أم

اكتشفت ان عندى تروما مش ظاهره شويه اني مش بحب حد من البيت يمدحني ولا يهتم بيا والموضوع بيدايقني جدا لما بيحصل عرفت ان سببها اني ملقتش اهتمام وانا صغيره ف عقلي مش قابل اي اهتمام او مدح عشان مش متعود عليهم ومبيعرفش يتعامل معاهم بقالي يومين نفسيتي هاديه بسبب الصيام الحمدلله ورجعت اتعامل كويس معاهم في البيت النهارده لقيت ماما بتقولي انها فرحت اني رجعت اتكلم واتعامل حسيت بخنقه ورديت رد غبي اني مش بحب اتكلم ولا اتعامل مع حد بحب ابقي مع نفسي ورجعت ادايق تاني عاوزه حل😶

غالبا والدتي ست نرجسيه برضو مقدرش اجزم ١٠٠٪؜ بس انا بقيت بتاذي نفسيًا و جسديًا بسببها و مش عارفه اتعامل معاها ، انا بنت عندي ٢١ سنه و داخلة في ال٢٢ ان شاء الله مشاكلي مع والدتي كلها ليها علاقه بالمطبخ و شغل البيت مش عشان انا مش بعرف اعمل الحاجة لا لا خالص المشكله في الطريقه و انها عايزه كل حاجة تتعمل حالًا في نفس ذات اللحظه انا لما ببقي فاضيه بساعدها حقيقي بس انا ببقي مشغوله بدراستي لاني في سنه تالته علاج طبيعي و كمان جامعة خاصه و في منحة لازم اجيب سكور معين عشان افضل محافظه علي المنحة عندي اخ ٢ ثانوي و اخت ٤ ابتدائي مش هطول عليكم بمشاكلنا بس اقرب مشكله كانت اول امبارح ظبطت منبهي عشان اصحي قبل الجمعة اخلص محاضره و اكسب وقت لان المنهج كبير صحيت يادوبك صليت ركعتين لله و بسرح شعري لقيتها باعته اختي الصغيره تقولي اقوم اعمل معاها الفطار انا مش مشكلتي في المساعده قد ما مشكلتي في الوقت اني نايمه قليل عشان اصحي اذاكر و مسهرش كتير بليل لاني بفصل بعد ٢ بليل روحت المطبخ بكل هدوء بقولها يا ماما هو المساعده دي هتاخد وقت قد ايه؟ لقيتها بتزعق و بقولك ايه تقفي تساعديني ولا هتقرفيني لو كده امشي انا قولتلها انا بس بسال عشان انا المفروض صاحيه اذاكر لو كده كنت نمتهم افضل لاني صابح عندي امتحان لقيتها بتقولي طب اتق الله و ساعديني يمكن تاخدي دعوه فانا سكت كده قالتلي المساعده هتاخد ساعة اتنين عشرة تاخد اللي تاخده قولتلها منا اعمل الفطار و اصلي الضهر و اغسل المواعين و اعمل الشاي انا كده هبدا مذاكره علي ٢ الضهر لقيتها زعقت اكتر و غوري من وشي و قامت حدفتني بالشوكة اللي في ايديها في بطني من الجنب هي حاليًا سايبه اثر زي دايرتين كده ليها قشرة علي جلدي المهم اني دخلت اوضتي اعيط فضلت تقول انتي م.و.ت.ك اهون و اسكتي عشان م.و.ل.ع.ش فيكي فسكت و مفطرتش و قعدت اعيط في اوضتي كل اللي شاغل تفكيري اني خايفه ربنا يسحب مني التوفيق بسبب عدم رضاها روحت اعتذر مقبلتش اعتذاري و فضلت تقول نفس الكلام امي مقتنعة انها ام و معاها تصريح تعمل اي حاجة عمرها ما اعترفت بغلطها حتي في مشاكلها مع والدي دايما شايفه انها ام و مينفعش تعتذر ولا حتي تبين اتعا غلطت مع انه ده والله هيزيدها في عيني زي ما بابا بيعمل معايا امي شايفه اني عشان تعليمي اعلي منها فده بيخليني ارد عليها و ابجح زي ما بتقول مع اني والله مش بعمل ده ولا بيصدر مني ده مع الغربب حتي و كل الناس تحلف بادبي و اخلاقي حتي لما بتكلم معاها بعد ما المشكله تهدي بتقلبها خناق والدي يجي يكلمها تتخانق معاه هو شخصيًا و تقعد تقوله لازم نكسرها و كده مش هيبقي ليها كبير بس والله انا بكبر لابويا امي مش مقتنعة انه كلامها بيكسرني و مش عارفه ازاي اعبر عن نفسي معاها خالص رغم كل ده و اعتذاري مش بتكلمني برضو و حتي اتصلت بعد الامتحان زي ما متعوده مفكرتش حتي تسالني عملت ايه قالتلي طلبات البيت و قفلت في وشي و مسالتش عليا ولا علي امتحاني ده حقيقي موقف بسيط بيني و بينها انا معرفش المفروض اتصرف ازاي و اكيد يا جماعه ربنا مش بيرضي بالظلم ولا معني انها ام انها تكسر عيالها كده اكيد ربنا مش هيدي للامهات التصريح ده عشان يكسروا عليهم و اجي علي نفسي واراضي و اطبطب وانا مأذيه بسببها للعلم امي اخر ٦ سنين بطلت تصلي البيت كله كلمها و بتقول ادعولي بهدايه بتصلي غالبا الجمعة بس انا اعمل ايه محتاجة نصيحة لاني فعلا تعبت محدش يقولي اتجوزي عشان هي بترفض عرسان من بره بره و تقول لسه بدري لما تخلص كليتها و فاضل علي كليتي سنتين و سنه امتياز

