تجاهل

شباب نعمة الصحاب دي م موجودة عندي و لما جيت ادور علي صحابي لقيت ان انا اللي دايما بسأل انا اللي بطمن دايما عليهم مفيش حد بيسأل عليا او يبعتلي يقولي عامل اي حتي دا بقا يرجع ل اي انهم عندهم صحاب تانيين بيطمنوا عليهم ولا اني شخصية لا أُطاق ولا اي ب الظبط ؟

متعرفة ع شخص من فترة وشوية يلمح انه عاوز يتقدم وشوية ميكلمنيش خالص لمدة و فيه لعبة مشتركة بينى وبينه بندخل نلعب وكان بيدخل معايا انا وصحابي ميتكلمش ولو اتكلم كلامه موجه ليا جه إمبارح دخل معانا قعد يهزر جامد أوى مع صحابي ويناديلهم بإسم دلع وبعتلهم ادد والمفروض انى كنت حاكية ل صحبتي عليه وقيلالها ان فيه اعجاب منى وانه بيلمح علطول ولقيتها بتقولى انا قبلت الادد بتاعه معرفش ده صح منها ولا غلط بس اتدايقت ومبقتش حابه الحوارات دى وبفكر اغير اكونت اللعبة ب اكونت تاني ومضيفش حد عليه ولا اضيفه هو ولو فيه كلام برا اللعبة يبقي ع القد بدل مهو بيلعب بنفسيتي

السلام عليكم معرفش ليه اخترت جوافه مع اني بكرها و مستحيل اكلها (جلد ذات) عندي مشكلة يعني هي ممكن تكون مش كبيره بس هي كبيره بجد يا جماعه انا بتضايق من اللي بيتجاهلنيي. بحس دماغيي هتنفجر من التفكيرر طيب ليه؟؟ يربيي بجد الموضوع بجد صعب بالنسبالي و خصوصاً لو شحص مش فارقلي و بيتجاهلنيي!!!! يعني الموضوع بيبقى اصعب بصراحة (حساه مرض نفسي بس ماشي) المشكله اني ببان مش فارقه بالنسبالي اتجاهلتني او لا بس انا من جوه حرفيا دماغي هتنفجرررر مرض نفسيي

جماعه انا اكتشفت ان صاحبة عمري بتغير مني وبتكره ليا الخير الغريب ان حياتها مرفهه عن حياتي اهلها مهتمين بيها زيادة ربنا يخليهم لهايا رب وكل اللي نفسها فيه اوامر ودا شيئ حلو جداً طب ليه بنت حياتها كدا تغير مني انا ونا مش بحسد والله ربنا يزيدلها ويبارك لها بس انا يمكن اقل منها مادياً بكتير حياتي فيها صعوبات ومش مرفهه خالص انا شايلة بيت لوحدي ومامتي سايباني انا شوفت ايام كتير في حياتي صعبه وهي اكتر واحدة عارفه دا ليه لما تعرف خبر حلو حصلي تتجاهلني ووشها ينقلب وحرفيا متعرفش تبين فرحتها مقارنتها بيا بتبان في اقل الكلمات زي انها تقولي انتي ليه دايماً عايزه تحسسيني انني قليلة عشان كنا بنراجع امتحان ونا كنت حليت كويس وهي مش واثقه مع انها بردو متفوقه عني بكتير ودلما طلعت الأولي بجد كنت فرحانة بجد وهي زي ما يكون مش مصدقه اني فرحانه ليها عمري ما تجاهلت ليها انجاز ولا استكترت عليها نعمة وهي مع انها عارفه حياتي والصعوبات اللي مازلت بمر بيها من صغري ما شفتش راحة وبتستكتر عليا اي فرحه وتفسدهالي بطريقتها.

انا بقيت بعرف ارد وهين اي حد قدامي لما يديقني غي الكلام مس زي الاول بعدي وكبر دماغي بس مع نفسي بقول ليه ما تكبر دماغك زي الاول الكلام مش بفلوس كلو هيكلم ليه تخلي الناس تشوفك وحيش بس بقيت بتعصب اكتر لما مردش طب تيه الحل

كان في واحده صحبتي كنا مع بعض من تلات سنين ولحد دلوقتي مع بعض بنتكلم عادي بس من اول الترم ده واحنا مش بنتكلم معرفش ليه هي شيفاني بعطلها مثلا ولا مكاني اتغير عندها مش بتطمن عليا عكسي كنت ببعتلها بتاع اربع مرات ورا بعض انا اللي بسال لما بتغيب ، هي معندهاش مشاكل لما بكلمها بتقولي امتحانات مع اني نفس الكليه وعندي امتحانات زيها ، بس بعدي الموضوع بقيت مكبره دماغي منها حتي دلوقتي مش زعلانه بحلل بس المواقف لاني مستغربه ، في مواقف صغيره عملتها بس فرقت معايا زي مره كنا فاكتفتي وسالوها تحبي تشتغلي مع مين لو كنتو مع بعض فتيم فاختارت كذا حد تاني غيري عكسي انا اختارتها ، بردو موقف تاني كنا رايحين مكان بس هي وانا ركبنا من اماكن مختلفه فبقولها لما توصلي رني عليا فوصلت و ركبت المترو كمان و كنت واقف عند السلم برن عليها قالتلي انها ركبت طيب مفرقتش عشر دقائق أو كنتي رنيتي بس متكلمتش عادي، دلوقتي هي اللي متغيره و بعتتلي من اسبوعين بتسلم وبتقولي أنها مقصره فقولت عادي و رديت وهزرت مردتش عليا بعدها علي كلامي و بتعرف تنزل استوريز علي كل البلافورم بس مش بتعرف ترد عليا ف مش عارفه هي ليه بتعمل كده مع اني بمتحن زيها عادي هي دلوقتي مش فارقه معايا عادي بس لما بفكر بستغرب

جمااااااااااااعة سؤال ... انا بنت و كل ما بقابل شخص معين كده الاقيه مسك الموبايل يلعب فيه أو يبص ع الورق اللي ع المكتب قدامه مع أن ديه مش طبيعته مع كل الناس و هو كل يوم اصلا بيقابل بنات كتير جدا ده معناه ايه

بتعملوا ايه لما حد يبعد فجأه؟ يعمي تكون بتكلم شخص كل يوم وفحأه يبعد او كان فيه اسباب بس كنت مفكراها مؤقته وانشغال بس لا الوضع مش بيتغير عاتبت مره واتنين ومفيش فايظه اعمل ايه ؟ انا مضايقه من الشخص بس في نفس الوقت واحشني

