عندي افكار الحادية كثيرة سببها الائمة الكبار اللي تخلاو على فلس/طين في اكثر اوقات حاجتها ليهم ، و بسبب تركيز رجال الدين على مواضيع تافهة بدل الافات الاجتماعية الحقيقية لي عندنا ،بزاف حاجات خلاتني نحس انو ديننا منحاز للذكور بشكل كبير ، احكام غير عادلة و غير انسانية مع انو مفروض دين العدل والسلام ، علاش الفن(الرسم و الموسيقى وغيرهم) حرام رغم انو غير مؤذي ، علاش اغلب اهل النار نساء رغم انا نشوفانو اغلبهم مخلوقات مسالمة غير مؤذية للاخرين على عكس الرجال اللي عندهم القوة الكافية للاذى ، وش فايدة الحجاب و البرقع اللي يحرمني من حياتي وحريتي و يخليني مغطية طول الوقت وكأني عار و حاجة لازم تتخبى، علاش التعدد مباح ، قريت صحيح البخاري و سببلي غضب اكثر من الدين و رجال الدين ، والاسئلة تكبر اكثر و اكثر و جانب مني حاس انها مجرد افكار نبرر بيها لنفسي باه ندير وش نحب بلا تأنيب ضمير ، حاسة روحي متأثرة بالجانب الغير حقيقي اللي وراوهولنا مواقع التواصل من الاسلام، و فنفس الوقت ملقيتش اجابة للاسئلة المحيرة ، اكثر حاجة رجعتني نكره الدين اكثر هي مقولة انو الدين نقل وليس بالعقل و انو من تمنطق تزندق ..علاش ربي خلقلنا عقل اذا كان حرام نخدمو بيه . كيفاه الله حطنا في اختبار غير عادل و معطاناش مايكفي من الادلة ولا عطانا حق البحث و المساءلة و في نفس الوقت طالبنا بالايمان الكامل ،وعاقبة الخطأ و الكفر كبيرة رغم انو الله هو الاعدل و الارخم بخلقه ؟!
هدا ماشي الحاد ملغري كاين صوالح كيما مل اليمي الجها...ولكن شوفي الإسلام او بالأحرى فالقرآن ديما تتعاود افلا تعقلون افلا تبصرون افلا تتفكرون يعني باه توصل للإيمان الحقيقي ماشي الموروث لازمك تبحث على حوايج تقنعك بالدين ماشي حوايج تخليك ترفض الدين هدي فيما يخص انك تحسي روحك ألحدتي ولكن حاولي تقراي الكتاب تاع الغزالي فقه السيرة كاين المنقد من الظلال ومم قضايا في الإيمان كاين فخر الدين المتريدي تبعيه بزاف يغير النظرة تاعك وكتقراي البخاري لازمك تعتمد على اربع مبادئ ابحثي عليهم وديما جبد معاه الكتاب تاع فتح الباري بيسك كاين بزاف مواضع مكنش كيفاه نفهموهم بلامنتعمقو فيهم مالغري كي تقراهم تحس بلي حاجة معارضة للمجتمع وللا للرغبة تاعك ✨️
قبل الإسلام كانو يدفنون البنات تعلمين ذلك
انصحك تكمل أبحاثك و من الاحسن تتساءل باش توصل للحقيقة على الاقل نصف الحقيقة صدقني هم اعطوها اسم إلحاد و لكن عندما تبحث رح تتغير نظرتك للحياة و رح تفهم أمور بزااااااف كانت تبان لينا صحيحة و لكن هيا غالطة انا ننصحك تبعد على التفاسير تع القرآن تع الشيوخ و شوف الدنيا من نظرتك كأنسان بوعيك بروحك مش بجسدك و خمم بعمق عقلك و تمعن فالقرآن وحدك انت تدبر انت تفهم كلام الله موجه ليك و ما تحتاج لقاموس باش تفهمو لانو يقلل من عظمة الخالق و القاموس هو التفاسير إذا عندك تساؤلات انا هنا نساعدك و ما تحكيش هاذ الامور امام اخوتك صحابك أهلك لانك ما رح تنجو من تعامل تعهم و رفلكس
بصي فهمتك لا دا انتي دينك كرم المرأة وعززها زمان قبل الإسلام كان الكفار كات فيه وأد البنات الرسول صلى الله عليه وسلم قبل ما يتوفي قال اوصيكم بالنساء خيرا الرسم حرام دا بالنسبة لرسم الأشخاص والموسيقى بتذهب العقل بتخليكي تتلهي عن صلاتك واغلب اهل النار النساء عشان اللي احنا فيه دا زي النم والقيل والقال وفايدت الحجاب دا عشان يحميكي ويحفظك من الفتن انتي غاليه لازم تحافظي ع نفسك مش منع حرية دا عفاف المرأة جوهرة غاليه لازم تتصان للي يستاهلها مش مباحة لأي شخص يتفرج عليها هي مش سلعة رخيصة كل من هب ودب يتفرج عليها
هو انا مش فاهمة اللي مكتوب بس حاسه انه كلام كبير وماينفعش