إعجاب

مساء الخير انا في أشد الحاجة للنصيحة الموضوع ده مأثر عليا جدا للاسف وهحاول اختصر لو انا بيني وبين واحد اعجاب بس من غير اعتراف كل حاجه بتقول اننا معجبين ببعض أو هو بذات الي معجب حتي اهله شايفين أنه عينه عليا ( هو اخو صاحبتي) بس مفيش اعتراف وفاضله مده صغيره ويخلص جيش وبعدين يشتغل انا الي تاعبني الانتظااار الانتظار متعب انا مستنيه بقالي دلوقتي حوالي سنة و شهرين بس تعبت وهو حس أنه ضمني.. احنا بينا كلام عادي ومش دايما نادر بسبب الجيش وشوفنا بعض ٣ مرات بس بس انا فعلا تعبانه من كتر التفكير ومينفعش اقول لصاحبتي حاجه .. عشان علاقتنا هتتهز هي هتخاف نخسر بعض وانا كذالك لو محصلش بيني وبين اخوها حاجه يعني .. انا عايزه اخد قرار بس مش عارفه ومش قادره بجد .. حتي معنديش حد كبير قريب مني يفيدني

فيه زميل شغل لفت انتباهي، بينا تعامل كويس وهزار خفيف جداً في حدود الشغل. حابة أعرفه أكتر، بس من غير ما أبقى تقيلة أو أبان إني بجري وراه. أعمل إيه؟ انا بس عندي فضول ناحيته وهو كمان بس مش عارفة ممكن اتعامل ازاي خصوصاً اني بتعامل مع الكل عادي وساعات بنهزر بس هو بيفضل يبص والتعامل بينا اقل من باقي الزمايل بس ساعات لو مش حوالينا حد ممكن يقول حاجة او يهزر هزار خفيف

جماعة فى كان حد معجب بيا و كلمنى عادى و بعدين كلامه ابتدى يبقى فى تلميحات أنه معجب و كدا ف أنا قولتله أنه معنديش اى نية للموضوع دا و رفضته و قفلتها خالص و هو ف الآخر حاول يضايقنى بالكلام زى خلاص انا مش عايزك انتى شكل فى حد تانى و أنا طبعا متضايقتش قولتله ربنا يوفقك و خلاص دلوقتي هو مسح كل رسايله من الشات و رسايلى أنا إلى باقية بس دا معناه اى ؟ طبعا أنا كلامى الحمدلله مفيش فيه اى حاجة غلط و لا اقلق منها بس مستغربة جدا

الحقيقه انا كأحمد عمري ما حسيت الحب دا ابدا كل الي حسيته الي هو اعجاب وبس، لاني الحب عندي حاجه متقدرش تدركها من نحية البنت يعني الى بعد الجواز يبقا اليومين دول مع ناس تانيه ربنا يهديهم ينفع، بمعنى معرفش احبها غير لما اعيش معاها، تقف جنبي وقت تعبي وانا كذلك، غير لما اجي من الشغل تعبان مثلا الاقيها، برضو بتتعب عشاني في البيت وفي المطبخ ومع ذلك بتهون عليا، متحسوش من دا اني عاوز شيئ مقابل شيئ بالعكس، يمكن حبيت مره حب طفوله بجد وانا في ابتدائي (متضحكوش 😂) وبعدها نفسي اتسدت يمكن مبقاش تيحي البنت الي تبهرني بالشكل الكامل

انا عندي سؤالين. اول حاجه هو ليه ممكن واحد يفضل يحاول يعلقني بيه وانا ابعد لاني حاسه أنه مينفعش نتجوز بسبب كذا حاجه و في الاخر بعد مااتعلق الاقيه هو مبقاش في دماغه انا عارفه ان دا اللي انا كنت عايزاه من الاول بس بردو متضايقة لاني اتعلقا بيه شوية صغيرين بس هو بجد حد اناني .. تاني حاجه هو ليه صعب اني الاقي شخص يعجبني شكل و شخصيه وانا بردو أعجبه من الناحيتين لازم يبقي في نقطه مش عارفه تتقبلها مش عارفه السبب ايه بس بالنسبالي مش هعرف اتجوز حد مش مقتنعه بيه اول حاجه بتيجي في دماغي ايه اللي يجبرني وهل ينفع تتجوز واحد عالشان مستواه وأنه محترم وكدا حد لو شكله مش شاددني عادي ولا هكون بظلمه وبظلم نفسي ولا أنا كدا اوفر ولا دا الطبيعي ؟؟

