ادعى اللهم زدنى جمالا و بهاء و كل من يراني يذكرك

حبيبتي الشكر لله ❤️ في حاجة كمان افتكرتها انتي تعرفي ان في ناس عندها بُهاق في وشها شوفتي التغير الرهيب وحبهم لنفسهم بيكون عامل ازاي وشايفنها ميزة مع انها في الطب عيب ! شوفتي كمية نماذج ناس ذوي احتياجات خاصه وحبهم في نفسهم وضحكتهم واهتمامهم وبيتجوزوا ، شوفتي مصابين الحروق وبيتصوروا وعاملين محتوي وبيتكلموا اللي عنده عنده تلعثم في الكلام او تهته او مش بيسمع وطالع سوشيال ميديا يتكلم وكمان فوق دا في ناس بتنتقد دا شوفتي مرضي الكانسر وهو بيطلعوا من غير شعر وفي مناسبة وبيستغنوا عن الباروكه ... بصي لو قابلك حد مشوه او عنده حرق في اصابه وبينزل فيديو بيتكلم في جربي تسمعيه شوفي نظرته وشوفي بيتكلم ازاي اتعلمي منه بصي كل دي بتحسسك بنعم ربنا .. في بنوته اسمها اسراء احمد ام روح حلوة تابعيها شوفي مجرد السعي اللي بتسعاه ومدي تقبلها وحبها لنفسها وفرحتها بس كل ما امنيتها في الدنيا انها تبقي طبيعية ومعاناة عملياتها وحاجات كتير اوي وقد اي هي صبورة .. وانتي حرفيا هتستخرجي صفات كتير هتحسي انا اي اللي بفكر فيه دا يعني هتلاقي نفسك بتقولي الحمدلله تلقائي يارب انا في خير انا في نعمة ... استشعري نعم ربنا عليكي

والله وعارفه مشاكلك انك تقولي اصل طرحتي مش بتثبت اصل هما طرحتهم ثابته والله يا بنتي كل اسبابك دي وعيوب اللي انتي شايفاها حاجة كبيرة وسلبيات وعيوب قد كداا كل دي تتصلح بابسط الاشياء بس محتاجة تتعلمي ازاي تظبطي الطرحة الموضوع محتاج محاولات مع نفسك محتاج صبر محتاج قرار ، ابوس ايدك يا فراولة فكري في نفسك ، اشغلي نفسك بنفسك ، واتعلمي يا بنتي بجد كلامي دااا والله من جوه اعماق بطلي تشتكي لا دوري علي حل بطلي تعيشي دور الضعيفه لو لمرة واحدة في حياتك اختاري نفسك واختاري حياتك انتي واعملي لنفسك قيمة من نابعك انتي ، باحترامك بذوقك وربنا في المقدمة متشغليش بالك بغيرك ، اللي تحط ميكب دي وبعد ما حطت ؟ هتروح تعمل اي هتمسحه دا الحمدلله وقولي الحمدلله علي طبيعتي .. مش محتاجة ، لو وقت مناسبة لو مع نفسك اعملي لنفسك شخصية واسلوب حياة بتاعك انتي ، مش اسلوب ناس تانية ، اتعلمي منهم الحاجة اللي تنفعك والحاجة اللي تضرك واللي مترضيش ربنا ارميها في البحر ودخليها ف ودن وخرجيها من ودنن

