا هيعانوا و هيغلطوا لانهم مش عارفين لان نعرف بنعمل كذا ليه و نفهم اكثر تعاليم الله و الرسول صلى الله عليه و سلم

طول عمري عندي قلق زايد و بعيش يومي كله حرفيا قلقانه و خايفه منغير سبب محدد و انا مش عارفه الدنيا عامله ازاي منغير شعور القلق و قلقي الزايد ده بقا بيأثر على علاقتي و دراستي و شغلي و صحتي انا مش عارفه اعمل ايه و حاسه اني بخسر كل حاجه بسبب قلقي و تفكيري الزايده اللي بيخليني بتجمد و مش بعرف اتصرف

عندي امتحان بكرة كالعادة الميدترم دايس علينا المفروض المادة ديه محاضراتها فيها رغي كتيييير جدا و انا مش بعرف احفظ و لسة في اول محاضرة المفروض الامتحان داخل فيه 6 محاضرات وبجد كل شوية امسك الموبايل و مش قادره اذاكر خالص ادعولي بجد يا جماعة

يمكن دي لاول مرة هتكلم عن مشكلتي بجد وهي ان انا ديما بحارب لوحدي في اي حاجة مفيش حد بيقف جمبي او يساعدني او حتي يشجعني بكلمة حلوة وتديني امل جربت اكتر من مرة ان ادور علي صحاب جديدة تكون نفس الدماغ وتفهمني لكن كل مرة بتبقي نفس النتيجة وهي ان بنيجي عند نقطة معينة وبنختلف لاني ببقي مستني كتير منهم ولكن برجع بخيبة امل حتي الحب فشلت فيه مفتكرش في مرة ان في واحدة اتعلقت بيا ولما جيت اخطب خطبت واحدة مكنتش شبهي واضطريت اسيبها الاهل مبيسندوش وانا اترميت في وش المدفع لوحدي ديما قلبي مكسور وخايف وقلقان وبحس ان الوقت بيجري وعمري بيضيع في خيبة الامل والزعل وكل ده بيأثر علي تركيزي واني عايز انجح وابقي متقدم ديما

عادي جدا امبارح كنت بعيط بالليل وبدعي ربنا ياخدني وارتاح بقى لاني تعبت جدا بجد وزهقت ويئست من كل حاجة والنهاردة نازلة شغلي وبضحك مع كل الناس يمكن ضحك مبالغ فيه كمان انا كدة ابتديت اقلق فعلا 😅

في صيف ٢٠١٢ نزلت الشارع عند عصام الحلاق ابو حبايه في وشه وقولت اما اتغلب علي الرهاب الاجتماعي روحت ماسك الحبايه الي في وش عم عصام ورحت حطيتها في الشاي بلبن بتاعه بعدها اكلتها للواد الي جمبي عم عصام اتضايق قولتله مفيش منه يا عصام انا بعالج الرهاب قالي طب ما كنت اقول بعدها نزلنا الشارع ركبنا توكتوك بيروح كوكب المريخ عند ميدان قطايف روحت لاقيت علي ربيع قومت خدت مكنه الحلاقه بتاعه عم عصام ومطير شعر علي ربيع قام جايبلي الفنان اشرف عبد الباقي عشان يتخانق معايا قالي ليه يبني عملت كده الواد بقي اقرع قولتله بعالج الرهاب الاحتراري قالي طب انا هضربك روحت خاطف الفنان ونزلت اشتريت اندومي من عم ثروت ودخلت نمت

مش عارف اعمل ايه واحكي لمين بجد حاسس بقلق شديد من المستقبل كله معرفش اعمل ايه معنديش شغف للحياة عندي مشكلة كبيرة اوي في حياتي او ابتلاء في مستقبلي و حلمي ومش عارف اتجاوز الامر الحل ايه ؟ يعني اعمل ايه بجد اكمل حياتي ازاي

مرحبا، كيف يكون حالك ادا عرفت انو شريك حياتك حابب يعيش كل يوم بيومه و ماعاطي هم للمستقبل ، يحكي انه قلقان و حابب نكونو مستقبل و مشروع لاىق لكن لا يقوم بمجهود من ناحية الاقتصاد يعني كل يوم لازمه مصروف القهوة والسجائر اللتي يدخنها بكمية كبيرة

لسة عندي بكرة بردو امتحان و ما فتحتش المادة و تعبانة اوي نفسيا و حاسة ان قلبي واجعني اللي هو عدم راحة مش تعب بجد و مش قادره خايفة اوي عايزة حد يحضني للاسف خاسة اني رجعت تاني لمراحل من الاكتىاب كنت فيها و بردو مش قادره اعمل حاجة و بقيت مش قادره اسرح شعري او اعمل السكين كير تاني اه علي الانطفاء و التعب ده يارب مش قادره اذاكر ولا اعمل اي حاجة ولا قادره اتحرك من السرير هحاول انام و ان شاء الله اقدر افتح المادة بكرة و اخلصها ادعولي

انا مش عارفة مالي باخد ادوية نفسية مأثرة على اعصابي ونفسيتي وعاملة ليا قلق وضغط فوق اللي اولريدي عندي ومش قادرة اقعد ٥ دقايق هادية على بعض لو هديت هحس بعدم راحة اسمها حالة تململ الامتحانات بعد يومين ومش قادرة اذاكر عندي مشكلة مؤرقاني زي ان فيه شخص بتدرب معاها وبسببها حصلت مشكلة وخسارة ليا ووجودها عامل ليا ازمة وضغط نفسي وللاسف دفعت الفلوس وهي مش راضية ترجعلي الفلوس فمش عارفة اسيب الفلوس وربنا يجيبلي حقي او اكمل واتحمل الخساير والضغط النفسي معاها وخايفة على اخويا هو في ٣ ثانوي وكل حاجة مخوفاني وقلقاني خايفة وقلقانة على اهلي ودراستي ومستقبلي والوقت اللي بيضيع مهما حاولت ابطل قلق مش عارفة ابطل حتى الصلاة بقت تقيلة عليا جدا وبسيب فروض كتير ادعولي ابقى احسن في اسرع وقت ارجوكم وانصحوني

انا عندي رهاب مسرح و المشكله اني مطلوب من برزنتيشن في الكليه قبل كدا لما قدمت برزنتيشن سبت القاعه و مشيت و كنت بتنفض من الخضه دلوقتي دا عليه درجات و مش عارفه اعمل اي انا اجتماعية جدا بس غصب عني بخاف ان يبقا العين عليا كتير

النهارده الصبح كنت ف البنك بعمل ايداع لمبلغ هو مش مبلغ كبير بس رقم يعني المهم وانا بعمل الإيداع الatm سحبت جزء من المبلغ لاني كنت مجزء المبلغ علي دفعات ف اول حزء٦اتسحب ف المكنه وطلعلي فاتوره ان المبلغ ف الفيزا خلاص لكن مسمعش عندي لحد الآن من عشره الصبح عملت مشكله وقتها ف البنك وعملت شكوي وقالولي كلم خدمه العملاء كلمتهم مره حكيتلو المشكله كلها ومافدنيش باي حاجه غير انو قالي نواصل معانا تاني بعد كام ساعه أتصلت تاني من شويه وبعد وقت طويل رد ونفس الكلام بس اللي أتغير ان ده كان بيقولي أتأكد بياناتك طب إزاي 😂 انا قولت كل حاجه انت طالبها بالظبط ولا اكتر ولا اقل واكدت معاه ووضحت اخر معامله بالضبط وف الاخر قال نواصل معانا تاني بعد اكتر من ربع ساعات و الفلوس مرجعتش مش عارف انا كده ربنا يعوض عليا ولا المبلغ هيرجع لان والله اروح اولع ف البنك دي فلوس ناس وتعبان فيها انا اول مره اتحط ف الموقف ده

حاليا بعيد عن اى تعب تانى فى تعب حاليا انا مش عارفه المفروض اعمل اى بعد ادويه3سنين لعلاج الاكتئاب وبرضو متعالجتش بنسبه كبيره حاليا كشفت مخ واعصاب وقالى صداع توترى وفكى بايظ من كتر التوتر والضغط والاجهاد والمفروض اهدى اعصابى وادانى تعليمات علشان فكى ميقفش علشان مدخلش ف جراحه انا محتاجه حاجه تهدينى واعرف ازاى اتعامل مع التوتر والقلق

مباشرة لصلب الموضوع....وش الحلول العملية للتخلص من هوس المثالية، نتخيل امور بطريقة واو واذا ما صدقتش نتقلق ونزعف ونخلطها، والمشكل اني ادرك ذلك ف نسحق حاجة علمية كثر..شغل جدول نمشي عليه او شي كذا

عمري 23 نقرى في جامعة جامي كانت عندي علاقة ولا خرجت مع وحدة من طلعت لي ليسي و انا مركز غير مع قراية مي عامين بديت نسيي ندير مدامة و ما صلح لي والو في لول كنت نقول كيما جديد و ما عنديش خبرة و مع وقت تتريقل مي درك بديت نتوسوس زعما انا عندي مشكلة ولا عيب علميا أني طويل القامة و ملامح وجهي حسنة اسكو كاين لي مر بمرحلة هكذا في حياته و بواش تنصحوني

