ضغط اجتماعي

بالمره بردوا اقنعتوهم ازاي بلبس البنطلون أو لو انت ولد إيه الطريقه إللي اقدر اقنع أخواتي بيها بالمره بردوا اقنعتوهم ازاي بلبس البنطلون أو لو انت ولد إيه الطريقه إللي اقدر اقنع أخواتي بيها

جماعة انا مركبة تقويم ماشي والدكتور كان قايل لي هنشيله بعد سنة او سنة ونص ودلوقتي حرفيا سنتين وكل اما اقوله هشيله امتى يقولي بعد شهر بعد شهرين مع اني الحمد لله بقيت كويسة كان عندي سنتين طابقين على بعض ودلوقتي بقوا صف واحد بس خايفة اشيله غصب عنه السنتين يرجعوا مكانهم تاني وبابقى اوقات كتير بكلم حد ومندمجة في الكلام يقاطعني ويقولي انتي هتشيلي التقويم دا امتى؟ اللي هو مش شكله حلو بس انا باتجاهل كدا وهما بيفكروني

يجماعه انا معايا ناس فالسكن وكده بيفضلو قعدين يعتبر من غير حاجه عليهم وبيتحججو بالحر وكده وانا بتكسف بصراحه وبيفضلو يتريقو عليا عشان بفضل بهدومي معرفش اعمل ايه بجد اعمل زيهم ولا افضل زي منا واستحمل الحر والتريقه 💔

جماعه انا مش عارف اشرح ازاى بس انا بقيت غريب جدا ف تصرفاتى يعنى انا وانا بعمل الفعل ده انا ببقى عادى و لما باجى مع نفسى اخر اليوم بقول ايه اللى انا عملته ده و احس بزعل او ببقى متضايق اللى هو ليه انا بعمل كده و المشكله انهم بيشجعونى على كده وانا مش عايز اوصل للمرحله دى

ازيكم عاملين إيه ف حاجة شاغله دماغي مش عارفه ليه بس إحنا مادياً مش أحسن حاجه مؤخراً بقيت شايله هم الحوار ده إني الشخص إللي هيدخل حياتي لو شاف شقتنا أو كده هيعاملني ازاي أنا عارفه لو نظرته اتغيرت هو كده مش سوي بس بتكسف أوي من شقتنا مش عارفه هي سيئه فعلاً ولا أنا بقيت أقارن لدرجة بقى عندي هوس النضافه ومركزه ف كل تفصيله الموضوع تاعب نفسيتي بقيت شايله هم أخد صورة! ف البيت مش عارفه فاهميني أو لا

السلام عليكم ممكن تنصحوني كيف اتعامل مع زملاء عمل اطلقوا اشاعة بانني خطبت يعني ولم اخبرهم وانني استعد للزفاف ثم لانني لم اقل لا لا ولا نعم اعتقد تمادوا حياتي الشخصية امر خاص بي ولست مجبرة لاخبرهن بتفاصيل حياتي

