اوعى تخلي عندك وقت فراغ لو قضيت علي الوقت دة هتتغلب علي الشئ دة اعزم نيتك احذف الناس اللي انت بتعمل دة معاهم حاول ماتقعدش لوحدك ولا تمسك الفون وتشوف اي حاجة من دي قرب من ربنا ادعي كتيييييير واوعي تيأس اكيد هترجع تعمل نفس الحاجة تاني وترجع تندم بس خلي في إصرار انه لأ لازم ابعد والله هتلاقي نفسك فعلاً بعدت بس مفيش حاجة بتحصل بسهولة لازم يبقي عندك عزيمة وتقرب من ربنا اوي ادعي كتير

الحمدلله، شكرًا جدًا على سؤالك ❤️ وانت عامل اية ؟ للأسف مقدرش اساعدك بس كل سنة وإنت طيب وعيد سعيد عليك 💐💐💐💐🤍🤍🤍

وحاول تقطع العلاقات الاونلاين بتاعتك لأن ده هيساعدك اكتر وهيكون أحسن بكتير ليك ولما تيجي تعمل حاجه زي كده فكر لو البنت دي اختك او بنتك ترضى حد يعمل كده فيها حتى لو بارادتها لما يلاقيها كده يستغلها ولا يوجهها للصح؟ وفي النهاية متحكمش على نفسك بعدد المرات اللي وقعت فيها، احكم على نفسك بعدد المرات اللي قمت فيها وكملت المحاولة.🤍

كمان من الحاجات اللي النبي ﷺ نصح بيها الشباب الصوم، وقال ﷺ: «يا معشر الشباب، من استطاع منكم الباءة فليتزوج فإنه أغض للبصر وأحصن للفرج، ومن لم يستطع فعليه بالصوم فإنه له وِجاء» يعني الصوم بيساعد على تهدئة الشهوة وتقليل حدتها لأنه بيدرّب الإنسان على التحكم في رغباته وضبط نفسه وكمان بيشغل الوقت بالطاعة ويزود إحساس الإنسان بمراقبة ربنا والجوع غالبًا بيخفف من قوة الشهوة عند بعض الناس. ذكرت الصوم لأن فيه فائدة فعلية في التقليل من حدة الشهوة، وطبعًا هو مش حل سحري لوحده، لكنه وسيلة مفيدة مع تجنب المحفزات وشغل الوقت بحاجات نافعة والاستمرار في المحاولة لو حصلت انتكاسة. عارفه إن حضرتك مش بتتكلم عن حوار الزواج او عدم القدرة عليه في البوست ولا لأ بس ذكرت الصوم زي ما قلت عشان بيفيد مع باقي الحلول وجبت بس الحديث وذكرت استدليت ع الأمر من ايه علميا ودينيا وان اينعم التوبيكس مش هي هي بس مشتركة في حوار الشهوة والسيطرة عليها عامة وكده. اتمنى اكون فدت حضرتك.

جرب تشغل وقتك بأي حاجة مفيدة سواء شغل أو مذاكرة أو تعلم مهارة جديدة أو أي نشاط يخليك مشغول بدل ما تسيب لنفسك وقت فراغ كبير. ولو بتقعد لوحدك كتير حاول تقلل ده على قد ما تقدر ومتديش لنفسك فرص ترجع للعادة دي. جرب تلعب رياضة وتفرغ طاقتك فيها حتى لو مجرد جري أو مشي أو نزول الجيم. ولو مستلقي أو قاعد بطريقة بتساعدك ترجع للعادة دي جرب تغير مكانك أو قعدتك وتقوم تعمل حاجة تانية. وحاول تبعد عن أي حاجة ممكن تحفزك حتى لو كانت مشاهد عابرة أو أي محتوى عارف إنه بيشدك للسكك دي. والأهم إنك متيأسش حتى لو وقعت تاني حاول من جديد لأن التغيير مش بيحصل في يوم وليلة. وبصراحة خطوة كويسة جدًا إنك اعترفت بالمشكلة وحاولت تدور على حلول وكنت شجاع كفاية إنك تصارح نفسك بيها. عاش عليك بجد شابوه ليك ✨👏🏻💪🏻ادعي ربنا كتير وحاول تقرب منه وتطلب منه العون.

كون هواية جديدة ممتعة

احنا جمبك وبندعمك