إهمال

اكتشفت ان عندى تروما مش ظاهره شويه اني مش بحب حد من البيت يمدحني ولا يهتم بيا والموضوع بيدايقني جدا لما بيحصل عرفت ان سببها اني ملقتش اهتمام وانا صغيره ف عقلي مش قابل اي اهتمام او مدح عشان مش متعود عليهم ومبيعرفش يتعامل معاهم بقالي يومين نفسيتي هاديه بسبب الصيام الحمدلله ورجعت اتعامل كويس معاهم في البيت النهارده لقيت ماما بتقولي انها فرحت اني رجعت اتكلم واتعامل حسيت بخنقه ورديت رد غبي اني مش بحب اتكلم ولا اتعامل مع حد بحب ابقي مع نفسي ورجعت ادايق تاني عاوزه حل😶

دلوقتي انا كان عندي واحده صاحبتي ف الكليه وهي معايا ف السكن بس اتكلمت عليا وحش ولما اتخانقنا قالتلي ف وشي ايوه اتكلمت عليكي المهم اننا من فتره مش بنتعامل خالص...دلوقتي هي شخصيه مهمله جدا ومش مسؤوله وبتروح عليها نومه ومش بتروح الإمتحانات ولا بسمع منبه بيرن ولا حد بيصحيها...وانا بحس بالذنب لو مصحتهاش وف نفس الوقت مش قادره اتعامل معاها ولا حاسه اني مرتاحه وبضايق بجد من الإهمال بتاعها بس بجد بحس بالذنب وخايفه ربنا يعاقبني أو تتردلي مع اني ولله مش بأذيها ولا بعملها حاجه وحشه

بقيت احس اني مليش لازمه بين اهلي او صحابي يعني حاسه ان وجودي زي عدمه مفيش فرق. لو غبت عن اهلي فترة مبيفرحوش برجوعي زي ما بيفرحو برجوع و وجود باقي أخواتي او لو اتأخرت برا بلاقي كل اهل صحباتي بيسألو عليهم و قلقانين و انا محدش مهتم الموضوع مش فارق معاهم دايما بحس اني مهمشة او اني اضافة ملهاش لازمه و كل ما اتكلم يقاطعوني فالكلام و ينسو انا كنت بتكلم ف ايه و يشوفو ان كلامي مش مهم ولو حصل تجاوز مني او عملت مشكلة صغيره يعتبروني عملت حاجه كبيره جدا و محدش بيكلمني ولا يفكر يصالحني حتى مع اني اكتر وحده بهتم بيهم و باخد من طاقتي و وقتي عشانهم بس لما بلاقي ان انا مش فارقالهم ومليش خاطر عندهم بلاقي الموضوع بيضايق اوي

هو طبيعي انا اللى لازم في كل مرة أبعت و اسأل، ليه يعنى منا بنى آدم و عندى مشاعر برضو، يعني لو مسألتش يبقي خلاص مش جدعة؟! أنا فاهمة جدا انهم فى غربة و اكيد وراهم مسؤوليات كبيرة و الله عارفة و ممكن كمان يكونوا تعبانين و ميقولوش علشان منقلقش عليهم فاهمة، بس انا برضو مش عاوزة احس انى لوحدى، ماهو لحد امتى هفضل احس انى لوحدى و انهم يعتبر مش موجودين ولا حتى حد يعرف عنى حاجة.. كان نفسى بجد يكون عندى اخت بنت زيي، بس و الله الحمد لله انا راضية و فاهمة ان ماليش نصيب و ان كان ممكن انها تكون شر ليا او لو كان عندى كانت هتكون شر او مش بتحبنى، الحمد لله راضية، بس بجد تعبت من احساس انى لوحدى دايما..

كان نفسي يبقي عندي اسره كبيره زي اللي ف المسلسلات دي نتغدي سوا و نقعد نحكي و نتكلم و نعرف اخبار بعض بس يظهر ان الواقع غير كل واحد في ركن مع نفسه حتي لو حاولت اعمل صوت ولا اتكلم مبلاقيش غير رد فعل ضئيل احساس انك ملكش حد دا وحش اوي من احد اسباب كرهي لاجواء العيد اني معنديش عيله نزور بعض او عندي بس برضو كل واحد واخد جمب انهارده عيط علشان اخلي ماما تقعد معايا بدل ما افضل قاعده لوحدي برضو ادتني ضهرها و نامت كالعاده

نعمل ايه بجد لا عندنا ام تحن ولا اب مهتم حتى ولا حتي صاحب يشاركنا حياته ولا حد عايشين كدا وخلاص يعني الواحد مستعد يعمل كل حاجه ويتنازل بس تفضل معاه تحسسه بقيمته مش ولا كأنه موجود ولا حاجه ليه بجد هو العيب فينا طيب مينفعش يكون لينا هو مكتوب لينا نبقي لوحدنا طيب

زعلان حيل على كل اللي حولي ، اليوم هيد ميلادي ومافي احد بارك لي ، من بداية اليوم مخنوق وماكل زفت يعني لهدرجه انا مو مهم بالنسبة لهم ؟ طيب وامي وابوي واخواني؟ صج مخنوق واحس اني مو مهم بالنسبه لهم طول اليوم محد ارسل ولا احد بارك طيب انا شنو سويت لكم علشان توصلون للمرحلة هذي والله اتعذب انا وابين لهم اني اسعد شخص ولو جيت عاتبتهم راح يقولون اشغال الحياة طيب وانا ما وراي شغل ؟ ولا بس انا اللي اتذكر اصغر تفاصيلكم اتمنى قبل لا يخلص اليوم يجي احد يبارك لي لانه صج راح يسعدني مابي اي شي منهم بس ابي ابتسامتهم تنور وجوههم بالنهايه حابب ابارك لنفسي على السنه الجديده وان شاء الله تكون خير علي

