خطوبة

صباح الخير علي الجميع اتمنه ان حضرتكم تكونو كلكم بخير 🌹 كونت عايز اخد رايكم في موضوع كده انا دلوقتي كونت خاطب واحده والحمدلله ربنا ماردش اننا نتجوز فا الي حصل ان انا جايب شبكه بمبلغ كبير جدا وللاسف اكتشفت انهم صرفو الفلوس علشان جاهزه ومامتها بقت تكلمني باسلوب سئ جدا وهيا عملالي بلوكات من كل حاجه ونا بصراحه من لسا متخطتش موضوع الخطوبه وبسبب التفكير والزعل نفسيتي وحشه جدا ومريض جدا دلوقتي فا مش عارف اتصرف معهم ازاي بجد اتمنه اسمع رايكم او تدعولي الدعوه هتفرق اووي معايا ❤️🌹

عايز طريقه ابلغ بيها خطبتى واهلها انتى اتجوزت من اسبوعيين ومش عايز خطبتى عشان مش بحبها وانا اخترت الشخصيه اللى مرتاح معها وبحبها بس من غير مشاكل انا حولت اوقبل الموضوع واعديه بس معرفتش اكمل مع خطبتى

جماعههه انا خطوبتي قربت والمفروض هتبقى اسلاميه ومش مختلطه والاغاني بالدف او بدون موسيقى وكدا بس مش عارفه ايه الاغاني اللي كلماتها عادي تتحط وايه اللي لا لأن خطيبي كمان بيدقق اوي في حوار الكلمات دا ومش عارفه اشغل ايه ف ارجوكو اللي يعرف يفيدني جزاكم الله كل خير يارب😭💗💗💗

ممكن تعرضوا عليا حلول ومحدش يبخل عليا لو سمحتم لو عنده فكره انا عندي 24 سنه وشغال ومستقر وبجهز شقتي حاليا ومعجب جدا ب بنت عمتي وبحبها بس احنا مش بنتواصل مع بعض ولا بنشوف بعض غير ف المناسبات والزيارات بالصدف بس من زمان ونا بحس بنظره عينها وابتسامتها ليا اللي بتدوبني اول ما بتشوفني وساعات اول ما بتلاقيني ف حته ونا عند العيله ببقي لسه داخل المكان بتبادر بالاقبال عليا وتسلم عليا وبعدبن تنسحب بحس انها بتستلطفني من زمان بقالي فتره كبيره بفكر فيها ونفسي اخد خطوه رسمي من ناحيتها بس لسه قدامي اكتر من سنه شغل ف الشقه لان مساحتها كبيره ولسه بدفع جمعيات عشان اقدر اشطبها فاتحت والدي بطربقه غير مباشره لقيت رفض منه انه ييجي معايا نفاتح حد من اخواته علي خطوبه او قرايه فاتحه وقالي بلاش خلينا حبايب احسن والبنت اهلها شادين عليها وغالبا مش معاها موبايل حتي رغم انها ف كليه ودا اللي مخليني متمسك بيها لاني واثق ف تربيتها وتربيه اهلها ليها ونا خجلان المحلها او المح لحد من ولاد عماتي البنات يقولها اني معجب بيها خايف الاقي رفض او صد ساعتها مش هقدر اتواجد وسطهم تاني وهحس بندم ع الفعل وخايف انها تتخطب وتضيع من ايدي واقول ياريتني اتلحلحت طب اعمل اي والدي مش عاوز حتي نروح نحط ايدينا ف ايد ابوها ونقري فاتحه لحد م تخلص كليه ونا اخلص الشقه ونا معنديش فرصه اخرج معاها لوحدنا ولا نتكلم وكمن هيا عندها انستا وفيسبوك وعندي عالفيسبوك بس خايف اتكلم معاها فالموضوع يوصل لحد تاني من اهلها وتبقي مشكله واتفهم غلط لاني مشعارف هيا بتفتح من عند مين اختها ولا بنت خالتها لان مش معاها موبايل تنصحوني اعمل اي اكسب بيه البنت وتبقي ع الاقل ف ضهري لحد م اهلي يوافقوني او اتقدم رسمي الموضوع فارق معايا اتمني تقفوا جمبي

عايز اخطب بس مفيش حد ف حياتي الموضوع غريب آوي وصعب بقالي سنة فاسخ خطوبتي والموضوع هادى جوايا ومبقاش تاعبني زي الأول وتقريبا اتخطيت بنسبة كبيرة لكن المشكلة ان مفيش حد ف حياتي ولا حد قدامى وكونى شخص مختلف وعندى ظروف مختلفة مقلقني انى أروح أتقدم لحد ومتتقبلش او متوافقش او او الرفض عندى بيعمل مصايب ف دماغي وبيطلع صوت ديما يقلي مش قلتلك محدش هيقبلنا مش قلتلك محدش ومحدش وبيفضل الصوت عالي يمكن لفترة طويلة ممكن 6 أشهر وأنا مبقتش قادر انا مرهق وعمري قرب ع ال28 ومش كل شوية هقضيها تعافي من رفض بقي اهون عليا اقعد لوحدي ولا اني اقعد كل شوية احاول اتعافي من جرح الرفض واللي مش بأيدي للأسف اتعامل معاه زي البشر كوني عندى اضطراب شخصية(بوردرلاين) ولسة ف اول العلاج ومبقتش مستحمل بجد اني اتعب تاني ومشكلتي اني بتعلق بسرعة وببقي هش اوي وطفل اوي حاجه مقرفة اوي بجد

"يا جماعة أنا بكتب الكلام ده وأنا دمي محروق ومقهور بقالي أيام.. أنا وقعت في ناس لا تعرف أصول ولا دين، وجاي هنا مش بس عشان أفضفض، أنا محتاج نصيحة بجد أعمل إيه مع الناس دي؟ أنا خطبت بنت وسعيت وعفرت عشان أجهز نفسي، ومن أول يوم لاحظت إن أهلها في منتهى البخل.. بخل مش طبيعي! لدرجة إني كنت أنا اللي بصرف على كل حاجة، حتى الخروجات والزيارات وأي تفصيلة تخصنا كنت أنا اللي بدفعها من جيبي وشقايا عشان بحبها ومكنتش حابب أكسفها أو أبين إن في نقص. كنت بقول بكرة تتعدل لما نتقفل علينا باب واحد. لكن الموضوع زاد عن حده وبقى استغلال عيني عينك، ومبقيتش قادر أستحمل طريقتهم وطمعهم، وحصلت مشكلة كبيرة وانفصلنا. الكارثة فين بقى؟ الكارثة إني لما رحت أطلب حاجتي والشبكة اللي دافع فيها شقا عمري، لقيتهم بيماطلوا ورفضوا يرجعوهالي! وبكل بجاحة بيقولوا لي 'مالكش حاجة عندنا'. أنا دلوقتي دمي محروق.. خسرت وقتي وطاقتي وفوق كل ده عايزين ياكلوا شقايا والشبكة اللي جايبها بفلوسي. أنا بسألكم وأبوس إيديكم شوروا عليا:

من غير كلام وحش انا عارفه اني غلطانه وندمانه ومش عارفه ابطل عياط انا بحب واحد روحي فيه والله كان حلم حياتي يبقى معايا قعدت فتره كبيره احبه من غير ما يعرف حبني واتفقنا نبقى صحاب وكلم اهلي وهيجي يخطبني كمان شهرين الاكس بتاعي من وانا في ثانوي قاطعين مع بعض من5سنين بنتكلم كل فتره كدا كا اخوات وفعلا علاقتنا مفيهاش اي حاجه تانيه كلمني من يومين وانا رديت بقالنا3ايام بنتكلم بس مش طول اليوم يعني النهارده كنا بنتكلم عن أن شكلنا اتغير فا بعتلي صورته وقالي عندي فضول اشوفك الصراحة بعتله صوره عاديه بس انا ضميري مأنبني اوي والله العظيم ندمانه انا بحب التاني اوي والله ما اقدر اعيش من غيره لحظه معرفش عملت كدا ليه الشيطان سيطر عليا ومش هينفع أقوله خالص لأن انا متأكده انه هيسبني وربنا سترني مش هفضح نفسي مع العلم أن الاكس ده مش امان خالص وخايفه اعمله بلوك أو كدا مش عارفه اعمل ايه والله ندمانه بطريقه هو ميستاهلش مني كدا

أنا شاب والحمد لله مرتبي كويس جداً وفوق المتوسط، بس دخلت في علاقة مع واحدة كانت "مادية" لدرجة تفوق طاقة أي بشر. كنت بطحن نفسي عشان أرضيها، ومش ملاحق.. مصاريفها، على التجهيز، على شقتي، لدرجة إني مكنتش لاقي أصرف على نفسي شخصياً وجيت على صحتي كتير عشانها. الصدمة فين بقا؟ قبل الفرح بشهرين بالظبط، ربنا أراد يكشفلي كل حاجة.. اتفاجئت إنها بتكلم حد تاني عليا! في نفس الوقت اللي أنا بموت نفسي فيه عشانها. أخدت كرامتي في إيدي وفسخت الخطوبة فوراً وبدون تردد. من ساعتها وأنا صحتي في النازل ونفسيتي مدمرة، مش ندم عليها.. بس ندم على عمري وصحتي وفلوسي اللي راحت على الشخص الغلط. محتاج نصيحة.. إزاي اتخطى الصدمة دي وأرجع أقف على رجلي تاني؟

أنا شاب والحمد لله مرتبي كويس جداً وفوق المتوسط، بس دخلت في علاقة مع واحدة كانت "مادية" لدرجة تفوق طاقة أي بشر. كنت بطحن نفسي عشان أرضيها، ومش ملاحق.. مصاريفها، على التجهيز، على شقتي، لدرجة إني مكنتش لاقي أصرف على نفسي شخصياً وجيت على صحتي كتير عشانها. الصدمة فين بقا؟ قبل الفرح بشهرين بالظبط، ربنا أراد يكشفلي كل حاجة.. اتفاجئت إنها بتكلم حد تاني عليا! في نفس الوقت اللي أنا بموت نفسي فيه عشانها. أخدت كرامتي في إيدي وفسخت الخطوبة فوراً وبدون تردد. من ساعتها وأنا صحتي في النازل ونفسيتي مدمرة، مش ندم عليها.. بس ندم على عمري وصحتي وفلوسي اللي راحت على الشخص الغلط. محتاج نصيحة.. إزاي اتخطى الصدمة دي وأرجع أقف على رجلي تاني؟

انا هحكي حاجه هي عشوائيه و مش مفهومه بس اتمنى حد يفهمني حاليا انا ف علاقه مع شخص و مرتاحه جدا و بحبه مع ان في حاجات ممكن تكون بتضايق و احنا قربنا اوي ع الخطوبه و كده بس ساعات لما افكر مثلا أنه ممكن يزهق مني بعدين أو يبطل يحبني مثلا أو يشوف غيري بتضايق مع أن بقالنا كتير ف العلاقه و كتير اوي سنين من و احنا صغيرين بس الفكره اني بخاف مثلا حاجه زي كده تحصل و بخاف برضو من كتر المشاكل أو خناقاتنا أنه ف مره يزهق و يبطل يحاول معايا أو يبطل يبقى باقي عليا و كده مع اني والله بضحي كتير اوي عشانه و بحاول و بحبه و حنينه معاه و كل ده بس بجد التفكير ف الموضوع مرعب جدا أن مثلا ف يوم يبرد أو كده بحس اني عاوزه اعرف ازاي اتعامل صح ف اوقات معينه عشان احافظ ع العلاقه و كده بجدد التفكير تعبنيي

من ٤ سنين اتخطبت لشاب كان عاجبني في كل حاجة وفضلنا سنتين مخطوبين وضحك وهزار، كنت مبسوطة بيه وكان مبسوط بيا، ايام الامتحانات كان بيفضل سهران معايا لغاية اما اخلص مذاكرة وهو صابح عنده شغل، طول السنتين ولا مرة حاول يفتح معايا كلام عيب كان آخره كلمة بحبك وكنت محترمة دا فيه من اللي باسمعه من المخطوبين من صحابي. المهم قربنا من بعض واتعودنا على بعض لغاية اما دخل الجيش... اتغير واستحملته قولت جيش وكدا وعدى فترة التدريب وبقا مستقر وكله تمام فكنت متضايقة مرة وكنت بحكيله وبعيط قالي كلمة (ومن فضلكوا ماحدش يسألني عنها) عمري ما هنساها كسرتني حرفيا اللي هو انا ! انا تقولي كدا ! ماتوقعتهاش منه ابدا وفشكلت تاني يوم وبعدها بعتلنا ناس مرتين بس كنت خلاص متدمرة ومش طايقاه. اتعافيت منه في سنة بجلسات وادوية وجيم كانت سنة عذاب بمعنى الكلمة، دلوقتي عدا سنتين وانا بارفض اي حد يتقدملي بقيت مرعوبة من الجواز والدبلة والخطوبة ولو حد اهلي مقتنعين بيه واقعد معاه بطلع فيه اي حاجة واكبرها واقنع نفسي انها نتيجة الاستخارة وانا سني مش صغير! والشخص اللي كنت مخطوبة ليه دا رن على ماما من شهرين كدا انه يرجع بس انا فعلا مستحيل ارجع

السلام عليكم ممكن تنصحوني كيف اتعامل مع زملاء عمل اطلقوا اشاعة بانني خطبت يعني ولم اخبرهم وانني استعد للزفاف ثم لانني لم اقل لا لا ولا نعم اعتقد تمادوا حياتي الشخصية امر خاص بي ولست مجبرة لاخبرهن بتفاصيل حياتي

لما بنت بيتقدمها حد اهلها بيسألوا عليه المحاوطين بيه زي جران و ناس في شغله مثلا . بس بحس ان دي حاجه سطحيه يعني اصلا اغلب ناس مش بتبان شخصيتهم الحقيقيه غير مع ناس القريبيين ليهم صحابه مثلا بس معروف صعب نوصلهم الا لو في معرفه مشتركه . بس انا فكرت فحاجه هو حكي قبل كده ان جارته كانوا قريبيين شبه اخوات و متربيين مع بعض وكلام دا .ينفع اسألها عنه ولا ممكن تضللني مثلا ؟ حاسه اجرب وخلاص بس هسألها ازاي و هقولها اي انا العرفه عنها انها اكبر منه بسنتين تقريبا و بتشتغل في مكان جمب بيت كاشير بس معرفش اسمها ولا شكلها 😂

تعبت من الوحده انا30سنه كنت خاطب عن حب حبتها حب اى بنت تتمنه ومعمله اى ست تتمنها كنت بعشق ضلها وضحكتها كانت فرحت قلبي وكل حاجه حلوه كنت عايش علي رحتها كنت بجيب الورد وافرشه على الارض عشان تمشي عليه خرفيا كانت منوره حياتى كنت بقول فيها اشعار غزل وغرام وحب لحد ما اكتشفت انها بتخنى مافيش اى بنت تستاهل اى راجل يحبها كلهم خينين

