بصي هي السنة فيها ضغط وبتأثر على النفسية بسبب ان كل الناس مديينها اكبر من حجمها، الكل شايف انها السنة الفاصلة في حياتك وانها الي هتحدد شكل مستقبلك، اغلب الناس بتربط النجاح والفشل فالحياة بالسنة دي والمجموع بتاعها، السنة دي فعلا صعبة بس مش بالشكل الي كل الناس مفكرينها صعبة، بس نصيحتي ليكي حاولي بس تعملي الي عليكي، ذاكري وراجعي وتوكلي على الله، بس مش لازم تضغطي نفسك او تتعبي نفسيتك بزيادة، كده كده هي ايام وهتعدي وان شاءالله هتعدي على خير وتجيبي المجموع الي يرضيكي

بصي الناس هي الي عملت تروما الثانوية العامة عشان وليه بتحسي بالضغط عشان الناس الي حواليكي كلهم بيبقو مركزين معاكي وبيستنو المجموع وبيعتبرو المجموع ده شرف الطالب لو مجابش مجموع عالي يبقى هو كدا فاشل وبتاع بس الكلام ده مش صح وثانوية عامة سنة زي اي سنة فاتت ولما تدخلي الجامعة هتلاقي انها كانت ولا حاجة بالنسبة للجامعة انتي بس ركزي ف مذاكرتك وهدفك الي هو انتي عايزة تدخلي كليه اي وملكيش دعوة بالناس وكلامهم وفكرة ان امتحان ييجي ميتحلش ومستقبلك يضيع عشان امتحان دي مش صح والله انا جيالك من المستقبل وبقولك كل البروباجاندا دي ع الفاضي يعني انا مثلا يوم امتحان التاريخ كنت عمالة اعيط وخايفة ومرعوبة منه خرجت من الامتحان عيطت من كتر الضحك ع نفسي والي كنت عملاه ف نفسي ولحد دلوقتي كل مفتكر الموقف ده اضحك 😂 المهم ربنا معاكي ويوفقك يارب وتحققي حلمك وحلم اهلك اعملي الي عليكي بس وسيبي الباقي على ربنا

بصي انا حاليا في تالته طب بشري السنة دي و كنت وقتها بسأل نفسي شبهك كدا بس قولت انا هاخد بالاسباب و اجيب اخري و النتيجه مش بتاعتي فبالتالي مش منطقي اتوتر او اقلق علي الامتحان او اي نتيجه... انا مطلوب مني اسعي بكل طاقتي و بس و لو كنت قصرت قبل كدا في مواد معينه هلم كل الي ناقصني او مش فاهمه و مش هسيب وسيله تزقني ناحية هدفي الي عاوزه الا اما اخد بيها ... لما تعملي كدا صدقيني هيتشال من عنك اي توتر لان بقا موضوع الامتحان و النتيجه في يد الله ميخصكيش و اي حد بيضغط عليكي باي حاجه سيبك منه ادام ما ادام نفسك مش مقصره ابدا و لما دخلت الامتحانات فعلا وقتها سبحان الله كنت بفتكرها رغم ضغط الوقت و التوتر طبعا.... فملخص الموضوع ثقي بربنا و اهم حاجه متقلقيش و ربنا مستحيل يضيع تعبك

كل الضغط دا ملوش اي سبب غير أن الأهل مشيين على العهد اللي هم كانو فئة زمان و لسا فكرين أن الثانوية بتحدد المستقبل و دا كلو دلوقتي كلام في الهجايص للأسف

مكبرين المواضيع

هو تقربيا نا وحيد الي في دفعه الي معنديش ضغط ولا توتر حاسس ان الناس مكبر حوار علي فاضي