لازم تعرفي انك مش شايفه اللي قدامك اجمل بل بالعكس هتكتشفي انك شايفه فيهم حاجة نفسك تكون فيكي انتي يعني هما مرايتك حاولي تفهميها او احساسك بالعجز انك مش قادرة تبقي زيهم بس نفسك بس انتي مكتئبة مش حاسه ، حاسه انك مش في العالم دااا كله ، محتاجة تتعلمي تحبي نفسك اكتر فكري في نفسك طول الوقت انا محتاجة اي انا ناقصني اي طب اعمل ايه ، اسعي وحاولي وافرحي باقل حاجة ممكن تجبيها يا ستي لو حطيتي زبدة كاكاو حمرا علي شفايفك يعني بصي بدون مناسبة حاجة هبلة بالنسبة للبعض بس لحظة روقان حطي كحل وانتي مرة في البيت جربي استايل طرحة مختلف مثلا بصي حاجات كتير والله عايزة اقعد كده واساعدك بجد ركزي في كلامك حاولي تكتبي نوتس ولو في شات ع الفون او المذكرات خدي كلمات لو حاجة فرقت معاكي ، وبجد دي فترة مؤقتة وانتي هتتغيري وانتي احلي انسانه في نظر نفسك ، والناس كلها ساعتها هتكون مذهولة من تغييرك والله يا بنتي انا كان كله بيتريق عليا لاني كنت حزينة وبائسه ومش بروح افراح ومش مهتمه بلبسي وبصي نقد ع اقل حاجة دلوقتي تعالي وبفضل ربنا والله تعالي شوفي دلوقتي كله دلوقتي بيثني عليا ورغم كل داا مش فارقلي لان كفاية نظرتيفعينفسي

مفيش أجمل من الستر صدقيني ده من الفطرة الصحيحة ان المرأة المسلمة تكون بتحب الستر و لنفسها و لزوجها تكون الأنثى الدلوعة اللى هى في فطرتنا الزينة و الجمال لو جربتى تمشي في الشارع بالضيق و القصير صدقيني هتتعبى و مش هتحبى نفسك كده و هتحسي ان كل النظرات من اللى حواليكِ بتأكلك حرفيا اما جوه البيت افعلى ما شئتى بس برضو بحدود علشان اخوكِ و ابوكِ

تعرفى كمان اني ممكن احلفلك من غير ما اشوفكم انك أجمل منها و الله العظيم

بصي انا عندي 21 قولي 22 حرفيا انا من تلت اربع سنين والله ولا من سنة حرفيا كنت بكره ملامحي كنت ابص في المرايه ابص للعيوب كلها ... شتان حرفيا كان حواليا كلام انتي جميلة وكنت بقول شكرا وانا كنت شخصية ضعيفه كنت بحسني كدا طول ما انتي حاطه في بالك الناس مش هتستمدي المدح من الناس لا المدح لو كله بيمدحك كوم وانتي مدحك لنفسك يوم تاني ... غيري نظرتك لنفسك حسني من نفسك قدر ما استطاعتي شوفي اي الضعف والهشاشه اللي مخلياكي كداا وحرفيا انا دلوقتي الحمدلله انسانه تانية اهتميت بنفسي بدأت اعالج حبوب في بشرتي ورجعت تاني حرفيا بصي بيها من غيرها والله يا بنتي عادي يعني بعد ما كنت بعايب ع وشي او بعايب ندبة في وشي ، وصلت لمرحلة التقبل انها والله مش عيوب دي حاجة عادية وشيء طبيعي ومليون حاجة سواء في جسمك مش مطلوب منك تكوني ملاك ... الفكرة دلوقتي حابه نفسي وبحاول افكر في نفسي وبس لان كل اللي حواليكي بيفكر في نفسه وبيفضل نفسه عليكي ومصلحته اهم عليكي ، اتعلمي تلبسي لبس حلو دا هيخليكي فرحانه .. بصي انتي محتاجة وقت خديها بالتدريج ركزي وتيقني وتقولي جوه نفسك دي فترة مؤقتة وربنا يعدينا منها علي خير يارب غيرني للأفضل