اسمحولي اخرج عن صمتي هو من امتى بقى الطبيعي ان احنا نكون اوبن مايند؟؟ لا بجد (انا مش احسن حد في الدنيا بالعكس ان اقل حد واكيد ممكن بعمل اي حاجه من الحاجات اللي هقولها دي بس على الاقل بحاول اتغير وبستر نفسي مش بمشي اقول لكل الناس ده انا عملت وعملت) ليه بقى الطبيعي ان واحدة تيجي تقولي انا ارتبطت بكذا ليه بقى الطبيعي ان احنا نشجع بعض على اللبس الضيق واللي لا يليق مع الدين ليه بقى الطبيعي ان احنا بنتكلم في حاجات مش مناسبة مع سننا ليه بقى الطبيعي ان البنات تطلع شعرها ليه الطبيعي ان احنا نروح نعنل فيلر وبوتكس ونغير في خلقة ربنا ليه الطبيعي ان الصبيان تطلق بصرها (زي ما هي محاسبة على لبسها انت محاسب على اطلاق البصر) ليه بقى الطبيعي ان احنا نشتم بالاب والام وليه بقى الطبيعي ان احنا نشتم اصلا ليه بقى الطبيعي ان احنا نشوف حاجه غلط ونسكت ليه بقى الطبيعي ان احنا نحهر بالمعصية ليه الناس بقت تنتقد اللي بيتكلم في الدين ليه الناس مبقتش تحب تتكلم في الدين بجد من كتر ما اتعاملت مع ناس هنا بقيت اكره اقول ان ده حرام عشان عارفة اني هاخد نريقة وقرف ليه وليه وليه.... حاجات كتير اوي بجد انا بجد مش بنظر على حد انا اقل خلق الله وربنا يعلم ان الانسان بيجاهد نفسه اد ايه في وسط كل المدعكة دي محتاجين نفوق بجد

هو انا حرفيا بفضفض معاكم ليه دى مش اعتراض ع امر الله ولا قضاؤه هى نابعة من حزن والله احنا حاسبنا ع مشاريب مش بتاعتى واتحملت فوق طاقتى وبجد تعبت انا كل ما بيعدى سنه من عمرى بتوتر اكتر ومش عارفه ليه بدات اخاف من المجتمع والناس وكل اللى حواليا بسبب انى دخلت ف التلاتين ولسه ما اتنليتش اتجوزت يعنى اعمل اجيب واحد. من الشارع ولا اقول عريس لله اكتر حاجه وجعتنى واثرت ف نفسيتى لما اتعايرت بالحوار ده من وحدة اصغر منى ومطلقة وانا معرفتش ارد بجد الموضوع بقا رعب اوى بالنسبالى حد مر بتجربتى دى يحكيلى عمل اى

انا ولد عندي مشكلة ان شعري وقع منه كتير وبقا فيه فراغات ومحتاج اروح لدوكتور لكن كل اللي حوليا(حتي الدكاترة) بيبقو اللي هو ازاي تبقي ولد ومهتم بشعرك انت مش مظبوط يلا ولا ايه؟؟🤨 فا اتمني حد يديني اي حلول مفيدة انتصر بيها علي الصلع

مشكلتي اني مش قادر احدد نهائي انا عاوز ايه من البنت اللي عاوز اتجوزها و اختارها علي اي اساس بتشتغل ولا مش بتشتغل محجبة ولا لا بيضة ولا سمرا بتدرس ولا مخلصة دراسة مفيش اي تفضيل لأي شئ و مع كل دة عاوز اتجوز وبقول للناس دورولي علي عروسة مواصفاتها ايه؟ ماعرفش

تعمل اى لو عاوز تخلع من حاجه خروجه او ايا كان الموقف اى انا عاوزه اخلع بطريقه شيك بس مش عارفه بجد مرهقه جدا وماليش نفس اخرج ف اعمل اى بحيث اللى قدامى ميزعلش او يتضايق لانهم ناس عزيزه على قلبي ومش هيتفهمو نقطة انى مش قادره انزل

