حاولت اضغط علي نفسي زيادة عن اللزوم الفترة الأخيرة عشان أعيط بس مقدرتش .. عشان محتاج اعيط كتير اوي بس مش قادر وكأن فيه جاثوم بس علي قلبي .. كل دا كان تراكمات لسنين كتير اوي معزول فيها عن العالم بشكل بشكل عام حتي اوقات كتير امي بتقولي هو انت ليه مش زي اي حد ف سنك وحياتك ماشيه طبيعي بعيداً بردوا عن اني مبحبهاش بس قعدت سنين تشككني ف نفسي وسبحان الله كل الناس اللي ف عيلتي ودايرتي شايفة اني فل والمشكلة عندها حتي اتنين دكاترة قالولها المشكلة عندك انتي بس هي عمرها ما تعترف انها غلط ف حاجة مهما حصل رغم انها بوظتلي تعليمي واه انا كنت ضحيه بس هي حتي مجتش تعتذر انها ضيعتلي مستقبلي كله غصب عني وبسبب قرار غلط منها .. انا مش شايل من حاجه انا بس مكنتش عايز غير امي تكون جنبي ولما فقدت الأمل بعد مليون محاولة خلاص قررت اتجنبها خالص .. بس انا زعلان اني لوحدي رغم اني بدأت اقوم واتحرك بقالي فترة بس انا لوحدي تماماً مفيش مخلوق واحد بتكلم معاه لدرجة ان اوقات بحس اني شبح او معزول عن الناس بطريقة غريبة اوي مش لاقي ليها اي تفسير .. معرفش ايه دا بس دلوقتي انا زعلان عشان لوحدي ومش حابب اكون لوحدي ومش مسامح امي بردوا لولاها كانت بيتنا هيكون أحلي من كدا بكتير اوي