خسارة

لسه شايفه فيد لشخص ع السوشيال ميديا بيقول يعني انه محصلش نصيب بينه وبين البنت اللي بيحبها بعد ما كان بيعمل سلسله الرجاله لما تحب وحقيقي يعني كان باين قد اي بيحبها وشاريها واعتقد اي بنت تتمني كده وتعشق اللي يحبها بالشكل ده فعماله أسأل نفسي يا تري اي السبب ، اي ممكن يكون حصل يوصلهم هنا وبجد مفيش اجابه مقنعه بالنسبالي ، مش شايفه ان في سبب يخليني أسيب شخص بحبه ، ده انا امسك فيه واقعده جنبي غصب عنه نفسي افهم الناس ان مش كل يوم بنلاقي حد بيحبنا ويخاف علينا ، امسكوا في اللي بتحبوهم واتعبوا علشان الحب اللي بينكم ولو في حاجه غلط صلحوها واركنوا ام الكبرياء والعند والعقد النفسيه علي جنب شويه علشان الدنيا مش مستاهله تخسر حد بتحبه

كنت ف فترة كدا في فحياتي بنتين واحدة كويسة جدا وبتحاول ترجعني لربنا و واحدة زاي مانتو فهمين كنت للاسف ميال للي بتبسطني مش الي بتقولي كلام ربنا وتحاول ترجعني ولما خسرت الي بتحاول تساعدني انهارده اكتشفت ان الي بتبسطني مانت متاحه للجميع ومش ليا لوحدي وكل الي كانت بتقولو ليا بتقولو لكتير غيري انا فهمة غلكي متاخر ويعلم ربنا بكتب وانا مخنوق وشايل هم الدنيا انا بجد وحش وكل محوله لتغيري كانت مجرد محوله بس منجحتش

فيه نوع من الناس بيبقى واثق أوي في نفسه وهو بيقفل الباب في وشّك، متخيّل إنه كده انتصر… وإنه خلاص شالك من حياته وكسب الراحة! بس الحقيقة اللي هو مش شايفها… إنك لما تخرج من حياة حد، بتسيب وراك فراغ كبير أوي، بس هو بيكتشف ده متأخر… بعد فوات الأوان. الناس النضيفة مش كتير، اللي قلبها أبيض ونيتها سليمة ومش بتدور غير على الخير، دول نُدرة… ولما واحد من النوع ده يمشي من حياتك، اعرف إنك خسرت حاجة مش بتتعوّض، حتى لو حاولت تملى الفراغ ده بميت واحد، هتفضل تحس إن في حاجة نقصة… في فرق كبير أوي بين وجود حد

بنتخطاها عادى بعد سنة ولا اتنين تلاتة عشرة حتى ... بس اللى صعب تتخطاه ( إحساس انك كان نفسك يحصل و ماحصلش) .. عشمك في أن حاجة معينة تكمل او تكون ليك و مابقتش بيفضل معلم جواك و احيانا بيخليك زاهد في الدنيا ..ما كدة كدة اللى عاوزه مش ليك ف تعوز ليه اى حاجة !؟ او تبذل مجهود و فى الآخر تخسرها برضو !! مع الوقت نظرتك للحاجة بتتغير و بتقول اى ده ماهى عادية اهيه مش واو زى ما كنت فاكرها !! بس فكرة (انا كان نفسي و ماوصلتش) ..( انا سعيت و مانجحتش )هي ابشع ما فى الأمر 💔

