ندم

خايفه من لحظه المواجهه بيني وبين بابا خايفه من اللحظه اليهيرجع فيها ندمان ويقولنل نرجع حاجه زي ما كانت بس مش فاهمه ازاي ممكن يرجع بعد. كل الي عمله دا ويطلب نصلح حاجه انكسرت لما افكر في الموضوع اقول مستحيل اسامحه وأوقات تاني بحس اني مجرد ما اشوفه بس هنسي كل حاجه ..... وفي النهايه كل دي مجرد تخيلات لأن هو اكيد نساني

جماعة فى بنت كانت معايا فى الجامعة كنا بنحب بعض بس حصل مشاكل بنا وصلت انها تتبلى عليا للدكتور انى اتحرشت بيها بس كان معايا اسكرينات واثباتات تثبت ان دا محصلش من اسبوعين رجعت تانى لما شافتنى اشتغلت فى وظيفة وبعد الضهر مسئول على ستور موبايلات وبفهم فى الاجهزة والايفونات وكدا فا الحمد لله مسكت قرش حلو والعز بان الحمد لله اتكلمنا كتير وهى تلمح على الخطوبة وكدا امبارح اتخانقنا وانا الى اتحججت الصراحة وسبنا بعض قولتلها خليها لما يجى وقتها احسن بس انا الى غلطان علشان قولتلها ابعتى صورة بشعرك وهى مرضيتش انا حقىقى غلطان النهردا صاحى مضايق انى زعلتها ورايح الشغل بتعصب على العملا والناس الى معايا فى الشغل ومحتار اكلم ابوها وادخل البيت من بابه ولا خلاص كدا لان فعلا موضوع ان هى اتهمتنى بالتحرش دا مش قادر اتخطاه خالص واسف على الاطالة...

يخربيت الذكريات و ليه اقصد اشوف مين الناس اللي عملالهم بلوك و ليه كل شوية ادخل ابص كده كتير والله و الفكرة ان مستحيل انا مش عايزة اعمل كده بحاول افتكر الوحش حتي ببني سيناريوهات انهم وحشين و خلاص مش عايزة ارجعلهم بس بفكر فيهم انا مش ضحية بس مش عارفة انا ايه انا وصلت لدرحة اني عايزة اكلمه اقوله نتقابل احضنه و اعيط او اني اجيب فيب مش عارفة بجد ايه التفكير ده بجد يارب يهدي و ربنا يهديني كده علشان معملش حاجة غلط و اندم عليها

من سنتين وكم شهر بالظبط رجعت لجروب كنت مشهوره فيه جدا لدرجة أنه الناس الجديدة كانوا عارفيني منغير ما اعرفهم هناك اتعرفت على واحد افتكرتك في الاول بلاير وكده بس في الاخر طلع شخص كويس نوعا ما واتصاحبنا واحده واحده رغم أنه في الاول كنت رفضاه بسبب انه اجتماعي بشكل غريب ودي اه حقيقه رغم أنه كنت مشهوره في الجروب عشان كنت مسؤوله بس مكنتش بعرف اتكلم كتير صراحه وانا في الواقع نفس الحكايه طول حياتي انطوائيه وبحاول الفت الإنتباه بحاجات كتير لانه عمري ما اخدت الاهتمام ده، وانا لما كنت صديقة للشخص خلينا نسميه A ده كنت مرتبطه اونلاين وكده وحصل كذا مشكله مع الي انا كنت مرتبطه بيه وروحت قولت ل A عادي جدا ومع ذلك هو مأخدش جانب محدد عادي لانه هو صاحبنا احنا الاتنين وانا احترمت ده ، واحده واحده عرفت عنه اكتر واتفاجأت قد ايه الماضي بتاعه وبتاعي وحياتنا متشابهه وكانت وقتها فعلا تعيسه بالنسبة لأي حد طبيعي وانا اقصد بمعني الكلمة كانت تعيسه ومليانه دم، رغم ده كله كنا بنحاول نخفف عن بعض شويه انا كنت منطقيه جدا وهو عاطفي جدا عشان كده كنت فاكره انه انا منجذبه بس لشخصيته وأنه عمره ما هيحبني واتمنيت بس انه يفضل صديق، لكن في مره وبعد محاولات كتيره منه أنه يظهر حبه الي معرفتش انه بيحبني اصلا قالي انه ارتبط وهيبطل يكلمني وانا وافقت عادي جدا رغم اني اتضايقت شويه وبعدها بتلت شهور رجع كلمني تاني وانا استغربت صراحه وقالي انه وقتها كان بيحبني وهو مكنش هيكلم حد كل يوم بالشكل ده وانا لاول مره عرفت اني فعلا ضعيت حد من ايدي بسبب اني مكنتش حاسه انه حد زيه ممكن يحب حد بتعاستي دي لانه رغم كل حاجه كان لامع جدا وكان طيب جدا جدا والحاجات البسيطه بتأثر فيه انا بقالي برب الحداشر شهر مكلمتوش لانه بلكني بعد ما اعترف بفتره ومن تلت أسابيع فجأة افتكرته رغم أنه كل الوقت بحاول أنساه لكن وقت افتكر بس أنه كسرت خاطر حد حبني منغير ما يطلب مقابل منغير ما يزهق انه انا مش فاهمه تلميحات لشهور اني فضلت انه يمشي على أنه اعترف بحاجه تجرح كبريائي او حتى افكر فيها انا فعلا فعلا ندمت واتمنى اني أنساه لانه مفيش امل في حاجه زي دي للاسف بس ربنا يشهد انه عرفت وأمنت بالحب بسببه وأنه رغم الي عملته حرام وانا ندمانه بس لغاية دلوقتي عاوزة اعرف بس أنه بخير وكويس .