للناس اللي عندها خبرة في البنات و العلاقات عايز رأيكم اعمل ايه في بنت معايا في الشغل انا معجب بيها، و جاد في اني اخطبها مبتجيش فرصة اني اشوفها كتير في الشغل، بس في مرة لفيت معاها في مكان تبع الشغل على اساس بتعرفني على المكان و كده بدأت باني بادخل على الواتس اتحجج باني بسألها في حاجات تبع الشغل و كده و بعدها انا سكت فترة و رجعت يوم الاثنين اللي فات دخلت كلمتها بسأل عليها و على اخبارها عادي و لقيتها هي كمان فاتحة الباب و بدأنا نتكلم في مواضيع شخصية فجأة اكننا صحاب من زمان و الموضوع اتطور جدا في يومين بس بقينا بنتكلم كتير من اول اليوم لحد ما ننام و كان في تلميحات من طرفها و من طرفي يعني هي مثلا لقيتها مرة واحدة قالت -انا خطيبي لو شاف حياتي هيقولي ايه العبث = خطيبك! ربنا يتمملك على خير بس مكنتش اعرف انك مخطوبة - هي قالت لا انا بتكلم عن خطيبي في المستقبل، انا سنجل انا اعتبرت ده جس نبض منها بتشوف رد فعلي ايه او نيتي ايه بس الغريب انها جت بعدها بيومين بدأ اهتمامها يخف و ردودها تبقا باردة في ردودها شوية يعني جت يوم الخميس اسألها في اول اليوم " عاملة ايه في الشغل" ترد في اخر اليوم "الحمدلله" و ده مش طبيعي خالص و كرد فعل مني انا حسيت اني مينفعش اتكلم تاني طالما الردود كده و فضلت ساكت يوم الجمعة كله و هي متكلمتش ولا سألت جيت يوم السبت امبارح قولت اسأل كمحاولة اخيرة و بعدين هشيلها من دماغي، لقيتها رجعت بترد و بتهزر و ترغي تاني ،اتكلمنا شوية في اول اليوم و شوية في اخر اليوم و بعدين انا حاسس انهاردة من النوع صديقة الكل يعني مبتكسفش حد و ممكن مكونش مميز ولا حاجة و اللي عملته معايا بتعمله مع بقيت زمايلي عادي، اللي خلاني اقول كده ان كان في كذا موقف الاقيها بتتكلم و بتهزر مع زمايلي عادي اكن في بينهم سيم قديم انا معرفش عنه حاجة، و في واحد زميلي معين انا جوايا احساس عميق من طريقة كلامها انهم في بينهم حاجة حتي طريقة كلامها ساعات بلاقيها شبه طريقة كلامه المشكلة انا شخص دوغري جدا و واضح و مش عايز يتلعب بمشاعري كورة و اكتئب تاني بعد تجارب مؤلمة قديمة انا لسه على البر و متعلقتش بيها اوي و بفكر ابعد عن الحوارات دي بس خايف اكون بحكم غلط بناء على افترضات اعمل ايه؟

دلوقتي أنا بتعرف علي واحد و عايزه اتكلم معاه في موضوع اني بحب الاهتمام و الشخص اللي بيعمل مفاجأت و يجيب هدايا و ورد يركز في التفاصيل و يعملي الحاجات اللي بحبها أنا والله مش ماديه بس بحب اللي يبسطني و ده دور الراجل في العلاقه طبعا الكلام ده لما نتخطب عشان احنا دلوقتي بنتعرف للخطوبه بس انا مأجله الخطوه ديه لحد ما اشوفع من الناحيه الماديه لانها فعلا بتفرق معايا قوله الكلام ازاي من غير ما أتفهم غلط

جماعه فى حاجه انا قلقانه منها اوى دلوقتي انا كان فى حياتى شخص لمدة خمس سنين، احنا متربين سوى "كنا جيران و من سن بعض، احنا الاتنين دلوقتي عندنا ٢٠ سنه" بس احنا حاليا بقا بينا مسافات لان احنا نقلنا ل محافظه تانيه من سنه بالظبط فمش بنشوف بعض خالص و فى اخر خمس سنين دول كنا بنحب بعض واللى هيسال هو لى طول الخمس سنين مخدش خطوه رسمى فهو بسبب الظروف " و الاهل كانوا على علم بان احنا بنحب بعض " المهم يعني مؤخرا انا و هو حصل بينا خلافات كتير و بعدنا عن بعض، مش من كتير بس انا لسه مش عارفه اطلع حبه من قلبى و حاسه انه لسه بيحبنى برضو وحقيقى انا بنيت حياتى كلها ع الشخص دا بس انا مؤخرا بقيت حاسه اننا خلاص حتى لو رجعنا فهنتخانق تانى و هنبعد عن بعض تانى و اخرتها مش هنكون من نصيب بعض و دا مجرد احساس يعنى فالسؤال اللى انا جايه عشانه بقا هل هقدر اتخطى الشخص دا و احب حد تانى بعده فعلا و لا هظلم اى حد تانى هيجى ل حياتى بعده انا خايفه افضل احس مع كل حاجة مثلا بعملها مع اى شخص تانى غيره، اللى هو انا كنت عايزه اعملها مع احمد و افتكره و ازعل اننا مكملناش فكدا هكون بظلم الشخص التانى دا انى معاه و بفكر فى حد تانى ياريت اى حد مره بالتجربه دى يقولى انا فى عريس متقدم و خايفه اوافق بسبب الاحساس دا

كنت بحب بنت جدا لما كنت في ثانوية عامة أيامها كانت نظام سنة واحدة المهم البنت كانت عسولة وبشوشة وبريئة كدة واجتماعية شوية وكانت بتحسسني إني أهم واحد في حياتها وفي فترة قبل امتحانات الثانوية العامة بتاعتي بشهر تقريبا هي قالت ليا بشياكة إنها مش بتحبني بمعلومية إني عمري ما قولت ليها بصراحة بحبك لكن هي فهمت من اسلوبي معاها واهتمامي بيها وبصراحة اتكسرت جامد وقتها... وبعد أول سنة كلية عملت ليها بلوك من ع كل حاجة ع الرغم من حبي ليها بس كنت عاوز ابطل تفكير فيها انا اتخرجت من الكلية من سنة تقريبا وحاليا بشتغل وهي اتخطبت من شهر تقريبا وأنا مش قادر اتخطى الموضوع وبالمناسبة بعد ما عملت ليها البلوك بسنة هي حاولت كتير ترجع تكلمني لكن كنت أنا مصدر الوش الخشب بسبب وجعي منها لكن دلوقتي بقول لنفسي لو كنت قبلت رجوعها كان زمانك دلوقتي اسعد أنا آسف على الإطالة، أنا عندي تفاصيل اكثر اقولها لكن كفاية كدة انصحوني اعمل ايه بقالي حوالي ٦ سنين مقابلتش بنت تخطف قلبي زيها ومش عارف اعمل ايه او انساها ازاي ساعات بصبر نفسي وبقول ممكن خطوبتها تتفسخ ويبقى ليا نصيب معاها

انا نحيفة كنت بوزن عادي يعني بعدين مرضت مرض معدي وهيك كنت ماباكل ولا بشرب بس اتقيأ 😭💔💔💔 المهم فنحفت 6 كيلو ولما اتعافيت الكل لاحظ انو كثييييير نحفت انو مافيني ولا اشي حرفيا بعد ما تفاعيت باسبوعين تقريبا يعني الحين كثير صرت انو ماباكل ابدا اصلا ماكنت باكل كثير وانو كل شي يسببلي غثيان انو بس لما اكل شي او اشرب شي احس بطني يوجعني شويي ومابقدر اكل زيادة ابدا لانو بحس بدي اتقيأ عرفتو كيف وفي حدا يلي هو رح يخطبني عن قريب انو ماضل شي بس امتحن وهيك اتحصل على الشهادة وهيك يتقدم ونحنا بنحب بعض صرلنا كثير انو اكثر من عامين لا علينا هو اعرف انو كثر يحبني والله انو مسوي كل شي حرفيا بس لما كلمني كلمني وجرحني بطريقة ماحس انو عم يجرح هو قالي انو صحتك ماعم تشوفي فيها وهيك انو نحفتي واخر مرة شفتك( اليوم) شفت انو رجليك من فووق يعني الفخد كثيرررر نحيفة انو مافيكي شي وانفجعت وحتى ايديكي اصابعك نحفاااانة كثير وكلي وماعم تقومي على حالك وهيك فانجرحت بصراحة وصرت ابكي ابكي💔😭😭اعطولي حل بدي اسمن بدي شي مش عارفة شو اسوي حتى امي انو مصابة بالسحر وهيك شي انو ماتلتهي فيني ولا كاني بنتها وحتى ابي انو همو الوحيد شغله💔💔💔💔💔💔💔💔💔

الاكس بتتجوز، كل اللي اتكلم معاه محدش قدر يواسيني انا بس اللي قدرت اتخطى مع نفسي الي حد ما انا اصلا عمري ما حبيتها انا حبيت بس الاهتمام اللي كانت بتقدمهولي، و كنت خايف اخسره عشان انا انطوائي شوية صحابي قليلين و كنت بستمتع بالتجاوزات اللي هي كانت بتبدأ بيها عشان هي معندهاش اي حياء ، و سيبت نفسي و نسيت ربنا اللي شايفني و لما اتقدمتلها اول مرة كان عشان اثبت لنفسي اني انسان كويس مش بلعب بالبنات، و لما اترفضت في جزء جوايا ارتاح.. هي اصلا إنسانه عنيدة جدا و مش سهلة، و انا مكنتش بحب الصفات دي خالص لاني انسان بسيط و على طبيعتي و لما اتقدمتلها تاني مرة كان عشان انا ندمان على التجاوزات اللي اتجاوزتها معاها و عشان حنيت للذكريات و الاهتمام ، مش عشانها هي كشخص لكن في الوقت ده هي اثبتت انها اسوأ انسانه كان ممكن اكمل معاها حياتي، واحده لعوب و مش سالكة، لما بسألها انتي لسه بتحبيني ؟ اجي اتقدم ؟ تقولي ايوة، علي اساس انها متأكدة اني هترفض تاني ، و لما اتقبلت فعلا هي اللي رفضت تقرأ فاتحه و اهلها اللي غصبوا عليها تكمل معايا ، و ع مدار ٣ شهور و انا بحايل فيها و ارجعها تاني زي الاول مفيش فايدة، و هي اللي اعترفتلي ان اهلها غاصبين عليها ، طيب بتخليني اجي اتقدم تاني ليه من الاول؟ تفسيري الوحيد ان خلاص كان في حد تاني في حياتها بقا هي دي بوثي الملاك الطاهر ؟ ، لا دي واحدة لعوب، انا عجبتها جت تجرب معايا شوية و سابتني و راحت تجرب مع غيري و ما خفي كان اعظم، الله اعلم جربت مع مين قبلي ، بما انها بدأت معايا التجاوزات بدري بكل سهولة و قلبها جامد يمكن لو كنت كملت معاها كانت تخوني او تزهق مني و تطلب الطلاق الحمدلله، ربنا يهديها و يكون في عون جوزها

حاجة مستفزة جدا ان حد يتحكم بيكي عشان بيحبك او عشان خطيبك يعني ايه بجد وليه تقبلي بكده اصل حضرتك شحطة معدية ال ٢٠ وييجي يقولك ممنوع ترجعي بعد الساعة كذا او تستأذني مني لو عايزة تخرجي في يوم مع صحباتك طبعا اللي حابة كده ف هي حرة لكن متمنعش اني بستفز من الحاجة دي المفروض الحب انك تطمنيه انك هتتأخري مش تستأذنيه تتأخري ليه حضرتك طفلة خلاص مرحلة التربية كانت على ابوكي ومامتك مش جوزك ولا خطيبك الحاجات دي لازم يكون متفق عليها من البداية طبعا وكل واحد يشوف اللي يعجبه يعني لو انت عايز بنت متروحش متأخر او لبسها بطريقة معينة اسلوبها يكون بطريقة معينة ف كل ده بيكون اتفاق من البداية او الافضل تدور على البنت دي جاهزة وانتي برضو لو هو بيدخن او اسلوب حياته بطريقة معينة متبقيش عايزة تغيريه طب ما تدوري على اللي جاهز مش بيدخن وتقوليله مبحبش اللي بيدخن

بحب واحده من محافظة اخري واهلي رافضين وعايزين أخطب حد قريبي ايه العمل انا حبيتها وهي حبتني وفي نفس الوقت خايف من أنها تكون خطوه اندم عليها بكره اندم اني ضيعتها أو اندم اني اتجوزتها ومخدتش رأيهم ؟

انا 21 سنه تالته جامعه حابه اشتغل بعد الجواز ، ولكن انا عارفه اني صغيرة ولسه بدري بس انا مضغوطه جدا لان العين عليا من نحية صحابي عيله بابا ماما وجيران ، اصغر مني مخطوب واللي بقوا امهات واللي هتتجوز ، انا جوايا احساس بالنقص وضغط جوايا شعور بالاحتياج ، انا مش مستعجله ع جواز ع قد ما مستعجله ع خطوبة.. يعني جوايا بجد احني عطشانه لفكرة إن حد يحبني بس المشكلة مش مناسبين او ممكن انا اوفر في طلبي بس الواحد مش بيدور ع ماديات ع قد ما ارتياح وقبوووول** بس الوضع صعب جدا حقيقي انا عارفه انه نصيب يجي لحد عندي وبالدعاء وبالصبر والواحد صابر بس وجود مشاعر عايزة اخرجها دي صعبة احساس داخلي بالعطش دا وعايز اشباع حتي لو شيء مش ملموس مش عارفه بس انا مش عارفه اعمل كنترول ع فكرة الاحتياج دي وانا فعلا مش عارفه اسلك طريق الحرام ، ومش عايزة حقيقي ع رغم من حواليا نماذج فلحت معاها لان انا عارفه حظي وان مش بعرف اعمل زي حد ، بس بجد انا مبقتش عارفه اركز في مذاكرتي ولا عارفه اكمل اتعلم مهارة ولا حتي امور بيتي او اخرج او اتعامل مع حد من شعور بالاحتياج والنقص اللي جوايا ومهما شغلت نفسي بلاقيني في دقائق هجوم وحرب جوه دماغي واحساس بالعجز يعني الواحد حقيقي مش عارف يعمل اي ومحدش فاهم قد اي الموضوع صعب ، الصبر صعب الموضوع دا بذات مأزمني ومحدش اخد باله واخدين عني اني معنديش مشاعر بس بجد شعور بالوحدة قاتلني رغم اني اجتماعية ومهتمه بنفسي يعني عامله اللي عليا وزيادة

السلام عليكم شباب من فضلكم انا طالب لسه في سنة تالتة بدرس هندسة في جامعة خاصة واحنا الحمد لله حالتنا المادية كويسة جدا الحمد لله والشكر لله بس انا اليومين دول متضايق جدا بسبب اهلي كل لما يشوفوني يقولولي مش ناوي تخطب ومش عارف ايه والصراحة انا زهقت من كدة والله ممكن الناس تشوف ان الموضوع عادي واخطب وخلاص لاكن انا مش شايفها كدة خالص يعني الجواز المفروض مسؤولية ولازم الواحد يكون عنده دخل شخصي ثابت علشان يفكر في الخطوة دي هي دي وجهة نظري انتو ايه رائيكم

صباح الخير ☀️ بعد فتره كبيره 4سنين تقريبا خطيبي رجع وقال إنه عاوز يصلح اللي فات ونفتح صفحه جديده وبعد محاولات كتيره لإقناع بابا، وافق بعد الخطوبه بيومين الدبله بقت لو الفضه قولت لخطيبي قالي خلاص نجيب واحده تانيه انا استغربت من رده الفعل قولتله طيب استغرب ليه رده الفعل برده كده قالي انتي عاوزه تعملي موضوع قولتلك خلاص هنجيب واحده قولتله انت جايبها مش دهب يعني فضل يتخانق ويزعق ويقولي ازاي انا هجيبلك حاجه مش دهب يعني

عندي دايما فوبيا و خوف من ان تيجي خطوبتي و فرحي و يبقي الاجواء هادي و ساكتو ممل و مفيش ناس كتير حتي صحابي معتقدش انهم هيعملو جو و هيصه و انا اصلا ف العادي معارفي مش كتير خالص و معنديش صحاب غير اتنين او تلاته و مش مقربه غير لواحده و حتي عيلتي مش كبيرة ف دي من اكتر الحاحات اللي ممكن تقلقني او تخوفني لما اجي اتخطب او اتجوز و المشكله ان الموضوع واصل معايا ب اني بفكر ان لما اتخطب احاول اقنع خطيبي اني مش عايزة لا خطوبه كبيرة ولا حتي عايزة فرح و معنديش ادني مشكله

أولاً (للشباب والبنات): هل بتعتقدوا إن فترة الخطوبة (في ظل وجود النقاب) بتكون كافية إن الشاب يتعرف على شخصية وطباع البنت بشكل كامل؟ ولا التواصل البصري وتعبيرات الوجه بتفرق جداً في بناء "الكيميا" والتفاهم والقبول بينهم؟ ​ثانياً (للشباب تحديداً): هل ممكن تتنازل عن الصورة الذهنية أو "الستايل" المعين اللي في دماغك لشريكة حياتك في مقابل إنك ترتبط ببنت منتقبة وتكسب التزامها وسترها حتى لو مكنتش حاطط النقاب في حساباتك من البداية؟ وليه؟

