رتب حياتك قوم بدري صلي الفجر في وقته اعمل رياضة لو حتى هتمشي بس اعمل الفطار والاكل اللي بتحبه اقرأ قران يوميا حتى لو نص صفحة اذكار الصباح والمساء ادعي ربنا كتير ..ولو كنت سهران صلي وادعي حافظ على صلاتك وحط منبه يرن عند كل صلاة خلي في وقت محدد للمذاكرة في يومك ما تضيعهوش وسط كل دا متنساش تعمل الحاجات اللي بتحبها .. خروج مع صحابك .. لعبة تلعبها .. موهبة تنميها الحياة لسة قدامك .. يا انك تقعد في مكانك وتضيعها يا انك تحاول تقوم وبراحة على نفسك .. خليك حنين عليها .. غلطت ؟ فشلت؟ ايه يعني دي مش نهاية العالم قوم تاني وتالت ورابع طبطب على نفسك قبل اي حد حتى لو كنت لوحدك افتكر كويس انك مش وحش .. عندك حاجات كتير حلوة واهمها انك نفسك تبقى احسن وانجح وانت تقدر

روح therapy ضروري لان بجد انت محتاجه، احنا هنا بنسمعك و بنحاول نساعدك علي قد معرفتنا بس احنا مش خبراء و كلامنا مش موثوق ، انا هحاول اقولك اللي بيساعدني يمكن يساعدك. حاول تفكر ايه اللي محسسك بالقلق بالذات و ليه هو محسسك بالتوتر من اساسه . و فكر مع نفسك هل الشيء دا مستاهل التوتر دا ولا لا، اعتقد اني ممكن تقولك كمان متعتمدش علي حاجه واحده بس انها شخصيتك او حياتك، متخليش المذاكرة حياتك كلها، افضل يوم بالنسبة لاي شخص عمتا هو يوم فيه 5 حتت ( الدين، تنمية الذات، الرياضه، التسلية و اللعب، الاهتمام بالنفس عمتا من ناحية نوم و اكل و كدا...) (دا رايي يعني مش موثوق) و حاول انك تكتشف شغفك في ايه او بتحب ايه و كدا، و انت فعلا فهلا محتاح therapy عشان يساعدك بحد لان تطبيق زي دا هيحققلك شعور الراحه و انك فضفضت بس مش هيحققلك علاج او حل فعلي . بس ف كل الحالات احنا معااكك انت قدها ولله معلش دا الدنيا متستاهلش التوتر دا يعني الصراحه انا واخداها انه مش فارق و اننا كدا كدا هموت و الناس هينسوني، مش فارق معايا اوي مش عارفه ليه بس بالنسبالي المهم اني اجتهد و اتعب عشان انجح ف اللي بحبه و شاطرة فيه

بجد انا ممكن اكون زيك بس عايز اقولك انك ممكن تبقا جامد جدا دراسيا انا دراسيا ممكن أسوأ منك الناس كلها بتكرهي اشك ان حد بيحبني بصدق انا زيك متوحد انا للاسف مدمن العاده وحياتي بجد في أسوأ ما يكون انصحك نصيحه جديه حاول تنسى انا لسه في نفس المشاكل بتاعتك وملقتش حل بس حاول تتناسى او تتغاضى مقدرش اقولك تعمل ةي حاجه تاني او ممكن تروح دكتور نفسي اكيد هيساعدك