مع كونى يمكن اشد الكارهين للحظات الفراق بجد ولكن مكنتش متخيل انى فى يوم انا ال افارق كنت لازم امشي قبل ما مشاعرى تسيطر عليا اكتر من كده واعترف بيها وانا لسه مش جاهز اتقدم وساعتها هبقى بعمل حاجه حرام وهتضيعى منى يمكن بردوا ضيعتى منى ولكن على الاقل مشيلتكيش ولا شيلتنى ذنب لو ليا كلمه اخيرة ممكن توصلك هى انك الوحيده ال عقلى وقلبى اختارها الوحيده ال وثقت فيا وخلتنى اصدق انى ممكن اكون انسان غير الكل ما كان شايفنى خلتينى اثق فى نفسي واغير وجهة نظرى عنى لو ليا كلمه واحده بس ينفع اقولها هى انى لو ليا امنيه واحده هى انى اعيش بقية حياتى كلها معاكى استودعتك الله الذى لا تضيع ودائعه ولو لكى خيرا فيى جعلنى الله من نصيبك ولو ليس لكى خيرا فيي ابعدنى الله عنك واسأل الله ان يرزقنى اياكِ🖤

انا حقيقي مخنوقه بعمل حاجات غلط و برجع اقول يارب انا توبت مش هعمل كدا و برجع تاني حقيقي تعبت انا بكون قسم بالله ندمانه جدا انا ندمانه اوي أن بعمل كدا حقيقي تعبت هموت و اعيط انا مش وحشه و مش كدا انا مش عوزه حاجه غير ربنا يسامحني و يغفرلي انا حقيقي تعبت والله

يمكن مكانتش من نصيبك بس كفايه ان انت حاولت اي يعني لو قدمت علي شغل واترفضت اي يعني حبيت حد ومحبكش واي يعني رميت قلبك في حضن حد ومحضنكش واي يعني اتكلمت من قلبك وماحدش فاهمك هي اكيد بتوجع بس الندم بيوجع اكتر الفرصه اللي راحت عليك من غير ما تحاول بتفضل توجعك سنين انت ما جربتش تفشل انت جربت تحاول انت ما خسرتش اي حاجه بالعكس انت كنت شجاع كفايه تقف وتقول انا هنا مش كل محاوله بنجربها بتكون ناجحه بس كل محاولة بتقربك من اللي ليك وكل باب بيتقفل هو في الحقيقه باب بيبعدك عن اللي مش ليك مافيش حاجه راحت منك وكانت هتكون ليك ولو راحت بسيطه ماكنتش ليك من الاول فارفع راسك وافتكر ان انت حاولت وديما افتكر ان انت كنت اجرى من ناس كتير قررت ان هي تستخبي ورا الصمت واهو حتي لو النتيجه ماكنتش في صالحك تبقي جربت وكفايه قوي ان انت حاولت

اخاف أأذي حد مع ان اللي بيتكلم دا (انا) ممكن يكون اكتر حد مؤذي تشوفه في حياتك بس عشان انا مبحبش اوجع حد بس غصب عني بعمل دا اما بتعصب او كدا فاخاف في المستقبل دا بزيد اكتر...!! وقت ما بعمل كدا سعات بيبقى في بالي مش فارقة و مش مشكلتي و ممكن اهدا في وقتها و اصالح اللي قدامي و ممكن اهدا بعدها بحبة من صغري و انا بأذي اللي حواليا و بتنمر و عندي احساس ندم بس مقدرش اصلح دا غالبا محدش في حياتي سمعني بتكلم عن الموضوع دا بالطريقة دي و عندي احساس اني مش هتفهم صح

انا حقيقي ارتحت اوي انا حرفيا كنت فاكر هتهاجم لما انزل واقول الي جواية حرفيا 10اشخاص 8فكم الاحترام والدعم النفسي وبيدعولي و2بس الي غلطو بس مش مهم انا حقيقي مبسوط بكل حد ساعدني شكرا ليكو ي اجمل اخوات انا بس ذنب واحد وجعني واني اذيت بنت بكلامي ودي اكتر واحدة سعدتني حابب اقول لما تلاقي الي يسعدك اشكرو

كنت ف فترة كدا في فحياتي بنتين واحدة كويسة جدا وبتحاول ترجعني لربنا و واحدة زاي مانتو فهمين كنت للاسف ميال للي بتبسطني مش الي بتقولي كلام ربنا وتحاول ترجعني ولما خسرت الي بتحاول تساعدني انهارده اكتشفت ان الي بتبسطني مانت متاحه للجميع ومش ليا لوحدي وكل الي كانت بتقولو ليا بتقولو لكتير غيري انا فهمة غلكي متاخر ويعلم ربنا بكتب وانا مخنوق وشايل هم الدنيا انا بجد وحش وكل محوله لتغيري كانت مجرد محوله بس منجحتش

تعمل اى لو ضيعت من ايدك حاجة مهمه عندك و مبقاش خلاص فى سبيل ترجعلك او شبه مستحيل و انت فعلا ندمان بس مش لاقى حل مش لاقى طريقه و مهما حاولت تانى فشلت و حاسس انك still ندمان بس انت خلاص متاكد انها ضاعت

حابه اتكلم في حاجه انا عملت حاجه من سنتين عمري ما فكرت فيها ودلوقتي بقالي ٣شهور بفكر وفيها وبندم وبقول ياريتني ما عملت كده وبتمنى ارجع للوقت ده عشان ماعملش الحاجه دي مع اني طول الفتره دي ماكنتش بفكر فيها بس بجد انا تعبت والله على طول ندمانه مش عارفه اعيش حياتي حاسه اني واحده وحشه ومش قادره اتقبل فكره ان كلنا بنغلط انا عارفه ان لازم نmove on من الماضي ونركز في المستقبل عشان نبقى كويسين وراضيين عن نفسنا بس انا بجد مش عارفه اعمل ده زي ماتقولوا غرقانه في غلطات الماضي حاسه اني ماينفعش اتبسط في حياتي بسبب غلطه مالهاش لازمه بقالها سنتين اي نصيحه؟

السلام عليكم انا طالبة اولى بكالوريا محافظه كفر الشيخ تم اجبارنا على البكالوريا ومكانش عندنا حرية الاختيار عشان نختار ثانوي زي مالمفروض يحصل المهم اهي سنه اولى قربت تخلص وخلاص جيه الوقت اننا نختار مسار من الاربع مسارات (طب وعلوم الحياه_هندسه وعلوم الحاسب_اداب وفنون_اعمال) انا بميل للمواد الادبيه يجماعه فكان المسار الاحسن بالنسبالي اداب وفنون او اعمال وخلاص كنت هختار واحد منهم لحد ماشوفت الورقه والصدمه كانت ان كل الفصل مختار مسار علمي سواء طب وعلوم الحياه او هندسه....وقفت وفكرت فيها احنا ف زمن الواسطه والفلوس واللجان اللي بتتشرى والايام اللي احنا فيها..هكون انا لوحدي ادبي..مش هكون زيهم عشان حد يشتري لجنتي..قررت اني مش هقرر الوقتي عشان مندمش واجلت الموضوع فا ارجوكوا ساعدوني لان الفصل كله اختار من الاسبوع اللي فات وانا بقالي اسبوع بأجل لحد مالمدير بنفسه طلع ونادى على اسمي وقال خلاص اخر فرصه عندي هي يوم الخميس عشان اختار......ساعدوني