عندي مشكلة كبيرة جدا بتوجهني وهي اني شخص خيالي جدا يعني تقريباً عايش حياة تانيه في خيالي فيها بنت بنحب بعض وبتخيل اننا بنخرج وبنحب بعض وحقيقي نفسي جدا اخد خطوة في الخطوبة عشان احقق كل مهوا في خيالي من خروجات و وفسح بس حاسس ان حتا لو خطبت هتكون علاقة عادية جدا وهيبق صعب احقق 20/100من خيالي حتا نفسي ابطل اعيش الخيال بجد

انا كنت عوز اخد رايكم في حاجه انا لو خطبتي كانت بتشتغل بتجهز نفسها ودخله جمعيات فالمفروض هنتجوز ان شاء الله انا طبعا ظروفي لفتره مش هتبقى مناسبه ان اساعد النقطه هنا المفروض أن دي جهاز أهلها ال يدفعو وله انا بعد الجواز

كنت خاطب وفركشنا بسبب عدم تقبلها لحاجات كنت متفق عليها من الاول بعد م قعدنا سنتين سوا بعد انفصالنا ب اسبوعين اكتشفت انها شبه دخلت علاقة مع حد من ساعتها وانا قلبي مقهور وحاسس اني مش كفاية غير احساس الوحدة اللي مسيطر عليا من ساعة م سيبنا بعض وحاسس ان محدش بيحبني ومحدش هيقبلني

والنبي فكرو معايا عشان تبعت من التفكير لوحدي أنا دلوقتي عرفت واحد سوشيال و لقيته بيقولي أنه عايز يتقدملي و راح كلم اهله كل ده و أنا مصدومه مش بالسرعه ديه قالي عشان عايز علاقتنا تبقي بدايتها حلال عشان ربنا يكرمنا بعدين و أنا شايف انك متربيه جدا فا حابب مبقاش سبب في انك تعملي حاجه من ورا اهلك فا قالي أنه قال لأهله عرفني لما كان جاي لصاحبه الكليه شافني هناك (هوه من محافظه بعيده عني خالص) المهم اهله قالوله يعني أنهم مش عندهم مانع المشكله اني فهمته اني قريبه من ماما و بحكيلها كل حاجه عشان في الاول كنت خايفه يضحك عليا فا قالي احكي لمامتك و بعدين مامتي تكلمها بس انا طبعا قولتله مستحيل اقول لماما راح قالي أنا معاكي انتي عايزه تقولي ايه قولتله لا انت اخلي مامتك تكلم ماما علي طول راح قالي أنا عايزه تتكلمي انتي الاول و تشوفي مامتك هتقبل الموضوع ولا لا اصلا (استغربت ليه عايزني اكلم ماما الاول) أملهم أنه هوه في حربيه و كان إجازته آخرها اليوم اللي بنتكلم فيه ده و بعدين مش بيكون معاه الموبايل راح قولتله خلينا الشهر ده عشان أنا كمان عندي امتحانات قولتله نتعرف و لما اخلص امتحانات اكلم ماما قالي أنه مش عايز يضغطني و معندهوش مشكله يستني المشكله ان إجازاتهم صغيره اوي يعني تلت ايام او اربعه بس و بيسافر عشر ايام و يرجع تاني تلت ايام كده كل اسبوع فاهمني هيلحق امتي يكلم اهلي و يتفقو و أنا كمان فكرت اقوله يخلي مامته تكلم مامتي علي طول مش عارفه الموضوع محيرني و مش معاه اخت بنت خالص عشان محدش يقولي دخلي اخته

شخص معين كده اول مرة شوفته كان مكسوف كده و قافل ايديه الاتنين ف بعض هو طبيعته بشوش و لقيته وهو بيكلمني اكنه داخ كده او هينام مني تاني مرة لقيته اتكسف برضه نفس الكسوف و بالرغم أنه كان بيتكلم مع بابا كان كل شوية يبصلي و أما وجهلي الكلام لقيته مركز ف ملامح وشي وبيحاول يبص ع شعري من تحت البندانة ( كنت قاعده وهو واقف) مع العلم أنه أول مرة كان سينجل تاني مرة لقيته خطب ف ده ماله بقي ؟؟

لسا امبارح كنت بقول ان يعتبر خطبت ومبسوط انهارده القي ابوها بيقولي حقك علينا بس البنت مش مرتاحه بجد طب ايه حصل انا مش فاهم البنت كانت كويسه طيب هوا ليه كل حاجة بفرح بيها مبتكملش انا غلطان عشان نفسي اتجوز وربنا يهديني طيب

كنت هخطب اكتر حد حبيتها وكانت لايقه عليا والموضوع انتهي باكتر طريقه سخيفه وفضلت احاول انسي ومعرفتش وهي اتخطبت وعرفت تتخطي رغم كل اللي مرينا بيه وكان عندي اساله كتيره ليها وقررت اسكت ومتكلمش ولما جت انسانه عاوزاني من غير مجهود حبتني واتعلقت بيا معرفتش احبها وحاولت اعمل ده لكني دايما حاسس انس مستنزف معنديش نفس الشغف اللي كنت بتحرك بيه ولا عندي احساس الحب العميق اللي كنت عايشو وندمان اني بضيع وقتها وهي متعلقه بيا ولمحتلها بطريقه مباشره وغير مباشره كذا مره اني مش هنفع وبظلمها ومش عاوز اضايقها واني محتاج وقت اكتر عشان ابقي نفسيا جاهز لانها تستاهل اعاملها احسن معامله ف الدنيا بس هي مش عاوزه تفهم ده وانا مش عارف اىجع مشاعري تاني ازاي او اتعافي ازاي شكلي هفضل كده علي طول!

انا الحمدلله والشكر لله اتقدمت لبنت صلونات والحمدلله في قبول وخلاص هلبس دهب بعد العيد الفكرة بقي اني ديلاول خطوبة ليا وحرفيا مش هقول عمري مكلمت بنت بس دي اوي حاجة احس اني ملبوخ وخايف يعني عاوزها علاقة نضيفة غير القرف الي كنت في زمان انا عاوز نصايح بجد اي ينفع واي مينفعش بجد محتاج نصيحه من ناس متجوزين بلاش الي بينصح وخلاص بلله لاني مشتت

انا خاطب بنت هي جميلة في كل حاجة وعجباني بس الا اني شايف فيها عيب صغير هو مش مأثر على نظرتي ليها بس شايف لو اتحسن هتكون اجمل هي عندها فرق بين السنتين اللي قدام ولو اتعملوا تقويم هتكون افضل بكتير فانا مش عارف اجبهالها ازاي من غير ما اجرحها أو احسسها انها فيها عيب وكدا وانا معنديش مشكلة ادفعلها ثمن التقويم بس عايز اعرف ممكن اجبهالها ازاي

جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله

انا مشكلتي غريبه شويه انا كنت مخطوبه فتره كبيره وهو سببلي تروما ومن حاجه محرجه اوي وحساسه (موضوع الريحه الحلوه ) انا كنت بهتم بالنضافه ف توضيب اوضتي وهكذا ع قدي عادي اروق وكده بس مش لازم ارش معطر مثلا مش لازم لما امسح احط حاجه جواها حاجه معطره جسمي مثلا كنت بعمل شيفينج او ليزر وبستحمي وبهتم بس موضوع اللوشن اللي بريحه لا مكنتش ف اهتمامي الا لما اتجوز عشان يشمني ويبقي مبسوط وحلال عادي لكن وانا ف بيت ليه احط ف لا وانا خارجه كنت شايفاني حلوه كده من غير برفانات ومعرفش ازاي كنت بشمني حلوه كمان من غير برفانات ومش محتاجه المهم ……. هو قلل من ثقتي وحسسني اني ناقصه انوثه وبدأت الوم نفسي من ساعتها لحد اللحظه دي وطبعا بقيت بهتم باي حاجه فيها ريحه ولازم وانا ف بيت احط لوشنات وهاند كريم ب ريحه حلوه المشكله اني متعلمتش او جربت ده بطريقه حلوه او لنفسي او من نفسي انا جربته بعياط واحساس اني مش زي البنات واني معفنه وتقليل مني معلومه احنا سيبنا بعض بس انا نفسي ابقي كويسه نفسي اتعافي من التروما دي ومش عارفه انا مبقتش عارفه ابقي زي زمان وف نفس الوقت حتي وانا بحط الحاجات دي وكده بحس اني كنت جاهله وغبيه وازاي مكنتش بنت زي البنات وازاي مكنتش بحط ف البيت للعلم مكنتش بحط برفان بره البيت لانه حرام وخوفا من ربنا بس بقول طب والبيت كانت حجتي اني مش متجوزه ليه احط برفان ومكنتش اعرف انواع حلوه زي دلوقتي بقيت عارفه واتعلمت اوي

يا جماعة محتاج شورطكم ونصيحتكم في مشكلة قفلاني من الدنيا. أنا خاطب واحدة، وللأسف أهلها داخلين على طمع بشكل مش طبيعي. من يوم ما دخلت البيت وأنا مطالب بمصاريف وهدايا وفلوس بتتدفع يمين وشمال، وبقيت بصرِف عليها وعلى طلباتهم بشكل مستمر لدرجة الاستغلال. أنا خلاص جبت آخري وطاقتي خلصت وقررت إني أفركش الخطوبة دي لأنها مش هتجيب غير وجع الدماغ. مشكلتي الكبيرة دلوقتي في "الذهب".. أنا اللي واخد قرار الفسخ لأنهم هما اللي حدفوني لده بتصرفاتهم، بس قانوناً أو عرفاً المعروف إن اللي بيفركش بيبطل حقه في الذهب. أنا دافع دم قلبي في الخطوبة دي ومش مستعد أخسر الذهب كمان بعد كل اللي صرفته. هل لو الموضوع وصل للمحاكم أو قعدة عرب بقدر أثبت إن الفسخ بسبب استغلالهم وأخد حقي؟ ولا الذهب كده راح عليا؟ أتصرف معاهم إزاي عشان أطلع بأقل الخسائر؟

مشكله حد قريب مني و محتاجه نصيحه كويس علشان اقدر افيدها لان لحد الان مش عارفه ارد عليها هي مخطوبه لشخص مرموق و ليه منصب ف الدوله هو بيحبها عمتا و لكن ابدا مؤخرا يكسر حدوده معاها ف الكلام بحجه انه عاوزها تتعود عليه انا قولتلها ان دا مش صح و انها لازم تصده و فعلا عملت كدا كان بيزعل و ميحبش يتعامل معاها و لو اتعامل فا بشكل رسمي جدا جدا و قولتلها تحكي لمامتها بس هي خايفه تصعد الامور بينهم

جماعة انا تعبت بجد ومحتاح حد يدعمني او يسمعني ع الاقل شعور اني مستنزف ظا او اني مرهق وسؤال دائما عن مستقبل وانا شغال ف شركة حكومية مهندس وعاوز اعرف هل ممكن لو اتقدمت لبنت دلوقتي ممكن تستناني لاني هايف اخد خطوة الارتباط او التعرف علي البنات علشان هي ممكن متصبرش عليا ف الخطوبة

عاوزه اتكلم يا جماعه عن كذا حاجة مش قادره افهمها انا اتخطبت قبل كدا لشخص كنت شايفه انه مناسب جدا ليه من كل حاجه وهو كان شايف كدا الخطوبه كانت صالونات كان فيه عيوب كتير عادي لكن كنت متقبلاه والجزء اللي يضايقني بحاول اخده بصدر رحب المهم الشخص دا من ساعه ما خطبني اهتم بيا يومين حرفيا ف الاول بعدها برود مميت وكأن مغصوب عليه طب مالك مفيش ابعتله واتس ميردش مره قفل موبايله قلقت عليه كلمت اخته قعد يزعق ويقلي مش عيل صغير كان بيخليني اخر حاجه ف كل حاجه لة عزمني او خرجنا بيشوف اقل مكان واوقات كتير كان بيجيب اكل الشارع سندوتشات كبده التعبانه دي وانا مكنتش بكسفه مع انه مقدر ماديا ومعاه فلوس كتير وانا كنت كويسه معاه وواضحه جدا حاولت اتكلم معاه مبيسمعنيش خالص يقلي انة راجل مشغول احكي لصحابك ولا اخواتك حتي ف الاوقات الصعبه وقالي متستنيش مني حاجه اللي عليا اديكي فلوس وبس ويقلل من اهميه كلامي او يقاطعني او يقلي تعبان مشغول مش قادر وبعد محاواات طاقتي خلصت وقررت اسيبه رجع اعتذر وقال هنخرج نتصالح حاولت اكلمه بردو بيهرب من الكلام يغني يقلي بصي التيشرت بصي الراجل اي حاجه بعيدا عن انه يسمعني جينا ندخل مطعم يسألنيةكتير نروح المعم دا اعزمك ع مشوي قلتله كلت مش جعانه ولما قعدنا سوا سألني تاني كتير قلتله ماشي بردو بعد ما قلتله ماشي كانه مستخسر يعزمني ومش عاوز يروح وراح مغير المكان وقالي دا احسن والمكان قدامنا وراح جاب سندوتشات كبده وقالي اصل جعان اوي مش هقدر استني لحد ما يجيب الاكل وبعدها دخلنا وبردو ع مضد قررت يومها ان هسيبه لا محاله وسيبته فعلا بعدها عرفت انه خطب ودفع اللي وراه واللي قدامه وحتي عزمها ف يوم انا موجوده فيه كان تجمع ف الشغل وقعدو يتكلمو جايب وعامل ودافع اكتر من ٥٠٠٠ ومكنتش مهتمه اعرف اخباره لكن عشان كنا ف نفس المكان كان الناس بتيجي تتكلم قدامي وجم قالو دا فسخ الخطوبه خطيبته دفعته اللي وراه واللي قدامه لحد ما كانت عاوزه عفش بارقام خياليه فقرر يسيبها اللي عاوزه افهمه هنا هل ان كوني طيبه وواضحه وبقدر شريك حياتي ان التعامل معايا يكون بالسوء دا وهل المفروض نكون متلاعبين نفسيا بالراجل عشان يتعامل بشكل كويس لان الاغرب ان اتقدملي حد تاني كانه نسخه منه بالظبط يبدا من برا طيب حنون هعملك اللي عاوزاه هسمعك هعمل واسوي ويومين اتتنين وتلاقي برود فظيع اصل مشغول اصل مش فاضي اصل مضغوط هكلمك بالليل طب الصبح اصل ف الجيم اصل صاحبي اصل ابويا عاوزه افهم هل انا بتعامل غلط يعني ولا الشخصين اللي عندهم مشكله وليه كانو بيعملو معايا كدا رغم ان الشخص التاني كان خاطب قبل كدا وخطيبته طلعت عينه وهزت ثقته بنفسه وكان بيجري وراها لحد ما اكتئب وانعزل وبعد كدا تعافي خلال سنين ليه لما بتكلم بوضوع وصدق بيقابولوني كدا انا اصلا دكتورة مشاوله وعندي نشاطاتي وبهتم بنفسي لبه بيتعاملو معايا كدا وليه هما بالذات انا من بعيد بطمن لما احس بالقبول واحس ان الشخص محترم وهكذا بعدها بلاقي صورة تانيه وعقلي بيفضل متعلق بالصورة الاولي اللي رسمها

متخيلتش ان هيجي يوم واكتب عن مشكلتي هنا،، بس جاي بمشكلة كليشية جدا،، اتسابت يا اخوننا،، مش قادر لسه اعترف لفسي اني عندي مشكلة،، بتمرن انا كنت ناجح نوعا ما بالنسبة لسني، عندي البزنس بتاعي،، قررت استقر اتعرفت علي بنت بطريقة غريبة فوق ما تتخيلو،، قصة تتعمل فيلم،، مش مصدقها لحد دلوقتي،، بس حقيقي اشبة بالمعجزات، واتقلبت بقت اكبر لعنه تحرق في روحي، مش قادر احكي، انا منهك جدا، الضرب كان في مقتل بس انا لسه عايش،، ملامحي اتغيرت،، ازاي انا كنت بلمع،، مش عايز اقوم تاني، خلصت كدا،، طلبتها في الحلال يشهد ربي،، بس تحججت خوف من ابوها،، انا لسه بحبها،، وميتيهيأليش اني ممكن احب غيرها،، كانت ملاك،، كانت اجمل حاجة شوفتها في حياتي، سحرتلي، واتسحرت بكامل ارادتي، مش عارف مين السبب او ميناللي غلطان فعلي،، بس ابوها السبب الرئيسي،، بيني وبينها بلاد،، هي كانت من بلظ عربية بعيده،، مكنش في غيرها ملي عنيا،، مش قادر علي لحرق اللي جوايا،، صليت ودعيت بس مش قادر،. 💔 الشباب يقولولي اتخطو ازاي العمق ده،،، والبنات تقولي انتو ليه بتختفوا ليه بتقرروا فجأة ،، مش فاهم