يعني ايه يكون من اقل من اسبوع باعتلي رسالة مجهول يقولي فيها وحشيتني وبعدها يرتبط بعد الرسالة دي ده تفسيره ايه بجد علشان مش عارفة افكر نهائي عارفة انكم هتقولولي خلاص طلعي الموضوع من دماغك بس انا بجد عايزة افهم اللي هو خبرة في الحياة يعني مش علشانه والله كده كده انا خلاص يعني مش بفكر فيه (ملحوظة عمري ما كلمته ولا عمره كلمني ولا ارتبطنا ولا اي شيئ بس هو كان معجب بيا وانا معجبة بيه وبنلمح لبعض وخلاص بعدها عرفت حاجة رحت مبلكاه ومن ساعتها مشلتش البلوك ولا بفكر اشيله

في بنت معايا في الكلية كنت معجب بيها وكان بيتم ما بينا تبادل النظرات وكذا ومكنتش عارف اوصل لحسابها او اي حاجه لغايه ما الترم خلص وبالصدفه لقيت حساب ليها وعايز ادخل اكلمها في ناس بتقولي متدخلش ومتبدأش علاقه حرام وناس بتقولي ادخل كمان انا بالنسبالي اني اقعد احب فيها من بعيد ومترفضش دا احسن من اني ادخلها واترفض تنصحوني اعمل ايه؟

انا لسة في الكلية وفاضلي سنتين على التخرج وانا معجب ببنت معايا في الكلية .. هل فيه معنى اني اروح اكلمها واعترفلها باعجابي بيها دلوقتي ؟ .. انا ببقى عايز اعمل كدة جدا بس بحس ان ماذا بعد ؟ ايوة ماذا بعد اني اعترفلها باعجابي .. علشان كدة شايف ان الخطوة دي ملهاش معنى طالما انا لسة متخرجتش وبقى عندي مسار وكارير واضح اقدر اني من بعده اخد خطوة زي دي شاركوني رايكو المفروض اعمل ايه

لي احنا دايما محتاجين للجنس الآخر لي بنحس بزعل لو احنا محدش اعجب بينا من الجنس الآخر مع أن عادي يعني وهو مش موجود فحياتنا دلوقت الحياة ماشيه وبنضحك ونتبسط لي بقي شعور أن حاجه ناقصه داااا؟

جمااعه انا عندي مشكله غريبه جدا أتعرفت ع بنت م فتره و بقينا زى الاخوات هى لما بتيجي تعجب بحد بتفضل تتكلم عليه و تبعتلى صور ليه ف انا معرفش حقيقى ازاى مع انى مش انسانه وحشه و كمان بساعدها ع قد مااقدر بأعجب بالشخص ال هى معجبه بيه بس عمرى ما باين ولا حتى افكر ااءزيها بس بعد شويه بيروح الاعجاب دا ف هو دا عادى بيحصلى م كتر الكلام عليه ولا ف مشكله فعلا

مش عارف حاسس عايز احكي الموقف كنت في امتحان النهارده والبنت اللي قدامي ماشاء الله منتقبه ربنا يزيدها يارب ف طبعا الامتحان ٤ نماذج ف المعيده اللي بتوزع بنتده على النموذج ١ واللي نفس النموذج يرفع ايده وياخد ورقه البنت دي كانت نموذج ٣ ف المعيده بتقول نموذج ٣ والبنت رفعت ايدها بس المعيده مشافتهاش علطول ووزعت ع الكل الا هي والبنت برضو فضلت ساكته ورافعه ايدها لحد ما المعيده شافتها احترمت اوي فكرة انها مكانتش عايزه تعلي صوتها وبجد ربنا يحفظها احترمتها اوي ف عامة المحترم بجد بيجبر اللي حوليه يحترموه

ممكن تفسير للموضوع ده مثلًا انا معجبة بواحد جدًا بس معرفوش معرفة شخصية ولا اعرف صوته ولا شخصيته ولا حركاته يعني بشوفه في الشارع ماشي بس وبشوفه في الصور السؤال هنا ليه لما مثلًا فتح لايف وسمعت صوته وشفته بيتحرك بقى زي الناس ومن قريب اشمأذيت مش معنى كده ان مثلًا صوته وحش خالص ولا ان حركاته رخمة خالص بجد ولا حاجة من دي بس معرفش الاحساس ده بيجيلي ليه أنه بيقل من نظري انا مش فاهمة ليه بجد

