عمر

معندكوش اسرار تتقال بدل الزهق ده.. الجو حر فشخ و الدنيا نص نص... عشان كده الوحدة وحشة يارب كملي بقيت ال150 حرف علي خير... الساعه داخله علي 12 و النهارده 1 يوليو وبكرة 2 يوليو السنة خلصت في ثواني والعمر عدي ولا لمحته

كمان كام ساعه عيد ميلادى بس مش هى دى الفكره الفكره انه على عكس الطبيعي و عكس كل سنه انا مش مبسوط لا انا مش حاسس باى حاجه خالص السنه دى حاسس بالفراغ و حتى الرساله اللى منت بتسناها كل سنه معدتش موجودة فبقى احساس الفرح مش موجود و بالعكس يمكن فيه حسره ان العمر بيعدى و انت واقف لسه مش بتتحرك معاه انا حبيت اشارك المشاعر دى بس هنا عشان انا فى الطبيعى مش بتكلم و مبحبش حد يشوفنى بالنظره دى خالص فاهو نطلع الكلام ده فى توهيل

اسوا قرار ممكن ياخده اي بني ادم في دنيا وممكن يعيش عمره كله ندمان انو خد القرار دا اللي هو يقرر يكمل في علاقه مع حد هو عاارف ومتاكد انه مش شبهه انو يقرر يكمل مع شخص هو شايف انو بياذي وبيستغله انو يفضل يحاول يفتح باب ربنا قفله في وشو الف مره وكل الظروف وكل حاجه بتقوله ان الطريق دا مش خير ليه وبرضو بيفضل يحاول في نفس الطريق ف اللي عاوزه اقوله اوعي ضيع عمرك علشان ناس غلط اوعي ضيع عمرك وانت ماشي في طريق الغلط صحتك وعمرك ونفسيتك اهم من اي حاجه حرفيا

النهارده بعد سنه و نص اهله رفضوا جوازه منه حاسه اني زعلانه اوي ضيعت من عمري كتير و اديته اكتر ف للاخر رجعت لوحدي تاني مش عارفه اعمل ايه انا قفلت حياتي عليه و مش لاقيه حد جمبي مش عارفه مزعلش حاسه نفسيتي ف الارض مش عارفه ابطل عياط قلبي وجعني اوي

معنديش طاقه احساس بقى علطول معايا مش بتكلم ف اسبوع ولا اتنين بتكلم ف شهور كتير اوي انا بس بشتغل علشان مش عارفه اخد اجازه مش علشان عايزه اشتغل اي يوم اجازه برغم ان عندي حاجه لازم اعمل بس علطول مش قادره و لزقه ف سرير مبعملش حاجه حرفيا طول اليوم اسكرول ازهق انام أصح اكمل من غير اي نشاط اخر وانا عارفه ان بسكرول علشان مفكرش في اللي َرايا انا سنجل و شغاله و ٣٣ سنه و مش قادره خالص اعمل اي حاجه دفع فلوس كورس و رياضه ومش بروح نزلو لي صحابي مش بقيت اقدره عليه زعلانه ع نفسي و العمر اللي بيعيد ومش عارفه افوق لي حالي ومش عارفه اعمل اي مش هيبقى عايز مجهود مني

مش عارفه انام خالص خلاص احساس الوحده و النبذ و ان محدش عاوزني و هفضل لوحدي ومش هتجوز عشان عديت ال25 طول عمري اتملك مني لدرجه ان عاووزه اختفي اموت اروح ابدء حياتي بعيد عن كل الناس ال تعرفني جايز فيهم حد يحبني انا كول عمري لوحدي عندي اخوات و اب وام بس لوحدي ومحدش يعرف ولا مهتم يعرف عن التاني حاجه ولا اعرف حضن الام ولا الاب دا شكله ايه انا بس محتاجه ونس انا بسبب السعي ورا الشعور دا خسرت سنين من حياتي و خيرت حجات كتير و قابلت نماذج كتير مستغله ووحشه لمجرد ان محتاجه للونس مس عارفه دا حله ايه ولا اعمل ايه ومهمي اصلي و مهمي ادعي