انا 21 سنه تالته جامعه حابه اشتغل بعد الجواز ، ولكن انا عارفه اني صغيرة ولسه بدري بس انا مضغوطه جدا لان العين عليا من نحية صحابي عيله بابا ماما وجيران ، اصغر مني مخطوب واللي بقوا امهات واللي هتتجوز ، انا جوايا احساس بالنقص وضغط جوايا شعور بالاحتياج ، انا مش مستعجله ع جواز ع قد ما مستعجله ع خطوبة.. يعني جوايا بجد احني عطشانه لفكرة إن حد يحبني بس المشكلة مش مناسبين او ممكن انا اوفر في طلبي بس الواحد مش بيدور ع ماديات ع قد ما ارتياح وقبوووول** بس الوضع صعب جدا حقيقي انا عارفه انه نصيب يجي لحد عندي وبالدعاء وبالصبر والواحد صابر بس وجود مشاعر عايزة اخرجها دي صعبة احساس داخلي بالعطش دا وعايز اشباع حتي لو شيء مش ملموس مش عارفه بس انا مش عارفه اعمل كنترول ع فكرة الاحتياج دي وانا فعلا مش عارفه اسلك طريق الحرام ، ومش عايزة حقيقي ع رغم من حواليا نماذج فلحت معاها لان انا عارفه حظي وان مش بعرف اعمل زي حد ، بس بجد انا مبقتش عارفه اركز في مذاكرتي ولا عارفه اكمل اتعلم مهارة ولا حتي امور بيتي او اخرج او اتعامل مع حد من شعور بالاحتياج والنقص اللي جوايا ومهما شغلت نفسي بلاقيني في دقائق هجوم وحرب جوه دماغي واحساس بالعجز يعني الواحد حقيقي مش عارف يعمل اي ومحدش فاهم قد اي الموضوع صعب ، الصبر صعب الموضوع دا بذات مأزمني ومحدش اخد باله واخدين عني اني معنديش مشاعر بس بجد شعور بالوحدة قاتلني رغم اني اجتماعية ومهتمه بنفسي يعني عامله اللي عليا وزيادة

🍟🍩 انا عندي مشكله مع مجتمع كله علي افكار غريبه و فكره ليه احط رجل علي رجل تعتبر اهانه طول ما هي مش في وشك يعني علي حد علمي دينيا مش حرام لو هي حرام في حد يقولي حرام ليه يعني ابقي قاعد مستريحه في اوضه و حطت رجل علي رجل راجل يدخل عليا يديني كلمتنين و قد ايه موضوع عيب و ميسحش و انا اعتذر علشان بس هو أكبر مني 🍟🍩

عايزه اعرف للناس دايما عندها مشكله مع شغل الست او انها تقول مثلا عايزه احقق ذاتي عايزة احقق ذاتي عايزة أنجز رغم ان ده كلام كويس ليه بناخده بسخريه او مثلا يقول لك لما الست تمسك فلوس في ايديها البيت يبوظ وان كده غلط رغم ان انا حاسه ان دي حاجه كويسة لان البيت مش بيقف بان الست الست مش معاها فلوس فمعتمدة على جوزها ليه حتى دينيا لازم مش ست تشتغل لما تكون محتاجه بس

انا من شويه سمعت كلام مخري بجد.وسوري على اللفظ دا بس اتعصبت وضحكتك في نفس الوقت😂😂 انا كنت طالبه اوردر جايبه سكين كير وحاجات لجسمي وكده ف المهم واحده من العيله كانت عندنا وشافت الاوردر وانا بستلمه ف بتقولي اي دا ف قولتلها ف هي ترد تقولي ايه هو انتي متجوزه عشان تعملي كل داا هتوريه لمين في الاخر يعني اللي هو انت بتقولي ايه ياطنط 😭 ف بقولها عادي بهتم بنفسي مش لازم يكون في دكر في حياتي عشان اهتم بنفسي تقولي لا عيب انا قفلت الكلام معاها لحد هنا عشان لو كملت كلام معاها هنجلط من تفكيرها دا😭

عندي مشكلة دايما مع المنافقين اللي بيقولوا أو يعملوا حاجات غير اللي جواهم وغير الحقيقة يعني ليه احنا كبنات مش مسموحلنا نعبر عن رأينا ونقول على الحاجات اللي مش مناسبة إنها مش مناسبة ليه لما يكون في عزومة ولا اجتماع عائلي لازم نقعد ونهزر ونعمل نفسنا مبسوطين كمام ولو ظهر علينا أي ريأكشن نتعاقب.. بجد ليه الحياة مش بسيطة أنا تعبت

