بلوك

يخربيت الذكريات و ليه اقصد اشوف مين الناس اللي عملالهم بلوك و ليه كل شوية ادخل ابص كده كتير والله و الفكرة ان مستحيل انا مش عايزة اعمل كده بحاول افتكر الوحش حتي ببني سيناريوهات انهم وحشين و خلاص مش عايزة ارجعلهم بس بفكر فيهم انا مش ضحية بس مش عارفة انا ايه انا وصلت لدرحة اني عايزة اكلمه اقوله نتقابل احضنه و اعيط او اني اجيب فيب مش عارفة بجد ايه التفكير ده بجد يارب يهدي و ربنا يهديني كده علشان معملش حاجة غلط و اندم عليها

عرفنا بعض حوالى تلت شهور وهو كان بيحاول يتسلى ومعرفش وزهق ومشي وسابنى من حوالى شهر او اكتر ودلوقتي عملى بلوك واتساب انا اصلا محبتهوش بس حبيت وجودة بشكل عام كنت بدعى انه يبقى جد انا بس عايزة افهم هو ليه عمل بلوك واحنا اصلا مش بنتكلم وليه انا زعلانة انه عمل دلوقتي انا مسحت الشات والرقم وكل حاجة بس معملتش بلوك

من ابشع المواقف اللي حصلتلي بعد ما خلصت محاضراتي في الكليه طلعت وكنت واقفة ع بوابة الجامعة وبحكم نظري الضعيف واني مكنتش جاية الجامعة بالنضارة مكنتش شايفة فصحابي بيكلموني وانا باصة بس م ليهم باصة قدامي وخلاص لان طبعي اني م بركز لو باصة لحد ف وشه لقيت بعدها بتلت ايام حد داخلي بيعرفني ع نفسه ع الواتس ولقيته م الدفعة وجاب الرقم م الجروبات وبيقولي انتي كنتي باصة ليا وحاول يتعرف بعد ما اديتله بلوك لقيت الشخص ده هو وصحابي 24 ساعة ف الجامعة قصادي وحرفيا الكلية كلها عرفت اني ببص للبني ادم ده وانا ع الله حكايتي اصلا وحسبي الله ونعم الوكيل

ممكن أعرف ليه حد يتغير عليا بدون سبب ؟ يعني انا وهو صحاب من سنه ونص مره واحده قلب عليا ومبقاش بيرد كأني مش موجوده ايه يخليه يعمل كده مع أن اخر مره اتكلمنا كنا بنتفق نرجع ايام ما كنا بنلعب زمان بعد ما قطعنا لعب 8 شهور تقريبا وراح ساحب عليا واختفي ومتكلمش تاني يعني متخانقناش ولا كان في زعل ولا حاجه تستحق انو يطنشني 20 يوم كاملين والاقيه منزل حرف غيري فاستوري انا وهو صحاب اساسا بس انا بحبه ومن شهر كده قبل ما يختفي قولتله اني بحبه ومن بعدها وهو كده مع أن رده عليا لما قولتله اني بحبه كان بيقول انو كان مستنيها مني من زمان وانو حاول يتقبل اني مش هحبه عشان كده كان دايما بيبعد ويرجع مع اني مقتنعتش بمبرراته دي بس سكت ومن وقتها وهو كده واضطريت اعمله بلوك لأن تصرفاته زعلتني بس حتي مخدش باله اني مبلكاه ف فكيت البلوك ورجعته علي سناب عشان الاسكور بينا عالي وخساره يضيع يعني مش مرجعاه عشان حاجه تانيه بس حتي الاستريك مش بيبعت عشان يلحق الاسكور وانا مش هقدر اضيع الاسكور صراحه لأن 570 يوم مش قليل ف ازاي اتعامل مع البني ادم الغريب ده

انا عندي 16 سنه كنت بحب شخص من 3 سنين عارف لاسف أنها حاجه غلط بس بجد كنت بحبها اوي بعد الامتحانات الشخص ده اداني بلوك وانا من ساعتها مش عارف ليه زهقت و ازيت ناس كتير بسبب الموضوع ده و عايز اخلص منو حاسس اني بقيت انسان وحش

لو انا حاسة بفراغ واكتئاب وحالتي النفسية مش تمام نهائياً وفيه شخص مجهول مستعد يسمعني هل اتكلم معاه؟ خاية اندم بعدين ولكن هو مجهول وانا مجهولة بالنسباله ومش عارفين بعض نهائياً ولا هديله أي معلومات ولا أي حاجة يستغلها ضدي ولكت محتاجة اوي اوي اتكلم مع اي حد عشان مموتش نفسي لأني معنديش حد فاهمني ولا يسمعني وبعدين هبقى اعمله بلوك ولا أي حاجة عادي كده كده بس حساها فرصة اني الاقي حد يسمعني لاني بقالي سنين بعاني