محتاج حل دلوقتي صحبي الوحيد الي بثق فيه و بعزه و حرفيا هو عارف كده و يمكن بعمل حاجات معاه مستحيل حد يعملها دلوقتي هو فجاه مبقاش يكلمني زي الاول و لما كنا بننزل الجيم كان بيكلمني دلوقتي مبقاش يكلمني و ينزل منغيري و اعرف صدفه و بقيت كل ما اكلمه نعمل حاجه يقولي مش فاضي بس بيعملها مع حد غيري و قبل ما حد يروح يقولي كلمه و اساله هو مش الشخص الي لو سالته في اي او متضايق من نحيتي هيرد او يقول بس هو اخر فتره تصرفاته كانت تقيله من نحيتي و كان المبرر انه مبقاش عنده طاقه ليا عشان شايف اني بتنذف طاقته

عندي واحد صاحبي و كان صاحبي جدا في اولي جامعه و فضلنا اول صحاب جدا و من تاني سنه بدأ يتغير معايا و بقي لما يشوفني في الجامعه يخبي وشه و يتجاهلني و يمشي و يسيبني و اسلوبه معايا لما اعاتبه واتس كان وحش و كان بيقولي انا اتغيرت و ابعد عني و مش عايز اعرفك تاني و لما سألته انا عملتلك ايه يقولي انا معنديش نشكلة شخصية معاك و انا مليش في حوار البيست فريند فا بقوله بس انا دايما بلاقيك ماشي مع صحابك في الجامعه و بتكلم عادي و بتهزر و انا بتعاملني وحش جدا يقولي لا انا بتعامل مع كل الناس نفس المعامله كل دا تاعبني جدا و خنقني لاني اتعلقت بيه جدا بس بعد كدا اكتشفت انه بيعمل مع صحابه اعمال لوطيه في الاول شكيت بس لما واجهته قالي جايز يبقي عندك حق بس بعدها انكر بشدة جدا الفكرة اني معنديش صاحب غيره و حاولت مع ناس كتير بس هو كان اكتر حد بيفهمني و بندمج معاه و عكس اغلب الناس مش شبهي دلوقتي المشكلة اني دمي بيتحرق كل مرة اشوفه في الجامعه و افتكر معاملته معايا و في نفس الوقت اشوفه مع صحابه بيتكلم عادي و بيضحك و بيهزر و بيخرج معاهم و انا بيخبي وشه كل لما يشوفني بقالنا سنه و نص كدا و نفسيا بتعب جدا لما كل مرة يخبي وشه مع العلم انه بيعمل كدا حتي و انا مش بحاول اتعامل معاه مجرد اعدي من جنبه اتعامل ازاي مع احساس الخنقة دا كل مرة بيتجاهلني بالشكل دا حتي و انا بعيد عنه او لما اشوفه صدفه و لما اشوفه مع صحابه بيهزر و بيضحك و انا بيعمل معايا كدا و عايز افهم هو ليه بيخبي وشه و بيتجاهلني و لو افترضنا انه عشان مش عايزني احتك بيه هو و اصحابه عشان معرفش اللي بيعملوه دا فا هو مستمر في كدا حتي بعد ما انا اكتشفت و واجهته يبقي ليه مستمر في تخبية وشه ما انا خلاص عرفت و ازاي هو مش حاسس بالذنب انه بيعاملني كدا بقاله سنه و نص

حاسه اني عايزه اعمل حاجه او اقول كلام متهور لان متضايقه من جوايا بس فنفس الوقت مفروض اتعامل عادي تقريبا .هل طبيعي لما شخص يكون مخنوق لان عنده مشاكل فالشغل و البيت يقوم يختفي وقت طويل يعتبر يومين هو مجرد فتح سأل اخباري ايه و يقفل و مكنش بيرد علي سؤالي عليه . انا مقدره شعوره و مضغطتش عليه ولا قولت حاجه لسه بس تصرفه خلاني اقلق و اتضايقت مش مفروض لما يكون قرفان من كل حاجه و زعلان يجيلي انا ؟ مثلا يشاركني تفاصيل او نتكلم فحاجه بعيده نغير مود ولا انا المش كفايا و مش مقدرني و متعاملش ان فعلا بارتنر

هو كان بيتحايل عليا افضل لما كنت همشي و هو مش عامل حاجة كبيرة عشان بس كان بيتخانق كتير و انا تعبت ، دلوقتي هو غلطان فيا غلط كبير و سايبني بقاله ٤ ايام من بعد ما عملتله بلوك معبرنيش، فين اللي كان بيعيط و يترجاني ارجع ، ايه اللي حصل؟

انا صدمت فيه الشخص اللي وعدني وطلع كداب كان متجاهلني وهو اونلاين كنت برد بيقفل في وشي ومبيردش علي مسج معرفش ليه بيعمل كدا م قد الوعد متوعدتش مكنتش تكلم اهلي حاسه بخيبه امل كبير مبقش عندي ثقه في حد حصلي تروما

هل المشكلة ممكن تتحل بالتجاهل؟ زي مثلا مشاكل الشخصيه و التعامل مع الناس و الرهاب و المقارنه و كده بتتعبني و بتاخد مساحة كبيرة من تفكيري و بتشغلني عن حاجات تاني كتير فهل لو اتعايشت عادي و اشغلت نفسي المشكلة هتتحل؟ عشان حاسه اني مدياها اكبر من حجمها بس هي فعلا مستنزفه كل طاقتي و يكاد اغلب مشاكلي هنا عالبرنامج حوالين الحوار ده

عمرك ندمت إنك تجاهلت ➕👤 من حد عجبك؟ حتى لو حسيت إنه مش مناسب ليك؟ ولا مقتنع إنك عملت الصح؟ ساعات بنفكر يمكن كانت فرصة حلوة تضيع ليه ؟، ولو رجع بيك الوقت كنت هتديها فرصة ولا هتسيبها زي ما هي؟ قولوا بصراحه