ادعولي يا جماعة عندي امتحان كمان ساعة و لسة مش عارفة حاجة يعتبر و نفسبتي بجد مش كويسة خالص و شكرا للناس اللي قعدوا ياكلموا معايا امبارح و شكرا للي تنحوا عليا بردو انا مش ببرر لكن انتوا مش عارفين الواحد بيمر بإيه او حاسس بإيه انا عارفة اني غلط بس بجد بحاول اكون كويسة و اكون احسن و ارجع تاني حتي و انا بعمل حاجة غلط وانا عارفة حتي بحاول ادعي و اصلي زيادة او اقرأ قرآن بس مش دايما بقدر بجد بقيت مش قادره اعمل اي حاجة ولا مذاكرة ولا ارجع تاني اقرب لربنا ولا اخشع في الصلاة و بيتم استغلالي وانا عارفة سواء من الناس او نفسي انا بستغل نفسي و بستنزف نفسي و ببوظ نفسي بس ان شاء الله هرجع

عايزه حد يساعدني ان يكلمه و يشوف لو ناوي يخطب او نساني او حاجة ، بيحب مين وكده ، بطريقة مخفية كده عشان بجد هموت من التفكير و خايفة اوي من الحوار ده انه يروح يخطب و ينساني كده عادي و انا اصلا مش قادرة اتخيله مع غيري والله ممكن اموت فيها 😣

عرفت واحد من شهرين بس هو كان عارفني من زمان اوي وانا مكنتش اعرفو وبعدين لقيتو بدأ يلمح انو معجب بيا وانا كمان كنت معجبه بيه ف فمره اتخانقنا عشان اغنيه نزلتها انستا كانت طالعه ترند ومكنتش اعرف انها هتضايقو كده ف مسحتها وفهمتو اني مكنتش عارفه انها هتضايقو وبعدين وهو بيكلمني قام نام وانا مش فاهمه حاجه ومستغربه اتضايق من ايه وهو سابني لدماغي وهو عارف اني عندي اوفر ثينكينج وبسبب كده مش بعرف انام وكنت م صدقت الفتره دي أن الأوفر ثينكينج خف شويه بس ساعت اليوم ده منمتش خالص ولما صحيت قالي انو لسه صاحي وفضل يصالحني بس قفلني منو عشان هو قالي قبل كده انو عمرو م هيسبني لدماغي خالص ولما شاف اني مش هتصالح بسهوله قالي انتي ليه شايفه الحياه كلها حواليكي انتي وبس قولتلو هو انا كده قام سكت قولتلو انا كنت حاطه احتماليه أننا ممكن نرتبط ف يوم من الأيام بس خلاص شلتها من دماغي قالي انتي مره تقولي انت اخويا ومره نبقا حلوين مع بعض ومره تقولي ممكن يبقا في بينا نصيب انتي عايزه ايه قولتلو انت دلوقتي بقيت اخويا الكبير اتقمص وقالي ماشي وسكت قولتلو احنا هنتكلم طبيعي بس انت هتبقا اخويا عادي عمال يقولي انا هروح بكره اشقط تلت بنات عجبني وبعدين قالي انا عايز اشوفك بكره هو ده طبيعي ولا ايه الي بيحصل ده

انا كنت عايشه برا مصر مع اهلي بعدين نزلت مصر عشان الجامعة مكنتش باهد مصروف وكان بابا هو المسؤول عن كل حاجه المهم لما نزلت خدت مصروف انا واختي و مش عارفه اديره خالص احنا بناخد ٢٢ الف سته للغرفه في السكن و اربعه لحمة وفراخ و سمك و سته مصروف كل واحده دا بابا بيبعت كل اسبوع اربعه الف للبروتينات و تلاته لينا و مش مكفينا خالص دا غير انه بخلص في نص الاسبوع و بابا يبعت الف مثلا كده على حسب كل اسبوع او روحنا لدكتور فناخذ فلوسه من بابا المهم لما بنجيب مياه و مناديل و بيض وزبادي و جبنه و توست بالف و الالفين التانين لينا بس بيضيعوا في حاجات تافه و البنات الي معانا بيكونوا جايبين كرتونه مايه وتكفيهم كتير اسبوعين مثلا و احنا اسبوع بالعافيه فمش عارفه النصروف الي قليل فعلا ولا احنا لي مش عارفين نديره ولا بنستهلك اكل اكتر فبنصرف عليه اكتر لان البنات بيجيبوا معانا من السوبر ماركت ولاقي الاكل مكمل معاهم كاير ومثلا مش كل يوم بيطبخوا بروتينات و ممكن ميعملوش غدا كمان ولا بيشربوا مايه كتير

انا زهقت ومبقتش عارفه انا زعلانه من نفسي ولا علي نفسي ولا من الناس الي وصلتني لكده. مش اول مره اتخنق كده بس اول مره احس اني تايهه ومش عارفه خلاص اعمل ايه وزهقت بجد، نفسي اشرب سجاير تاني ونفسي دماغي تسكت وتهدى شويه ومبقتش عارفه انا ممكن اعمل ايه يهدي بالي ولا يطفي النار الي جوايا دي .

حقيقي جوايا تعبان اووي ومش عارفه انا فين ولا بعمل ايه بس كل اللي انا عارفاه ان جوايا صراعات وخناقات مالهاش اخر وحاولت اكون كويسه بس فشلت عايزه اعيط اووي ومش عارفه اعمل كده بس متاكده اني لو عيطت هرتاح كتير النهارده وانا ف شغلي جالي بانك اتاك بجد حاله اتمني محدش يعيشها مكنتش شايفه قدامي غير شاشه سودا ومش قادره استوعب ايه اللي بيدور حواليا هي مش اول مره تجيلي ولما بتيجي مبيبقاش فيه قبلها مقدمات لا الحاله دي بتيجي ف اي وقت واي مكان ، وقتها بيكون صعبان عليا نفسي اوي وبحاول اهدي نفسي واسترخي بس بردو معرفتش اعمل ده جوايا كبت محتاج يخرج حتي لو حكيته انا بيني وبين نفس بس مش عارفه اتكلم ولا افهمني او افهم انا جوايا ايه وعايزه ايه مش عارفه اشرح ومعنديش طاقه اعمل أي حاجه فاقده الشغف ف كل حاجه واي حاجه❤️‍🩹

جمااعة لحظة ادراك انى فضلت اقول عايزة اخلف كتيير اخلف كتيير انا لو خلفت ولدين هيدخلوا الجيش😶😳 دة قمة الظلم وربنااا يعنى ابنى يقعد معايا 20 سنة وفجاة الاقيه رايح يتمرمط فى الجيش سنة 😓 ايه المرار دة بجد خدت صدمة متاخرة

مهم انا عندي مشكل اني راني موسوس وخايف في نفس وقت خطرش انا نخدم بعيد على دارنا و يما مريضة شوية وخويا صغير قبيح وبابا كيفو ويما مريضة شويا وهذي حاجة خلاتني منرقدش ليل بسبتها وديما موسوس كاش ما يصرالها

ازاي اقدر اتخلص من الخوف والقلق لانهم بيأثرو عليا صحيا جامد لما بقلق او بخاف من حاجة مبعرفش انام وبحس بحرقان في ايدي الشمال وبتبقي تقيلة وخصوصا ان الخوف والقلق ده دايم + ان دماغي ديما مبتسكتش وشغالة تفكير

عندي احساس رهيب اني عايزة ارتبط بأي واحد معرفش ليه يعني لو اي واحد كلمني دلوقتي ممكن اوافق عادي و ممكن بعدها اسيبه عادي لانه في الاغلب يا عنده فراغ عاطفي يا هيكون عايزني بهدف الشهوة بس و انا مش كده و مش هسمح لحد يتجاوز حدوده معايا بس انا مش عايزة ابقي كده مش عايزة يبقي بالنسبة ليا عادي اني اعرف ناس و ارميهم وقت ما ازهق يعني تقريبا لو اي حد قالي ابعتيلي هبعتله عادي حتي اللي كنت مرتبطة بيه بعتلي و مش عارفة اعمل ايه و انا عارفة اني لو رجعتله غالبا هستغله و انا مش عايزة كده و احلي حد في حياتي كنت اعرفه هو ممكن مش احلي حد في الشكل ولا حتي حاجات كتيرة بس انا شايفاه احسن حد و عايزة افضل معاه مع ان علاقتنا ديه مستحيل يكون اخرها جواز لكن بجد مش عارفة ابعد عنه ولا عارفة ابعد تفكيري عنه اكتشفت ان مشاعري اه فيها اعجاب و قوي بس مش دلوقتي الحب القوية لكن بحس معاه بالامان و الاحتواء و الراحة عايزاه معايا علي طول و عايزة اكون جنبه الفترة ديه لانه مضغوط و بيمر بظروف صعبة بس مش عارفة اعمل ايه لانه حتي مش قادر يرد علي حد حتي بيرد كل فترة يطمني بس انا محتاجاه جنبي الفترة ديه و عايزة اكون جنبه و عايزاه بردو يكون جنبي بس مش عايزة اكون بضغطه بجد ده اكتر حد مش عارفة اشيله من بالي و مش قادرة ابعد عنه ده غير اننا مختلفين انا شايفاه مختلف عن اي حد و هو كذلك

