صراع داخلي

انا طفلة عمري لامشيت ولا حبيت ماشي فيا مشكل ولا بالعكس شابة الحمدوالله وعقليتي هايلة وعاقلة ودومونداوني شحال من مرة مي كنت مركزت على قرايتي وحياتي وكنت نشوفها تفاهة تاعم مراهقة دوك عمري 20 ومازالني مركزة على قراتي جبت الباك 2 مرات ب 14 وراني نعاودة المرة 3 حبيت ندخل طب (ادعولي ان شاء الله نلحق ) المشكل ماهوش هنا المشكل اني من اسبوع وليت نحس بفراغ عاطفي كبير كانو وحدت تشتاق لحبيبها وانا معندي لمن نشتاق نزلت تطبيق محادثة عشوائي تكلمت معى الاشخاص لمدة يوم لكن نحيتو حسيت انو مشي حل (ظنيت اني اذا تكلمت معاهم حنعاود نكره الحديث وتضيعت الوقت كرهت لكن الاحساس قعد نفسو ) انا حساباتي فيسبوك انستا وسنب خاليا من الذكور قتحت حساب تيكتوك مزيف وقعدت نبحث على حسابات اشخاص كنت نعرفهم او نعرفهم وحتا جيراني الي عندي اكثر من 12 سنة معاهم وعمري مكلمتهم وليت نحوس على حسابهم ونتمنا شخص يراسلني ولات اني نتمنا شخص يراسلني فكرة فراسي وازعجتنييي جدا انا ليست هاذ الانسان وخاصتا انو امتحاني قرب (اغلب الوقت وليت نتابع حساب هاذا جارنا ونشوف. كي يهبط ونتمنا انو يشوفني لكن انا عمري لانتبهتلو وحياتي كامل نكرهو ومنحبوش وهو ليس من نوع العباد الذي احبهم بل العكس انه من نوع الاشخاص الذي اكرههم ) الي حدثلو شيء هكذا يخبرني

عندي مشكلة مستغربها ، مش عارف ليه الواحد أيام ما كان مش ملتزم زمان في حاجات كتير او بيعمل ذنوب كتير تلاقي كل حاجه ماشيه عدل سواء في شكلك في صحتك في يومك ، و دلوقتي لما تبقى ملتزم في كل حاجه و تكون بعدت عن اي حاجه وحشه تلاقي العكس حصل ، في اي حاجه عموما وتقول ما زمان كنت أسوأ من كده بكتير و كل حاجه كانت مظبوطه ليه لما نلتزم نلاقي حتى أبسط الحاجات اللي كانت حلوه بتختفي وتخلي الثقه بنفسنا تروح عشان كل حاجه كانت كويسه راحت او ما بقيتش زي الاول

هو ليه الانسان بياكل فى نفسه رغم انه ممكن يغذى نفسه بإيجابية ويبعد عن السموم وليه الانسان بيتحرك من منطلق "الإجبار" مش كونه (حابب) يتحرك وليه الانسان "بيفكر كتير" رغم انه ممكن (يتكلم) ويفكر اقل ليه الناس بتدور عالسهل المُنجز رغم ان فيه صعب مُستدام ليه الناس بتتحرك من غير ماتقف وتسأل "احنا بنتحرك ليه وعلشان مين" وليه الناس بقى لسانها سابق تفكيرها مشكلة جوا مشكلة والمشكلتين عكس بعض وفجأة بقيت بتتأثر بالنفس اللى طالع من غيرك لإنك.. إنت إنسااان يا إنسان

