هو الواحد بيستعجب من امر بجد ايه المشكلة في اني بنت ويجي عريس واحد واتنين واقول انا حابه اشتغل ،، وكل واحد عايزني البس نقاب ! يعني هي اي الشغلانه الجديدة دي ، يعني بجد بقيت احس بشيء مستفز ولان انا لبسي واسع بجد ومهتمية بالنقطة دي ، كل راجل يحط شروط عادي ، بس ليه ميروحش لواحدة منتقبة من البداية ليه في تصميم يروحه لواحدة مش منتقبة وشرط يبتدي طيب اولا انا بحترم جدا المنتقبين بس انا بتكلم في حته انا معنديش نية للانتقاب دا شيء ميعبنيش ولا يخليني في خانة اني مذنبة ، وبردو في حته الشغل واني تعبت فعلا عشان اوصل للمكانة اللي انا فيها ونص وتلت تربع اليوم اصلا في البيت وبرجع اعمل اكل وشرب وغسيل وحوارات كتير وبقعد ع النت يعني بجد الموضوع مستفز بجد ، يعني دول مجرد بس تحكمات وشروط تعجيزية او عايز يثبت نفسه انه كلامه يمشي !! يعني في اول قاعدة والمشكلة الشخص بيقول كلمة هو مش فارق معاه اصلا بقيت كلامي او انا عايزة اي او شايفه اي لااا ،طيب مع احترامي والله ، بس بجد ما كل واحد يختار واحدة مش بتشتغل ومش عندها نية لا شغل وروحه من البداية لواحدة منتقبه ... يعني اتخنقت بأمانة ، بجد بشك في نفسي والمشكلة يعني الشخص اصلا مش متدين بالشكل الصريح ولا جميل الجمال المبهر ولا المستوي المادي ولا العيشه ولا ولا ، يعني شروط اصلا حاططها شخص عادي حتي لو كان انسان مواصفات جميلة وغني ، ده مش سبب ان الواحدة اللي هو انا اوافق علي شيء انا نفسيتي هتتعب بسببه يعني انا بجد بحس ان الشخص دا مش هيقدملي حاجة مش هينفعني بحاجة غير تعب الاعصاب ومناقشات هتبوء بالفشل ! يعني ياريت كل واحد من البداية بجد روح للي شبهك واسأل قبل ما تروح محدش يروح بنية التغيير وانه عايز يخلي واحدة تفاصيل علي مزاجه لمجرد انها عاجباك كشكل وهيئة بجد الموضوع بقي مستفز ، ربنا يهديكم