موقف يبان إنه عادي بس مكنش عادي!! امبارح كان فرح أخت صاحبتي رنت عليا قبل المغرب قالتلي تعالي معايا السيشن علشان هتكون لوحدها في العربيه قولتلها ماشي فضلت معاها لعند وقت العشا ركبت معاهم ووقت الزفة برضو كذلك ووقت ماوصلنا مكان الفرح اخدت حاجتهم معايا وقعدت وعادي معنديش مشكله وفرحانه وواقفه جنبهم طول الفرح جت بنت صاحبتها هي لسه عارفاها من سنتين بس بقوا قربين أكتر مني أنا وهي مع إني قولتلها من الأول قالتلي لا محدش هيكون زيك وأنا تمام المهم لما البنت دي جت طلعت جابتها من بره ووقفت معاها وأنا أعرف البنت دي برضو وبجبها عادي معنديش مشكله معاها المهم طلعت دقايق بره قالتلي ماتتأخريش علشان الشنط والحاجه ماتفضلش كده رجعت لاقيتهم بيصوروا فيديو مع بعض تمام برضو وقت ما العروسة خلصت وجه وقت التصوير بالكاميرا كنت قاعده أنا والبنت دي على نفس الترابيزه هي شاورتلها تتصور معاها ومابصتليش!! وفضلت قاعده معاها شويه وسايبه العروسه والناس والفرح وأنا ولا كإني كنت معاكِ من أول اليوم لعند الساعه 12 بالليل تقريبًا وقبلها بيوم كانت الحنه وروحت برضو علشان ماتبقاش لوحدها وصاحبتها دي مكنتش موجوده فاللي هو ليه؟!! ماضايقنيش حاجه قد حوار الصوره ده كانت بتتصور مع بنتين صحابها تانيين وقامت شاورت لدي وأنا كإني شفافه آسفه إني طولت بس كنت محتاجه أتكلم
طيب انتي ليه فضلتي قاعدة ؟ انتي كنتي تروحي تقفي اي مقعدك مع دي ، ممكن عشان انتي اتصورتي معاها في السيشن اكيد ؟؟؟؟!!!!! ف هي بتنادي اللي متصورش معاها مش قصدها اكيد وانتي ترجمتي الموقف غلط ، عموما حطي في بالك ان صدقيني ولا قريب ولا بعيد انتي عملتي باصلك وربنا شاهد اختفي بقي تماما المفروض تشكرك وتطمن ، لكن وهتكتشفي انها اتجوزت وانشغلت جامد جامد ونسيت فلانه اللي من سنتين من عشرة فين وفين اصلا لو لقتيها اصبري بس ، انتي متشغليش بالك ركزي في نفسك وبس ودا الباقي ولما ربنا يكرمك وفرحك اكرفي للي كرف وسيبك منهم
حقك تتضايقي جداً لأنك قمتي بالواجب وزيادة تجاهلها ليكي وتفضيل صاحبتها الجديدة تصرف قليل الذوق ومؤذى نفسيا الحل إنك تتعاملي معاها بعد كده على قد مكانتها الجديدة في حياتك وماتدلقيش مع ناس مش بتقدر وجودك ومشاعرك ربنا يعوضك ❤️
هو حوار يضايقك الحقيقه خصوصا لما تيجي من حد كنا فاكرينه قريب