كيفاه نستعيد الشغف و التركيز عندي presentation مهمة لدرجة كبيرة غدوة و للآن ما بديتش نراجع و للأسف مش حاسة بخوف قاعدة غير نستعمل في ال phone Please أي واحد مر بحاجة مشابهة يقلي حاسة العمر قاعد يفوت و أنا في نفس البلاصة حابة يكون شغف في حاجة نجتهد فاها

كنت فاكرة وأنا صغيرة إن لما أكبر هبقى الشخص اللي وعدت نفسي بيه أحقق كل حاجة وهبقى أحسن نسخة مني وهبقى أقوى وأنجح في كل حاجة ومش هتوجعني الدنيا كده بس لما كبرت اكتشفت إن الطريق مش زي ما كنت متخيلة فيه خيبات وفيه وجع وفيه اختيارات غلط وفيه حاجات ما اكتملتش وفيه لحظات حسيت فيها إني بعيدة جداً عن النسخة اللي كنت عايزاها ومع ذلك في حاجة واحدة أنا متأكدة إن ما خسرتهاش أنا لسه أنا لسه قلبي أبيض زي ما هو لسه بحس وبدي وبحتوي وبسامح لسه ما قدرتش أبقى قاسية ولا أعرف أرد الإساءة بإساءة حتى لو اتوجعت حتى لو اتخذلت حتى لو اتكسرت جوايا حاجات كتير لسه فيا خفة الدم بتاعتي وهزار ونكشي للناس وروحي اللي دايماً مختلفة واللي أي حد يعرفني يقولي إني مش شبه حد يمكن ما نجحتش في كل اللي كنت متخيلاه ويمكن في حاجات كنت فاكرة إني لازم أوصلها بدري وما وصلتهاش ويمكن لأول مرة أحس إن عيد ميلادي تقيل على قلبي وإن العمر بيعدي بشكل بخوفني شوية بما إن عيد ميلادي 25 بعد تلات أيام بس رغم كل ده أنا ما بقيتش قاسية ما بقيتش شخص تاني أنا بس بقيت شخص اتوجع ولسه بيحاول يكمل ومتمسك بالجزء النضيف اللي جواه مهما حصل ولو رجعت أكلم نفسي الصغيرة دلوقتي هقولها أنا ما قدرتش أحقق كل أحلامك بس قدرت أحافظ عليكي جوايا زي ما إنتي كنتي

امبارح تميت تلاتين سنه لسه بستوعب يعني ايه ؟؟ ومش فاهمه اي حاجه بتحصل ف حياتي موخرا وحاسه اني عايزه انام بس مش عايزه افهم ايه اللي بيحصل فقدت الشغف بطريقه مرعبه لدرجة اني بجد مش فارق معايا اي حاجه ممتنه لحاجات موجوده حواليا بس ف نفس الوقت حاسه اني كبرت وحاسه ان العمر جري وبيجري وحاسه اوي بكم الحاجات اللي طلعت من حياتي وانا دلوقتي ف مرحلة تانيه بطولي احساس غريب كانك ف اوضه مش عارف فيها اي حد ومش لاقي ناسك معاك وعمال يحصل احداث وتمر بظروف مع نفسك ممكن لسه متاثره بمشيان الانسان اللي كنت بحبه ومشيانه ساب فراغ جوايا واحساسي بالمشاركه والفرحه مبقاش زي الاول ؟ مش عايزه اعترف اني اتطفيت من بعده او من بعد مشيان اي حد حبيته لاني عايزه اكون كويسه من غيرهم بس بجد مش عارفه لسه اعمل ده بحاول الفتره الجايه نفسي الاقي شغل احسن عشان شغلي الحالي بقي متعب جدا وانا مش عايزه اوصل لده ف الشغل حاسه ان اجازة العيد جايه ف وقتها لاني بجد محتاجه راحه طويله اوي من كل حاجه وبذات من الناس اللي ف الشغل دول

أه بصيح مش مشكلة انا تعبانة بجد وماليش غير ربنا ليه الدنيا تقيلة كدة وليه مفيش حاجة بتهون ليه الوحش والتعب والحزن كتير والفرح يا دوب بفتكره بالعافية ليه العمر بيجري والملامح بتتغير والقلب بيموت ليه بنتعشم ليه بنتكلم ليه بنحاول كل مرة نقع فيها بنحاول نقوم حتى لو هنرجع لنقطة الصفر تاني ليه بنعافر عشان نعيش عيشة احنا مش حابينها ولا عايزينها ليه بنعيش واحنا عارفين ان كل خطوة شايلة وجع وتعب كبير ليه كل مرة بنستنى نتيجة مختلفة مع اننا ماتغيرناش ولا عارفين نتغير ليه لازم ندفع ضريبة لكل حاجة بنتمناها بس هي دي الدنيا أنا عارفة ..حكمة ربنا