دلوقتي انا عندي بنت خالتي الصغيرة عندها حوالي ١٠ سنين هي ما شاء الله ربنا يحفظها و ذكية جدا اذكى من سنها .. بس انا بخاف عليها جدا لأني بلاحظ كذا علامة بتقول انها هتعاني أو هتتعب في المستقبل و ده بردو مش بإيديها .. اولا مبتعرفش تقعد من غير ما تعمل اي نشاط استهلاكي .. يا تليفون يا حاجات حلوة مبتقدرش تقعد خمس دقايق حرفيا من غير ما تعمل حاجة تديها دوبامين .. للأسف مش شاطرة خالص في دراستها و بتهمل المذاكرة .. لما ركزت معاها لقيت أنها مهملة من اخواتها الصبيان بقت كل فترة لما تيجي عندنا اخليها تسيب التليفون و احاول معاها في اي نشاط ذهني بحاول ابعد عنها التعفن الدماغي ده .. ف لقيتها مستجيبة جدا و بعد كدة لقيتها بتعيط و بتقولي انت الوحيد الي بتلعب معايا .. الجملة و العياط دول دبحوني انا مجرب الاهمال ف الطفولة و عارف بيودي على فين .. و كان كل خوفي عليها انها لما تكبر تخش ف إباحية أو علاقات ف حياتها تدمر اكتر عشان كدة بحاول احتوي الجزء ده قبل هي ما تكبر و تعالجه بشكل غلط .. انا عارف ان في ناس هتفتكرني مكبر الموضوع بس هو كبير فعلا يا جماعة و انا لسة بدفع ضريبة حاجات شبه كدة لحد دلوقتي

مساء الخير النهارده جاء اليوم اللي كنت باجيل فيه من زمان النهارده بعد النهارده سابني بعد ست سنين منكرش ان نكد هو السبب بس هو والله كان بيهمل فيا ويركني بالاسبوعين بحجه ان انا اهدا وده كان بيكسرنى😭

انا كان عندي صديق عزيز عليا اوي وقريب ليا جدا وصلت معاه لمرحله اني بثق فيه وبحكيله كل حاجه ودايما برتاح في الكلام معاه وكان بالنسبه لي امان عمري ما حسيت ناحيته بأي حاجه ودايما كان سند ودايما مهتم بكل تفاصيلي وكل حاجه وبيفهمني من اقل حاجه ولو اتضايقت يزعل علي زعلي وميسيبنيش الا لما يضحكني ويخرجني من اي حزن وقف جمبي في كل لحظه وفضل جمبي وحرفيا كان مهتم بطريقه مطمناني اني الحمد لله مش لوحدي خاصه اني بجد كنت لوحدي وكل اللي اعرفهم خذلوني وانا كانت دايره صحابي اساسا قليله بس هو من فتره ارتبط واتغير تماما معايا وبدا اهتمامه ينعدم وكأني مهمشه ولما واجهته رد فعله انه مستحيل يخسرني بس انا حاسه اني خسرته لان كل حاجه كان حلوه بيعملها بقي بيعمل ضدها وبجد انا حاسه بفراغ قاتل وكأن ضاع مني حاجه غاليه اوي واول مره احس اني لوحدي تماما انا لسه مش حاسه بحاجه ناحيته غير صداقه واخوه وده حقيقي لاني لما فكرت هل لو في يوم ارتبطنا حسيت اني رافضه الفكره ومش متقبلاها لاني مشاعري تجاهه كلها انه سند واخ بجد مش حبيب نهائي بس المشكله اني اعتبرته اخويا بجد لدرجه ان اهماله الفتره ديه محسسني اني بجد خسرت حاجه كبيره اوي ومش هعرف اواجهه لاني مش عايزاه يحس اني بغير من البنت اللي ارتبط بيها بالعكس انا فرحانه انه ارتبط اخيرا بس كان نفسي ميتغيرش معايا ويحسسني اني في لحظه واحده ماليش لازمه والمشكله اني مش قادره ابعد لاننا شغالين سوا وانا بحب شغلي ده وتعبت عشان اوصله ومش عايزه امشي بس كل يوم بحس بجفاف معاملته بعد ما كنا قريبين جدا بحس اني بتدمر اكتر و الاسوء ان كل حاجه كان بيعملها ليا بقي يعملها ليها قدامي كأنه بيبعتلي رساله انك كنتي مجرد كومبارس او سد خانه لحد ما تيجي واحده فعلا في حياتي والاحساس ده خانقني بجد لدرجه اني مش عارفه اواجهه هو اساسا مش مديني فرصه لانه بيبعدني بشكل غير مباشر ولما ابعد يقولي انا مش عايز اخسرك ويرفض اني ابعد فبجد بقيت في موقف بشع مش عارفه اتصرف ازاي ولما قولتله ينقلني قسم تاني لانه مديري في المكتب رفض وقالي وجودك في المكتب مهم وفعلا منقدرش نستغني عن وجودك ده وقفل الموضوع انا حاسه اني لوحدي هو حرفيا كان حاجه كبيره بالنسبه لي الاخ اللي مكنش عندي ودايما كنت بتمناه من ربنا والوحيد اللي فاهمني بجد ودلوقتي انا بالنسبه له ولا حاجه وده احساس قذر مخليني مش قادره ارجع للهدوء النفسي اللي انا كنت دايما فيه وبجد محتاجه اتكلم مع حد اطلع كل اللي جوايا لان الوحيد اللي كنت بحكيله كان هو ودلوقتي انا مش عارفه اعمل ايه

حاسة اني هموت بس انا مش خايفة من دا انا خايفة اني بشوف الناس ال حواليا مش مهتمين و عادي كنت بطلع فالروح ادامهم و هم ولا فدماغهم و بيضحكو ابويا نرجسي هو دكتور أشعة كنت بتحايل عليه و انا كرامتي منقوحة عليا و بعيط ادامه انه يوديني لدكتور عشان كنت بصرخ من الوجع و الألم المزمن و ضهري مكسور بس طبعا هو مرضاش أن اكشف بس ساعتها كان واضح وسألني سنة كاملة فوجع و صريخ و سايبني بتحايل عليه كل يوم و يوفقني بالساعة و يضحك عليا سادي و نرجسي بردو حصلي اعراض خطيرة دلوقتي و حصل نفس الكلام رغم زني المستمر