صباحكم طيب او ليلتكم سعيدة، الصراحة مدري هل الوقت يعتبر وقت استيقاظ او نوم، يوم امس كان يوم متعب جدا ليا حرفيا جدا جدا من التوتر والقلق كنت متعبة وانتظر لحظة انهاء التزاماتي حتى اروح انام، ولان اختي الصغيرة كانت مريضة ف ما نمت حتى الساعة 12 بالليل، الان كم الساعة يا جماعة؟ الرابعة إلّا ربع... وش نوضنيييييي! والمشكل مهوش اول مرة، كل مرة هك نكون عيانة بزاف ونسنا لحظة النوم بفارغ الصبر، انا نرقد برك نلقا روحي نضت على الثلاثة ولا الربعة امبعد يا اما نرقد يروحلي الفجر يا نبقا فاطنة ونخرب نهاري بالنوم جتى الظهر...وشنو الحل؟؟، علما اني نبعد الهاتف عليّ وما كان حتى قطرة ضوء في غرفتي، نشرب الماء جيدا حتى لا استيقظ بسببه...ما فهمت وين المشكلة

انا شايف انو بقا صعب الشخص يتعامل بحريه يعني مثلا انا لما بشوف بوست هنا وبفكر انصح حد بتخيل انو ممكن الشخص يعتمد كلامي ويعمل بيه طب ما يمكن الكلام الي هقولو ميتوافقش مع ظروفو ابقا كدا تحملت ذنبو؟ ف خلو بالكو

هقول اي حاجة مضايقاني بدون ترتيب لمجرد اني ا-vent او الاقي نصيحة وبحس براحة لما بكلم حد قلبي واجعني ومقبوض طول الوقت معرفش بسبب ال anti depressants وكورس الادوية ولا ايه عمالة اكوبس واهلوس بين النوم والصحيان باللي حصل اليوم من فشل في السواقة مع اني كويسة والله بس معرفش اليوم من كتر الزحمة والتعب كنت سيئة والحمدلله ان كان معايا مدرب كويس اخويا صعب ومش عايز يساعد نفسه ولا حد يساعده، في تالتة ثانوي ومراكم كتير ومش بيذاكر ومش عايز مدرسين برايفت يراجعوا ليه اللي فاضل وحاولت اكلمه بيرفضني ويزعق فيا وعايزة اساعده مش عارفة اكون اخت كبيرة لاخواتي وبعمل تصرفات محرجة وغبية زي ان حد بيكلمني عن اسعار بقول عادي، هل ده تصرف شخص كبير ٢٣ سنة؟ لا، حاسة اني لسه ١٥ من غبائي نفسي اتحسن، نفسي احس اني قد اي مسؤولية مش رامية كل حاجة عليهم حتى لو غص.ب عني دعيت ربنا كتير بس مش عارفة اتحسن حتى الصلاة بقطع فيها وبترك فروض انا ٢٣ مش فاضل كتير على التخرج وخايفة مش ييجلي تعيين وخايفة لو جالي تعيين افشل زي ما بفشل في كل حاجة او اي شغل تاني افشل فيه ومش فاضل كتير على مسؤوليات الشغل والفلوس والجواز خايفة افشل في كل ده انا اسفة لو المشكلة تافهة بس مفيش حد اكلمه

الرهاب الاجتماعي... شئ مقرف حرفيا و مانعني من حاجات كتير اوي الموضوع بقى صعب جدا مش عارفه اعيش على طبيعتي دايما فيك و دايما مستنيه رأي الناس فيا و في شخصيتي و كلامي من غيره بجد هكون مرتاحه جدااا

انا عايز اشتغل مع الكلية بس قلقان انه يأثر علي الدراسة خصوصا اني عايز اشتغل اوفلاين مش حابب الشغل الاونلاين وكمان مش لاقي شغل يكون 6 سعات مثلا علشان يبقي الي حد ما ميأثرش فعايز اعرف يعني عادي اشتغل مع الكلية خصوصا اني في حاسبات بس انا حاسس بإني لازم انزل اشتغل واحط فلوس في البيت مش مرتاح للقاعدة كدة

معنديش اي طاقه اذاكر انا انهارده جيت اذاكر معرفتش اخلص حتي حاجه واحده بعدها قعدت اضيع في وقت مش عارفه دا استهتار ولا اي حتي مش عارفه مالي بحس بخاف اقرب من الكتب من كتر المذاكره اللي راكمتها وعندي بعد بكرا امتحان علي ماده مفتحتهاش

بكرة رايح للدكتور وقلقان جدا بعد حوالي ٥ شهور من المعاناة النفسية والجسدية غالبا بكرة هيكون اليوم اللي هيحدد حياتي ونفسيتي نفسي اسمع اخبار حلوة واوقف العلاج اللي هلكني وانا لسه في شبابي رايح من ورا اهلي عشان كفاية عليهم اللي هم شالوه وكفاية عليهم نفسهم مع ان نفسي اخد حد معايا بس مانع نفسي ومش هرتاح لو حد جه معايا، ادعولي لاني فعلا محتاج لدعواتكوا

مساء الخير، دلوقتي فرح مديري في الشغل النهارده وانا بصراحة كنت نايم وراحت عليا نومة وكل الناس راحو إلا انا وانا شغلي كان ريموتلي خلصت شيفت ونمت ونسيت الفرح صحيت لاقيت كذا حد بيرن مش عارف اعمل ايه ولا اقول اية على الموبايلات انا واحد بس رديت عليه قولتلو انت عارف انا عايش لوحدي سباكة الشقة باظت وانا اصلا كنت نايم لاني خلصت الشغل وعاوز انام اعمل ايه؟

انا فاول سنه بدرس جغرافيا ومعرفش اغلب المنهج مراكمو والميد الاسبوع الجاي ده حد عندو طريقه الم بيها المنهج بجد الواحد نفسو يبطل مرقعه والله ونفسو البرنامج يبطل حوار ال١٥٠ كلمه محسسني اني بكتب برجراف

بكل بساطه انا مفتحتش كتاب من اول السنه وانا اصلا مأجل تلته ثانوي هخش تلت امتحانات بس فيزياء وكيمياء ورياضة وانا زي ما قولت مفتحتش كتاب وفاضل تلت شهور وعايز نصيحة في الوقت دا عشان متشلوحش

انا شاب ٢٠ سنة، بحب بنت فوق الحب الطبيعي و هي كمان نفس الكلام من سنة ونص، الحب حقيقي من الطرفين وفيه نضج واضح. المشكلة إن البنت من بيئة محافظة جداً، لو أهلها عرفوا بأي علاقة قبل الخطبة هخسرها للأبد و طبعا مش هينفع اقول لاهلي عشان اهلها هيعرفوا. هي دلوقتي في تالتة ثانوي وبعد مستخلص الهو بعد اربع شهور يعتبر أو اقل أهلها هيبدأوا يضغطوا عليها عشان تتجوز، و هي بالعافية اقنعتهم أنها مش هتتجوز الا بعد متخلص تالتة ثانوي. انا عارف إن الحل إني اخطبها رسمي و من اول يوم اعتراف و انا عندي استعداد اروح اخطبها. بس عندي عائق واحد رئيسي: مش شغال ومش عندي دخل و لسة هبدأ اكون نفسي من تحت الصفر يعتبر، يعني مش قادر اتقدملها، سبب إني مش شغال إن مهاراتي دلوقتي محدودة في سوق الشغل، يدوبك انجليش b1+. وأهلي بيرفضوا فكرة إني اشتغل قبل ما اخلص جامعة. و أن الجامعة ديه منهجها ضعيف جدا على اني التخرج منها و اعرف اشتغل في مجال الويب ديڤيلوبمنت كويس، بيدوا مادتين لغة بس، و التفاهم في المجال عارف ان py, java و من غير مشاريع مش هتلاقي و لو بقى هيبقى بطلوع الروح على مرتب تعبان جدا. عندي إمكانيات حقيقية لو استغلها، بس واقع في شلل بسبب الضغط النفسي من اهلي والبيئة السلبية في البيت و الخوف من ضياعها مني. انا عارف هعرف اوصلها اذاي و عامل خطة، بس انا محتاج بس ابدأ شغل عشان ابقى على اول الطريق هو شغلانة مرتكبها يبقى ١٠ آلاف مثلا. عشان بمصاريفي، محتاج على الاقل مرتب ب٧ آلاف جنيه، و في الاخر مش هيبقى معايا الف جنيه حتى احوشها من المرتب دة. فانا محتاج حاجة أعلى شوية شهرين تلاتة اجمع فلوس كورس و ابدأ على طول في طريقي لخطبتها أن شاء الله. فحد عندوا حل او نصيحة في حوار الشغل دة أو عندوا فرصة شغل تناسبني؟ اي حتة في القاهرة و الجيزة عادي. و زي ما انتوا شايفين وقتي ضيق جدا. و انا كل فترة ادخل في اكتئاب بسبب خوفي عليها و اني تخسرها و قلقي الدايما عليها عشان قافلين عشان ربنا ( أو بنحاول نقفل ) و بسبب ضغط اهلي سواء في الدراسة أو الكلام السلبي المبيخلصش أو كمية الخناقات البيتخانقوها معايا لاي سبب و التحمات البيتحكموها فيا اختصارا، بيعاملوني على اني عيل صغير و عبد عندهم و حتى بيزلوني بكل قرش بيتصرف و كل لقمة بطفحها و امي كذا مرة تتخانق معايا تقولي مش عاجبك امشي و غور في داهية و معرفش ايه، و انا ببقى عايز اعمل كدة بس معنديش مصدر دخل اعتمد عليه و بسبب قعدة البيت و انتوا عارفين قعدة البيت للرجالة بتقلب اذاي و انا شوفت اعلان التطبيق دة على الانستا، فدخلت عشمان اني الاقي حل او وسيلة اني ابدأ طريقي ليها. فأتمنى نصيحة في حل بجد و الدعاء ليا ان ربنا ييسر لي اموري و يجعلها من نصيبي أن شاء الله ❤️‍🩹 وأنا مش بدور على كلام عاطفي، بدور على حل عملي فعلاً في حوار الشغل.