فضفضه كنت راجعه من بره مودي حلو بس للاسف الحلو مبيكملش في كل مره بنتكلم فيها بيأكدلي هو شايفني ازاي مجرد بنت في حياته لحد ما امه تختارله بنت الحلال عمال يرمي كلام مش واخد باله انه بيقطع ف قلبي وانا مش مبينه دا و عادي كرهت احساس اني بديل لحد هو لسه مش لاقيه

مشكلة مختلة كعادة كل مشاكلي 🤚🏻. كنت نزلت بوست من قريب، بقول فيه ازاي ابطل عصبية وكده، فاا قررت احكيلكم تبعات العصبية دي، واهو بالمرة تدوني حل. انا فيا رد فعل دفاعي لما بتوتر او بزعل، وهو اني بقعد اضحك مع اللي حواليا وكده، لحد ما الموجة دي تتكبت تماما وتروح، او حد يعصبني وقتها ف اطلع كل اللي جوايا من توتر وقلق عليه. المهم، اول امبارح بالظبط، انا كنت كده من كتر التوتر واللود اللي فوقي، ف كنت بعمل مع ماما كده وقاعدة اضحك واهزر معاها. المهم انها زعقتلي وقالتلي بطلي سخافة واستفزاز، وخلاص وانا سكتت وكتمتها جوايا برضو. تاني يوم بقى؛ اللي هو امبارح، كنت خلاص فصلت حقيقي وساكتة وهادية وبذاكر اصلا، ف لما جه بالليل، كانت هي مزاجها حلو، وانا عمالة اذاكر ومش طايقة حقيقي نفسي، المهم فضلت تضحك وتحاول تستفز فيا بهزار يعني، وانا كان باين عليا والله انو لا مش وقته، وحاولت والله امسك اعصابي وافهمها بالراحة انه مش وقت هزار خالص، بس هي فصلت مصممة بزيادة والله وانا خلاص بقى كنت فصلت، ف اسلوبي كان تحفة ما شاء الله. هي قامت وانا عرفت انها زعلت من تعابيرها، بس للأمانة مديتش رد فعل، مفيش طاقة ولا مجهود ولا اصلا ذهن حاضر بجد عشان اروح اراضيها. فاا انهاردة الصبح، صحيت طبعا على زعيق وبهدلة وقالتلي انها مش هتتعامل معايا تاني لاني قليلة الادب واسلوبي زفت وكلام كتير من النوعية دي. انا سكتت ومرديتش الا مرة واحدة بس وخلاص وعدى الموضوع، ودخلت آخد شاور. المهم اني من كتر الاجهاد والتوتر استفرغت اكرمكم الله، وكان فيه بوادر اغماء واسوداد في الرؤية وحقيقي حالتي كانت زفت، وكل ده من ورا الضغط بس. فاا دلوقتي انا كده كده هعتذرلها، بس هي حاليا بتتكلم في التلفون. بلس وده الاهم، عايزة اعرف والله انا غلطانة ولا لا، وازاي اسيطر على اعصابي، وازاي افهمها اني حقيقي مش بيبقى عندي سيطرة على ردود افعالي لما بوصل للمرحلة دي؟ وبسس شكرا.

