مقارنة

بجد محتاجة رأيكم في حاجة 🤍 أنا كنت مخطوبة بحد من زمان وسيبنا بعض بقالنا حوالي 8 سنين ومن ساعتها متكلمناش خالص و انا نسيته يعني عدى كتير اوي و مشاعري راحت من نحيه . المشكلة إني لما بدخل أي علاقة جديدة، ببقى نسياه عادي، لكن فجأة بلاقي نفسي بقارن اللي كان بيعمله معايا باللي قدامي دلوقتي بحس انه كان بيعمل حاجات بتبهرني و حبه ليا كان حلو او يمكن انا اللي مبقتش عارفه احب لأن مستغربه انا ليه بفتكره لما اعرف ومش فاهمة ده ليه هل ده طبيعي و حد مر بتجربه زي دي انا حتى عملاله hide من الاستوري بتاعتي بقاله 8 سنين بفكر اشيل الhide دلوقتي لما حد دخل حياتي 😂😂

انا مش عارفه ليه ماما دايما مهتمه بالدرجات بتاعتي اكتر مني اول ما اخلص اي امتحان بتسأل عليه بس لما صحابي يكلموا مامتهم مامتهم بتألهم عاملين ايه و بعد كده تشوف الامتحان و لما انقص درجه تقعد تقولي لو كنتي ركزتي شويه لاكن انا عملت اللي عليا و تقعد تقولي شوفي صحابك جايين كام المشكله ان انا بحل ب مجهودي لاكن هما بيغشوا من بعض انا مفسي ماما تهتم بيا بس شويه حتي لو شويه صغار المهم انها بتهتم اصلا

نحكيكلكم انا عندي اختي قل منيب ثلاث سنوات تحب دخل روحها في كلشي اي شي ميخصهاش تدخل روحها سواء نحكي مع ماما ولا بابا ايا ان كان ايا كي ندخل فنقاش مالڨري مايخصهاش نحسها تغير مني تبدا تعايرني ونتي مش زينة ونتي ونتي ونتي دايما تقارن روحها بيا تهدر كلمااات نحسها معمرة حقد وغيرة مني وكي يشكرني بابا ولا تقعد غير تضحك تمووت مفهمتش كيفاه ندير معاها

انا مقتنعه جدا جدا ي اصدقائي أن محدش بيحب حد احسن منه حتي لو اخوك او اختك اللي من دمك (اقرب الناس ليك) ؟؟؟🥲💔 دا السؤال اللي كنت بسأله لما كان اي حد يقولي كدا بس اكتشفت مؤخرا للاسف أنه ايوه محدش بيحب ولا عايزه حد احسن أو افضل منه عندي اخت اكبر من ب ١٠ سنين هي اللي مربياني الحقيقه، اتزوجت وانا لسه ف اولي ابتدائي كنت طلفه لسه بتتعرف علي الحياه معرفش يعني ايه يكون عندي اخت وسري يكون معاها ونكون اصدقاء علاقه كدا اكيد اللي مجربها هيفهمها. لكن انا عمري ما حسيت أنها قلبها عليا عمرها ما نتصحتني ، عمرها ما خدتني ف حضنهااا لما دخلت الثانويه العامه كانت بتقول عليا مش هنفع عمرها ما شجعتني علي دا لما كنت بروح اتكلم معاها في حاجه مزعلاني كنت بشوف في عينيها نظرة الشماته فيا تسمع وماتردش قد ايه كان نفسي لما اخلص كلام اترمي ف حضنها واعيط مش عايزه اسمع حلول أو اي كلام من اي نوع كنت بس محتاجه أن حد يفهمني ارقامنا عند.بعض عمرها ما لقيتها بتتصل بيا تطمن عليا لازم انا اللي ابدأ وانا اللي اسأل مين ي جماعه اللي المفروض يسأل ع التاني الكبير يسأل علي الصغير ولا العكس دايما بتقارن نفسها بيا مثلا تقولي وانا ف سنك دا كنت بعمل وبعمل انتي دلوقت بتعملي ايه يعني دايما بتقلل من زعلي وبتفه من مشاعري وبتسخر مني وكل الكلام دا ميعبرش عن واحد ف الميه عن الشعور اللي بحسه من كلامها لان مش كل حاجه ممكن يوصفها الكلام دعواتكم ليا..