كنت في فرح حد من صحابي امبارح و بعد الفرح لقيت ان حد بيبعت لعروسه صاحبي من صحابها البنات ان هي معجبه بيا و ان طول الفرح كانت مركزه معايا و انا اتبعتلي الكلام ده من صاحبي بس انا مش حابب اتعرف عليها انا من النوع اللي بحب يكون في مشاعر متبادله بين الطرفين و اكون عارف الشخص اللي قدامي قبل اي حاجه و اتكلمنا من قبل كده خايف اقول لا اعمل مشكله لصاحبي مع عروسته لان دي صاحبتها الانتيم بس لحد الان بتهرب

انا معجبه بحد في صيدلية هو صيدلي يعتبر في اخر سنه لانه بيحضر حاجة زي سنة امتياز و هو في جامعة جنبي يعني واضح انه ساكن جنبي انا معرفش حاجه عنه غير اسمه و مش لابس دبلة و مش معايا رقمه وعايزة اجيب رقمه نتكلم اعمل ايه؟

بتعملوا ايه لما بتحسوا انكم معجبين بشخص لمجرد مواقف عابره لا تتعدي الثواني حرفياً وانتوا مش بيجمعكوا حاجه ولا شغل مشترك ولا اي حاجه يعتبر بس ممكن تتقابلوا بالصدفه يعني بس انتوا حاسين ان الشخص ده بردوا معجب شويه بس مش متأكدين خالص

انا في اولى جامعه في السمستر الاول شفت ولد معانا في الدفعه علي الانستا و ريبوستاته عجبتني وكان واضح عليه التدين بعدها لقيته معايا في اللجنه في الامتحانات و بقيت بشوفه دايما كنت بعمل eye contact معاه دايما واعجبت بيه جدا و السمستر التاني كان معايا في الجروب وعرفت عنه حاجات كتير لانه active على الانستا جدا و اغلب الدفعه عرفاه بس هو اخره يبصلي ومش دايما كمان و بيكون ملتزم فتره ويمسح الاغاني من الاكونت وفتره تانية يرجع كل حاجه ربنا يهديه يعني لانه شكله بيجاهد نفسه و دايما كان بيتكلم عن الارتباط حرام وكده انا اصلا معرفش هو يعرف اسمي ولا المهم الموضوع مجهد اوي اني افضل افكر فيه دايما خدت قرار معدتش افتح الاكونت بتاعه بس رجعت تاني دلوقتي وبقيت بفكر فيه كتير اصلا حاسه ان دا مش حب طبعا لان محصلش بينا اي موقف دا مجرد اعجاب ممكن بسبب فراغ و الاكيد انه مش حب المهم بيجي فترات ببقى بفكر فيه دايما و بحلم بيه و موال و دا مش عاجبني خالص و الاسوء كمان ان كل مره اشوفه فيها ابص عليه و مقدرش اغض بصري كأني دايبه فيه مثلا مش حابه ابدا اظهر بأني الي ببادر او واحده من المعجبات بيه ازاي ابطل افكر فيه وازاي اغض بصري عنه عشان زهقت جدااااااا

السلام عليكم انا اعاني من مشكله وانا صغيره كنت بلعب مع اولاد الجيران لان جارتي اختها بتجيب عيالها ليهم جمعه و سبت و كنت اللعب مع اولادها و عندها ثلث اولاد ولد الصغير كنت اللعب معاه وانا طفله ولما بيضزبني كنت اعيط فكان الوسطاني يطبطب عليا حاليا انا كبرت و هما كبرو لانهم اكبر مني وانا معحبه بالوسطاني و بحبه اوي و بستني يوم الجمعه عشان اسمع صوته و اشوفه المشكله اننا مش بنتكلم نهائي يعني كنت اللعب معاهم و عمري 4سنين يس و لما بشوفه و بيشوفني مش بنتكلم ولا ببسلم عليا حتي و انا اعجابي له بيزيد و بقيت بتمني اشوفه و لو صدفه و بلبس و اتشيك و اخبط علي جارتي يوم الجمعه باي حجه عشان اشوفه و حظي دايما نحس و مش بيبقي موجود و الموضوع بقي بيوجعني اوي وانا معجبه بيه جدا و بحبه مش عارفه اعمل ايه و معنديش جراه اكلمه نهائي هو اصلا بيشوفني طفله رخمه