عايزة اقول حاجه في ترند طالع من فترة انه البنات بتلبس واسع و فضفاض و انه قد ايه انا تقية نقية و (محترمة) و بينزلوا ده على السوشيال مديا سواء على اناشيد او اغاني و انه الشهص الي هيتحوزني مش هيتعب عشان يقولي البسي واسع غطي رقبت متبينيش شعرك متضحكيش بصوت عالي عشان برضوا تبين قد ايه هى تقية نقية (محترمة) معلش سؤال ؟؟؟؟؟ هو انت مستنية ايه من الناس عشان تنزلي صورك بلبسك الواسع الي دينك فرضوا عليكي عشانك مش عشان انت مستنية كلمة حلوة للناس و اصلا حرام ان النساء تظهر على السوشيال ميديا كده لازم يكون فيه ضوابط شريعية و حاجات تحلل ظهورك على السوشيال ميديا و محدش يقولي طب ما د/هالة سمير داعية اسلامية و مش عارف ابه دكتور هالة وجودها مهم و هى بتدرس في سبيل الله عشان كلمتها اقرب و احن للنساء من كلمة راجل ممكن تكون فيه قسوة شوية و كمان بكامل حجابها الي ربنا امرها بيها و مش طالعة توري الناس لبسها على السوشيال و تحط عليهغ اناشيد و تقعد تلف و تتدلع قدام الكاميرات و تنزل هى بتنصح بما يرضي الله و فقط و ليها دروس علم في جامعات و مساجد مسجلة يعني ده عمل و جهاد في سبيل الله لكن الي البنات على السوشيال و تلف و تتصور و تبين للناس الي هو قد ايه انا عفيفة بصوا لبسي ده مش صح ابدا فيابنات اتقوا الله و كونوا عفيفات لله مش للناس لان والله مهما عملتي برضوا هيتبصلك بصة شهوانية من الناس المرضى فانت متتدلعيش تحت ثوب العفة و تبوظي مضمونة بمناسبة اللبس الشرعي انا حجابي مش كامل و فيه نواقص كتير و انا مش بحب لبس الجيبة و بكرهه حرفيا من شهور عرضت الفكرة على اهلي و كان عندي استعداد رهيب اني البس النقاب و كنت حباه جدا و عرضت الفكرة على اهلي و انا مبسوطة و متحمسة و كنت متوقعة الموافقة لكن صدموني بردهم و بالاخص بابا بابا قالي انا عايزك انسانة ناجحة و اغلب المنتقبات لبسهم ليه بيكون بطريقة غير مقبولة و ازاي هتعيشي و انت سنك صغير و ليه تحكمي نفسك من دلوقتي و اغلب الدعاة مش بيلبسوا النقاب ما لو كان فرض كان هم اولى بيه و ليه كده و بتاع انا مش في دماغي كل ده و من ساعت منعهم و انا حبي ليه زاد اكتر لكن مجراتش اني اتكلم معاهم فيه تاني و لسه الموضوع في دماغي و ناوية اني أفاجأهم بيه و هيكون قراري قاطع بس الفكرة انا فعلا سني صغير و في حيرة جامد و نفسي البسه و مخنوقة من اهلي من ساعتها و مبقاش يهمني ابين جمالي قدام حد او اني اهتم لنظرات الناس ليا و بالنسبة ليا مش فارق اكون داعية او لا و ده مش النجاح فالدنيا عموما و ده مش الي انا شايفاه نجاح انا حاطة طريق تاني للنجاح و وقتها هكون مبسوطة جدا و كله هيكون بتوفيق ربنا ليا طبعا انا نجاخي الي بالنسبة ليا اني اكون عفيفة أطعت امر ربنا ليا اكون صالحة في اي وقت و مكان اكون موجودة فيه اكون ابنة بارك و زوجة صالحة و ام حضنها يكون ملجأء اولادها و شايفة ان النجاح الي منظور الناس التانية و منظور اهلي ده سعي و رزق و نصيب و توفيق ربنا و انا لو ليا اكون داعية او مؤثرة فده مش اختياري من البداية و هو توفيق ربنا حتى الان انا مش قادرة اتقبل رفض اهلي و مفهماهم اني خلاص اقتنعت و بالاخص بابا لان فكرتة عن النقاب وحشه و مش قادر اعمل حاحت و قالي لما تتجوزي او لما تهلصي جامعة و انا قدامي سنتين على الجامعة اضمن منين اني مموتش قبلها و كمان قولتلهم خلاص هاخدها واحده واحدة برضوا مصممين انهم يلبسوني على مزاجهم و البس جيب صك و ملبسش حاجه واسعه ساترية منغير تفاصيل عرضت عليهم كتير برضوا رفض رفض رفض اتخنقت و هم عايزين يلبسوني الي انا مش حباه و مش عابزة اقولها بس انا مريحاهم لكن مش راضية من جوايا و مش عايزة اقفل مره واحدة منهم و البسه مرة واحده و اخطهم قدام الاكر الواقع و ساعتها محدش يقدر يكسر كلمتي لاني لما بحط حاجه في دناغي بعند و بعملها غضب و مش من السهل اطلب حاجه و لما اطلب بكون بطلب بجد +عمري ما جربت اعند مع اهلي بس بجد شايفة ان منعهم مش منطقي 👎🏻👎🏻👎🏻👎🏻👎🏻👎🏻👎🏻

