كلية

قرار اني سيبت الكليه مكنش احسن قرار وفي نفس الوقت كان لازم اعمل كدا لظروفي النفسية والمادية بس لسه شهر ولازم ارجع تاني أقرر هدخل اي يا اكمل في علوم يا ادخل اقتصاد أو لغه عربيه9 اتنينهم صعب

انا كنت حابه اخد رايكم فى حاجه لو حد مر بى نفس تجربتى انا مرتبطه بى ولد زملى فى الكليه واحنا الاتنين بنحب بعض ومتافهمين وهو معرفنى على اهله علاقتى معاهم سطحيه فى الموبايل بس المشكله انو ولد وحيد على بنتين ومامتو واخواتو كانو بيتعاملو معايا كويس وبعدين معملتهم اتغير تماما وانا طلب منو انى ابعد كتير وهو مش موافق وانا تجاهلت اهلو بس الموضوع مضايقنى تنصحونى اعمل اى مع العلم انى معملتلهمش حاجه علشان يتغيرو كدا ولكن فى واحده شويه تبقى كوسه معايا وشويه لا

انا شاب لسا مخلص ثانوية وداخل ع الكلية الحمدلله شغال وبصرف علي نفسي ومسستم حياتي كما يجب سؤالي بقا هل هلاقي بنت الحلال في الزمن دا ولا لا وهنا قصدي بنت الحلال اللي اهلها ناس كويسيين تبقا بتحبني وبتثق فيا وتستاهل كل حاجه حلوة هلاقيها ؟

مخنوقة جدا ومش عارفة اتصرف ازاي حاسة اني ضايعة بين ضغط اهلي في البيت بسبب الدراسة والكلية وبين الشخص اللي كنت شايفة معاه الامان والراحة ومكنتش بخبي عنه حاجة وفجاة اتغير وبقى بارد ومبقاش يهتم زي الاول ضغط من كل ناحية ومبقاش عندي طاقة استحمل اي كلمة وتعبت من التفكير ومحدش حاسس بالوجع اللي جوايا تفتكروا البعد عن كل حاجة هو الحل ولا اعمل ايه في حياتي

يا شباب اغيثونييييي عندي امتحان بعد بكرا ومش عارف انام حسبي الله فالكلية الي تعمل فالواحد كدا كان لازمتها اي الكلية المقرفة دي بسسسسسسسسسس انااااا جبتتتتتتتتتت اخرييييييييييييي

صباح الخير انا خلصت امتحاناتي اول امبارح بس للاسف انا في مواد كتير محلتش فيها كويس و يمكن محلتش اصلا كان نص الامتحان فاضي مثلا غير طبعا ان الدكاترة منهم لله انا لو عاملالهم كل حاجه طالبينها حرفيا استحاله يدوك درجه اعمال السنه كامله ف عندي احساس اني هشيل اكتر من ماده و ده بجد مخليني احس قد ايه انا فشلت ف كل حاجه من ساعه ما خرجت من ثانوي بسبب انيهلت كليه مش عايزاها و اتدبست ف اكتر قسم صعب ف الكليه عشان القسم اللي انا عايزاه وقف معايا علي مفيش و غير كده انا معرفش بابا هيجيب فلوس السمر كورس منين بجد بيبقي فلوسهم كتير اوي غير الكتب و الحاجات دي بجد الموضوع ضاغط علي نفسيتي بطريقه وحشه اوي عايزه احول من الكليه دي جدا بس فنفس الوقت مقدرش اقولهم لاني قضيت سنه فيها و لو حولت هحتاج فلوس كتير جدا غير الفلوس اللي صرفتها ف الكليه دي و كمان هنزل سنه هرجت اولي تاني ف بجد حاسه اني فشلت ف كل حاجه والله من وقت ما خرجت من ثانوي رغم اني طول عمري شاطره جدا حتي ف ثانوي طلعت من أوائل المدرسه و كان مجموعي حلو بس للاسف التنسيق كان عالي جدا جدا

جماعة عايزة احكى موقف وانتوا احكموا بصوا انا فى تيم أو حروب فى الكلية هو كلنا 10 بنات 5بنات صحاب وشلة و3بنات شلة وصحاب اكتر وانا وبنت تانية بعدين عن كل ده وحتى انا وهى مش صحاب خالص تمام انا دخلت التيم علشان كنت شايفة أنه كويس وكدا بس ديما لما بنتجمع مش بكون مرتاحة خالص وبحس بالوحدة وحاولت اقرب من اى شلة فيهم كنت بحس نفس الشعور وأنهم صحاب مع بعض جامد بس كانوا نوعا ما اهون من 3 التانين البنات التانية بجد اسلوبهم مش بيعجبنى وديما تريقة وتنمر ويحرجوا الناس وكدا المهم انا مش بتكلم كتير عن الجروب شوفتهم من امبارح بيتكلموا عايزين يجبوا حاجات علشان نحتفل اخر يوم امتحانات وكدا أما مردتش غير النهاردة وبس بالاستيكر ديما بحس بشبة البنات 3 بأسلوب تجاهل ليا وأسلوب مش لطيف فى انا قولتهم يسألهم هتكلف كام وكدا مردوش عليا وردوا على اللى بنات التانية بتتكلم فيه يبان موقف عادى بس انا مخزنة ومش عارفه اعبر عن كل حاجه المهم بفكر ابعت اقولهم انا أوت خصوصا مش هعرف أستمتع باى حاجه انا نفسى والله بس مش حسه مع دول انتوا اى رايكوا

دلوقتي انا مش بناام كويس او مش بناام خالص ، انا بصحي كل يوم 3 او 4 الفجر انزل انزل 5 عشان اكون في الكلية 7 بخلص الكلية بعد الظهر اروح الشغل ارجع من الشغل علي 11 بليل مثلا انام 12.30 او 1 وصاحي 4 ولفي بينا يا دنيا دي اول مشكلة ، المشكلة التانية بقي اني حتي في الطبيعي كنت بقعد بال 4 ايام مش بنااام لما كنت ببقي خلاص شبه الزومبي وطبعا دماغي بتقف ، امبارح وانا مروح من الشغل ولاول مرة من مدة طويلة الاقي نفسي عاوز اناام ، مش كدة وبس انا حرفيا كان بيغمي علياا ، لدرجة اني حطيت الايربودز في ودني وشغلت اغاني بصوت عالي عشان افضل صاحي وبرضو كنت بغفل ، بس بعد ما روحت واتغديت نمت وبجد كنت مبسوط جداا اني عرفت انااام ، السؤال بقي هل هفضل كتييير كدة مبنامش ؟

اي السر ف اني ممكن اخد حاجة في الكلية و متثبتش لكن لما اشوفها ع النت او حد يقولهالي تثبت اقرب حاجة أنا في كلية ز،،را،،عة كنا اخدين البونسيانا و الچكراندا و الحاجات دي انا حرفيا مكنتش بعرف احفظ اسمائهم خالص ولا احفظ شكلهم حتى لكن لما بدأوا ينتشروا في الشارع كان حد بيسأل عنهم في منصة تواصل و حد قاله اسمائهم انا لحد دلوقت بشوفهم في الشارع اعرفهم و حفظتهم زي اسمي😭