انا مش قادره افهم ليه ممكن بني ادم يقرر يدخل حياه حد يدمرها ويختفي من غير حتي ما يقول معلش من غير ما يواجه حاسه اني تعبت من كتر التفكير والاسئله الي ف دماغي مش بتخلص مقصره علي حياتي وتركيزي وطاقتي انا ابان من برا اني كويسه بس انا من جوايا محدش حاسس بيا حتي اكتر شخص عارف قد ايه انا اتاذيت ف حياتي قرر هو كمان ياذيني يقولي كلام حلو وانا مقدرش ابعد عنك وف الاخر يختفي حتي ف وقت زعلي كل الناس الي كنت معاهم ف الوحش قبل الحلو محدش جنبي محدش بيسال عليا حتي اختفيت يومين ملقتش حد بيقولي عامله ايه انا اه بعمل كل حاجه من قلبي ومش مستنيه مقابل من حد بس ليه حتي مفيش تقدير ليه الناس بقت وحشه كده يبقي شايفين منك كل خير وهما يردو ليك الخير با اوحش حاجه عندهم

هي رسالة طويلة شوية انا عندي واحد صاحبي في اولي جامعة اتعرفت عليه في اول اسبوع جامعه لينا و اتصاحبت عليه و كنا بنتكلم بشكل شبه يومي علي الواتس كتير اوي بس مكنتش بشوفه في الجامعه لانه في جروب مختلف عني و فضلنا اول سنه كلها بنتكلم كتير جدا و كنت اول مرة في حياتي اتصاحب علي حد كدا لاني مكنش عندي صحاب الا نادرا جدا و كان هو صاحبي الوحيد في الجامعه و اللي جذبني فيه انه كان كتير اوي بيبادر معايا و هو اللي يبعتلي الاول و ساعات يتصل بيا و كمان انه كان في بينا كميا و انا شخصيتي بالنسبة لاغلب الشباب مش بلاقي حد شبهي خالص و لا في كيميا هو كان الكلام بينا كان بيجيب بعضه و كنا مرتاحين لبعض و اتعلقت بيه جدا لاني محدش كان بيهتم بيا كدا و شبهي في نفس الوقت بس فجأة في سنه تانيه لقيته ابتدا يتغير و كلامه معايا واتس بقي مش بيبادر الا قليل جدا و حتي في الجامعه بدأت الاحظ اني لما بشوفه كذا مرة الاقيه بيخبي وشه و بدأ يتجاهلني و لما واجهته واتس لان دا مكان تعاملنا الاساسي كان يعقد يقولي انت بيتهيألك و انا مش بتجاهلك و متغيرتش و فضلنا فترة كدا لمدة ست شهور تقريبا و كنت بتخانق معاه لاني لاحظت فعلا انه بيتجاهلني لما يشوفني في الجامعه و بعد كدا بقي يقولي في وسط الخناقات انا مش عايز اعرفك تاني و متبعتليش تاني و اقوله انا عملتلك ايه يقولي انا اتغيرت و مفيش مشكلة شخصية معاك فا بقوله بس انا بشوفك في الجماعه ماشي مع صحابك عادي يقوم يقولي انا بتعامل مع كل الناس زي بعض و المهم دلوقتي في سنه تالته انا شكيت انه بيعمل مع صحابه اللي بيمشي معاهم في الجماعه افعال لوطيه لان حصل كذا تلميح قدامي و كذا حاجه و لما واجهته واتس قام قالي في الاول جايز يبقي عندك حق انا مش شيخ بس بعد كدا انكر بشدة و قالي دي عيوبك و مشاكلك انت و بتحاول تطلعها فيا و كلمني باسلوب وحش جدا و قالي ابعد عني خالص و قولتله دي سكه غلط قعد ينكر و قعد يغلط فيا و يقولي دا انت اللي بتعمل كدا و لما شوفته في الجامعه بعدها بيومين كان باين عليه التوتر جدا هو و صحابه و حتي بعد ما قولتله متقلقوش مني مش هأذي حد فيكو (اقصد مش هفضحكوا و اقول لحد من باب يعني اني استر عليهم) بس دا ميمنعش ان دا حرام و قعدت احذره من ان الموضوع دا كبير كان بيرد عليا بمنتهي القسوة و شوية ينكر و مرة واحدة الأقية يقولي ادعيلي و يقولي متبعتليش تاني و اقوله هو اشمعنا انا اللي ماسك في العلاقة دي يقولي البلوك موجود اهو اعمله طب انا عايز افهم هو ليه ميعملوش هو و خلاص ليه بيقولي اعمله انت مش قادر افهم و في نفس الوقت الاقيه ساعات لما اكون مش باصصله في الجامعه بيبصلي نظرات حزن كدا بس لما عيني تيجي في عينه يبص بعيد او يمشي و لما آجي امشي و هو ماشي و نشوف بعض يبص بعيد او الناحية التانيه و يخبي وشه ساعات او يديني ظهره مع اني كتير قولتله اني بتعب من المعامله بتاعته دي بس هو مستمر انا مش فاهم ايه سر التناقض دا و ازاي هو مش حاسس بالذنب انه بيأذيني بكدا مع اني قولتله كتير ان دا بيأذيني و ايه اصلا هو بيعمل كدا حتي كمان بعد ما قولتله اني فهمت ليه هو مستمر في كدا انا مش فاهم حاجه و كمان انا قلبي بيوجعني لما كل مرة بيعقد يخبي وشه لما يشوفني و يمشي و يسيبني لما كنت بحاول اكلمه و احاول معاه و يعقد يعمل نفسه بيتكلم في التليفون كل ما اشوفه صدفه في الجامعه بس في نفس الوقت بيروح يكلم صحابه التانيين عادي و يهزر معاهم انا بتعب جدا لما بشوف كدا و حتي لما قررت اني ابطل و عملتله بلوك من كل حته هو مستمر برضو في انه بيخبي وشه و الحركات دي و انا بتعب منها حتي مش بيبص قدامه عادي كأنه ميعرفنيش لا دا بيبص الناحيه التانيه كل ما يشوفني بس لما اكون مش ببصله الأقيه بيبصلي دا غير كمان اني متعلق بيه جدا لاني زي ما قولت هو الوحيد اللي حسيته شبهي لاني حاولت مع اغلب الدفعه محدش فيهم كان بيفهمني زيه و الكلام بينا بيروح و يجي عايز حل اتعامل ازاي مع احساسي بالخنقة لما الاقيه بيخبي وشه او بيعمل الحركات دي حتي و احنا مش بنكلم بعض و لما الاقيه بيهزر مع صحابه لما اشوفه في الجامعه صدفه و افتكر انه كان بيعاملني كدا و بيتعامل مع كله عادي من غير ما اعمله حاجه و عايز افهم هو ليه بيبصلي نظرات حزن لما اكون مش شايفه ايه سر التناقض دا؟و ليه كان بيخبي وشه و بيتجاهلني و مازال ؟

كل ما راح أنام يجيني سؤال ليش ليش ما عندي حد بيحبني و أكون أنا أولوياته ليش ما عندي علاقة حلوة مع أخوي ألي تربينة زي توأم و على طول بيتجهلني ليش أنا أعطي كل وقتي لناس باه نفهمهون و ننصحهوم فلمقابل ما نلقى حتى أحد يسمعلي ولا ينصح من قلبو مثلي حتى وليت نكره نقص من طاقتي و نمدهوم فلعلاقات لي ما تنفعي ليش ؟!!!

