صلي استخارة ثلاث ايام وخدي الخطوه اللي انتي حاسه بيها من غير ما تكلميه في الثلاث ايام دول وربنا يقدملك اللي فيه الخير

بصي يا ستي إنتي مش مأفورة ولا ده أوفر ثينكينج ده حد بيلعب بيكي وللأسف الجملة الأخيرة بتاعة مش هخليكي تندمي إنك عرفتيني دي جملة تقلق جدا وبتبين إنه شخص مسيطر وعايز يمشي الأمور على مزاجه هو وبس فكرة إنه يرفض يتكلم في رسميات ويقولك نستنى لما المشروع يخلص ده تضييع وقت صريح لأن اللي عايز يدخل البيت بيدخله من بابه حتى لو لسه بيبدأ مستقبله لكن إنه يسكتك ويقولك متفتحيش الموضوع تاني ده قلة احترام لرغبتك وخوفك والتحول المفاجئ في أسلوبه وتهديده المبطن ده علامة خطر كبيرة جدا نصيحتي ليكي اوعي تندمي إنك سألتي عن حقك بالعكس إنتي لازم تقلقي من الشخص اللي بيحاول يحسسك بالذنب عشان عايزة علاقة واضحة الشخص ده مش مريح والهروب منه دلوقت نص غنيمة قبل ما تتعلقي أكتر وتلاقي نفسك ضيعتي وقت في سراب حافظي على كرامتك واللي بيحب بجد بيطمن مش بيرهب وبيهدد ويقفل الكلام بأسلوب جاف كدة فوقي لنفسك وابعدي عنه فورا لأن البدايات دي أخرتها وجع قلب كبير وما تسمحيش لحد يخليكي مرعوبة في علاقة المفروض إنها سكن وأمان ليكي ودلوقت إنتي لسه على البر فكري بعقلك قبل فوات الأوان ونحن هنا دايما لو حابة تفضفضي أكتر وتخرجي اللي جواكي في

بثي حاولي تعرفيه كويس موش موضوع تتخطبوا وخلاص بس بعد الجواز حاجه تانيه خالص فهماني

بصراحة موضوع المشروع دا حتى لو عملو مش مضمون 100% انه هينجح فإذا هو مش واقف على ارض صلبة لو حاسة انه بيلعب خلاص سيبيه ولو حاسة انه نش هو دا الشخص اللي كنتي عايزاه خلاص سيبيه اهم شيء الامان فالعلاقة لو مش حاسة بالامان دا اهربي

هي البدايه غلط الصح انك تقطعو وهو لو ناوي بجد لما يعمل المشروع يتقدملك عشان تبقى بدايه ترضي ربنا وهو لو بيخاف عليكي فعلا هيتفهم ده لكن ده مش صح انكو تتكلمو منغير ما اهلكو يعرف في اطار شرعي وعايزين تتعرفو الخطوبه معموله للتعارف اصلا

بحبيبتي حرام حرام حرام ابعدي عنه مش هتستفيدي حاجه

احسن .خلاص كنت هقولك لو عارف اهلك وكد يجي يتقدم امال لو عارفاه اونلاين فاهربي لان اغلبيه العلاقات دي مبتكملش

مش مطمنه حاسه انو قاعد بيلعب بيكي وعلشان نقطع الشك باليقين وقوليلو معاك رقمي لما تبقي جاهز تعال اتقدم وقفلي كلام معاه من دلوقتي