كل ماتتحل من ناحيه تتعقد من الناحيه التانيه الكليه والتربيه العسكريه اللي مش عارفه ادخلها ومشاكل الورق بتاعت الشغل وفوق كل دا انا حتي مش قادره اجاهد اني اعمل حاجه والتدريب اللي كان نفسي أنزله ومحدش كلمني بجد انا فحالة ضياع

انا لسة في الكلية وفاضلي سنتين على التخرج وانا معجب ببنت معايا في الكلية .. هل فيه معنى اني اروح اكلمها واعترفلها باعجابي بيها دلوقتي ؟ .. انا ببقى عايز اعمل كدة جدا بس بحس ان ماذا بعد ؟ ايوة ماذا بعد اني اعترفلها باعجابي .. علشان كدة شايف ان الخطوة دي ملهاش معنى طالما انا لسة متخرجتش وبقى عندي مسار وكارير واضح اقدر اني من بعده اخد خطوة زي دي شاركوني رايكو المفروض اعمل ايه

عمري ما نشرت بوست هنا في حياتي ب غرض اني محتاج كمساعد ب العكس بيبقا ممكن بنتقد حاجه او كدا بس المرادي انا فعلا مش حاسس اني كويس انا مش كويس خالص الفتره ده متقدم فيا محضر في الكليه والموضوع كبر وراح للعميد والموضوع ماثر علي نفسيتي جدا يكوني شخص وحيد طول عمري مش عندي حتي اخ ولد ف مش بتاع مشاكل ولا اتعودت اكون جزء منها اتعودت ابعد عن اي حاجه فيها مشاكل علشان مش عندي شخص يقف معايا حتي ف الصحاب محدش بيحبني مش احسن شخص يكون صحاب ممكن ناس كتيؤ تعرفني بس في نفس محدش بيعتبرني شخصو محوره في قصته بحب الجيمز بحسها بتعيشني في عالم تاني بحب اتخيل بس بجد مش عارف مالي الموضوع بتاع المحضر ماثر عليا ومش عارف مصيري اي مذاكرت سنين انا من اوائل دفعتي الموضوع لو تحول ل رفد او تعطيلي سنه عن الدراسه ممكن يدمر مستقبلي المهني كلو معرفش هبقا انا زي ما انا بعد ميخلص ولا لا دعواتك وشكرا لكل حد قرا كل الكلام❤️

بكتب المشكلة دي وانا مش عارفة الحقيقة هستفيد بالاراء اللي هشوفها ولا لأ بس حرفيا انتهت حلول الارض ممكن تعمل ايه لو ظروفك المادية متسمحش انك تدخل كلية انت دخلت ثانوية وخلصت بس مش قادر ماديا تكمل في الكلية (كلية مالهاش مستقبل تمامًا) تدخل الكلية دي بلا فايدة وتتكحرت ماديًا اكتر عشان تعدي منها ده لو قدرت؟ (مع العلم انك متقدرش تشتغل وانت فيها) ولا متدخلهاش وتشتغل وتاخد لغة وتشوف مستقبلك بعيد عن التعليم الجامعي؟

انتي تافهه ومشاكلك دايما تافهه وبتحبي تلفتي الانتباه بتصرفاتك انتي ليه مش بتفهمي من اول مره لازم تكرري نفس الغلط مبتتعلميش انتي كفايه كدا ليه بتعافري عشان تدخلي الكليه انتي كدا كدا مش هتدخليها وف الاخر مدخلتهاش من كتر ما الكلام بيتكرر جوايا ف جزء بقا يصدقه وبقيت احس ان مفيش حد هيحبني بطريقتي دي ادعولي انا ف فترة وحشه بحاول ارجع ثقتي تاني

جماعه انا فكليه حاسبات وفاخر تالته خلاص انا في الامتحانات تخصص Ai. كنت عايزه ادي كورسات برمجه بس مش عارفه المفروض في الكورس اشرح ايه يعني اشرح لغه معينه ولا كلام عام وادي لسن كام ممكن حد يفيديني

حسبنو معايا ع دكتور الماده العرض الي جاب لنا الامتحان م المريخ بعد ما طمنا وقال امتحان في مستوى الطلب العرض حسبي الله ونعم الوكيل فيك يا عناني وفي الفلويد وفي. هندسه كلها ذي المره التانيه ادخلها 😢😢

السلام عليكم يا فواكه لو حد هنا مدخلش امتحانات الكلية من غير تأجيل يقولي ايه الدنيا عشان انا عملت كدا و عايزة اعرف ايه الدنيا لما ادخل السنة الجاية المفروض في حاجة تتعمل ولا ايه و هبقى شاكرة جدا🫡

انا حاسه بالذنب تجاه نفسي واني كنت اخدت فرصتي وأجلت ثانوية مع اني انا اختارت مأجلش وقولت بلساني ايا كان اللي هيحصل ونتيجة اهون لو اجلت عشان امي ... وظروف اخويا وكده انا في نظرهم متعبتش وقصرت وخذلتهم وضيعت نفسي ودخلت كلية تربية ومكنتش عايزة ادخلها .. مجال مش حباه بدفع تمن حاجة حاجة بتاكل في اعصابي الف مرة وهغير المجال بإذن الله .. لكن انا بحس بالذنب تجاه نفسي واني مستاهلش اللي حصل مقابل دا اخويا اللي حصله دروب ثانوية ومكملش امتحانات وبقاله سنين في الكلية وهو دلوقتي في الاواخر وانا فرحانه ليه جدا لكن انا زعلانه علي نفسي يعني بحس هو فرحان وهو في مكان بيحبه رغم انه جابلنا الكلام وامي بتاخدني بذنبه دلوقتي الاهتمام كله عليه والفرحة كلها ليه والله فرحانه بس انا زعلانه علي نفسي لان بتحطم كل يوم انا كنت علمي علوم .. وحزينة وحاسه اني مكسورة وهما طول الوقت ضيعتي نفسك في الاول وهتضيعي نفسك في الاخر ، انتي ضيعتي خلاص ، انا خلاص رميت طوبتك ، انا كنت عارفه اصلا انك مش هتجيبي مجموع وكنت عارفه انك كذا وكذا .. وكلام كدا بيتعبني والله .. هما بيحاولوا يخلوني احب التدريس عافيه وعارفه كل الكلام اللي بيتقال ومش عايزة اسمعه لان كفاية اوفر انا مش حابه المجال . نقطه بلاش كلام كتير وحاولت ادي نفسي فرصه وكانت اسوأ فرصة عدت عليا حرق اعصاب وبنزين علي الفاضي كتب ب كل ترم 12 مادة بنسبالي حرق اعصاب وتضييع سنين في الفاضي وهتخرج وحزينة يارتني فرحانه احساس التوهه واني مش لاقيه نفسي ، واحساس التقليل من البعض واكن الواحدة عشان ليها طموح بيدفنه الواحد ومتزعليش بكره تتجوزي طب ما ربنا يكرمني عادي بس اي علاقته باني زعلانه واني عندي طموح واحلام وزيادة عليه جواز .. وشخصية تحب تشتغل الواحدة عشان عندها طموح زيادة او مش بتستسلم او ما الي ذلك يبقي الوضع ليه سخرية وليه تقليل من طموح انسان .. يعني انا بحسد الناس اللي مكملتش تعليم اللي زاهدة الدنيا والعالم يعني حاولت افكر في تفكير صحابي معايا في الكلية واريح دماغي والكلام اللي بنهزر منه دا بس الواحد يعمل اي في طموحه واحلامه واصراره علي انه يوصل رغم اني تايهه في المجالات وبحاول الاقي نفسي بعد ما كل حاجة خططتها اتسحبت مني ولا لما يتقالي كل الاحلام دي هتروح لو جالك حد المشكلة الموضوع بيزيد ياريته بيقل يعني بيكون عندي اصرار للشغل وحاجات كتير الواحد بجد نفسه يوصل لمرحلة آمنة فوق كل دا الواحد بيقول الدنيا دي فانية مش مستاهله بس بجد انا طول الوقت في صراعات بجد وبحاول ابقي اقوي ولكن الموضوع صعب ، وندمانه اني اتنازلت وندمانه اني فكرت في اهلي والناس ومفكرتش في نفسي بقول لو اتعاد بيا كنت هفكر في نفسي وهرأف بنفسي وحالتي ومسمحش لحد يتحكم في قراراتي مع اني حاولت دا ميحصلش بس كنت بحاول وبعافر لاخر لحظة حتي وانا كنت تعبانه ... بس محدش كان شايف ولا حد قدر ولا هيقدر غير ربنا ، حقيقي بجد ندمانه ندم مشوفتوش حياة الكلية اصعب بكتير من اي حياة والله انا مش قادرة بجد تعبت وعايزة اموت