انا بكره اللحظه اللى بكون محتاجه فيها لحد عشان أحساس الوحده اللى قاتلنى عارف ومتاكد أن الناس دى بطريقه ما هتاذيك أن حاولت بكل الطرق أنك تعافر عشان تبعد وتلاقى وسيله تانيه تملى بيها وحدتك هترجع لنفس النقطه انك محتاج ونس أو شخص معين واثق أنهم ممكن يخلوك تعمل وتحس بإحساس انت مش عايز تحسه بس برده هتفضل طالب انك تملى الاحساس ده الاحساس ده صعب اوى

جماعة انا عندي كذا مشكلة كدا في شخصيتي ومش عارفه بالظبط اعمل ايه اول حاجة انا شخصيتي ( الشخصية الحدية) و دي بسببها بتجنب دايما اي حاجة جديدة في حياتي واي ناس جديده وعندي خوف دايما من اي جديد وفي نفس الوقت ببقي عايزة الحاجة ومش عايزاها يعني مثلا عايزة اصاحب ناس جديدة وفي نفس الوقت مش عايزة اعمل كدا بتجنب عايزة اجرب حاجة جديدة وفي نفس الوقت لا ودي مشكلة عاملة صراع كبيرة جوايا تاني حاجة بقي مش عارفه اشرحها ازاي بس انا مش بحب حد يشاركني اي حاجة بحبها خصوصا الناس الي بحبها يعني مثلا لو صاحبت بنت واتعرفت عليها وبقينا قريبين ولقيتها بتتعرف ع ناس جديدة واندمجت معاهم وبقت قريبة ليهم وهي عادي لسه صحبتي وكل حاجة بنسحب تدريجيا واتقفل منها اي حد قريب مني بغير جدااا لما الاقيه قريب من حد غيري وبجد ممكن انسحب واسيبه وامشي انا بغير جدا من اي حاجة تخصني وممكن افضل لوحدي عشان بس محسش بالشعور دا مش عارفة بقي دا اسمه ايه وايه الحل؟!

انا مليش عين ارجع ل ربنا بعد ما عزمت علي توبه للمره الالف وبردوا وقت تاني واسوأ م الأول 💔 اعمل اي كل مره كده وكل مره الغلط بيكبر وبيتمادي انا مكسوف ارجع اطلب منه وابكيله بعد ما بكيتله كتير وبردوا وقعت بقيت حاسس اني كداب ومنافق

لو كرهت فئه كامله بسبب العنصريه الشوفتها منهم طبعا مش الفئه كلها اتعنصرت اكيد بس تقرييا البشوفه من عنصريه كل يوم كفيل يخليني اكرهم كلهم هل ده يديني الحق لو شوفت حد منهخ محتاج اي حاجه مساعدوش واشيل جوايا كره وانتظار اي لحظه للانتقام ولا ده ميدنيش الحق ياريت الاجابه تبقي علي السؤال بس مش عايز حد يقعد يفكر ف الفئه اللي بكرها لانها فئه مش هتيجي ف دماغ حد

بعد ما كنت حاسه اني بقيت كويسه دلوقتي حاسه اني برجع للصفر اذا مكنتش رجعت بحاول اجاهد ف نفسي، بحاول افضل صح، بحاول ابق كويسه، انا بحاول... يعني المحاوله دي هي اصعب حاجة حقيقي. انا احيانا بيبق انتصاري ف اليوم اني قومت من ع السرير. بس حقيقي المحاوله متعبه اوي.