انا مليش عين ارجع ل ربنا بعد ما عزمت علي توبه للمره الالف وبردوا وقت تاني واسوأ م الأول 💔 اعمل اي كل مره كده وكل مره الغلط بيكبر وبيتمادي انا مكسوف ارجع اطلب منه وابكيله بعد ما بكيتله كتير وبردوا وقعت بقيت حاسس اني كداب ومنافق

ربنا يحفظكوا ويحقق الي تتمنوه ويشفي كل مريض وياعفي كل مدمن ويصلح حال كل واحد منا للافضل يارب دايماً مقتنع ان الذنوب بتتغفر وتتمحي بس الافعال لا الافعال مش بتختفي حتي مع الزمن دي بتبقي نقطه سوده في تاريخ حياتك خايف حد يعرفها ودا الي كان مخليني مخدش خطوة جت ف الطريق الصحيح بس فكرت مع نفسي للحظات واكتشفت ان المستقبل بي ايدي انا يخليه مستمر في نقاط سودا يمحيه فقررت ان حتي لو مقدرش اغير الماضي بس اقدر اكتب المستقبل بافعالي واختيارتي وفي مقولة من كونغ فو باندا 1 انت تهتم كثيراً بما كان وبما سيكون يقول المثل البارحه تاريخ والمستقبل غموض ام اليوم فموجود ولهذا يسمي الحاضر فانا قررت اعيش في الحاضر واجاهد نفسي عن المعاصي فدعواتكو👈🏻👉🏻♥

مخنوقه اوي من كل حاجة ، عندي ناس كتير يعرفوني بس بردو حاسه بالوحدة وان مفيش حد شبهي ف كل دول ومش لاقية حد صح احكيله ويفهمني ، محدش بيهتم ومحدش هيحس اني فعلا موجوعه ومخنوقه مدايقة من كل حاجة عايزة اكون لوحدي وفنفس الوقت الوحدة بتموتني وصوت أفكاري عالي وبفكر كتير وبعيد حاجات وذكريات وبندم ع حاجات وقتها فات وعدا والندم مش هينفع حاجة بس بردو بحس بالذنب واني مقصره ومهمله ومخنوقه ومحدش مقدرني ومحدش محترم حياتي ولا مديني مساحتي ولا كياني

كدا الندم علي الماضي انت مش هتقدر تغير حاجه هي حصلت خلاص يس انت تقدر تتعلم من اللي حصل ده الدروس اللي تقدر تخليك تتحرك لقدام حرر نفسك من الخوف من المستقبل انا عارفه ان احنا بنبقي خايفين من المستقبل علشان المستقبل بنسبالنا هو حاجه مجهوله بس خليك واثق في نفسك و صدق نفسك وفخور بنفسك خليك فخور بكل محاولاتك مش كل الاجازات بتكون ملموسه او احنا شايفينها بعينينا ممكن بكون اكبر الانجازات اللي انت اتعلمتها في اليوم لنك اتعلمت الصبور ممكن يكون اكبر انجاز حققته ان انت بقيت شخص رحيم باللي حواليك خليك فخور بكل حاجه انت بتحققها وخليك عارف ان انت هتقدر تتعامل مع اي حاجه في المستقبل بطريقتك انت

اتعرفت علي واحد وحبيتو وهو كمان بيلمحلي بس انا عامله نفسي غبيه ف في خناقه قبل كده حصلت وقولتلو انا كنت حاطه فكره أننا ممكن نتخطب ف يوم من الايام بس اتشالت من دماغي خلاص وهو فضل يقولي بس عبط وكده وبعدين قولتها تاني قالي متاكده قولتلو اه فضل يقولي يعني مش هتغيري كلامك قولتلو اه قالي ماشي خلاص وبعدين سكت انا فعلا بحبو بس هو عمل حاجه تضايقني بجد اوي ف من كتر م انا زعلانه قولتلو كده وبعدين قولتلو متزعلش ممكن يكون في نصيب بينا ف المستقبل قالي انتي جننتيني مره نبقا حلوين ومره نبقا اخوات ومره يبقا ممكن يكون في نصيب بينا بس هو مش بيكلم بنات خالص وانا متاكده من ده حتى بعد م قولتلو كده مكلمش بنات برضو تنصحوني ب ايه ضروري عشان حاسه اني اتسرعت لما قولتلو احنا اخوات هل اغير طريقه المعامله وهو هيفهم لوحدو اني بحبو ولا اعمل ايه

احس نفسي اكثر شخص سلبي في هذه الحياة . أؤذي الناس بدون ما أشعر . حتى أقرب واحب شخص بالنسبة لي اصبح يكرهني بسبب أذيتي له . في العلاقات الاجتماعية احس اني شخص ناقص بينهم أو غير موجود احيانا . دائما اتمنى لو يرجع بي الزمن لأصلح الخطأ الذي ارتكبته مع الجميع وخاصة (الشخص القريب)

بتعملوا أي لما تبعدوا عن اكتر شخص بيحبكم وبتحبوه و كله بسبب الأهل ، أنا مشيت و سبت روحي ، قلبي بيتخلع من مكانه بقيت اتمني اني اموت ولا احس الشعور ده بجد حد يقولي اعمل اي . مع اني اللي نهيت العلاقه علشان خاطر بابا ، بس م قدرتش و دخلت الانستا لقيته بيتالم زي م أنا بتالم و قررت اني ابعتله و بعيط و خايفه و نفسي يرد عليا اوي عارفه اني مليش الحق لان أنا اللي سبته وانا اللي اذيته بس والله غصب عني عارف لما تكون ماشي وسايب روحك وراك ومش ب إرادتك كمان

خايفه اكون اذيت حد اعجب بيا او حبني من طرف واحد...انا مش عارفه حقيقه مشاعري عشان اثبت على قرار واحد معرفش ان كنت اعجبت بيه ولا لا معرفش ان كنت حبيته ولا لا بس بعد ماقررت اقطع سبل التواصل نهائي شوفتوا واضح عليه الزعل وانا حسيت بالذنب....بس انا موعدتوش بحاجه ولا قولت اي حاجه تدل اني اختارته خلاص بس برغم كل ده هو كان عنده امل اني بحبه انا بجد وحشه اوي قدام نفسي لانه شخص كويس وكان بيحاول معايا منغير مايدايقني ومحترمني جداااا لأبعد مرحله عمر ماحد اتعامل معايا كده بس برغم دههه انا مش عارفه انا مالي او ليه عملت كده رغم ان كان ممكن لو حاولت احبه انا بجد بكره شعوري المقرف دههه