هكلمكوا بصراحة انا مؤخرا بدات احس احساس انا مش حباه بقيت اشوف ان اغلب التركيز على اختي و اني في عيلة ماما بالاخص متنفضة مبقتش حاسه بالانجذاب ليهم او اني احب اقعد معاهم اختي ثانوية السنه دي و طبعا كان في ناااااس كتير قبلها و اختي انا مش فهمه ايه لازمته بس ماشي مع اني مكنتش بعمل كده حتى مع اختي (ملحوظة هى الكبيرة ) بقت تسال ده و ده و ده عن السنه دي بس المشكلة اني ملاحظة انها بتسال ابن خالتي ابن صاحبت ماما و واحد كمان بس ابن خالتي و ابن صاحبة ماما قد بعض كانوا السنه الي فاتت اما الثاني ده ابن صاحبة ماما برضوا اكبر منهم بسنه المهم انا ملاحظة ان هى مش بتسال غيرهم و هم بيسالو عليها كذالك بيشوفوا هى وصلت لايه هى بتسالهم في حاجه فالمنهج او ازاي كانوا ماشيين المهم انا بدات اضايق خصوصا ان الموصوع ده زاد اوي الفترة دي جامد يمكن اخر شهر و انا اتخنقت و كل شوية ماما تقعد تتكلم معاها على المنهج و بجد انا اتخنقت و اضايقت و اشوف اهتمام كبير اوي من ابن خالتي لاختي و انه بيقول لماما هى هتطلع بمجموع عالي و هتدخل هندسة ان شاء الله ماشي الكلام بسطني بس الفكرة ان هى قريبة منه و من بقيت افراد العيلة فالمقابل انا اصلا محدش بيفكر انه بكلمني عارفة كلامي مش مترتب بس بجد انا عايزة اتكلم فيس تو فيس انا اختي مش مضايقة منها و اتمنى ده ميحصلش لاني عمري ما غيرت من حد و عمري ما فكرت كده بس والله الموضوع خانقني انا بقيت احس ان وجودي زي عدمه انا مقدرش اقول كده قدام ماما هتفكرني بدور على الاهتمام بس والله انا مش كده و مش عايزة حاجه من حد دايما ماما راسمة لينا وضع و انا ليا وضعي قليلة الكلام مليش فالحوارات و مش بتكلم في اي حاجة ملهاش لازمة (اصلا محدش بيسمعني لما بتكلم ) مبقتش حابه اتواجد عند عيلة ماما نهائي الموضوع بقى بيوجعني بقيت احس اني مش متشافة اصلا مبقتش اتكلم و حاسة بخنقة اوي كل ما بكون عايزة اكون معاهم و انسى احساسي الي بيكون في كل قعدة شبه الي قبلها و الي بعدها بقيت ارجع أسوأ من الاول احساسي كل مره في كل قعدة بيكون هو هو مع ان مفيش اي حاجه بتحصل انا والله مبقيت فهمه في ايه انا مش بدور على الاهتمام بس بقيت بدور على الامان و الراحة انا مش عارفة ليه حسيت كده بس بدات احس ان اختي واخدة كل حاجه حتى كنا في مناسبة و كان فرح و اختي عملت فستان فصلته و حضرنا الفرح وانا كنت جايه بطقم كان حلو اوي بس فالاخر لقيت انه اختي هى الي لفتت الانتباه انا مكنتش واخدة بالي اصلا و كنت مبسوطة و شايفة ان شكلها حلو لكن الي ضايقني الكلام الي اتقال بعد كده كلو علق على فستانها و قال انه حلو و فضلو بعد الفرح باسبوع يقولوا ان الفستان حلو و فين و فين بقى لما ماما افتكرت و قالت ان بلوزتي كانت حلوة اضايقت اوي اوي و حسيت اوي بالوجع انا عمري ما فكرت كده بس والله انا نفسي حد ياخدني بالحضن و يسمعني منغير اي مبررات و منغير اي تعليقات او يقطعني فالكلام اختي لما بتقعد مع اهل ماما و اهل بابا بتكون هى فالاغلب الي بتتكلم عكس ما انا بكون انا مبعرفش اهزر مبعرفش اتكلم في تجمعات مبعرفش احاور حد في موضوع تافه بس النهارده كنت عند اهل ماما و كنا كلنا متجمعين انا و ماما بس حسيت قد ايه اني ولا حاجه حسيت بالقهره الي هو يعني اختي بس الي بتتكلم اختي بس الي بتكون واخدة الجو امال انا فين انا ليه محدش مهتم يسمعني ليه محدش بيحب يتكلم معايا انا ليه محدش مهتم يسالني عن نفسي انا والله مكنتش كده و ابن خالتي مضايقة اوي و واجعني اوي كان اقرب حد ليا من ساعت ما شلته من عندي و هو مبقاش بكلمني و فهمته قصدي و تقبل ما زال مهتم لاختي مازال بيحب يتكلم معاها زي ما يكون ما صدق خلص مني انا معنديش صحاب و معنديش حد يسمعني زيها بلس حاجه كمان بابا من كام يوم كنت صحيت الساعة ثلاثة الفجر لقيتها جاية تذاكر قولت مش مهم استنى لحد الفجر المهم الفجر اذن و هى راحت تصلي و خلاص قولت هتطلع بره تاني لقيتها جت و فتحت النور و قعدت تذاكر و مش مراعية اني هنام الحركة دي بتحصل من اول السنه الي فاتت و الي قبلها كمان يعني من ساعت ما كانت اولى ثانوي و انا دايما مغلوبة على امري بقعد اشاكل معاها شوية و فالاخر بنام و هى بتقعد تذاكر روحت قولت لبابا قالي استحمليها الفترة دي و مجاش في صفي ابدا ابدا قولت مش مهم لقيت بابا بعدها بيوم بيقولي اعتقد انت لما تبقى في ثانوية انتِ مش هتعملي الي هى بتعمله يعني مش هذاكر و هى نايمة و مش هفضل قاعدة على الكتاب و مبعملش حاجه فالبيت زيها و قالي ان هى مش هترضى اصلا اني اذاكر و هى نايمة و مش هتراعي بمعنى اصح و اني هكون مغلوبة على امري برضوا يعني في كل الاحوال اختي هى الي رائيها ماشي انا مبينتش اني زعلت بس والله وجعتني اوي اوي يااه بقالي كتير مكتبتش كده من حاجه مضايقاني و عيط عليها انا بقالي نص ساعه بكتب عشان بعيط كل خمس دقايق و اسيب الكتابة شكرا للي قرا 🌹