لو فيه بنت انا معجب بيها وبحبها ازاي اعرف هي كمان بتبدلني المشاعر دي ولا لا ومن غير م احط نفسي في موقف محرج اوقات بحس انها بتحبني و اوقات تانيه بحس انها مش شيفاني اصلا فكرت كتير اكلمها بس بتراجع في الاخر

ف لحظات إدراك اول مره تجيلي امبارح والنهاردة ان كل ما افتكر اني كنت معجبة بولد وهو معجب بيا وهو عارف اني معجبه بيه وبنلمح لبعض وريبوستات بقى والجو ده وبشوفو في الحقيقة ببصله بس كده وامشي بس مكنتش بكلمه يعني علشان حرام ولسه صغيرة يجيلي صريخ ضحك وبشد في شعري وهموت من الاحراج هو عمومًا انا بلكته لانه طلع بيكلم بنات وكده بس بضحكك بجدد وبشد في شعري وإحساس غريب كده وبتنطط من الاحراج حقيقي (لسه معجبة بيه وبدخل اكونته كل يوم عشرين مره)

عايز رد ضروري وعايز رد البنات بالاخص انتي لو ملكيش ف الارتباط والصحوبيه والشغل دا ومحافظه علي نفسك ولبسك ومحترمه بس عجبك ولد معاكي ف الجامعه او الشغل وبتبادلو بعض نظرات اعجاب بقالكم كتير اوي بس ولا عمركم اتكلمتم مع بعض خالص وهو ف نيتو عايزك وعايز يتقدملك لو لسا الوقت مش مناسب عشان بتدرسو مثلا او اي ظرف ف الوقت اللي لسا مستنيين فيه هل بتستني منه يخش يكلمك يحاول يتعرف بطريقه غير مباشره ويلمحلك بالموضوع ومش قصدي تتكلمو بقا وتحبو ف بعض قصدي يعرفك الموضوع بس ويقفل الكلام ولا هتحرجيه او تبلكيه حتي لو معجبه بيه عشان حياءك !؟ ولا ممكن تردي باختصار وبدون مشاعر وتحترميه عادي ؟ ولا الافضل تستنيه يكلم باباكي نفسي اعرف تفكير البنات ف الحته دي وبذات مع ولد هي معجبه بيه وحاول يلمحلها ف شات خاص باحترام رد فعلهم اي ؟

حلمت حلم امبارح حرفيا رعبني هو مش رعب هو فكرني بحاجه انا عملتها من سنتين و خايفة حد يعرفها 🤐 ما علينا هل ممكن الانسان يعيش قصة حب كاملة توكسيك من طرف واحد من غير ما يتعامل مع الشخص اصلا او يعرف بوجودة لدرجة انه يوصل بيه الحال انه حاسس بالاستنزاف و كاره انه يمر بنفس التجربة تاني رغم انها كانت صغيرة جدا بالنسبة لبقيت قصص الحب (مش جدا يعني ) اصل انا من ساعت ما بقيت مبحبش الشخص ده و انا كارهه فكرة الحب اصلا او الاعجاب او حتى مبقتش احس بنفس المشاعر تاني لما يقابلني ريل او كلام حلو مثلا او حتى بيت شعر او ارجع اسرح بخيالي ثاني و احس نفس المشاعر و بقت كل حاجه مطفية قدامي و عايشة منغير هدف حاسه ان فيه حاجه اطفت قدامي بسبب الفترة الي عديت بيها دي رغم اني لا شوفت و ولا سمعت و ولا حسيت باي حاجه من الطرف الثاني يعني انا بس الي كنت عايشاها زي ريليشن غير ملموسة هل ده ممكن يكون ليه علاقة لاني بجد لما نزلت بوست و كنت بقول فيه اني حاسه ان مشاعري ماتت كان بجد مش بهزر

عمرك ندمت إنك تجاهلت ➕👤 من حد عجبك؟ حتى لو حسيت إنه مش مناسب ليك؟ ولا مقتنع إنك عملت الصح؟ ساعات بنفكر يمكن كانت فرصة حلوة تضيع ليه ؟، ولو رجع بيك الوقت كنت هتديها فرصة ولا هتسيبها زي ما هي؟ قولوا بصراحه