كيف اتخطى واتجاوز الم انه كل العائلة تفضل اختي علي ويهتمو بيها حتى الناس يسئلو عنها ويمدحوها وانتي لا يشوفوك فاشله ، يشوفوك ماتسوي شئ تعبت والله كل يوم والله العضيم كل يوم يمر لازم ابكي فيه بكل قوة من شدة القهر والالم لي احسه صرت ماطيقها ، وهي لما شافت الناس تعملها هيك صارت تدخل بشؤني

مو عارفه كيف اطلع كل اللي جواتي بس انا حاليا شعوري سيئ جدا اكثر شي مزعجني هو اني عم ببكي ... عنجد ما بدي ابكي ابدا... وما توقعت ابكي هالمره تحديدا .. اليوم كان طويل ومش لطيف ولا حنون ابدا وزي ما تعودت، بداري اي شعور بضحك ومزح ، خصوصا المشاعر اللي ما الها داعي وزعلي على المواقف المسببه لشعوري ما رح يغير اي شي.. ف ليه ازعل؟ بمزح وبضحك والدنيا بتمشي باغلب الأحيان.. بس... اللي بعد هيك هو اللي زاد تعبي.. واظهره.. خفت وزعلت وندمت كمان شوي كيف يعني انا براعي تغير نبرة صوتك وبهتم لمجد فكرة انك مزعوج ، وانا بحكي اني انزعجت بس انت ما بتنتبه اصلا؟ متى الدنيا رح تراضينا بشخص حنون؟ متى قلبي رح يتطمن خلص وما يرجع يخاف؟ متى؟؟

انا تم استفزازي كنت بغسل المواعين ولقيت الحوض مسدود اعمل ايه بقى دلوقتي المشكله مش ف الحوض بس هو مسدود ومعفن وفيه بقايا الاكل وحاجه ف قمة الترجيع المهم يعني عندي تساؤلات ليه بيوصل بيهم انهم يرمو مناديل في حوض المواعين وليه بيقشرو بصل ويرمو القشر ف الحوض وليه قشر البطاطس وليه اعواد نعناع ف الحوض وليه الاقي لبانه في الكوبايه وليه مناديل ف الكوبايه وليه كيس بسكوت ف الكوبايه وليه ورقه ف الكوبايه وليه بقايا تنضيف فراخ نيه ف الحوض جماعه هعيط بجد الموضوع مستفز ومقرف معرفش ليه مش بيرمو الحاجه اول ب اول ف الباسكت والا لما ماما تغسل المواعين ولا اكن حاجه اتغسل يعني ما شاء الله بجد والاطباق يكون فيها سمنه من الاكل ومدهننه وساعات الاقي صلصه😭 اه والا الكوبايات اللي في اعماق الدهننه ف الحوض وف الاخر يقولو الامراض بتيجي منين والله لو عليا اجيبلي اطباق بلاستيك بدل القرف ده😭

اذا اكتشفت المشكلة اللي عندك هتعرف تلاقي حل انا مثلا كطفل وسطاني ، اعاني من شعور بالإهمال لوقوعه بين "الأكبر المسؤول" و"الأصغر المدلل". ودا عشان غياب دور في الاسرة و توزع اهتمام الوالدين على الأطراف. السمات: مهارات تفاوض عالية واستقلالية، مع احتمال ضعف الثقة. دور الوالدين: تخصيص وقت منفرد، تقدير الإنجازات، وتجنب المقارنة. كيف يساعد نفسه: بناء هوية مستقلة بهوايات خاصة، التعبير الصريح عن احتياجاته دون انتظار، واستثمار مرونته الاجتماعية لتطوير علاقات قوية، مع الإيمان بأن قيمته نابعة من ذاته لا من ترتيبه الأسري

أني نبقى عايشة في نفس البيئة المؤذية مع والدين ما يهتموش و ما يحموش مع اخوات انانيات. و أني ما نقدرش نكون حرة و مستقرة و نجرب اي حاجة بلا خوف من اللوم أو رأي الناس. أني اني ما نقدرش نحقق احلامي.

لو عشت طول عمري تحت نقد دائم علي اتفه الاشياء و لوم و احكام غير نهائيه علي كل فعل من الأهل و كنت بحاول اني متأثرش بالكلام الي بسمعه لكن ازاي اعرف اني عكس الكلام ده فعلا ؟ ازاي اتاكد اني عكس النقد أو الأحكام القاسيه دي ؟ مش يمكن انا فعلا فاشله ؟ انا فعلا مثلا مهمله .. ايا كان ازاي الواحد يتخطي بجد ؟

انا بجد بكره لما كون موجوعه لكن بتوه عشان مبينش ان انا ضعيفه لكن انا والله ببقي نفسي اقعد اعيط لغيط ما اتعب و اكون طلعت كل اللي جوايه المشكله اني في علاقه بعض ما ابتديت اني اكون احسن رجعت لنقطة الصفر عشان هو بيعاملني بمزاجو احني بقالنا يومين متكلمناش معن هو بيكون اونلاين علي ال Instagram لكن والا بيعبرني بنص جنيه حتي بس ببين اني كويسه