طيب هو بجد انا مش فاهمه انا عملت ايه بصو اتعرفت علي واحد معايه في التمرين المهم اتصاحبنا يوم بيقعد يحب فيا و اليوم اللي بعدوا بيكون dry طنشت انهارده عملت screenshot بالغبط روحت مسحتها قالي امسحيها روحت مسحتها لقيته بيوقلي اتكلمي عدل و انا بجد معرفش انا عملت ايه المشكله انو سابني seen ف اللي هو بجد تمام براحتوا بجد

إني ممكن ملاقيش التقدير إلي أنا عايزاه و جربت كتير اتكلم و أطلع إلي جوايا بس مفيش فايدة برضو مش بتسمع و قليل أما بحس إن في حد مهتم يعرف جوايا إيه وأنا حاسه بإيه و كمان أهلي مكانوش بيهتمو بيا أوي يعني بيقولو لما كنتي عندك تلت سنين كنا بنعملك كذا وكذا بس بعدها مفيش حتى كانو بيضربوني بالحزام من وأنا 5 سنين و ماما بتضربني بالشبشب لغاية ما جسمي بيحمر بس هما برضو بيحاولو يحافظو عليا وكدا فأنا حرفيا مشتتة مش عارفة هما كويسين معايا وأنا ظلماهم ولا ايه و كمان محدش كان بيلاحظ مواهبي أو إني بعرف أرسم ومكانش حد فيهم بيهتم حتى لما ايدي اتكسرت كانت ماما بتزعقلي وبتقولي اني بتدلع مش عارفة في ايه لكن لما كبرت معتش في دماغها خالص ولا حتى بتسألني رايحة فين او جاية منين لا كدا و خلاص شوفي انتي هتعملي ايه واعمليه يعني ولا بتهتم بيا ولا حتى بتعاملني بطريقة طبيعية و كانو بيتنمرو عليا البنات الي في المدرسة و ولاد خالي عشان مناخيري كبيرة مع انها يعني عادية مش عارفة مالهم و بقيت بجد بخاف اوي ابقى تقيلة على حد او ميعبرنيش عشان محسش اني متجاهلة

انو بيختفي بالايام ولما بيرجع عشانو هو ومبيحسش انو غلطان ولما خلص اللي ظهر عشانو بيطنش الباقي كأنو بيتأكد انك موجود ويرجع يختفي تاني وانك بتسمعو وبتحاول تصلحلو مشاكلو ولما كلامك ميعجبش بيختفي زي م كان

موضوع مختلف تمام بحبها من ٤ سنين ودخلت كلمتها شهر ٨ الي فات ولقيتها متجاوبه وقعدنا نتكلم لحد شهر ٣ الي فات وفجاه سكتت وانا كنت منتظر منها اهتمام ب انها تخش تكلمني ومكلمتنيش لحد دلوقتي من العيد حسيت اني قليل اوي واني فعلا مش مصدر جذاب لاي حد واني كنت مجرد شخص عااادي في حياتها رغم اني مميز بكتير عن الجيل بتاعي في حاجات مختلفه ومش شخص تقليدي

هاي اريد تحدث عن موضوع ابي مرة تانية ، اكتشفت انو ماحضر ولادتي و ولادت اختي. هذا الموضوع استفزني كثير كثير ، وانا حائر ليش امي خبت علي هذا ، المشكلة انو عرف انها هتولد لكان عندما قالتلو انها على وشك الولادة تجاهلها وراح للعمل ، ولي اكثر استفزني انو ماتكلم معي ابدا عن خصوص حياتي ، يتكلم معي الا عندما يريد افعال المشاكل ضدي حتى في اتفه المشاكل

انا حاسه ان مامتي مبقتش تهتم بيا أو شايفه أن اي حاجه تحصلي عادي و في نفس الوقت بتعامل اخواتي ب اهتمام زياده يعني في موقف من المواقف كنت بدخل اختي الصغيره للحمام الفجر و جاتلي حاله من الدوخه الشديده و وكنت واقفه مع اختي الصغيره قلتلها تقف معاها عشان حاسه اني هقع رحت و ماما خلصت مع اختي و خرجت مسألتنيش عن اي حاجه و اختي التانيه قالت لماما إن عندها صداع ماما فضلت كل شويه تطمن عليها و خرجت من الغرفه مخصوص عشان تشوفها و دي مش اول مره تتعامل معايا بتجاهل في موقف تاني ماما اتعصبت عليا عشان اتأخرت شويه على اخويا و مجبتوش من الدرس و في نفس اليوم باليل انفعلت على اختي هي هي و والله مكملتش عشر دقائق و نادتها من قططنا قلتلها لأ لإن بتعامل مع القطط كتير و حاسه ان السبب نفسي و مش عايزه اقلها