جماعة انا معجب بواحدة معايا في الكلية وانا ناوي ابدأ اشتغل من الاجازة الجاية اقولها ولا اعمل ايه واقول لاهلها ايه معلومة هي متعرفنيش ممكن تبقا عارفة اني موجود في الكلية بس وانا عايز اقولها بصراحة مش عايزها تروح مني🫠

في حاجه حصلت معايا انهارده كنت واقف عند الدمشقي بتاع الشاورما فطنطا فالحلو تمام واذا فجاة الاقي واحدة معاها امها والبنت اواخر عشرينات بس حرفيا بطل ولا غلطة بالعباية السمرا وقعدت تلاغيني وتبادلني نظرات العيون وكده بس للاسف ركبو توكتوك هي وامها ومشيو ومش عارف اوصلها المشكلة مش في كده المشكلة اني مكنتش عارف اشقطها ازاي وهي مع امها

جـماعه انا قـلتلكو قبل كدا موضوع اني معجبه ب مستر ليا وكدا المهم ليا زميله معايا هيا متعرفش اني معجبه بيه او كدا ف لقيتها بعد الدرس بتقولي المـستر بيبصلك ب نظرات مختلفه مش زي م بيبص لزمايلي البنات التانيه وڪل شويه يضحكلك ف انا مكسوفه اوي بجد مش عارفه هل ممكن فعلا يڪون بدا يحبني.؟

احممم احممم انا دلوقتي عندي مشكلة يعتبر بتواجه أغلبية الشباب الا وهي الرهاب الاجتماعي والموضوع ده واقف في طريقي بطريقة وحشة بيخليني معبرش عن اي حاجة خالص حتي وصلت اني ممكن اخفي اعجابي ببنت علشان خاطر خايف علي شكلي وده اصلا بيحصل حاليا

هو ممكن ن heal مع بعض ؟ يعني احنا الاتنين نكون احسن نفسيا صحيا دينيا عمليا ماديا.. بفكر مدلهوش فرصه رغم اني معجبه بيه .. بس خلاص مبقتش حمل احتمالات اصل احتمال كبير منكونش مناسبين فليه نحاول و نستهلك مجهود و وقت . ركزوا عالوقت لانه معروف كل ما وقت يزيد كل ما هنتعود و هنتأذي لو بعدنا