كنت أقوم بعمل محاولة ومساحة لدعم عاطفى لم أحد يهتم بكل شيء، ل أحد يهتم بأن أعطيه حجة قلبى لم أحد يهته بأن أمسح كل البرامج. لم أحد يهتم بأن أختفي لم أحد يهتم بأن أعيش. لم أحد يهتم بأن أعيش. وعملت افتكاره. وليها فاكهة لما قلبت على وش ٩ قدام الناس، ما حدش متام برضو، فاهم? ما حدش متام ليه اوليك صدرى انه فيه شخص فى الدنيا فهو انا. انا اكون شخص فى الدنيا انا وفى اعادة فيها انا مش ، اللي فيها ببقى. اقعد كده انا مش، حاسس ن انا بتدايق، فالكلم ليه قبل ما يكون ليه اه لا بجد يعنى. بس بجد ما حدش متام يعني، ما حدش متام عموما، فاهم? بزي البقى لو حق لو حاجة جاية عليك فاهه انا اتركت فى موقفة بكده عاد عليها صعب في حياتي قوي وصلت سامي الحمدلله عملت العلاية ودخلت كلها كويسة عشان شاطر ولا عشان اي حاجة وهي كلها طبعا 1O0م هي بركة من عند ربنا بس اعمل عليك فاهم وعادى اعمل عليك بس لأشى محدش مهتم يعني نتيجة اعمل عليك بس بس ده لم تلاقي محدش مهته انك مذكرتش عم تفعلها بس انا بكترحك محدش مهتم نك فاتت كل البرامج و عدت زعلان محدش هيدقل غير نفسك محدش مهتم انك مأكلتش غير نفسك فبجد بحيث ان احنا دائما بنحاول ندرع الطريقة اللى ندقل بها نفسنا اللى هو انا مش هاكل محدش تضرر لنفسك انتو كده طيب انا مش خارج كلهم يخرجوا حبسة عادة جدا فبجد مهته ده مفروض نزوده عندنا شوية فمحدش.

بقيت مختلفة اوي عن زمان بعدت عن المذاكرة وبعدت عن اي حاجه كنت بحبها حتي مبقتش بحب اتكلم مع الناس وبحب اقفل معاهم الكلام بقيت مهملة اوي وعندي امتحانات وعادي مبفكرش حتي اذاكر انا مكنتش كدا انا كنت شاطرة جدا اجتماعيه جدا بحب اروح لقرايبي لما حد ييجي بطلع اقعد معاه بس دلوقتي بعمل نفسي نايمه🙂

انا فشلت فشلت اكون صحاب يبقو سند ليا فشلت ف اختيار شريك حياتي مش لاقيه الحنيه ولا الاهتمام عمري ما حسيت ب اهميه زعلي لحد انا كان نفسي الاقي الحب أو العوض انا مبحبش اكون لوحدي انا ملقتش الاهتمام حتي من اهلي ولا من اخواتي انا مش متشافه خالص عمري ما حسيت بالانتماء لحد دايما احسني غريبه تقيله مش مهمه انا تعبانه جدا ومش قادره اكون كويسه انا حاسه اني بقيت مريضه نفسيه ومش قادره اساعد نفسي

انا عايزه اخد رأيكم في حاجه؟! دلوقتي انا البنت الكبيره ولما ببقا تعبانه مش بقول لحد لاني لما بشتكي مش بلاقي اهتمام حتي المسكن مش بيهتموا يجبهولي غير لو انا طلبته واكتر من مره كمان وعكس ده اختي الصغيره اول ما تقول انها تعبانه بابا يفضل يقول لازم تكشف وتعمل تحاليل وتجيب دوا وكل حاجة المهم انها متقولش تعبانه ( مع العلم انها 8 سنين + ساعات بتأڤور) 🙂 ده كده تمييز من ابويا ولا عادي، بس انا بتضايق جدا من عدم الإهتمام ده

حاسس اني مكتف مش عارف اكلم ولا عارف انزل علي طول مكتاب كرهت كل الناس الي حوليه لي درجه غيرت الفون و رقمي بقيت عايز افضل مختفي مش عايز اكلم حد ولا اشوف حد حتا المذكره اهملتها مبقتش عارف اعمل حاجه❤️‍🩹

جماعه اهلي بجد بيستخسروا فيا الدوا يعني عندي برد من الجمعه محدش فيهم هان عليه يجبلي دوا وضرس العقل عايز عمليه محدش فيهم هان عليه يعملهالي مش عارفه ازاي كده بجد يعني هو انا لازم اشتغل عشان اعمل ده لنفسي

حد عنده معلومة عن لما الشخص يحس أنه مش كفايا طول الوقت مهما يعمل + عنده مماطلة لكل حاجة حتى الرسائل اليومية مبيقدرش يرد عليها وبيحاول يبص عليها ويتجاهل الرد عليها في وقتها هل دا بيدل أن فيه مشكلة وخاصة مع إني بحس مبركزش على الحاجات الي كل الناس المفروض تركز عليها لا يركز على حاجات تانية خالص في أي موقف من الحياة اليومين .

عارفين اقسي حاجه ممكن تحصلك انك تتولدي البنت الكبير ف البيت انا بعاني عشان أنا الكبيره من كل قلبي بعاني بواسي الكل واستحمل الكل ومحدش حتي بيفتكرني بحل مشاكل الكل ومش عارفه احل مشاكلي لاني وقتي مش ليا اصلا

طليقتي كانت مقرفة جدا في نفسها وريحتها… . وفي بيتها ومهملة في طفلها، السبب ان امها ماتت وهي صغيرة، طيب انا كنت بحاول اعلمها لكن اهلها بيدخلوا ومعترضين عشان مش عاجبها وطبعا لما بتخلف بيستغلوا الطفل والتهديدات وهكذا طيب انتو عارفين انها فيها كل العبر ومعرفتوش تعلموها حاجة ، انا بقى اتحمل كل حاجة وكمان من غير اعتراض؟؟؟ دا معظم الجوازات حاليا ، زوجة سيئة ، انجاب ، تهديد، طلاق حفظا للكرامة، واطفال مساكين ضايعين، الناس اللي هنا اكيد ضحية اب او ام مش كويسين ولا مهتمين بيهم