في اخر فتره بحاول اظبط لبسي و اني البس واسع و طويل و مبينش شعري من الطرحه و نفسي اوي بجد البس خمار و سمعت فيديوهات كتير اوي اني اخد الخطوه او علي الاقل ابطل ابين شعري من الطرحه و البس واسع شويه بس بلقيني بلبس كويي و مبينش شعري يومين او تالته و برجع تاني مش عارفه لي بيعمل كده بس بحس في ساعاتها اني مخنوقه من الحجاب و عاوزه اببنو و بشوف اني كده احسن و دعيت كتير لي ربنا اني اتقرب لي اكتر من كده و يحببني في الحجاب الصح بس مش عارفه مع ان جوايا نفسي بجد البس الخمار و بدعي ديما بس مش عارفه اخد اي خطوه.. ساعات بحس ان ربنا مش عاوزني اتقرب لي

أنا شاب، ويمكن رديت على مشاكل كتير هنا وحاولت أساعد كل واحد بطريقتي… بس المرة دي أنا اللي محتاج أفهم نفسي. مش عارف هتتفهم ولا لأ، بس هحكي وخلاص… أهو رجعنا لليل، والصراع بيبدأ. ساعات بحس إن عندي شخصيتين… بالنهار: أنا الشخص الجدع والمحترم، اللي الناس بتثق فيه، بحب أساعد أي حد محتاج، وممكن أتكلم في الدين والحياة وأنصح من قلبي. لكن أول ما الليل ييجي… بحس إن دماغي بتتغير، تفكير تاني خالص، صراع بين إني أكون الشخص اللي عايز أبقى عليه، وبين رغبات بحاول أسيطر عليها. وكأني شخص تاني خالص. حتى الناس اللي أعرفهم بيستغربوا التناقض ده… مش عارف ده طبيعي ولا لأ… بس يا ترى فيه حد بيعيش نفس الصراع ده؟"*

كلها شهر ونص وادخل تالته ثانوي انصحوني من خلال تجربتكم انا مضطربه جدا من اول دخولي للثانوي اكلي م متظبط ولا نومي ولا دراستي كل حاجة فيا حساها غريبه انا مكنتش كده انا كنت زمان بحب اقرأ و اشارك ب رأي لكن دلوقتي انا مبقتش حابه اكون مع حد ولا اجادل حتي م عارفه اتكلم زي زمان انا مؤمنه اني هقدر اوصل ل حلمي بس جوايا صراع داخلي جزء بيحبطني وجزء بيشجعني انا م عارفه ولا اهتم بصحتي ولا بمذاكرتي مبقتش احب اذاكر ووقتي كله ي عل الميديا ي نايمه ي باكل وبتفرج عل مسلسلات وافلام بجد حاسه ان حياتي مقرفه وملهاش معني

ازاي بتوازنو بين انكم تتوكلو على ربنا و تسلمو النتيجة ليه و انكم تجتهدو في نفس الوقت و تعملو اللي عليكم؟ دايما لما بحاول اوازن بين الاتنين بحس في حاجه منهم بتقع مني بس نفسي اجرب شعور السعي و التوكل مع بعض

انا عمري ما حسيتها بنفسي و لكن دايما بتتقالي و مش بصدقها، كزا مرة حد يقعد معايا يقولي نفس الجملة و يديني اسباب كتيرة وانا ببقى شايف الموضوع عادي لحد ما بدأت اقتنع شوية بالاسباب ديه، بس بعد فترة هتكتشف ان ده شيئ سلبي اكتر ما هو ايجابي

في تجربتي مع مضادات الاكتئاب فضلت ماشي عليها من سن ال ١٤ لحد اما وصلت ١٦ و قطعتها لوحدي افتكر ايام كتير كنت بضاعف الجرعة لوحدي يعني لو باخد حبايتين فاليوم كنت باخد ٤ اما قطعته مرة واحدة بقي دايما في سؤال بسأله هو انا مين فدول يعني دا انا بعد اما قطعته ولا انا كنت انا و انا باخده ولا انا كنت انا قبل م اخده و اتعب مشقادر احدد لحد دلوقتي اللي اعرفه كويس انه سايب معايا اثار جانبية لحد النهاردة زي خلل ف انفعالاتي ممكن اضحك غصب عني لو منفعل و غيره