قولي يارب جملني في عين نفسي ، بجد لما تركزي علي نفسك الوضع هيختلف شوفي اي ناقصك انتي وكمليه محدش انسان كامل ولازم تعرفي ان اولويتك هي نفسك مش الناس اللي حواليك بصي لنفسك انتي قومي اقفي في المراية واغسلي وشك بالماية وقرري انك هتتغيري وهتبطلي وهتبعدي عن اي حد مش مناسب ليك وتتجنبي وتاخدي فترة اعتكاف لنفسك ..... بعيد عن كل الناس دي لما تبدأي تفكري في نفسك واحتياجاتك وتحاولي مجرد محاولة بسيطة ولو انك تشتري كيكة تاكليها او تعملي لنفسك عصير ف البيت او تروقي اوضتك او تاخدي شاور او صفحة قرآن ذكر واحد بس استغفر الله دااا يعني افرحي بمحاولاتك الصغيرة دي ، افرحي بجد بشكلك الحالي كما هو افرحي بعيوب وشك وحبوبك ومسامك بصي بشرتك غامقه من الشمس او وشك شاحب او مرهق ايا كان تقبلي نفسك كما انتي ، شوفي حاجات بسيطة بس تنضفي شنبك بالفتلة .. تظبطي حالك يعني تفاصيل تعمليها لنفسك يعني هي حاجات بسيطه هتغير شخصيتك 180 درجة ، ولازم تتيقني يقين تام وتعرفي ان ثقتك واهتمامك بنفسك دا شيء مكتسب ونابع منك انتي ، يعني محدش يجي ياخدك من ايدك ويقولي حبي نفسك لازم داا انتي اللي تكتسبيه الايجو بتاعك شخصيتك تقوميها وتجاهدنفسك

عندك كام سنه صدقيني شعور طبيعي ودا اكتئاب لكن الموضوع هيتحل لما تقتنعي اقتناع تام انك تبطلي تبصي للي حواليكي وتبصي ليك انتي بس وتركزي في نفسك اهتمي بنفسك ونضافتك شوفي اي العيوب اللي انتي شايفاها في بشرتك او اي اسباب مخلياكِ كده وابدأي لو حبوب عالجيها ، جيبي مرطب بشرة جيبي غسول ، كل يومين خدي شاور جيبي برفيوم حلو او بادي سبلاش اي حاجة في البيت حطي منها تحسسك انك فريش وكده ... اول حاجة بجد وقبل العيوب تبصي للميزات اللي فيكي استحالة يكون مافيكيش شيء في ملامحك وهيئتك ولبسك وكل حاجة حرفيا مش حلوة بل بالعكس في جمال وقبول وطلة مش موجودة ، صلحي الامور والصدمات واي حاجة ابدأي تحبي نفسك واحدة واحدة ، هتحبي نفسك جربي اتصوري لنفسك مش لحد بفلتر ومن غير تقبلي نفسك كما انتي ،، علاجك بجد انك تبدأي تركزي مع نفسك وبس تطوري من نفسك تحسني من صفاتك ومن مستواك الدراسي ومن علاقتك بالذكر وورد القرآن صفحة واحدة بس كل يوم تنوي ختمة حتي لو قعدتي فترة ارجعي كملي وخلصي خاتمة قراءة وارجعي من اول وجديد صلي بجد صلي .. ادعي يارب اجعلني من المقبولين يارب زدني قبول او اجعل في وجهي القبول لكل من يراني

و إيه اللي بيخليكي شايفة إنك مش جميلة ببساطة لأنك مش مركزة مع نفسك بصي علي الحلو اللي فيكي و سيبك منهم و مفيش بنت مش جميلة كل بنت جميلة بطريقتها الخاصة

تقبلي نفسك يا فراولايه وحبيها وغيري من نفسك اكتر حاسه انك مش قد كدا طب شوفي عايزه تغيري ايه وغيريه بشرتك مثلا جيبي حاجات تعالجها مناسبه معاكي مش حابه جسمك كدا تقبليه محدش صنع نفسو وخلقة ربنا كلها جميله وانا حاساكي جميله ك روحك فا اوعي تحسي ب دا وغيري من نفسك وطوريها واوعي تنتقدي نفسك حبي نفسك وتقبلس دا و وقتها مش هتفكري كدا تانييي...انا مكنتش بحب مناخيري وبقول عليها كبيره اكتشفت انها مثاليه اوي وصغيره مش زي ماكنت بوهم نفسي حته وزني لحد ما سمعت كتير نفسهم يوصلو ل جسمي فا بجد والله حبي نفسك وتقبلي نفسك كدا هتحبي الحياه

جربي بصى لنفسك كل يوم في المراية و ابتسمى و قولى انا جميلة

بس انتِ جميلة من غير ما اشوفك🩵🌸 لو مكنتيش جميلة مكنشي الشيطان صورلك الفكرة دى علشان يحبطك، لأن ربنا خلقنا كلنا على قدر معين و انتِ عارفة كده صح