انا دونت مش نوتيلا انا غيرت الاسم بالغلط والله وهيرجع بعد 30 يوم حبيت بس اقولكو عشان متفتكروش اني غيرت اسمي عشان حاجه حابه اقولكو اني كنت ماسحه الابلكيشن من فتره ونزلته تاني عشان اعرفكو اني مبسوووطه من نفسي اوي اني قدرت ابعد عن حب عمري اللي كان معتبرني ف حياته موجوده زي مش موجوده قدرت ابلكه وقدرت امسح اي حاجه خاصه بيه محيته من حياتي خلاص كان دايما بيقولي هتغير وهو ولا اي حاجه فيه بتتغير اهمال منه وقله اهتمام ولما ببعتله بيعلق المسدج بالاسبوعين ووارد ميرودش عليا اصلا ولا بيرد ع مكالماتي ليه ولما بيظهر مفيش غير بحبك ووحشتيني وحقك عليا اللي بقيت بما بسمعهم مبحسش باي حاجه غير اني مش طايقه اسمع منه اي حاجه وصلت لمرحله اني خلاص لما بفتكره حقيقي مبقتش اعيط زي الاول ولا ازعل علي حد ميستاهلنيش رجعته غريب كإنه لم يكن ومتأكده ان بعد فتره هيرجعلي وهيعتذر وهيحاول يرجع باي طريقه ويبوظلي كل اللي انا بعمله بس انا مستحيل ارجع وان شاءالله محنش ليه تاني وواثقه ان ربنا هيعوضني بالاحسن منه كتير ، مفيش حاجه مستحيله ولا فيه حاجه بعيده عن ربنا ف زي م ربنا زرع الحب ف قلوبنا قادر انه يبدلها ف ثانيه حقيقي مبسووطه بالانجاز الكبير اللي انا عملته مبقتش افتكره ولما بفتكره مبقتش اعيط خلاااص انا بقيت كويسه الحمدلله بفضل ربنا عليا طبعاً♥️

عندي اكتاب وراثي مزمن مع نوبات هلع، بصراحه انا مهملة في العلاج، للاسف هو اصلا مالوش علاج دايم لانه وراثي مش مكتسب، ف كل الادوية و العلاجات كل الي بتعمله انها تنزل المستوى و تحافظ عليه يفضل في نفس المستوى

السلام عليكم ورحمة الله وبركاته عاملين ايه عندي سؤال هما ليه بيعملوا كده بجد ليه اهلنا بيعملوا معانا كده بجد ليه بيتعاملوا معانا كده جماعه انا هرغي كتير معلش وهحكي مواقف كتييير اولهم انهارده انهارده حصل موقف عادي جدا غلطه ممكن تحصل من اي حصل رأكشنهم قالوا كده بالحرف انا كرهت العيشه معاكوا وكرهتوا دي حياه ايه الارف ده مرقف تاني ماما وبابا سافروا السنة اللي فاتت تقريبا حوالي شهر كده انا جايه اقول ان ده كان اسعد شهر ف حياتي بجد مع انهم مكانوش بيسألوا والله كنت ف الفتره دي تعبانه اصلا وكنت علطول عند دكاتره وكده مكنوش بيسألوا لو اتصلوا حرفيا مكالمه لا تتعدى الخمس دقايق بس الحمد لله كنت عايشه من غير مشاكل مكنتش متخيله اني هقول كده بجد بس ده احسن شهر عدى عليا المهم موقف تاني كانوا راجعين بقى من السفر وكده واحنا قبلناهم وكان معانا صاحب بابا المهم هو بيسأل ماما العيال موحشوكيش قالتله بالحرف والله ابدا طب احنا موجودين طيب راعينا شويه اي حاجه الفكره انها كانت بتحكي الموقف ده لحد وبتضحك ووخداه joke وهي مش قادره تستوعب ان بجد الموضوع يضايق بحس اني بشحت منها الاهتمام بقيت منعزله عنهم اي حاجه برا البيت بالنسبالي احلى بكتير اوي حاجه تانيه انها علطول بتقلل مننا ادام اي حد دول مش بيعرفوا يعملوا حاجه دول مش نافعين ف حاجه بجد الموضوع بيضايق جدا بجد مش قادره تستوعب ده كمان يجماعه بقعد كتير اوي شيلاها اكيد بيجي عليا وقت واقصر بسبب مذاكرتي وان انا اصلا بتعب بسرعه ف ببقى مش قادره اعمل اي حاجه والله بس بقوم وبعمل عشانها مش بتقدر ده بجد مش بتقدر اي حاجه بنعملها اقسم بالله بتقعد تقولنا انتو بنات انتو يبقى عندي بنات وانا اللي اقف واعمل ده انا النفروض اقعد وانتو تخدموني وكلامي هنا مش قصدي انها تخدمنا ولا الكلام ده والله بس تراعينا ان احنا عندنا مذاكره ودروس وبنيجي حرفيا من الدروس هلكانين محتاجين نرتاح لا ندخل نلاقي نكد ف البيت الواحد مبقاش عارف يقعد ف البيت من كل الارف اللي فيه بجد حاجه كمان بجد ودي مستفزه جدا عندي اخوات صبيان مهملين جدا يعني بطبيعه معظم الشباب وكده حرفيا بيهدلوا الدنيا ويوسخوا واحنا بنروق مكانهم ومش بيعجبها لما نقولها م هما مش هيبهدلوا واحنا نلم ومكانهم وبجد بهدله مش طبيعيه وفي الاخر لو مروقناش مكانهم احنا اللي ناخد التهزيق كله بجد الوضع بقى مقرف بجد مبقتش قادره اتعايش ف البيت اسفه على الاطاله بس بجد انا زهقت

ان محدش اصلا مهتم يسمع ف العموم بحس اني دايما الطرف اللي بيسمع و مش المفروض انه اصلا يتكلم ف بفضل السكوت خصوصا ان بجد محدش قادر يفهمني و لو حد فهمني مش هيحس بنفس اللي حساه وهيستهون بالحاجه

انا لما قررت قررت عشان نفسي قررت عشاني انا لسه مسلم على مدرس كان بيديني في ابتدائي ويعرفني بقا على خلق ومتفوق وفجاه جه السؤال اللي كرهته انت دخلت ايه 💔💔 انا اولى تجاره السنادي يااه ماشاء الله اخخخخ قلبي اتفشخ هحححح انا طول عمري بقول انا اقدر على اكتر بس انا اهملت وفجاه فلاش باك بقا ان مفيش حاجه ف تاريخي تثبت اني فعلا اقدر على اكتر فقررت اقدر بقا انا ااه دخلت تجاره وراضي وكل الكلام الجميل وفاجئك اقتنعت اني الحمدلله مدخلتش طب ، مصاريفه كتيره واهلي ميقدروش وعندهم غيري ف الحمدلله قررت ارتب واتميز الترم الاول قضيتها شويه واتغريت بنفسي جبت ماده امتياز وتلاته جيد جدا وواحده جيد وواحده مقبول هل كنت اقدر على اكتر ؟ دا اللي هثبته السبع ترمات اللي جايه بس فنجان القهوه دا عليه حاجات يا اخي