انا اهاف ان اشارك مع الناس حبي لخلاقة شعر النساء يوجد من يقول ان هذه ليست رجولة عكس البلدان الاخرى تجد حلاق النساء مهنة جيدة و كريمة عندهم اريد ان اتعلم هذه المهارة دون علم من اعرف و انمي نفسي فيها

ازيكم عاملين ايه ..... لية دايما في مجتمعنا بيحاولو يكبتو احساسنا وكلامنا الولد يقولو علية صايع البنت يقولو عيب وشمال ياعالم يامريضه طبيعي اي حد يحس ويعمل الي هوه عاوزة للاسف العيب ان الي لحق يتجوز ايام الرخص خلع من المدعكه احنا الشباب والبنات نعمل ايه الايام دي نعبر عن احساسنا ومشاعرنا ازاي

بدي انزع الحجاب كرهتو صار عائق لي و نظرة الناس ليا تزعجنب مع انو البنات الغلبهم محجبات بس لما اكون مع صحاباتي تعامل التاس معي و معاهم مختلف حتا و انو لبسي جميل و I take care with my self و دايمن نتخايل نفسي من دونه و اقول لو كنت هكا نخرج الناس ڨع تحبني و تحترمني

السلام عليكم عيد مُبارك ❤️ فيه حوار بسيط اوووي دلوقت بس ويرد انا متعود انزل الجامعه و متعود من دراستي و كدا في بقول في النص كلام انجلش متعود عليه ف انا لما باجي اقعد في البلد و اقابل اصدقائي اللي في البلد بيقولوا خليك علي طبيعتك و م عارف اي ب المعني عايز يبقا عندي شخصيتين اعمل اي 🙂

السلام عليكم عاوزه اسأل سؤال الاول و ليه لما انزل بوست عادي محدش بيرد عليا و لما انزله بريڤت بتردو عادي؟؟ مش فاهمه بصراحة طبعاً انا لما بلاقي محدش بيرد عليا بمسح البوست (بحس بالإهانة) 😀 طيب دلوقتي انا مش عاوزه اطلع مع صحابي بكرا هما هيروحو يصلو و يقعدو مع بعض و كدا بس انا لا مش عاوزه و المشكلة انهم بيخدوني بالعافية و انا حاسه اني الايام دي معنديش طاقة للبشر و بصراحة مش طايقه حد هو عامة انا مش بحب عيد الاضحى اوي مش بحسه و بحس عيد الفطر احسن بكتير معرفش ليه و اه يا ريت محدش يقولي مالك 🥰 الا لو هو عاوز يتبلك 🥰🥰 و طبعاً اخيرا كل سنة و انتو طيبين و كدا محدش يستظرف برضو 🥰 يا رب البوست يتقبل 😀😀

اكتر حاجه مبحبهاش او بخاف منها بمعنى اصح لما بكون بتكلم مع حد اكبر مني ف حاجه فيقولي فجأه "كنا بنقول كده برضو زيك" اللي هو بصي يعني حالي دلوقتي و كده عامل ازاي انتي كلامك اهبببببل و عبيططططط يعني مش هيحصل غصصصصب عنهم.. فببقى عايزه اقولها لا مهو انا مش هعمل زيك😭😂.. و بيخلوني اخد الموضوع بدل ما هو مجرد افكار لتحدي بيني و بين نفسي و اقعد مع نفسي بعدها اعيد حساباتي هل فعلا هكون زيها و لا لا انا رايحه اذاكر