يا شباب انا عندي حد بيدمن فيديةهات التاروت و انا متأكدانها بتعت السحره ولاكن معنديش دليلو عايز ابعد الحد دي عنها لأني بحبو جدا فحد يديني نصيحه يقولي اعمل ايه معاه علشانميدمنهاش زياده عن كدا

الميد تيرم بتاعي كمان أسبوع و مذاكرتش اي حاجه وعارف إن دا مش وقت صياح وشكوي سوو انا جاي اطلب حلول عمليه منكم اقترحو عليا techniques للمذاكره و الاهم تكون حلول مجربه ولها نتائج ملموسه طبعا

جماعه انا بقالي كتير بفكر اروح لثيرابست المشكله اني قلقان من حاجه واحده وهو اني مش عايز اشاركه كل تفاصيل حياتي خايف احكي من الاخر ممكن اللي راح قبل كده يشاركنا تجربته و يعرفنا بيحصل ايه في الجلسه

يا رجالة أنا راجل محترم وعيلتنا ناس محترمة ومحدش سمع صوتنا ولا عمرنا أذينا حد ودا مش تشكير بس دا فعلا والله النهار دا عرفت أن اختي كانت على علاقة مع شاب كان اتقدملها من فترة واحنا رفضناه لسوء سلوكه ولكنه بوساخته وندالته غواها وكلمها وفي كلام أنه قابلها والله أعلم اي اللي حصل وفرحها كمان أسبوع على حد ٱخر مش عارف اعمل اي ولا اتصرف ازاي أنا عقلي هيقف

يا جدعااان انا زهقت من الفزيا بس عندى شامل بكره ف بالله ادعولى ولو حد عندو نصيحه ليها اكون شاكر جدا ليه هى و الكميا والله و عندى مشكله تانيه ان اعلى شامل كنت جايب فى ٤٠ من ٥٠ ف الفزيا و كنت حاسس انى ذاكرت اوى و متوفقتش الحمد لله بس المشكله لاقيت اخطاء انا حليتها غلط نتيجه للتسرع و كنت عادى جدا اجيب فوق ال ٤٦ من ٥٠ فا لو حد معاه ملخصات فزيا ٣ث اكون شاكر خصوصا كهربيه ولو حد عندو حل لموضوع عدم التركيز ده يبقا ياريت

عارفين فيه احساس كده دايما يخليك تشك ف كل حاجه يعني انا مثلا حد قريب مني قالي جمل تفرحني وان انا وصلت لمرحله ف قلبه حلوة اوي وقالها فجأه والمفروض تبقا مبسوط لانه من شخصك المفضل فجأه انت تحس ان ممكن بيلعب عليك لعبه أو حاجه خايف لو فيه حاجه دايما حاسه اني عايزة اعيط من الخوف دايما الاحساس ده عندي فرحانه مثلا ببقا مستنيه المشكله ف اي وقت نفسي احس بفرحه كامله

بفكر اروح لدكتور نفسي في مستشفى حكومي قلقانه شويه من انهم ميفهمونيش كلمت قبل كدا تبع المجلس القومي للمرأه و الدكتوره الي كلمتني قالتلي كلام سخيف اوي بعد ما سمعتني و حسستني بشعور وحش ف خايفه من المسش

عندي سؤال فكره جت من العدم وطبعا سوداويه بتكبر في دماغك بتعصر عليها دماغك بتصدقها الدنيا بتتقفل في وشك بتنهار بتعيط نوبة هلع بذكر الله مش بقدر اتخطي الفكره بتعب نفسي بيضيق مبفقش بسهوله اعمل ايه عشان اهدي ومفكرش بالمنظر ده انا هموت في يوم والله بسبب الموضوع ده ده ممكن يتكرر معايا اكتر من مره في اليوم وانا معنديش رفاهيه طبيب نفسي انا بتعب اكتر

هل حد حصل معاه حاجه شبه كده؟ انا بنام واصحى الاقى فيه التهاب فى مكان مختلف مرة فى الاذن الوسطى مره مفاصل مرة ظهر مرة اسنان والموضوع بيتكرر بشكل غريب هل حد جرب ده او يعرف ده ايه فيه ناس بتقول حسد بس مش مقتنع

سؤال للبنات ويهمني اسمع رايكم هل فعلا البنت مش بتحب الراجل اللي يحطها رقم واحد في حياته وبتميل اكتر للراجل اللي حاطط شغله رقم واحد وهي رقم اتنين ولا الكلام ده غلط ؟؟ عشان سمعت الكلام ده كتير من صحابي متجوزين وكلهم قالوا واتفقوا مع أن البنت بتحب الراجل المشغول بشغله اكتر منها

ازاي اقعد علي المذاكره اكبر وقت ممكن ، عندي امتحانات و مش عايزه اذاكر كأني اللي هحط الامتحان المشكله بستخدم الفون لأن بسمع ريكورد المحاضره لاني مبعرفش اكتب ورا الدكاتره يعني يا اسمع واركز يا اكتب و الفحالتين لازم اروح البيت اسمع الريك تاني لاني بنسي الطريقه اللي اتقالت بيها المعلومه و الفهم نفسه ، بس حاليا المشكله الأكبر اني مش بقعد علي المذاكره وقت طويل والمقصود بالوقت الطويل ده مثلا اربع ساعات او تلاته من غير موبايل و اكمل تاني مش عارفه اعمل كده

السلام عليكم صباح الخير انا كنت طالع اشم شوية هوا المهم كان فيه ٣ حمامات بيسترزقوا من الارض فاتناولت حجر زلط صغير فشافونى وطاروا المهم واحدة منهم وقعت وهى معايا فى البيت اعمل ايه؟ اطبخها ودا صيد عادى ابيعها اسيبها تروح

يمكن الدنيا مش احسن حاجة بس اديها ماشية يعني تقريبا هو اه الدنيا ملغبطة و كله داخل في كله بس هتتحل؟ إن شاء الله يعني و يمكن برضو اني خايف من النتيجة و الامتحانات و خايف اجيب مجموع مش حلو بس إن شاء الله هتتحل و يمكن خايف من المستقبل بس اديها ماشية و هتتحل إن شاء الله

أنا عندي 28 سنه و اخر مره ارتبط فيها كانت من ست سنين طول المده دي مرتبطش و لا كان فيه حد مناسب بس انا دائما بفكر في الجواز و الارتباط و نفسي و اغلب اللي حواليا بيقول لي بطلي تفكري في الجواز اعمل ايه بجد عشان ابطل زي ما هما بيقولوا دائما نفسي بجد ارتبط و ألاقي حد مناسب ليا في كل حاجه بس بجد مش عارفه ابطل تفكير و لا اني اقول انه قدر زي ما بيتقال لي ممكن اعرف بجد بتعملوا ايه و لو فيه نصيحه اعمل ايه اصلا حسه اني بقيت مهووسة

فيه شخص ف حياتي بحبه جدا جدا يعني وهوا بيحبني اوي وشخص محترم وكده وبيحاول يعمل المستحيل عشان ابقا مبسوطه بس عارفين فيه احساس خوف كده أنه يبعد عني أو مثلا ميبقاش من نصيبي ف الاخر خايفه اوي من دي والله خايفه بجد ساعتها هتدمر مش هعرف احب حد تاني رايكم ايه هوا ناوي ييجي بااذن الله بس هوا عشان لسه صغير شويه ف سنه كده بااذن الله أو 9 شهور ويدخل البيت بس فاهمين خايفه يشوف واحده تانيه تاخده مني ممكن ده من تأثير كلام حواليا وخوف مش اكتر بس فعلا ساعتها هتدمر جامد اوي هوا عموما والدتي عارفه أن احنا بنتكلم وواثقه فيه عشان هوا محترم جدا وقد كلامه واتكلمو قبل كده

انا بقا خلوني عايش دايما في توتر حتي اني اتخذ قرار مهم في شغل باخده وانا خايف دايما خايف من ردود افعال الناس اللي حواليا حتي لو انا علي صح دايما عايش في توتر بقول حاضر ونعم حتي مينفعش اني اعتراض يعني في البيت كلهم عاوزين منك انك تتطاطي وتمشي الدنيا ويوم ما جيت افرح كسروني ومحدش سماء عليا

