منذ 3 ساعاتيشعر بـ حزين
من يومين خسرت اعز صاحبة ليا بقالنا اكتر من عشر سنين سوا هي بنت عمي وصاحبتي حصل تاتش بين اهلي واهلها واحنا للاسف اتدخلنا فزعلنا من بعض اتكلمنا مع بعض بشكل مش لطيف وفي النهاية عملتلي بلوك مش بغلطها انا قولت كلام تقيل انا مغلطش فيها بس كلمتها بطريقة مش طريقتي وهي كمان كانت كلمتني بطريقة مش اللي انا متعوداها منها وانا دلوقتي مش عارفه اعمل اي حاسة في حاجة ناقصة كانت معايا في حجات كتير اوي بفكر اي اللي هيحصل دلوقتي وهي مش موجودة معايا الدنيا هتمشي ازاي مش عارفة ازاي هشوفها ومسلمش عليها ازاي بعد كل اللي بينا دا مبقاش ينفع نسلم علي بعض حتي انا لسه مقابلتهاش من وقتها وخايفة حتي اشوفها صدفة ومنتكلمش
طالما صحاب وبتحبيها وانتو عشره عمر مفيش مانع تتنازلي المره دي وتكلميها وتحاولي تصلحي اللي اتكسر بينكم اكيد مش هتحبي انك تخسريها للأبد عشان موقف زي دا
لو بتحبك بجد وعمله ع العشره هتجيلك بنفسها تصالحك
حصل معايا نفس الموقف والحقيقة هي كانت ضايقتني جدا لدرجة مخلياني مش عارفه اتعامل معاها تاني زي الاول والحياة مشيت عادي ومع الوقت العلاقات اتحسنت شويه بس مرجعهاش تاني خالص زي الاول بنتعامل من بعيد لو بنت عمك فارقه معاكي كتير كلميها واتفقوا تقعدوا سوا وتتصافو وتتكلمو في كل حاجه مضايقاكم من بعض