عندي مشكله مع ابويا ابويا زمان كان عنده ارض وارثها وباعها ف الرخص من١٣ سنه تقريبا بس بمبلغ ساعتها كان كويس المهم المبلغ دا هو خلال ال١٣ سنه حاطه ف البنك ومعيشنا علي فوايده طول السنين دي بناكل وبنشرب وبنتعلم منها انا مش جاي اتكلم ف الفوايد وانها حرام ولا حلال انا جاي اتكلم ف حتت انه مكنش عنده فكر اقتصادي ب ٢ جنيه ولا مثلا طلع جزء من الفلوس حطه ف دهب ولا جابلنا شقق لما كانت برخص التراب من ١٣ سنه وكان حط جزء ف البنك وصرف بيه علينا معملش حاجه خالص من دي وخرفيا لما حسبت سعر الفلوس دي لو كان جاب بيها دهب ساعتها وسعرها دلوقتي حرفيا ثروه ضخمه جدا دلوقتي بس عليه العوض بقا المهم كل ما اتكلم معاه ف الموضوع دا يحسسني اني بغتته بالكلام ومش عايز يقول انه غلطان وعمال يقول هي دي حياتي ومش هاخد خطوه ف حاجه انا مليش فيها خبره مش فاهم اي الخبره اللي الواحد محتاجها عشان يجيب دهب او شقق ولما فكر يجيب شقه جاب شقه ف مكان معفن لسا متعمرش من ٣ سنين وبيسدد اقساطها من الفوايد كل ما اتكلم معاه انا وامي يزعق مش عايز يقول انا غلطت ويقعد يقولنا هسبلكم البيت وانتو هتموتوني لي كل دا عملناله اي كل دا عشان انا زعلان علي مستقبلي انا واخويا اللي المفروض نبنيه من الصفر بنفسنا وكان عندنا فرصه لو ابويا استثمر فلوسه ف اي حاجه زمان عقار او دهب كانت بدايتنا هتبقا احسن بكتير وهنتجوز اسرع ونعيش عيشه احسن كل اللي عليه يزعقلنا ويقول لو اتكلمتو معايا تاني هسيب البيت وبيعامل امي اوسخ معامله واوسخ طريقة كلام علي اقل المواضيع مش الفلوس بس لي كل دا !! بس ف نفس الوقت هو كويس ف البيت وجايبلنا كل اللي مختاجينه ومش مخلينا محتاجين حاجه بس حرفيا كده مش هيبقا فيه حاجه للزمن انا هايف علي مستقبلي انا واخويا هنطلع للدنيا هنبني نفسنا من الصفر وانا لسا بدرس ف اخر سنه واخويا داخل علي ال٣٠ وفاتحله دكان صغير عندنا كده مشروع حرفيا ملوش لازمه ولا بيكسب وكل شهر ينزل يجيب بضاعه ومبيحسبش هو هيبيع ولا لا وفي بضاعه بتتركن وابويا جايب سواق بقاله معانا داخل ف ٥ سنين بيشتغل بياخد شهريا راتب لو حسبناه ف ال٥ سنين يجيبو مبلغ محترم ومش عايز يسيبو مع ان انا بسوق بحجة مش هنعرف نصلح العربيه ومين يروح للميكانيكي طب ما نتعلم عادي ادينا الفرصه ابويا بيعمل كل حاجه غلط ممكن تضيع الفلوس وتاثر علي مستقبلنا حرفيا وانا تعبت منه ومن اسلوبه وتفكيره دا مبقتش عارف اعمل اي تعبت نفسيا

عيبي اني مش بعرف اتمسك بحد وببيع بسرعه مش عارفه دا عيب ولا ميزه بس دا مخليني لوحدي لأني مش فارق معايا حد وبخسر الناس بسرعه مش عارفه ليه انا كدا ومش عارفه الي بعمله دا صح ولا غلط بس عموما بسبب الحوار دا مبقاش فيه حد هما أهلي وكام حد كدا وكفي

في خريف ٢٠١٧ الجميل نزلت روحت السايبر مع الشباب مع بلحه وزرجينا اعز اصدقائي قعدنا حوالي ساعه ونص بنلعب كونتر سترايك وإذ فجأه نلاقي صاحب السايبر اتقلب سردين وبيجري ورانا قعدنا نجري في صاله السايبر وانا ميت من الرعب وفجأه الاقي زرجينا اعز صحابي اتقلب كابوريا وعايز يهبشني وبلحه .. لا متقلبش بلحه اتقلب ساندويتش جبنه وبيجري ورايا برضوا وفين وفيييين لما قدرت اخرج من السايبر واهرب منهم وطلعت البيت بحكي لابويا لاقيته اتقلب رنجه وبيجري ورايا برضوا ومن ساعتها خسرت اعز اصحابي بلحه وزرجينا ، اصعب موقف في حياتي

تصدق معرفش لا بجد مش عارف امتى وازاي وهل فعلا خلاص كدا راح لحاله ولا ممكن يرجع تاني وكانت استراحة محارب زي ما بيقولو معنديش هو الواحد كان بيحاول يصبر نفسه بس وقتها ان ربنا اكيد يريد بيه الخير و حسبنا من الخسارة انها دنيا فانية و الله المستعان