معرفش هتفهموني ولا لا بس الجو ريحته خذلان. الغربية انا اللي خذلت مش اتخذلت بس دا الصح وكان لازم يتعمل من بدري بس محدش قالي أن حتى القرارات الصح بيبقي احساسها وحش اووي كده، هتجاهل الموضوع ويارب ما اندم

انا بحب واحد كان بنا خلافات كتير مني ومنه بس اخر حاجه كانت مني وغلط غلط كبير جدا وحاولت كتير عشان نرجع كلمته و سافرت لى واتحيلت عليه كتير جدا وهو مصمم ان لا وان انا لو اخر واحده في دنيا بس لما بيكلم معايا بيقعد يكلم بتاع ساعات بخصوص مشكله الاي حصلت ويهزقني ويشتم واخر حاجه قالها انو هيعمل بلوك بس لما قولتلو لاومتعملش قالي ان مكلمش معاه تاني انا مش عارفه اعمل اي عشان نكون سوا لان فعلا بحبه اوي وندمت عن غلطي

عاوزه رأيكم أنا دلوقتي حبيت واحد بس مش حب الحب يعني الشخصيه وطريقه التفكير وانو مريح كده ف كنت بحب اتكلم معاه حسيته ناضج كده وفاهمني بس كنت لسه هعترفله اكتشفت انو كلم بنت غيري وبعدين قالي انها كانت زميلتو وبتاع وانو ندم وسامحته بعد فتره دلوقتي عمل نفس الحوار وكلم بنت وكدب واكتشفت ف انا سبته رجع قالي خدي الاكونتات وانا مش عايز غيرك انا عارفه انو مينفعش اسامح بس هل كده ممكن يكون ندم ولا لا

مش عارف اكتب واقول ايه بس بجد عاوز اعيط ومش عارف انا وحش ولما اي حد يعرف الي عملته خاصة لو بنت بتقرف وتبعد بعد مفتكرت اني لقيت حد هيفهمني ممكن يسامحني ع الي فات ويساعدني بس... للاسف الامر صعب دائماً بحس اني غير مقبول مينفعش اتحب لاني هظلم الي معايا

جالي عريس صالونات و كنت رافضة لاني مش حساه و امي غصبتني اوافق لانه يحترمها و خفيف الدم و انا كنت رافضة اني حاسة انه مستحيل يكون مناسب كزوج و بس وافقت عشان ماما ، تعلقت فيه بس بعدين اكتشفت ان اسباب يلي كنت ارفضه عشانها زادت عن حدها و صارت بشعة جدا و محدش يقدر يتحملها ، بس ما قدرتش ابعد ابدا لاني تعلقت فيه و حبيته ، ف لغاية دلوقتي بلوم ماما لاني حذرتها لو وافقت عليه و حبيته و تعلقت فيه و أكتشفت انه وحش و مقدرش ابعد عنه من رغم الاذى يلي بيأذيه لي ، مش هعرف اعيش بنفسية كويسة تاني ، ف عمري ما رح ارغم بنتي او ابني على حد هم مش شايفنه مناسب

انا حبيت وحدة ومزلت نحبها وهي مهيش عاطيتني ادنى اهتمام وكي بعدت عليها راني حاس بندم كبييير وحاب نروح نحكي معاها ومنيش حاب في نفس الوقت انا تعبت كاشما تقترحو عليا ندير راني مرضت بيها وهي لا علابالها

من كل اعماق قلبي اقسم بالله انا بكرهني ياريتني مجتش الحياه دي ياريتني كنت ولا شئ حرفيا حياه عبثيه اوحش ما فيها انا ربنا يحسن ختامي وبعدها ياخدني والله كفايه عليا كده وربنا يسامحني على كل القرف اللي عملته في حياتي مبقتش بتمنى غير كده والله

من ست شهور شلت قريبي من عندي كلامنا كان عادي جدا ولا فيه اي حاجه بس كان الموضوع شاغلني و حسيت انه فيه حاجه حرام انه عندي و خصوصا ان حجابي مش كامل قولت اشيله و بظروفها المهم انا شيلته من عندي فجاة منغير ما اقوله و شوفته بعدها بشهور بمناسبة الاجازة و بتا ع و هو زعل معاكم ان الحركه وحشه اوي بس محدش يقولي ما يتفلق ولا يزعل هو شخص انا بقدرة جدا و بحبه جدا كاخ و هو قريبي الوحيد الولد بعد الاجازة دي حسيته زعل مني و واخد جمب فهمته قصدي و قولتله انه مكنش قصدي انه زعلني او انه شخص وحش و فهمته قصدي و هو تقبل و قالي عندك حق و خلاص مفيش مشاكل المشكله انا داخله فالسبع شهور و حاسه باحساس وحش و هو كان اقرب حد ليا و لما حسيت انه اخد جمب مني اكتشفت انه مكنش فيه حد بيكلمني لما بنكون قعدين غيره او بيهزر معايا او مهتم لكلامي حسيت فعلا بالوحدة يمكن كان الوحيد الي بكلمه و برتاح معاه فالكلام و هو تقبل الكلام دلوقتي قريبي لما بشوفه معلق عند بقيت قريبياتي البنات و اختي بحس بغصه في قلبي كان فارق معايا لكن مكنش اعجاب او اوهام او اي حاجه مكنتش حاسه بوجودة الا لما راح و عارفه انها دخلت شيطان عشان ارجع تاني بس خلاص مقدرش عشان كرامتي و عشان مينفعش و عشان منظري و عشان شكلي و عشان حاجات كتير اوي بس انا الفترة دي مش احسن حاجه حاسه بوحدة و منكرش اني ارتحت انه بقى كل الي عندي بنات بس مع انه والله كان كويس جدا لكن قولت الحاجه الي ترضي ربنا مفكرش فيها مرتين و بس عارفه انا دخلت شيطان لكن والله حاسه بوجع معرفش سببه لكن حاجه متعلقه بيه كانت معايا طوفلتي كلها و انا الحفيدة الي وراه على طول و اغلب الي حوالينا بيقولوا اننا فاهمين بعض و دماغنا زي بعض و بكرر تاني كان كلامنا كله عادي جدا قرايب بس يلا الحمد لله سبت الامر ده ابتغاء مرضات الله و مقبلش ان حد يقول عليه كلمه وحشه