طيب دلوقتي انا محتاجه حد يفاهمني اي دا انا وهو المفروض صحاب بس احنا مش صحاب احنا اطتر من كده بكتير يومنا كله سزا وبنعمل كل حاجة سوا بنخرج سوا وفعلا يمكن في مقام المتجوزين بس انا دلوقتي بحس ان لسا بكتشفه او اول مره اعرفه لان ازل مره يحصل بينا كده بقالنا تالت ايام مش بنتكلم عشان قبلها كان عندي امتحان وانا كنت بذاكر مكنتش ماسكه تلفوني بس عارفه ومتأكده انه بعت بس كنو حبه احس انا مهمه عنده وهيحس بغيابي ولا لا فمفتحتش زلا رديت عليه بس هو رن عليا قولته اسفه كنت مشغوله في المذاكره وماختش بللي هو قالي بجد وزعل وقلب المكلمه علي طول اما بصراحه كنت مبسوطه انه فاكرني ومهتم وكده واستنيت وبعتالي تاني مسدج قالي براحتك وبكفيك وكده قزلته ان فعلا مشغزله عشان عندي امتحان قالي تماام انتي حره وقولته مش هبررلك اكيد انا عرفتك متكبرش الموضوع راح رن تاني وقالي بكيفك انتي هنبدائي الشغل ده انت حر وانا هعرفك وبتاع قولنله اقفل بلاش هبل وقفلت في وشه ومتكلمتش تاني شويه اخر الليل رنيت تاني عشان اصالحه ومكبرش الموضوع مردش عليا تاني يوم رنيت مردش بعتله قولتله تمام مردش عليا واحنا كده تالت ايام مش بنتكلم معا انه كام كل يومي وكل حاجة بشركها معاه مش عاوفه اعمل اي بجدعوزا حل وفي نفس الوقت اما مش هكلمه تاني عشان هو اصلا معبرنيش كل ده ولا اطمن عليا وهو عارف ان انا في فتره امتحانات اعمل اي بجد حد يفدني

بكره لما أتعب و محدش يسأل فيا ولا يعبرني و يلوموني لو قصرت في حاجه و لما حد فيهم يتعب لازم انا اهتم بيهم و اقدر انهم تعبانين و اساعدهم و اهتم بيهم (بتكلم عن ماما و اخواتي) مثلا اول يوم عيد تعبت و سخنت و كنت دايخه ، محدش دخل يتطمن عليا وانا نايه، وانا الي كنت بروح لماما بقولها جسيني انا تعبانه مش قادره المشكله لحس بالذنب لما بشوفهم بيعملولي حاجات تانيه في اوقات تانيه مثلا يفاجأوني في يوم ميلادي، او مثلا اخواتي يجيبولي هديه بدون مناسبه او ماما تعملي الاكله الي بحبها او تخرجني و تدفع كتير عشان تفرحني بحس اني بظلمهم بس فعلا محدش بيهتم بيا، مش بقول كدا عشان متضايقه منهم، لا لا ، ده الي بيحثل فعلا محدش بيعبرني وانا تعبانه و مريضه بحاول اكون ايجتبيه على قد ما اقدر بس تعبت...

حاسة ان نفسيتي مش احسن حاجة بحس اهلي بتوع مصلحتهم اوقات كتير بحس انهم مش بيحبوني او مش بيهمهم مصلحتي حتي بحس مش بيحبو اني اروحلهم ولو روحت قعدت يومين عندهم بيقولولي خلاص روحي كفايا كدا ودايما من كذا حاجة بيحسسوني الاحساس دا

لما بيكون في فرح وانا في جروب صحاب مثلا وحد يبعت يقول يا جماعة فرحي يوم كذا أو فرح اخويا أو فرح فلان وكلكو لازم تشرفوني وكل اللي في الجروب معزوم مش بعرف اروح الا لو الشخص كلمني شخصيا وقالي تعالا وساعات يعملو منشن للجروب كله بس بحس اني مش من ضمن المعزومين حتى لو الشخص صاحبي برضو بكون مستني يكلمني شخصيا لأن رسالة على جروب وتعالو كلكو بحسها زيادة عدد عشان المنظر العام يعني اهو انا واحد صاحبي اخوه هيتجوز باعت كل الجروب معزوم ومش هعرف اخش لكل واحد برايفت وانا بسبب كده معتبر نفسي مش معزوم اصلا رغم اني عارفه من 4 سنين وعلاقتي بيه عادية وكلنا في جروب بس زي مقولت ومش معتبر نفسي اني معزوم بسبب كده

محدش مهتم/هيحب يسمع شخص عمال بيشتكي و يتكلم لان كل واحد عنده مشاكله و الي هيسمع هيقعد يا اما يعلي عليا و يقول انه عنده مشاكل اكتر بكتير و ان دي متعتبرش مشاكل يا اما هيقلب الكلام و يتكلم عن نفسه و لو سمع للاخر ممكن يكون عايز يجمع معلومات عني و يستغلها بعدين🤏🏻

أحس أنني غير مهم عندهم ، شخص شفاف ، بتكلم يقاطعوني ، مافي مجال أحكي مشاعري أو أعبر عن مشاعر أو إهتمام أو أي شيء ، ولما أصر و أتكلم يقولون عني أني أبالغ و يستهزؤون بي ، الآن أصبحوا يستهزؤون يسخرون يضايقون و يقولون كلام جارح و لما أدافع عن حالي يقولون أني لا أتحمل المزاح ، الآن أصبحت أكثر عزلة عن العالم ، كنت شخص رياضي و الآن توقفت بسبب مضايقتهم ، تركت الدراسة و مات كل شغفي في الحياة.