كنت قريت حاجه كدا عرفتها بعدين وهي انك لو دخلت لعبه الحب هتطلع خسران بنسبه كبيره لانها رهان فاشل طب لي بنعمل ف نفسنا كدا معرفش لي بنتعب نفسنا ونقدرها برضو معرفش بس بتمني ان لو حبينا حد يبقي يستاعل كل الحب دا

صعبه لما تحب حد. ويجي واحد ليه سلطه عليك يفرض رائيه وانت واقف مش عايز تتكلم عشان متخسرش اللي حوليك كلهم وفي الاخر بتطلع خسران نفسك واللي حوليك محدش بيحس بيهم. شعورك ده بيشبهك بالشمعه بتحرق نفسها عشان الباقي يشوف

عارفين الراجل الي بيقول هل الخساره بعد الجهد فشل ولا هي جزء من الرحله ورضاي عن نفسي ما يُبنى على النتيجه،لكن عندي سؤال ما خلاني انام ليش مو انا؟؟؟؟؟؟؟؟؟اصل فعلًا ليش مو انا؟😂 حاسه الراجل ده مزعلني اوي ومشخصناها معاه عشان قال السؤال بصوت عالي

احساس وحش اوى انك تبقا مهزوم قدام نفسكً مهزوم لدرجه العجز و الشلل .. الشلل عن كل حاجه وكل حركه و كل لحظه ممكن تفكر حتى فيها وحش اوى احساس انك ديما خسران فى رهانك على كل الناس اللى حواليك خسران مع اهلك و اصحابك و كل اللى حبيتهم ولما حسيت انك خلاص هتبدء تحس بلحظه انتصار ينزل علي وشك الف قلم يقولك انت اتجننت انت عايز تفرح فترجع تانى لنقطه الصفر بكل هزيمه انا حقيقى مبقتش عارفه اقف على رجلى تانى و مبقتش عارفه اكون شخص داعم ل اى بنى ادم حوليا حتى نفسى لا بقى عندى خلق ولا طاقه و لا مجهود ل اى حاجه نفسى استسلم واسيب الدنيا كلها وامشى و حقيقى مش عارفه بعد الخطوه دى هيبقا مصير بنتى ايه وحقيقى كل همى انها متشوفش نفس اللى شوفته و عيشته من تعب ابويا و لا مبالاه امى خايفه اوصل للمرحله دى وتشيل هى الطين زاى ما حصل معايا مش عارفه اطلع من الكابوس دا و مش عارفه اعمل ايه مع شخص مش قادره اثق فيه ثانيه كل كلامة كذب وكل وعوده كذب و كان حياتى معاه كلها مبنيه على باطل

لما ملقتش تقدير لما لقيت كلام يوجعني ولما خسرت كرامتي بدل المره الف لما اتكسرت كتير واتزليت لحد ميستهلش كنت كل مره يسبني ويرجع ع مزاجو المرادي بس فوقت واقتنعت انه م خير ليا مبقتش استراحه محارب المحارب ساب الحرب تولع ب الي فيها وواقف يتفرج عشان اقتنع لا دي حربو ولا دا مكانو

اول ذكرى اني خسرت دراستي لي اعوام وانا من الاوائل ثاني ذكرى لما طلعو عاملينلي سحر جنون و مرض و كره الدراسة ثالث ذكرى لما لقيت نفسي في عمر صغير عند طبيب نفسي رابع حاجة بعدما كنت قدوة صرت عبرة