مش عارف اقول ايه بس حاسس اخر فتره شخصيتي بتدمر.... هرتب الحاجات اللي حاسس بيها 1: {التنازل} بقيت بتنازل عن حاجات مهمه جدا زي قيم اخلاق انسانيه دين حاجات بتحافظ على شخصي انا بقيت أتنازل عنها زي ما تنازلت عن حاجه مهما جدا كرامتي وشعوري فقدان الحاجات دي عملت تصرفات مشوهة بقيت بعمل اي حاجه عشان اكون مبسوط او اخد حاجه انا عايزها مبقتش بيفرق معايا صديق حبيب قريب حتي منظور الحب بقى مشوهة جدا عندي مبقتش عارف احب انجذب كل دا بيخلق شئ أسود مش عارف أسميه ايه أكن الحاجات دي تصرفات شخص تاني شخص منفصل عني 2: {كبرياء متناقد} الكبرياء المتناقد هتقولي ازاي متناقد هقولك شعوري لما احس اني حاجه كبيره جدا مع ان مفيش حاجه في العالم الملموس بتقول أن انا كدا بس في دايما شعور كبر غرور عظمه بس على ما اظن كل دا كدب أو حاجات انا مفروض ابقى عليها بس مش عارف تصرفاتي قدام نفسي كلامي بتقول أن انا كدا بس لما اتكلم مع حد كل دا بيتشتت وببقى حد عادي جدا

قصتي بأختصار ان في العيله قريبي من واحنا صغيرين أصحاب جدا واخوه معانا طفولتنا احنا التلاته مع بعض مع ان هما في محافظه و انا في محافظه بس احنا في الاجازات و الأعياد دايما مع بعض ف لما كبرنا شويه و بقينا داخلين على أولى اعدادي بدأنا نقعد مع بعض اكتر عشان كرونا جات و كدا و كلنا قعدنا في البيت و اتحبسنا في محافظتهم بسبب حظر التجوال مده طويله ف فيه واحد من الاتنين دمت بقينا حرفيا قريبين جدا و التالت بقى مكتئب مش عارفه بس مكنش في نفس المود احنا قعدنا من أولى اعدادي و تانيه اعدادي كنت بنتكلم كتير و انا كنت بحسب ان دا بيحصل مع كل القرايب مفرقتش ولد ولا بنت المهم تلميحاته بقت واضحه جدا في تالته اعدادي قمت قاطعه علاقتي بيه سنه تالته اعدادي عشان حسيت اني بحبو و انا دماغي مش مستوعب ان ازاي احب قريبي و عمري ما فكرت بالطريقه دي قلت و بعد ما قطعت علاقتي بيه سنه معرفتش ابطل افكر فيه طول السنه دي و استسلمت اني بحب قريبي و بقيت بعامله زي ما هو. يعاملني لو فيه تلميحات بقولها و كدا بس أولى ثانوي كان لسه زعلان اني قطعت سنه كامله تانيه و تالته ثانوي كانو بيرفكت أولى جامعه بيعلقني كتير قمت مبعتلوش الأول دلوقتي لو احنا في تجمع عائلي ممكن مسنلمش على بعض بس انا لسه بحبو بس في ي نفس الوقت انا لسه بعامله زي ما هو يعاملني ل مسلمش انا مش هسلم و كدا و لو مبعتش انا مش هبعت بس في نفس الوقت اللي جوايا مش عكس كدا تماما و نفسي اكلمو و اعرف هو بيفكر فيا ازاي و خاصه ان احنا كل دا تلميحات و عمرنا ما قلنا اعترفنا لبعض اعمل ايه بجد انا كل اللي بعمله معاه بيكون جوايا عكسه بس في نفس الوقت انا نفسي اقلو على كل اللي جوايا او حتى اتصرف معاه طبيعيه زي أولى و تانيه اعدادي لما كان بيلمح و انا مكنتش فاهمه

من يوم كنت صغير بحس أني غير مسموع كأني شخص شفاف ، ناس تقاطعني بالحديث ، ما تسمعني أصلا ، حتى إذا كان هناك فرصة أتكلم يتم مقاطعتي ، الآن أحس نفسي راح أنفجر , أظن ما راح أتحمل كأنو الهدوء قبل العاصفة.