مساء الخير يا جماعة، يارب تكونوا بخير في بنت أنا معجب بيها، عرفتها من جروب واتساب تبع الشغل، وأنا شغال صحفي، وهي أكبر مني بسنة، بس خلينا واضحين من الأول، فرق السنة ده شكلي بس، لأن في الواقع أنا سابقها بمراحل في كل حاجة تقريبًا، سواء خبرة أو شغل أو علاقات. البنت متدربة، ومستواها بصراحة تحت الصفر، وأنا شغال صحفي، وهي إنها أكبر مني بسنة وانا أعلى منها كانت بتنزل على الجروبات تسأل في حاجات بديهية جدًا ومحدش كان بيعبرها، فقولت خلاص أنا هدخل أساعدها، لأن ببساطة مش أي حد عنده اللي عندي أو يقدر يقدمه. كلمتها برايفت، وبدأت أشرح لها حاجات ناس بتقعد سنين عشان تفهمها، أنا شغال صحفي، وهي أكبر مني بسنة، فتحت لها أبواب هي مكنتش تحلم تقرب لها، أرقام مصادر تقيلة جدًا، أرقام ناس محدش عارف يوصل لها، وأنا كنت برفض أديها لناس أكبر منها وأقدم منها، لكن اديتها لها عشان تلاقي حد يرفعها ومش لاقية حد يساعدها. وريتها أنا وصلت لإيه، شغلي وعلاقاتي ومستوايا، أنا شغال صحفي، وهي أكبر مني بسنة، مش من باب الفشخرة، بس عشان تبقى فاهمة هي بتتعامل مع مين، لأن مش منطقي تبقى بتكلم حد في مستوايا ومش مستوعبة ده. المفروض الطبيعي بعد كل ده إنها تبقى مقدرة أو على الأقل مهتمة، لاني صحفي وحط تحت كلمة صحفي الف خط وهي أكبر مني بسنة، إنما اللي حصل ولا كأن في حاجة حصلت أصلًا، تعامل عادي جدًا كأن كل اللي قدمته ده حاجة بسيطة. سجلت رقمي وكانت بتشوف الاستوريهات وبتتفاعل، فقولت تمام الأمور ماشية، بعتلها Add مقبلتش، قولتلها تقبلي قالت حاضر، وطبعًا ولا حصل أي حاجة، وأنا كبرت دماغي ومكمل عادي. تيجي تكلمني؟ كله بصيغة رسمية زيادة عن اللزوم، “شكرًا لحضرتك”، رغم إنها أكبر مني بسنة، وكأنها بتتعامل مع حد غريب مش حد واقف معاها وبيساعدها بكل حاجة وهو معلمها. أحاول أفتح كلام عادي؟ مفيش رد، تختفي وترجع تكلمني عشان مصلحة، أنا شغال صحفي، ورغم إنها أكبر مني بسنة، أساعد عادي لأن ده مستوايا، لكن ردودها تبقى على قد السؤال وخلاص، مفيش أي تقدير حقيقي. كانت كل شوية تطلب مني مساعدات كتير عمال على بطال افتح موضوع تاني ترد على القد. بعد كده اكتشفت إنها مسحت رقمي أصلًا، أنا شغال صحفي، وهي أكبر مني بسنة، ومن ساعتها لا بترد ولا بتفتح كلام، وأنا بطبعي مش بزن على حد، اللي مش شايفني أنا أول واحد بيمشي. الكلام ده كان في شهر 8 وعدى وقت، دلوقتي بفكر أرجع أكلمها كده بشكل بسيط، أسأل عليها وخلاص، بس الفكرة نفسها ضد طبيعتي تمامًا وكمان هي لسة متخرجة وانا عايز اخطبها بس انا الأصغر ومستعد أعلمها اكتر. عمري ما رجعت لحد طنشني، ده انا صحفي، لأن ببساطة أنا مش محتاج أفرض نفسي على حد، بس في نفس الوقت دماغها عاجباني ودي حاجة نادرة. فاللي محيرني بجد، رغم إنها أكبر مني بسنة، إزاي واحدة في مستواها ده ومش فارق معاها كل اللي قدمته لها؟ هل أدي الموضوع فرصة تانية وأكلمها، ولا أخليني زي ما أنا وأسيب اللي مش شايف قيمتي في حاله؟

مساء الخير يا جماعة، يارب تكونوا بخير في بنت أنا معجب بيها، بس هي أكبر مني بسنة أنا شغال صحفي، عرفتها من جروب واتساب، ولاحظت إنها متدربة ومش عارفة أي حاجة خالص، يعني حرفيًا على الله حكايتها، وأنا اللي أشطر منها بمراحل بكتير جدًا، مش بمقارنة أصلاً. البنت كانت كل شوية تنزل على الجروبات تسأل وتطلب مساعدة، ومحدش كان بيرد عليها نهائي، فقولت خلاص أنا هدخل أساعدها، كلمتها برايفت، وبدأت أشرح لها وأساعدها في حاجات كتير جدًا، لدرجة إني اديتها أرقام مصادر ناس تقيلة جدًا في مصر، الأرقام دي أصلًا مش مع حد في مصر غيري وكتير كانوا بيتحايلو عليا ابعتها وانا برفض واديت ليها دايما ولما كانت بتطلب رقم ببعتهولها عشان هي متدربة. ووريتها شغلي وعلاقاتي واللي أنا وصلتله، واتكلمت عن نفسي شوية عشان تبقى فاهمة أنا مين، مش أي حد وخلاص يعني، وبرغم كل ده، لاقيتها ولا هنا، ولا مهتمة أصلًا! سجلت رقمي آه، وشوفت إنها بتشوف الاستوريهات وكانت تحطلي على كل ستوري قلب قولت اكيد فرحانة بيا وطريقة تفكيرها بصراحة شدتني جدًا، رغم إني بصراحة شايف إني اللي أعلى منها بكتير في المستوى والشغل والعلاقات، وكمان أنا أصغر منها وهي أكبر مني بسنة، وبرضو مش عاملة ربع اللي أنا عملته في المجال. بعتلها Add، مقبلتش، قولتلها تقبلي، قالت حاضر، وطبعًا كبرت دماغها ومقبلتش، وبرضو أنا مكمل في مساعدتي ليها، بشرحلها وبدعمها، وهي ترد عليّ بـ “شكرًا لحضرتك” كده رسمي أوي رغم إنها أكبر مني بسنة بعد كده جيت أفتح معاها كلام تاني، لاقيتها مردتش، وبعدين بعد يومين تكلمني تطلب مساعدة! عملت اللي طلبته، وردودها كانت مقتضبة جدًا، يعني على قد السؤال وخلاص. حاولت أفتح كلام تاني، مردتش خالص. وبعدين أخد بالي إنها مسحت رقمي أصلاً، وبعدها بقت لا بترد ولا بتفتح كلام، وأنا بطبيعتي مش من الناس اللي تزن أو تبعت لحد مردش، أنا بكبر دماغي فورًا. الكلام ده كله كان في شهر 8. دلوقتي بفكر أرجع أنكش وأسأل مثلًا “إزيك عاملة إيه”، أو أي مدخل كده، بس أنا عمري في حياتي ما حصل إن حد مردش عليّ وأنا اللي أرجع أبعتله تاني، مش ستايلي خالص وانا معملش كده والمفروض هي اللي تخش تكلمني. بس في نفس الوقت، من بوستاتها واستوريهاتها حاسس إن دماغها عاجباني، بس هي مش مدياني أي فرصة، وده غريب جدًا خصوصًا إن المجال أصلًا نادر فيه بنات، وهي أكبر مني بسنة ومع ذلك أنا اللي معلمها كل حاجة تقريبًا. فمش فاهم بجد، هل أخد خطوة وأبعتلها وأسأل عليها وأجرب تاني؟ ولا أخليني تقيل كده وأكبر دماغي خالص؟ والأغرب من كل ده… إزاي واحدة متدربة، أكبر مني بسنة، ومش عارفة أي حاجة تقريبًا، وأنا اللي معلمها ومساعدها وعلاقاتي أقوى منها بمراحل، ومش منبهرة بيا أصلاً؟!

