المشكله مش مشكلتي هي مشكله صديقه ليا.......كل حاجه بدأت من تالتة اعدادي وكانت دحيحة ما شاء الله لحد ما ظهرت نتيجه الترم الاول ولقت ان جموعها كان قليل(مش قليل ان يأثر تدخل ثانوي ولالا بس اخوها من الاوائل في ثانوي عام فهي بتقارن نفسها) من يوم النتيجه وهي شايفه نفسها فاشله جدا ومع ان دخلت ثانوي بمجموع عالي بس لحد الان شايفه نفسها فاشله وبتكره المدرسه كره مرضي وبتعيط كل يوم ومتوتره بسبب او بدون سبب وده ماثر علي حياتها اليوميه لدرجه ان بقت مش بتحب تضحك او تخرج لان شايفه نفسها متستحقش ده وان هي فاشله وشكلها وحش وتخينه (انا بقولها العكس) ممكن الموضوع يبان تافه بس انا عشت معاها سنتين او اكتر ومريت بكل ده معاها وبفضل اكلمها يمكن للفجر عشان احيانا بحس ان هي وصلت لمرحه ان تعمل في نفسها حاجه لان علطول بتدعي بده...... مش عارفه اعمل معاها ايه ووضعها مزعلني جدا لان بدأ يأثر علي مستواها وهي هتدخل سنه تحديد مصير فمينفعش تفضل حاطه نفسها في الضغط النفس ده كتير
يا سطا قولي لها زعلك دا بسب شيطان هو بيفرح بزعلك وي الرسول عليه الصلاة والسلام كان بيستعيذ من هم وي حزن قولي لها ارضي بي قضاء ربنا انتي رضيتي أو لا دا مش هيغير حاجه فا ارضي
انتي صديقة تحفه ليها عامة انا كنت نفسي في حد بيفكر فيا زيك انتي وصاحبتك كده انا حصلتلي نفس المشكلة زمان لما كنت قدها وطلعت الاخيرة في الترتيب مع اني كنت نفسي اطلع الاولى ولكن لمشاكل كتير في اللجنة والناس الي كانت بتغش وخناقاتي معاهم طبعا المجاميع عليت وانا الي مكنتش بسيب الكتاب طلعت الاخيرة قعدت سنة من حياتي بعيط بس متخيلة؟؟ سنة في اكتئاب وحزن عشان شوية درجات لا عشان كنت بقارن نفسي لحد في اولى ثانوي طلعت التانية على الدفعه وقررت اني مقارنش نفسي تاني لان كل واحد ليه رزقه وليه ظروفه وايا كان الي حصل فهو قدر من عند الله وده مش يقلل مني انما ربنا بيسبب اسباب معينة عشان نخرج بيها بنتيجه احسن من الي احنا فيها يعني درجتها ديه احسن ليه لو كانت طلعت الاولى والله العظيم خليها تذاكر وقوليلها ان كل ده هبل اساسا وهتدخل ثانوية هتفهم ده وان العبرة بالنهاية
بجد نفسي تلقي حل عندي نفس المشكلة مع صديقة