فى حد متقدملى وهو أقل منى علميا بس انسان طموح ومسئول انا خايفه اقبل واندم بعدين فى ناس كتيرة اتقدمت أعلى علميا واجتماعيا بس رفضت لان مرتحتش وكمان هتكون فى محافظة تانيه وانا حابة فكرة أن معيش فى القرية بس خايفة شوية من الغربة انا دكتورة وهو دبلوم مش بقارن والله بس خايفه من نفسي بعدين بقول لو انا وهو لوحدنا ومش حاطة كلام الناس فى بالى هختاره وبقول هو لو مكنش عنده صفات معينه زي مكان سكنة وطموحة مكنتش هوافق عليه انا فيا صراع جوايا مش فاهماه لسه مقعدتش معاه رؤية شرعيه بس دماغى مش بتفصل 😭

حاسه اني انسانه مقرفه من الي عملتوا عارفه ان كلنا عندنا ذنوب و عارفه ان كلنا عاملين حاجات نتكسف ان حد يعرفها و مع دالك متكسفناش من ربنا و عملناها قرفت من نفسي انا ممكن اقول ان السنه الي فاتت انا اتغيرت تغيير جذري بجد لكن الي عملتوا من سنه و نص انا لسه مش ناسياه هى حاجه ممكن تبان عادية و ممكن لا بالنسبة لماس كتير لكن بالنسبة ليا ده قرف مش عارفه ايه الي انا عملته ده بسبب واحد كنت معجبه بيه عكيت الدنيا و الحمد لله اني مكلمتوش و كان مجرد اعجاب دلوقتي لما ببص لصورته بقول ايه القرف ده انا ازاي عنلت كده عشان ده انا بجد كارهه نفسي بسبب الي عملتوا هى حاجه لا تمس الشرف بتاتا بكل انواعه بس انا شخص بيخاف على شكله اوي قدام الناس و الغكره ان كل الي حواليا ميعرفوش جتى اهلي و حاسه ان هم لو عرفوا هيكون شكلي خرا اوي و كل يوم بقطع نفسي حتت اني حاسه بالذنب حاسه اني كنت مغيبة عن الي بعمله بجد نفسي اموت او انسى الي عملته مش قادره اتخطى و المشكله اني بفتكر كل المواقف الي انا عكيت فيها و بقى هموت نفسي بفتكرها و انا بغسل المواعيين دايما في شخص معين نفسي امسك ايده و اقوله سامحني والله انا غبية بس اخاف اعترف و اقول اني عملت كذا و كذا و شكلي هيكون خرا اوي نفسي امحي الي عملته و حاجات كتير حاسه اني لابسه قناع الملايكه و انا اصلا شيطان بكون بتقطع لما بحس اني استغفلت اهلي اوي و حاسه اني انسانه مقرفه و والله انا اتغيرت لكن الماضي بيفضل نقطة سودة في حياة صاحبة 💔

وفاه والدي مش قادره اتخطي الوقت ده، حاسه بندم علي حزن علي خضه مش عارفه افوق منها ،عارفه انه عدم وجوده بقي أمر واقع وده في حد ذاته خانقني زعلانه انه مشي قبل ما نصلح حاجات كتير كانت محتاجه تتصلح

أنا باين للناس هادي بارد ومفيش حاجة بتهزني الأحداث بتعدي قدامي زي الهوا لا بتهز شعرة فيا ولا بتغير ملامحي اللي يشوفني يقول متكبر واللي ما يعرفنيش يقول مش فارق معاه حاجة في الدنيا بس الحقيقة إن جواه جبل شايله لوحدي أنا مش هادي أنا حياتي واقفة واقفة بقالها خمس سنين عند ساعتين بس خمس سنين وأنا محبوس في الساعتين دول فاكرهم كأنهم حصلوا النهاردة الصبح جدي كان قاعد معايا في البيت كنت بلبس عشان ورايا مشوار مش هياخد ساعتين وهيرجع قولتله أنا ماشي يا جدي رد عليا بجملة عمري ما تخيلت إنها الوداع روح وهترجع مش هتلاقيني ضحكنا مع بعض افتكرته بيهزر قولت أكيد قصده إنه هيمشي يروح بيته أو هيخرج قولتله بضحك إن شاء الله هرجع وألاقيك منور الدنيا بس هو بصلي بكل هدوء وقالي تاني روح بس هترجع مش هتلاقيني خرجت والضحكة مالية وشي ورجعت بعد ساعتين عشان أفهم معنى مش هتلاقيني بجد جدي مات وأنا مش موجود من ساعتها والندم بياكل في روحي خمس سنين بتحسر على الساعتين دول ليه ما ركزتش في ملامحه ليه ما قعدتش تحت رجله شوية كمان ليه ما فهمتش إنه بيودعني اتعلمت درس قاسي خلاني النهاردة مش عارف أثق في أي حاجة حلوة وبقيت بخاف أفرح لأحسن الفرحة يجي وراها ساعتين يهدوا كل حاجة أنا مش عارف أنام ولا عارف أعيش حياتي زي الناس الدنيا كلها بتتحرك وأنا لسه واقف قدام باب البيت شايل في إيدي وجع الساعتين وفي ودني صوت ضحكنا اللي قلب لأطول ليلة حزن في عمري

أنا بخاف أخسر حد عزيز عليا من بعد وفاة والدي الله يرحمه تحديدا و أنا بخاف من اليوم الي لا قدر الله أمي هتتوفى فيه و تسيبنا الموضوع كل إما أفتكره بيوجعني آوي و ساعات بحسد الناس الي حواليا على أن عندهم أبوهم أو كدا و هم مش مقدرين كدا سواء من عقوق أو أبوهم مش عاجبهم بندم على أي مشكلة عملتها مع أبويا الله يرحمه أتمنى انه يكون مسامحني

ايه اكتر حاجة عملتها او عملتيها وندمتوا عليها ولو رحع بيكم الزمن مش هتعملوها وايه اكتر حاجة ضيعتوا فرصة انكم تعملوها وندمانين على فوات الفرصة وايه اللي لسة بتتمنوه ومحصلش ونفسكم يتحقق