مساء الخير يا جماعة، يارب تكونوا بخير في بنت أنا معجب بيها، بس هي أكبر مني بسنة أنا شغال صحفي، عرفتها من جروب واتساب، ولاحظت إنها متدربة ومش عارفة أي حاجة خالص، يعني حرفيًا على الله حكايتها، وأنا اللي أشطر منها بمراحل بكتير جدًا، مش بمقارنة أصلاً. البنت كانت كل شوية تنزل على الجروبات تسأل وتطلب مساعدة، ومحدش كان بيرد عليها نهائي، فقولت خلاص أنا هدخل أساعدها، كلمتها برايفت، وبدأت أشرح لها وأساعدها في حاجات كتير جدًا، لدرجة إني اديتها أرقام مصادر ناس تقيلة جدًا في مصر، الأرقام دي أصلًا مش مع حد في مصر غيري وكتير كانوا بيتحايلو عليا ابعتها وانا برفض واديت ليها دايما ولما كانت بتطلب رقم ببعتهولها عشان هي متدربة. ووريتها شغلي وعلاقاتي واللي أنا وصلتله، واتكلمت عن نفسي شوية عشان تبقى فاهمة أنا مين، مش أي حد وخلاص يعني، وبرغم كل ده، لاقيتها ولا هنا، ولا مهتمة أصلًا! سجلت رقمي آه، وشوفت إنها بتشوف الاستوريهات وكانت تحطلي على كل ستوري قلب قولت اكيد فرحانة بيا وطريقة تفكيرها بصراحة شدتني جدًا، رغم إني بصراحة شايف إني اللي أعلى منها بكتير في المستوى والشغل والعلاقات، وكمان أنا أصغر منها وهي أكبر مني بسنة، وبرضو مش عاملة ربع اللي أنا عملته في المجال. بعتلها Add، مقبلتش، قولتلها تقبلي، قالت حاضر، وطبعًا كبرت دماغها ومقبلتش، وبرضو أنا مكمل في مساعدتي ليها، بشرحلها وبدعمها، وهي ترد عليّ بـ “شكرًا لحضرتك” كده رسمي أوي رغم إنها أكبر مني بسنة بعد كده جيت أفتح معاها كلام تاني، لاقيتها مردتش، وبعدين بعد يومين تكلمني تطلب مساعدة! عملت اللي طلبته، وردودها كانت مقتضبة جدًا، يعني على قد السؤال وخلاص. حاولت أفتح كلام تاني، مردتش خالص. وبعدين أخد بالي إنها مسحت رقمي أصلاً، وبعدها بقت لا بترد ولا بتفتح كلام، وأنا بطبيعتي مش من الناس اللي تزن أو تبعت لحد مردش، أنا بكبر دماغي فورًا. الكلام ده كله كان في شهر 8. دلوقتي بفكر أرجع أنكش وأسأل مثلًا “إزيك عاملة إيه”، أو أي مدخل كده، بس أنا عمري في حياتي ما حصل إن حد مردش عليّ وأنا اللي أرجع أبعتله تاني، مش ستايلي خالص وانا معملش كده والمفروض هي اللي تخش تكلمني. بس في نفس الوقت، من بوستاتها واستوريهاتها حاسس إن دماغها عاجباني، بس هي مش مدياني أي فرصة، وده غريب جدًا خصوصًا إن المجال أصلًا نادر فيه بنات، وهي أكبر مني بسنة ومع ذلك أنا اللي معلمها كل حاجة تقريبًا. فمش فاهم بجد، هل أخد خطوة وأبعتلها وأسأل عليها وأجرب تاني؟ ولا أخليني تقيل كده وأكبر دماغي خالص؟ والأغرب من كل ده… إزاي واحدة متدربة، أكبر مني بسنة، ومش عارفة أي حاجة تقريبًا، وأنا اللي معلمها ومساعدها وعلاقاتي أقوى منها بمراحل، ومش منبهرة بيا أصلاً؟!

انا دايما كل زمايلي مع بعض و انا دايما ببقى وراهم، ماشيين في اي حتة انا ببقى ماشية وراهم و محدش بيلاحظ عدم وجودي او اني مش موجودة. بذات ان عندي مشكلة اني مش بعرف افتح مواضيع مع حد، دايما طرف تالت في اي علاقة، محدش بيسمع رأي، دايما متجاهلني و عندي مشكلة كمان ان لو حد زعلني مبحبش اقول اني زعلت حتى لما بيسألوني زعلتي؟ معرفش ليه مبقولش اني اتضايقت

جماعه حاسه اني عاوزه اتكلم مع حد يفهمني ويفهمني نفسي علشان انا مش فاهماها! حياتي بايظه بجد والمشكله اني ساحله نفسي في مليون حاجه علشان مفكرش في حاجه عارفه ان كده غلط اني بتجاهل مشاعري لدرجه اني بقيت متبلده المشاعر

انا اسفة لو البوست طويل بس ياريت تقولولي انا غلطت ف حاجة ولا لا علشان اريح ضميري جماعة انا كنت مرتبطة بواحدة ليا شهور وهو من محافظة وانا من محافظة واحنا قد بعد ف السن المهم اني سبته بسبب شئ عمله وانا كنت بتصرف برد فعل هو ف اخر ايام بينا كان يبعتلي مسدج وانا كنت برد عليه ويختفي باقي اليوم وممكن اليوم الي بعده ويرد عليا تالت يوم وبعدها كنت بسئل عليه بقوله فينك رد بعد فترة وقالي انه تعبان وصاحب مرض واختفي من تاني وانا من اول ما قالي انه تعبان كنت ببعتله اتطمن عليه كل شوية وكل ساعة بس هو كان مختفي ومش بيرد عليا وف نفس الوقت الي كان مختفي فيه ومش بيرد كان بيقعد ينزل استوريهات ولما عدي وقت طويل مردش عليا قولتله عايزة اتكلم معاك راح رد عليا بعد فترة برضو قالي تعبان نفسيا وسافرت اشم هوا وسألته هو في ايه وحصل معاك حاجة ولا ايه راح قالي انه نفسيته تعبانة وعنده مرض بشع وظروفه وحشة ف انا دعيتله ان ربنا يشفيه ويعينه ويخفف عنه وقولتله يطمني عليه كل شوية ودعيتله ان السفرية تفرق ف نفسيته وتكون احسن شوية بس مردش عليا خالص بعدها ولقيته بعدين منزل استوريهات وصور وخروجات وبعدين بليل بعتله اذا كان اكل ولا لا واديتله وقت يرد بس مردش عليا برضو ف مسحت الرسالة ومعدتش دقايق لقيته بيقولي علي فكرة انا علي فكرة انا شوفت الرسالة ومش فاهم بتمسحي ليه ودي حركة بتعصبني وانا نفسيا متدمر ومش بكرف ولا الجو ده ف رديت عليه قولتله انا مسحت لما اديتك وقت ترد وانت مش بترد عليا وبتتجاهلني بتتعامل كأني هوا وفي الوقت الي انت شايفني قلقانة هارية نفسي وبتطمن عليك انت مش بترد و مش قادر ترد عليا ولا تتكلم معايا تقولي مالك بس عندك الطاقة انك تنزل استوريهات ولا هي كده معاك ف انا مش عايزة اضغط عليك وكان طبيعي اني اسحب رسالتي راح قالي والله؟ الي شايفاه اني بتجاهل مش ان نفسيتي متدمرة وغير كده انا شايف برود منك وفين قلقك ده بس اشطا وافتكري انك كنتي كده معايا ف وقتي الصعب ف رديت قولتله انا كنت كل شوية ادخل اشوفك رديت وطمنتي ولا لا ومبعملش حاجة ف يومي غير اني مستنية رد منك وكنت بدعيلك دايما ف الاخر تقولي فين قلقك ده وطول ما انت مش بترد انا بلاقيك بتنزل استوريهات وسايبني لوحدي وانا لو مش قلقانة كنت من اول مرة مردتش عليا فيها انا مكنتش بعتلك تاني بس انت شايفني هارية نفسي مسدجات بتطمن عليك فيها وانت مش بترد عليا غير لما تفتكر بس راح شاف رسالتي ومردش تاني خالص واديته ايام علشان يرد فيها واكون عملت الي عليا ومردش خالص ف عملتله بلوك ، هو انا كده غلطت ف حاجة ؟