عندي مشكلة غريبة شوي من نوعها أنا شب طولي ١٨٨ ما بعرف ليش بحس حالي قصير مع أنه أنا لما بمشي بشارع مثلا بكون اطول من معظم اللي موجودين و حتى بين اصحابي والناس اللي بقعد معهم بكونوا يا بطولي يا اقصر نادر جدا يكون حد اطول مني مع هيك ما بعرف ليش دايما بحس حالي قصير و اقصر من اللي حولي و الموضوع عاملي عقدة دايما بقيس طولي و بقعد اقارن بين طولي و طول اللي حولي

انا ارتبط مرتين بس في حياتي وكلمت 2 غير اللي ارتبط بيهم بس لما ببص على الشباب اللي حواليا بلاقيهم ارتبطو كتير اوي ف انا حاسس ان الموضوع ده مضايقني بس انا فعلا مباحولش اصلا اكون صداقات مع البنات لاني حرفيا مش فاضي عشان مذاكره وكده انا اصلا في 3ث

تعبت من احساس انى بستمد قيمتى لنفسي من مذاكرتى او انجازاتى بقيت حايه انى totally انسانه فاشلة ومش عارفه احقق حاجه حرفيا حياتى كلها بحلم بحاجات واسعى ليها ومبتجيليش نهائى وناس اقل منى ومبيبذلوش ربع مجمودى بيجيلهم

انا مش قادر احب نفسي بكرهني شكلا و موضوعا بكره اني بني ادم ضعيف و اي حاجه بتأثر فيا و بحس كتير اني مثير للشفقه لأني مبعرفش اكتم مشاعري ببص دائما علي الناس اللي حواليا و بحس قد ايه هو أقوياء ف تعاملهم مع الضغط النفسي و مش بيسمحوا أنه يأثر علي حياتهم و بعدين ارجع أبص لنفسي و اكرهني اكتر لاني ضعيف و مش عارف اعمل زيهم

عندي مشكلة كبيرة اني بكون واثقة من نفسي وشكلي واهدافي لغايت ما الاقي حد شكله احلي واثق من نفسه اكتر محقق اهداف اجمل وهكذا وبقيت احس اني مش عارفة انا عايزة ايه وبمشي مع التيار وخلاص لو لاقيت ناس متجوزة ومبسوطة اقول عايزة اتجوز لو لاقيت ناس ناجحة ف مجال معين اقول هو ده اللي لازم اشتغل فيه لو لاقيت حد له مبادي معينة اقول هي دي الصح وهمذا ف دوامة لا تنتهي وتعبت جامد جدا من نفسي مع العلم انا ذات نفسي عارفة انا عايزة ايه من الحياة ومحدداه كويس اوي بس للاسف برضوا بمشي مع التيار

السلام عليكم هو انا محتاج رائيكم في حاجه انا شغال مدرس دي ثاني سنه بحس ان النجاح بعيد واني هتعب عقبال ما اتشعر ويبقي عندي طلبة كتيررر سعات بقارن نفسي بالي حوليا بحس اني متاخر قووووي واني عمري ما هوصل ده طبيعي ؟؟

أنا خطيبي كويس جدًا، هو في آداب وأنا في علاج طبيعي في الأول كنت مقتنعة جدًا والموضوع ده مكنش فارق معايا خالص لما اتقدم كذا حد قالي بلاش توافقي وهيجيلك دكتور وكدا ولما كان حد بيقولي كدا كنت بتخانق معاه بجد بس دلوقتي لما حد من صحابي يتخطب لدكتور وكدا بضايق أوي وبقارن نفسي غصب عني وبقول ليه وافقت على حد في اختلاف بينا في المستوى التعليمي مع إنه كويس بجد وبيعاملني كويس لدرجة إني مرة مكنتش عايزة أروح خطوبة واحدة صاحبتي عشان كنت عارفة إني لو روحت هضايق ومش هبقى مبسوطة أعمل إيه عشان أبطل التفكير دا أنا الموضوع دا مضايقني أوي