الواحد نفسه ينام وانام كتير اوي واتخرج يااه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

قعدت افكر في هدف في دماغي النهاردة بس مش عارفة ابدأ منين ولا المفروض ادخل كلية معينة عشان اروح المجال دا ولا ملهاش علاقة صحيت النهاردة علي كلمة انا عايزة ابقا أخصائية تخاطب و بعدين ابقا اعمل دكتوراه فالمجال دا لان ضحية جلسات التخاطب كان اكتر حد بحبه و هو اخويا الصغير ناس معندهاش ضمير ولا رأفة و هي ساعة و ياخدو بالالف جنيه يعني الجلسة مش سحرية حضرتك هيتعالج فساعتها لا و فالساعة دي كمان بيقعد يصرخ و يعيط ولا بيستفاد حاجة فبجد انا حطيت حاجة فدماغي وسط عوائق كتير و منهم اهلي بردو و حاسة اني هخون نفسي لو محققتش الهدف دا

يتم احتساء الندم اني مذاكرتش من اول السنه يلااااااااااهوي يارب والله اخر مره عديها معايا على خير يارب 😂 ماده صعرانه قسما بالله بقالي اسبوع في محاضرة ونص يعني ايييييييه الامتحان كمان عشر ايام ودول عشر محاضرات وفي ست مواد غيرك يا مفتريه حسبي الله ونعم الوكيل انا اللي جبته لنفسي ، وعقابا اقسم بالله العظيم ما هنام الا لما اخلص ماده من السبعه يارب افضل صاحي اسبوع مش نايم الا لما اخلص ويا انا يا الكليه اللي كلها حرام ف حرام دي

خايفه جدا اني مقدرش اصلح علاقتي بربنا زي ما انا عايزة ف دماغي زي اني نفسي ابطل اقطع ف الصلاه و اصلي ف مواعيدي و طبعا خايفه من حياتي بعد الكليه و اني معرفش اشتغل بشهادتي و ضغط اهلي عليا و قرايبي بعدها و خايفه مقدرش اصلح علاقتي مع نفسي و اني مقدرش اتقبل شخصيتي و شكلي و طيبتي طول عمري

بجد بعد ما دخلت الكليه بقي عندي احساس اني منجحتش ف اي حاجه يعني ولا دخلت الكليه اللي عايزاها ولا الشخص اللي حبيته حبني اصلا و كان بيتسلي و حتي بعد ما حاولت اتقبل الكليه شيلت ماده هو اه الحمد لله اني مشيلتش اكتر بس بجد حاسه ان كل حاجه بايظه خالص

عندي امتحانين يوم الجمعه و ضايعه شويه بصراحه و عماله اعيط بس و حاسه ان خلاص كده و اصلا دي اخر محاوله ليا و لو مجبتش مجموع مش هدخل الكليه الي انا عيزاها انا اهلي تعبو كتير اوي عشاني وانا عايزه افرحهم انا بجد مرعوبه ممكن لو حد شاف البوست ده يدعيلي لوسمحت شكرا

مخنوقه اوي اوي وحاسه الدنيا جايه عليا اوي انا المفروض فاتتني سنه ونزلت سنه ف الكليه فبجد حاسه نفسي كبرت اوي ع الامتحانات والخوف والكلام الفاضي ده بجد الفكره ان السنادي برضو لو شلت ماده الترم ده كدة انا هشيل السنه كلها تاني .. تعبت وبتعب مش بلاقي تعبي بامانه تعبت وزهقت اوي اوي الامتحانات تعبتي وارهتني نفسيا ااوي

عندي مشروع تخرج والدكتورة تعبتني دايما تختار مواعيد معندماذ فبها حاجة في الكلية وتنزلنا لم اتخنقنا دلوقتي بتقولي في بكره مؤتمر عشان عملنا بوستر_لوحة تلخص المشروع_ وبيقولو تعالب عشان قال تاخد شهادة انا قولت مش هروح هل لو روحت هءتفيد ولا اكبرماغي خصوصا لو روحت هيتقفل عليك وتقعد غصبن عنك من9الصبح ل4العصر

انا كمان دخلت كليه مش بحبها بس الفرق اني معرفتش اكمل فيها ست سنين و انا لسه مش عارفه اعدي منها ، المشكله ان مبقاش ف مكان تاني ممكن اروحه. و لا ينفع أبدا من مكان تاني و لا ينفع اسيل كل حاجه و امشي علشان مش عارفه هروح فين .. .