كنت مرتبطه بواحد من ٢٠١٦ كنا بنحب بعض اوي و اهلينا عارفه و خلاص كنا بنظبط خطوبه علي اخر سنه اخر سنه ونص بدانا نتغير و بقت شخصيته بارده و حصل حاجات زيه انه شرب مخدرات كيميا و سبته و بعد كده ندمت فرجعتله تاني رفض و قالي انه خلاص هيخطب معرفش ازاي قدر يتخطاني بسرعه دي مع العلم ان خناقه المخدرات دي كانت فرمضان مش من بعيد المشكله اني عماله اعيط و مضايقه اوي هو كده كده مش مناسب هو اه مهندس بس كان بيشرب حشيش قفشته مره بيخوني كان بيهددني فالخناقات كان مهمل فنفسه و صحته كان كداب عيوب كتير اوي بس انا صعبان عليا اني اتنسيت بسهوله دي و ان اخرتها انه ميرضاش يرجعلي خاصه اني ٢٧ سنه وحسه اني مش هلاقي حد تاني و ان العمر و الغرص كده ضاعت عليا

عندي سؤال محيرني اوي هو لو في شاب كان خاطب واحده صالونات يعني و هي اللي سابته ممكن يتكلم عنها مع البنت اللي بيحبها هل دا علشان الايجو بتاعه رافض فكره انه يتساب ولا هو كدا لسه بيحبها علما بأن هو من علطول بيتكلم عنها كل فين و فين يعني

انا وهيا اصحاب من 9 سنين هيا مكنتش قاعده في نفس البلد بتاعتي هيا جت بلدنا ومن يوم ماجت واحنا صحاب كنا ممكن نقطع شويه لما نتخانق ونرجع تاني احسن من الاول كنا بنحكي كل حاجة لبعض هيا ارتبطت وانا ارتبطت وكنا بنحكي كل حاجة لبعض ومحدش فينا كمل وكنا حرفيا بنعيط لبعض من الزعل وجينا قررنا اننا نرتبط لاننا متفاهمين جدا جدا وفعلا ارتبطنا واتخطبنا ومن يوم الخطوبه كان ببحصلي كوارث مش طبيعيه هيا نفسها كانت بتعيط من ال بيحصلي وانا وهيا بعد الخطوبه لقينا نفسنا مش متفاهمين نهائي وبنتخانق علي اتفهه الاسباب لو قولتلها قومي صلي مع انها هتقوم بس كانت تقولي لا عشان انا ال طلبت منها بقت تعمل حاجات غلطت كتير ولما اجي ازعق تعيط وتقول مكنتش اقصد وبعد اربع شهور فشكلنا عشان لقيتها بتكلم واحد وبعتالو صورتها هيا بتقول انها كانت بتبدل معاه الايفون بتاعها وهتاخد بتاعو ف هو قالها ابعتي صورة فونك فبعتتلو صورتها قدام المرايا وهيا ماسكه الفون المهم انا صممت علي الفشكله الكلام دا من اسبوع بس انا من يوميها مش عارف اتعامل طبيعي هيا كانت كل حاجة في حياتي صحبتي وكنت بعتمد عليها في كل حاجة وبعد كدا خطيبتي ومره واحدة كل دا انتهاء هيا معندهاش مانع نرجع اصحاب بس انا مش قادر خايف اظلمها واظلم نفسي بس انا في نفس الوقت محتاجها في حياتي اعمل اي

انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام و التعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته و فهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقيت حاسس اني مقصر مع ان عملت كل الي اقدر عليه بس هما قفلوا كل الطرق و بقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

محتجاكم تقولولي اعمل ايه و النبي بسرعه كنت بحب واحد ومستحيل أنا و هوه نرجع عشان هيخطب خلاص وكان حايبلي هديه في رمضان فانوسين و عروسه و قلم و مره تاني جابلي هديه شوكلاتات و حاجات حلوه بفكر اكلم دليفري و اخليه يرجع ليه الفانوس و العروسه بس عشان القلم كسرته و الحاجات التانيه اكلتها فا اعمل كده ولا لا أنا حرفيا كل ما اشوف الهديه قدامي انهار فا محتاجه ارجعها و كمان كنت بفكر اكتب ورقه فيها رساله مع الهديه اعمل كده ولا لا و اخلي الكلام يبقي ايه مثلا

من ضمن مشاكلي الكتير اوي الحقيقه ان حياتي طول عمرها حياه جافه ومش كويسه و يوم ما لقيت حد مناسب يكون فحياتي و الحمد لله مرتاحه بطريقه مش طبيعيه هو للاسف عايش ف بلد تانيه (هو من بلد أوروبي من اصول مصريه) ولسبب ظروف ف الشغل عنده مش هيقدر ينزل مصر يخطبني غير اخر السنه دي (احنا مرتبطين بقالنا سنه و اتقابلنا ف السنه دي مره واحده) بس للاسف والدتي كل شويه تهددني انه لو مجاش ف خلال شهر يتقدملي هتجبرني اقطع علاقتي بيه و هتاخد التليفون مني مع العلم ان هو مش موقف حالي مثلا بالعكس ده شخص كويس جدا جدا وبيحبني لدرجه انه معوضني عن كل تعب السنين اللي عيشته و مش مخليني محتاجه حاجه خالص بس للاسف والدتي مشيلاني هم انها محدده وقت قصير ييجي فيه وده مستحيل تماما انه يقدر ييجي ف الوقت ده بسبب ظروف شغله انا حاليا حتى خايفه اقوله الكلام ده اكون بضغط عليه وخايفه يحس ان اهلي عايزين يخلصوا مني بسرعه لاني سني مش كبير انا مكملتش 20 سنه مش عايزاه يحس اني اهلي بيرموني ومش عارفه ايه الحل

كنت خاطب واحده وانا عرفت ان البنات بتحب الميك اب والكوزمتكيس والكلام ده ف كنت بجيب ليها حاجات كوزمتكس وبادي سبلاش وبادي سبراي وبرفيوم وبوكس ميك اب وساعات كنت اجيب تشوكليت بس مش كتير بصراحه فجاءه بدون اس مقدمات فسخت الخطوبه وقالت مش مرتاحه ومصممه مش عايزه تكمل ونا احترمت رايها وقولتلها تمام خلاص بس سمعت من ناس برا انها بتقول انها فسخت عشان بتقول بيجي حاجات هو مفكرني معفنه ولا ايه وانا انصدمت من الكلام ده وبجد مبقتش فاهم البنات بتفكر ازاي وايه الصح

اتمنى حد يقدر يفيدني، دلوقتي انا خطيبي اكتر من مرة يعلق ع جسمي وشكلي بطريقة مباشرة او غير مباشرة بس دايما يعتذر ويحلف مش قاصده بس اخر مرة اتخانقنا جامد ف حاجة معينة راح قايلي ان اخلاقي شبهي بالظبط عشان يجرحني يعني بس فكرة انه شايف ان دا موضوع يجرحني هي اللي جرحتني اصلا مش عارفة حد فاهمني ولا لا بس انا عمري م كان عندي مشكلة مع شكلي هو عادي فعلا اهلي، صحابي، حتى اكتر من مرة بنات معرفهاش توقفني ف الكلية تقولي شكلك حلو النهارده والغريب انه خطيبي دا مش صالونات احنا واخدين بعض عن حب وانا ف الاول خالص مكنتش متقبله شكله ابدا مع ذلك كنت بحسسه انه مفيش ف جماله بس مع الوقت حبيته لشخصه ف بقيت اشوفه حلو وهو انسان كويس عموما وبيحبني ولكن كل اسبوع مشكلة تافهة لكن النقطة دي الي بكتب البوست عشانها مش بس كلمته فيها دا حد من اهله كمان لاحظ وكلمه وقاله ميصحش كدا لكنه مستمر، انا مؤمنة اني مستحيل هقدر اسعده لو هو مش محسسني اني مالية عينه مش هكون ع طبيعتي وهخسر نفسي وبالتالي هتعسه معايا وحاليا الفترة دي بحاول اجمع نفسي اني اقدر انفصل عنه لانه اول تجربة والموضوع مش سهل بس دا القرار السليم، جربت اكلم ثيرابيست عشان مش عاوزة بعدين احس اني غلطت او مدتش الموضوع حقه (بقالنا سنة ونص سوا) بس توهتني وخلتني مترددة اكتر و ف الاخر قالتلي مقدرش اقولك تعملي ايه (كالعادة) هل انا كدا ماشية صح؟

انا كنت مخطوبه. ملهوش كلمه. ولا. راي في اي شئ مامته الي. بتمشيه وأخواته بنات عرفت منه ان مامته كانت. بتضربه وهو. صغير. هو. ولد الكبير. و الوحيد مامته صعبه وبتخوف بتتكلم ب نظرات مهم. مامته قالت انه يسيبني وفعلا. سابني. مع انه الي جاي. اتقدم علشان عارفني من الدرس من ٦ سنين. يعني. هو الطرف الي. بيحبني اصلا المهم. بعد مرجعتله حاجته. بعد اسبوع بعتلي. طلب علي فيس. ومسدجات ويتصل علي موبايل بعتله علي الفيس. ان. مش. هقبلك علي اي حاجه انت الي. نهيت العلاقه وخليك في حالك. وانا في حالي فضل يقول. انه تعبان نفسيا ومش. مبسوط. وطلب. مني. طلب غريب ان امشي في جنازته حسيت ان هيعمل حاجه في نفسه. بعت. لي اخته جمله خلي بالك من اخوكي. لانه. قال جمله امشي في جنازته. ولا. قلت انه عمال. يبتعلي. ويحاول. بكل طرق مهم. رديت عليا بتقولي هو انتي ازي. لسه بتتكلمي معاه واني. معنديش كرامه وان هو قالهم انو مش عايزني. ولا عايز. شئ بنا في المستقبل. وبتقولي. مترخصيش من نفسك اكتر من كده روحت بعتلها. اسكرينات ان عمال. يبعتلي. طلب من كل تطبيقات ومسدجات ان بيتحايل. عليا. ان ارد عليه انا مش. مضايقني. غير. جمله. مترخصيش من نفسك أكتر من كده طب هو. عيل. ومش قد كلمته. وبيخاف. يواجهه تصرفاته. جه. ليه واتقدم. وعارف اني. عندي. شخصيه. وهو مفيش انا ايه ذنبي

انا حبيت مرتين ف حياتي حبيتهم بجد بس انا عندي مشكله اني مش بعرف أحافظ علي الشخص ال معايا خلاص اول واحد اتجوز والتاني خطبني بس بعد م كنت مقتنعه بظروفه كله عايرني ب المكان والبيئه اللي هعيش فيها لحد م تقريبا كرهت نفسي وقولت اني هسيبه وسيبته رغم أنه طموح وممكن كل دا يتغير وطبعا شوفت منه وش غدر رهيب بعد م الخطوبه دي اتفركشت بس قلبي دايما بيحسسني بالندم اني محافظتش عليه أو أن الأهل مش لازم يبقي عندهم حق أو اني البيئه كان ممكن استحملها أو المكان أو اي ظروف وبيت عيله وحاجات متعارف عليها اهلي كانو موافقين بس بعد م اتخطبت شويه كل حد في العيله يفضل يكلمني ويقولي مش مكانك مش عيشتك مش ظروفك رغم اني عيشتي بسيطه اوي اوي بس عاوزني اعيش كويسه ملحوظه بسيطه المكان ال كنت هتجوز فيه هي كانت عزبه ف قريه ارياف اتخطي ازاي اني بحبه ومش هلاقي زيه تاني؟

أنا فيه حاجه مضيقانى اوى من فترة كان في شخص متقدم هو كان مسافر وقعدنا نتكلم فترة كان منفصل بس كان طول الوقت كلامه قليل ولابيقول هو مرتاحلى ولالا ولا بيبين انه معجب ولالا كان كلامه على الاد خالص الا لو أنا اللى قعدت افتح مواضيع واتكلم أنا كان عندى قبول بصراحه ومقكرة الموضوع هيتم حتى لما كان يبين إعجابه مكنش بيقول حاجه صريحه كان دائما بطريقه غير مباشرة لحد ماجه وشافنى وجه البيت هو وأهله كنت مفكرة أنه هيقول أنه عايزة خطوة رسمي ويحدد اى حاجه لكن مقالش مع العلم كان لما بيشوفنى بيبان أنه مبسوط لما ردينا عليه أننا موافقين واهلى قالوله احنا بنكتب قايمه وقال إنه هيجيب أهله لانه كان خلاص هيسافر يعدها فضل يكلمنى نفس طريقته الللى قبل كده ومعملش حاجه وقال إنه لسه بيفكر الموضوع مآثر فيه أوى ومزعلنى

ازاي احب الشخص اللي بيحبني هو بيحب بجد وبيعمل اي حاجه علشان خاطري ويتمنالي الرضا ارضى أنا عايزة احبو احنا مخطوبين بس هو اللي كان بيحبني قبلها ازاي أنا أحبو هو كويس ومناسب ومحترم جدا ومن عيلة كويسة

زعلانه عليه عشان خطب و هوه معايا بعد ما عملت كل حاجه عشانه بس بفتكر أنه استاذ في قلب الطرابيزه و نرجسي و طول النهار يحكي أن البنات بتجري وراه عشان مفيش منه و عايز نودز و كلام سافل و بيرد علي أي بنت تبعتله و بيكمل معاها كلام للآخر زي ما رد عليا و هوه في واحده في حياته و بيتعاتب معايا لآخر لحظه بس في الاخر يقولي أنا خطبت حرفيا مكنش بيفرحني لحظه واحده

صاحبتي فسخت الخطوبه قبل الفرح بأسبوعين بقرار متهور ولكن علي العريس دي كانت الضربه الاخيرة اللي هيتحملها منها لأنها طول الوقت كانت بتضغط عليه وبتعامله بجفاف ووصف دا بعدين انها كسرت رجولته وقفلته تمام حتى من الزواج فالمطلق مش منها بس وهي اعتذرت وحاولت كتير وكل اللي حواليها حاولو يرجعوه لأنها اعترفت بغلطها وقالت انها مش هتقدر تعيش من غيره وقال مش هتقدر تصلح اللي عملته في قلبه وهي نفستها زفت ودخلت المستشفى كتير بهبوط سكر وارتفاع ضغط حاد ومش عارفه تفوق هل في نصيب يرجعلها ولا لما الرجاله بتقول كدا بتكون فعليا تقصد دا ؟

دلوقتي فيه عريس كان جايلي و من الاول قال إنه مش مرتاح و مش حاسس و مفيش نصيب جاي دلوقتي يتقدم تاني بعد اكتر من ٧ شهور في حين هو وقتها كلم والدتي و شاف صورة ليا بس كده لكن مفيش اي كلام حصل بينا يعني انا محتارة الصراحة مش عارفة أقابله و اقعد معاه و لا ايه

السلام عليكم انا كوكيز هانم ممكن تقولو كوكي المهم مشكلتي اني بحس اي حد بيحبني عاوز مني حاجه او مش بيحبني لشخصي يعني انا لو اتخطبت و خطيبي قالي بحبك و الحاجات دي عامة مش هصدقه و هحس انه بتاع بنات و بجد هتقفل منه جامد و كذالك اى حاجه في حياتي

انا الحمدلله ربنا كرمني و خطبت من قريب بس عندي مشكلة إني في اوقات كتييير ببقى مضغوط في الشغل و في الحياة عموماً و تجهيزات الشقة و كده ببقى عاوز اكون لوحدي افكر مع نفسي و اشوف هعمل ايه و اتصرف إزاي ولو خطيبتي حاولت تفضل معايا تسمعني و تحاول تستحملني العصبية دي بتطلع عليها و ده بيضايقمي من نفسي اوي والله و مش عارف اعمل ايه

ازاى اقدر اتخطى حد كان فى حياتى ومش حصل بينا نصيب بعد حب 5 سنين عيشت معاه حاجات كتير اوى مش قادرة انساها خطوبتنا وكتب كتابنا وذكريتنا مع بعض مش قادرة اتخطى ده ومش عارفة اعمل كده ازاى حاولت اشغل نفسى بكل الطرق برده مش عارفة اتخطاه

