نفسي فعلًا أكون كويسة… نفسي أرجع أنا، أرجع البنت الصغيرة اللي كان قلبها أبيض وطيب ونقي من جواها. نفسي أرجع طفلة تاني، قبل ما الدنيا تغيّر فيا حاجات كتير. نفسي أفضل بنفس القلب اللي كان بيحب بصدق ومن غير خوف ومن غير وجع. نفسي حد يحبني بجد… يحبني من جوا، يحب روحي وشخصيتي، مش شكلي وبس. نفسي حد يشوف البنت الصغيرة اللي مستخبية جوايا، اللي اتدفنت وسط التعب والخذلان. نفسي ألاقي أمان وراحة واهتمام حقيقي من غير ما أفضل خايفة أو مستنية الوجع. نفسي العوض من ربنا ييجي في كل حاجة في حياتي… عوض ينسّيني كل اللي فات، ويطبطب على قلبي بجد. نفسي أتعوض عن كل مرة اتكسرت فيها، وعن كل حاجة كنت محتاجاها وما لقتهاش. نفسي الأيام الجاية تكون أحنّ عليّا، ويكون ليا نصيب حلو يفرّح قلبي ويخليني أرجع أبتسم من قلبي تاني.