بتكلم دايما أن عمري مدخلت في علاقة ولا كان ليا شريكة حياة بس كنت على وشك تجربتين من سنين الاولى كانت في إعدادي معايا في الدروس وعارف امها كلمتها وقتها رفضت. بعدها عرفت واحدة في ثانوي فضلت معايا من نهاية تالتة إعدادي لحد تانية ثانوي بنتكلم كل يوم قولتلها بحبك قالتلي احنا أخوات حاولت ابعد عشان متعلقش بيها رفضت وكنا بنتكلم كل يوم لحد مهي قالتلي انا زهقت ومش عايزة نكمل وعملت أن فريند. بعدها فضلت حاسس بالفراغ خصوصاً أن شغلي كله رجالة وبس وقليل في البنات، كلمت بتاعت اعدادي ودلوقتي انا كبير عن الأول سنة وهتخرج قولتلها ازيك ووريتها شغلي وصوري مع المشاهير وإن شغلي كله معاهم وهما صحابي ومسجلين ارقام بعض وعاملنلي فولو وكل ده لاقيتها عملت بلوك على طول من غير اي كلمة. سؤالي لية العلاقتين دول فشلت اني ادخلهم وامتى الاقي شريكة حياتي لاني زهقت

عايزة نصيحة فيه واحد مش من نفس محافظتي ما اعرف حتى اسمه بيضايقني من شهر 10 اللي فات الاول كنا بنتكلم على حاجة تبع الكلية و الكلام خلص كل شوية يبعت لما زهقت عملت بلوك كل فترة يدخل من ارقام كتير و يضايقني الجديد بقى امبارح حد رن عليا طلع واحد صاحبه و هو كان جنبه عملت بلوك لكذا رقم برده كل شوية من امبارح يدخل يكلمني من رقم شكل على كل حاجة تيليجرام بقى واتساب شوية الاقي مكتوب رقم من كندا و ارقام وهمية انا مش فاهمة و بجد مضايقة و خايفة لان مش عارفة هددني انه هيوصل لبيانات اهلي و ينزلهم فين مش عارفة و فيه احتمال انه يكون اخد اسكرين لصورة البروفايل الوقتي مش ممكن ينزل رقمي و صورتي على جروبات مش كويسة بجد بقيت قلقانة كل شوية لو الفون رن و لا رسالة و كمان هل ممكن يهكر الفون ولا حاجة

انا بحب واحد كان بنا خلافات كتير مني ومنه بس اخر حاجه كانت مني وغلط غلط كبير جدا وحاولت كتير عشان نرجع كلمته و سافرت لى واتحيلت عليه كتير جدا وهو مصمم ان لا وان انا لو اخر واحده في دنيا بس لما بيكلم معايا بيقعد يكلم بتاع ساعات بخصوص مشكله الاي حصلت ويهزقني ويشتم واخر حاجه قالها انو هيعمل بلوك بس لما قولتلو لاومتعملش قالي ان مكلمش معاه تاني انا مش عارفه اعمل اي عشان نكون سوا لان فعلا بحبه اوي وندمت عن غلطي

كنت قولت مشكلتى قبل كدة هنا بس محدش قدر يساعدني أو ربنا يكرم اللى نصحونى حتى لو النصيحة مجبتش معاية نتيجة.. بس انا بجد مش قادرة انسا شخص كان ف حياتى خالص مكناش مرتبطين بس كان باين أننا معجبين ببعض وانا كنت بتكلم باحترامى الحمدلله ومكنش فى حاجة وحشة ف شخصيتى بس ممكن اكون قفيلة شوية لأن اكيد هكون حاطة حدود بس كنت ساعات بكون دبش شوية بس والله ماكانت بتوصل أن انا اجرحه أو حاجة بالكلام ليه يعملى بلوكات على كل حاجة بسبب حاجة زى كدة يعنى انا ولا كدبت ولا خونت فى الاول كان بيحكيلى حاجات خنقاه بس كنت بستغرب وبقوله دى حاجات تخص اهلك احنا لسة بنتعرف بتحكيهالى ليه وحسيت انى رخمة فاعتذرت وقولتله احكى ومن ساعتها بجد ببقا معاه فى اى حاجة مضايقاه وبتكلم معاه وبهديه ووالمشكلة انى مش قادرة انسى موضوع ماخدش فترة كبيرة كمان انا مش عارفة انا ليه كدة بجد نفسى انسا ومش عارفة ونفسى يرجع ونفسى ارجعه بأى طريقة بس عدى شهور كتير اوى اوى بجد بس هو اكيد نسينى أو مش عارفة بس انا بجد منستش.. نفسى ارجعه مش حابة اكون بفرض نفسى على حد انا ممكن مكونش ف باله بس نفسى يرجع طول الوقت بكدب على نفسى وبكدب على اللى حواليا انى تمام بس انا مش تمام والله خالص