عندي سؤال بجد نفسي حد يجي كدا يقعد معايا ويفهمني 🫠 انا عاوزة اتعلم انجلش، انا حاليا داخلة 3 كلية ولحد دلوقتي مش بعرف فالانجلش خااالص يادوب مجرد اساسيات ملهاش لازمة ولا بعرف اقرا كويس ولا بعرف اكتب وطبعا دا غير المحادثة وبقيت مهارات اللغة يمكن كمان اكتر حاجة كانت عملالي عقدة في حياتي ووقعلي مجموعي في ثانوي وبعدي منه ببركة ربنا حرفيا دورت كتير عالسوشيال ميديا وسألت الAi بس لسه برضو تايها في المصادر ومش عارفة ابدأ ازاي ولا منين فـ هل لو خدت كورس بيبدأ من A1هيفرق معايا؟ ولو لا اعمل ايه عشان اعرف ابدأ ولو اه حد يقولي اماكن للكورسات في الدقي مثلا او البحوث او الأماكن القريبة منهم وشكراا

جماعة انا معجب بواحدة معايا في الكلية وانا ناوي ابدأ اشتغل من الاجازة الجاية اقولها ولا اعمل ايه واقول لاهلها ايه معلومة هي متعرفنيش ممكن تبقا عارفة اني موجود في الكلية بس وانا عايز اقولها بصراحة مش عايزها تروح مني🫠

السلام عليكم ازيكم انا حابه منكم نصيحه لعل حياتي تتغير بسببها انا مدخلتش كليه اكتفيت بمعهد سنتين بعد الثانويه العامه وحاولت ادخل كليه من المعهد محصلش نصيب المهم بكذا طريق حاولت ان اخس كليه حتي لو مش اللي انا عايزاها المهم كليه وخلاص ربنا مارادش لان كل اللي كان جايلي كلها حاجات مش معتمده ف يأست الصراحه وقعدت مدخلتش كليه بدات احس بانتقادات حواليا كتير اني مكملتش وني بقيت مليش لازمه ولا دخلت حاجه افيد نفسي بيها وشغاله الحمدلله وراضيه بس الناس مش بتسيب حد ف حاله انتوا عارفين ونا بعاني من نقطه ان الناس شايفاني قليله وفاشله حتي قرايبي لما عريس بيجي من ناحيتهم يجيبوه دبلوم ويتريقوا عليا اني مستاهلش حد معاه كليه جماعه يشهد ربنا انا ماذيتش حد كل الاذيه اللي باذيها بتكون لنفسي بقعد الومها واجلدها ان هي معملتش حاجه مفيده ف حياتها ودلوقتي ف حد اتعرفت عليه سوشيال قالي ان معجب بيا وعايز يتقدم بس قدامه شويه ع مايخلص الكليه المهم اتكلمنا وقت وسبنا بعض كذا مره ورجعنا تاني ونا بعاني معاه انه مش مديني اهتمامي الزايد بيبقي عادي مش بيسال انا مالي وبيبقي وراه كذا وبيتشغل لازم انا اللي ارن عليه المهم اتكلمت معاه المرة دي وحسمت مشاعري هي ملغبطه بس هو فاضله يجي سهر ع مايخلص امتحانات ويكلم باباه ويجي تفتكروا اثق فيه واستناه ولا ابعد زي كل مرة اي رايكم وبالله عليكم بلاش تجريح ف الكلام انا عارفه ان ف حاجات انا اذيت نفسي بيها بس بحاول ارجعني ليا تاني وممكن حد يفيدني بردو اعمل اي عسان محسش اني قليله بسبب اني مكملتش كليه وبردو ازاي ارجع ثقتي بنفسي تاني معلش طولت عليكم

انا عندي مشكله ولازم احلها بحس نفسي كسول اوي يعني اللي باخده في الكليه براكمه لأني مكسل ازاكر وعايز اطور نفسي في كذا مجال وبمشي في كل مجال شويه واوقف والموضوع دا مزهقني جدا عايز حل عملي للمشكله دي

بتننظمو يومكو ازاي وانتو في كليه في عملي ومش قادر تذاكر ولا عارف تعمل حاجه حتي الاكتفتي اللي بتحبها راحت ومبقاش في شغف لي حاجه واحساس انك ملكش لازمه ولا عارف تقدم حاجه لنفسك ولا لغيرك حاجه مقرفه

المفروض كنت داخله الكليه بشغف واني بحب المحتوي بتاعها فجأه مش حاسه اني اقل منها واني. مش كفايه اصحابي واحده صاحبتها ف أولي كانت كويسه وبعدين اختفت احنا دي تالت سنه مع بعض وكل مره انا اللي بسال بس خلاص مش هسأل حسيت نفسي تقيله أو بعطلها أو ايا كان السبب مش مهم المفروض كنت فتريننج ورجعت مره 9pm فمامتي اتضايقت ومن بعدها مروحتش هو اللي اتعلمته سكيلز و محتوي علمي شويه كان في تغيير فيا دلوقتي انا مش فاي اكتفتي وكمان منزلتش تدريب فالصيف وصحابي نزلوا ، حاسه اني متاخره وبعيده جدا جدا عن اللي فسني أو حتي اصغر اعتقد انا المشكله

انا عايز ابدأ مونتاج ومحتاج مساعده ابدأ ازاي وكدا وعايز نصيحه ازاي اكمل لأن مشكلتي اني مبكملش وبزهق بسرعه معنديش الحافز اني اكمل ف بزهق ايه الحل وعايز اكمل فيه خصوصا انو ممكن يبقا مصدر دخل ليا يساعدني في فتره الكليه

جه على بالي ذكرى اول ايام الاكتئاب وانا ولا اهلي كنا عارفين ان عندي اكتئاب ووسواس قهري كنت في فاينل ٣ كليه تربية قسم بيولوجي وكل المواد صعبة مش عارفة اذاكر ولا عارفة احفظ واول مرة افتح معظم المواد الذاكرة صفر وضيق الصدر في السما كنت بقرا سورة البقرة كل يوم حرفيا وممكن مرتين في اليوم كمان عشان اهدى بس كنت بهدى بنسبة بسيطة جدا ووداني كانت بتحمر ووشي بيسخن واروح اقيس الضغط يطلع واطي وكل يوم كدا مكنتش باكل ولا ببلع خسيت ١٥ كيلو في اسبوعين ووقتها كنت بتقلب على الأرض وانادي اخواتي واخبط دماغي في الأرض بسبب التوتر والوسواس القهري و كنت خايفة مجبش امتياز زي كل مرة لدرجة ان في يوم مادة معرفتش اذاكرها خالص بسبب الي بيحصل دا كنت بموت حرفيا وماما ضربتني عشان اذاكر ونا قاعدة خايفة عشان الامتحان الصبح وانا مذاكرتش وتجيبلي اكل بحبه ومعرفش اكل فتضربني 💔كنت بقول ابدأي وابدا وبنسى مش عارفة احفظ حتى حرف بس مكملة كنت بقعد ساعات في ٥ صفحات وبرضه انسى واجي الصبح اراجع قبل الامتحان ناسية كل حاجة كنت ببقى مرعوبة واروح الامتحان احل مش عارفة بحل صح ولا غلط واجي على المقالي انسى كل حاجة كنت بكتب اي حاجة تساعدني وارجع مش عارفة حليت ولا هشيل المادة و لما خلصت امتحانات ورحت للدكتور النفسي قالي انتي ازاي سيبتي نفسك كدا دا وسواس قهري شديد أدى للاكتئاب