مساء الخير انا مخطوبة بقالي سنتين من شخص يعتبر عرفاه من وانا طفلة والعيلتين اصدقاء في البداية الدنيا كانت كويسة مع بعض التحفظات إنه فجأة قالي اغير ستايل لبسي رغم انه مقالش انه معترض عليه ف اول مقابلة بس انا كنت مقتنعة وحابة اني اعمل كدا ومستنية الفرصة عشان اخد خطوة زي دي ف الموضوع مكنش مشكلة بالنسبالي بعد كدا ابتديت اتكلم ف حاجات تانية ليها علاقة بالمستقبل ومصروف البيت واني اشتغل ف الاول كان عنده اعتراض ع الشغل بس حاولت اقنعه وعدت بس بردو كان يقولي لو ظروف الشغل تنفع معانا بحيث ان اجازتي واجازته تبقى نفس الايام وانا شغلتي متسمحش بده بس قولنا هنبقى نشوف ولما اتكلمت ف الموضوع ده تاني قالي خلاص لو انتي يوم واحد اجازة هشوف اليوم التاني حاجة انا اعملها والموضوع عدا جينا لحوار مصروف البيت وكدا كان يقولي الفلوس هتفضل ف الفيزا منين ما نحتاج نسحب ولما قولتله على مصروف خاص بيا قالي فيما معناه اني لو بشتغل مش لازم اخد مصروف منه من فترة حوالي 3 شهور بقى يحصل اهمال لو انا متكلمتش هو ميتكلمش لو انا اختفيت هو يختفي ودايما في حتة انتي لو عملتي حاجة انا هعملها ولما اقوله مبحبش الطريقة دي يقولي ده العدل من وجهة نظره ان الانسان اللي عمل حاجة يحس بيها ولو ضايقته يبقى ميعملهاش تاني ولو لا يبقى هو مش هيتضايق لو اتعملت تاني ولما بقيت بعاتبه انه مبيكلمنيش لان انا بطبعي انسانة قلوقة جدا وخوافة وساعات بحس اني تقيلة ع اللي قدامي ف ممكن مبداش يقولي انتي مبتتكلميش وانا معرفش حاجة عنك وانتي عارفة كل حاجة عني مع العلم ان انا شخصية قليلة الكلام بقيت بحس انه بيدور على اقل حاجة عشان يجيبها مش عايز يعمل فرح عشان هو مش هيبقى مرتاح بس انا عايزة فرح اتفاقات كتيرة اتغيرت ومعترضناش بس ف الاخر شاف ان انا متنازلتش عن حاجة ومش عايزة اتنازل ده غير ان في تدخلات وكلام من والدته معظم الوقت ومقارنات بيني وبين واحدة تانية معرفتهم اخر فترة انا كنت طاقتي خلصت اني اعاتب او اتكلم وتوصلت لاني افسخ الخطوبة وبلغته قالي هديكي بريك تفكري براحتك من غير ضغط ف هل قراري صح ولا لا لاني بقيت محتارة جدا وخايفة اظلم لو مشيت او اتظلم لو فضلت اختصرت تفاصيل لان الموضوع كبير واسفة ع الاطالة

يجماعه انا حد الدنيا كلها مش بطيقنى ولا كانى عدوتهم دا غير انى كل ما باجى اكلم حد ف جروب او كده بلاقى بعد ما كان الحوار حماسى محدش بيتكلم زى ما يكون كملو كلامهم ف الجروب التانى بتاعهم ولا ايه بقى حسه انى عايزه اعيط بس بكابر 😢

انا بقالى عشر ايام مش بعرف انام كويس ممكن انام ساعتين تلاته بس طول اليوم وحاسه بخنقه وزعل كبير حاسه انى مكسوره انا كنت مرتبطه بشخص وهو بقي يهملنى وميحسش بوجوده ومدايقه ومقهوره ع نفسي بجد كان بيحبنى جدا وهيموت ويكلمنى ولما اتكلمنا واتعلقت بي هو اتغير بقي يجي عليا وميسألش ويسيبنى بالشهور انا بجد حاسه انى قليله ومش قادره ابطل احبه كل مره اقول خلاص وارجع بس المرة دى انا موجوعه خالص

انا مش عارفه هو انا لوحدي و لا لا بس انا ماما دايما بتعاملني حلو لما يكون عندها مزاج لكن لما ميكونش عندها مزاج حلو بتعاملني اوسخ معامله بتبقي موجوده معن و الله انا معرفش هي بتعاملني كده ليه و هي اصلا مش فضيالي انا بزعل اوي علي نفسي لما اشوف صحابي و مامتهم معاملتهم مع بعض حلو و الام بتبقي مهتميه بتفاصيل بنتها و مهتميه بيومها لكن ماما لما اجي احكيلها حاجه دايما يا بتكون مش مركزه معايه يا بتقولي ان هي مش عايزه تتكلم

عندى سوال مهم وبشوف الحوار دا كتير قدامى ليه الواحد لو كان كويس فى العلاقة وبيعمل الى عليه ، الى قدامه بيبقى دايما الاقل اهتماما وعادى ، ولو بقيت الشخص الى مش مهتم فى العلاقة ومش فارقة معاه تلاقى البنت هتموت عليك القط طلع بيحب خناقه فعلا

في مرضهم كنت دايما جنبهم بسندهم واساندهم واسهر معاهم ،ولما المرض صابني ملقيتش حد يقف جنبي ولو اني محتجتش مال ولا مساعدة محتجتش غير ايد تطبطب عليا وتطمنني 🖤