حاسس بالوحدة انا 29 سنة حاسس ان انا كبرت حاولت اخطب كذا مرة بس الموضوع كان بيبوظ في فترة التعارف قبل حتى م نلبس دبل مبحسش بانجذاب اوي غير لبنات معينة و دة مصعب الموضوع وخايف اخد بنت اظلمها معايا .. القبول مهم ف مش عايز اخد بنت مبقاش عارف اعبر عن مشاعري ليها او ابقى بقول اي كلام من غير م اكون حاسه للأسف بحاول اشتغل على قد م اقدر عشان طموحي عالي شوية ف مش لاحق اتعرف على بنت والصالونات اغلب البنات اللي اهلي اقترحوهم معجبونيش شكلا ف مبكملش هل في حد زي كدة ؟!! ولا انا لواحدي

هي مشكله صحبتي ومش قادره اوصلها لحل هي هتشوف كومنتاتكو ورايكوو وياريت نوصل لحل. ... هي مخطوبه عن قصه حب دامت سنه ونص والخكوبه بقالها ٥ شهور المهم هي عندها خوف من الشخص الغير مسؤول والبخيل تعرف ازاي إذا كان خطيبها كدا أو لا مع العلم لما بيدخل بيتها مفيش مره دخل فاضي دائما يجيب حاجات بس في مواقف تانيه مخوفاها زي مثلا ظروفه مش احسن حاجه وكان حصل مشكله ف شغله وشاف مكان آخر واستلف منها فلوس للمواصلات واول ما قبض رجعهها لها مع العلم هو لو اخر جنيه ف جيبه بيجي يشوفها ويزورها. ويجيب فاكهه وحاجه حلوه ليها كمان هما متكلموش ف جوازهم وهتكون الحياه ازاي ف مش عارفه تفتح كلام ازاي وتقول ايه .. كمان عمره مثلا ما قالها اشحنلك ابعتلك فلوس كدا يعني بس هو ظروفه كانت مش اوي مش عارفين نحدد بصراحه لكن هو شخص كويس ومحترم ومن عيله وبيحبها وبيصلي

كنت بحب واحده ومحصلش بينا نصيب بس عيشت الوهم اننا ممكن نرجع ف يوم من الايام لسه حالا بقلب ف التيك توك لقيتها منزله صور خطوبيتها قلبي بيوجعني من ساعتها كانت زي القمر والله كانت حلوه اوووي

انا دلوقتي في حياتي حد بحبو جدا وبيحبني وداخلين علي خطوبه بعد قراءه الفاتحه بس فاجاء اتقدملي زميل ليا في الشغل وقولت لي ان بحب الحد وهو مكلم اهلي وكده بس هو قالي وانا كان عاوز اكلم اهلك وانتي اديني فرصه وانو بيحبني بجد واسيب ربنا هو الي يختار لي الخير بينه وبيت حبيبي مش عارفه اعمل اي لا اتصرف ازاي

انا مخطوبه من شهر ١٠ اللى فات والمفروض انشاء الله قدامى سنه و٣ شهور وهتجوز انا هيكون عندى ٢١سنه وانا بتجوز بس شاغلنى من دلوقت فكره هل انا قد المسؤليه دى هل هعرف اتعامل معاه هل الجوازه دى هتبقي سجن بالنسبه ليا افكار كتير اوى انا بحب الشخص دا هو صالونات بس هو خلال الفتره دى بكل مواقف عدت اثبت انو شخص كويس هو في مواصفات تخلى اى بنت بتحلم بيه من الناحيه الماديه والمستوى الاجتماعى كويس بس هو شويه بيغير انا بحب الراجل اللى يغير ع اهل بيته بس اوقات بيأفور دى حاجه بتدايقنى بحس انى لما اتجوز هنحبس بين اربع حيطان ومش هشوف صحابي ولا تجمعات اهلى دى حاجه مخليانى حاسه بضغط جامد ع اعصابي مع ان فلطبيعى انا بحب قعده البيت بس مستغرفه من شعور الخوف اللى جوايا وانا حكيت معاه قبل كدا وهو احتوا الموقف وفاهم وحاول يهدينى بس بجد كأن عقلى رافض الفكره عايزه حد يكون عندو خبره كويسه ويتكلم بصدق

كنت مفكرة اني نسيت والدنيا بقت جميلة اني مش بحبه زي الاول وكنت لما اشوفه مش بتأثر لما شوفت صور خطوبته حسيت احساس غريب جدا بس حسيت ان في حاجة في قلبي وجعتني وقتها مكنتش عارفة هو انا فعلا كنت نسيت ولا كنت بوهم نفسي والمشكلة الموضوع اخد وقت كبير اوي وقعدت سنين ادعي انه يبقى ليا مكنتش بدعي بأي حاجة غير انه يبقى ليا ويبقى خير ليا بس ربنا مستجابش لدعائي وبجد مش قادرة اصدق انه خطب انا كنت عارفة انه مرتبط بس متوقعتش يخطبها بالسرعة دي اللي مزعلني اكتر من انه خطب اني زعلانة انه لسه مأثر فيا وانا كنت مفكرة اني نسيت بس حقيقي تايهة ومش سامعة حد ولا عارفة اركز في حاجة ولا مع حد كل اللي قدامي صور الخطوبة

أهلي عايزين يكتبوا مؤخر بالذهب نص كيلو ودي عادة العيلة عندنا انهم مش بياخدو ولا مهر ولا شبكة الا لو هو حابب يجيب حاجة ولا حتى بيطلبوا فرح او قايمة . يعني براحته خالص انا فاهمة انه رقم خيالي ومش مهتمة أصلا في مؤخر ولا لا لما قلتله قالي انه مش موافق وحاسس كأنه بيدبسوه. انا معنديش مشكلة اتنازله فيما بعد او احاول اقنع اهلي يلغو المؤخر بس انا ليه حاسة انه مش مفروض يعترض؟ احساسي صح ولا غلط؟ هي دي قلة ثقة؟

كنت عاوز انزل رساله عاوز استشير الناس اولا انا خاطب واحده في تاتيه كليه و رايحه تالته بتىزح يوم واحد في الأسبوع المهم احنا متفقين انها هتيجي عندي رابع سنه في الكليه و انا مسافر و قولت انزل بعد لما تخلص تالته و نجوز المهم كل شويه تقولي تأخرها شويه و اكتشف انها انتا كل شويه تقول لصحابها انا مش هحوز الا بعد الكليه ف انا حاسس ان انا ملهوف علي الجواز و عاوز الخلال و و شاريها و حاسس انها مش بتبادل نفس الشعور فتقفلت منها و من وقت لما اتأكد انها بتقول لصحابها كده و انا معدش ليا نفس اكلمها ايه رايكم

لو سمحتوا انا عايزه اخد رأيكم في حاجه دلوقتي انا عندي ٢٧ سنه اتخطبت مره و محصلش نصيب والكلام ده كان فتره و للاسف مفيش حد بيتقدم خالص بحكم أني تقريبا زيرو علاقات و من البيت للشغل و من الشغل للبيت انا عارفة أنه نصيب و رزق من عند ربنا بس فعلا الموضوع صعب جدا

انا مخطوبه من ٣ شهور تقريبا مشكلتي دلوقتي أن خطيبي للاسف مبقتش متقبلاه بسبب أن عيوبه ممكن حد يشوف أنها تعدي بس انا بجد الموضوع مسببلي ازمه كبيره و خانقة لأني مش متقبلة العيوب ديه و في نفس الوقت خايفة افسخ الخطوبه مش عارفة اعمل ايه مع اعلم هو طيب و محترم و شاريني ده مصعب فسخ الخطوبه عليا و بصراحه خايفه ارجع وحيده تاني المشكله ان العيوب ديه عبارة عن ظروف هو فيها يعني مش حتتغير

حبيت اقول جزء من مشكلتي اتحل بالدعاء الدعاء مهما كنت بتعمل غلط صلي وادعي انا اتعرضت لظلم وخطيبي عملي ترومات كتيره وسابني وبعدها دخلت حاجات غلط وانا مش راضيه عليها كل ما بتعب نفسيا غصب عني كنت شايفه اني مذنبه بس مهما كنت بعمل غلط كنت بحاول اصلي وادعي وانا بعيط ان ربنا يساعدني ف اليوم اللي بعده ربنا يبعد الناس اللي بتخليني اعمل الغلط ده عني وارجع محترمه وكويسه ولما اتعب ارجع للغلط تاني ومستسلمش احاول واصلي وادعي وهكذا لحد ما الحمدلله دلوقتي بمساعده ربنا ومحاولتي وفهمي ان مفيش انسان مش بيغلط وان ربنا عالم باللي جوايا اكتر من نفسي الحمدلله ربنا بعد الناس اللي بتخليني اغلط الي حد كبير عني ف حبيت انزل ده عشان اقولكم مهما بتعمل غلط صلي وادعي وحاول وقاوم نفسك وادعي كتير ربنا يساعدك بس يكون جواك فعلا عايز تتساعد ❤️❤️ ربنا يهدينا ويفرح قلوبنا اجمعين

السلام عليكم كنت من فتره هنا ولكن مسحت ورجعت المهم كنت بحكيلكم قبل ما اتخرج كنت بحب شخص اربع سنين جامعه وطول الوقت بفكر فيه وهكذا ولكن بدون اى كلام او قرب او كده بنات كتير قالولى ده مش ده اعجاب بس المهم انا اتخرجت وبعد التخرج بخمس شهور لقيته خطب زعلت جدا وعياط ومش مصدقه لفتره طويله وخلاص اقتنعت انه مشى مش موجود خلاص وعملت بلوك لكل حاجه عشان كفايه مراقبه المهم من كام يوم فكيت بلوك لقيته فركش مش عارفه لى فرحت مش فالبنت والله ابدا ربنا يعلم ولكن حسيت بامل تانى بس منعت نفسى وعملت بلوكات تانى بس غصب عنى بفكر وكده اى الحل والله بحاول اعمل موف اون ولكن مش عارفه اوى

جايلى عريس كويس مسافر برة مصر لكن شقته ف مكان بششعععععع ومتنفعش بتربى فيها طيور حتى مينفعش حد يدخل فيها ، اتكلمت معاه ف البدايه ان الشقه مشكله قال هجيبلك اللى انتى عيزاه قولتله براحتك ناجر عادى ، بكلمه تانى يوم يقولى لا انا مش هعرف اسيب مامتى ، ومش هغيب كل دة ولما اجى انزل مصر شهرين ابعدهم بعيد عن امى وامى مش هترضى والكلام كله اتغير ، انا رافضة الشقه بشكل قطعى رغم انى قولتله انى معنديش اعتراض ع شخصة وانى معاه ف كل الحالات بس بلاش الشقه دى ويحاول يشوف حل وسط م بينا ، مكلمنيش من وقتها ولا بعتلى وبعتله مردش عليا ولا رد عليا اعمل ايه اتنازل واقبل بس الشقة قذرة بجد وهو مش عايز اصلا يطرح اوبشنز تانيه ، المفروض اعمل ايه ، اقل حاجه المفرروض يكون ف شقه كويسه ف مكان كويس ولو ايجار حتى

حقيقي الإنسان اللي بيلاحظ كل حاجه دا بيعاني وسط ناس تافهه ، تخيلوا بقوا يسموا لما تكون بنت محترمه ومش بتكلم شباب أنها قفل ومعقده وانطوائيه من يوم كانت عندي واحده صحبتي بنتكلم عادي وجه ف نص الكلام أنها هتتخطب الشهر الجاي وطبعا مع الكلام عرفت انها هتتخطب عن حب طبعا فرحتلها جدا جدا فهي بتقولي مستحيل انتي تحبي قولتلها ليه بقي؟؟ قالتلي لانك مش بتحبي تكلمي حد ، انتي قفل وطبعا كملنا ضحك وهي ما اخدتش بالها قد ايه الكلمه دي تعبتني نفسيا بقي يسموا الاحترام قفل طب انا اتعرف ليه وانا لسه اولي جامعه؟؟. دا انت لسه مشوارك طويل هي نفسها كانت بتعرف حد ايام الثانويه وكان واعدها ييجي يخطبها ويسافروا ، جت بتقولي هتتخطب لحد تاني خالص وبرضو عن حب وانا والله ما رضيت اقولها انتي مش كنت بتقولي انك هتتخطبي لحد غير داااا دا لأنا انا مش عايزه اكسفها ب الكلام للاسف الاصدقاء بقوا يشوفوا ان مش بكلم يبقي انا قفل وانطوائيه .. مين صح؟؟؟

كنت خاطب عن حب 4 سنين منغير ما اقولها ولما بقيت جاهز اتقدمتلها قعدنا مخطوبين 10شهور سابتنى بسبب انها اتهمتنى ان انا مش بحبها ومش بهتم بيها اول اتهام ان انا ببص على بنات وكنت بكسرها لو هيا شايفانى ببص على بنات غيرها فاا لو هيا شافتنى ببص على 30 واحدة انا فعلا بصيت على 3 منهم وبغرض الاستنكار عشان كانت مناظرهم صعبه مش اعجاب ولا اى حاجة انا فعلا متأكد وواثق من نفسى ان انا مبصتش على حد وكنت بحاول ارضيها لغايه ما وصلت بيا ان انا بقيت ماشى ببص ف الارض عشان متقولش ان انا بصيت على بنات وتزعل وبردو مكانش عاجب بتقول ان انا مش بهتم بيها عشان نزلت كذا مرة وانا مسألتهاش رايحه فين وهتشترى ايه فاا هيا شايفه ان داه عدم اهتمام بالنسبه لحته الاهتمام فاا انا كنت بسأل على شغلها وبتصل بيها اول ما تنزل واول ما تخلص شغل وبسألها عن يومها شايفه ان انا مش بهتم بسبب ان انا مش بركز ف تفاصيل هدومها ولازم كل ما اشوفها ابدى اعجابى بشكلها وانا مكنتش بعمل كدة بصفه مستمرة طلبت تسيبنى اكتر من مرة وكل مرة كنت بتمسك بيها واحاول اغير من نفسى واعملها الى يبسطها ومكانش بيتشاف اى محاوله بحجة انها طلبت والحاجة لما بتطلب بتفقد طعمها طب انا غلطان ف ايه انا حاولت اعملها الى يريحها ومعجبش بردو متمسك بيها عشان هيا انسانه كويسه مش عايز اتهمها بالانانيه بس فعلا انا كل محاولاتى عشان ارضيها مكانتش بتتشاف واخر موقف بيننا كان الجو وحش جدا روحتلها مع صاحبى بعربيتوا عشان اوصلها عشان ساكنه بعيد عن شغلها ومتتأخرش فى المرواح اتهمتنى ان انا مش بغير عليها عشان مركبها مع صاحبى طب منا كنت معاها مسيبتهاش احب اسمع اراء حضراتكوا

انا اتقدملي حد من فترة و دخل البيت و قعدت مرة واحدة معاها بس ما اتكلمناش خالص طلبت من اخويا يخليه يجي تاني عشان اتكلم معاه بس اخويا رفض و انا عملت استخارة وقتها و ارتحت هو جه تاني و خلاص هنجيب الشبكة بس انا مش متقبلاه خالص و قلبي مقبوض مش عارفة ليه هو مناسب و هو و اهله ناس كويسة جدا بس انا مش عارفة مالي

انا بنت عندي ٢٥ سنه اتخطبت قبل كدا مرتين اخر خطوبه اكتر من سنه حاسه ان تعبت من كوني لوحدي حاسه ان مش لاقيه حد مناسب يعتبر اللي كان ممكن يتقدملي اتقدملي وخلاص في المحيط حواليا مس عارفه ليه مش بيتقدملي ناس شبهي او مناسبين الموضوع مؤلم مستهلك مش قادره اتقبل فكره ان هفضل لوحدي معرفش لحد امتي وكمان بقيت بضايق من الناس حواليا بيضايقوني بالكلام عاوزه احس ان بقرب للحاجه اللي انا عاوزاها مجرد الفكره لتطمن شويه ان اتواجد في اماكن تشبهني بس انا معرفش اي دا وهيكون ازاي حاسه اني مستهلكه ومستنزفه ومش قادره اكمل كدا

