انا وضعي مأساوي حاليا اتعرضت للتحرش من ولاد عمتي اللي اكبر مني وانا صغير للعلم انا ولد.. ولدي توفي وانا عندي 16 سنة وكان بيضربني كتيير جدا وانا صغير وهززلي ثقتي بنفسي و كمان جدي و جدتي مكنوش بيحبونا وبيعملونا وحش وظهر الموضوع اوي بعد وفاة والدي و بعد وفاة ولدي ابتديت اشتغل شغل اونلاين تصاميم و غيره وفويس اوفر وفقرات واقدم حفلات تخرج و جت والدتي طلبت من جدي ابو ولدي يساعدنا اني اخش طب مع العلم هي كانت هتساهم كنت جايب وقتها 96 في المية و كنت بتعرض للتنمر كتير وانا صغير لحد ما ابتديت العب رياضة و كدا و دخلت كلية حربية و طلعت بعد ما خلصت سنة اولي لاني محبتش الوضع و بعدها طلعت دخلت كلية علوم وكل صحابي اللي كانوا حواليا وابتديت بقي اشتغل و اذاكر و اهل والدي كانوا واحشيبن كنت بساعد جدي كتيير وشيلته لحد ما اتوفي ومتقدرتش برضوا وكل ورثينا و حاليا انا حياتي شغل بس وفاضية جدا من غير صحاب من غير حاجة و بقيت اخاف من كل حاجة واي حاجة ومش عارف اعمل ايه
اللي مريت بيه صعب جدًا واللي حاسس بيه طبيعي بعد كل ده بس مهم تفهم إنك لسه واقف وبتحاول وده في حد ذاته قوة مش ضعف ابدأ بخطوات صغيرة رجّع روتين يومي فيه رياضة خفيفة وخروج حتى لو لوحدك عشان تكسر العزلة حاول تتكلم مع مختص أخصائي نفسي لأن اللي جواك محتاج يتفهم ويتعالج مش يتكتم وابني دايرة جديدة تدريجيًا حتى لو كان شخص واحد تثق فيه كفاية مش لازم كل حاجة تتصلح مرة واحدة.