انا بجد اول مرة اقول حاجة لاني متعود مثلا احكي لواحد اللي هو اخويا بس دي حاجة مينفعش تتحكيله انا حاليا عندي ١٩ سنة بس عمري ما تخيلت اني اول ما اخش كلية يبقي ده حالي خليني اقولكو انا بعدت عن كل صحابي من الثانوية وده بهدف اني الاقي ناس شبهي بس للاسف حالي تدهور للاسوء انا جايب ٧٠% ثانوي ودخلت كلية زراعة بس انا مكنتش عايزها ومش مستريح فيها لحد دلوقتي ومش عارف اتاقلم المهم صاحبت ناس للاسف هم مش ذنبهم بس ده ذنبي لقيتهم بيشربو سجاير قولت اشمعني انا بس قبليها دوقت الفيب بعد كدة اشتريت واحدة بعد كدة بطلتها وقولت ابطلها بعد كدة بقي ابتديت اروح معاهم للسجاير وابتديت اخسر كل الناس اللي حواليا بسبب تصرفاتي ولاول مرة في حياتي بسبب اني خسرت حد كنت ممكن ابعله حياتي اول مرة واحد يعزم عليا بحشيش وانا وافقت للاسف واه كان احسن احساس ساعتها بعدها حسيت اني مش تمام وحاليا انا قاعد بكتب وانا متلغبط دي مكنتش حياتي ده مش انا ومش عايز اكون الشخص ده وبجد بسال نفسي هل لو اتعزم عليا تاني هوافق ولا لا او ممكن من غير ما اتعزم ممكن في لحظة ضعف انزل اشتري واه انا حقيقي بقيت لوحدي حاليا ولا صحاب ولا اهل لان اهلي شايفني لسا عيل صغير ميعرفش حاجة عن الدنيا واي حاجة بيخدوها بزعيق حتي وانا كبير حقيقي محتاج اتكلم اكتر من كدا بس مش هقدر