دائما ما نقول أنه نتمنى أن نلتقي بمن يشبهنا وكان قلبنا او عقلنا يرسم لنا هيئة معينة من شخص نريد الارتباط فيه في مخيلتنا نتخيل صفات نريدها في من نحب وكيف نريد أن يعاملنا هل يا ترى في هذا العالم سياتي يوم ويتجسد ما نحب في ارض من اراضي الواقع فعلا إن الحب مثل شخص يخوض مغامرة يحبها ولكن يجهل مضمونها فقط أراد التجربة ويصادف في هذه المغامرة الكثير من الصدف و الكثير من الناس منهم من سيمهد طريقك ومنهم من سيوقعك في فخ ومنهم من يلهمك أنه منقذ في الظاهر وباطن الامر أنه يريد ان يسرق منك كنزك لكن من ناحية أخرى الطريق التي اضاعك فيها لإيقاعك تجد فيها ملاذك تجد ما هو افضل من كنز قد تجد في البداية اشياء مخالفة لما كنت تتخيله وغريبة وغير مألوفة تحس بالضياع تحس ان الكون ضدك تحس انك وحيد تقول لماذا دائما أخسر لكن تكمل لانك لا تستطيع البقاء في مكان تخاف منه تكمل رغم خوفك ودموعك وانت يائس وتعرف انك خسرت تتعب فتقع فتبكي في الارض وتمتنع عن السير أبدا وتقول يا ربي لماذا نسيتني لماذا أحاول واحاول ولا اؤذي احدا وانا دائما من اترك وحيدا مجروحا مكسورا يشفق النمل على حالتي فجأة وتحلف انك لن تكمل الطريق اذا بك أصلا انت في ارض الكنز تجد دموعك قد بللت التراب فظهرت × تحفر فتجد ما هو أجمل من الكنز تجد ورقة مكتوب فيها الكنز الحقيقي لست انا ما كنت تبحث عنه هو بداخلك لم يتركك ثانية فقط ذكرك الله به عندما انسدت بك كل الطرق فلجأت اليه فاعطاك ......النهاية ........ ما نبحث عنه هو بداخلك والكنز الثمين مهما وان ضللت الطريق لن تضيع عنه أبدا لان الكنز الحقيقي هو النية الطيبة والنقية مع نفسك ثم ربك وهو ما يبحث عنه الجميع ولن يفلحوا في العثور عليه لأنه لا يسرق ولا يمتلك بل يحس....... the end.

فيه شخص ف حياتي بحبه جدا جدا يعني وهوا بيحبني اوي وشخص محترم وكده وبيحاول يعمل المستحيل عشان ابقا مبسوطه بس عارفين فيه احساس خوف كده أنه يبعد عني أو مثلا ميبقاش من نصيبي ف الاخر خايفه اوي من دي والله خايفه بجد ساعتها هتدمر مش هعرف احب حد تاني رايكم ايه هوا ناوي ييجي بااذن الله بس هوا عشان لسه صغير شويه ف سنه كده بااذن الله أو 9 شهور ويدخل البيت بس فاهمين خايفه يشوف واحده تانيه تاخده مني ممكن ده من تأثير كلام حواليا وخوف مش اكتر بس فعلا ساعتها هتدمر جامد اوي هوا عموما والدتي عارفه أن احنا بنتكلم وواثقه فيه عشان هوا محترم جدا وقد كلامه واتكلمو قبل كده

كنت محتاج اخد رأيكم في حاجه من 8 شهور انا اتصاحبت علي واحد معايا في الشغل وعمل معايا كتيير خير ووقف جمبي وجينا اتفقنا أن احنا هنعمل شغل لوحدنا وهوا اداني مبلغ قولتله أن حتي لو الشغل خسر انا ملزم بفلوسه المبلغ كان 20الف واشتغلنا اول اول كام شهر والدنيا كانت جميله ومفيش اي حاجه وكنا بنكسب وتمام جه حصل دروب والشغل وقف وخسرنا 20الف وانا من الاكتئاب والي حصل رجعت بلدي تاني عدي علي الفلوس حوالي شهرين واحنا طول المده دي احنا كويسين خالص واخوات برضه لحد مره واحده لقيته مكلم ناس صحابي ومطلعني باوسخ صوره مفرقش معايا كلمته قولتله فلوسك في رقبتي بس اديني وقت اقف علي رجلي وعدي شهر علي الكلام ده وهوا حاليا بيضغط عليه بكلام وانا اتخنقت ومش عايز ارد عليه رد وحش وانا فعلا لو فإيدي اديله فلوس كلها هديهاله بس فعلا الوقت ده مفييش وهو مش مستوعب ده وفي نفس الوقت مش عايز ابطل ارد عليه عشان ميفكرش اني بهرب منه

بستغرب جدا يعني لما القي حد بيتعامل معاك علي ان حياتك منغيرو هتبوظ وانو هوا كل حاجة ويبق ديما بيهدد بغيابو يجدعان انا خسرت ناس حرفيا عمري متخيلت يوم واحد اعيش منغيرهم والحياة مشيت عادي انا مبتعودش علي حد باب الدخول نفس باب الخروج اه انا بياع احسن مكون متباع

