منذ 4 ساعاتيشعر بـ متعب
ازيكوا عاملين ايه انا بنت كبرت في السن و نفسي كنت اكون اسره و احس اني ممكن احب و اتحب و لكن محصل و انا ليا اخت نفس الموضوع ناس كتير اتكلمت معايا على اني اتعملي ليا و اختي عمل بكدا و اكدوا الموضوع و لكن احنا لسه زي ما احنا و بقى سننا 43 سنه و احنا نفسنا نحب و نتحب و نكون اسره بجد و ناس كتير كانت تهجمنا على ان احنا سبب في الموضوع و ناس تانيه تقول اكيد ناس كانت بتتقدم و احنا اللي بنرفص و لكن بجد مفيش و ناس بتهاجم بدون سبب هو احنا الغلط من عندنا مش قدرين يفهموا ان الموضوع بعيد عننا
الجواز ده رزق انتي مش غلطانه في اي حاجة بلاش تشيلي نفسك ذنب حاجة مش في ايدك. ادعي ربنا يرزقك بالزوج الصالح انتي واختك وده كفايه.
دا قسمة ونسيب اكيد بس اكيد بردو ان كان من الأول يبقا فى مساعده من الأهل زى المثل إلى بيقول اخطب لبنتك ومتخطبش لابنك
ربنا يصلح حالك ويرزقك الزوج الصالح محدش عارف الخير فين اكيد ربنا شايلك الأحسن وربنا عنده حكمه ف كدا متستعجليش ع رزقك محدش عارف بكره مخبيلنا اي
ربنا يرزقك الزوج الصالح، حاولي تشغلي نفسك ووقتك بانشطة و كوني دواير اجتماعية مناسبة لعل يجي منها حد كويس
شكلك كاتمه كلام كتير جواكي. بلاش تكتم. احكي وانا هسمعك وكل حاجة وليها حل ممكن لمه تحكيلي ترتاح اكتر وتحس براحه ومش بذنب انو مش في ايدك الموضوع. احكي وانا هسمعك.
بصي انتي شخص كبير وواعي وفاهم ان ده قسمه ونصيب. ولو عندك حاجة بجد زحد عملكم حاجة لو كنتي نلتزمه في الصلاه و مع ربنا اوي مكنتش اي حاجه هتقصر فيكي ابدا. وبعدين كلام الناس كتير ديما سواء عملت او مش عملت الناس كدا كدا هتكلم في اي حاجه. بلاش كلام الناس يقصر فيكي اوي وفي نفسيتك وشخصيتك. اعمل الصح والي انت عايزه ومش ومهم كلام الناس.. وبجد مش تقلق تكيد ربنا شيلك نصيبك وإن شاءلله هيجي نصيبك و الشخص الي يستحقك. و إن شاءلله هيجي الشخص الي يحبك زي منت مش عشان اي حاجه او مصلحه وهتكوني احسن اسره. بتمنالك كل خير وسعاده. وبلاش كلام الناس يكسرك. دي حاجة مش في ايدك.