عايشين بنمثل علي بعض أننا بخير مين ممكن يلاحظ الخراب الداخلي ف حد بيتظانر أنه بخير دائما وهو عكس كدا تماما انا حقيقي تعبت، جبت اخري من الدنيا دي ناس منافقه ، دنيا مفيهاش عدل ، ولازم نكون تمام طول الوقت، غير كدا هيكون فيكي حاجه ليه ؟؟؟ علشان انتي بنت والبنت ما ينفعش تزعل ماينفعش لما يطلع عينها ف رداستهااا ومتجبش نتيجه تتعامل عادي زي الاول ، عالم جااااهل ، علشان حزينه ودائما قاعده لوحدي ومش بخرج وكمان علشان بنت لازم اكون عامله مصيبه يعني حتي ممنوعه من اني ازعل علي تعبي اللي ضاع ف الأرض انا تبعت ، ومش قادره ولا عارفه اكمل انا قرفت منهم

انا بقيت بجد بتخنق من البشر كللللهم تعاملاتهم افكارهم كلامهم نصايحهم ماعرفش ده بداية توحد ولا ايه بالظبط 😂 بس البشر بقوا صعبين اوووي و فوق طاقتي بمراحل و الدنيا كلها بقيت فوق طاقتي أساساً هو ليه ماحدش خيرنا نيجي الدنيا دي ولا لأ ؟ مثلا يعني انا لو ليا اختار ماكنتش هاختار اجي و اعيش وسط ناس ماحدش فيهم فاهمني و افضل بتخبط في حاجات غلط و ناس غلط و افضل مش فاهمة طيب انا المفروض كنت اختار ايه اما كل الحاجات زفت و مش مناسبة ولا كان المفروض اعمل ايه و كل الحلول هتوصل برضو إن الحاجة دي تبوظ !! ليه الاسم اني مخيرة و الفعل لا مافيش اختيارات ولا حاجة عشان اولا انتي بنت ثانياً فيه عادات و تقاليد ثالثاً انتي مش عايشة ف الدنيا دي لوحدك معلش فيه ناس تانيه اختياراتهم هتقع عليكي و غصب عنك لازم تتقبليها لالالالا و مش بس تتقبليها كدة عادي ده ده انتي لااازم تقولى ايه الجمال ده ايه القرارات التحفففة اللى دمرت حياتي دي 🙂 انا مش عارفة اتعامل مع البشر مش عارفه اتقبل وجودي وسطهم و بفكر ف الانت. حار مليون مرة ف الثانية تقريبا كل ما انزل و اواجه غبااااء و افعال مش منطقية بملي عقل بقول انا ايه اللى جابني هنا و ايه اللى بعمله وسط الناس دي 😅 مش عارفة نزلت كل ده ليه ولا حتى مستنية حد يرد المهم اني حقيقي تعبت و الحياة مش عاوزة تراضيني او مش حباني مش فاهمة فيه ايه ولا المشكلة ف ايه بس اللى فاهماه اني مش عاوزة افضل كدة ولا افضل هنا ☹️

بحس اني غريبه او الي حوليا بيحسيسوني كده مش عندي تيك توك لان بحس هياخد من وقتي اكتر فكفايه الانستا بس بحس اني فاقده لترندات كتير و بعيده عن العالم مش بتصور خالص واخري مع صحابي يعني لما اخرج مش لازم اتصور اعتقد مفيش صوره ليا لواحدي بس حاسه ان دا بسبب اني في فتره مكنش عندي ثقه في نفسي او اني مليش خلق اتصور وبكره الخروجات الي كلها عباره عن صور للاوت فيت عشان ينزل استوري مش بحط استوريهات خالص سواء لصوري او اي استوري حتى قراءن بحس ان مش لازم يعني مش بعمل ريبوستات على حاجه خالص و عدد followers قليل جدا مش عارفه دا صح ولا دا ناتج عن مشكلة فيا بس بحاول اغيره لو غلط يعني مكنتش بهتم بشكلي اوي ولا مظهري بس مؤخرا بقيت بهتم بشكلي و لبسي وابص على نفسي قبل ما اخرج غيرت دا لما عرفت انه غلط ومينفعش ابقى مهمله في مظهري الخارجي بس بحاول موصلش لمرحله الهوس و اني احط ميكب و البس accessories كتير كل الحاجات دي بحس مليش خلق اعملها فببعد عنها

