عايزا احكي حاجة بس اتمنى الاقي اراء حكيمة بجد بدون قلة أدب او كلام ملهوش لازمة، أنا ف صغري تعرضت للتحرش ودا خلاني عندي حساسيه شوية من قرب اي حد مني وبحس وبتأثر بالموضوع دا جدا، ف النهاردة ونا نايمه صحيت ع ايد حد ع جسمي اتصدمت لما لقيته ابن عمي واخويا الصغير اللي يعتبر انا مربياه، احنا بيت عيله بس كل واحد شقته هو مش كبير ٣ اعدادي، مش عارفه دخل اوضتي ازاي اصلا ونا قافله الشقة ونا نايمه صحيت اول ما تفاجأت بيه زعقت لقيته جري وقال كلام مش مفهوم انا من وقتها حاسه اني بتنفس بصعوبة ونفسي امحي الكام دقيقة دول من ذاكرتي، حاسه اني عايزا اقوم اموته ف ايدي بس انا مش عارفه احدد بجد هو كان بيعمل اي وجري لي اما انا صحيت كل اللي متذكراه لمسته عليا، مستحقره نفسي ومستحقراه بجد ومش عارفة اعمل اي ولا اقول لمين 💔