يا جماعه اتمنى حد هنا يكون متدين وفاهم ينصحني بالله عليكم انا غريبة اوي والله معرفش انا كويسة ولا لا في ديني المفروض اني وانا في سن صغير الي هو كنت شاطرة ديما فيه ورد من القرآن كان اربع صفحات وكنت بزود صفحتين كل سنة لحد ما وصل لتمن صفحات وكنت بحفظ كمان وبصلي الفرض والسنن هنا انا كنت شايفة نفسي محصلتش ولحد انهاردة والكلام ده قولوا من تلت سنين المفروض اني كملت على الحال ده ولكن السنه ديه بدات في حجات تضعف وتتحرك من مكانها ولكن الحمد لله انا ماسكة نفسي الي مزعلني ومدمر نفسيتي اني اكتشفت ان كل ده ولا حاجه يعني ايه يعني حتى افضل شيء عرفت اعمله كان ولا حاجه كان مجرد حجات المنتكس هو الي بيعملها امال انا ايه دلوقتي انا ولا حاجه انا نكرة كان عندي امل امل مين انا كنت من تلت او يومين واثقة ١٠٠/١٠٠ اني هدخل الفردوس الاعلى وشايفة ان مدام ربنا قال انا عند حسن ظن عبدي بي يبقى ربنا هيكرمني ويدخلني حتى وانا عاصية انا اتحجبت رغم رفض اهلي وانا في اولى ثانوي وللاسف انا حاليا داخلة تالته ومازلت بلبس الزفت البنطلون حقيقي انا بكرهه وبحاول حتى ولو هو واسع واللبس طويل زلكن لا انا مش مقتنعه انا اكتشفت اني بحالي ده مش هشم ريحة الجنه وللاسف عقليةما قادر يستوعب ومش قادر يعمل اي حاجه كل شيؤ صعب وكل خشوع بوصله بالعافية وده اعتقد من كتر ما دماغي مش سيباني في حالي مش عشان بعدي لاني في اكتر الاوقات انا كنت مقبلة على ربنا فيها مكنتش بحس بالخشوع الا مجرد ثواني حتى انا بدعي ربنا بيه طب هو ربنا حرمني منه ولا ده شيء طبيعي منا ممكن مكنش وصلت لحاجه وكل ده فعلا زي ما بقول ولا شيء ولكن هو مش المفروض الواحد لما يقبل لله ربنا يساعده اكتر مش فاكرة الحديث ولكن بما معناه اني لو رحت لربنا مشيا ربنا هيجيلي مهرولا انا مش عايزة اي نوع من التعاطف معايا انا مستهالوش انا بحمد ربنا الحمد لله بس انا عايزة اخش اافىدوس الاعلى ودي مش مجرد امنية انا مش هقدر استحمل ادخل الجنه وانا عارفة ان فيه مكان احسن وربنا بيحب ناس اكتر + انا مش هقدر اشوف نفسي ضعيفه اكتر من كده والكل احسن مني اصل شفت فديو لشيخ بيتكلم وبيحكي عن واحد انتكس وللاسف الي انتكس ده بيعمل احسن مني حرفيا كان بيقول بدل ما بيقرا جزئين بقى بيقرأ جزء او ربع (انا مبعرفش اقرا الكمية دي غير فرمضان وبالعافية عشان بقرا بهدوء وبركز) معرفش دي حجه ولا حقيقة بس انا ديما صحابي بيختموا بالتلت ختمات وانا واحدة بس عشان انا بقرا بالتجويد وهما لا وسعات انا بكرر وببحث عن الايات عامة انا بكره نفسي انا محتاجه اعذبها عشان هي قرفتني ومبتسمعش كلمة وانا عايزة اخش الفردوس الاعلى تقريبا دي اكتر مرة كتبت فيها وحقيقي لو حد قرا كل ده ربنا يرزقك بالفردوس الاعلى