أنا محتاره بجد مش عارفه اعمل ايه والمشكله عندي رهاب من موضوع الجواز دا لان حصلت معايا مشاكل كتير بصوا بقا متقدملي واحد مش مكمل تعليمه ومش منتظم في الصلاه وبيدخن بحاول اقنع اهلي إن دي حاجات مهمه ومينفعش اوافق عليه بسبب كدا بس هو الصراحه كويس بس لما عرفت الحاجات دي بدات أتردد اعمل ايه

الرجالة في مصر بيحبو في العشرينات العلاقة بتفشل بيخشو الجيش بیخرج عايز يبدأ حياته يبدأ حياته يلاقي نفسه بقا عنده ٢٧ سنة بيحس ان الحياة بتجري منه وصحابه اتجوزو هنشيل عيالك امتا احنا مش عايشنلك طول العمر بيدور على واحدة مناسبة عشان يرضي اهله ويحس انه مفاتوش حاجة بلا مشاعر بلا رغبة

لو سمحت لو انا عمري ٣١ سنة ممكن انزل اتعلم سباحة ..وانا مش بعرف أعوم ..هل مناسب ل سني ولا لا ؟ يا جماعة فيدوني بالله عليكم انا نزلت اتعلمت و باخد انتقاد كبير من اهلي بسبب الموضوع هل أما غلطت لما نزلت اتعلمت سباحة ولا لا

جدعان ، انا اتقالي ان انا اجريسيف مع الولاد (انفعالية زيادة يعني ) ده عشان مش بهزر مببتسمش وانا بتكلم معاهم مش بعاملهم بلطف يعني وبتكلم معاهم بالصوت الصيفي مش الشتوي 🤨 مش ده ال مضايقني انا كدة كدة عارفة ان ده الصح لكن الفكرة انها اتقالتلي من بنت ال هو اصلا حضرتك مش المفروض نشجع بعض علي اننا نقل الكلام مع الولاد غير ف حدود الشغل او الجامعة لا تقولي انتي اوفر و تعاملك "قاسي" معاهم كدة علي فكرة هيبعدوا عنك واحتمال متلقيش حد يتقدملك اصلا بطريقتك ديه !!! معرفش بكتب البوست ليه لكن انا متعصبة من ال هي قالته معرفش ليه بقي تفكير البنات كدة مؤخرا عموما اي رأيكوا و كان المفروض اصلا ارد عليها ازاي؟

هو الناس الي بتحس بالوحده وأنها متأخره قوي رغم أنها مؤمنه والله إنه كله بميعاده بس الي حواليها محسسينها دائما أنها متأخره ودائما نقد وكلام سلبي يوجع من اقرب الناس بتعملوا ايه ؟ هو الناس المتجوزين هو انتم اتجوزتوا وخلاص زي مابيتقالي ولا كنتم مستنيين الشخص الي يشارككم الحياه ويفهمكم ويحتويكم لحد ماجه واتجوزتوه ؟انا مش عارفه بقول الكلام ده ليه بس الناس الي عدت بده تقولي هو ليه الإنسان لم بيكون هيتم ٣٠ ولسه معملش اي حاجه رغم معافرته علي كل حاجه بيحس أنه فشل وتاه ومعرفش يركب القطر زي الي حواليه في أي حاجه ؟

ليه في المجتمع الحالي الزواج او انك تدخل في رليشن مع حد مطلق او ارمل سواء راجل او بنت بيبقا غريب ويتقال انه عيب وضد العرف والمجتمع وبحس انهم هيعملو حاجه فالي بيفكر في كده ايا كان سنه سواء كانو متقاربين في السن او فيه فرق