هو لو هي اجنبيه و حياتها جميله وانا عايش في مستوى اجتماعي متوسط او تحت المتوسط و هي عايشه احسن عيشه ايه الي ممكن اعمله عشان اجذبها ليا حتى لو هيبقى بيني و بينها خطوبه بس في الاول لحد ما هاعمل خطوه هاتوصلني لحاجه تخلي مستوايا كويس جدا مع العلم ولله ما ببص لجنسيه او غيره هي بس حسستني اني بني ادم اكتر من مريض نفسي

يا ولاد متقدملي عريس صالونات مهذب ومتربي وميسور الحال وخاتم القران،اتعرفنا ١٠ ايام شات وفون،قالي انه منفصل بعد عقد ومش حابب يحكي تفاصيل غير اما نتقابل قابلته بعد استخاره،حكالي انه عنده طفل ومراته علي ذمته ورقيا وانه من اسره مرت بمشاكل مع الحكومه بسبب السياسه طبعا انا اتخضيت جدا انه مقالش كل الكلام ده بس يعني ما احنا بردوا نعتبر ف الاول محتاره ومش عارفه اعمل ايه ما بين كونه حد محترم جدا ومابين ظروفه العجيبه دي مع العلم انه معندوش مشكله يطلق رسمي بكره الصبح عادي وانا واللله ماليا علاقه بالامر اصلا

خطيبي مهندس وشغله مش مستقر كان شغال بعقد لمدة سنتين واخر سنه مجددوش العقد بتاعه وبعدها دور علي شغل تاني والحمدلله مقعدش اصلا وربنا رزقه بس من غير عقد علي مشروع معين وعدوه بالعقد وواضح انهم بيثبتوهم بس لحد المشروع مايخلص المشكله مابيننا انه عايز يحدد معاد للزواج وانا قلتله لا مش حيتحدد او حنتجوز الا لما يكون فيه عقد ثابت وخصوصا اننا حندخل في ايجار وانا خايفه من الوضع ميكونش مستقر بعد الزواج وهوا بيقولي مفيش حاجه مضمونه وحتي لو اشتغلت بعقد سنه برضو مش ضمان واني اغلب الاشغال دلوقتي للمقاولات بتكون بدون عقود وقالي اسألي لو عايزه وقالي موعدكيش اني حتي لو دورت حلاقي شغل بعقد ..بس انا الوضع ده قالقني وخصوصا اني مفيش حاجه مستقره كده بجوازتنا لا شقه تمليك ولا حتي شغل ثابت وهوا شايفني بعقد الامور وخصوصا انه بيعمل اللي يقدر عليه انا شايفه ده ومش بيقصر بس انا خايفه من عدم الاستقرار ده ومحتاره اتجوز ع الوضع ده ولا اصمم علي انه يدور علي عقد

يمكن الحوار طويل شويه واتمنا تقراه للاخر انا شاب ٢٦ سنه ايام ثانوي حصل موقف خلاني اتعرفت علي وحده ف سني وبقا مبينا كلام وحسيت انها شبهي جدا جدا ف حاجات كتير ف اتعلقنا ببعض جدا ونا ع قد ما قدرت اصلح فيها وشجعتها علي الصح وربنا رزقها العفه والحمد لله وانتقبت وحفظت القران وانا دايما كنت بشجعها ع دا ف ٣ ثانوي حصلت ظروف عندي ف البيت خلتني مدخلتش امتحانات واتاخرت سنتين ف الوقت دا حسيت ان اللي بينا دا مجرد فترة مراهقه وهتعدي وممكن ميحصلش نصيب او تحصل حاجه ف فترة الطيش تخلينا نندم بعدين ف حفاظا عليها وعلي نفسي نهيت الموضوع ودا زود عليا الضغط لاني كنت متعلق بيها جدا خصوصا اني من النوع الكتوم شويه الا معاها ودخلت ف نوبة اكتئاب وكنت بقعد بال ٧٢ ساعه صاحي وقدنا حوالي اربع او خمس سنين ع كدا وكنت متابعها من بعيد وهي خلصت كليتها وخطبت مره ومرتاحتش وفسخت وكنت بدعي دايما انها تكون من نصيبي خصوصا اني كنت شايف انها ام وزوجه صالحه بإذن الله لغاية مكان فاضلي تقريبا سنه ف الكليه ورجع التواصل تاني ف صارحتني اني لسه زي منا بالنسبه ليها وانت صارحتها وقولتلها اني لسه معايه شويه لغاية م اكون نفسي ومش هعرف اجي واخطبها غير لما ابقا عارف اني هقدر افتح بيت واني مش عاوز حد يساعدني وهي مكانتش معترضه ابدا بالعكس وقفت جنبي وكانت معايا دايما خير عون بعد الله وزاد تعلقي بيها وتعلقها بيا لغاية مخلصت الجامعه الحمد لله السنه اللي فاتت وكنت شايف انها هدفي ف رميت اي حاجه ورا ضهري وبدات اسعي انه يجمعنا بيت واحد وزي اي شاب الايام صعبه جدا وكانت دايما معايا لحظه بلحظه لدرجة اني اوقات كنت بستغرب علي تمسكها بيا للدرجادي ودا كان بيديني دافع اني اكمل لغاية من حوالي شهر ونص دلوقتي اتقدم واحد من المعارف وهو جاهز وكويس وعلي خلق يعني مناسب في نظر اهلها و كانو موافقين ف قالتلي علشان اكلم اهلي واتقدم ومكانتش اول مره كان خطيبها الاولاني حاول يرجع قبل كدا بس اترفض والموضوع خلص من بره ل بره قولتلها انك عارفه ظروفي وخصوصا ان ظروف البيت عندي الايام دي بالذات متسمحش انه يبقا فيه خطوبه بس فاتحت اهلي ف الموضوع والرد كان نفس اللي ف دماغي وطبعا وعرضت عليها اني اكلم ابوها علشان نشوف حل موافقتنيش مع ضغط الاهل وكدا حصلت الخطوبه واحنا الفتره دي اتخانقنا كتير لاني كنت دايما حاسس انها خلاص مسلمه امرها وكل ما نتكلم ف الموضوع احس انه موضوعنا خلاص ونا كنت رافض الفكره نفسها ومش عارف استوعب انها ازاي سلمت امرها كدا خصوصا انه اول حد مناسب يتقدم بعد كدا سلمت امري لله بعد محاولات كتير انا حبيتها بجد لدرجة اني بتمنالها انها تكون بخير حتا لو مش انا اللي هبقا معاها بس تعبت جدا لدرجة اوقات بحس اني داخل ع جلطه من القهر وان اللي بينا مكانش قليل ٨ سنين قومتها وكنت مستني اليوم اللي ربنا هيحمعنا فيه وأنها ازاي سلمت امرها حتا لو كان فيه ضغط من الاهل عاوز اتخطي كل دا ومش عارف

السلام عليكم انا ف طب سنه رابعه ف حد من الدفعه اتقدملى من محافظه تانيه( ريف )وانا ف (مدينه )هو محترم خالص وخلوق وشبهى وطموح وعارفنى من تانيه ومعجب بيا (مع انى منتقبه ) وبلغنى من سنه انه عايز يخطبنى الفكره ان لما جه رؤيه شرعيه الامور تمام وبدا يعبرلى عن مشاعره بجد وجه تانى بس والدى ووالده اتفقوا سريعا كده ف التلفون وحقيقى والده قال اتفاق مينفعش بجد ولا تناسب ولا دكتور ولا دكتوره وعذر والده ان هو واخوه التؤام بيعملهم سوا قولت لاهلى شوفوا المناسب واتناقشوا فيه ف اتصلوا لغوا الموضوغ من غير نقاش حتى زعلت عليه جدا واتواصل معايا تانى فهمته ان المشكله مش فيه المشكله ف الاتفاق (لان احنا داخلين على امتحان وهو بجد مشاعره غالباه ) المهم انهارده هو كلم والده انه فتره كده وهيشتغل ويجى تانى وابوه متعنت وزعق معاه وقالوا اللى رافضونا لاء ومش هساعدك ف حاجه ومتتكلمش معاها تانى انا احترمت عدم الكلام فعلا لان مفيش شئ بينا وتفهمت الفكره بس انا لو تزوجت هتزوج كمان ف بيت عيله وريف (ممكن بعد كده نقعد ف مكان شغلنا )وانا طول حياتى مرفهه صراحه _هل الموضوع ممكن يمشى ولا صعب كمان لان والده هو اللى متحكم ماديا دلوقت لانه عقبال م يدخل فلوس فيها كام سنه _ ولو دخل كلمنى ارد اقول اى _وهل لو مشى هعرف اتاقلم على الحياه عندهم ولو ممشاش هقابله ف الكليه بجد ازاى لان انا بخاف من المواجهه مع ان معملتش حاجه غلط حاسه ان شايله هم مشاعره دى 🫠

في حد كنت اعرفه زمان هو لغايه دلوقتي عايز يتقدم عشان بيحبني بس هو مش شبهي تعليمه أقل مني وبابا مش موافق عليه وهو بيدخلي من كذا طريق وانا زمان كنت بحبه دلوقتي لا مبقتشش محتاجه حل للمشكله دي

عندي مشكلة ما و هي ان خطيبتي بتتنرفز و تتخانق علي حاجات بسيطة جدا غالبا دا Anger Issues بس الحوار ضاغطني جامد حرفيا كل يوم خناقة لاسباب بتكون بسيطة جدا و طاقتي بتستنذف حرفيا كل خناقة و مش. بيكون عندي طاقة خصوصا اني شغال بدل الشغل اتنين عشان نتجوز في وقت اقرب ف طاقتي اصلا خلصانة مع العلم اننا بنخرج و بنتكلم كتير يعني مش محسسها بعدم اهتمام او تجاهل و بديها وقتها و اولويتها عن كل الناس بس ممكن اغلط غلطات بسيطة بس بسبب الغلطات دي بتحسسني اني عملت مصيبة و انها اتسرعت و اننا لازم نفكر و كلام يقفل رغم اللي الواحد فيه لازم احتوي و اهتم و مسيبهاش للزعل بس بجد الطاقة بتخلص و مأثرة علي مهامي اليومية *و محدش يقولي سيبها عشان انا بحبها *

السلام عليكم حابه احكي كلام كتير يالمني ، انا الاخت الصغيرة في البيت واحس بتهميش واهمال من العائلة وعندي اختي اكبر مني بعامين لكن اخواتي كلهم يحبوها ويمدحوها وانا كل ماجي اتبت نفسي واعمل قيمة لنفسي او احب اعمل اشياء تميزني هي تقلدني وفي الاخير هي لي يمدحوها انا الموضوع تجاوزتو لكن لما انخطبت اصبحت تبرز نفسها لعائلة خطيبي وتحاول تلفت نضرهم رغم انها مخطوبة لدرجة انه اصبحت اخت خطيبي تتواصل معها اكتر مني وتعاملني برسمية وهي تخفي علي الامر وكل مره ربي يفضحها امامي رغم اني قلت لها احكيلي شو عم تتكلمو لكن بدون جدوى صراحة كنت متأمله انو على الاقل ارتاح في منزل تاني لكن الواضح انها لاحقتني حتى عنداهل زوجي صراحة فقدت الامل كل مااحاول اعمل شئ هي تاخده مني ، ولما اجي اعبر عن المي او مشاعري العائلة تقولي انتي حساسة انتي فاعلة مشاكل . اتمنى تنصحوني كيف اتعامل معهم لدرجة اني كرهتهم

ينفع تدولي نصيحه ودعوه حلوه محتاجها انا بحب بنت وهتقدملها ان شاء الله السنه الجايه ومش عارف اقول لاهلها اي بجد ادعولي يوافقو والموضوع يتم ع خير ولو حد عنده نصيحه يديهالي هكون ممنون الكم جدا

انا عندي ٢٠ سنة في تالتة كلية دخلت تخصص كنت فاكرة إني هحبه وإن ليه شغل كتير بس لما دخلت لاقيت الواقع مختلف ومحبتش التخصص وحسيت إني مش قده وحالياً مش عارفة أعمل ايه حاسة بتشتت رهيب وواقفة مكاني مش بتحرك في الوقت اللي بشوف فيه كل اللي في سني بيتقدموا في حياتهم سواء شغل، دراسة، خطوبة، انا مفيش أي تقدم إطلاقاً نفسي يكون ليا شخصية وهدف أسعى عشان احققه المشكلة إني مش عارفة انا عايزة ايه وفي نفس الوقت عمري الحمدلله ما دخلت في أي علاقات محرمة بس نفسي أحس إني مرغوبة لأن ده السن اللي المفروض البنات بتبدأ يتقدملها عرسان وبالفعل كل أصحابي بيتقدملهم ناس لكن انا مفيش وبحس كتير إنهم بيستغربوا عشان كده مش فاهمة ليه يعني انا حاسة إن لسه بدري أساساً عالخطوبة في سن العشرين لكن جيلي متقدم خطوات سابقة السن بكتير انا مشوشة ومشتتة وخايفة افضل ثابتة مكاني متقدمش ولا شغل ولا جواز ولا أي حاجة نفسي أحقق كل اللي نفسي فيه ومش قادرة أعمل حاجة .. مش عارفة انا لوحدي ولا فيه حد زيي.

بالرغم اني مع اهلي ومخطوبه بس دايما بحس بوحده واني محدش فاهمني حتي خطيبي مبقدرش اعبر معاه عن اللي جوايا ومعنديش الشخص اللي اقدر اتكلم معاه زي مبتكلم مع نفسي ولا الصديقه اللي اقدر احكيلها لدرجه اني بقيت يوميا بكتب مشاعري وحاسه بأيه لمجرد التفريغ بس مبحسش اني ده كفايه دايما بحس بالفراغ والوحده واني مش مبسوطه بصلي وبدعي وبكتب بس مش كفايه

هل الواحده ممكن بتلاقي كل حاجه بدور عليها في شخص بنسبه كبيره عن العيوب ولا تقبل ب بنسبه 50% تقريبا 40% بين الميزات واللي العيوب وخلاص اقبل بكده واتأقلم بقي مع الباقي وفي طبعا حب بس جويا شعور ان الشيطان بيخرب وبيدخلي من الحته دي وبين ان استاهل احسن من كده انا بالمناسبه مخطوبه وحب ٣ سنين

محتاجة نصيحة بجد علشان نفسيتي تعبت كنت منزلة بوست ان في حد متقدم ومش حاسه بحاجة نحيته بس هو للامانة محترم وغلبان جدا ووحيد وباباه متوفي من صغره فطلب مني ان مامته تعيش معانا فالشقة لان معندهاش مكان تاني ولا هو هيقدر يسيبها علشان ملهاش حد فالدنيا غيره انا مقدرة بس لما باجي افكر بحس ان الوضع هيبقي كارثي بالنسبالي من حيث خصوصية وعدم راحة وفي نفس الوقت مش عايزه اخسره لان مش كل يوم بنلاقي حد مناسب ومحترم وبيصلي وكل الصفات دي فاهمين حاجة؟؟؟؟؟

معنديش اي مشاعر لحد متقدملي واحد الي حد ما مناسب كتعليم واخلاق ومستوي مادي مش اوي بس زينا يعني عادي المهم انا طبعا معرفوش ولا عمري شفته شفت صورة وبما اني 27 سنه قلت ادي فرصة بس لما شفته عالحقيقة حسيته كبير اوي يعني شكله مدي 10 سنين زياده عن سنه الطبيعي وشكله مختلف عن الصورة انا مش عارفة اوافق ولا ارفض هو مش وحش بس حاسة اني باردة كدا مش زي صحابي المخطوبين بيكونو ملهوفين علي الي مرتبطين بيهم حد فاهمني ؟؟ وهل لو وافقت يبقي بظلمه وبظلم نفسي ولا ده علشان معرفوش وبعد كدا هحبه

كل صحابي بيتخطبوا ويتجوزوا وانا علشان عامله عمليه قلب مفتوح بخاف اوي من الرفض لو حد اتقدملي دايما عندي شعور اني هترفض فاممكن فعلا لو حد فيكو جه اتقدم وعرف ان البنت دي عامله عمليه قلب مفتوح هيرجع في قراره ولا عادي؟

