بحس اني غريبه او الي حوليا بيحسيسوني كده مش عندي تيك توك لان بحس هياخد من وقتي اكتر فكفايه الانستا بس بحس اني فاقده لترندات كتير و بعيده عن العالم مش بتصور خالص واخري مع صحابي يعني لما اخرج مش لازم اتصور اعتقد مفيش صوره ليا لواحدي بس حاسه ان دا بسبب اني في فتره مكنش عندي ثقه في نفسي او اني مليش خلق اتصور وبكره الخروجات الي كلها عباره عن صور للاوت فيت عشان ينزل استوري مش بحط استوريهات خالص سواء لصوري او اي استوري حتى قراءن بحس ان مش لازم يعني مش بعمل ريبوستات على حاجه خالص و عدد followers قليل جدا مش عارفه دا صح ولا دا ناتج عن مشكلة فيا بس بحاول اغيره لو غلط يعني مكنتش بهتم بشكلي اوي ولا مظهري بس مؤخرا بقيت بهتم بشكلي و لبسي وابص على نفسي قبل ما اخرج غيرت دا لما عرفت انه غلط ومينفعش ابقى مهمله في مظهري الخارجي بس بحاول موصلش لمرحله الهوس و اني احط ميكب و البس accessories كتير كل الحاجات دي بحس مليش خلق اعملها فببعد عنها
بالعكس اللي يبعد عن السوشيال ميديا والحاجات دي بيعيس في راحه وسلام نفسي كبير بعيد عن هوس السوشيال ميديا والسحله اللي الواحد ممكن يتسحلها فيه بالساعات وميحسش بنفسه ويلاقي ايامه بتضيع يوم ورا يوم من غير م يعمل اي حاجه لان الناس اللي بتعمل كده بيكون حياتها كلها عباره عن سوشيال حاليا كله عاوز يظهر بمظهر انه احسن وافضل وشوفوا انا جامد ازاي الناس بقت تخرج عشان تتصور وتتفشخر بيها وريتش وحاجات من دي. مرض وانتشر في شباب كلهم ولاد وبنات
مبروك يسطا أنت مش مري--ض سوشيال ميديا الي انت عايزه ده سكه لي ادمان
لا انتي طبيعيه ، انا زيك بالظبط و زمان كنت بحاول اقلدهم بس مقدرتش تعبت معنديش تيكتوك ولا انستا ولا اي تواصل اجتماعي ، كان عندي كل ده بس مسحتهم بصراحه بقالي سنه يمكن عشان اعمل digital detox، بس ممكن احمل حاجه واحده منهم لو عوزت ، و مش بحس اني فاقده تريندات ولا حاجه و مش بهتم اوي الصراحه وقتي اهم مش بحط ستوريات نهائي، عمري ما عملت ريبوست، معرفش ليه بس بكره كده، انا بحب اشوف ستوريهات صحابي و كل حاجه بس مش بحب انزل ف متخافيش انتي طبيعيه جدا و كويس انك بقيتي تهتمي بنفسك و مظهرك بشكل معقول ثقي بنفسك و شخصيتك و بالعكس حسسيهم انهم هم الغريبين الي هو ازاي تضيعوا ٦ ساعات عالتيك توك؟ طبعا بهزر متقوليش كده بس خليكي واثقه انك صح
انتِ زي الفل مش محتاجه حاجه اوعي بجد تغيري من نفسك علشان مجرد شعور انك غريبة من بيئة حواليكي ،كويس اكتفي بالاهتمام بمظهرك غير كدا متعنليش حاجه اجباري علشان حد أو حكم
اختلاف اهتمامات