انا مامتي متوفيه من امتر من سنتين بس انا مش بحس ان هي وحشاني او اني محتاجها او اني عايزه احكلها حاجه بفكر بس لو موجوده هعمل ايه معاها جوايه افكار كتير بس دا طبيعي مش عارفه الموضوع ماثر فيا اوي

يا جماعة انا تعبت بجد حقيقي تعبت انا مش عارفة الاقيها من مين ولا مين ، علاقاتي كلها خرا بايظة ولا اهل ولا صحاب ولا اي حاجة ، انا بواجه كل حاجة لواحدي معنديش حد احكيله ولا اشكيله و امي مش سايباني فحالي هي بجد انا بقيت احسها مريضة يجدعان هي متعقدة من امها انا مالي ؟؟ ابويا كان معاها خرا انا مالي ؟؟ عيالها مش تمام معاها او بمعني اصح مشيلنها همهم انا مااالي انا بجد ف النص بينهم كلهم محدش معتبرني ولا مقدرني ولا مستعنيني انا حقيقي تعبانة اوي تعبت من كلامها من تصرفاتها من افعالها هي مش امي بجد هي مش ام ولا تعرف معني الامومة او بمعني اصح بتيجي عندي انا و يخلص كل حاجة حلوة ولا لاقية حب ولا احتواء جوا البيت ولا برا انا لسه طالعة من علاقة توكسيك و نفسيتي ف الارض و حالتي حالة ومع ذلك ولا بحكي ولا بقول هي عمرها مفهمتني ولا سمعتني انا ساعدتها ف البيت امبارح كتير و مش عاجبها هي مشيلاني مسئولية كل حاجة ذنب كل حاجة انا ف وش المدفع بجد انا حقيقي تعبت

السلام عليكم. مشكلتي مشكلة كبيرة شوية، فياريت تفيدوني. انا عندي 40 سنة، وعندي بنت 18 سنة، لقيتها هنا بالصدفة على توهيل. هي كانت منزلة بوست برايفت وانا دخلت ارد عليها، وعرفتها من اسلوبها انها هي، ولما سألتها كم سؤال اتأكدت اكتر. المشكلة مش في كل ده، المشكلة اني قررت اصاحبها ومعرفهاش انا مين، بس اكتشفت بعد كده انها اتعرفت على واحد هنا في توهيل وبتقولي انها بتحبه وهو بيحبها، وانا مش عارفة اتصرف ازاي. لو عرفتها اني مامتها هتحس بالخيانة ومستحيل علاقتنا تتصلح تاني، ولو عرفت باباها ممكن يخرجها من التعليم. بحاول افكر وانصحها ك صحبتها ولكن مش عارفة اعمل كده ازاي. المفروض انها نايمة دلوقتي ف ان شاء الله مش هتشوف البوست.