خايفه من بعد التخرج من الكليه خصوصا اني مش حابه تربية و مش شايفه نفشي ف تربية ولا مدرسه خالص بعني ف بفكر بعد نا اتخرج انا هعمل ايه و هبقي مدرسة بجد عايزة اعرف ممكن اشتغل ايه تاني غير مدرسه خصوصا ان لاسف بعد التنسيق الداخلي ف الكليه حطوني ف قسم عربي و عملت تحويل لتاريخ و اترفض ف لما اتخرج المفروض هبقي مدرسه عربي ف دي مش انا و مش عارفه ابقي كده رغم ان كل اللي حوليا بيقولولي اني بعرف اشرح لكن انا بشرحلهم و انا ف صاني جغرافيا عشان كنت بحب الجغرافيا و بحب شرح المدرس جدا جدا ف كنت بشرحها و انا مبسوطه و للعلم مدخلتش قسم جغرافيا عشان تنسيقه اخد اعلي مني بدرجه وبردو تحويلي ليه اترفض ف حسيت ان كل الطرق تؤدي الي روما ف دخلت تربية عام عربي و خلاص و للعلم بردو مقدرش احول كليه تانيه عشان عايزة فلوس اكبر من حياتي و مقدرش اطلب من اهلي اكتر من كده

اديني في الفلاش باك بقا للثانويه لا مفيش بس عديت من جنب كلية طيب والفت دي مَرَرْتُ جَارَهَا فَرَأَيْتُهَا، فَنَظَرْتُ فِيهَا مُتَمَعِّنًا أَلَيْسَ مَفْرُوضًا بِأَنْ يَكُونَ مَكَانِي؟ فَنَظَرْتُ لِي وَلِمَا أَنَا بِهِ، فَوَاللَّهِ هَذَا لَمْ يَكُنْ بِرَجَائِي، مَكَانٌ لَمْ أَكُنْ أَتَوَقَّعُ، أَنْ آتِيَ بِهِ يَوْمًا وَلَوْ زَائِرًا، فَهَا أَنَا فِي غُرْبَةٍ غَيْرِ غُرْبَتِي، وَهَا أَنَا بِمَكَانٍ لَمْ أَرَهُ مَكَانِي. بس جامد والله عاش ليا

انا مخلصه معهد تمريض وحاليا بكمل كليه ونا من محافظه بعيده سفر 9 ساعات وحرفيا بروح كل اسبوع احضر وارجع الشغل تلت ايام وتلت ايام ف الكليه انا مش قاده اكمل وشايفه نفسي مش هوصل لحاجه يعني مفيش فرق جامد بين الكليه والمعهد عشان انا مش شغاله ف مستشفي وتعب وضعط مصاريف مش عارفه اعمل اي انا بوفر من احتياجات اساسيه عشان ادفع مصاريف كليه واهلي حاليا ف فتره صعبه ماديا مفروض ابقا بساعدهم مش شاليه ايدي من كل حاجه مش عارفه اكمل ولا انسحب بجد شايفه نفسي مش بدرس صيدله طب حاجه هتخليني ف. مكانه احسن حاسه نفسي نفس النظره المجتمعيه وكل حاجه انا دخلت معهد تمريض عشان ملقتش غيره

دلوقتي انا كنت حد متفوق جدا في دراستي ايام الثانوية والكلية عشان مكنتش حاببها وكنت حابب ادخل كلية تانيه سقطت سنه بمزاجي ومحضرتش وبعد سقطت سنتين حاليا انا بقيت اخاف اروح الكلية وف البيت ميعرفوش اني سقطت سنتين أزاي اتخطى الموضوع دا بأفضل طريقة

بقى عندي ضعف شديد ف التركيز وتشتت وخاصة ف الدراسة كنت ثانوية عامة السنه اللي فاتت وراحت عليا علشان بس مش عارفه اركز وخرجت بملاحق بس نجحت فيها وانا طول عمري شاطرة ومستوايا الدراسي كويس جدا بس اللي كان حاصل معايا طول السنه مكانش طبيعي للاسف ودخلت بمجموعي معهد دبلوم فوق متوسط سنتين ومش عارفه اذاكر بضمير حتى لو عالجت التشتت اللي عندي مع أن عندي طاقة اني اتحسن بس بقول مش هبذل مجهود ف المعهد ده ونجحت في الترم ده ب مواد فيها مقبول مش عارفه اتعايش من ساعتها وكل اللي بقوله اني عايزه اعيد السنه وانا اتغير علشان ادخل كلية احلامي او عالاقل كلية مش معهد ومحدش هيرضى

بحاول اتخطي وجعي و حرماني من كليه احلامي اللي كنت بذاكر عشانها طول السنه بحاول اتخطي حد كان ف حياتي و كنت بحبه جدا جدا بس للاسف هو كان بيقضي وقت و بيتسلي بس برغم الوعود و الحلفانات بحاول اتخطي حاجات كتير اوي حقيقي

انا عندي ٢٠ سنة في تالتة كلية دخلت تخصص كنت فاكرة إني هحبه وإن ليه شغل كتير بس لما دخلت لاقيت الواقع مختلف ومحبتش التخصص وحسيت إني مش قده وحالياً مش عارفة أعمل ايه حاسة بتشتت رهيب وواقفة مكاني مش بتحرك في الوقت اللي بشوف فيه كل اللي في سني بيتقدموا في حياتهم سواء شغل، دراسة، خطوبة، انا مفيش أي تقدم إطلاقاً نفسي يكون ليا شخصية وهدف أسعى عشان احققه المشكلة إني مش عارفة انا عايزة ايه وفي نفس الوقت عمري الحمدلله ما دخلت في أي علاقات محرمة بس نفسي أحس إني مرغوبة لأن ده السن اللي المفروض البنات بتبدأ يتقدملها عرسان وبالفعل كل أصحابي بيتقدملهم ناس لكن انا مفيش وبحس كتير إنهم بيستغربوا عشان كده مش فاهمة ليه يعني انا حاسة إن لسه بدري أساساً عالخطوبة في سن العشرين لكن جيلي متقدم خطوات سابقة السن بكتير انا مشوشة ومشتتة وخايفة افضل ثابتة مكاني متقدمش ولا شغل ولا جواز ولا أي حاجة نفسي أحقق كل اللي نفسي فيه ومش قادرة أعمل حاجة .. مش عارفة انا لوحدي ولا فيه حد زيي.

السلام عليكم جماعة هو منطق الحدود ف التعامل بين الولد والبنت سواء ف الكلية او الشغل المفروض يقف عند فين يعني مثلا نكون بنتكلم برايفت ف شغل مثلا بس الكلام يودينا لحجات تانية ونهزر وكدة والهزار بيزيد كمان او الكلام يكبر انه يوصل لكلام ف حياتنا الشخصية نفسها هل ده عادي طيب لو الكلام ف الجروب عام جروب تيم مثلا ف الكلية عادي ان البنات والولاد تتكلم وتهزر سوا مش عارفة لو الكلام متظبط او قدرت اوصل الفكرة ال ف دماغي بس مش انا ال بعمل كدة مش انا ال بتكلم لكن الناس ال حواليا هما ال بيعملوا كدة وال هو عادي بيقولوا احنا اصحاب او زمايل اه الكلام مش بيوصل لصحوبية او علاقة بين ولد وبنت بس انا بحس ان انا ال غلط او انا ال اوفر لأن شايفة ان ده مينفعش يحصل حتي لو ف الكلام العادي دينيا مينفعش واعتقد اخلاقيا واجتماعيا بردو ف عموما اي رأيكوا والحدود المفروض تكون لحد اي