كل يوم هي بداية ومحاولة جديدة لطريقه في اصلاح نفسك ومش هتوصلي بسهوله بس كلها محاولات تدريجية حتي لما توصلي اوقات هتحسي انك راضيه ع نفسك وبتحبي نفسك اوي وشايفه نفسك أميرة في عينك انتي في مرايتك انتي لكن ايام هتحسي نفسك عكس كدا تماما وهتلاقي نفسك ترجعي للصفر لكن انتي مش هتسمحي بده لانك فهمتي ولما تستشعري حب الذات وحب نفسك فعلا هتهذبي نفسك وهتقاوميها ، مافيش ايام بيرفكت مافيش تفكير برفيكت طول الوقت لكن في محاولات تدريجية بسيطة بتساعدك ازاي تكوني انسانه افضل من اي وقت فات

السر كله في كلمة تقبل نفسك بعيوبك ومميزاتك ، انتي عارفه ان حتي اللي بيسعوا للكمال مش مبسوطين ! يعني عارفه العروسه البلاستك نو غلطه اللي نفسنا نكونها بصي كدا للممثلين بعد الميكاب والفساتين والبهرجه شوفي لما كبروا شوفتي التحول شوفتي اكتر من ممثلة شوفتي عيوب وشها وحفر معاهم فلوس ومعرفوش يعملوها او كل داا بلا بلا ... افهمي حقيقة الدنيا دي استشعري نعم ربنا عليكي ، انتي بتمشي انتي بتتنفسي انتي بتكتبي ، انا عارفه اني بقول حاجة بديهية وحاجة معروفه بس صدقيني انا كنت بهون ع نفسي بحاجات كان نفسي اسمعها ف وقت ضعفي ، في مميزات ،، عارفه اذنك اللي بتسمعي منها ،، الفون اللي ماسكاه في ايدك كل حاجة حرفيا يعني في نواقص ، مهما عملتي في كل امور الدنيا في شيء ناقص في حاجة ايا كانت فين ، الفكرة في التقبل والرضا وتقديرك لنفسك وانك اولوية وحبك لنفسك بجد تدريجيا وواحدة واحدة هتلاقي نفسك بتجاهدي وبتصبري وبتحتسبي عن ربنا كل شيء .. قولي الحمدلله دوري جواك انتي علي ناقصك وعالجيه وطوريه وغيريه متبصيش لغيرك .. بصي لنفسك هتعرفي تعملي كل حاجة ونص مشاكلك ودماغك هتهدي من المقارنه ، قارني نفسك بنفسك امبارح

والله والله والله لو ركزتي في كل كلمة قولتهالك وعملتي بيها وحاولتي تمام عموما لما تفوت سنين حاجات كتير هتتغير اصلا وبكره تفتكري كل داا .. انتي علاجك انك تفكري في نفسك وبس انك تتعلمي ازاي تحطي نفسك اولوية ويكون ليه شخصية ورأي ورفض وقوة وتبطلي الضعف اللي انتي فيه دا بطلي تتكلمي بصيغه فلانه وفلانه وتقولي مميزات فيهم ما تهتمي بمميزاتك انتي بطلي تعملي مقارنه ع كدا بقي اقول فلانه اللي عنيها ملونة احلي مني واقعد اقطم ف نفسي وكان نفسي ... مع ان حرفيا عيوني احلي انا في نظري كده انا راضية بعيوني اروح احط عدسات بقي عشان ابقي حلوة زي فلان ومقررة وعمري ما احط عدسه ملونه في عيني عمري !! ومبحبش اللي بيعمل كدا وبحب نفسي بعيوني وبحب اشوفني انا وشايفه نفسي أحلي مش محتاجة اعمل دا ، انتي كمان شايفه النبرة وطريقه الكلام اللي بتكلم بيها كل ما اجي اتكلم عن حد لساني داا يسبق ( انا ) انا وامدح في نفسي او لو حسيت ان فيا عيب بقول هحاول كذا لساني مش بخليه وعقلي الباطن وكل حاجة جوه انا بيكون جوايا انا طيب وانا دماغي كلها مش بخلي حياة فلان او شكل فلان اللي يفضل لازمني والله هتلاقي نفسك احلي مع الوقت