طيب انا حكايتي غريبه شويه بس في منها كتير. ماما و بابا اتجوزو يعتبر صالونات و بعد 5 سنين اطلقو و ماما خدتني و مشيت علشان محدش كان موافق علي ده اخواتها كانو بيرجعوها غصب عنها و يتنازلوا عن حقها هيه اختارت تاخدني و تمشي من وراهم و رفعت قضيه خلع و استقرت لوحدها بعد سنين علاقتها مع اهلها رجعت بس مش كلهم انا بقي كبرت و اتربيت معرفش حاجة عن الاهل و مشفتش منهم امان و كل ذكرياتي معاهم اللي فكراه من وانا صغيره بشعه ابشع حاجة ممكن طفله تشوف ان مامتها بيحصل فيها كده حقيقي كل ما بفتكر من الخنقه بحس اني مش قادره اتنفس لاكن اخوات ماما دلوقتي رجعو كلموها و معترفين ان اللي هيه عملته انها تمشي ده الصح و انها نجدت نفسها من الهلاك وانا عايشه يعتبر لوحدي انا و ماما مش متفاهمين شويه كل شوية بنتخانق و عدينا بحاجات صعبه جداً بس وضعنا دلوقتي احسن بكتير ماما حاولت كتير تطلعني احسن من اي حد بس بطريقه غلط من غير حنيه انا مش بفكر اوي في الموضوع ده بس لا المفروض ان ده كان علي الاقل من حقي وانا صغيره انا بقعد بفكر مثلا ايه اللي كويس ماما عملته معايه من حيث الفيلنج مش لاقيه لاكن من ناحيه التعليم و كده هيه بصراحه كانت بتعمل كل حاجة علشان ابقي فعلا كويسه وانا حاليا دكتوره بس لمه بدأت اكبر بقيت انا بختار طريقي من نفسي علشان ماما تفكيرها غلط و بالنسبه لبابا انا مش عارفه اقول هو كويس ولا وحش هو كل علاقته بيا اننا بنتكلم في التليفون و بقابله كل كام سنه مره كل حكياته بجد محدش يستحملها لاكن في نفس الوقت هو حنين عليا انا ف بتعامل ان مهما هو كان او مزال وحش ان هو ابويا مش هينفع اعامله معامله وحشه مع انه مضافليش اي حاجه في حياتي زيه زي اي راجل غريب و كمان في فرق طبقات فظيع بيني انا و بابا انا عايشه في مكان كويس الحمدلله قي بيت ماما كبير و واسع و تعليكي بفلوس و مش قليله و بنصرف كتير اللهم بارك و بابا عكسنا تماما بابا معندهوش بيت ولا شغل ولا حتي تليفون سمارت و لهجته مختلفه تماما عننا انا جوايا بسبب اهلي خوف كبير بس من بره ببان ولا كأن فارق معايه و اني برغم اللي حصل معايه بس قويه و عرفت اتصرف صح و الصراحه انا هدفي الاول و الاخير دايما ابقي كويسه من بره حتي لو انا مدمره من جوايا لدرجه ان من كتير التفكير بنام و احلم بكل الهم اللي عندي و بصحي من عياطي و اتعودت اني محكمش علي حد من شكله و بعامل كل الناس حلو و باخد علي قافيا في الاخر بحس جوايا عبث مش عارفه اترجمه اه اي حد في حياتي ميعرفش اللي حكيته ده بس اللي بيشفوه غير اللي جوايا

اوحش احساس لما تكون عارف الصح و الغلط و الحلال و الحرام و مدرك لكل حاجة حواليك و بتقع في الغلط بردو و بتبقي فاهم ان في شخص بيستغلك و مكمل بس علشان ما تكونش لوحدك و انك عندك فراغ و حياتك مليانة لكن مش قادر تشتغل فعلا او تذاكر او تعمل اي حاجة و بقيت معتمد علي وجود اشخاص في حياتك و مش حاسس بقيمتك غير لما يكون معاك حد و لما تفضل في اكتئاب و مفيش حد حاسس و لما حتي تقدر تتحسن تقع تاني و تتعب كل ده صعب و جدا و مؤلم لدرجة انه احيانا ممكن يخلي شخص يكره نفسه و حياته و يأذي نفسه و ممكن توصل معاه لدرجة انه ممكن يفكر ينهي حياته علشان يبطل تفكير و الفكرة انه ممكن يكون. معتمد علي وجود الاشخاص دول علشان بس يحس ان حد جنبه او انه مش لوحده و محبوب و انه ممكن يكون بيهرب من انه يفكر في حياته او مشاعره حد مش متقبل حتي انه يعرف هو حاسس بإيه ده مش شخص وحش ولا ضعيف لكن كل ده صعب لكن اكيد هيعديه ان شاء الله لانه قوي و هيقع و يقوم