بعد ما فشكلت خطوبتي مع البنت الي حبته 4 سنين من عمري من سعتها ونا مش انا مش نفس الشخص الي كان بيسعي واله بيعمل اي حاجه حسيت اني حتي مني مبقتش موجوده والسبب كانت امي عشان كده انا متعذب بي فكرت اني مش عايز اواجه امي عشان مكسرهش وفي نفس الوقت كاتم جوايه تعب مش قادر اتخلص منو بس من ساعات اليوم ده وانا مش موجود انا جسد ماشي علي الارض من غير روح واتحولت من صاحب طموح لي مجرد انسان كل همو اليوم يعدي عشان يهرب من دنيا بي النوم ومش فارق معاه اي شئ

ومين فينا محبش هل الواحد المفروض يعرف ماضى البنت الى هيرتبط بيها ولا لا ؟؟ خاصة ان نسبة كبيرة جدا من الشباب والبنات بقوا بيرتبطوا من اعدادى 🙂 انا ليا تجربة ارتباط برده مش بقول انى مختلف بس كانت مشروع خطوبة بعلم الاهل وفشل للاسف

انا خطوبتي اتفسخت من كام يوم و مش عارفة اتخطي الموضوع نهائي حاسة اني اتظلمت كل اللي حصل دا علي مشكلة تافهة كان ممكن تحل بمكالمة تليفون لكن هو مادنيش فرصة ادافع عن نفسي و لا هو اللي اتلكك علشان يمشي في واحده تانية ولا هو ماحبنيش من الاول دي كانت أول ارتباط حقيقي ليا انا موجوعة اووووي

جماعة فى بنت كانت معايا فى الجامعة كنا بنحب بعض بس حصل مشاكل بنا وصلت انها تتبلى عليا للدكتور انى اتحرشت بيها بس كان معايا اسكرينات واثباتات تثبت ان دا محصلش من اسبوعين رجعت تانى لما شافتنى اشتغلت فى وظيفة وبعد الضهر مسئول على ستور موبايلات وبفهم فى الاجهزة والايفونات وكدا فا الحمد لله مسكت قرش حلو والعز بان الحمد لله اتكلمنا كتير وهى تلمح على الخطوبة وكدا امبارح اتخانقنا وانا الى اتحججت الصراحة وسبنا بعض قولتلها خليها لما يجى وقتها احسن بس انا الى غلطان علشان قولتلها ابعتى صورة بشعرك وهى مرضيتش انا حقىقى غلطان النهردا صاحى مضايق انى زعلتها ورايح الشغل بتعصب على العملا والناس الى معايا فى الشغل ومحتار اكلم ابوها وادخل البيت من بابه ولا خلاص كدا لان فعلا موضوع ان هى اتهمتنى بالتحرش دا مش قادر اتخطاه خالص واسف على الاطالة...

انا كنت مخطوبه من سنه ونص وفركشت خطوبتي لأسباب تافهه كل ماافتكرها بزعل اوي لاني كنت بحب الشخص ده ومازلت حاسه اني متعلقه بين ونفسي يرجعلي المهم اني من ساعه ما فركشت وانا بيتقدملي عرسان كتير اوي وانا برفضهم ساعات بيبقى أسباب منطقية وساعات برفض لأسباب تافهه عشان خايفه من حتته التعلق بالشخص واني احبه ومنكملش مع بعض في الاخر متقدملي اليومين دول عريس حساه شخص لطيف ومتفهم وحنين بس انا مش عارفه اتقبل شكله لانه مش وسيم ومش زي النوع اللى بحبه في الرجاله وخايفه اوافق عليه تروح عليا فرص جواز احسن من دي حاسه اني لو استنيت شويه هلاقي الشخص اللى نفسي فيه تنصحوني اعمل ايه

انا مش كويسه ومش عارفه اتصرف اتقدملى شخص اهلى موافقين عليه بس من اول مشوفته وانا حسه انه مش هو ده الشخص الى عوزه اكمل معاه حياتى المهم بعد ظغوطات عملت قرايه فاتحه وحاليا بتعرف عليه هو كويس وبيحاول يراضينى مش هكدب بس هو مش التيب بتاعي وساعات مهتم وساعات لاء ودي حاجه موتراني اوي ومش عارفه اخد قرار هل اكمل ومش عارفه هتبسطت بعدين ولا لاء ولا ابعد من دلوقتى واضيع حد محترم وخصوصا اني ف ارياف وبالنسبالهم اني سني كبر فمش من حقى اختار خلاص

ياجدعان انتو اي ياجدعان حب اي ياجدعان فوقوا بقا الدنيا هتاخد منكم الحب مهما عفرتوا مهما حاولتوا تنجحوا علاقة برا اطار الجواز او خطوبة هتفشل لان ملهاش مسمي اللي بقول انا بحبها ارهان بعمري انك اول ما كلمت البنت اللي بتقول انك بتحبها نيتك كانت تتسلي بيها تضيع وقت وتخلع فخلع هتقول قلبي معاها ومش شايف غيرها تبقا مشوفتش كلنا نسخ مكررة من بعض هترجع تقابل نسختها شوف انت حبيت في البنت دي اي وهتلاقي في مليون بنت غيرها ونفس الكلام للبنات

انا عاوزة رايكم ف حاجه انا دكتورة اطفال عمري ٢٧ اتجوزت ٤ شهور جوازه كانت صعبه جدا وانفصلت بدون اولاد وبدون حتي ما اخد لبسي الحمد لله على كل حال اتقدملي من قريب شاب هو شكله مش وسيم يعني وظيفته وتعليمه مختلفين شويتين ولكن دماغه كويسه ولهجته مش قاهريه خالص ودخله يعني علي القد انا محتاره هل اوافق عليه وخلاص ولا استني حبه واشوف حد انسبلي للعلم بيحبني جدا واتقدم لاهلي ورفضوا وعاوز ييجي تاني وتالت ومصر عليا

مش عارف اتخطي ، بقالي سنة و كل حاجه بايظة ، كُل حاجة باهتة و ملهاش طعم ، مش عارف أعيش ولا عارف اخد خطوة واحدة في حياتي ، مبقتش عارف ، احساس ان الواحد رجع لوحده تاني بعد 5 سنين منهم سنة ونص خطوبة صعبة جدا ، حاولت اتخطي بس كنت بكدب علي نفسي ومش عارف و مش قادر انسي و مش عايز انسي ونفسي الموضوع يكمل تاني ..

في واحدة بقالها مدة معايا على الواتس و مدة كبيرة بس مش بنتكلم بتشوف الاستوري و انا كذالك بس مش بنتكلم كنا بنتكلم زمان بس الكلام قل تدريجياً مع العلم هي صاحبة بنت خالي و دايما بتقول كلام حلو عليا و بتشكر فيها قدام بنت خالي و لما بكلمها بحس ان هي بترد الكلمة بكلمتها بالظبط ف مش عارف اعمل ايه و يوم العيد نزلت صورة ليها و عملتلها لاف و من بعدها قاعدة تنزل صور صور صور مع العلم هيا مكنتش بتنزل العدد دا كله مش عارف اعمل ايه انا مش متعلق ولا حاجة انا بس مش عارف هل المفروض اكلمها ولا افكس مع العلم انا المفروض داخل على فترة خطوبة او هدور على واحدة

خطيبي في بلد تانيه وهو قريبي بس عمرنا ماتكلمنا غير كلام علي القد . اتخطبنا من اربع شهور ولحد النهارده مش حاسه منه باي مشاعر وحاسه انه قرر تبقا جوازه والسلام وحتي مافيش اهتمام . بيكلمني كل كام يوم مكالمه بحسها تقضيه واجب . بجد اتخنقت ومش عارفه اعمل ايه خصوصا انه قريبي و اهلي هيضايقوا الموضوع ضاغطني جدا جدا و ماثر علي نفسيتي وشغلي .

عايزه حد يساعدني ان يكلمه و يشوف لو ناوي يخطب او نساني او حاجة ، بيحب مين وكده ، بطريقة مخفية كده عشان بجد هموت من التفكير و خايفة اوي من الحوار ده انه يروح يخطب و ينساني كده عادي و انا اصلا مش قادرة اتخيله مع غيري والله ممكن اموت فيها 😣

يا جماعة ، انا هموت من الرعب من فكرة انه ممكن امه تحب تستفزني او اخته و يروحوا يخطبوا له على طول عشان ينساني و يقهروني ، مش عارفة اعمل ايه لو عملوها وقتها ، انا بنجن لو حسيته اصلا ممكن يعمل كده ، انا نفسي يرجعالي اوي اصلا و المشكلة اننا ساكنين بنفس العمارة يعني مش هقدر اني اتجاهل الوضع

كان زميلي في الكلية وفاتحني في خطوة خطوبة وقولتله لما نشوف موافقة أهلي وبعد استخارة وجه وشافوه لقوه مش جاهز ماديا وكلامه مش مريحهم في الجانب دا ف الموضوع ماتمش هل المفروض الموضوع يبقى بالنسبالي عادي ومش محتاجة اموڤ اون لان مكانش فيه حاجة بينا أصلا ولا أتقبل ان الموضوع ممكن يضايقني شوية لبعض الوقت على الأقل عشان كان شخص كويس وكان عاجبني في بعض الحاجات

هاى انا احمد من الشرقية مدينة الحسينية ٢٩ سنة بكالوريوس تربية فنون محدش يعرف طريقة الواحد يرتبط بيها يعنى اعمل ايه اروح كافيهات فيها بنات مثلا ولا اعمل ايميل على موقع او تطبيق معين كمان نفسي ارتبط فى الحقيقة بقيت بتخنق من حب السوشيال ميديا لانه بيروح بسرعة والبلوكات على ودنه .نفسي ارتبط واخطب ضروري

انا مخطوبه بقالي خمس شهور بظبط و عندي شك كبير ان خطيبي بيخوني لان كذا مره القيه مخبي تيلفونه مني و هو ماسكه او يقلب الموبايل على وشه لما حد يتصل او يبعت رساله ...او مغير باسورد الاكونتات بتاعته منغير ما يقول غير انه اكتر من مره يكدب عليا و يقولي انه فالشغل و اكتشف انه مش فالشغل ولا حاجه انا مش عايزه انفصل لاني بجد عايزه اتجوز الشخص ده لاسباب شخصيه و مش بحبه الحب الي يخليني اغير او اضايق من خيانه كل مشكلتي ان خايفه بعد الجواز احبه و هو يكمل خيانه اعمل ايه؟

انا شاب عندي 22 سنه كنت اتعرفت علي واحده زميلتي ف الجامعه انا وهي ف نفس الكليه "تربيه رياضيه" .... المهم بدانا نتكلم سوا وارتبطنا ببعض وعمتا كنا بنتقابل سواء ف الجيم او كلاس البوكسينج او برضو في اكاديمه السباحه المهم انا كنت عايزها ف الحلال طبعا بس فهمتها ظروفي وانه ان شاءالله بعد ما نتخرج هتقدملها و اخطبها ع طول وبعدها اسافر لوالدي وابدا اظبطت دنيتي لغايه م انزل ونكتب كتابنا ده الي كنت مسستم عليه حياتي عمتا .... وهي كانت بتقولي خد راحتك عادي انا هستناك وهكمل كريري كده كده وعايزك وكل كلام ده معدااش ع كلامها شهرررين ولقيتها اتخطبت ولا متخطبتش غصب ده كان بإرادتها .. هو عادي هي حره بس عايز افهم ليه عشمتني من الاول اصلا احنا فضلنا سوا سنتين او اكتر .. ازاي هي نسيت كل الي بينا ده وانا عمري مفكرت العب بمشاعرها او اتسلي بيها.. بس ليه عشمتني انا بجد مش فاهم !!!!! .. ليه مصارحتنيش من البدايه ؟ ليه اصلا خلتني اتقعلق بيها ؟

عندي مشكلة بس مش عارف ايه التصرف الصح (طويلة شوية انا اسف بس فعلا مفيش حد قادر احكيله الكلام ده) دلوقتي انا ف اول سنة ف الكلية اتعرفت على واحدة وحبيتها احنا مرتبطناش وانا صراحة قلتلها اني بحبها وقتها وهي مديتنيش إجابة واضحة ولا انها موافقة او رفضت (بس عرفت من مصدر تاني انه لا) المهم انا فعلا بعدها بسنة كنا برضو لسة صحاب وبنتكلم بس انا كنت فقدت الأمل ان ممكن تغير رأيها ومكنتش طول الفترة دي من بعدها لمحت او قلتاي حاجة خالص تدل اني لسة بحبها بس طبعا اكيد العلاقة كانت مختلفة عن قبل ما اقولها بقا في شوية جفاف يعني.. ف بعد السنة قلت اجرب اعرف غيرها يمكن ده فراغ وانا مش واخد بالي وغلطت لاني عرفت كذة واحدة وقتها وارتطبت ف الاخر بواحدة فعلا بس هو اسبوع مستحملتش ال بيحصل حواليا ده كله واني بضحك علي نفسي فقررت ابعد عن أي بنت اعرفها ف حياتي واسيبها هي بس ال موجودة وحصل فعلا بس الفترة دي ال هي كانت نص سنة تقريبا حصل gap كبير اوي ف علاقتنا بقينا مش بنتكلم كل يوم مثلا وممكن شهر مثلا علي ما حد يكلم التاني يسال عليه وفضلنا علي نفس الحال ده لحد ما اتخرجنا وانا طول الوقت ده ثابت علي فكرة واحدة اهتم بدراستي عشان الاقي شغل ويبقي قدامي فرصة اتقدم رسمي يمكن ده کان سبب رفضها منالبداية اتخرجت وفعلا بعدها بقا تقريبا ان اتشالت من حياتها مستحيل كانت تيجي تسأل عليا ودخلت الجيش وقلت فرصة انساها وبرضو معرفتش هي مبقتش مهتمة خالص ولا حتي انت بتسأل علي اني داخل الجيش امتي والدنيا دي بالرغم اني قلتلها وبقت تختفي من السوشيال ميديا خالص وكنا متعودين كل سنة السكوت بيتكسر عن طريق واحد بيخش يوم عيد میلاد التاني يقوله كل سنة وانت طيب وهي بقالها سنتين مقالتهاليش حتي بالرغم اني مواظب على كدة برضو وخلصت جيش واشتغلت الحمدالله بتفاجئ ان بقالها فترة بتشير بوستات كتير اوي عن ناس متجوزين او مخطوبين او حاجات حب وكدة (الموضوع راعبني مش عارف هو في حد ولا ايه الوضع ومفيش اي حاجة تبين ده وانا كرامتي مش قادر تخليني اسال انا بقيت بستني اهيف الفرص عشان خش اتكلم في اي موضوع ودايما الكلام بتقفل من ناحيتها بالرغم ان الكلام يبقي ماشي مام وزي الفل وفجأة بيتقفل) لفكرة اني اعرف مخطوبة ولا لا لأن الشك هيموتني مش عارف اعرفه ازاي اختها مخطوبة ومش کاتبها ف حتة مثلا ف خايف لتكون هي نفس الفكرة وفي نفس الوقت لو دخلت سالت يبي المفروض اتقدم وانا لسة بقالي كام شهر شغال بس علي الاقل محتاج سنة ونص اجهز اي حاجة اتكلم بيها وبرضو بقول لو اتخطبت ممکن ده الحاجة ال اقدر اخيرا امنع نفسي افكر فيها ف فعلا نا ف علاقة من طرف واحد مع نفسي لمدة 7 سنين بكل الحالات والتغيرات على عدت عليا ومش عارف اخرج منها ازاي او ايه التصرف الصح

من فترة كدا بداء يظهر عندي احساس ان عندي مشكلة بسبب عدم وجود طرف تاني في حياتي خصوصا بعد ما خطبت وفشكلت خطوبتي بداء يظهر الاحساس ده عندي بسبب اني بشوف معظم اللي حواليا بيخطبو ويتجوز او حتي يرتبطو انهم بيعيشو قصص حب حقيقية وان انا مفتقد الجزئية دي في حياتي ومفتقد فكرة ان ممكن واحدة تعجب بيا اصلا فهل فعلا دي مشكلة فيا ؟!

