انا شاب عمري 23 سنة في طفولتي المبكرة تشخصت بطيف التوحد حياتي كامل بعيد على الناس وحتى عائلتي ومنقدرش ننسجم معاهم بعدما كبرت شوي نوعا ما تعرضت للتعذيب والاهمال ووو... هاذ الشي خلا فيا تشوهات بزاف وبعد زيارة الاخصائي النفسي تشخصت بالاكتئاب الحاد المزمن وطيف التوحد عالي الاداء واضطراب الكرب التالي للصدمة ووو.. مقدرتش نكمل العلاج عند الطبيب النفسي لعدة اسباب اولها انها حاجة كانت فوق استطاعتي عشت حياتي في عزلة عن الناس منقدرش نكون قريب ليهم ومنقدرش نعاشرهم ولا نكون علاقات عشت في فجوة بين نفسي والمجتمع وتعذبت بزاف من كثرة الصدمات لي جازو عليا بسبة الاهل حاليا كل يوم نحس بالوجع في قلبي من كثرة الانفعالات والانهيارات لي يحكموني والافكار المرافقة لهاذ الشي اما تكون افكار انتحارية او رغبات في القتل او الايذاء حاس روحي حنهبل ونخرج من عقلي منقدرش نرقد الليل وحتى ماكلتي منقدرش ناكلها مدبرس وداخل تحت سبعين ارض وليالي كامل يجوزو عليا عذاب رغم اني من سنوات نحاول نعيش كأني شخص عادي كيف اي بنادم لكن عجزت والله جيت نحكي بسك كرهت الكسور والجروح والوجع هذاك وحياتي كاملة نردو لقلبي معنديش ممبا نص بنادم فحياتي بش يسمعلي ولا يفهم عليا ولا يتوالم معايا بش نقدر نرتاح معاه ونحس روحي شخص طبيعي