انا عندي مشكلة مهما درت مهما هدرت الناس يفهموني بالغالط انا جامي خممت كيما العيباد لخرين و هما يحاسبوني على حساب تخمامهم بكري كنت ندافع على فكرتي دوكا وليت نتجاهل و نقول خلي كيما فهموها هاديك هي

ممكن أعرف ليه حد يتغير عليا بدون سبب ؟ يعني انا وهو صحاب من سنه ونص مره واحده قلب عليا ومبقاش بيرد كأني مش موجوده ايه يخليه يعمل كده مع أن اخر مره اتكلمنا كنا بنتفق نرجع ايام ما كنا بنلعب زمان بعد ما قطعنا لعب 8 شهور تقريبا وراح ساحب عليا واختفي ومتكلمش تاني يعني متخانقناش ولا كان في زعل ولا حاجه تستحق انو يطنشني 20 يوم كاملين والاقيه منزل حرف غيري فاستوري انا وهو صحاب اساسا بس انا بحبه ومن شهر كده قبل ما يختفي قولتله اني بحبه ومن بعدها وهو كده مع أن رده عليا لما قولتله اني بحبه كان بيقول انو كان مستنيها مني من زمان وانو حاول يتقبل اني مش هحبه عشان كده كان دايما بيبعد ويرجع مع اني مقتنعتش بمبرراته دي بس سكت ومن وقتها وهو كده واضطريت اعمله بلوك لأن تصرفاته زعلتني بس حتي مخدش باله اني مبلكاه ف فكيت البلوك ورجعته علي سناب عشان الاسكور بينا عالي وخساره يضيع يعني مش مرجعاه عشان حاجه تانيه بس حتي الاستريك مش بيبعت عشان يلحق الاسكور وانا مش هقدر اضيع الاسكور صراحه لأن 570 يوم مش قليل ف ازاي اتعامل مع البني ادم الغريب ده

بيوحشني دايما وساعات برن عليه وهو بيتجهلني وساعات يرد مش عارفه ده صح ولا لا بس انا بتخنق لو م سمعتش صوتو مش عارفه اتخطي خلاص اعملي اي افضل ع اللي انا فيه ولا اعمل اي انا هموت من الخانقه اللي جوايا

انا كنت بحب بنت كنت بحبها اكتر من نفسي قعد اربع سنين احبها حب غير طبيعي واديها كل الإهتمام الي اقدر عليه واحميها وادافع عنها بكل طاقتي لمده 4 سنين كاملين وكل يوم حبي ليها بيزيد اكتر من اليوم الي قبله بس المشكله اني مش عارف هي بتحبني ولا مع اني قولتلها قبل كدا اني بحبها بس هي اتجهلت الكلمه ولا كأني قلت اي حاجه ومن ساعتها وهي بعده عني شويه وبتتجاهلني وبتعمل حركات كتير جدا بتضايقني وتكلم ولاد وانا موجود و تتصور كمان معاه بمسمي أنهم زي اخواتها وانا قلبي بيتحرق من الغيره عليها وهي مش ملاحظه حاجه زي كدا وبتجيلي لما بتبقي محتاجه حاجه او عندها مشكله وتكلمني وانا للأسف بروح زي الكلب مبعرفش مردش عليها وبعد ما احللها المشكله ترجع تاني ولا كأنها تعرفني وتتجاهلني مع اني بحبها اوي ولما بقابلها بحس انها بتحبني وبتحب تتكلم معايا وبيبقي عندها شغف جامد انها تقولي علي كل حاجه وساعات تانيه أحسها مش طايقاني انا مش عارف دلوقتي اعمل إيه لأني حاولت انساها كتير وفشلت في دا ولسه لحد دلوقتي بحبها ومش عارف اسيبها

حياتي خرابه حقا...ما بعرف شو ااحل.. انا فعمري 22 دخلت فعلاقة منذ 4 سنين.. 4 سنين من حياتي كانت حلوة.. بس لما اتقدمتلها و قبلو.. كل شيى صار معكوس و كريه بحياتي.. من تصرفاتها معي و تجاهلها و تصرفات اهلي معي.. اهلي بحس انهم رافضينها.. بس هي ذي حياتي المفروض انا اللي اختار مين بحب.. مؤخرا معاها.. بحس انها تجاهلني كثير... يعني لما بتكون مع صحباتها.. تنساني على طول.. اشك بحالي اني موجود فحياتها.. يعني لا ترد على التلفون و لا على المسجات.. و بجد بقت بتاثر علي كثير.. بحس الامر صار توكسك كثير.. يعني هي بتحس بالحب من جهتي لاني بعطيها كل شيى بقدر عليه بس على حساب تعاستي و انكسار خاطري.. الاسبوع ده اتلخبط نومي كثير.. بنام بنص اليوم لليل.. و ابقى الليل كلو بفكر.. هو انا بستاهل كل ده؟؟ ايش الغلط... قلبي عم بيوجعني كثير.. و مفيش حد مهتملي.. لما اتكلم معها عن شو بحس.. تبدا تخلق اعذار ملهاش ام داعي و نصير في مشاكل.. يعني هو ايه رح تخسر هي لو قالت لي انا آسفه... و مشاعرك بتهمني... انا و الله لو سمعت الكلمات ذي كنت بخير... بس هي تختار الاعذار و تبدا تقولي انا بنت و انت المفروض تتحملني.... يعني انا مليش مشاعر؟؟ و الله كمية الكلام الجارح اللي تقولهولي لما نتعارك مالوش وصف هو مؤذي كم...انل ضايع حقا.. بشوف حياتي بتضيع.. اهلي ضدي.. كل شي ضدي

