عندي مشكلة بقالها فترة ومش عارف أتعامل معاها بشكل صحيح. حاسس إني بقيت بدور على المتعة طول الوقت، وكأني مش قادر أستحمل أي لحظة ملل أو هدوء. مع الوقت ده خلاني ألجأ لحاجات غلط وأخد قرارات ندمت عليها بعد كده، لمجرد إني أهرب من الإحساس ده أو أحس بشعور أقوى. المشكلة إن الحاجات البسيطة اللي كانت بتفرحني زمان بقت عادية جدًا بالنسبالي. أكلة بحبها، مكان بحبه، خروجة حلوة... كل ده مبقاش بيديني نفس الإحساس، وكأني فقدت القدرة على الاستمتاع بالحاجات الطبيعية. كمان عندي ADHD، وده بيخليني أحيانًا أواجه صعوبة في التركيز أو إني أقعد هادي من غير ما أكون بعمل حاجة. كنت فاكر إن الموضوع بسيط، لكن مع الوقت بدأت أحس إنه مأثر على جوانب كتير في حياتي. بقيت في صراع مستمر بين إني عايز أغير من نفسي وأرجع طبيعي، وبين إني أرجع لنفس العادات اللي بتديني راحة مؤقتة وبعدها ندم وتأنيب ضمير. أنا مش بكتب الكلام ده عشان أشتكي، لكن لأنّي فعلًا محتاج أفهم اللي بيحصلي وأعرف أتعامل معاه. لو حد مر بتجربة مشابهة أو عنده نصيحة ممكن تساعد، هكون ممتن جدًا ليه. ولو معندكش نصيحة، ادعيلي ربنا يهديني للطريق الصح.
بص هوا غالبا دا بسبب مستوايات الدوبامين عندك انت اتعودت ع جرعه معينه وبدات كل شويه تحسها عادي فا تزود فا تبدا تتجه للخطر عشان الموضوع يبقي اقوي و تروح للحجات الغريبه و المختلفه ودا يخليك شايف انه انت علطول بتدور ع متعه هيا الفكره انك مش علطول بتدور ع المتعه انت بتدور ع تشبيع الجرعه اليوميه كامله هديك مثال لو انت عند كبايه كل يوم بتشرب فيها بتجيب ازازه مياه صغيره تفضيها فيها فجاه الكبايه دي غيرتها لواحده اكبر الضعف هتحتاج ازازتين مياه لكن دا مش معناه ان ازازه المياه قلت او انت اللي بقيت بتشرب كتير فنت اللعبه اللي كانت بتديك مثلا 90٪ من جرعة الدوبامين بتاعت اليوم بقت دلوقتي حصلها زي تضخم بقت بالنسبه للمخ عباره عن 30٪ ف الاغلب انت محتاج تقلع عن الادمان دا عشان ترجع تاني تاخد نفس الجرعه الاصليه لكل فعل زي الاكله الحلوه او ايا كان من دا حاول تدوق نفسك الملل دخل الملل ف يومك وكانه دوا مر و خلينا صرحا الحل ديما بيكمن ف انك تجبر نفسك بنفسك بحيث متملصش منك
حاول تقطع اي حاجة وحشة من اللي بتديك دوبامين بشكل سريع دي بس و كره نفسك فيها بأي شكل و شوف الحاجات التانية زي الكتب و البودكاست اسمع الدحيح مثلا اي حاجة طويلة علشان دماغك اتعودت ع الدوبامين السريع بس اجبر نفسك متخليش حاجة زي دي تتحكم و غالبا محتاج استشارة حد فاهم اكتر
حاول تغير من نفسك من ترك شيئا لله عوضه الله خيرا حاول مره واثنين وثلاثه كل ما تذنب حاول ترجع باب التوبه مفتوح دائما حاول تنتظم على الصلاه سوي رياضه نظف البيت نظف الغرفه نظف اي شيء استمتع في اي شي تسوي حتى لو كان بسيط
بقينا مدمنين دوبامين 🥺