ازاي اقدر اتقبل الكليه اللي انا فيها دلوقتي لانها مكانتش اختياري و لا علي بالي ابدا انا دفعه السنه اللي فاتت ثانوي عام ادبي جبت 85.5% و فكرت ان هو ممكن هل اقتصاد و علوم سياسيه اللي حرفيا كنت بذاكر عشانها طول السنه لان السنه اللي قبلها كانت اخده حد ادني نفس مجموعي و قولت لو ملحقاتهاش هدخل السن و عادي هحاول اتاقلم لقيت التنسيقات ظهرت و حرفيا خسفو ب ادبي الارض و لقيت ان اقتصاد اخده من 92 و السن اخده من 87 يعني واقفه معايا علي 2% و لقيت نفس بعد ما كنت كاتبه الرغبات اقتصاد السن اعلام تربيه و كنت كاتبه تربيه كماله عدد عشان املي الرغبات بس لقيتها هي اللي جاتلي من كتر الزعل و القهر علي مذاكرتي طول السنه و ف الاخر ادخل تربية مفكرتش و دخلتها فعلا و كملت معايا ب اني قولت خلاص هدخل قسم تاريخ القسم وقف معايا علي نص درجه و عملت تحويل و اترفض و فضلت ف قسم عربي اصعب قسم ف تربية و الترم الاول شيت ماده و حسيت اني بجد ضايعه و مش هقدر لا بالرغم من ان قسم عربي كله شايل بالسبع و التمن مواد لان قسمي بيدرس ٢٣ ماده و مش هقدر ابدا يجماعه اني احول لكليه تانيه خالص لسببين الاول هو الفلوس لان حرفيا مقدرش اطلب جنيه واحد من بابا حاليا لاني حرفيا انا شايفه ظروف العيشه اللي احنا ليها و التحويل بيعوز فلوس قد كده حرفيا و بابا مش هيقدر عليها غير كده اختي الأكبر مني داخله كليه خاصه و بابا بيدفع كل سنه كتير اوي اوي عليه الله يعينه يارب و تاني سبب ان مش عايزة انزل سنه تاني لان لو حولت هرجع اولي من اول و جديد ف اتقبل تربية ازاي و القسم ازاي

سلام عليكم انا بقالي كتير اوي اوي مفتحتش الابليكيشن بس عايز اقولكم اني مبسوط اني رجعت هنا ❤️ مشكلتي بتتلخص اني مبقتش عارف عايز اي انا حاليا ٢٣ سنه بجري ورا حلمي اني اخلص الكلية اللي مش راضيه تخلص دي وبقابل مشاكل كتير اوي فيها ومش لاقي حد جمبي حبيت بنت اوي لدرجة العشق بس سابتني لما وقعت بقيت ملهوف عايز اتكلم مع اي حد لحد ما وصلت لدرجة اني بقيت هموت واتكلم مبقتش عارف اقول اي بقيت عايز اطلع اللي حوايا مبقتش عارف خلاص مشاعري اتلغبطط مبقتش عارف اعيش كل اللي خواليا شايفيني بصوره وانا مش كده نهائي انا ابعد ما يكون اني ابقا كده بجد ومش عارف ليه واصل ليهم الاخساس ده بجد تعرفوا ؟ اني مبقتش عارف انا عايز اي من اابوست ده حتى ؟ ادعولي معاكم وخلاص

اعمل اي بجد بحب معيد في كلية عندنا بدعي ربنا كثير لو كان في خير خليه من نصيبي ولو ضر شيل حبو من قلبي بس كل يوم بحبو أكثر اليوم الي مشفهوش فيه بيوحشني اوي نفسي بجد يحبني عوزا حل عشان بجد تعبت ادعولي

الواحد لسه باديء امتياز بشري. و مش مقرر يعمل اي هل يبدأ معادلة ولا يتعلم كويس المشكلة التعليم في الكلية صعب جدا لازم تبقي رخم عشان تعرف تتعلم و لو يعني مش بتدخل و ترخم علي المرضي أو حتي زمايلك ممكن متتعلمش فلو حد عنده اقتراح مثلا خصوصا لو امتياز المنوفية

جـماعـة اكيـد في هنـا دكـاترة جـامعـة و معيديـن و غـيره، بجـد طلب بسيـط من طالـبة دخلـت كليـة كانت بتحـلم بيهـاو حـاليـاً سبب التعـاسة هـي الكليـة بسـبب الـقسوة و المعـاملة راس بـراس اللي احنـا فيها دي، يعني عايـزة افهـم انت كدكتـور او معيـد هتستـفاد ايه لما تنغـص عليـا عيشتـي وتصعبـلي كل الاختيـارات سـواء في تسـليمـات و لا بـروجكـت ولا بـريزنتيشـن هيـأثر على درجـاتـي والGpa، افهم بجـد ليه؟!، ليـه اكون عاملـة كل حاجـة بيـرفيكـت و اقسـم بالله مش شكـرانيـة في نفـسي انا والتـيم بتاعـي عملنـا بريزنتيشـن غطـي على اي شغـل تاني من بتـوع الدفعـة، ليـه الدكتـور تبصـلي بغـل وحقـد و تطلب منـي طلبـات تانيـة تعجيـزية و تصعـب عليـا البـروجيكـت الشخـصي انا و بقيت التيـم ولو ماعملنـاش كـدا هتنقـصنا في درجـاتنا في درجـات البريزنتيشـن و البـروجيكـت؟ رغم انه ده له درجاته و له درجـاته؟ يعني حضرتم وصلتـي لدرجـة علميـة معينـة و ناجحـة يارب في حيـاتك ليه تأذي حـد لسه ما كملش ال21 سنة حتى من عمري ولسه بحاول، هتستفادي ايه؟، كليتـس مـش سهلة يا جـماعة من غيـر اس صعـوبات هي صعـبة ليه التعجـيز ده، ليـه التعـب للنفسـي اللي انا فيـه ده كل يوم و التانـي وانا بحـاول بكل قـدرتي لحد م جالـي الضغـط وبقـول ياريتنـي ما دخلتهـا و هي كانت حلمـي اصلا..؟! هـونوا على الطلبـة يا جمـاعة، بتصعـب عليـا نفسـي وانا الكل نايـم و مرتـاح و انا صاحـية ليل نهـار ومش بنـام غيـر بالصدفـة وبعيـط علشان خايفـة بعد كل الحنتـفةو الشغـل ده ماخـدتش درجتـي كاملـة، يـارب حسبنـا الله في اي حـد بيصعـبهـا على اي حد لمجـرد غل وحقـد غير مبـرر اصلاً

