انا ٢٦ سنه ومن وانا صغيره جدا بيتقدملي ناس قرايب و مش قرايب لكن كنت لسه صغيره وبابا كان عاوز اكمل تعليمي الاول واتخطبت بعد ما اتخرجت فتره بسيطه ولما اتعرفنا اكتشفت انه مش مناسب وفسخت ومن بعدها اتقدملي ناس كتير بس اغلبهم مش مناسبين وكنت عادي مش حاطه ف الموضوع ف دماغي لحد ما ظهر شخص ف الاول ارتحت جدا بس بدأت تظهر حاجات مش مريحاني بس قولت اديله فرصه وبعدين هو سابني بدون اسباب مقالش اي حاجه ولحد الان معرفش اسباب رغم اني كنت حاسه بإنه طاير بيا بجد ومن وقتها وانا ثقتي بنفسي اتهزت جدا وبدأت تسيطر عليا فكرت اني هفضل لوحدي مع ان اتقدملي بعده ناس بس مش مناسبين والخوف ملئ قلبي من الموضوع دا بعد ماكان مش فارق وخايفه اختار غلط بسبب كدا جماعه انا بقيت خايفه لدرجة بصحى من النوم ف الفكره ف دماغي بنام احلم بكوابيس اني لوحدي وبقيت مرعوبه بجد ٢٦ سنه وحاسه الباب دا مقفول جدا وبدأت اتأثر بكلام اي حد ف الموضوع دا وبدعي كتير واعيط ومفيش تغيير
طيب خدي النصيحة دي مني كاخ صغير وحد يمكن شاف من الدنيا شوية الشخص ده كان مع حد وسابو ولما جالك هو يمكن كانت ثقتو مهزوزة في نفسو وبما انك قولتي بيتقدملك كتير فاكيد هو عارف فلما مكانش مناسب وانتي خاطرتي وادتيلو فرصة شاف ان يعني هيا سابت كل دول او رفضتهم واختارتني وتنازلت وهو عارف ان افعالو اللي انتي مرتاحتيش ليها اللي هيقبلها هيبقا متنازل فهو اخد الثقة اللي كانت نقصاه بمعنى اصح انتي ادتيه اكتر من حجمو فبعد مكان مستكترك على نفسو شاف نفسو كتير عليكي ومعلش في الكلمة الراجل اللي يعمل كدا ميبقاش راجل الراجل بيواجه مش يدخل البيت وبعدين يمشي مهو بنات الناس مش لعبة وكلمة اخيرة 26 سنة لسه صغيرة ولسه الدنيا قدامك كبيرة متسمحيش لده يهز ثقتك في نفسك انتي كتيرة على اي حد ووالدك ربنا يخليهولك عزك من يومك وعلمك ومبخلش باي حاجة فمفيش شخص يستاهل تشوفي نفسك قليلة او يهز ثقتك في نفسك واكيد ربنا شايلك خير وراجل بجد يتقي ربنا فيكي اتمنى تاخدي بنصيحتي واسف لو طولت
٢٦ سنه صغيره لسه عادي اهدي كدا الدنيا مش مستاهله كل دا هيجيلك ابن الحلال متخافيش ومش تدخلي في علاقات حرام هتلاقي الي يحبك وتحبيه والدنيا هتبقا فل مش تقلقي
نفس مشكلتك والله مفيش حل الا الصبر انا كمان شاب و ٢٧
ليه كل ده