خليني أفضفض بموضوع تقيل علي قلبي اليومين دول سبق واتكلمت عنه بس من غير تفصيل حابة جدا اتكلم بتفاصيل وافرغ كل اللي جوايا اولا الموضوع هو رافضي لشخص بيحبني وانا بحبه تعرفوا رفضوه ليه ..عشان هو حد ناجح حد وصل للي عاوزه مابين أنا لسه هو وصل للي عاوزه اوصله انا.. النجاح اللي عنده هدفي تقدرو تقولو النقطة اللي جمعتنا خوفت اوي من شعور اني أفشل في الحقيقة انا بفشل كل يوم بس الفشل النهائي والحاسم لسه لسه عندي فرص اعوض بس لو فشلت في النهائي هاعمل اي وانا شايفة حلمي متمثل في شخص قريب مني شخص في حياتي كل اما اشوفه هاشوف حلمي معاه خوفت احقد او اغير خوفت ااذي خوفت من اني اكون معاه اصلا الحياة مخيفة مخيفة اوي اوي كمان اظن اني ىو فشلت وده احساسي معدش عندي ثقة في قدراتي .هاقدر اظبط الدنيا لوحدي هاقدر اعيش وسط الحياة اللي بقيت فاشلة فيها ممكن يكون كلامي تافه للبعض بس هي خواطر مش مترتبة بس كلام جوايا مليش الحق اني ابوح به برا هنا 👋

سلام بنات انا عندي 19سنة عندي امتحان شهادة بكالوريا بعد شهرين و مو جاهزة لأني طالبة حرة و لسا ما جهزت نفسي و تقدمت في دراستي من المفروض ان في عام 2024 اكون اخذتها و الان بعد عام اتخرج من الجامعة😟🥺انا متحسرة جدا

عندي مشكله في فرط التفكير في اي شئ حتي لو صغير واني لازم اجيب الحاجه لنهايتها وساعات بيوصل بيا الحال اني ممكن منامش لمجرد التفكير بس ومبحبش اخد ريسك خالص لازم اشوف ناس جربت السكه واعمل زيهم و ده مخليني اضيع من ايدي فرص كتير اه كله خير وبتاع ربنا بس الموضوع ده تاعبني جداً حقيقي وفي الفتره الاخيره بقي مأثر علي نفسيتي وشغلي كمان مخليني مش عارف اركز ولا اعمل اي حاجه

في بعض احيان تتسارع دقات قلبي وكانها اخر يوم لي اول شيء افكر فيه انو راه اموت واحس بضيق في صدر وعدم قدرة على تنفس ورعشة في كامل جسمي في بعض احيان وانا اصلي وانا اريد ان انام اصبحت اقل الان ولكن تاتي احيان واصبحت اهداء نفسي واقول راح تمر بسلام هذي مرة

بفكر اروح لدكتور نفسي في مستشفى حكومي قلقانه شويه من انهم ميفهمونيش علشان مريت بتجربة وحشه كلمت رقم قبل كدا تبع المجلس القومي للمرأه و الدكتوره الي كلمتني قالتلي كلام سخيف اوي بعد ما سمعتني و حسستني بشعور وحش ف خايفه من دكاترة المستشفى ممكن تشاركوا تجاربكم او تنصحوني اعمل ايه

والدي الله يرحمه كان صاحبي وحبيبي وانا الولد الاكبر فاخواتي وبياخدني معاه مشاويرة وشغلة والقهوة وكل حتهبس للاسف الام كانت الشخص السي فالموضوع من ضرب حزام وعصيان وسلوك وجزم وطلعت خواف او جبان انا مش عارف اي السبب انا بخاف جدا وبقلق وبيجيلي نغزة فصدري كده م قلق

مشكلتي معايا من الطفولة اني وحيد و بعاني من الوحدة دلوقتي وصلت اني بجد صعوبة ف التفاعل مع الناس و طريقة التعامل و ببقي قاعد وسطهم خايف و قلقان من اني اعمل اييي حاجة تخليهم يبعدوا عني ..تعبت

وهو الانسان هيعوز ايه من الحياة غير حياة هاديه ومستقره ربنا يكون راضى عنه يكون اسره كويسه حقيقى بتمنى كتير انى اكون ام صالحه لاولادى واعلمهم فى الدين ويلتزمو عارفه اعلم ولادى الشباب يكونو رجاله وبادب واخلاق مش الرجوله فى طوله السان او قله الادب واعلم بناتى يكونو ملتزمين يحافظو على نفسهم ولبسهم واحببهم فى النقاب ويلبسوه زي

مساء الخير انا شخص كبير كنت عايز نصيحتكم بقالي فتره بتفرج وبقراء عن فكره الاسقاط النجمي والاثير الكامل وفكره الجاثوم علشان بتحصلي والفكره بتزن في دماغي اني اتدرب علي فكره الاسقاط النجمي بس خايف وقلقان يحصلي حاجه من اللي بسمعه عن الحالات اللي بتجرب اللي بينجح واللي بيفشل وبيبقي ليها نتائج مش لطيفه انا شخص مش صغير داخل علي ٤٠ سنة مش طفل شبطان في حاجه

السلام عليكم انا كنت كاتبه امبارح اني انا طالبه ٣ث و يعاني من نوبات هلع و قلق و خوف شديد و ناس كتيره حق ربنا حاولوا يساعدوني بس نسيت اني اقول حاجه مهمه برده ان انا جالي فرط في النوم من كتر القلق و الخوف

جماعة حاسة انى بدات ادخل فى مرحلة وسواس مش عارفة دى وسوسة ولا عادى احساس بالقرف بس هى حاجات عادية بس اللى مقلقنى انى مكنتش كدة مبقتش اقدر اكل او اشرب من نفس الكوباية او المعلقة بعد حد نهائى وانا كنت عادى مع القريبين منى بس الوقتى مش بستحمل ايا كان الشخص اى كوباية او طبق اكل فيهم لاازم اغسلهم خمسين مرة الوضوء بعيده كتيير ويمكن دة سبب من اسباب تقل الصلاة على قلبى حتى السلام مبقتش احب اسلم على حد خالص حتى اهلى حساسية زاايدة جداا للروايح حتى روايح الاكل لو فيهاا تغيير بسيط عن اللى متعودة عليه بقرف مبحبش حد يبوظ اى ترتيب فى حاجة تخصنى وبردو من ناحية تانية اناا عادى فى حاجات كتيير بعديها ممكن اوضتى تكون مكركبة والحاجة مش فى مكانها بالايام وعادى هى حاجات معينة اللى بدقق فيها اووى ساعات بحاول اقاوح نفسى واطنش وخلاص بس بعدها برجع اسوا

انا حبيت واحد من مجرد يوم اتعرفنا علي بعض بصراحه حبيته جدا ف كل حاجة وهو قالي نفس الموضوع حبني وقعد قالي علي كل حاجة كان ييعملها وحكالي كل حاجة عنه وانا حبيته اكثر وف مره قالي تعال نتخيل حاجات وقعد يقول كلام عن علاقه الجن**سيه وانا بصراحه انجذبت بس مقدرش عشان عارفه انه حرام لاقيته اديق مني وقالي خلاص ننام وبرضو فضل يحاول يقنعني ان الحاجه بتزود الحب بيننا انا المشكلة اني اقتنعت وللاڛف حصلت مش مره بس كذا مره بس ففون المشكله دلوقتي لو اتاخر عليا بقعد افكر انه اكيد كان عايز كدا وهيسبني وبعدين لما بتكلم معه بيحاول كذا مره يطمني بس برضو خايفه حاسه ان مكنش ينفع اعمل كدا بقيت خايفه يسبني اعمل اي

مشكلتي كلها في حياتي سببها الشغل بشتغل call center في بنك بقالي سنة ونص و الشغلانة مستنزفاني بنسبة 100٪ لدرجة اني دلوقتي جالي نوبة قلق بسبب اني رايح الشغل عايز اسيبه و مش لاقي غيره و مش عارف اعمل ايه هل اسيبه و اقعد في البيت لحد ما الاقي غيره في مقابل صحتي و سلامتي النفسية؟ ولا افضل فيه و نفسيتي تفضل تتدمر اكتر بس في مقابل الفلوس لحد ما الاقي غيره مع العلم اني الحمدلله انا سني صغير 23

وانا صغيره كنت بتوتر جامد خصوصا وقت امتحاناتي بس حاولت اغير الموضوع ده وفعلا بقيت بحس اني واثقه اكتر وهاديه بس الفتره الاخيره دي رجعت أتوتر جامد ومن غير سبب واوقات بيجيلي خنقه وقلق كده مش مفهومين خالص ، مش فاهمه دي هرمونات ولا توتر امتحانات ولا انا مكنتش عالجت المشكله اصلا ولا اي ، بجد حاسه التوتر بياكل في روحي ومش عارفه اواجهه لوحدي ولا أحل المشكله

في معيد كان بيديني الترم اللي فات و دلوقتي اه بيدي بردو ماده باخدها هو كويس اوي وطيب اوي وبيساعدني لو في في اسأله مش فهماها ،بيبعت بيسلم عليا كل مثلا اسبوعين المشكله بدأت اقلق😂 يعني فالعادي انا اللي ببعت لو مش فاهمه حاجه فالسكشن بس هو بعت الشهر ده خمس مرات مثلا بيسلم ويسأل هو عايز اي مش فاهمه ولا ده عادي هو قالي قبل كده انت محترمه و عشان كده بساعدك بس حاسه الموضوع اوفر ولا ايه؟

السلام عليكم يا شباب اخباركم اى انا طالب فى أولى كليه الطب وعندى امتحان بكره وعندى ماده محاضراتها كبيره اوى وهما تلات محاضرات ومش عرف اعمل اى ومضغوط جدا حد عنده حل أن اقدر اخلصهم قبل الامتحان علشان دماغى هتفرقع حرفيا