انا حبيت واحد من مجرد يوم اتعرفنا علي بعض بصراحه حبيته جدا ف كل حاجة وهو قالي نفس الموضوع حبني وقعد قالي علي كل حاجة كان ييعملها وحكالي كل حاجة عنه وانا حبيته اكثر وف مره قالي تعال نتخيل حاجات وقعد يقول كلام عن علاقه الجن**سيه وانا بصراحه انجذبت بس مقدرش عشان عارفه انه حرام لاقيته اديق مني وقالي خلاص ننام وبرضو فضل يحاول يقنعني ان الحاجه بتزود الحب بيننا انا المشكلة اني اقتنعت وللاڛف حصلت مش مره بس كذا مره بس ففون المشكله دلوقتي لو اتاخر عليا بقعد افكر انه اكيد كان عايز كدا وهيسبني وبعدين لما بتكلم معه بيحاول كذا مره يطمني بس برضو خايفه حاسه ان مكنش ينفع اعمل كدا بقيت خايفه يسبني اعمل اي

من سنه كده او حاجه حد قالي في مره حاجه وما فهمتهاش كويس قوي غير قريب كده قالي لو ركبتي قطر غلط كل ما فضلتي عليه اطول الرحلة وانتي راجعة هتكلفك اكتر فخلي بالك لما تركبي قطر غلط ابقي انزلي في اول محطه علشان تلحقي ترجعي والرجوع ما يكلفكيش كتير لحد قريب قوي ما كنتش فاهمه قوي يعني هو اكيد ما كنش قصده القطر واكيد ما كانش قصده التيكت بس فهمت لما الاقي نفسي عملت حاجه غلط او اخدت اختيار غلط او حاسة انه المكان الغلط ده مش مكاني او المحيط دا مش محيطي اوعي تخاف ان انت تدفع تذكرة الرجوع لان كل ما طولت في المكان اللي مش شبهك ده كل مكان الرجوع تمنه اكتر واكتر

ازاي اخترتوا نفسكم؟ ازاي اختار نفسي واساعد نفسي اني اتغير للاحسن ازاي ابعد الطاقه السلبيه وغيرها من المشاعر السيئه يعني مثلا انا شايفه ان مش مش انا مش فاهمه حاجه ازاي اتغيرت بالطريقه دي وانا كنت حد إيجابي وداعم وملتزمه جدا دلوقتي بقيت بعيد عن كل حاجه قولتها وبقيت اعمل الذنوب واحس انه شئ عادي!! مبقتش احس بالندم لاي شئ مش فاهمه ليه انا عامة اتغيرت للاسواء ومش عارفه ازاي اختار نفسي واساعد نفسي اني اتغير للاحسن وحالتي النفسيه اتحسد عليها "قرف"

أنا بكلم بنت عمتي(ملحوظة قاعدة في محافظة تانية بس بنتقابل في المناسبات و الزيارات) من زمان من ساعت ما كنا صغيرين و إحنا علاقتنا ببعض كويسة لحد ما وصلنا جامعة (يعني حوالي 7 أو 8 سنين ) و خلال الفترة دي كلامنا كله علي الواتس بشكل يومي و المكالمات من فترة للتانية لما بتكون برا البيت المهم إحنا أقرب إتنين لبعض و علطول بكلمها في كل مشاكلي و هيا نفس النظام و بنعرف لبعض كل حاجة بتحصل في حياة التاني ، فا خطر علي بالي إيه رأيك تتقدم ليها و يكون كلامنا في الحلال بدل ما أنتوا بتكلموا بعض كدا و ممكن يكون في كلامكم شبهة و أخيرا جمعت شجاعتي و أعترفتلها و قولت ليها إن بالكتير خلال نهاية 2026 أو بداية 2027 أكون وقفت علي رجلي و أتقدم لبنت كدا قالتلي مين قولتلها أنتي راحت قالتلي أنتا شخص كويس و فيك كل الصفات اللي تتمناها أي بنت و أنتا محترم و راجل و جدع ، بس أنا شايفة أنك أولا لسا صغير و غير كدا أبويا حالف بالطلاق أنه ما يجوز حد فينا أنا و أخواتي البنات لأي حد من العيلة و مينفعش ، قولتلها أبوكي علاقتي بيه زي السمنة و العسل و بيحبني و أكيد هيوافق ، قالتلي بعدها و غير كدا أنتا يا @#@ مش شيفاك غير أخ و صديق و النقطة مش هعرف أغيرها ( و قعدت تقولي حاجة مش فاهمها) أزاي أنتا هان عليك صداقتنا و قولت كلام زي دا ، و مش عارف إيه و في الأخر من ساعت أخر رمضان لحد دلوقتي مكلمناش بعض خالص و غير كدا أنا قولتلها المبرر بتاعي إن كلامنا فيه شبهة و حرام بس هيا بتقولي أنتا مجرد أخ + لسا مكلمها و قولت ليها هان عليكي العيد دا يعدي كدا ، راح قالتلي أنتا اللي هان عليك كل اللي بينا عايز أعرف دلوقتي اللي أنا عملته غلط و لا لأ و هيا ليه عملت كدا (هل فعلا علشان والدها زي ما بتقول ؟)و لا علشان حاجة تانية ؟ و غير كدا إزاي أنا من جوايا كنت عايز أحارب الدنيا عشانها مع إني كنت عارف أهلي أول حد هيقولي لأ علشان هي أكبر مني ب 6 شهور مع إن دا مش مبرر و هيرفضوا علاقة زي دي تكمل لأسباب تانية زي إني في كلية أعلي منها و كدا و هما عايزني أتجوز واحدة تكون كليتها مستوي عالي مش في كلية أي كلام زيها كدا (دي مش طريقة تفكيري دي طريقة تفكير أهلي ، هيا في نظري أحسن واحدة في العالم كله و محدش يقدر يغير و جهة نظري ) و أي حد عنده نصيحة أو حاجة زي كدا يقولها و شكرا

الواحد بقا قلبه فاضي و عنده احسااس بالضيق والندم و ومبقتش نفسي اكمل حياتي نفسي اقول كل اللي فيا منغير ندم ولا عتاب ولا غلط من اللي قدامي نفسي اتغير بقا واحس اني انسان تاني و اتعرف على شخص يعوض مكان الفراغ ده

كنت مرتبط بواحده لمده 4سنيين وفي السنه الخامسه بدأت المعامله تتغير لحد مانسحبت ومبقتش موجوده في العموم انا تدمرت بقيت شخص غير الشخص من اكتر حد الناس كلها بتحلف بإحترامه وأدبه ونجاحه لاكتر حد بيقولوا ابعد عنه عشان ممكن يأذيك المشكله اني فعلا قدرت اذي كل الي حواليا وكان في ايدي أني اذيها بس مقدرتش