جماعة انا كنت مع واحد في ثلث سنين حبينا بعضانا في لافاك و مكانتش علاقة سيريو مع لول و مبعد تعلقنا بزاف ببعضانا و ولات اكثر من سيريو مي اومامتون انا عندي بزاف المشاكل فالدار و حبيت نخرج باي طريقة يعني مقدرتش نستناه و هو مزال مدارش حتى خطوة نحو المستقبل و زادو حكموه للارمي جات فترة ضعف و جا خطبني واحد قبلت بيه فلحظة ضعف و بقينا مخطوبين ربع اشهر و مبعد جاتني لحظة ادراك و حبست الخطبة و عاودت وليت مع لي نحبو مي ماجبسوش المشاكل هنا كل خطرة ولينا نتهاوشو خاصة انه مكناش موالفين بالمسافات كنا نتلاقاو كليوم مين كنا نقراو حتى ولينا بعاد بزاف على بعضانا و نحكيو غي فسوشل ميديا و ولينا ندابزو بزاف و ممكن انا درتله ضغط بزاف انه يدير خطوة و يجي يخطب بلي كان يعني يجمع دراهم قيس خاتم على الاقل يدير خطوة مي زادو داوه لارمي و زاد ولا الحلم بعيد واش ندير تعيشو قولولي حرت

أنا كنت مرتبطه بواحد ٧ سنين فضلنا مع بعض بس اخر فتره كانت مش بنتكلم خالص وهو اتقدم ووالدتي مكنتش موافقه وهو قعد يقولي اقنعيها وكلميها وحاولي معاه وهو مرنش غير مره ونا لم لاقيته اتغير اخر فتره لأنه شاف بنت في فرح اخوه واتكلموا واحنا لسه مع بعض بس مكنش بنا كلام ونا قولتله شوف حياتك انت وهو زعل عشان بقوله كدا وهو فعلا كان شايفها وارتبط بيها وخرج معاه ف كان لينا فرصة رجوع بس بعدها شوفت كلام حب كتير ليها ف قالي انت بأديك القرار الوقتي خلي وولدتك توافق ونا اسيبها ونتخطب فقولتله كمل معاها أنا مش هعرف اكون معاك راح هو محدد معاد قرأت فاتحته وسايبني عنده ولا أكن فيه حاجه وعرفت قبلها بصدفه قالي اه ونا يعني خطبها ونا لسه موجوده ومن يومها عدا شهر ونص واكتر ونا واقفه مكاني مش عارفه اعمل اي ف حياتي وهو مبسوط معاها ولا أكن كنت ف حياته والموضوع د عملب اكتئاب ف حياتي ومش عارفه افوق لنفسي واشوف حياتي زي مهو شاف انصحوني😭

هو ليه سن ال 30 للبنت عامل زي المصيبة ازاي 30 سنة ومتجوزتيش ازاي 30 سنة وتفسخي خطوبتك انتي خلاص فرصتك قلت وازاي وازاي ليه الناس تعليقها ع ال 30 كأنهم بيدفنوك بالحياة بجد ومجرد رفض اشخاص الواحد مش حاسسهم ومش مرتاحلهم يبقي هو بيطبتر علي النعمة وشايف نفسه ليه الواحد يفضل قلبه واجعه من نظرة الناس واهله لمجرد العمر ليه بجد؟؟

اتخطبت خطوبة صالونات لواحد اكبر مني بسبع سنين و بيشتغل انه مأجر محل و فاتحه بلاستيشن من رغم انه متعلم و معاه شهادة حلوه ، وانا وافقت عليه ، من رغم ان شكله وحش و مش احسن حاجة و من رغم ده كله كان شايف نفسه عليا و يتكبر وقت نزعل من بعض و مش بيبادر ابدا و بخيل بالفلوس اوييي بجد لدرجة انه يخاف على رصيد و عمره ما اتصل، دايما انا اتصل فيه ، بس كنت بحبه اوي و كنت بعدي من رغم ان عقليته وحشة اوي و تفكيره وحش اوي ، و فجأة قبل مواسم سابني عشان ما يصرفش و خد شبكتي و باعها و اشترى موتوسيكل، و بعدها بشهرين حب يرجع لي و لاني بحبه وافقت اننا نرجع بس المشكلة انه رجع بشروطه انه هيخفف الشبكة و هتبقى ٣ جرام بس ، وانا بصراحه زعلت و حسيت اني ماليش لازمة ولا قيمة و فركشت الخطوبة تاني ، بس فيني غصه لاني بحبه و لانه لسه حاسس انه معاه حق و ان كده احسن عشان ب اعتقاده اني مكنتش هقف جنبه بعد الزواج طالما ما وافقتش على دبلة بس ، بس يلي زعلني انه قلل مني و انه يقول يا اجيب دبلة يا بلاش و بجد مش قادرة انساه مش عارفة اعمل ايه

أنا بشتغل ف مدرسة خاصة وأتصاحبت أنا وشاب منها كان خاطب بنت محترمة جدا وهو كان ف نظري شخص محترم مكنتش بتعدى حدودي ف الكلام معاه عشان هو خاطب ، لحد ما بدأ يوم ورا التاني يتكلم وبقينا أقرب أتنين لبعض صحاب ف كل حاجه لحد ما حصل وحبينا بعض وده معرفش إزاي حصلي وأنا ال عمري ما كنت بقبل أتكلم مع أي حد وقعت مع شخص خاطب ، وكان قرب يكتب كتابه وقولتله أن ياخد قرار يا أنا يا إما هي بعد ما أعترف انه حبني وهيحاول عشاني أختار خطيبته وقالي ده نصيب وخلينا نفضل صحاب ، سابني لوحدي ف حيرة ووجع قلب مش قادرة أستحمله وبكرة كتب كتابه وأنا لسه معاه بس كصحاب بحاول أبين إني مش مهتمة وأنه ده الصح أصلا أنه يختار خطيبته بس مش قادرة أتخطى مشاعري وكلامه وحالياً حزينة بشكل مش طبيعي ومش قادرة أبين ده ونفس الوقت هو متخلاش عني ولسه بنتكلم كصحاب وأنا مش عارفة أبعد..

أكلمه و لا لا هو بجد واحشني جدا مش فاهمه ازاي هو قادر يبعد كدا أنا كنت اتعرفت على حد اونلاين و هو محترم جدا و مناسب كل حاجه فيه مناسبه ليا و من الأول هو نيته كانت واضحه و ناوي على خطوبه و جواز و بالفعل كلم مامته و مامته كلمت أخويا بس بعدين الدنيا وقفت و بعدنا بس بطريقه محترمه و قولنا لحد ما يحصل نصيب و أنا لسه على أمل ان هو هيجي مش عارفه أنساه و لا أطلعه من دماغي كل فتره بحس باكتئاب شديد جدا و ان الدنيا بتسود في وشي لما حد بيتقدملي بقعد و أنا كارهه نفسي و بكون مقرره اني هرفض من غير استخاره و لا أي حاجه الموضوع بقاله حوالي ست شهور أنا فكرت أشوف دكتور نفسي لو حد يقدر يساعدني...

عمال اقول محبتهاش واقنع نفسي ان ده مش حب اصل مش يومين اتكلمناهم هيخلونا نحب يعني ومش انا اللي اقع في حب واحده وبتاع لحد م فتحت الاكونت بتاعها دلوقتي ولقيتها شايله ورد في ايدها ومتصوره اول حاجه جت في دماغي انها اتخطبت حسيت ان قلبي اتقبض وشكلها كده راحت مني المشكله انها عامله lock للاكونت ومش عارف احدد دي مجرد صورة بروفايل اتغيرت ولا ده بوست خطوبه ولا ايه المهم يعني هو انا كده بحبها ولا ايه ؟

مساء الخير انا مخطوبة بقالي سنتين من شخص يعتبر عرفاه من وانا طفلة والعيلتين اصدقاء في البداية الدنيا كانت كويسة مع بعض التحفظات إنه فجأة قالي اغير ستايل لبسي رغم انه مقالش انه معترض عليه ف اول مقابلة بس انا كنت مقتنعة وحابة اني اعمل كدا ومستنية الفرصة عشان اخد خطوة زي دي ف الموضوع مكنش مشكلة بالنسبالي بعد كدا ابتديت اتكلم ف حاجات تانية ليها علاقة بالمستقبل ومصروف البيت واني اشتغل ف الاول كان عنده اعتراض ع الشغل بس حاولت اقنعه وعدت بس بردو كان يقولي لو ظروف الشغل تنفع معانا بحيث ان اجازتي واجازته تبقى نفس الايام وانا شغلتي متسمحش بده بس قولنا هنبقى نشوف ولما اتكلمت ف الموضوع ده تاني قالي خلاص لو انتي يوم واحد اجازة هشوف اليوم التاني حاجة انا اعملها والموضوع عدا جينا لحوار مصروف البيت وكدا كان يقولي الفلوس هتفضل ف الفيزا منين ما نحتاج نسحب ولما قولتله على مصروف خاص بيا قالي فيما معناه اني لو بشتغل مش لازم اخد مصروف منه من فترة حوالي 3 شهور بقى يحصل اهمال لو انا متكلمتش هو ميتكلمش لو انا اختفيت هو يختفي ودايما في حتة انتي لو عملتي حاجة انا هعملها ولما اقوله مبحبش الطريقة دي يقولي ده العدل من وجهة نظره ان الانسان اللي عمل حاجة يحس بيها ولو ضايقته يبقى ميعملهاش تاني ولو لا يبقى هو مش هيتضايق لو اتعملت تاني ولما بقيت بعاتبه انه مبيكلمنيش لان انا بطبعي انسانة قلوقة جدا وخوافة وساعات بحس اني تقيلة ع اللي قدامي ف ممكن مبداش يقولي انتي مبتتكلميش وانا معرفش حاجة عنك وانتي عارفة كل حاجة عني مع العلم ان انا شخصية قليلة الكلام بقيت بحس انه بيدور على اقل حاجة عشان يجيبها مش عايز يعمل فرح عشان هو مش هيبقى مرتاح بس انا عايزة فرح اتفاقات كتيرة اتغيرت ومعترضناش بس ف الاخر شاف ان انا متنازلتش عن حاجة ومش عايزة اتنازل ده غير ان في تدخلات وكلام من والدته معظم الوقت ومقارنات بيني وبين واحدة تانية معرفتهم اخر فترة انا كنت طاقتي خلصت اني اعاتب او اتكلم وتوصلت لاني افسخ الخطوبة وبلغته قالي هديكي بريك تفكري براحتك من غير ضغط ف هل قراري صح ولا لا لاني بقيت محتارة جدا وخايفة اظلم لو مشيت او اتظلم لو فضلت اختصرت تفاصيل لان الموضوع كبير واسفة ع الاطالة

لو حد مر بتجربة يطمني فيه امل ولا خلاص بقالي اكتر من 10 سنين كل سنة في شهور الشتا بالذات بيحصلي ابتلاء ببتعب حساسية في عيني او وشي ولازم استخدم كريمات او قطرات كورتيزون وكل خطوباتي اتفسخت في الشتا واتجوزت 4شهور طلع شا.ذ وده نمط متكرر يتسلط عليا وانفصلت ف الشتا بردو ونفس التعب بالحساسية حصلي في السنة التالية للطلاق في الشتا و زمان كنت بحلم بكل الأحلام السيئة جن و تعابين بكل أشكالها واحجامها ومقابر وكله بس بقالي كذا سنة مبقتش احلم بيهم لحد ما اتجوزت و رجعت احلم بالجن كان في صورة طليقي و سالته في الحلم عاوز تأذيني قالي ايوة وفعلا طليقي كان شيطان من شياطين الإنس وكان بيحاول يدمرني نفسيا وصحيا وماديا والحمد لله ربنا نجاني ليلة الطلاق كلمت حد في التليفون عملي رقية لقيت نفسي برجع مع اني طول السنين اللي فاتت كنت بعمل رقية شرعية مع نفسي ومع شيوخ بس عمري ما رجعت كنت بس بتضايق لما يقروا قران بصوت مش مسموع جنب ودني

طيب 😶يجماعة حد يقترح عليا أي حاجة واحدة صحبتي كانت مخطوبة وبتحب خطيبها د واتعلقت بيه وهو كويس جداً وكل حاجة جميلة لحد م اهله جوم عندهم مرة وكده وبعدها قالو كل شئ نصيب هي دلوقت في فترة سيئة أوي ومش عارفه اخرجها منها ازاي حتى وحاسة الدنيا بتعك أوي وأنا مش عارفة اشرح قصدي بردو

مش عارفة هل انى حلوة زى ما بيتقال نقمة مش نعمة معرفش عندى ٣٤ سنة مجوزتش بشتغل في مكان محترم وظيفة محترمة جدا من اللى حياتهم بدل فورمال دول ، زمان حد قال لاهلى متفرحوش انها حلوة مش بيجوزو ، المهم حبيت وعشت قصة الحب التحفة واتخطبت بعد سنين كتير كدا بنحب بعض وكانت اسعد لحظة في حياتى لما لبست دبلتة واة كان اى حد يشوفنا يقولى بتحبي على اية كنت بتوجع منة كتير وبشوف منة كتير بس لما اتخطب كرهتو وكرهنى فسخت قبل جوازى بشهر ومشاء الله علية اجوز يمكن بعدها بكام شهر ، انا حبيتو في وقت وحش في حياتى اوى وكنت شخصية مهزوزة معا دايما على رغم انى مش كدا خالص بالعكس بيتقال انى قوية وحلوة ومحدش بيقرب منى عشان كدة المصيبة انى بقيت شخص عملى لدرجة مؤذية جدا ولو فكرت في حد مش بيكون حب بنبهر جدا لما يكون اللى قدامى شخصية قوية ولى معنى وكلمة واكيد كلهم مش مناسبين بس في كل دة اكبر وجع حاجتين نفسى ابقي ام ونفسى ابقي مطمنة مع حد نفسي ارجع بحس او يبقي عندى مشاعر حتى تجاة حد

الساعه 9 الصبح و انا مش عارفه انام عشان عرفت ان اكتر حد انا حبيته في حياتي خطب امبارح و هو لسه اصلا من اسبوع كان بيقولي اني وحشته و انه عايز ان احنا نرجع حاسه اني مكسوره و حاسه بنار في قلبي حرفيا عايزه اعيط و مش عارفه

انا كنت مرتبط ببنت نعرف بعض من ٥ سنين كنا زمله في المدرسة الثانوي و بعدين انفصلنا في اخر سنه وكنا علي تواصل لمده سنه ونص وبعدنا سنتين ونص ورجعنا تاني بس الرجعه الاخيره دي كانت من سنه وكام شهر قعدنا مع بعض ٦ شهور وفي اخر فتره كنا فيها مع بعض حصلت مشاكل كتير وصلت للاهل من غير دخول في تفاصيل المهم كان حل المشاكل دي اني اروح اتقدم لها رسمي ونقرا فاتحه وده حصل فعلا من ٩ شهور ومن ساعتها منعرفش حاجه عن بعض ولا في تواصل ولا حتي طريقه اعرف اتواصل بيها معاها وكل الأرقام مقفوله ف مش عارف ده اي او اعمل اي يعني انا دخلت البيت من بابه واتقدمت رسمي وقريت فاتحه ليه بس الانقطاع ده ؟؟ هي وحشاني وعاوز اكلمها واطمن عليها بس مش عارف قولولي اعمل اي واتخطي ازاي+ انا بقالي كام يوم بفكر انهي الموضوع بس لما الاقي طريقه للتواصل يمكن الوضع يبقي احسن ومبقاش متعلق ف الهوا كده تعبت والله

مساء الخير ياجماعة.. انا شاب عندي 31 سنة فسخت خطوبتي من ساعات واللي استمرت لمدة سنة بسبب القايمة وعن اقتناع تام، مس حاسس اني ندمان بس ممكن تايه شوية.. لو ممكن حد مر بتجربة مماثلة يقولي رأيه

في الجيش ولسه راجع امبارح اكتشفت أن بعد اخر مكالمه ما بينا كنا متخانقين رجعت لقيتها خطبت الواحد مش عارف يعمل ايه الصراحه وجوايا حاجات كتير بس مش عارف اعمل ايه الصراحه

جماعة انا متقدملي عريس هو مريح ف الكلام والأخلاق كويسة جدا بس شكلا وجسما مش نفس اللي بتمناه خالص ولا ستايل اللبس هو مقبول بس يعني اسفة مش متخيلة أنه يبقي جوزي آخره صديق كلام ف مش عارفة اعمل ايه مستخسرة أخلاقه و احترامه وف نفس الوقت الشكل مأزمني و خايفة ارفضه ربنا يعاقبني و ملاقيش شخص محترم كده تاني عايزة حل ضروري 😭😭