6.4.26 السنه خلاص بتشطب حقيقي انا مش عارفه دا حصل امتا وازاي بالسرعه دي بس فعلا اوقات بحس ان انا مش عايزاها تخلص وانا اتعلمت كتيررر اوي السنادي كل ال حواليا بانت نواياهم ليا وشخصيتي اتغيرت وبقيت هاديه اوي اوي ومبتكلمش كتير وبعد سنين لما افتكر الايام دي ممكن مفتكرش ايه حصل معايا بس هكون فاكره الناس ال وقفوا معايا فاكره ان كان فيه ايام صعبه اوي عليا وكل ال كنت بساعدهم مهتموش غير قليل والناس دي مستحيل انسا وقفتها معايا بجد واتعلمت ان مساعدتنا لغيرنا دي بتكون سبب ان ربنا يوفقنا حتى واحنا مش ملاحظين ممكن ربنا يسهل علينا حاجه رغم أنها صعبه على الكل وممكن يوفقنا لحاجه صعبه على الكل ف بجد يجماعه ساعدوا غيركوا عشان على الاقل لما تقعوا ربنا يبعتلكوا حد يقف جمبكوا متنسوش تدعولي ربنا يعدي الفتره دي على خير وادخل الكليه ال بتمناها وبإذن رب الأمنيات انا لها...وأنالها! ❤️

مش عايزة اضيع ال rank بتاعي 😂 اخباركم ايه اتمني تكونوا كويسين انا حاسة اني الحمد لله احسن بس الحاحات بتاعة الكلية اللب ورايا كتير جدا و لسة ما بدأتش فيهم و مش عايزة اسيب الشغل علشان بردو وقتها مش هذاكر و زيادة عليها هكون مخنوقة و متضايقة و مكتئبة و قاعدة مش طايقة نفسي مش عارفة اعمل ايه حقيقي و المفروض بردو اذاكر

جماعه هونو عليا عشان هعيط بجد لما جبت نتيجه اتصدمت يعني اي ماده متاكده اني حله فيها كويس واجيب تقدير دا وناس تانيه عشان بس واخدين فيها كورسات جابو امتياز فيها يعني دا بجد عدل ليه ممكن كليه تحطم الواحد كدا الحاجه وحيده اللي مهوني عليا شويه اني بقيت مواد تقديرات حلوه فيها الحمدلله وسؤال لو في ماده جايبه ضعيف فيها يعني بتبقي اي معناها و بنمتحنها امتي وازاي شكرا 💗

احب اقول اني كلبه ديدلاين واستاذه فتراكم المواد و اشطر حد يطبق يومين + اشطر حد يغير اجابات فالكويز بعرف اضيع وقتي كويس اوي ممكن ادي كورس كمان لو حد يحب يعني تعبتتتت من نفسي والكلييه و يارب بكره يتلغي بسبب سوء الاحوال الجويه أو كارثه طبيعيه أو الحرب تقوم اي حاجه من ربنا حلوه

عارفين جمله ( طلعني ل سابع سماء ونزلني علي جدور رقبتي ل سابع ارض ) اهو انا اللي عملت ف نفسي كداااا💔 كنت بحب دراستي اوي اوي . كنت من الاوائل ف المرحله الاعداديه كلها ، مكانش فيه اهتمام ف البيت بيا ولا حتي بمزاكرتي . بس انا كنت محافظه علي دا اوي . يعني مش من الأولاد اللي باباهم ومامتهم يقولوا لهم زاكرو ولو مذاكرتش هيكون فيه عقاب وكدا لا بالعكس تماما . كانت بتوصل معاهم أنهم هما اللي يقولوا لي كفايه مزاكره علشان يعني بذاكر كتير ، والي أن دخلت ثانويه عامه . فضلت علي نفس المستوي لحد تانيه ثانوي ، وحتي ف تالته ثانوي شديت جامد وركزت كانت حياتي عباره عن مزاكره ودروس ونوم وبس حرفيا لحد لما جه يوم النتيجه لقيت نفسي جايبه مجموع لو ما كنتش بذاكر كنت جبت احسن منه دخلت كليه بكرها جدا من يومها وانا مش انا حاسه وكأني كانت الحياة قبل الثانويه شئ وبعدها شي تاني خالص وكأني بتعرف علي الدنيا من جديد دخلت ف حاله اكتأب . مش بخرج من أودتي دايما بلوم نفس . معنديش ثقه ف نفسي مع أن كل أصحابي جابوا مجموع زيي كدا . بس حياتهم ماشيه طبيعي وعادي جدا . انا اللي واقفه لسه مكاني ، محدش مقدر ولا حاسس بيا لا من أصحاب ولا من أهل ولا اي حد اصلا فكرت كتير ارضي واللي عمله ربنا لكن بفشل ف كل مره وبرجع ل عزلتي ولومي ل نفسي مع اني مقصرتش ف مزاكرتي حاسه كنت عايشه ف الخيال مش عارفه المفروض كنت عملت ايه وما عملتهوش اتحولت من انسانه مرحه بتحب الحياة ومتفائله وعندها اصدقاء كتير . ل حياه فيها عزله وضلمه واكتأب ووجه شاحب بفكر اخلص من حياتي لأن مش شايفه ليها اي معني خلاص .

انا عندي رهاب مسرح و المشكله اني مطلوب من برزنتيشن في الكليه قبل كدا لما قدمت برزنتيشن سبت القاعه و مشيت و كنت بتنفض من الخضه دلوقتي دا عليه درجات و مش عارفه اعمل اي انا اجتماعية جدا بس غصب عني بخاف ان يبقا العين عليا كتير

انا حاسس اني مش عارف اعمل اي حاجه عندي امتحان ميد ترم يوم التلات وحرفيا مش عارف اذاكر حاجه غير اني ف رمضان غبت كتير في سكشن رحته مره واحده بس ف رمضان واول سكشن بعد رمضان كان امبارح مرحتهوش انا كليتي ف محافظه تاني غير محافظتي عمري ما قدرت اتأقلم ع البلد قربت اخلص كليه ومعرفتش احب او اتأقلم ع البلد اطلاقا المهم الغياب اللي غبته مخلي قلبي مقبوض دا غير ان كليتي عمليه السكاشن مهمه وفيها شغل وتسليم شغل اعمل اي خايف جدا جدا والمذاكره الترم دا انا مفتحتش حاجه خالص غير من يومين وانا بحاول اذاكر اللي خلصته بسيط جدا جدا جدا وامتحانات الميد ورا بعض وبحاول اني اذاكر من كذا ماده انا تعبت وحاسس اني مأنجزتش حاجه خالص تعبت ومش عارف اعمل اي ف المذاكره والغياب اللي غبته حرفيا بتاكل من جوه بسبب دا😓

كان زميلي في الكلية وفاتحني في خطوة خطوبة وقولتله لما نشوف موافقة أهلي وبعد استخارة وجه وشافوه لقوه مش جاهز ماديا وكلامه مش مريحهم في الجانب دا ف الموضوع ماتمش هل المفروض الموضوع يبقى بالنسبالي عادي ومش محتاجة اموڤ اون لان مكانش فيه حاجة بينا أصلا ولا أتقبل ان الموضوع ممكن يضايقني شوية لبعض الوقت على الأقل عشان كان شخص كويس وكان عاجبني في بعض الحاجات