نفسي الناس كلها تفهم حاجه عشان من كتر ما الناس بقت بتقارن البنات بالبنات اللي بيشوفوهم في الافلام و المسلسلات وعلى النت عامةً في بنات مننا افتكروا ان فيهم عيب مع ان الناس دي بيكون مطالب منهم انهم يكونوا كده انهم يكونوا حلوين و بشرتهم زي الفل وجسمهم مظبوط وان معندهمش استريتش ماركس ولا مناطق فيها غمقان ولا تعويرات باينه ولا ان يكون بيطلعلهم شعر في مكان ما يعني كلنا بنحاول نهتم بنفسنا عشان نكون حلوين بس كفايه ان الراجل يحط فدماغه ان لازم اللي يتجوزها تكون بيرفيكت فكل حاجه مع ان الرجاله اكيد هما كمان بيبقى في فجسمهم حاجات زينا بس عشان التركيز دايما بيكون ان البنت تبقى ولا غلطه فبقوا شايفين البنت اللي عندها كده فجسمها دي بنت مش نضيفه و انها مش بتهتم بنفسها و كلام كتير كده بس بجد دي الحقيقه اللي لازم كلنا نفهمها كلنا فينا عيوب وكلنا عندنا مشاكل فجسمنا بس والله الحاجات دي كلها طبيعيه وبتحصلنا كلنا حرفيا كلنا

انا شعري خفيف جدا جدا .. بجد اكتر حاجه تعباني من جوايا وقهراني نفسي كان يبقي تقيل وطويل ولكن عندنا صلع وراثي .. حماتي من فتره قالتلي هو فين شعرك دا انا مش شايفاه وقهرتني جوزي عمره ما قالي حاجه عليه ولكن اكيد مش مبسوط ودا واضح عليه دلوقتي سلفتي شعرها جميل اوي ربنا يبارك لها فيه بس مش قادره اتخطي من جوايا حتى المقارنه مش عارفه مفكرش فيها وخصوصا أنهم بيقارنوا واقرب اقرب الناس كدا اتعافي ازاي من شعري انا بجد بكرهه.. بكره شعري بكره نفسي وشعري .. مش قادره اتعافي معاه واتعامل معاه

عندي سؤال بجد مضايقني هل طبيعي انه مافيش حد بيعجب بيا أو حد بيتقدم ليا الموضوع ده بدأ يضايقني جامد و بدأت اشك في نفسي خصوصا انه للاسف بدأت اقارن نفسي بصحابي هما ماشاء الله فعلا حلوين اوي و الناس بتبقى عايزة تتكلم معاهم حتى لما بنكون في مكان عام بنطلب اوردر لو انا اتكلمت ممكن فعلا مش بلاقي اللي قدامي مستمع ابدا ولا فيه انتباه فبنسحب و اخلي حد فيهم يطلب بلاقي ساعتها معاملة مختلفة تماماً فبزعل و بضايق و بحس اني مش حلوة أو مش متشافة مش بغير منهم والله بالعكس بحبهم جدا بس لما كل واحدة تحكي عن مواقف حد اتقدم أو حد معجب بيهم بشك في نفسي و مش بيبقى عندي حاجة احكيها انا طبيعية و عادية يعني انا شايفة نفسي حلوة و بحب ملامحي بس حاسة ان الناس هي اللي مش شايفة اني حلوة مش بحط ميك اب ولا حاجة و بعتمد اكتر على الاسكن كير بس فيه ايام عادي بكون تعبانة و مجهدة زي كل الناس مش لازم الانسان يكون حلو ديما و بيرفكت انا مش فاهمة حاجة هل تفكيري غلط ولازم ابذل مجهود اكتر من كدة عشان الناس تعجب بيا ولا ايه