طاقة سلبية

لي بقا الحيوانات اكتر شئ بتخفف الاكتئاب لانهل بتشيل الطاقه السلبيه وتقدم مشاعر وحجات كتير مش بقول كلو يربي اللي معاااااااه بس اصل ديييي روووووووووح ولازم نهتم بيها ونحلفظ عليهاااااا

مستفزة بشكل غير طبيعي فاكرة نفسها فاهمة كل حاجة وهي أصلا تايهة ولما تحاول تساعدها تقابلك باستفزاز وتعالي يخلوك تندم إنك فتحت بقك من الأساس حاجة ف قمة اللا وعي وفاهمه انها واعية وقاطعة علي كل حاجة بتبقي حرفيا كتلة طاقة سلبية ماشية وترجع ف الاحر تسال لي محدش معايا او لي الناس مش في حياتي

بتعملوا ايه لما بتحسوا ان جواكوا كمية طاقه سالبيه و مش عارفين تطلعوها مهما عيطوا ومهما عملتوا بردو مش عارفين تبقوا كويسين و مش عارفه مصدرها ايه كل اللي اعرفه اني مش كويسه ومش عارفه ابقى كويسه و كل حاجه بايظه من كل ناحيه و مش قادره احكي حاجه ولا عارفه حتى عارفين لما تكونوا مش بتحكوا عن اللي مزعلكوا لدرجه تخليكوا انتوا ذات نفسكوا مبقتوش عارفين ايه اللي مزعلكوا بس انت زعلان بس من ايه مش عارفه بس زعلان ونفسياً و جسدياً وكل حاجه بايظه ياريت اللي يشوف البوست ده يدعيلي

حاسس اني قرفان ومحتاج اطلع الطاقة السلبية دي، بقالي كتير معملتش كدة بس للأسف مضطر أقول اني عايز اتخانق مع حد بس خناقة على مزاجي انا، مش أي حد يدخل يرمي أي حاجة وخلاص تباً للاجازة اللي قبل تالتة

مش عارفه ليه كل ما أنزل حاجه البرنامج ميخليش أن حد يعلقلي يارب المره دي م يعمل كدا تاني أنا بجد حاسه بطاقه سلبيه اوي حاسه اني مش جميله وكل اللي حواليا حلوين شكلا وجسمهم حتي الأصغر منييييي

الواحد عنده كميه طاقه سلبيه وغضب كبيره اوووي مش عارف ف ايه بجد الدنيا مش احسن حاجه وكميه ضغط وتفكير حاجه ف منتهي وجع القلب بس الحمدالله فتره وهتعدي وانا متاكد انا ربنا مش بيجيب حاجه وحشه ممكن الفتره دي مش احسن حاجه بس الحمدالله كل حاجه بتعدي ان شاء الله ربنا يكرمني ويعوضني خير ممكن لو كان عند الواحد صاحب يثق فيه كانن ممكن اتكلمت مع ممكن اكون بقيت احسن بس فكره انك مش عارف تتكلم ولا تطلع اللي جوايا دي حاجه رخمه اوووي بجد اوقات كتير بحس اني معنتش بعرف اتعامل مع الناس حاسس ان فيا حاجه غلط اوقات تانيه بققي كويس والدنيا جميله بس الفتره دي بجد تقيله اوووي والناس بقت وحشه اوووي محدش بيعمل خير ف حد او حتي النفوس تحسها مش صافيه ليه الناس بقت انانيه اوي كدا ووحشه ليه بجد

هالو .. معلش استحملوني شوية أنا ساعات بحس اني شخص تقيل ولا أطاق الصراحة ومش عارفة الاحساس ده جاي من ايه بالظبط بحس اني لما أتكلم أو أحكي عن حاجة اني بتقل على الشخص اللي بحكيله وممكن بردو أحس اني بصدر طاقة سلبية مثلا ساعات فممكن ده سبب اني بنسحب من تجمعات كتير أو مش بطول في الكلام أوي مع حد ومش عارفة ليه مش بركز يعني اني بردو مش دايما كدة عادي بسمع الناس بردو وبهزر وأضحك عادي يعني بتحسوا انكم تقال على اللي حواليكم ولا أنا بس ولا ايه 🥺