السلام عليكم انا اول مره ليا اكتب حاجه هنا بس حسيت اني في مشكله كبيره و انا مش مستوعبه كاني في غيبوبه انا طالبه ٣ث و في أهم سنه ليه طبعا لأنها الي هدخلني الكليه الي انا عيزاها . بس المشكله في أن انا مش عارفه اركز فقد الشغف و في قلق و خوف و اضطراب نفسي لدرجه وصل بيا الحال أن يجيلي نوبات هلع بالرغم اني بصلي و مقربه من ربنا الحمدالله ... كنت عايزه حل لو حد يعرف .. يبقا ربنا يباركلك بجد .. ( انا خايفه أن ملقيش حد ذي أو الاقي علي الاقل حل )

السلام عليكم هو انا محتاج رائيكم في حاجه انا شغال مدرس دي ثاني سنه بحس ان النجاح بعيد واني هتعب عقبال ما اتشعر ويبقي عندي طلبة كتيررر سعات بقارن نفسي بالي حوليا بحس اني متاخر قووووي واني عمري ما هوصل ده طبيعي ؟؟

شخص كان متقدملي وقولتله أني رفضت شخص قبله لانه اتكلم مع بابا بطريقة مش محترمة .. المهم بعدها بابا قاله استني كام يوم ونرد عليك برأينا يعني ف عشان دخلة العيد و انشغلنا ال٣ ايام والوقفة بتوع العيد وانا كده كده كنت رفضاه وقابلة لبابا يبلغه بس قالي أنه هيبلغه بعد العيد عشان مينكدش عليه المهم امبارح لقيته منزل بوست بيقول فيه ( الرجالة خابت ولا ايه ولا الناس بتوع زمان موصلتش الجينات صح ولا ايه الدنيا) ف حسيت أنه بيستغل نقطة رفضي للعريس اللي قبله و كرر نفس الموقف ف بابا بعتله انهاردة كل شئ قسمة ونصيب و مردش خالص ولا نزل اي كلام من بعدها ده معناه ايه ؟؟!

هوا انا لي ببقي قبل منام بعيط. وا مش عارف لي. سعات بحس ان الناس الي غدرت بيك عشان حاجه ببقو مقيمين قيمتك اقل من الحاجت دي بكتير او لما تدي حد قيمه وا هوا اتعود علي ان الذل هوا الحب وا لو مذلتوش يتمادي عليك هل دا بجد

يا جدعاااااااااان مش قادر اتنفس من كتر الاكل وعايز انام ومش لاقى حل اعمل اية وكمان عايز اعمل اى حاجة ومش لاقى حاجة اعملها غير أنى ا شيت وعايز انام صدقونى

جماعه سوري و منغير تجريح و انا لسا صغير مش كبير باختصار أنا عندي مشكله مع النظافة الشخصيه و دا طبعا عاملي مشكله كبيره في البيت و برا البيت و مش عارف اتعامل خالص غير اني استحمى كل يوم او يمكن اكتر كمان ممكن حلول كامله و عمليه أنا اسف

عندي مشكلة بحس أن لازم وجود راجل في حياتي وللاسف حالات الارتباط اللي حوليا كتير والجوائز وكل ده ومع كل اللي بيحصل بيخليني عايزة يبقى ليا حد بس في نفس الوقت أنا بخاف لو الموضوع دخل جد أن لما افكر واقول طب ما انا لو كلمت حد والحوار دخل جد ويبقى جواز لا بترعب مش عشان حاجة بس فكرة الجواز بالنسبة لي مرعبة ومتعقدة منها ويمكن بسبب اهلي كارهة الجواز لأن اهلي علاقتهم مش احسن حاجه رغم أن سني صغير أنا داخلة على 22 سنة وليا صحاب اتحوزوا وخلفوا لكن أنا كفكرة جواز حلوة ولطيفة لكن من بعيد إنما أنا لو اتقدملي حد لا بخاف .. . . ظ ظ ظ

ورايا انترفيو مهمه جدا قريب اتمني ادعولي كتير بجد لانها خطوه مستنيها بقالي كتير وبجد توتر كبير اوي عشان هي خطوه كبيره في حياتي وبجد هتفرق معايا وكل ما اقرب بتوتر جدا

بقالي فتره بيجيلي نوبات قلق، خنقه في صدري وببكي كتير، لما بمسك الفون او اكلم حد من اصحابي بيجيلي خنقة ، حسه باستنزاف جامد، في نفس الوقت نفسي احس اني مش متوتره،. احس بامان واني مش لوحدي في الحياة ونفسي اعرف احب نفسي نفسي برضو مفكرش كتير وابطل احكم علي الناس ، دايما بفكر في الناس انهم وحشين عمري محسيت مع حد بامان، دايما بفكر كتير وببعد عنهم بسبب احساسي، ومش عارفه ايه الحل

الفترة دي أنا غالب عليا إحساس توتر وخوف من غير سبب واضح ومش قادرة أحدد مالي حتى الحاجات البسيطة بقيت تقيلة عليا وبحاول أقوم أعمل أي حاجة أو أذاكر بس مش بعرف أركز حاسة بتعب وإرهاق طول الوقت ومش فاهمة أتصرف إزاي ولا أخرج من الإحساس ده

عندي فرط في التفكير راح يدمرلي حياتي، انا انسان عادي قاري خاطيني دعاوي الشر علاقتي مع الناس جيدة وما عندي حتى مشكل، لكن التفكير الزائد و المفرط راح يدمرني، وليت متقدرش نرقد فليل نبقا نخمم مرات نخمم في احداث صراولي عندهم اكثر من 10 سنوات او اشياء بسيطة معندها حتى معنى، وكي نبقا نخمم نتقلق وننفاعل وكأنني راني فلحقيقة وهي غير على جال التفكير المفرط. لي عندو نفس المشكل ويقدر يعاونا يتفضل لأنه اصبح لا اطيق الامر ووليت مقلق بزاف وشكرا

أنا خطيبي كويس جدًا، هو في آداب وأنا في علاج طبيعي في الأول كنت مقتنعة جدًا والموضوع ده مكنش فارق معايا خالص لما اتقدم كذا حد قالي بلاش توافقي وهيجيلك دكتور وكدا ولما كان حد بيقولي كدا كنت بتخانق معاه بجد بس دلوقتي لما حد من صحابي يتخطب لدكتور وكدا بضايق أوي وبقارن نفسي غصب عني وبقول ليه وافقت على حد في اختلاف بينا في المستوى التعليمي مع إنه كويس بجد وبيعاملني كويس لدرجة إني مرة مكنتش عايزة أروح خطوبة واحدة صاحبتي عشان كنت عارفة إني لو روحت هضايق ومش هبقى مبسوطة أعمل إيه عشان أبطل التفكير دا أنا الموضوع دا مضايقني أوي

"حد بيفهم medical microbiology؟ أنا بذاكر وبفهم الشرح بس لما أجي أحل بتلغبط جدًا، خصوصًا في الميد والفاينال قربوا ومش عارفة أطبّق المعلومات. حد عنده طريقة أو نصيحة تساعدني؟ 😭"

وحشة اوي لما بنكون يومنا طويل و قابلنا فيه ناس كتير و ضحكنا و هزرنا و نيجي ف اخر اليوم نبقى قاعدين لواحدنا حتى مهما كنا نعرف ناس بترسى ف الاخر اننا بنبقى لواحدنا بردو بحسها حاجة مقلقة اوي كل الناس الي بندور على رضاهم و نفرحهم وفالاخر هنبقى لوحدنا

هو لو بحب حد من طرف واحد اعمل اي للعلم احنا مع بعض في السيشينات هي متعرفش عني حاجة يمكن مفيش في دماغها حاجة خالص من نحيتي ولا بتفكر فيا اصلاً😅 المهم مش عارف اعمل اي ومش هقدر اعترف خالص خالصص لأني مش جرئ للدرجة دي وفي نفس الوقت عايز اقولها ها بقاا

•كل ما قعدت فى البيت اكثر كل ما رغبتك فى الخروج تقل ومع مرور الوقت كل حاجه بتبقى اتقل 👌 انت فاكر انك بترتاح بس فى الحقيقه انت بتسحب الحياه من نفسك دماغك بتبقى أبطئ واتقل صوت افكارك بيعلى والدافع يختفى 🙂 على فكره ده مش كسل دى حاجه اعمق من كده بكتير علماء النفس بيسموه الاشترار الذهنى لما دماغك بتفضل تلف وتدور محبوسه فى الماضى وقلقانه من المستقبل ومش عاجبها الحاضر 🤷 حتى مشوار صغير بيحسسك انك طالع جبل انت عايز ترتاح وده حقيقى بس الراحه بطلت تشفيك خلى بالك ان كل ما تطول جوه الدايره دى كسرها بيبقى أصعب بس الحقيقه انت مش محتاج تحس انك احسن عشان تخرج بره البيت انت محتاج تخرج بره البيت عشان تحس انك احسن اطلع للنور حس بالهوا خلى جسمك يتحرك حتى لو دماغك بتقاوم عشان الوقفه الطويله دى هى إلى بتخليك تقع فى الفخ ويبقى صعب انك تطلع منه 😌