انا ٢٨ سنة وكام شهر ، مش قادر الاقي نفسي وحاسس اني مختلف عن اللي حواليا ومحدش فيهم فاهمني مش عارف اتعايش مع الوضع ده ازاي ؟ خايف العمر يعدي وانا في المكان الغلط مع الناس الغلط ، خايف مسبش اثر في الحياة

كنت مرتبطه بواحد من ٢٠١٦ كنا بنحب بعض اوي و اهلينا عارفه و خلاص كنا بنظبط خطوبه علي اخر سنه اخر سنه ونص بدانا نتغير و بقت شخصيته بارده و حصل حاجات زيه انه شرب مخدرات كيميا و سبته و بعد كده ندمت فرجعتله تاني رفض و قالي انه خلاص هيخطب معرفش ازاي قدر يتخطاني بسرعه دي مع العلم ان خناقه المخدرات دي كانت فرمضان مش من بعيد المشكله اني عماله اعيط و مضايقه اوي هو كده كده مش مناسب هو اه مهندس بس كان بيشرب حشيش قفشته مره بيخوني كان بيهددني فالخناقات كان مهمل فنفسه و صحته كان كداب عيوب كتير اوي بس انا صعبان عليا اني اتنسيت بسهوله دي و ان اخرتها انه ميرضاش يرجعلي خاصه اني ٢٧ سنه وحسه اني مش هلاقي حد تاني و ان العمر و الغرص كده ضاعت عليا

الصراحه حاجات كتيره و اولهم ان أبويا يختفي ده اكبر مخاوفي هي و اني اموت على سوء خاتمه او ان كل الذكريات الحلوه تبقى مجرد ذكرى و تأذيني جامد بعدين او ان اقرب الصحاب ليا يختفوا في يوم و ما نكونش عارفين حاجة عن بعض ، اني اكبر بالعمر ، و المشكله ان كل الحاجات دي فعلا هتحصل في يوم ....

ديما شايف اني عندي مشكله مع اللي في سني و اني في حته غيرهم خالص حتي مع الجنس الآخر أنا اخر علاقه حقيقه دخلتها كانت من 5 سنين او اكتر و بعديها كل اللي عرفتهم كانو اكبر مني مش عارف المشكله فين بس حقيقي بيجي اوقات نفسي اعيش سني و بي المناسبه أنا عندي 21 سنه

أحم إفتكر إن كل ثانية من عمرك، وما تفرحش بيوم ميلادك لأن كل سنة بيقصر عمرك، وهتحس بالكلام دة أول ما تبدأ فى ال35 وفوق لغاية أخر يوم. فأعمل كل خير؛ ولما تغلط صلح غلطك فأسرع وقت لأنك مش ضامن بعد دقيقة هيحصل إى؛ دة لو ممكن تجي الدقيقة فعلاً.

صباح الخير عايز اتكلم مع ناس في التلاتين من عمرها و نشارك مشاكل الحياة عشان الإنسان كل ما بيكبر حواراته بتزيد اوي بصراحة احنا اتمرمطنا جامد و ملحقناش تنبسط خالص والكوكب بيخلص وربنا يسترها علينا

انا مهندس 32 سنة لسه متجوزتش مش عايز اتجوز جوزا تقليدي عادي ال هوا اتنين يتجوزو ويخلفو علشان كل الناس بتعمل كدا،،، عايز واحده نكون اصحاب رايقين ونخرج ونسافر ونخلف او منخلفش عادي ونكون اصحاب كدة