انا ديما حاسه ان بيتنا فيه طاقه سلبيه محدش فسه بيحب حديما خناق مع بعض كلنا كارهين بعض. بنضحك ف المناسبات لاكن مبحسش بوجود حب صادق ابدا مبينا معرفش لي ومعرفش من اي سبب بابا مثلا ةلا ماما ولا احنا الغلط فين م عارفه رغم دعائي ديما ان ربنا يؤلف مبين قلوبنا الا ان منقمسين احزاب حزب بنتين بيكرهوا الولدين واب بيكره البنات وشايف ان الولاد حاجه عاليه ع الرغم اننا ناجحيت اكتر منهم وام اتربت ع ان الولد الاول والبنت بعدين ومبين تفريق مبين الولد الاخير ف المجمل وباقي اخواته. هوا بابا كان بيكره اخواته البنات انا كنت فكراهم وحشين لحد مكبرت ولقيت ان اصلا عماتي عندهم حق يكرهوا عمامي من تصرفات بباهم.. حاسه الزرعه نفسها من جزوره وحشه الفروع م راضيه تتصلح.. الانسان قاعد ف كم خذلان رهيب والله ما بين ام بتحبها وبتحرق نفسك عليها وخيا كل مبتكبر سننا بتختار الولاد رغم انهم مش كويسين معاها ومابين اب شايف ان الولاد كل حاجه ومبين اخوات ولاد م سند اصلا.. هل الانسان بيحرق بنزين ع الفاضي. الانسان تعبان والله عقد العالم فيه.. ومع ذلك بيفضل يحرق ف نفسوا ع يحبوه والحب بيروح لحد تاني ع الجاهز وهوا م بينول حاجه غير انوا لو غلط اوووه ع حبال المشنقه.. انا م عاوزا اتجوز.. ومش عاوزا اكمل باقي عمري هنا ببكي ع وضعي وحالي وخايفه والله افضل ف الحال دا او يزداد سوء كل ما بابا وماما يكبروا

عايزة اعيش حياة معشتهاش بحكم اني اتولدت لقيت موبايل في ايدي وتكنولوجيا كتير يمكن عشتها كام سنة بس وهي العيشة من غير موبايل عايزة يكون معايا موبایل بزراير وكاميرا واشغل تليفزيون ويوم ما احب أتصفح افتح الكومبيوتر وانزل الجيم الصبح وازرع واهتم بدینی اکید عايزة حياة بسيطة منغير قضايا كتير وطاقة سلبية على مدار اليوم بدون تعفن دماغ بدون دوبامین رخيص عايزة ارجع للحياة الدافئة اللي انا عشتها خمس سنين ست سنين من حياتي بس داخلين على الاجازة وحاسة اني هعمل كده حاسة ان كفاية اوي اخبار وحشة وحاجات كتير بلدت مشاعري عن الحاجات اللي تستاهل فعلا حزني من كثر ما بسمع اخبار سلبية بقى الخبر ميهزنیش!!! أنا مش عايزة كده في قضايا دينية وسياسية محتاجة مننا تركيز اكثر من كده بس بقينا مشتتين من كثر الاخبار التافهة مش عارفين نركز في المهم مستغربة ان الكلام ده يطلع مني عموما وانا عندي 16 سنة

“الناس” مسؤولة عن الأذية، و”أنت” مسؤول عن تعافيك.. الشحتفة، والولولة، وحططان الإيد على الخد كلها حاجات لا بتصلب طول، ولا بتعدل أوضاع، ولا بترجع ماضي.. محدش بيخف في نفس البيئة اللي صابه فيها المرض.. عشان كده العايب مينفعش يتعاتب، والعلاقة اللي طفتك عمرها ما هتنورك، وكسرة النهاردة هتبقى بكره كسرتين لو مافوقتش حالاً.. جزء كبير من احترام الإنسان لنفسه موجود في إكرامه ليها بالبُعد عن كل شيء يسحب من طاقتها بالسلب.. كل واحد فينا عارف فين مصلحته، ومع مين راحته.. شايف إيه اللي بيتعبه، وفاهم إن في القرار الفلاني صلاح حاله.. مستني إيه؟.. الناس شغلانتهم الأذية، وأنت التعافي معركتك.