عايزة أسأل عن حاجة انهاردة كنت مع اهلي بنزور تيتا الله يرحمها واختي كانت كويسة مفيهاش حاجة خالص وفضلنا قاعدين حبة وفجاة دخلت واحدة قريبة ماما اول ما جت لسه رايحين نسلم سمعنا صوت كان حاجة وقعت لقينا اختي اغمي عليها بنفس وضعية الوقوف ورياكشن وشها يعني وقعت واقفة من غير ما دوخ ولا حاجة و وشها ازرق واتشنجت فدا اي لو سبب علمي طب نكشفلها اي بس هو بجد دا محصلش غ لما طنط دي دخلت وهي بقت كويسة بعدها

مش فاهم مالي النهارده كل ما انام احس اني متكتف خالص (مش جاثوم) ومقدرش احرك غير صوابع رجلي وايدي بس حلمت فوق ال ٢٠ حلم وكل شوية اقوم واصحى اتنفض حد عنده تفسير دا ايه ؟

كنت معجبه بولد معايا ف المدرسه فضلت معجبه بيه الترم الاول كامل وهو ميعرفش اول يوم ف الترم التاني اتفاجئت انه عرف!! بدأ يبصلي كتير نظرات غريبه حسيت انها نظرات سخريه رغم اني مش قبيحه يعني ولا شكلي غريب عشان يتريق على اعجابي بيه وصحابو كل لما يشوفوني بيفضلو يبصولي ويقولوا اسمه قدامي ويقعدو يتكلمو ويبصولي انا مش فاهمه ليه انا حتى مكلمتوش ولا قولتلو نتصاحب او كنت هقول لاني مش بصاحب اصلا ليه بيبصلي كده وهو مجرد اعجاب يعني وخصوصا ان الولد نوعا ما مشهور ف المدرسه وفيه بنات كتير معجبه بيه ودخلو كلموه ورفضهم ليه جيه عندي انا يعني ويبصلي البصات دي ويخلي صحابه يعملو كده اتمنى اللي عنده رد يقولي عشان انا مدايقه وخايفه اروح المدرسه وامتحانات الشهور قربت

هحكي الكلام على طول انا بعتله على الواتساب شايف كل ماسجاتي وكل اتصالاتي ومبرودش عليه 😭 انت كنت واعدني انك راجل ومش هقول كلام تاني بقى وابوه فاتح واتسه دلوقتي ورد عليه مكانه وقالي انه ابوه ف انا قولتله شكلي طلبت رقم غلط بعتذر لحضرتك كاني مكنتش بكلمه هوه وكنت ببعت لرقم تاني اللي انا قولته ده صح ولا غلط وابوه فهم ايه دلوقتي من ماسجاتي اللي بعتها وانا بقوله شايف كل ماسجاتي وكل اتصالاتي ومبرودش عليه وانت كنت واعدني انك راجل ومش هقول كلام تاني بقى انا خايفه اوي ومش عارفه هوه فهم ايه ومش عارفه كلامي ده اتفهم ازاي والكلام اللي انا قولتله في الاخر عشان اقفل الكلام ده ايه لما قولتله شكلي طلبت رقم غلط بعتذر لحضرتك

من يومين حد باعتلي رسالة قالي حاسس اني هموت سامحيني وقبلها اصلا بنص ساعه كنا بنحكي وكله تمام، المهم بعت الرسالة وقفل وانا اتصلت عليه عشان اتطمن قالي مش قادر اتكام فقولت يمكن تعبان ومخنوق شويه فخليته ومضغطتش عليه بس معرفتش انام وفضل بالي عنده ومشغوله عليه وقلقانه مش عشان خايفه قد ما قلقانه على وضعه وشايله همه ومش هاين عليا اشوفه مهموم او متضايق ولا قدرت افطر وفضلت اقلقانه عليه لحد ماقدرت اكلمه واتطمن عليه وهو شاف اني افورت والموضوع بسيط ومكنش يستاهل كل القلق دا، في المقابل فيه واحدة تانيه في حياته لما كلمتها عشان اسألها عنه لقيتها نايمه اصلا وبكل برود بتقولي اه باعتلي نفس الرساله بس انا معنديش نت ومعييش رصيد اكلمه واللي هما المفروض في علاقه حب اصلا ولما قولتله اني اتصلت عليها وحكتله ردة فعلها قالي شوفتي الفرق بقا شوفتي العقل وانا بكلمه هي بعتتلي رسالة قالتلي هو بخير ومعاه مكالمه تانيه فقولتله قالي شوفتي هي شافت الرسالة وبعتت قالت مالك ونامت وصحيت وفطرت وبعد كدا فكرت تسأل ف بقوله هو البرود دا طبيعي قالي هو دا الصح قولتله دا مسموش حب انا الحب اللي اعرفه ان قلبي يفضل قلقان عاللي بيحبه طول ماهو بعيد عن عينه، الحب اللي اعرفه انه الشخص اللي بحبه لو مهموم القلب يشيل همه اكتر منه الفرحة متكملش غير بفرحة الشخص اللي بيحبه بيكون هو الاولى قبل روحه اصلا، فرحته مرتبطه بفرحة الشخص اللي بيحبه

بقالي شهور بحاول أقنع نفسي بالوضع اللي انا فيه وأن ده اختيار ربنا ودعوتي أنا كمان لحد ما ييجي حته حلم يهد كل ده فوق دماغي ، عارفه أنه مجرد حلم وغالبا هيكون تخريف من دماغي وخلاص بس خايفه برضو وحسيت شعور تقيل هواجهه كده كده في المستقبل لي أحلم بيه هو بالذات ولي دلوقتي ، بجد ليه ربنا يشفيه ويبقي كويس يارب ، ادعوله لوسمحتم 😭

اسوء احساس بتحسه هو الخنقه الي بتجيلك بعد ما تعمل حاجه غلط و انت عارف انها غلط بس وقت ما عملتها كنت حاسس انك مغيب و مفكرتش حتى قبل ما تعملها و بعديها تستوعب قد ايه انت مقصر في حق نفسك و في نفس لحظة الادراك دي تحس قد ايه انت بعدت عن ربنا و بقيت شخص تاني احساس الخنقه الي بتجيلك و تخليك مش عارف تاخد نفيك و خايف و قلقان طول الوقت و قد ايه تحس انك مشتاق لأيام ما راحة البال كان الطبيعي و مفيش اي هموم !!

انا بفكر كتير جدا جدا جدا دابيما دماغي شغالة ومش بعرف اوقفها مش شرط تبقا بتفكر ف حاجة سلبية بس دايما بتفكر سواء ف بنت او الدراسة او ف الحياة ..مش عارف دي مشكلة ولا لا بس بقول كدا عشان دماغي قالتلي اعمل كدا ..يمكن لما اسمع كلامها ابطل تفكير

السلام عليكم ورحمة الله وبركاته انا نور🤍 من سنة تقريبا بدات ألاحظ تاثير تربية اهلى عليا وعلى اخواتي وحسيت ان الموضوع شاغلنى جدا خصوصا ان تقریبا شبه مستحيل ان حد فينا يقدر يتكلم مع مختص او دكتور على الاقل دلوقتى و مش حابة التاثير السلبى دة يتنقل لاخواتي لان لو انا ربنا كرمنى وقدرت افهم واصلح من نفسي مضمنش ان اخواتى يقدروا يعملوا دة خصوصا ان البيئة اللى احنا فيها مش احسن حاجة هكمل في كومنت

أنا بشتغل مدرسة وبعاني من ال perfectionism وده بيسببلي على طول توتر وقلق وإرهاق على طول خايفة وبفكر كتير جداً، غير كده بحس بملل، وأي موقف بسيط ممكن يخليني أعيط ويبوظ مودي الچيم كان الملاذ بيقلل التفكير شوية لكن حالياً موقفة علشان رمضان وهرجع بعد العيد ، كمان الذكريات بتتعبني جداً لما بفكر فيها وازاي ناس ممكن تتغير سواء غيره أو تتصدم من الناس أو الفراق .. حاسة اني وصفت مشاعر كتير عشوائية بحس بيها بشكل يومي..🥀

عندي وحدة من عائلتي واقفة على الطلاق مع زوجها،السبب انو بعد 5 اطفال قررت تعمل هو محبش وهي تخون فيه و معاطياتهش حقوقه و ممربياش ولادها مع العلم دراهمو كامل عندها يعني مامخصصها من حتى شي يقدر عليه طلب منها فقط تبقى في الدار و تربي اطفالها و لكن هي فضلت العمل و الشارع على عائلتها و الان تريد الطلاق منه مع العلم هو حاب يصلح زواجه ولكن دار خطأ كي ضربها و الان اشتكت بيه المشكل انها تعمل عمل براتب بسيييط جدا لا تستطيع ان تعيش به و اولادها 5 كما انها دارت مشاكل كبار مع عائلتها و دابزت مع اخوها و اختها الوحيدين و باقي افراد العائلة فقط لانهم قالولها خمي قبل ما تطلقي و عطيه فرصة كما انها قررت ان تسمح في اولادها فقط للعمل و كاين تاني موقف كنت نحكي مع ابنتها عمرها 12 سنة فقط! و عندها حبيبها عندو 22 سنة و قاتلي "ماما علابالها و هي كانت تقولي متقوليش لجداك و ماتبيعيش" و كي هدرت معها اختها قالت لها صغيرة و حابة تعيش حياتها. كما قالت انو لوكان يقرب ليا (على زوجها)نقت..ل روحي و اطفالي و العديد من المواقف و الان اخاطبكم ما العمل معها مع العلم جربنا الصلح و جاو افراد من عائلته و عائلتها و مازالت في قرارها