عايزه اخد رايكم يتعملوا اي لما بتحسوا انكم متاخرين في حياتكم عندي 29 سنه انا بنت محدش ساعدنيي خالص ف حياتي لا اهل ولا اخوات ولا حد جهزت نفسي لوحدي الحمدببه اشتغلت لما طلع عيني ف التدوير عايشه لوحدي بقالي سنتين مسئوله عن كل حاجه غ حياتي وبراعي ربنا فيها مش متجوزه وحسه اني مفتقده للونيس خايفه يمر العمر بيا من غير ما يبقي في حد ف حياتي وكنت بفكر اعمل تجميد بويضات ف اي رايكم

هل فعلا شاب ٢٣ سنه ممكن يحب واحده منفصله،وعندها ٤ اطفال،واكبر منه ب ١٣ سنه لمجرد ان شكلها مش باين عليه سنها وانه حبها من اول ماشافها ولا دي اشتغاله قولولي بالله عليكم لانه قال انه قال لاهله ولما طلبت منه اكلمهم قال انتي مش مصدقاني ليه

حاسس إن الجيل ده الشغل سرق عمره… بقى مفيش حاجة أهم من الشغل. صعب تاخد أجازة إلا لو في مصيبة. غير كده دماغك مش بتفصل. لازم تنجح. لازم تبقى مميز. لازم تبقى Top . وعمرك بيجري… وعمر الناس اللي بتحبهم بيجري… وتفوق تلاقي الحياة عدّت، وأنت واقف مكانك، والناس القريبة منك مبقتش جنبك. فتروح تشغل وقتك الفاضي بشغل برضه. وتلف في نفس الدايرة. وفي الآخر أزمة اقتصادية تيجي تديك قلمين علشان تفهم إنك كنت بتجري على الفاضي. الرفاهيات كترت، وبقى كتير منها محسوب أساسيات. ولازم تواكب علشان متحسش إنك ناقص. حتى لو الإحساس ده انتصار زائف. وهكذا… عمرك يتسرق. وتفوق تلاقي نفسك لوحدك، وخسرت كل حاجة❤️‍🩹

هل الناس عندها فكرة لما توصل ل٣٠ ايه بيحصل عشان حاسس إني تايه فعلا لا عايز أتحرك ولا عايز أتنفس حتى تقريبا مش إكتئاب قد ماهو توهان بس يعني المفروض امتى الواحد يحس إنه خلاص لازم ياخد خطوة كبئرة زي الجواز

انا يا جماعة امتياز بشري لسه باديء من شهر و عندي كذا مشكلة اولا وحده و أن وصلت للسن ده و مفيش بارتنر ونس أو مثلا أن مش عارف ابدا معادلة ولا اي ولا اتعلم ولا اتعلم ازاي اصلا خصوصا لو الواحد مفيش في عيلته دكاتره

ازاى كبنت احمى نفسى من الاختلاط، جربت جو الشغل و الاندبنت وومن بس بصراحة كرهت جو الاختلاط و القرف و الرجالة اللى بتقعد تتفحصك و انتى ماشية مع ان لبسى مش ملفت يعنى، أو الراجل الأربعينى الغير متزوج اللى بيقعد يتنح بلا سبب، و لو اضطريت أسأله فى شغل لازم يسأل كل شوية عملت ايه ووصلت لايه، او لما اروح اعمل انترفيو و الاقى اللى بيعملى انترفيو عمال يعطف و يلطف بطريقة لزجة مع ان شكلى عادى يعنى بالنسبة لناس كتير. مش عارفة لو قعدت من الشغل ممكن أعمل ايه فى حياتى خاصة انى بقيت ٣٠ سنة و خريجة صيدلة، فصعبان عليا مذاكرتى، كمان غير متزوجة و جواز الصالونات حدث و لا حرج كلهم معتوهين شايفين ان الحياة مشاركة و انى اساعده فى المصاريف لدرجة انى بقيت عايزة اقعد من الشغل عشان ميجليش الأشكال دى تانى.

