احنا ك بشر طبيعي نقوم ونقع بس لو جدعة ترجعي الف مرة بعد ما تسيبي الف مرة الرزق بالاطفال دا بتاع ربنا ممكن يكون احسن عشان تكونوا مع بعض وتفهمي جوزك اكتر وتعرفي كل حاجة عنه اكتر ودي طبعا بالنسبالكم زي ابتلاء بس هيبان فيها حبه ليكي وهل هو فعلا هيخلق ليكي الجو اللي يخليكي تقولي لازم اخلف عشان ارضيه ولا هو بيحبني انا من غير حاجة وربنا يرزقكم الذرية الصالحة ربنا بيأخر دايما ل اسباب مانعرفش عنها حاجة

عايز احكي لك حاجة مش عارف اذا كانت هتفيدك ولا لا انا كنت متجوز من 4 سنين وطلقت من 4 شهور ربنا مرزقناش انا وزوجتي باولاد وبعد الحاح كبير روحنا للدكتور وطلعت المشكلة من عندي بعدها صبرت معايا شوية وبعدها قالت لي انها بدات تحس بالحاجات اللي انتي قلت عليها دي وبعدها بشوية طلبت الطلاق ومشيت بالرغم من ان كل اللي موجودين حواليها نصحوها بلاش وأنا كنت بحبها جدً ومتمسك بيها،،طالما جوزك راجل محترم وبيحبك وبيعاملك كويس وبما يرضي الله بلاش تسيبيه ولكن هي اصرت ومشيت دلوقتي هي ندمانة وبتحاول ترجع لكن للاسف مبقاش ينفع لانها جرحتني جداً قدام أهلها وقت الطلاق بكلام يخص عقمي مش هقدر اتعامل معاها بعديه.. اللي عايز اقوله ان العيال مش كل حاجة وان لو جوزك محترم وابن حلال نصيحة بلاش تسيبيه انا جاي لك من المستقبل وبقولك بلاش.

اليوتيوب مخلش والله اتعلمي سهل تتعملي ده من بيتك او تشوفي كورس وتشركي سهلة

نصحيه يعني قعده البيت مرهقه نفسيه صدقيني بتقتل بلبطيئ لازم تشتغلي شغلانه ولو بسيطه جدا نص يوم و تطلعي بعدها علي حفظ القرآن صدقيني هتنتظمي

انا اول حاجه جت ف بالي اول م شغذفت البوست هي هل الست دي واخده كل الأسباب للخلف بشكل صحيح جه بالي كده عشان حاليا بدرس ال جهاز التناسلي والحمل والكلام ده ف الكليه يعني مثلا معاد العلاقه يبقي تقريبا يوم ١٤ من انتهاء البيريود ويكون قبلها بيومين الزوج معملش قذف عشان يخلي السائل افضل ككميه ع الاقل مفيش اب وسائل او ادويه بعد كل ده نزور طبيب يشوف الدنيا عندي أو عند زوجي و في أسباب كتير جدا لعدم الخلفه هو الموضوع مش مبهم بطريقه بحته لا في نقطه معينه لما الدكتور بيخلص كل طرقه وحيله بيقولك بس هنا من عند ربنا انتو مينفعش تخلفو بسس ف قلت اشارككم حاجه ممكن تكون عبيطه ومعروفه اصلا بس للتذكرة

اقراي اذكار الصباح وحافظي عليه وشوفي بزنس تبداء فيه يعني تتعلمي كروشه مثلا وتبداء تبيعي وكده

لو تقدروا ع خلفة عيل اعملوا دا عشان يكون ف رابط اهتمام وشكل تانى للحياة بينكم وحاولوا تهتموا وتجددوا علاقاتكم الزوجية والشخصية ، قربوا المسافات اكتر