هل حد بيعاني هنا من بوردن لاين ازاي اتاكد ان فعلا عندي اضطراب دا انا بزعل بسرعه و ردود فعلي بتكون اقوي من الموقف و عندي تعلق شديد ف الحب و حبي مخلص بس بتعب من الإهمال و بكون حساسه أضعاف مع الشخص و ديما بفكر ف الموت زعلانه فرحانه الفكره مبتخرجش اصلا باذي اللي بحبو و باذي نفسي وقت الغضب و بندم بعدها و حجات تاني كتير

بعد تفكير كبير و عدم فهم انا ليه عارفه ان الشخص الي اعجبت بيه مش مناسب و مع ذالك اعجبت بيه فهمت دلوقتي ليه الحب مش حرام بس افعال الحب في غير ايطار الزواج حرام بص هفهمك حاجه بعيدًا عن انه حرام بس لازم تعرف انه حرام لاسباب كتير و كلها هتاذينا.. قلبي و قلبك ده عامل زي الطفل بيروح يحب اي حد على مزاجه و يهواه و هو مش قاري بقيت ال red flags بالنسبة ليه و ليك هو بس عايز ده و خلاص منغير تفكير و الفعل ده انت مش محاسب عليه و الي بيعمله ده اول الغلط لكن مش غلطك امتى عارف انه يبقى غلطك لما تسمع كلامه و محولاته باقناعك انك تروح تجرب تكلم الشخص ده او تلمحله او اي حاجه ..اهو قلبك ده هو نفسه الطفل الي عايز يروح يلعب فالكهربه و بيحاول انه يروح يلعب فيها و هو مش فاهم انه غلط اصلا و انت كشخص كبير عاقل طبيعي هتروح تمنعه باقناع بقى او منع او عند او اي حاجه بقى المهم انك عملت الصح عارف امتى تكون انت غلط لما تسيبه و انت عارف انه غلط و هيتاذي من الكهربه كذالك قلبك مش غلط منه انه يحب لكن غلط منك انك تسيبه يروح يلعب فالي هياذيه سواء بقى الشخص الي بتحبه ده توكسيك ولا لا او انت في سن غير مناسب اصلا و دي حاجه انا فهمتها لما كنت بحب حد لفترة مش قصيرة و مش طويلة و كنت بموت لكن حبيته مع نفسي و فضلت عكس قلبي و عكس قراراته لاني شايفه ان الشخص ده غير مناسب ليا مع اني كنت فهمه ده بس كنت برضوا لسه عايزاه صبرت على قلبي الي هو الطفل الصغير ده و قدعت احاول معاه و امشي عكسه و مسمعش صوته الي بيصرخ جوا عشان عارفه انه طريق غلط و انا الي هندم و الحمد لله اديني نسيت الشخص الي كنت بحبه و بل كمان بقيت اشوفه اضايق منه لانه مش شبهي و ولا كان ينفع اني اكون معاه و ده من حكمت ربنا انه فهمني ليه مكنش ينفع امشي ورا اي حاجه تعجبني و بدون الدخول في تفاصيل انا امتحنت و بعدها حضرت الدرس و فهمته و ده اختبار ربنا لينا بنمتحن الاول بعد كده نعرف الدرس

ازاي اسامح نفسي على الأخطاء القديمه والندم واقدر اخرج من الماضي وابدا صفحه جديده من غير جلد ذات ياريت لو حد كان في الحاله دي وجربها واتخطي يقول ازاي او نصيحه حقيقيه بتنفع

فاكره من سنه بالظبط كنت بحاول اتعافي من شخصيه عرفتها. وكنت بكتب بوستات هنا ناس نصحتني و دعمتني و دول قليل اقل حتي من ١%. لكن الباقي اذوني اكتر و بقول يارتني ما كلمتهم ولا اديتهم دقيقه من وقتي او طاقتي

عاوزه طريقة اكلمه بيها من غير ما اكلمه!! واحشني بس كرامتي نأحه عليَ لان هو اللي سابني اصلا فـَ عاوزه طريقة يرجعلي ندمان !!!!!!!!!!!!!!!!!!!!!!!!!!!!!!!

انا ولد عندي ٢٥ سنة لسه بدرس وبشتغل ف كلية حاسبات ، انا من كنت صغير كنت بشوف صحابي بيرتبطبوا وبيكلموا بنات وبيحاولوا يجذبوا انتباهم بس انا كنت شايف كل ده هبل كنت مفكر ساعتها انهم عيال صغيرة وانا اعقل منهم علشان كده مبفكرش في كده قبل حتي ما افهم الموضوع من منظور ديني.. دخلت الجامعة واشتغلت وبدأت احتك ببنات كتير بس فضلت بتعامل عند اللزوم وبحدود الزمالة فقط ؛ مش معزول او انطوائي او اني مبعرفش اتكلم معاهم لا بعرف اتعامل عادي وساعات بضحك وبهزر في وجودهم بس في الحدود والاهمية فقط مش عمال ع بطال يعني ولسه معنديش طبع او خصلة الارتباط او الاقتراب زيادة معاهم في العلاقات او الكلام... لحد من فترة شوفت بنت شغالة جنب مكان شغلي وكانت بتيجي تطلب مني حاجات بطبيعة شغلي بس انا شفتها مختلفة اوي حسيت بحاجة اتجاها وده من حاجة نادرة اصلا اني ابص لبنت عجباني ف مبالك اني احس بانجذاب اتجاها دي حاجة تقريبا اول مرة احساها وانا كبير وواعي لدرجة اني قعدت فترة كبيرة حياتي واقفة عند احساسي ده بفكر اعترفلها وبفكر ازاي هعمل كده وبطلب النصيحة وبحكي كمان لاقرب صاحب ليا وقاعد طول اليوم بفكر ف كل حاجة تخصها وممكن تحصل ، الموضوع خرج عن التفكير وبقولكم اني بدأت اجهز حاجات وبستشير صاحبي فيها ؛ وبعدين زي ما تقول عقلت اني مستحيل اقدر اخد خطوة الخطوبة دي دلوقتي واني مش جاهز ع الاقل ماديا وحاولت اتعايش وفات فترة بتيجي في خيالي وبقعد افكر زي الاول فيها كل فترة والتانية وبكتأب وبزعل اني مش عارف اكمل حياتي معاها وغالبا هي كمان عايش حياتها متعطلة منتظرة حد معين حتي لو مش انا يجهز نفسه ماديا علشان تتجوزه بدل ما تعيش معاه الفترة دي الي مفروض هي فترة شبابنا قعدين مستنين سنين لحد ما نجهز ماديا وبعدين نبقي نتجوز ف الآخر خالص طالما كده كده نهاية الطريقة موجودة ليه منمشهوش سوا بس احنا واقعنا لا يعترف بده حتي لو ده مش من ديننا... حالياً انا كل ما اشوفها عندي تفكير واحد هل هي هتفضل مستنياني لحد ما اجهز واجيلها وهي اصلا متعرفش عني حاجة.. طب افرض حتي انا ضربت الارض طلعت فلوس وهي اتقدملها واحد واتخطبت خلال شهر انا هلحق اعمل ايه خلال شهر مثلا.. وعايش مع فكرة ان اني ممكن اخسر الشخص الوحيد الي انجذبت ليه واعيش بقيت حياتي فاكرها وندمان علشان بس الظروف كانت مش مناسبة ساعتها وبحس بعدها بحزن واكتئاب ووحدة شديدة بعدها ومش عارف اعمل ايه