تجربتي في الحب كانت كويسة علافتي الاولى قعدت معاها ٨ سنين وكنا بنحب بعض جدا بس في اخى فترة كانت بتتلكك على حجات غريبة وتافهه وفضلت كدا لحد مطلبت انها تمشي ونا وافقت لان تصرفاتها بقت بايخة بزيادة وكنت زعلان ودخلت في حالة نفسية وحشة ومن العدم ظهرت واحدة في حياتي فضلنا مع بعض ٣ شهور بس عايز اقول ان دول احسن ٣ شهور قضدتهم في حياتي خروجات وكلام وحب ونستني اللي كانت في حياتي قبل كدا وحبتها اوي وريمت حياتي عليها وعشقتها لحد مهيا فضلت تبعد وتقول اسباب غريبة انها خايفة تكمل عشان متخسرنيش ومشاكل ونا قدمت حلول لكل المشاكل بس هيا مشيت ومن ساعتها مش عارف احب حد غيرها ونفسي كل شوية اخش اشوفها او اكلمها ودخلت في حالة نفسية وحشة اوي لدرجة اني بقيت موذي لاي حد بيحبني وكذا علاقة دخلت فيها ونا السبب وقتها اني مش عارف احبهم وساعتها انا اللي بمشي وكرهت اي علاقة وخسرت الناس اللي حوالية حتى اهلي ومش عارف اعمل اي

وفاه والدي مش قادره اتخطي الوقت ده، حاسه بندم علي حزن علي خضه مش عارفه افوق منها ،عارفه انه عدم وجوده بقي أمر واقع وده في حد ذاته خانقني زعلانه انه مشي قبل ما نصلح حاجات كتير كانت محتاجه تتصلح

انا لما وصلت 17سنة عملت اول مليون ولما وصلت 24كنت عامل رقم كويس ووقعت واقعة سودة والحمد لله حولت من تاني والتسهيل علي الله وربنا يسترنا ويحن علينا يارب ويبعد عنا الذنوب لأنها بتسلب الرزق والله

مخنوق ومتضايق وعايز حل للى انا فيه انا شاب 22سنه 3سنين حب فيها لشخص غالى على قلبى قوى ومزال بحبه اه احنا مع بعض بس مش زى الاول حصلت بينا شوية مشاكل ومنكرش انى كنت السبب ف المشاكل دى بس اعترفت بغلطى وصالحتها بس هوا اتغير عليا وبقى واقفلى على الواحدة وانا بدأت اتعب بسبب دا ومبقتش بركز ف اى حاجة حتى اتفه الاسباب مشبتعديها زى كل مرة حد يقولى حل غير الفراق والبعاد عشان انا مقدرش اعمل كده وبرضوا انا عامل على مشاعره ومش عايز اخسره

عندي مشكلة بصراحة وهي اني لما بحب بكون عندي استعداد اعمل اي حاجه عشنها يعني مثلا خارجين عنيها جت علي اي اي حاجه لبس او هداية او اي حاجه بجبها ف وقتها وحتا لو مش معاية فلوس بحطها فدماغي واجبها طيب فين المشكلة المشكلة اني مش بتحب هي بتحب الي بعملو عشنها ولو مره قصرت بحسها متغيرة انا الموضوع ده اتقفل من كتير معاية بس الفترة دي حبيت بنت وللاسف لقتني بعمل نفسي الموضوع وديما عايز افرحها خايف اوي تكون الغلطه بتتكرر سعدوني اعمل ايه

مشكلتنا اننا اتعودنا ان النهاية لازم تراضينا لازم الخير ينتصر قدام عينينا واللي ظلمنا ييجي مكسور يمكن مشلول يمكن ندمان ويقعد يترجانا نسامحه واحنا نقف نفكر نسامح ولا نخليه يدوق شوية من اللي دوقناه ونعذبه كده بس الحياة مش مسلسل مفيش مشهد اخير هيتعاد عشان يجيب لنا حقنا بالشكل اللي متخيلينه مفيش حد هييجي يترجانا واوقات كتير مفيش حد هيحس اصلا انه ظلمنا الحقيقة الصعبة ان النهاية احنا اللي بنكتبها يا اما نقعد مستنيين عدل درامي يمكن ما يجيش ونفضل نحكي لنفسنا اننا اتظلمنا وان حقنا اكيد في يوم هييجي واحنا قاعدين مكانا يا اما نقوم حتى لو موجوعين نحاول نعوض نفسنا بايدينا نجيب لنفسنا حاجة تفرحنا حتى لو صغيره نبني حياة تخلي احساس الخسارة ميخلناش نخسر كل حاجه حرفيا عارفه أنه احساس حلو يجلنا مشلول كده بعد ما وجعنا بس على ما يتشل نعمل اي حاجه تخلينا نحس اننا عندنا حياة بجد