مخنوق فشخ انا 32 سنة ومعنديش اصحاب غير يتعدو علي الايد وزهقت من روتين الشغل ولسا مجوزتش وحسس ان العمر بيجري وانا لسه مجوزتش ومش بعمل اي حاجه مفيده ولا بصلي ولا بقرا حاجه ولا بذاكر حاجه ماسك الموبايل بس وبشرب قهوة بس نفسي اتعرف علي ناس جديدة

ما حدش هيجي يشدك من اللي انت فيه وما حدش هيجي يقومك ويقولك يلا انت وراك كذا وكذا وكذا ولا حتى البوست ده هيخليك تقوم اعتبر البوست ده بس هو اي زي حاجه كده تصحيك بقي وتفوقك من اللي انت فيه حتة اللي هو انا مستني الوقت المناسب ما هو مفيش وقت مناسب ما كله بيبدا ومعهوش امكانيات ومعهوش احسن حاجه يبدا بيها وبيبداو وبيتعلمو وفي الاخر بيوصلو اللي هم عايزينه لو انت بقي اللي هو مستني الوقت المناسب اسمع مني انت مش هتوصل لحاجه في الاخر اتعب واعمل اللي عليك وحط كل الطاقه اللي عندك بالامكانيات اللي موجوده عندك وفي الاخر هتوصل لحاجه كويسه علي الاقل حتي لو ما وصلتش يبقي اسمك حاولت انما ما تقعدش وتستني علي الفاضي واسمع مني العمر بيعدي بسرعه انت سنه في اتنين في تلاته هتلاقي نفسك تلاتين اربعين سنه وعملت اي في حياتك ولا حاجة فقوم من دلوقتي واعتبر البوست دا بس اي يصحيك علشان محدش يخد مكانك

انا بحب حد فشخ ولظروف ما مبقناش نتكلم كتير وكونى over thinker الموضوع مسببلى ضغط كبير ومبقتش مركز فحاجه وبقيت اعمل كل حاجه بكفائه أقل مشاكل حياتى اكبر من سنها بكتير أنا فاهم دا اعمل اى انا 21 وهيا 17 لو الموضوع يفرق يعنى

انا محتاج بنت كويسه و بنت ناس اخطبها و اتجوزها فى الحلال تكون زوجه صالحه و تقف جمبي و تدعمنى خصوصاً انى متلغبط و حاسس ان عمرى بيعدى و انا مش عارف اتحرك ولا اتقدم نفسي ربنا يرزقنى ببنت الحلال

بصراحه من ساعه ما عديت التلاتين وانا حاسس ان حياتي وقفت علي كده بمعني اني مبقاش عندي طاقة أو شغف اعمل أو استمتع بأي حاجه جديد برجع دايما ادور في القديم ، يعني انا عرفت ناس جديده الفتره دي بس لما بيختفو مش فارق معايا حد أنا كل الي فارق معايا الناس الي كنت اعرفها زمان بس اما دلوقتي الي بيجي ويروح ولا يفرقلي ، أنا عايز القديم كمان ميفرقليش بس صعب لدرجه اني فرحت لما رجعت نفس الفاكهة الي كنت حاططها زمان ، ف يا اما القديم يرجع يا اما يختفي خالص من دماغي بقي مش عارف اعمل حاجه ف الحاضر

تقريباً كل حد حياتو بتبقي ماشية تمام كدا لحد سن معين بعد كدا بتحس خلاص الحياة بتقولك زمن العب انتهي عن نفسي المرحلة دي بدات معاية من تالته اعدادي انا انهارده 24سنه يمكن من وقتها معشتش وقت حلو لو حد نفسي الفكرة يشاركني السن

حد مر بتجربة انه اتعمله سحر و حاول يتعالج منه انا بقالي ٧سنين بحاول و مش لاقيه سبيل و الشيوخ و الرقاه الشرعيين دلوقتي بقوا و اخدنها باب دخل ليهم و للاسف مش بحس بنتيجه دوامه مش عارفه أخرج منها و العمر مبيجري مش عارفه اعمل ايه

رمضان مبارك وكل عام و انتو باحسن الاحوال .... عندي مشكل ووبجد محتاجة ارشاد ووما اعرف اذا كان الموضوع مجرد ميول او مشكلة يبغالها حل مشكلتي انو عندي daddy issus هية عبارة انو الوحدة تنجذب لواحد اكبر منها طبعا هاد الشخص ابدا مو على الواقع فالغالب يكون من مواقع التواصل و هيك او من روايات و المسلسلات مستحية احكي و اتطرق لتفاصيل بس المهم بجد محتاجو ارشاد خصوصا انو انا فعمر لازم علي اركز على دراستي بالثانوي وما اترك هي الشغلات تاثر علي (نصيحة لو سمحتو او ارشاد)