انا السنة دى ساكنة مع واحدة صحبتى، ف فى الترم الاول الوضع كان عادى اينعم فيه تصرفات تضايق بس عادى مش مشكلة والترم عدى الحمدلله. وانا بقت فيا حاجة طول ما انا مضغوطة وعندى مذاكرة ومحتاجة اخلص وما اضيعش وقت كتير ف تعاملى بيبقى على قد الكلمة بس علشان معروفة اننا لما بنفتح فى الكلام بيعدى ساعات مش دقايق، ف المهم انا كنت ماشية كدة الترم اللى فات وما زلت يعنى خصوصا اننا فى كلية عملية وضغط وحاجة الله المستعان، دلوقتى بقى بقيت احس انى كل ما باجى السكن بحس بضيق شديد ومش بعرف اذاكر رغم انو دا مكان المذاكرة، وبقيت كمان مرتاحة اكتر وانا لوحدى وبعرف اذاكر وامشى الدنيا على عكس ما يكون معايا حد، وانا واخدة عليها عادى، ف مش عارفة اعمل ايه، بحاول اقنع نفسى انو عادى وانا بس بيتهيألى ولكن مافيش فايدة 🙂

بقالي اكتر من ٣ سنين بحاول افهم انا ليه من ونا صغير مليش صحاب يعني انا عملت ايه للناس طب انا مختلف فاية اصلحه طيب حرفيا من الحضانه لحد الان اهو في الكلية ومفيش حد يعتبر صاحبي اه كان عندي ناس قريبين بس صحاب ونخرج ويفتكروني في خروجات لا محصلش انا قولت خلاص هعدي ال٢٠ وهكون كبرت ومش محتاج ولا فاضي لصحاب،طلع الاسوء ان عشان اعمل اي حاجة في حياتي لازم معارف والصحاب اسهل واسرع حاجة عشان المعارف بس انا مفيش خالص كنت بكدب نفسي لما اقول اني انطوائي، بس طلع انا اه مبحبش الخروج والفرهدة بس قعدة البيت خلاص هتجنني لدرجة اني اتشجعت مرة وطلبت من اهلي نخرج فعلا ابويا خرج معايا مرتين وبعدها هو كمان مبقاش حابب يخرج تاني معايا قررت اروح جيم حرفيا اعرف كل اللي هناك بس ان حد يكون قريب ليا ويحسسني ان ليا ونس في الحياة لا طب انا مالي يا جدعان انا فعلا طيب جدا وبحب اساعد الناس ومش قلبي اسود ولا بكره الخير طب مالي

نتيجة الثانوية العامة تعب وسهر وفي الاخر وحدة شديدة و58٪ ولخبطة تالتة كلية اهو حاسس اني لسة في ثانوية عامة مخي واقف عندها مش مستوعب ازاي عدى 3 سنين بالسرعة دي بصراحة الوقت بقى يعدي بسرعة بطريقة مرعبة ومش طبيعية

السلام عليكم. انا قبل م اخلص ثانوية عامة كنت انسانة متفوقة جدا وكنت شاطرة جدا لما دخلت ٣ ث حصلي ظروفه صعبة فيها ومريت بمرحلة اكتئاب صعبة دمرتني ،من بعد المرحلة دي انا مبقتش عارفه اعمل اي حاجه ف حياتي كل حاجه بقت صعبة وتقيلة عليا انا بق عندي مشكلة ف حتة المزاكرة مبقتش بعرف ازاكر ولا اركز ابدا بقالي ٣سنين ف ١ كلية لا عارفه اركز ف مزاكرة ولا حتى ف امتحان اعمل اي عشن ارجع تاني اعرف ازاكر زي الاول بجد الموضوع بق صعب بالنسبالي نفسي بس اعدي سنه اولى مش عارف وافضل زعلان ع نفسي وع ال حصلي وال اتحولتله فيدوني ي جماعه بالله عليكوا ازاي ارجع ازاكر زي الاول واتفوق تاني

دردشه سريعه........ انا لحد دالوقتي واقف عند اللحظه اللي شوفت فيها نتيجة الثانويه العامه صرااااااحه كانت صعبه جدااااا عليا انا الحمد لله شايف ان انا عملت اللي عليا واللي كاتبه ربنا خير بس كل ما اشوف حد في كليه كان نفسي ادخلها قلبي بيتقطع .

عندي مشكلة في المذاكرة انا تانية كلية مفيش شغف ولا قدرة على المذاكرة الشغف زيرو لأي حاجة حتى لو هسمع فيلم او اتابع مسلسل بزهق منه بعد فترة ومش بكمله حد يديني حل لو سمحتوا مع العلم اني مكنت كدا خالص بس الموضوع جي فجأة

ازيكم يا شباب انا بحب بنت معايا في الكلية بس عمري ما كلمتها ومش ناوي اكلمها بس حسيت اني محتاج اقولكم 😂😅 تفتكروا ممكن تكون فعلا ليا ولا اللي مبيسعاش مبيوصلش واه انا من رابع المستحيلات اكلمه

عارف النفس اللي بتاخده كدا وزفير سمعت فيديو لقارئ بالصدفه واغرمت بيه والله ربنا يباركله بقالي كذا يوم معنديش طاقه لاي حاجه من الشغل للفطار للنوم ومن الكليه للفطار للنوم وحاجه قمة الغم ف اللهم عفوك

كان عندي ظروف ف منزلتش الكلية من اول رمضان و طبعا فايتني محاضرات و سكاشن ولحد دلوقتي حاسة بخمول مش عارفة ابدأ اي حاجة ف قوليلي اعمل اي ضروري عشان هنزل بعد العيد و الميد بعد العيد بردو ( كلية زراعة لو هتفرق)

هاخد رأي الناس للمره التانيه والاخير أنا زي ماقلت لكم مكنتش بصاحب وكده لحد ما صاحبت حد في الكليه بقينا احسن من اخوات بيبات عندي وبروح ا بات عنده و كل يوم كان كل واحد فينا عند التاني كنت ممكن أحرم نفسي من حجات كتيره عشانه ولو لقيته مش معاه فلوس كنت اطلع الي ف جيبي كله أدبه ليه غروما كنت بحب احوش وجبله اغلا الهدايه حتا كنا بنغير في هدوم بعض مش عارف اتحسدنا بقا ولا ايه بقت من اقل مشكله تحصل يبعد عني ويخاصمني وتحليل عليه عشان أصلحه مش بيرد عليا أنا وهوه مش بنتكلم هل الصحه ف العيد ولا اكبر دماغي زي ما هوه مكبر ولا اعمل ايه ده الموضوع باختصار عشان فيه حجات كتير متكلمتش فيها يعني كنت أما أصلحه كنت بحس أن الموضوع فيه اهانه ليا وقله كرامه وحاجات غير كده تنبه

انا حاسه اني معنديش شغف لمذاكره الكليه وفنفس الوقت ببقي محتاسه اوي لما بلم الدنيا فليالي الامتحان وسعات بطلع بماده او مادتين سمر رغم انوا مكنش مستوايا فالعادي وبقي وقتي كلوا بقلب عالسوشيل ميديا ومش عارفه اطلع من الدوامه دي

انا بحب بنت من ساعه لما كنا ف أولى ثانوي و عمري محبيت غيرها ودلوقتي احنا ف تالته كليه و انهارده جربت ابعتلها على الواتس بس كنت غبي و بعت كل حاجه مره واحده ف مردتش و عملت بلوك وجربت ارن عليها ف الموبايل بس لما سمعت صوت ولد قفلت ف وشي