السلام عليكم "رحم الله امرء عرف قدر نفسه " يعني حلو نعرف ان اللي بنعمله ممكن نعمل اكتر منه (من باب التشجيع مش التقليل ولا التحقير) والاهم ان كل واحد فينا طريقه مختلف وحسابه لوحده يعني ملوش اي دعوه بغيره (يعني متقارنيش اللي بتعمليه لحد منتكس ولا غير منتكس احنا مش بنتسابق ولا حد هياخد مكان التاني من الجنه) ف نركز على نفسنا وناحول نطور من نفسنا بخطوات فعلا صادقه وجديه الحلو انك عارفه انت عايزه تعملي ايه فعلا (تزودي وردك ، تزودي خشوعك، تحسني حجابك) كونك عارفه انت عايزه ايه دا اختصر نص الطريق اصلا ف ممكن نعمل لحظه وقوف كدا الليلادي ونبدا نرتب كل حاجه من الاول انا عايز ايه وهعمل ايه وربنا يوفقك وفي حديث للنبي عن حد كان بيقسى على نفسه بيقول (ان الله غني عن تعذيب هذا لنفسه) يعني ربنا مش رايد مننا نعذب نفسنا بل نهذبها وربنا يتوب علينا جميعا يارب
لا متقوليش ع نفسك كدا كون انك عارفة الصح فين بتسعي له حتي لو مش عارفة توصلي دي فضل من ربنا احمدي ربنا غيرك مش ف دماغه خالص دين ولا يعرف حاجة في دينه غير صلاة الجمعه بس ثانيا تزكري حديث الرسول عليه الصلاة والسلام "لا يحقرن احدكم نفسه :ان يكلفها من البلاء ما لا تطيق " "ان لنفسك عليك حق " .سيدنا ابو بكر ذهب للرسول يطلب منه دعاء يدعو به لنفسه فرد عليه قائلا :"اللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ، فَاغْفِرْ لِي مَغْفِرَةً مِنْ عِنْدِكَ، وَارْحَمْنِي إِنَّك أَنْتَ الْغَفُورُ الرَّحِيمُ". اهو شوفي انت بقي دا سيدنا ابو بكر عارفه يعني سيدنا ابوبكر هل سيدنا ابو بكر كان مقصر في دينه اكيد لاء طب دا ابو بكر . امال احنا نعمل ايه بقي وربنا سبحانه وتعالي قال " ولنبلونكم بشئ من الخوف والجوع ونقص من الاموال والأنفس والثمرات وبشر الصابرين " "ولا تقتلوا انفسكم ان الله كان بكم رحيما" اللي عايزه اقوله انت مش ضعيفة ولا عندك مشكلة في ايمانك بالعكس انت احسن من غيرك كتير واحسن مني انا شخصيا انت ف ابتلاء ربنا بيختبر مدي قوة إيمانك وحسن ظنك به
السلام عليكم اولا ربنا يرزقنا واياكى الفردوس الاعلى ثانيا احنا مطلوب مننا العباده بين حاجتين الخوف والرجاء يعنى نعبد ربنا واحنا خايفين من عذابه وفى نفس الوقت عندنا حسن ظن بيه وده الحديث اللى اتكلمتى عنه ( انا عند ظن عبدى بى ان تقرب الى شبر تقربت اليه ذراعا وان تقرب الى ذراعا تقربت منه باعا وان اتانى يمشى اتيته مهرولا ) ثالثا كلنا اصحاب ذنوب لو لم تذنبوا لذهب الله بكم واتى بقوم يذنبون فيستغفروا فيغفر لهم بمعنى ان اللى انتى فيه ده عادى جدا لازم تجددى ايمانك قال صل الله عليه وسلم ان الايمان يبلى كما يبلى الثوب فجددوا ايمانكم وكان صل الله عليه وسلم بيحلف ويقول لا ومقلب القلوب فسألته ام المؤمنين عائشه هل القلب تتقلب فقال ان قلوب العباد بين اصبعين من اصابع الله يقلبها كيف شاء فسئلوا الله ان يثبت قلوبكم رابعا اياكى تشوفى نفسك كويسه ونفسك تعجبك لما تحسى بده افتكرى حديث العبد اللى عبد ربنا ٥٠٠ سنه ولما جاله ملك الموت استأذن ربه ان يقبضه وهو ساجد وحصل ولما بعث قال الله ادخلوا عبدى الجنه برحمتى فقال العبد لا يارب بعملى انى عبدتك ٥٠٠ سنه قال الله الان يوزن الميزان بالعدل لا بالفضل
الخشوع دا حاجه داخليه!
☕
قد ايه كنت اتمنى اني اكون اتولدت في عصر الرسول عليه والصلاة والسلام فعلا صدق عليه عليه الصلاة والسلام (القابض على دينه كالقابض على جمرة من نار)