جماعة اعمل ايه والله تعبت عارفه انه حرام بس كتير بيمر عليا فترة او مش كتير هو كل يوم باليل وقت ما بيكون مفيش معايا حد بتيجي عليا مشاعري كلها و بتكون عايزة تطلع عايزة تجرب و عارفه انه والله حرام لكن انا مش عارفه اتاقلم مش عارفة اتعايش بقيت فترة مش فارق معايا الحب و الهيام و القرف دع و فترة بكون بموت حاسه بالوحدة اوي و فترة برضى ان ربنا كتب عليا اني استنى شوية و فترة بكون قرفانة و عايزة اخلص من التفكير ده و فترة بكون خلاص هموت من دماغي مش عارفه اعمل ايه العلاقات كترت و الناس المتلاعبة كترت و كل ما بحاول اتماسك و خلاص مش هيلفت حد نظري تاني بلاقي ناس بتتقصد تعمل كده و مش ناس عابرة لا مكتوب عليا اشوفها و بكون في حالة رعب و خوف و قلق و تفكير كتير ده مش معجب بيا ده متلاعب ده اكيد بصته عادية ده كذا و كذا و كذا متعرفوش انا بحاول افضل على مبدأي قد ايه و محدش يقولي انت سنك صغير و من هذا القبيل لاني عارفه كده لكن مش كل الي اتجوزوا دلوقتي و قارفين امي بعلاقتهم المهببة دي كانو و هم في سني في كمية الانفتاح ده مكنوش فاهمين اصلا ايه هى المشاعر دي اصلا و مطلوب مني الي في سني اني اصبر على حاجه اتفرضت عليا اني اشوفها كل يوم يجدعان بلا قرف بقى
أنا شاب و نفس مشكلتك...الفكرة الواحد شايف ان علاقة غلط اكثر ضرر من عدم دخول علاقة...بس عذاب برضه
للأسف اهلنا و المجتمع ضاغطين علينا و احنا في الزمن ده محتاجين الجواز و العفة اكتر حاجة
اه متطلبات كبيرة و كمان ناس بقت بجحة تطلب موظفه أو يختار واحده شغاله عشان تساعده في المصاريف و حاجات كتير مكنتش بتاعتها لا خروج كتير و لا ظهور كتير ولا التعب ده كله
معاكي حق... اصلا المفروض الشاب يشتغل و يتجوز من اول ١٨ سنة زي اهالينا زمان و اهي كانت الجوازات دي بتبقى متنفس حلال للشباب و البنات يلبوا احتياجهم للجنس الاخر بشكل صحي...دلوقتي كله لازم ٤ ولا ٥ سنين جامعة و حتى البنات بقول عايزينهم يشتغلوا...طب و احتياجاتنا كبشر يا ناس قدام كل الاغراءات السهلة دي؟؟
و من يتقي الله يجعل له مخرجاً و يرزقه من حيث لا يحتسب ، الله يعفك بحلاله و يرزقك الزواج و الحلال يارب ، انا شاب و مش صغير و اه طبيعتنا ربنا خلقنا بغرائز فينا ، بس الناس هي اللي غلط احنا اللي صعبنا الحياة على نفسنا لحد ما ربنا عاقبنا بنفسنا بردوا ، كل ما بنتقدم في الزمن كل ما بنحط تفاصيل تعقد اكتر ، الجواز ايام ابويا و ابوكي كانوا عادي بيتجوزوا في اوضه و صاله و مش بكل الاجهزه اللي هي اصلا اساسيه ، بقينا نقدس العادات و التقاليد اللي تشل الشاب و تعجزه ، و قليل اصلا من الشباب فاهم الهدف الحقيقي من الزواج او يعرف واجباته اتجاه شريكه اصلا