هاي ، هل يوجد احد لديه مشكلة اذا احب فتاة او معجب بها ... يريد ان يعرف عليها كل تفاصيل ، مثلا انا اعجبتني واحدة ، لم اتكلم معها الا بعد ان عرفت حسابها بمفردي و اسمها و لقبها و مكان سكنها و كل المعلومات ، وكيف تتصرف او تتكلم وطريقة تحدثها مع الناس و معاملتها اليهم ، وايضا لدي غيرة قوية ، حتى لو نظر اليها احد بالخطأ سينضم الى قائمة الاعداء 💀 اخبروني من قبل انها مشكلة سيئة او مرض وانا اراه طبيعي

عايزة حد يساعدنى فى شخص انا بحس بإعجاب ناحيه بس انا و هو مبنتكلمش خالص بس ف بينا نظرات و نفسى اوى اننا نتكلم بس عايزة تيجى منه هو ..هو عارفنى و عارف اسمى ..لو حد بس يفاهمنى انى عايزة اخليه هو اللى يكلمنى من احسسه انى مدلوقة عليه.. اكونتاته كلها مقفوله محتاجه بس لو حد عنده حيله 🥺😂

جماعة help me please🇩🇿 سنة نقرا ثانية ثانوي تقني رياضي و عام جاي نطيح مع نفس لقسم تع سنة و فالقسم هذا كاين طفل يقرا معايا نقدروا نقولوا يعجبني و نبقى غير نخمم فيه فالقسم و مهما نحاول ننساه منقدرش و صراتلي حكاية معاه فالانسطا لمهم للعلم انا انسانة تحلل كل موقف و تخمم فكل حاجة و درك بما انو جاي لباك خممت نبدل لمدرسة و نروح لوحدة خلاف قريبة على ليكول لي نقرا فيها بصح مش حنزيد نتلاقاه باه نركز على قرايتي و ننساه و منضيعش وقتي نخمم فيه انصحوني اسكو حتأثر عليا كي نبدل المدرسة بالسوء و اسكو نقعد برك بيسك حرت حرفيا خاطر والفت على لقسم هذا و صحاباتي و ناس لي يقراو معاي بصح من جيهة منقدرش نركز على قرايتي Please give me advice what should i do😔

مرحبا انا معجبة بشخص منذ مدة طويلة و جاب ربي هدرنا بحكم جايين من نفس المجال و هو صانع محتوى معروف وزاد تعلقي بيه رغم انو في كل مرة نصلي صلاة استخارة تصرا حاجة عيانة بصح منيش متقبلة كامل الاشارات لي شفتهم لدرجة وليت ندعي اللهم اصلحه و اجعل فيه خير لي اللهم اصلحني و اجل في خير له 🥹🥹🥹🥹