مبقتش عارفه اتصالح مع فكره انه بيجي ف بالي كتير بمعني اصح مش عارفه اموف اون مش عاوزه ومش عارفه ابدا يمكن بنساه نص ساعه وافتكرو باقي اليوم وحتى مش عارفه اتصالح مع فكره اني استاهل الافضل والاحسن

انا عندي مشكله انا حولت اني اعالجها بس مش لقيلها حل لغايه دلوقتي . انا عارف ان الارتباط حرام . وفعلا من وانا صغير عمري ما ارتبط ب بنت . بس دا في حد ذاته مسببلي مشكله . ديما بفكر لي لغايه دلوقتي مرتبطش ببنت . هل السبب فيا ولا لا . وبقيت اي بنت تديني شويه اهتمام اتعلق بيها ولسبب ما العلاقه مش بتكمل وبنسيب بعض قبل ما الموضوع يوصل لارتباط لسبب ما وطبعا دا شئ كويس لانها كلها علاقات غير شرعيه بس في نفس الوقت . دا بيضايقني اكتر . الي هو هل انا مش كفايه ؟ واسئله من دي كتير

انا محجبه بقالي خمس سنين انا الوقتي داخله تانيه ثانوي و متحجبه من سته ابتداىي و انا متحجبه عشان كنت عايزه اتحجب مش عشان حد اجبرني بس انا من بعد اما اتحجبت بشهرين تقريبا بدأت احس اني عايزه اخلع الحجاب و الاحساس دا معايا من ساعتها و كل شويه يزيد اوي لدرجة اني بجد ببقى بفكر اني اخلعو بجد و بعدها ارجع اعدى و اقول لا و مش هخلعو خلاص و كدا .انا مش عايزه اخلعو عشان ولاد او حاجه بس انا عايزه اخلعو عشان عايزه احس اني احلى شويه ليا انا مش لحد تاني وانا بجد معتش عارفه اعمل ايه بصلي و بدعي وكلو انا كدا كدا انشاءالله مش هخلعو بس انا عايزه التفكير في الموضوع يروح خالص.

ليه دايما بنبقي مضغوطين و مستهلكين نفسيا و مش قادرين نعمل حاجة برغم اننا عارفين السبب ومنقدرش نغيرة خصوصا لو متعلق بالبيئة؟ يعني علي سبيل المثال ليه الشخص يكون هدفه في الحياة هو انه يبعد عن البيئة بتاعته (اهله و ناسه) بأي شكل ممكن عشان يرتاح بس في نفس الوقت بببقي فيه ضغط و تعب داخلي انك ازاي هتبعد و تسيبهم دول اهلك ولكن في نفس الوقت انت متعرض لأذي كبير جدا و انت معاهم و متقدرش تغير الأذي ده لأنك طول ما انت معاهم هتتأذي ف الحل انك تبعد. بس هل بعد ما تبعد هتبقي مبسوط؟ خصوصا لو انت طول حياتك كان نفسك يبقي عندك عائلة.

متخطيتش وخايفة فالايام الجاية يرجع الانسان السام ونرفضو ونتحطم ولا نرجعلو ونزيد نتكسر مقدرتش ننسى ذكراياتنا وفنفس الوق حايرة كفاه نسى ومشى بكل برودة دم عدت فدوامة مش عارفة نخرج منها والف حاجة تقلي اهربي والف حاجة تقلي ارجعيلو تعبت💔

رجعت تاني للارق و لخبطه النوم و وشي الباهت و عيوني المطفيه اللي كلها دموع رجعت للنسخه اللي كنت بحاول اتعافي منها اخر فتره رجعت تاني بس مش عارفة ارجعني زي الاول نفس التوهه السرحان السكوت من بره و الدوشه ف دماغي