اكيد لأ، انا أكثر اشي مأثر علي هو رأي الناس عني و اكثر شي أفكر فيه قبل ما اسوي اي شي و رغما عني حتى لو ما بدي بلاقي نفسي أفكر هل ذا شي طبيعي بالنسبة لمعظم الناس لي بمجتمعي ولا لا ، و هل بيشفوه طبيعي لو سوتو وحدة زيي (لأني محجبة و عائلتي متدينة و محافظة)، طيب على الأقل الأشخاص المقربين مني بيشوفوه طبيعي و عادي؟ ذا كلو افكر فيه قبل ما اسوي اي شي ، او على الأقل الأشياء لي ماني مقتنعة في اني اسويها و ذا الموضوع مرة متعبني

كنت هعيش برحتي بطريقة الي بحبها وشايفها مناسبه ليه مش مفروضة عليا بحكم العادات والتقاليد كان نفسي كل واحد يبقا في حاله وأناس تبطل تدخل في الي ميخصهاش محدش ليه دعوه انا عملت اي ولا بعمل اي

انا ولد وعيشت في عيله متدينة اتربيت علي ان ممنوع الشتايم و ممكن تصاحب بنات و الغريب ان لما كبرت لقيت معظم شباب العيله بقو بيكلمو بنات ويصحبو عادي وقدام اهلهم عادي لكن انا بقو يتريقو علي اني مش بكلم ولا بصاحب يقولو من دي الي تبوصلك اصلا هتبصلك علي اي و ربنا يسترها عليك

نفسي اعيش في بيت لوحدي بعيد عن اهلي هل ده معناه ان انا بكرههم؟ لا اطلاقا بالعكس انا بحبهم جدا ومعرفش اتخيل حياتي من غيرهم رغم الخلافات كدا كدا مفيش بيت مفيهوش مشاكل انا بس حاسه اني نفسيتي هتتحسن لو انا عشت لوحدي هل دا معناه أنه انا عايزة ابعد عنهم لانى عايزة يكون عندى فرصه للانح راف مثلا و التحرر...الخ... لا اكيد مش كدا اولا الى يستحق الحريه هو اللي عارف حدوده وعارف الصح من الغلط ف مش عيب أن شخص بالغ يطلب أنه يكون حر ثانيا انا بس عايزة احس ب خصوصيه حتى ولو اوضه لوحدي مقفوله عليا لما احب افصل من كل حاجه ادخل المكان دا يبقي comfort zone بتاعتي بس طبعا دا مش موجود احنا الخصوصيه معدومه ف بيتنا بردو مش عارفه هعملها ازاى لو هعتبر نفسي دلوقتي انى مؤهله ماديا ل دا و اقدر اعتمد على نفسي هعملها ازاى ثقافه الاستقلال دى و فوق كدا انى بنت مش موجوده ف مجتمعنا الق ذر ف أخري احلم بس 😂

Distracting and lose my self مالحقش احجج ماما وبابا وانقلهم نقلة اعلى ماديا او مااعرفش اعمل كدا واثبت للكل اني وصلت مالحقش اتجوزها او اترفض لانها ماديا اغنى عيلة في بلدها وابقى مش قد وعودي معاها واشوفها مع حد تاني بعدين او حتى لو اتوافق عليا ماقدرش اعيشها في نفس المستوى ومش عايز احس اني اقل ابدا

ازيكوا عاملين ايه انا بنت كبرت في السن و نفسي كنت اكون اسره و احس اني ممكن احب و اتحب و لكن محصل و انا ليا اخت نفس الموضوع ناس كتير اتكلمت معايا على اني اتعملي ليا و اختي عمل بكدا و اكدوا الموضوع و لكن احنا لسه زي ما احنا و بقى سننا 43 سنه و احنا نفسنا نحب و نتحب و نكون اسره بجد و ناس كتير كانت تهجمنا على ان احنا سبب في الموضوع و ناس تانيه تقول اكيد ناس كانت بتتقدم و احنا اللي بنرفص و لكن بجد مفيش و ناس بتهاجم بدون سبب هو احنا الغلط من عندنا مش قدرين يفهموا ان الموضوع بعيد عننا