حب النفس مش "منظرة" ولا أنانية.. إحنا اتربينا للأسف على فكرة إن اللي بيحب نفسه ده إنسان أناني، وإن لازم "تيجي على نفسك" عشان الناس ترضى وتنبسط. بس الحقيقة إن اللي بييجي على نفسه بزيادة، في الآخر بيخلص وبيطفي، ومحدش هينفعه لما يقع. مش لازم تعمل كل حاجة صح، ومش لازم الكل يحبك. حب نفسك يعني تقبل إنك "بشر"، ومن حقك تتعب، ومن حقك تقول "مش قادر" أو "مش عارف". متحملش نفسك فوق طاقتها عشان ترضي حد، لأن اللي بيحبك بجد هيقبلك وأنت مطفي قبل وأنت منور. في ناس في حياتنا زي "مصاصين الطاقة"، مبيظهروش إلا وقت المصلحة أو عشان يرموا همومهم عليك ويمشوا. حبك لنفسك يخليك تقولهم "لأ" بذوق. مش لازم تكون متاح 24 ساعة للكل. وقتك، وأعصابك، وصحتك النفسية دول "أمانة" عندك، مش "سبيل" لأي حد معدي. عمرك ما هتعرف تحب حد بجد، ولا حد هيعرف يحبك بجد، طول ما أنت "مستصغر" نفسك أو مستني "كلمة حلوة" من بره عشان تحس بقيمتك. قيمتك جواك، ربنا كرمك وخلقك وليك بصمة مفيش حد غيرك يقدر يسيبها.

عندي طاقة رغي رهيبه يجماعه عاملين ايه الاول يلا انتو مش غرب هحكيلكوا قصة حياتي بصوا يجماعة امبارح اتخانقت مع ماما اسألوا ليه عشان شايفه اني بنام كتييير اووي بس انا in fact يعتبر مش بنام اصلا الفتره دي بسبب كام حاجه علطول دماغي شغالة مش بعرف انام خالص وكمان بنام واقوم انام واقوم بصحى متكسرهه ومش قادره اتحرك ولا اي حاجه بقعد زي قلتي طول اليوم قدموا حلول سريعة يشباب قبل م اطفش من البيت

مش عارفة اعمل ايه والله بس كل اما ابدا ف حاجة اكسل علطول مش موضوعنا الفترة دي بقيت بتصعب كتير اوي و على حاجات تافهه وانا نوعا ما حد هادي او يعني مكنتش بتعصب على الي بتعصب عليه دلوقتي ده خالص انا الوقتي بتعصب على اي عبط و انا لما بتعصب ببقى صعبه و بخاف اتعصب على حد بحبه و اقوله كلام انا مش واخده بالي منه و ارجع اندم و فنفس الوقت انا محدش هيقدر اني مثلا ساكته عشان متعصبه و خايفة اغلط يعني لا حد هيقدر لو اتعصبت ولا لو سكتت انا مش عايزة ابطل اتعصب بس عايزه اعرف اطلع طاقه الغضب دي ازاي لاني حاسه اني جوايا كميه طاقه غضب و عصبية مش طبيعيه و مش هتخلص الا لو انهارت ف مرة و قعدت اعيط لحد ما ارتاح خالص يا اما اتعصب و اطلع عصبيتي دي ف حاجه و ازعق براحتي وقتها هرتاح بس انا كل ما اتعصب اكتم نفسي اكتر و اتعصب المره الي بعدها اكتر و كل ده اليومين دول بس يعني مكنتش كده قبل كده كمان صعب عليا اوي اني الفتره الي مضايقه و متعصبه فيها محدش من الي حواليا قدر مع اني كنت دايما بحاول اقف معاهم و احتوي غضبهم او زعلهم يعني دي كسرتني بجد