انا عندي جروب صحاب صغير و كل واحده اعرفها من زمان اكتر من التاينه يعني يعتبر انا اول واحده كنت اعرف كل واحده فيهم بس مش معرفه الي هوا اننا صحاب اوي يعني انا اول سنه اعرفهم فيها بجد كانت السنه الي فاتت بس المهم انو انا حاسه انو فيه اتنين من صحابي كدا عمالين بيبعدو و احنا اصلا كلنا اربعه صحابي دول بيبعدو عني انا و البنت التانيه بس بيقربوا من بعض يعني مثلا واحده من البنتين دول مامتها حامل و قالت للبنت التانيه الاول و فضلت مستنيه اسبوع تقريبا او اكتر لحد ما قالتلنا و انا مش مشكلتي انها قالتلها الاول بس انا اتضايقت انها استنت كل دا لحد ما قالتلنا و كمان بتقول انها هتسمي البيبي على الاسم الي البنت التانيه دي اختارتوا و دا مثال لاقرب حاجه حصلت فيه حاجات كتير حصلت من قبل كدا مضايقاني بردو فا انا عايزه اعرف هل انا اوفر عشان مضايقه من الموضوع دا ولا دا طبيعي؟؟

السلام عليكم انا مبقتش احس اني تبع البيت ده يعني دايما لما بقعد ف البيت صاحي اكتر من ساعتين بتخنق اوووووي ازعاج وإهمال و ناس سلبية جدا و يريت كل واحد ف حاله لا ده بيتدخلو في حياتك يحسدو بس انا بحبهم والله وعارف أن في حاجات مش قصدهم بس اخويا الصغير همجي اوي في اكل ونوم وأسلوب يعني عاوز يتعامل معامله الغنم بس نعمل اي بقا بحاول استحمل ابويا ربنا يصبرني عليه يعني بصراحه مزعج اوي و في شوية صفات متتعاشرش و الناس مبتحبوش و لا يطاق بصراحه يعني بجد والله بقيت اروح البيت عشان اريح وانام بحس اني اتخنقت تخيلو كدا المكان الوحيد للراحة ف يومك مش عارف ترتاح فيه يمكن امي واختي هما اللي مصبرني شوية تعبت والله نفسي اقعد لوحدي كدا متعاملش مع بني ادمين

اسوء حاجه بتحصل انك لما تكون في علاقه و مقصدش علاقة حب يعني تكون صحاب عادي بنتين او ولدين عادي و تلاقي ان انت الطرف الي دايما بيضحي و بيبذل مجهود عشان العلاقه تستمر و انت الي بتسأل و تحط للي قدامك ١٠٠ عذر على تأخيره في رد او انه مش بيسأل فيك و بردو تعمل نفسك مش واخد بالك بس الموضوع يزيد عن حده لدرجة ان الحواليك بيبدأوا ينبهوك من الشخص ده و بعديها لما انت تفوق لنفسم و تستوعب و تبدأ تتجاهل الي قدامك او حتى تعامله بنفس الطريقه تلاقي اول رد فعل منه انه كان عنده ظروف و انت الي مش قادر تستحمله و حساس بزياده و انت ليه اتغيرت اوي كده....يعني معقول عندك ظروف لمدة تسع شهور لاء و ايه في وسط الظروف الي مخلياك معندكش وقت ترد على رساله بتخرج مع صحابك عادي؟!!!!

السلام عليكم، عايزة اتكلم عن موضوع يمكن يكون مقعد شوية بس دماغى خلاص حساها وقفت ومش فاهمة حاجة، فيه واحدة صحبتى كنا صحاب اوى وفجأة مش عارفة ايه اللى حصل، انا كنت فى كلية بس حولت منها ودخلت كلية تانية، المهم ردة فعلها على دا كان غريب ومش هى لوحدها برضو حتى صحابى التانيين، انا استغربت بس كنت مضغوطة ف ما اتكلمتش فى الموضوع وفجأة فى اول الدراسة كان يصادف يوم ميلادى المهم هى ما اتكلمتش خالص رغم انها كانت بتشوف الاستوريز عادى ف وقتها استغربت فعلا وانا مش فاهمة فيه ايه ف دخلت لصحبتى التانية وسألتها ف لاقيتها بتقولى انها زعلانة منى من قبل كدة وانا حتى مش عارفة ايه الاسباب، بعدها كلمتها وان هى تفتح الموضوع وتقول اصلا ايه اللى حصل ما اتكلمتش ولا قالت حاجة، بعدها سافرت وجيت وكنت ابعتلها على الواتساب وبرضو مافيش وتتكلم عادى وقبل ما اسافر اتصادفنا فى مكان ف هى دخلت واللى هو اكأنها ما شافتنيش رغم انها شافتنى عادى برضو، حاولت اكتر من مرة بعد ما جيت،هو الموضوع دلوقتى بقالو اكتر من سنة ونص، وخلال الفترة دى ما حاولتش هى ولا مرة، صحبتنى التانية النهاردة كنت بكلمها ف عرفت انهم ما حاولوش يصلحو لانها قالت ليهم ما حدش يتدخل ف استغربت برضو منين مصايقة انهم ما حاولوش ومنين انتى اللى طلبتى كدة، بقيت احس كل ما الموضوع يتفتح بضايق اكتر وبضايق اكتر انهم دايما بيحاولو يوصلو ليا انو ليه ما افضلش احاول لغاية ما هى تتكلم 🙂🙂 واعرف بالصدفة كمان انو فيه اسباب من زمان اوى يمكن 3 سنين او حاجة كمان داخلة فى الموضوع وبرضو مش عارفاها ايه هى اصلا، ف ما بقيتش فاهمة هما ليه بيعملو كدة، رغم انو فيه حااجات كتيرة وتصرفات كتيرة بيعملوها بتضايق بس مش بعلق عليها وبنسى اصلا، دلوقتى انا كنت مكلماها علشان نتكلم فى الموضوع بس بقيت حاسة حتى لو اتكلمنا انا مش عايزة اقرب منهم تانى، احساس ان الشخص يبقى مهمش وحش اوى ودا بقيت حاساه ومن فترة بس كنت بكدب نفسى بس عمرهم اصلا ما فى مرة سألو حتى ولو بمسج ولازم انا اللى ارن وابعت علشان اكلمهم اصلا غير كدة لأ حاسة انو الموضوع طول اوى، بس حقيقى فيه كلام كتير جوايا ومش عارفة اطلعه 🙂