انا ولد عندي ٢٥ سنة لسه بدرس وبشتغل ف كلية حاسبات ، انا من كنت صغير كنت بشوف صحابي بيرتبطبوا وبيكلموا بنات وبيحاولوا يجذبوا انتباهم بس انا كنت شايف كل ده هبل كنت مفكر ساعتها انهم عيال صغيرة وانا اعقل منهم علشان كده مبفكرش في كده قبل حتي ما افهم الموضوع من منظور ديني.. دخلت الجامعة واشتغلت وبدأت احتك ببنات كتير بس فضلت بتعامل عند اللزوم وبحدود الزمالة فقط ؛ مش معزول او انطوائي او اني مبعرفش اتكلم معاهم لا بعرف اتعامل عادي وساعات بضحك وبهزر في وجودهم بس في الحدود والاهمية فقط مش عمال ع بطال يعني ولسه معنديش طبع او خصلة الارتباط او الاقتراب زيادة معاهم في العلاقات او الكلام... لحد من فترة شوفت بنت شغالة جنب مكان شغلي وكانت بتيجي تطلب مني حاجات بطبيعة شغلي بس انا شفتها مختلفة اوي حسيت بحاجة اتجاها وده من حاجة نادرة اصلا اني ابص لبنت عجباني ف مبالك اني احس بانجذاب اتجاها دي حاجة تقريبا اول مرة احساها وانا كبير وواعي لدرجة اني قعدت فترة كبيرة حياتي واقفة عند احساسي ده بفكر اعترفلها وبفكر ازاي هعمل كده وبطلب النصيحة وبحكي كمان لاقرب صاحب ليا وقاعد طول اليوم بفكر ف كل حاجة تخصها وممكن تحصل ، الموضوع خرج عن التفكير وبقولكم اني بدأت اجهز حاجات وبستشير صاحبي فيها ؛ وبعدين زي ما تقول عقلت اني مستحيل اقدر اخد خطوة الخطوبة دي دلوقتي واني مش جاهز ع الاقل ماديا وحاولت اتعايش وفات فترة بتيجي في خيالي وبقعد افكر زي الاول فيها كل فترة والتانية وبكتأب وبزعل اني مش عارف اكمل حياتي معاها وغالبا هي كمان عايش حياتها متعطلة منتظرة حد معين حتي لو مش انا يجهز نفسه ماديا علشان تتجوزه بدل ما تعيش معاه الفترة دي الي مفروض هي فترة شبابنا قعدين مستنين سنين لحد ما نجهز ماديا وبعدين نبقي نتجوز ف الآخر خالص طالما كده كده نهاية الطريقة موجودة ليه منمشهوش سوا بس احنا واقعنا لا يعترف بده حتي لو ده مش من ديننا... حالياً انا كل ما اشوفها عندي تفكير واحد هل هي هتفضل مستنياني لحد ما اجهز واجيلها وهي اصلا متعرفش عني حاجة.. طب افرض حتي انا ضربت الارض طلعت فلوس وهي اتقدملها واحد واتخطبت خلال شهر انا هلحق اعمل ايه خلال شهر مثلا.. وعايش مع فكرة ان اني ممكن اخسر الشخص الوحيد الي انجذبت ليه واعيش بقيت حياتي فاكرها وندمان علشان بس الظروف كانت مش مناسبة ساعتها وبحس بعدها بحزن واكتئاب ووحدة شديدة بعدها ومش عارف اعمل ايه

في الجيش ولسه راجع امبارح اكتشفت أن بعد اخر مكالمه ما بينا كنا متخانقين رجعت لقيتها خطبت الواحد مش عارف يعمل ايه الصراحه وجوايا حاجات كتير بس مش عارف اعمل ايه الصراحه

