منذ 12 أياميشعر بـ مكسور القلب
بحس تعبت اوي وقلبي واجعني جدا اني لوحدي ومش حاسه ان في حد فظهري مهما حصل....تعبت أن في تراكم كتير للألم والمشاكل ومبيتحلش...الفكره أني بكبر دماغي ويسكت وبعديها مع أن المشاكل فالحقيقة بتتكوم وتعمل وجع كبير بينفجر مره واحده..وبتعب اوي....تعبت حقيقي من كل حاجه...تعبت اكتر اني مش قادره اقدم لنفسي حاجه زي مابقدم لغيري...تعبت احاول واكدب على نفسي أن كل حاجه كويسه وبطلع اكبر كدابه حقيقي قصاد نفسي ..مش عارفه احتوي خالص الطفله الصغيره اللي جوايا....معرفش ليه الدنيا بتصعبها علينا اوي كدا في حين أن كل اللي كنا عايزينه شويه دعم أو سند أو حتى اللي يهون علينا...ليه بجد مفيش هدنه خالص من التعب....
اكيد في حد. اكيييد. مش شرط حد انتي ترتاحيله عشان تحكي. بس اكيد في حد عايز يسمع وهيحب انه يسمعك
مش عارفك شخصيًا، بس كلامك حسسني قد إيه انتي شايلة كتير و لوحدك… وده صعب فعلًا بس صدقيني مش لازم تحاربي كل ده لوحدك، حتى لو بكلام بسيط مع أي حد ترتاحيله وعامة الدنيا مش دايما سهلة وهيا مشقة مش دار للراحة أتمنى الأيام الجاية تبقى أهدى عليكِ شوية❤️
لا انا فاهم كلامك كويس
انا قصدي ايه هي التراكمات والمشاكل اللي مش لاقيلها حل
طيب احكيلي ايه اللي مزعلك يمكن اقدر اساعدك او اكون داعم ليكي
فعلا ان الواحد يقلل من زعل اللي قدامه بتخلي الواحد يفصل ويندم انه حكاله
اتخذلتي من مين
محدش بيفهمك عشان انتي صعبه ولا عشان بيكبروا دماغهم
وليه مفيش حد في ضهرك ايه الأسباب هل انتي عايزة حد معين هو اللي يكون في ضهرك ولا انتي مش بتشاركي اي حد من اللي حواليكي
دي مشكله الكتمان بيوجع اكتر من الوجع نفسه ولما ميكونش في حد جمبنا نرمي حملنا عليه التعب بيزيد طيب ليه مفيش حد جمبك ماما اخواتك اصحابك ولا انتي بتدوري علي الحب والسند والاهتمام