حاسه جدا ان ابن خالتي بيحبني او معجب بيا انا علطول فأي تجمع بتجاهله و اطنشه خالص هو محترم بجد ومن اطيب ناس الممكن حد يعرفهم بشهاده الكل . بس انا معرفش اي سبب اني مش عاوزاه بس مش عاوزاه . اكيد شعور رفض ده رخم لكل ناس ان حد يرفضك وكدا. المهم المفروض اعمل اي اهرب علي فين و اخليه ميحطش امل ازاي قلولي طرق ولا ادي فرصه

جوايا كمية غضب غير مبرره واحباط كبير اووي البنت الوحيده الي ارتحت معاها عندها كمية برود غير مبرر بالنسبالها عادي ايام متسالش وبالنسبالها عادي تطنشني ساعات عشان بتتكلم مع صحابها ومستحيل تعترف ان دا ممكن يدمر الي بينا هي شايفه ان عادي حتي لو فضلنا فترة مش مع بعض الي بينا اكبر من دا والحب جوانا موجود لما بقيت محبط جدا لدرجة انا تجاهلتها تماما وبتعامل برسمية اووي وممكن ٤ او ٥ ايام مش بنتكلم وحتي ف العيد مكلمتهاش بس ولا اي حاجه كان شئ لم يكن

يجماعه انا حد الدنيا كلها مش بطيقنى ولا كانى عدوتهم دا غير انى كل ما باجى اكلم حد ف جروب او كده بلاقى بعد ما كان الحوار حماسى محدش بيتكلم زى ما يكون كملو كلامهم ف الجروب التانى بتاعهم ولا ايه بقى حسه انى عايزه اعيط بس بكابر 😢

هحكي الكلام على طول انا بعتله على الواتساب شايف كل ماسجاتي وكل اتصالاتي ومبرودش عليه 😭 انت كنت واعدني انك راجل ومش هقول كلام تاني بقى وابوه فاتح واتسه دلوقتي ورد عليه مكانه وقالي انه ابوه ف انا قولتله شكلي طلبت رقم غلط بعتذر لحضرتك كاني مكنتش بكلمه هوه وكنت ببعت لرقم تاني اللي انا قولته ده صح ولا غلط وابوه فهم ايه دلوقتي من ماسجاتي اللي بعتها وانا بقوله شايف كل ماسجاتي وكل اتصالاتي ومبرودش عليه وانت كنت واعدني انك راجل ومش هقول كلام تاني بقى انا خايفه اوي ومش عارفه هوه فهم ايه ومش عارفه كلامي ده اتفهم ازاي والكلام اللي انا قولتله في الاخر عشان اقفل الكلام ده ايه لما قولتله شكلي طلبت رقم غلط بعتذر لحضرتك

لو حد شايفك بطريقه غلط مش لازم تثبتله.. سيبه شايفك بطريقه الغلط دي لحد ما هو فجاة كده وانت ناسي اصلا ناسيه شايله من دماغك هيبتدي يكشف ان هو كان غلطان فده عادي فانت مش لازم حد فاهمه غلط او فاهم حاجه عنك غلط او شايفك بصوره غلط تصححله الصورة دي وتفهمه ده مش دورك ده انت ما عندكش وقت تبرر اساسا ان ده المفروض لو انت بني ادم فعلا ناجح وعندك استعداد انك تبقي بني ادم بقي ناجح بجد وما ينفعش تحط في دماغك ده لازم كل حاجات دي ترميها وراك وتمشي في اتجاهك زي ما انت اي حد شايفك بصورة غلط حقودي بقي زعلان منك مش عارفه اي تمام بس سيبه زي ما هو كده في يوم من الايام هيبتدي يندم هيبتدي يكتشف بس مش لازم اليوم ده يبقي بكره ولا بعد اسبوع ممكن بعد 10 سنين فانت هتفضل قاعد لعشر سنين بقي بتحاول تثبتله ان الكلام اللي هو كان واخده عنك ده او الصورة اللي هو واخدها عنك دي غلط لا انت بتبتدي تشوف حالك وحياتك وعادي جدا بتنسي البني ادم ده وبتمحيه من علي وش الدنيا وبتبتدي تشوف حياتك انت مالكش دخل انسي اي مشكله وعيش اليوم بيومه يومك انهارده خلاص قضيته تمام شوف في اخر يومك انت عملت اي صح وعملت اي غلط بكره نفس الكلام عيش حياتك ودبر امورك لو انت اللي هتدبر امورك مين اللي هيدبرها معلش ربنا كده كده انا عارفه بس ربنا قالك اسعي وانا معاك اسعي و سيب الباقي علي ربنا فانت دبر امورك ومشي حالك وسيب الامور وسيب الباقي علي ربنا بس ده كل المطلوب منك لكن انك تقعد تحاول تثبت لحد صوره هو كان واخدها عنك غلط ينهار اسوح احنا مش مش فاضين لدا

فجأة… كل حاجة اتغيرت! شخص كان بيحبك، بقى بيتجاهلك… اللي كان بيطمن عليك كل يوم، بطل حتى يسأل انت عايش ولا لأ… طب ليه؟ إيه اللي حصل؟ ولا هو عمره ما كان حقيقي من الأول؟

عندي مشكله مزعجتني جدا، انا شخصيه ما بقدر اعيش بدون اهتمام، لو احد تجاهلني بقعد افكر بالموضوع لمدة ايام او اسابيع، و لما احس ان في حدا زعلان مني بصير عمايل، بقعد ارسله يوميا و لازم اخليه يحلف انه مو زعلان مني، و اتأكد و اذا حاسه ان احد تعبان بقعد عنده وبخليه يقولي و يفضفض الي حتى لو كانت علاقتنا سطحيه، بحس اني مريضه نفسيا، نفسيتي تعبت جدا، او لما اافضفص لأي احد حتى لو كان قريب مني بحس بذنب لأني ابلشته بمشاكلي، لهيك انا بتكلم هون علشان محدا بعرفني، هل هذا مرض نفسي ولا ايش؟ و محد يقولي ان اتجاهل هذه التشياء علشاني حاولت و ما نفع