منذ 5 ساعاتيشعر بـ مرتبك
دلوقتي انا طالبه في ثانوي و عندي واحده صحبتي جدا يعني أقل حاجه بنتكلم ساعتين في اليوم المهم كذا حد يقولي انها بتغير مني عشان انا متفوقه مع العلم إن هي برضو متفوقه جدا بس انا بدأت الاحظ اوي بقا غيرتها آخر فترة جامد يعني مثلا انا قفلت في امتحان و هي جابت أقل مني راحت سألتني باخد درس فين مع العلم إنها بتاخد درس في الماده دي اصلا و جت معايا عند المستر بتاعي و مثلا كنا بنحل في المدرسه و انا خلصت حل قبلها و المستر قالي برافو ف تاني سؤال بقا لقيتها بتقول انها خلصت ف المستر جه يشوف لقى السؤال محلول غلط ف قالها لا غلط ف قالت اه معلش دي سرحت مني عشان كنت بحاول اخلص قبلها (انا يعني) و كدا بقا حاجات كتير صغيره بس كلهم سوا كبار اوي ف انا المفروض اعمل ايه
حرفيا كأنك بتحكي قصتي وانا صغيرة قدك انا جيالك من المستقبل وبقولك دي هتأذيكي نفسيا جدا طول ما هي صاحبتك الحل الافضل تبعدي عنها الناس دي بتبقي مريضة وملهاش علاج غير البعد
انا لو الزمن رجع بيا كنت قطعت علاقتي بيها من زمان عطلتني عن حاجات كتير وعلاقات اجتماعية كتير كانت بتغير مني حتي في الصحاب للاسف كنت بسيب كل الناس واختارها عشان كنت بحبها وساذجة خسرتني ناس
كبري دماغك وركزي عل نفسك وخلااص
الموضوع دا بيبقي صعب خصوصا لو انتوا دايما بتقعدوا جنب بعض او بترحوا وبتيجوا مع بعض حاولي متديش تفاصيل عنك او تتكملي عن أي حاجة بتعمليها