انا كنت بحب بنت كنت بحبها اكتر من نفسي قعد اربع سنين احبها حب غير طبيعي واديها كل الإهتمام الي اقدر عليه واحميها وادافع عنها بكل طاقتي لمده 4 سنين كاملين وكل يوم حبي ليها بيزيد اكتر من اليوم الي قبله بس المشكله اني مش عارف هي بتحبني ولا مع اني قولتلها قبل كدا اني بحبها بس هي اتجهلت الكلمه ولا كأني قلت اي حاجه ومن ساعتها وهي بعده عني شويه وبتتجاهلني وبتعمل حركات كتير جدا بتضايقني وتكلم ولاد وانا موجود و تتصور كمان معاه بمسمي أنهم زي اخواتها وانا قلبي بيتحرق من الغيره عليها وهي مش ملاحظه حاجه زي كدا وبتجيلي لما بتبقي محتاجه حاجه او عندها مشكله وتكلمني وانا للأسف بروح زي الكلب مبعرفش مردش عليها وبعد ما احللها المشكله ترجع تاني ولا كأنها تعرفني وتتجاهلني مع اني بحبها اوي ولما بقابلها بحس انها بتحبني وبتحب تتكلم معايا وبيبقي عندها شغف جامد انها تقولي علي كل حاجه وساعات تانيه أحسها مش طايقاني انا مش عارف دلوقتي اعمل إيه لأني حاولت انساها كتير وفشلت في دا ولسه لحد دلوقتي بحبها ومش عارف اسيبها
كنت زيك لمده ست سنين واتجوزت بعدها بقى هترتاح مش ذنبنا اننا حبينا ناس بتل
أنا آسفة على اللي هقوله بس للأسف واضح من كلامك انها بتستغلك ومش بتحبك .. اعمل لها بلوكات من كل حتة حتى لو انت مش قادر بس اغصب نفسك وخلي عندك كرامة اللي متبقاش شايفاك كنز في حياتها متستاهلكش، البنت لما بتحب مش بتخلي الراجل يسأل نفسه هي بتحبه ولا لأ لأن بيكون واضح عليها جدا انها بتحبه فبلاش تعيش في الوهم كتير دي نصيحة صادقة والله .. انقذ نفسك وابعد عن كل الهبل ده وحاول متتواجدش في أي مكان هي موجودة فيه واقطع علاقتك معاها تماما حتى لو شفتها هيبقى صعب بس صدقني انت تستاهل الأحسن من كده فاصبر وابعد وعلى فكرة البنت بتبقى عارفة كويس مين بيحبها ومين بيغير عليها فموضوع انها مش حاسة ده مش حقيقي هي بتمثل انها مش عارفة مش أكتر ونصيحة فكك من حوارات الحب والارتباط واللي تعجبك استنى لما تتقدم لها وتعرف بجد هي مناسبة ليك ولا لأ ربنا يوفقك
والله انا نفس تجربتك و فاهمة احساسك و حنينك لها من رغم انك تعبت بس معليش فيها خير والله ماينسى عبدو عليك بالسعي انك تركز في مستقبلك و تبني حياتك و قوي علاقتك مع ربنا و ادعي ربنا يفتح عليك و يتغير حالك ان شاء الله و تلقى البنت الي تحبك
واضح إنك تعبت وبتدي من قلبك بس الحقيقة القاسية إنها مش بتديك نفس اللي بتديه الحب من طرف واحد بيتعب وبيكسرك كلمها بصراحة مرة أخيرة من غير ضغط، ولو مفيش تغيير احترم نفسك وامشي إنت تستاهل حد يحبك بنفس القوة مش أقل
sorry for hearing that بس بصراحه حاس ان من المفروض تسوي الموضوع تقولها و متسبهاش تتهرب من السؤال يا بتحبك يا متحبكش صح لو رفضتك هتزعل و تدايق بس احس احسن من الحيره ده و انك تفضل صابر علي الي بيدايقك و متعشم في حاجه ممكن متحصلش
انت كده بترهق نفسك وبتزرع اهتمام في مكان مش مكانه
مستني ايه عشان تسيبها؟
انت كده بتعذب نفسك و موقف حياتك با المعني الحرفي هديك نصيحه و براحتك لو منفذتش اديها كام كلمه صراحه و اقفل معاها نهائي و تحذف كل حاجه عنها لان انت مش هتوقف حياتك علي شخص
لا سيبها هيا مش بتحبك وبتستغلك وقت لما تحتاج حاجه
اتعلم تعيش من غيرها.. هي شخصيتها طالما مش بتحترمك و مش بتقدر حبك ف اتقي الله فى نفسك و ابعد عنها واحدة واحدة و ربما هيعوضك باللي تقدر حبك دا و تبادلك نفس الشعور.