الانسان علي م في حواليه ناس علي قد م هو حاسس انه وحيد لدرجه مخلياه زعلان دايما وبيحاول يتجاهل وكل مبسمح ل نفسي ادخل حد حياتي بندم بعدها واقول ايه اللي الواحد فيه دا الانسان حقيقي وحيد

ممكن ذنب واحد يحول بيني و بين استجابه و مغفره ؟ نعمل اي فالذنوب القلوبنا متعلقه بيها من شروط التوبه الندم علي ذنب و العزم علي ان لا نعود بس انا من جوايا مش عارفه اوصل لكده

السلام عليكم انا عرف واحده من ابلكيشن مواعده وحبينا بعض جدا وفضلنا مع بعض سنه بس انا كنت مفهمها ان انا حد تانى بصورته لان انا كنت حاطط صورت حد تانى وبعد سنه لسه مكتشفه انهارده الموضوع ده وانا مش عارف اعمل اى معاها هيا صعبانه عليا ومش عارف اواجها ولا اقولها اى حد ينصحنى ضرورى

السلام عليكم ورحمة الله وبركاته انا تعبت انا غرقت في الذنوب حرفيا، كل مرة بتوب برجع أسوء من الاول، حتى رمضان اللي قلت عنه اني هتوب فيه جيت في الآخر وفطرت 3 أيام بسبب العادة السرية !!!! اول مرة في حياتي أفطر في رمضان انا بجد مصدوم من نفسي حرفيا انا يئست من نفسي وبقت بتجيلي أفكار اللي هو انا مش هعرف أتوب أبدا وبيأس مني مش من رحمة الله، انا عارف الآية في سورة الزمر " قل يا عبادي الذين أسرفوا على أنفسهم لا تقنطوا من رحمة الله" بس انا ميأستش من رحمة ربنا انا يأست من نفسي اني اعرف أتوب اول تهجد يجي واكون واقف مش خاشع فيه، اول مرة اصلي تهجد وابقى واقف قلبي زي الحجر انا بجد مصدوم من نفسي ومش عارف اعمل ايه على الجانب الآخر بحاول قدر الإمكان اني أحافظ على الصلوات في المسجد والحمد لله بحفظ قرآن بس كل دة بقلب زي الحجر الذنوب أهلكتني

راني حاس بلي المكان ماوش مكاني و الزمان ماوش زماني أحيانا تروادني افكار على الانتحار كلش عكسلي ... راحلي الشغف قرايتي ملقيتش وش ندير بيها كلش تعكسلي .. ندمت علاه مخرجتش من لبلاد وانا صغير

كنت بحب وحدة و كانت بالنسبالي كل حاجة في الدنيا كانت هي الدنيا ليا و مكنتش مقصر معاها في اي حاجة او على الاقل على حد استطاعتي كانت حبيبتي و بنتي و نونتي و صاحبتي و اختي و روحي و كل حاجة كان عندي استعداد ابيع الدنيا عشانها و العلاقة بينا كانت متطورة لابعد الحدود و المفروض انها كانت محسساني انها بتحبني . المشكلة انها كانت ماشية ورا اهلها في كل حاجة في طمع امها و استغللها و تخلفها و جهلها ورا اخوها الديوث ال مش يساعد اخته للجواز لا ده عايز يتجوز في شئ يخصها على قفاها . و كانت تدخل عند حد من صحابها او تشوف حاجة عند صحبتها تفضل تقول انا كان نفسي فيها و عايزها زيها . و تيجي اخر حاجة ان كان في مشاكل بيني و بين اخوها و خطيبته و هما اصغر مني في السن بكتير و اقل مني في المقام بكتير انا راجل مهندس و هما حياله دبلوم و كان قبلها بيوم مشكلة كبيرة بينهم . و يجي تاني يوم حد يقولهم حاجة عليا و هي تصدقها مع انها غلط انا كنت بسال على حاجة عشان اعملها مفاجئة بيها و يطلعوني بشرب مخدرات و ماشي غلط و ده مش صح ال كسرني و جرحني ان هي كانت عيزة تكسرني و تذلني و تحط راسي في الارض قدام الناس ديه و تكسر عيني قدامهم عشان متكلمش عليهم التاني . المشكلة الكبيرة ان احنا انفصلنا قبل جوازنا بشهر واحد بسبب المشكلة ديه و لغيت النهردة مش عارف انساها و بفكر فيها ٢٤ ساعة و في حرب جوايا مبين حبي ليها و كرهها و غل من ناحيتها بسبب ال عملته فيا انها كسرت فرحتي و فرحة اهلي بيا و باعتني و كانت عيزة تكسر عيني و تذلني . انا بتمنى من ربنا اني انساها و ربنا يعوضني خير عنها و حسبي الله و نعم الوكيل فيكي يا م.س.م.ع وحسبي الله ونعم الوكيل في اخوكي و امك و اهلك كلهم يا رب تقري الكلام ده و تعرفي انك المقصودة و تعرفي انت عملتي ايه فيا دنا حاولت انتحر مرتين بسببك . منك لله و ان شاء الله هتشوفيني و انا ربنا معوضني بال تستهلني و اخليها ملكة عشان انتي مقدرتيش النعمة يا واطية يا بياعة يا ناقصة يا رب اجبر بخاطري و عوضني خير عنها لو حد عندو نصيحة ليا ياريت ميتاخرش بيها لو سمحت

انا شخصيه عصبيه للاسف وكمان أم جديده شويه .. ازاي اقدر اسيطر علي عصبيتي وغضبي خصوصا لما ابني يعمل حاجه تعصب .. ازاي امسك نفسي عن اني مبقاش مع كل حاجه بخبطه ولما يكبر ابقى ام بتضرب .. محتاجه جدا نصيحه لاني مش بقدر اقاوم دا