ماذا عن حب من طرف واحد ؟ حب شخص غامض لا يتكلم كثيرا ! لا يتكلم مع البنات، لكنه يتكلم معي لكن في مواضيع دراسة فقط، لم يبقى الا القليل و تنتهي الجامعة و لن نلتقي مجددا!! هل من حل؟ ادعو الله كثيرا فأنا أريده حلالا و اعلم ان الله لن يخيبني ، لكن فقط أريد أن يطمئن قلبي

انا والدتي عاملت عملية في مناخيرها وبقالي زي اربع خمس ايام كده بساعدها في البيت ولو مساعدتهاش فس الاكب والدوا وتنضيف البيت ياهتقوم هي تعمل دا ياام هتقول لاسراء واسراء هتعصبها وفي كل الحالتين امي هتتاثر والعمليه ممكن تبوظ مفيش غير ندى اختي وبتعمل كويس يعني بتتعب وانا كذلك بس هي بتروح الشغل وكمان في اخواتي الصغيريز لو انا مكنتش معاهم هيتعبوا برضو امي بس انا في تالته ثانوي وفاضل شهرين وشوية علي الامتحان ومراكم كتير اوي وكمان مش عارف اذاكر بسبب الشغل ولما ببطل شغل الشغل يخلص يعني بيجي لها ضيوف فهي قاعده في اوضتي والدنيا زحمه عندنا وبرضو مش بعرف اذاكر بس كده بعطل نفسي واختمال كبير اخيش ومجبش مجموع في تالته ثانوي للاسف فضميري بيأنبني اني بسيب المذاكره واساعدهم والب هو لو فرحتها بالنتيجه هيكون افضل ولو محصلش هتعبها برضو ولو بقا معملتش بدلها كل الي قولتله دا هيحصل وبرضو ضميري هيأنببني

عمري 19 كيما سبق وقلتلكم ،العام لي قبل لي فات2024 جبت الباك تاعي ب 13 ،مع العلم كنت خباشة وكنت قادرة نديه 18 لكن مقريتش والدار لي عايشة فيها ،تاع الصح معمرة أمراض نفسية مكنتش نقدر نقرا ،الحس والعياط طول في الدار ، و مكانش تشجيع ،كنت تاعبة نفسيا لواحد الدرجة تاع الصح كبيرة ، طلعت درت هندسة في ولاية غير ولايتي غير باه نبعد على الدار ونرتاح شوي ، طلعت مع صاحبتي لي كنت حاسباتها اكتر من اختي ، بعد كي طلعت معاها صرات بروبرلم ونفارقنا ؤ بقيت وحدي فولاية جديدة ما نعرف والو ، و العيلة تاعي ماهيش قابلة اني نطلع نقرا ،خلاوني مقرا بسيف ، مهم بدا العام الدراسي ، رحت اليومين الأولى للفاك ، وبعد وليت منروحش ،وليت غير نقعد فلإقامة ، نلعب ولا نكونكتي ونرقد ، نروح كل شهر نقعد يومين فدار وبعد نرجع للإقتمة ،عام كامل فات عليا ونا في الشومبرا تاع الاقامة وحرفيا ما درت والو يصلح ، تعبت نفسيا لأبعد درجة ،وليت كي نخرج كنعرفش نحكي مع الناس ووليت انطوائية لأبعد حد ، تم العام وباينة بلي مطلعتش العام تاع لافاك ، رجعت للدار و الهدرة تاع بابا والرخس لي ديتو وياسر حاجات منحبش نذكرهم ، مع انو كان مش موفىيلي والو الف مايمدهاليش ، صراحة حتى و مطلعتش العام محكمنيش تأنيي ضمير ، قعدت في الدار وقررت نعاود الباك العام هذا باه ندي 18 ونوصل للحلم تاعي و هو ذكاء اصطناعي ، قريت المرة الأولى ب حماس ،كنت متحمسة بعدا فشلت ، حابة نقرا ليكور في الميكانيك ، قلت لبابا قلي منمدش ، ني غير قاعدة فنقطة وحايرة وش لازم ندير ، في الوقت الحالي ملنيش نقرا ومانيش نرقد وماني ندير في والو ، برك نخمم في المستقبل وخايفة ، خايفة من كلش حرفيا ، من روحي ، من عيلتي ، من قراراتي ،مني .

عندي سؤال فضولي وعايز اعرف اجابته دلوقتي انا متوسط الحال وبحب دايما اجيب الحاجه المتوسطة يعني مثلا تليفون كويس بس مش غالي وعربيتي متواضعة موديل قديم بس حالتها كويسة ومتعايش معاها وفي بالي ان حتي لو بقيت غني مش هصرف ببزخ واجيب مثلا ايفون ١٧ او هجيب عربية مرسيدس كل سنه لا انا بحب الحاجه البسيطه يعني اجيب تليفون ب ١٠ الاف مثلا كويس وحلو وهيمشيني وعربية ب ٢٠٠ الف بدل ٢ مليون ....سؤالي هنا هل فعلا لو اتغنيت وجهه نظري هتتغير ناحيه الحاجات دي؟ وهصرف ساعتها ببزخ؟ وهل اللي بفكر فيه ده بخل ؟

عندي مشكلة وهي اني بذاكر في الصيام بس مش بنجز حاجات كتير وبعد الفطار حرفيا بنام واصحي علي السحور غيبوبة نوم ومفروض اخلص كل اللي ورايا من حل ومراجعة قبل العيد المهم اني خططت بعد الفطار انزل اذاكر برا بس في عاصفة والجو من امبارح اصلا مش كويس فانا اعمل اي في همي الاسود ده بجد يعني حاجة فضوية علي الاخر 😭😭😭😭😭

انا في تالته ثانوي وانا شاطر واهلي عارفين كده وبذات اني قاعد 24 ساعه في اوضتي وهما فاكريني بذاكر بس الحقيقه اني مش عارف افتح كتاب حرفيا أقسم بالله كنت بادء السنه كويس جدًا وكنت بذاكر بس حاليا مش عارف افتح بس الكتاب كل حاجة تقيله على قلبي حتى الدروس حتى المدرسين نفسهم بقو يبصولي بصة اللي هوا انت اي وصلك ل كده بصه لوحدها بتقتلني حاسس بحاجه تقيله كاتمه على نفسي مخلياني مش عارف اتحرك

انا خايفه لان معنديش حسن ظن و يقين كبير . الحمدلله بعمل العبادات و بحاول اتدبر القران و استغل وقتي فالمفيد بس بسبب تفكيري السلبي و قلقي خايفه بجد مني علنفسي و من الشيطان علنفسي لان ممكن ابقا فرصه سهله له لاي شر. بحس ربنا هيستجبلي ازاي وانا قلبي بايظ كدا و علقي مشتت عارفين علميا انا بحاول بس عمليا انا من جوا مش عارفه اكون كويسه نفسي ايماني يزيد و اطمئن انا معرفش دي قله ثقه بالنفس ولا بسبب نفسيتي و ظروف اتعرضتلها ولا اي السبب تفتكروا لو عرفت السبب مشكله هتتحل ولا اي الحل واعرف السبب ازاي منا بقالي سنين كده . عموما ادعولي بلسانكم فضلا😓

انا ديما عندي احساس ان في هنا ناس تعرفني فكل ما بحاول اتكلم عن مشاكلي مش بحس براحه و بقلق مع ان كلامي مفهوش حاجه. حتي لما اتكلمت مع اشخاص هنا و قولتلهم اني عايزه افضل مجهوله ديما كنت بتأذي من كلامهم و يحسسوني اني وحشه و غريبه طب هو الحريه ملغيه من قموسهم ؟ انا حره بعدين دي كانت فكره الابلكيشن دا اصلا

هو ليه كل م اسمع صوت راجل بحس ب احساس وحش وبزعل بحس ان في شي غلط بيحصل جوايا ودا احساس ملازمني من فتره يعني انهارده كنت هرن علي رقم واحده من صحابي من فون واحده معرفهاش ف حصل لغبطه في الرقم ف سمعت صوت راجل فبحسبه من اهلها ف بقواله دا رقم فلانه قالي ببرود لا الرقم غلط ومن ساعتها ونا قلبي بيوجعني واتقفلت مش عارفه اي الموضوع الاوفر دا

بعيد عن ان البرنامج اتغير و مبقتش اعرف اتعامل فيه و كمان مفيش خصوصيه زي الأول كان ممكن تتكلم مع حد و تحكي الي جواك لي شخص واحد بدال كدا و كمااان مفيش شكل لمونه و ده مزعلني جامد عشان كنت شخصية لمونه المهم ندخل في موضوعنا اكتشفت اني مش بحب اجرب اي حاجه جديدة حتى لو تافهة بس بخاف تكون وحشه او ممكن تكون تخيلات في دماغي بس بعاني من الحاجة دي بجد بحس إني لازم اخد راي حد في كل حاجة عشان احس انها فعلاً حلوة ابسط مثال طريقة لف الطرحه في خمسين لفه طالعه بس أنا علقت عند لفه و بخاف اجرب اي لفه تاني احسن تكون وحشه حتى لو حلوة بحس إني غريبه و كمان البس بحس بيليق عليا استيل واحد مش عارفة اطلع منه و بخاف من حاجات تاني كتير بس البوست كبير هحكي بكرا الباقي