مشاعر مكبوتة

الواحد بيحاول يدور على حد يكون شبهه عشان يحكيله ايه اللي مضايقه و في نفس الوقت يغهمه بسرعة و يقدر ده و يسمع و يحاول يساعد و في نفس الوقت انا مبعرفش احكي اللي مضايقني غير لو اللي قدامي عرف يطلعها مني و اوقات كتير ببقى هموت و احكي و مش عارف حد فاهم حاجة؟

يعمل إيه الإنسان اللي محتاج ونس.. محتاج يفرغ طاقة حب عظيمة جواه لكنها مكبوتة ومش لاقية مجال أو مساحة آمنة وصادقة تطلع فيها.. يعمل إيه اللي خايف يقع في مطب يكون هو صادق جدا في مشاعره بس يتبهدل بسوء اختيار أو حد مش مناسب يتكعبل فيه.. فيدوني لو حد عنده نصيحة أو تجربة

ليه بحس اني تايهة وليه كل ما بحاول اخد خطوة برجع تاني ليه كل ما اصلح علاقتي بحد تبوظ تاني من العدم ليه مش قادرة اقول ع اللي مدايقني ليه مش قادرة احكي اللي جوايا واقول اني تعبانة ليه أخري اني اقعد أعيط واجز ع سناني من كتر العصبية أو الكتمان أيهما أقرب ليه اتعودت إني أكبت مشاعري واتبهدل بالشكل ده حتى الدعاء اللي كنت يشتكي فيه لربي ع اللي بيحصلي بقيت بتوه وأقول يارب وأسكت

انا حاسه بالوحده وبعدم الامان والخوف من اي حاجه ممكن تحصل وده بسبب اني حاسه ان مليش ضهر بقيت طول الوقت حزينه وكئييه وده بسبب معامله بابا وماما ليا طول الوقت بيحسسوني امي قليله واني بنت وحشه وان مينفعش اعبر عن مشاعري بقيت بكتم مشاعري وده اثر عليا دلوقتي لما كبرت بقيت بنهار جوايا ومحدش حاسس بيا

حاسه اني مش بموت😫💔 اهلي ضاغطين عليا اوي ودائما بيقللوا مني وشايفين اني مش بعمل حاجه ولا بذاكر وكل همهم اني اذاكر وبس علشان أحلل الفلوس اللى بيدفعوها على دروسي وشايفين أن هم بس اللى مضغوطين وهم بس اللى بيزعلوا وبيحسوا لكن انا لا ابويا توكسيك اوي شايف ان هو دائما صح والكل غلط ولو محدش عمل اللى هو قال عليه يبقي كده هو غلط وغبي ولا بيعرف يفكر ولا يعمل حاجه شايف ان هو بس اللى بيزعل وبيتعصب بس مش بيغلط ليه؟؟؟ علشان احنا اللى بنعصبه حتي لو مسك حد فينا موته من الضرب عادي ، احنا السبب ، ليه نعصبه ونزعله؟ وماما مش يتعارض على اي حاجه هو بيعملها وبجد حاسه اني بدأت اكره من عمايله

اني معنديش صحاب او حد احكيله علي اللي جوايا مع ان حواليا ناس كتير في الجامعة و community كبير حتي من وانا في المدرسه فضلت طول عمري احاول اكون صاحب واحد عمري ما عرفت انا مش انطوائية بالعكس اجتماعية جداً بس مفيش حاولت كتير مش بلاقي هل العيب فيهم ولا العيب فيا حاولت دايمًا بحس اني مكروه من كل الناس حتي اهلي حته نفسي ياما مواضيع كتير كان نفسي حد يبقي فيها معايا ملاقيتش حد فبضطر اكتم حتي اهلك المفروض يكونوا سندك مفيش ده هما سبب المشاكل اللي انا فيها من الطفولة

خلوني مش عارفه اثق في احد. عايزيني. دايما. احطهم في. المرتبه الاولي. رغم انهم ولا شبهي. ولا متقبلين. معظم. اهتماماتي. حتي لو بيسيبوني. اعملها. بقيت حساسه. اوي. وبكتم. مشاعر كتير. رغم اني بطلع برضو كتير. منها بس. بيفضل. كتير. جوايا. وبيسبب. مشاكل. جسديه. بردو. بغضب. بسرعه. وبستحملش. حد بيقولو ان كل دا من الموبايل ومن المجتمع. اللي. برا بس. انا كده من زمان. وكتر. اللوم. بيقلل. ثقتك بنفسك. اللي. انت بتحاول. وتتظاهر. قدام الناس انها. موجوده. رغم انها معنتش. موجوده بسبب تعليقاتهم السخيفه.