السلام عليكم. انا مشكلتي غريبه شويه وعاوز رئيكم انا مليش صحاب ولما كبرت بقا نفسي يبقا ليا صحاب . المهم. بشوفهم يخرجو ويتصورو مع بعض بس ممكن حد يسقل ويقول طب صحابك بتوع الاعدادي و ثانوي فين انا كنت بمشي معاهم كانو بيبعدو عني في الابتدائي و الثانوي و الاعدادي برضو فا خت قرار اني مصاحبش وفضل لوحدي اروح دروس لوحدي اعد في مقعد في المدرسه لوحدي مع اني كنت نضيفه جدا و شكلي العام مش وحش حتا لو عرفت حد كان بيبقا معارف مش اكتر وكنت بخاف اصاحب بقيت بحس اني كائن غير مرغوب فيه لما دخلت الكليه صحبت واحد مفيش احن منه وعاملني احلا معامله بس من كتر الي انا عديت بيه كنت بخاف يبعد عني بحس ان غير مرغوب كا العاده بس ده كله كان وهم ولقيته عكس كده وحد وحده حبيته اكتر وتعلقت بيه جامد بزات انو جه في وقت صعب عليا جدن كنت بتعالخ نفسي بسبب موضوع تاني وكنت حاولت الانتحار اكتر من مره بس هو وقف جمبي وقفه راجل لدرجه من كتر ما بقيت احبه بقا بي النسبا ليا اخ واب وام وكل حاجة بقا هو عندي ونا عنده في البيت الي كان بيفرقنا دخول الحمام حتا اللبس كنا بنشاركه مع بعض الناس بدئت تتكلم علينا حتا لو كان بيحصل بنا مشكله انا بنخاصم بعض ساعة كان ديمن يكلمني اتعب يجي يشوفني لو ملقتش معاه فلوس اديله كل الي معايه انا كان عندي هوا ياكل ونا افضل جعان عمري مخليته يحاسب وحنا خرجين حتا لو هدفع كل الي معايه انا اضحي عشانه اجبله اغلا الهدايه وغيره وغيره بس ده مش الموضوع انا بوريكم اد ايه انا كنت نبيل وكريم حتا علقت صرته عندي في الغرفه الجماعه فكروني اهبل في البيت بس اول مره الاقي صاحب حتا كنت بغير لو عامل حد احسن مني وبدايق وزعل وزعق معاه وقله انتا مش بتعتبرني اخ ف هو يسبت العكس ولله انا لو اعت اشكر فيه من هنا للسنه الجايه مش هيكفي اعمل ايه صحبي الوحيد ونا ما سدقت كلب ومسك عضمه فا لازم أكون كده غصب عني والله بدئت المشاكل تزيد بنا وهو كان بيزعل ويخاصمني بي الشهور وفضل اتحايل عليه يسامحني حتا لو هو الي كان غلطان وعدي عشان بحبه ونتصالح بس انا معملتي كانت بتبقا زي ما هيا بس هو لا بدا يتغير وحده وحده زهق بقا ما كتر السكر مش حلو بيجيب المرض فا زعل بعد ما اتصالحنا حصل مشكله تنيه و كا العاده حاولت اصالحه ورحتله البيت كانت المقابله زفت حاولت الطف الجو وبرضو ولا اكني عملت حاجة بعدها كلمني بقيت زي الاهبل وي ما سدقت و المشكله الي بعدها بقا من غير اي سبب اكل شرب بات عندي وفجأة بعد ما روح لقيته مش بيرد و اخر ما زهق رد عليا قلي روح شوف مصلحتك كانت الصضمه بي النسبه ليا اعت ٣ ايام من غير اكل ولا شرب وزعلان لدرجه سبت البيت وكده المهم كل يوم كنت ابعتله رساله لحد ما رد وقلي خلاص حصل خير حاولت اعرف هو كان زعلان ليه مقلش و المعامله قلت اكتر كمان اخر مشكله بقا كنت تعبان وجه شافني في البيت انا طبعن بحب اهزر معاه اخويا وحبيبي بقا وبزات جاي يشوفني اعت اهزر معاه فجأة قلي هروح لقيته زعل بعتله بعتها اعتزرات كتير ولا كان بيرض عليا ولا عاد بيعبر ممكن مسح رقمي كمان ممكن امه الي بقت بتسقل عليا المشكله دي بقت ابل رمضان بي ٢٠ يوم ولسه مش بيكلمني اخويا قلي ده ندل بس انا مش شايف كده اخويا قلي كده عشان مسقلش فينا مهما كان احنا بنا عيش وملح هل اكلمه يوم العيد بس لو مردش هتعب ولا انساه ورجع زي منا بلاصحاب حتا معدش معايه فلوس انتم ايه رأيكم كنت عاوز احكلكم كمان بس مين هيقرء كل ده أصلان