انا مهندس 32 سنة لسه متجوزتش مش عايز اتجوز جوزا تقليدي عادي ال هوا اتنين يتجوزو ويخلفو علشان كل الناس بتعمل كدا،،، عايز واحده نكون اصحاب رايقين ونخرج ونسافر ونخلف او منخلفش عادي ونكون اصحاب كدة

ايه الحل الامثل عشان الانسان يعرف يتغاضى عن رغبته المُفرطه في وجود شريك حياة وبالذات لو مفيش حد مناسب انا مش عايزه ادخل علاقة محرمه وف نفس الوقت كل الناس اللي حواليا اصلا مش Qualified بالمرة وكل ما نضجي بيزيد بحس اني عشان الاقي الحد المناسب الموضوع بقا اصعب بكتير

لما اتخليت عن مبدأ من مبادئ عشان مجرد ابقي زيهم ومبقاش غريبه عليهم ، حسيت قد ايه انا شخصيه ضعيفه ووحشه بتتأثر بالناس بسرعه ولازم يبقي حواليها ناس زيها عشان متتأثرش بغيرها شعور وحش وحلو وحش عشان هندم علي حاجة طول عُمري حلو عشان غيرني.

بحس ان التواصل مع الناس شئ مرهق جدا بالنسبالي بس لابد منه يعني بحس بأن الكلام كله كلام مبتذل بس لازم يتقال عشان ميتفهش عنك انك شخص متعالي او متكبر او متوحد بس و انك لازم تتفاعل و تريأكت مع الناس حواليك مع اني مش ببقا عايز اعمل كده بحس انه كل ده مبتذل و ملوش لازمة كأنك بتحشي وخلاص المهم انك تتفاعل بس الحقيقة ان مفيش حاجه حقيقة ملموسة

نفسي الناس كلها تفهم حاجه عشان من كتر ما الناس بقت بتقارن البنات بالبنات اللي بيشوفوهم في الافلام و المسلسلات وعلى النت عامةً في بنات مننا افتكروا ان فيهم عيب مع ان الناس دي بيكون مطالب منهم انهم يكونوا كده انهم يكونوا حلوين و بشرتهم زي الفل وجسمهم مظبوط وان معندهمش استريتش ماركس ولا مناطق فيها غمقان ولا تعويرات باينه ولا ان يكون بيطلعلهم شعر في مكان ما يعني كلنا بنحاول نهتم بنفسنا عشان نكون حلوين بس كفايه ان الراجل يحط فدماغه ان لازم اللي يتجوزها تكون بيرفيكت فكل حاجه مع ان الرجاله اكيد هما كمان بيبقى في فجسمهم حاجات زينا بس عشان التركيز دايما بيكون ان البنت تبقى ولا غلطه فبقوا شايفين البنت اللي عندها كده فجسمها دي بنت مش نضيفه و انها مش بتهتم بنفسها و كلام كتير كده بس بجد دي الحقيقه اللي لازم كلنا نفهمها كلنا فينا عيوب وكلنا عندنا مشاكل فجسمنا بس والله الحاجات دي كلها طبيعيه وبتحصلنا كلنا حرفيا كلنا

الواحد عايش هنا مع ناس دول مش ناس كمان دول الخبس والخبائث الواحد يبقا قاعد وبقصله الطيب يقول دمثلان دنا جالي شغل كويس او حاجه من دي و الي معنا في البيت هنا ابدن ما يقلو نتفاجئ زي الغريب الواحد يعمل زيهم كده ولا كل واحد ونيته بقا ولا بقا الوحوحه ممعناش مجبناش مكاناش ولا اكننا هنشاركهم الحاجه ولا الي هما بيعملوه ده صح وحنا الي غلط