انا عندي ١٧ سنه وهكمل ١٨ في شهر ٧ انا بقالي اكتر من ١٠ سنين ساكن في الحي اللي انا قاعد فيه ومن كام شهر جات واحده في سن التلاتين كده ولا حاجه فتحت محل ادوات منزليه علي أول شارع بيتنا والست دي جوزها متوفي وعندها عيل وعيله وكل ما أنزل من البيت اروح في أي مكان حرفيا بتبص عليا رايح درس أو رايح اشتري حاجه أو رايح مشوار أو رايح في اي حته تقعد تبص عليا وبتقعد تبتسم لي انا كنت متوتر في الاول بس الصراحه حسيت أن انا بقيت معجب بيها انا عارف أنه ده هبل وكل اما اروح في حته لازم اشوفها قاعده في المحل ولا لا انا بقيت بتخيلها كل شويه وساعات بحلم بيها لدرجه ان انا بقيت عايز افكر اقعد معاها بس قلقان كان نفسي تكون فاتحه محل علي الاقل حلويات كنت هعرف اتواصل معاها شويه بس أنا مش عارف هل ده عادي ولا ايه بالظبط ؟؟