انا اسفة لو البوست طويل بس ياريت تقولولي انا غلطت ف حاجة ولا لا علشان اريح ضميري جماعة انا كنت مرتبطة بواحدة ليا شهور وهو من محافظة وانا من محافظة واحنا قد بعد ف السن المهم اني سبته بسبب شئ عمله وانا كنت بتصرف برد فعل هو ف اخر ايام بينا كان يبعتلي مسدج وانا كنت برد عليه ويختفي باقي اليوم وممكن اليوم الي بعده ويرد عليا تالت يوم وبعدها كنت بسئل عليه بقوله فينك رد بعد فترة وقالي انه تعبان وصاحب مرض واختفي من تاني وانا من اول ما قالي انه تعبان كنت ببعتله اتطمن عليه كل شوية وكل ساعة بس هو كان مختفي ومش بيرد عليا وف نفس الوقت الي كان مختفي فيه ومش بيرد كان بيقعد ينزل استوريهات ولما عدي وقت طويل مردش عليا قولتله عايزة اتكلم معاك راح رد عليا بعد فترة برضو قالي تعبان نفسيا وسافرت اشم هوا وسألته هو في ايه وحصل معاك حاجة ولا ايه راح قالي انه نفسيته تعبانة وعنده مرض بشع وظروفه وحشة ف انا دعيتله ان ربنا يشفيه ويعينه ويخفف عنه وقولتله يطمني عليه كل شوية ودعيتله ان السفرية تفرق ف نفسيته وتكون احسن شوية بس مردش عليا خالص بعدها ولقيته بعدين منزل استوريهات وصور وخروجات وبعدين بليل بعتله اذا كان اكل ولا لا واديتله وقت يرد بس مردش عليا برضو ف مسحت الرسالة ومعدتش دقايق لقيته بيقولي علي فكرة انا علي فكرة انا شوفت الرسالة ومش فاهم بتمسحي ليه ودي حركة بتعصبني وانا نفسيا متدمر ومش بكرف ولا الجو ده ف رديت عليه قولتله انا مسحت لما اديتك وقت ترد وانت مش بترد عليا وبتتجاهلني بتتعامل كأني هوا وفي الوقت الي انت شايفني قلقانة هارية نفسي وبتطمن عليك انت مش بترد و مش قادر ترد عليا ولا تتكلم معايا تقولي مالك بس عندك الطاقة انك تنزل استوريهات ولا هي كده معاك ف انا مش عايزة اضغط عليك وكان طبيعي اني اسحب رسالتي راح قالي والله؟ الي شايفاه اني بتجاهل مش ان نفسيتي متدمرة وغير كده انا شايف برود منك وفين قلقك ده بس اشطا وافتكري انك كنتي كده معايا ف وقتي الصعب ف رديت قولتله انا كنت كل شوية ادخل اشوفك رديت وطمنتي ولا لا ومبعملش حاجة ف يومي غير اني مستنية رد منك وكنت بدعيلك دايما ف الاخر تقولي فين قلقك ده وطول ما انت مش بترد انا بلاقيك بتنزل استوريهات وسايبني لوحدي وانا لو مش قلقانة كنت من اول مرة مردتش عليا فيها انا مكنتش بعتلك تاني بس انت شايفني هارية نفسي مسدجات بتطمن عليك فيها وانت مش بترد عليا غير لما تفتكر بس راح شاف رسالتي ومردش تاني خالص واديته ايام علشان يرد فيها واكون عملت الي عليا ومردش خالص ف عملتله بلوك ، هو انا كده غلطت ف حاجة ؟
لا انتي صح بس انصحك متدخليش في علاقة تانية زي كدا ومتحكميش على الكل إنه كدا ... خدي وقتك واهدي وطلعيه من دماغك عارف إن أول فترة هتمر بصعوبة وانا عارفها ومجربها بس هتعدي متقلقيش و هتمر بعدها بقى اهتمي بنفسك واهلك و قربي من الله سبحانه وتعالى ولحد م حد يتقدم لك ، متشغليش بالك و اتعلمي وكوني جاهزة للحياة ربنا يبعد عنك كل سوء ويكفيكي شر الناس ويراضيكي ويرضى عنك ويسعدك
كنتي المفروض إنك تخرجي من العلاقة ده أول ما لقيتيه مش بيرد عليكي و بينزل أستوريهات إنتي مش غلطانة في حاجة يا روحي طول ما أنتي أديتيله الحب و الأهتمام المطلوب منك عشان علاقتكوا تكمل هو اللي كان بيمثل إن هو عيان عشان يكون في عذر إنه ميردش عليكي لانه كان عايز يسيبك من بدري و إنتي تستاهلي واحد أحسن منه مليون مرة و يبادلك نفس الشعور
هو الغلط الوحيد الي في الموضوع وغلط كبير اوي اصلا هو انك بترتبطي وتكلمي شباب عادي كدا!
وساعات لما كان بيكون في خلاف بينا كنت بقوله اني بقلق فكان يقولي اني باردة وفين قلقك والكلام ده برضو الشخص ده كان بيتصرف تصرفات كان بيخليني احس اني كنت لوحدي في ال relationship دي واني اخر اهتماماته كنت لما بقوله اني تعبانة كان يقولي سلامتك بعدها يرجع يتكلم ولا كأني فيا حاجة مكانش بيتطمن خالص عليا ولا كان بيسالني عاملة ايه ف يومي حتي لما قولتله انت مش بتسأل عني خالص راح ضحك علي كلامي وقالي اومال انا مطحون ف الشغل علشان مين مش علشانك وعلشان اجي اتقدملك قولتله برضو المفروض تسأل عني كل فترة علشان احس بأهتمامك ، حتي ف يوم عيد ميلادي مكانش مفتكره اصلا ولما قولتله قالي هابي بيرثداي ..حسيته وقتها بيقولها تقضية واجب بس..وبرضو كان يقعد ايام ميبعتليش ساعات كان يبعتلي كلمة ف وسط يوم ويختفي تاني وبرضو ساعات كنت بفضل مستنياه طول اليوم يخلص شغله علشان نتكلم ولما يخلص ويبعتلي ونكون خلاص هنبدأ كلام يقولي معلش جاي من الشغل مش شايف قدامي وتعبان وبكره هظبط واكلمك بس ياجي اليوم الي بعده ونفس الشئ بيتكرر