جماعه انا ليه كل ما أعجب ب حد وافتكره محترم اكتشف حاجه تانيه خالص ليه حرفيا للمرة التانيه يحصل معايا كده طب الولاد بيكدبوا ليه بيمثلوا أنهم بيرفكت وأنهم مش بيتكلموا مع بنات والجو ده وفي الاخر تلاقيه عامل فولو ل بنت صاحبتي يعني هيستفادوا ايه

انا معجب ببنت معايا ف الجامعه بس هي دايما مش ملاحظه ده حتى لما بلمحلها ودايما مسحوله مع صحابها وعندها بيست فريند ولد والولد ده صاحبي برضوا بس هو مسيحي وهي مسلمه ف قولت عادي بعد م نرتبط كل ده هيتغير ان شاء الله وحاولت كتير اني المح اني بحبها وبكلمها ع اساس اني معجب ببنت معانا وانها زي القمر بس البعيده عاميه والكلام ده بس بصراحه هي بتقولي اعمل اي وافكارها تحفه بس مش قادر انفذ هي بجد احلي بنت انا شوفتها♥️♥️♥️ اه وانا مرتبطش ف حياتي قبل كده

عندي سؤال و هو موجهه للرجاله اكتر هو بجد انتوا ممكن تحبوا بنت بجد؟؟ اقصد حب حب ال هو فعلا بتحبها لدرجه مش قادر تنساها و دايما بتفكر فيها و لو اه ممكن تحكولي مواقف او تجارب معاكوا و ازاي اعرف الشخص ده فعلا بيحبني ولا مجرد اعجاب او تسليه؟؟؟ جابوا بصراحه 🙏🙏🙏

انا كان كل التعامل بتاعي مع ناش شواذ حرفيا في حياتي زمان حياتي اتغيرت شويه دلوقتي وبعدت عن تفكرهم وحياتهم شويه بس عندي مشكله دلوقتي انا معجب ببنت من وانا في درس زمان عرفها من 3 سنين وهيا عارفه اننا اصحاب بس والله واعلم بتفكر فيا ازاي بس انا حقيقي معجب بيها وعندي مشكله في اني ابين ده فا هل في نصايح ليا في الموضوع ده ؟

عندي سؤال إزاي الواحد يتأكد من مشاعرو ويعرف إذا كان بيحب فعلا ولا كان اعجاب عادي ولو كان بيحب وعدي فتره كبيره شهور مثلا يعرف إزاي ان لسه بيحب اصل ممكن يكون ده اعجاب وراح مع الوقت لكن لو حب هيفضل بس في بعد بين الطرفين ف نرجع للسؤال ازاي يتأكد من الحب انو لسه موجود رغم البعد ولو اكتشف ان مبقيش في حب يعمل اي عشان يتخطي لأن العلاقه دي كانت ماثره عليه

كنت معجبه بولد معايا ف المدرسه فضلت معجبه بيه الترم الاول كامل وهو ميعرفش اول يوم ف الترم التاني اتفاجئت انه عرف!! بدأ يبصلي كتير نظرات غريبه حسيت انها نظرات سخريه رغم اني مش قبيحه يعني ولا شكلي غريب عشان يتريق على اعجابي بيه وصحابو كل لما يشوفوني بيفضلو يبصولي ويقولوا اسمه قدامي ويقعدو يتكلمو ويبصولي انا مش فاهمه ليه انا حتى مكلمتوش ولا قولتلو نتصاحب او كنت هقول لاني مش بصاحب اصلا ليه بيبصلي كده وهو مجرد اعجاب يعني وخصوصا ان الولد نوعا ما مشهور ف المدرسه وفيه بنات كتير معجبه بيه ودخلو كلموه ورفضهم ليه جيه عندي انا يعني ويبصلي البصات دي ويخلي صحابه يعملو كده اتمنى اللي عنده رد يقولي عشان انا مدايقه وخايفه اروح المدرسه وامتحانات الشهور قربت

اخيرا البرنامج رجع طبيعي ما علينا انا بنت بحياتي ما حدا قلي بحبك او معجب ما بعرف ليش اي يمكن مش كتير حلوة بس انو مقبولة بس انو ولا حدا يتقدملي او يعجب ؟