عندي كم من الاحباط والطاقه السلبيه وحاسس اني فااشل ومحققتش اي حاجه تذكر مهموم اووي وكل ما احاول اطلع من المود ده وافك يجي في بالي صوت بيقولي اتلم انتا ليك نفس تهزر يافاشل وارجع ادايق واتخنق تاني 🤦🏼‍♂️🤦🏼‍♂️

يا جماعه انا بقالي فتره مضغوط وتعبان نفسيا ومش لاقي حد يفهم اللي جوايا وجربت اسال في محرك البحث عن حاجات مضايقاني وطلع لي ردود بجد ريحت قلبي اوي وخلتني اطلع كل الطاقه اللي مش كويسه فكنت عايز اسالكم حد جرب قبل كدا يفضفض مع المساعد اللي موجود في جوجل وبجد حس انه بيسمعه وبيحل له مشاكله ولا انا بس اللي حاسس بكدا عشان بجد الموضوع فرق في نفسيتي اوي وخلاني هادي

السلام عليكم انا عايزة احكي مشكلتي ان انا شخص حساس جدا و بتضايق من اقل حاجة و ممكن بجد اقل حاجة تقلبلي مودي طول اليوم الشخص الحساس ده بيقى بجد الناس مش فاهمينه غير اللى زييه ، انا مشكلتي بجد هما صحابي ، مدمرني نفسيا بس انا مش عارفة ابعد عنهم ، هي عموما شخص واحد بس هي ال bestie بتاعتي ف كل نرة تضايقني و تصدرلي طاقة سابية اسامح و اعدي اسامح و اعدي لحد ما انفجرت و مش قاظرة استحمل عايزة ارزح لدكتور نفسي و والدتي مش موافقة

السلام عليكم انا احمد من محافظة الشرقية عمري ٢٩ سنة يا جماعة انا طول اليوم نايم بصحى بالليل وانام بالنهار جسمى فيه طاقة سلبية وعندى كهرباء زيادة فى شعري ودماغى بتفرج على حاجات وحشة كمان مفيش حد عنده فكرة ازاى اتغير واصلح من نفسي ونفسي اشتغل فى محيط الشرقية فاقوس أو الحسينية او السويس.

اي حد نفسو يفضفض يتفضل او يحكي حاجة يجماعة يحكي حاسس محتاج اتكلم معوحد واسمعو عارف يمكن يكون بتخافو عشان مش بتحب يتقالك غلط وحران والجو ده وانكو بتبقو عارفين بس محتجين تخرجو النجتف انرجي انا بجد موجود لاي حد نفسو يحكي

اي حد نفسو يفضفص يتفضل او يحكي حاجة يجماعة يحكي حاسس محتاج اتكلم مع حد واسمعو عارف ممكن يكون يكون بتخافو تحكو عشان مش بتحب يتقالك غلط وحرام والجو ده وانكو بتبقو عارفين بس محتجين تخرجو النجتف انرجي انا بجد موجود او اي حد نفسو يحكي

اهلي باختصار قنبلة امراض نفسية، محدش فيهم ناضج فكريا وبيتصرف ك بني ادم طبيعي، بيحبوا التزمجر والتوتر ونشر الطاقة السلبية وانا ايقنت كده من بدري جدا واختارت اني مقعدش معاهم نهائي وده احسن قرار اخدته اني مختلطش بيهم، كنت طول الوقت هربان بلعب video games.

من حوالي سنة اتعرفت على شخص هو اصغر مني سناً ف اتعرفت عليه و نيتي اني اساعده عشان يكون شخص احسن و هو كان عنده مشاكل عاطفية و دراسية و ساعدته ف حلها او في تخطي نقط معينة و من يومها و هو اتعلق بيا اوي و انا متعلقتش بيه و لو اختفيت يوم ولا يومين يقلق عليا و يبعتلي انا مش عايزه ازعله ولا اوجعه بس حرفيا هو دلوقتي بقا شخص غير مريح ابدا و علطول ناقم و علطول بيشتكي و زعلان و كل م اكلمه اتشحن طاقة سلبية بسببه و انا مش قادره على ده بجد انا عندي مشاكلي و حياتي كفايه اللي فيها ساعدوني المفروض اتصرف ازاي