الســـلام عليــــكم عايز اتـكلـم معـاكـو شويه عن موضوع كده دلوقتي انا كنت بحب بنت وانا كنت في اولي اعدادي كده كنت بتدرب اسكيت وشوفتها وفضلت افكر فيها وبقيت بفكر فيها طول يومي وهي مش معايا خالص ولا واخده بالها مني اصلا بس كنت كل شويه اشوفها في كل حته زي تلاقي ارواح كده وكان معايا رقمها بس كنت خايف ادخلها تحرجني ووالله انا محبتهاش بشكلها حبيتها بطيبتها باحترامها مبتكلمش ولاد المهم فضلت كاتم ده كلو جوايا وحبيتها من بعيد بس لحد ما وصلت تانيه اعدادي واختفت من حياتي خالص لمدة سنه ووصلت تالته اعدادي الترم الاول وكنت خلاص قربت انساها ويعتبر اتخطيت حبها . فيوم بقي شوفتها وانا في الجيم كانت واقفه بره بس ملامحها اتغيرت وبقت اجمل من اخر مره لما شوفتها . رجعت فكرتني بكل حاجه بكل حبي ليها ودورت لقيت لسه رقمها عندي وحاليا انا في تالته اعدادي الترم الثاني وخايف اخش اقولها اني بحبها علطول تعملي بلوك وفي نفس الوقت مش عايز اكتم جوايا تاني عشان نفسيتي بتتأثر . اسف لو طولت عليكو والسلام عليكم

عملتلو بلوك وعيطت وهو كان كل حاجه ليا😢😭 لانو خدعنى ومكنش صريح معايه من الاول زى م انا كنت صريحه معاه انا حكتلو ع كل حاجه حتى حملت الاب التانى عشانو طلع بيضحك عليا 😔😭😭😭😭 بجد مش قادره بس هو ليه كده احنا حصل مابينا كلام ووعود وحجات كتير وكلو كان بكل حب انا عملتلو ايه عشان يضحك عليا 😭😭😭😭😞

هو انا الوحيدة الي بحس تواجودي هنا حرام معرفش ليه و بحد نفسي ابطل استخدمه لاني بقيت مدمنه المكان ده بس برضوا مش هقدر مبطلش لانه عاش معايا فترة تحول رهيبة معايا اربع سنين مش قليلين و اتودت اكتب اي حاجه تيجي في بالي هنا من غير خوف و مش هقدر ابعد عنه بصراحه بس بحس ان في حاجه حرام و لو حرام نفسي اعرف بحد لاني هخاف استخدمه بسبب السيئات او كان حرام و من نحيت انه ممكن يبقى حرام عشان الشات و كده و ولد و بنت فانا بقالي اربع سنين و مكامتش ولد بطريقة فيها حاجه خارجه او كده لاني بحسه استخفاف لاهلي او اني مستغبياهم و بصراحه البلوك هنا حل مشاكل كتير لان قبل التحديث كان في حد هنا بيضايقني فالشات و قاعد يكتبلي كلام مقزز و الريبورت مش بيفيد بحاجه نهائي و كده راحه اكتر الحقيقة

هموت من القهر حرفيا اتنصب عليه في مبلغ مش قليل افتكرت أن ممكن اكسب من الموضوع فاستنيت وجيت اسأل علي فلوسي مسح الشات وعمل بلوك بجد حسبي الله في الناس دي اللي بتنصب علي الناس ومش لاقيه حاجه تعملها غير انهم يأذونا ، حسبي الله 💔

انا بحب بنت من ساعه لما كنا ف أولى ثانوي و عمري محبيت غيرها ودلوقتي احنا ف تالته كليه و انهارده جربت ابعتلها على الواتس بس كنت غبي و بعت كل حاجه مره واحده ف مردتش و عملت بلوك وجربت ارن عليها ف الموبايل بس لما سمعت صوت ولد قفلت ف وشي