الفني التجاري يعمل كل ده 😂 انا كنت فيه بس دخلت حاجه تانيه غيره الحمدلله واللي عرفته انك متقيميش نفسك بالشهاده خالص مع ان دخلت حاجه كويسه بس الناس بقت بتتعلم حاجات بره تعليمها اصلا ثانيآ سيبك منه فكره انه هايخلص وييجي دي بعيده هو ممكن يكون خايف اصلا هايفاتح اهله ازاي حتى بيخليكي انتي اللي ترني كمان

ابعدي طبعا وهو لو صادق فعلا هيجي يبنتي ومتعلقيش نفسك بحد اخر سنه بتبقي اكتر سنه متفرغين فيها وضاربينها صرمه اصلا

وعليكم السلام تعالى نبدأ بالولد، لازم الاول تفهمى انتى محتاجة اية انتى محتاجة اهتمام وحُب وسؤال ولا محتاجة جواز هل هو كان موجود عشان يعوضك عن جفاء أهلك ، ويقدملك كل الدعم والحب اللى افتقدتيه منهم ؟ هل انتى واعية بمشاعرك وعارفة هى ناقصها اية وتشبعيها ازاى ؟ نيجى للمعهد انا معاكى ان مجتمعنا بياخد بالمظاهر والشهادات الفارغة، بس ليه تحددى من نفسك ومن قدراتك بسببهم ؟ فيه ناس كتير مدخلتش كلية وينضرب بيهم المثل مع العلم انتى مش محتاجة تثبتيلهم عكس اللى هما شايفينه انتى محتاجة تتحررى من ضغط المجتمع والأهل وتثبتى لنفسك إن الكلية مش نهاية الحياة، وإن الحياة فيها فرص كتيييييير بس احنا اللى بنحدد نشوف انهى فرصة (او اهالينا اللى بيحددوا) مع إن الحقيقة غير كدة ثقتك بنفسك هترجع لما تدى لنفسك فرصة تبعدى عن أحكام اللى حواليكى، وتبدأى تاخدى خطوات فعلية تعزز من حُبك لنفسك وإيمانك بيها

وعليكم السلام مبدأيا البنت مش مطلوب منها انها يكون معاها كليه عشان تتجوز مهندس او دكتور كل دي شكليات مجتمعيه وملهاش لازمه ، اهم حاجه في البنت الدين والخُلق ولو هنضيف انها تكون واعيه ومثقفه وبتعرف تقرأ وتكتب ده الطبيعي ولكن التطرف الأيام دي وحش اوي واي حد يقلل منك ده حد جاهل ومتاخديش بكلامه ثاني حاجه بالنسبه للشخص اللي معاكي احسن حاجه انكو تسيبو بعض عشان تكون فترة توبه عن الذنب ده ولما يجي يتقدم رسمي ابقو اتكلمو ومفيش اي حاجه تستدعي انك تخسري ثقتك بنفسك بسبب اي حاجه بتحصل من كل ده انتي صح

ع فكرة دي مش حاجة تزعلك او تخليكي تضايقي ربنا موفقكيش ف حاجة وان شاء الله يوفقك ف حاجات تانيه وع فكره انا مهندس وقابلت ناس كتير ف المجال بتدور ع بنت تكون متفرغة وتكون محترمه ودكاتره كمان اعرفه ومحدش منهم شايفها عيبه ولكن ميزه ومش باصة دونيه او حاجة من دي لكن هما عارفين ان دي ميزة للبنت ف حق نفسها وحق بيتها انها تكون متفرغه وانتي كبنت لازم تشوفي دا وانك محتاجة واحد يبذل مجهود علشانك كبنت وعلشان بيته اللي هيكون بيتك وانتي اساسه ومتحاوليش تثبتي نفسك او تفكري انك تثبتي نفسك ف حتة ممكن تكون هتاثر علي حياتك ومن المنطق دا ابعدي عن الولد دا لو كان صادق يبقي انتي اديتيله فرص ودي فرصة انه يثبت حبه ليكي ولو مش صاظق يبقي خير انك بعدتي عنه وعن تجربة متخديش كلام من ولد لسه ف جامعة لان الظروف وبالذات الفترة دي ضد شباب الجامعة وحتي لو هو صادق الظروف هتكسره