ماما نفسي تشوفي الدمار الجوايا بسببك تدخلي جوا دماغي وتعرفي انا بعافر قد ايه اني امنع نفسي من اني ان تحر بسببك انتي اسوء شخص في الدنيا بجد اكتر بني ادمه جاحده وانانيه وميهمهاش غير نفسها بس انتي اكتر شخص اذاني في حياتي ومدر صحتي ونفسيتي انتي اكبر ابتلاء في حياتي انا مش قده بكرهك جدا ونفسي اعيش بعيد عنك مش قادره اقول اعيش من غيرك بس عايزه ابعد عن اذاكي عشان خلاص ببعد نفسي عن الان تحار بالعافيه انا بكرهك وبكره كل صفه فيكي مشوفتش منك غير الوحش وقسوه ومفيش لحظه حنيه او حب اشفعلك اي حاجه

خايف موصلش لحلمي وخايف امي تزعل عليا وخايف على كل الناس الي بحبهم هما اكيد هيمشو بس عيزهم يفضلو معايا لاطول وقت ممكن ومبحبش اكون لوحدي بحد يكونو فيه ناس كتير جمبي وبيحبوني ذي م بحبهم بسس

محتاجه تدعولي و تدعوا لي والدتي ب الشفاء لان بجد امي اتحملت كتير دعواتكم لينا و لكم ب المثل و يارب ما حد يجرب ده ابدا يارب هي عندها حاجات كتير بدون الدخول في تفاصيل ادعولها و النبي اني اشوفها سليمه معافاه من كل مرض يارب مليش غيرها حرفياااا و انا من غيرها ولا حاجه ادعولنا و لكم ب المثل

من ضمن مشاكلي الكتير اوي الحقيقه ان حياتي طول عمرها حياه جافه ومش كويسه و يوم ما لقيت حد مناسب يكون فحياتي و الحمد لله مرتاحه بطريقه مش طبيعيه هو للاسف عايش ف بلد تانيه (هو من بلد أوروبي من اصول مصريه) ولسبب ظروف ف الشغل عنده مش هيقدر ينزل مصر يخطبني غير اخر السنه دي (احنا مرتبطين بقالنا سنه و اتقابلنا ف السنه دي مره واحده) بس للاسف والدتي كل شويه تهددني انه لو مجاش ف خلال شهر يتقدملي هتجبرني اقطع علاقتي بيه و هتاخد التليفون مني مع العلم ان هو مش موقف حالي مثلا بالعكس ده شخص كويس جدا جدا وبيحبني لدرجه انه معوضني عن كل تعب السنين اللي عيشته و مش مخليني محتاجه حاجه خالص بس للاسف والدتي مشيلاني هم انها محدده وقت قصير ييجي فيه وده مستحيل تماما انه يقدر ييجي ف الوقت ده بسبب ظروف شغله انا حاليا حتى خايفه اقوله الكلام ده اكون بضغط عليه وخايفه يحس ان اهلي عايزين يخلصوا مني بسرعه لاني سني مش كبير انا مكملتش 20 سنه مش عايزاه يحس اني اهلي بيرموني ومش عارفه ايه الحل

انا تعبان اوي و مش عارف اعمل اي . امي اتوفت من ٤ ايام و من وقتها وانا في حاجه غلط .مع أن علاقتي بأمي و بأهلي كلهم وحشه و كنت عايش لوحدي من وانا 19 سنه لكن اخر سنه دي رجعت اعيش مع امي عشان كنت بخدمها مع أنها كانت بتعاملني وحش و علاقتنا مكنتيش قويه اوي بس انا مكنتيش فاكر أن الدنيا هتقف بيا كده وخصوصا اني ظروفي مختلفه و وكل ذكرياتي مع امي وحشه كانت و يمكن تصرفاتها معايا اللي كانت سبب الفجوه اللي بينا . انا هتجنن من القعده لوحدي مع اني عايش لوحدي من زمان و معتزل الناس من 4 سنين بس حاليا انا تعبت والله تعبت اوي . انا مريت بحاجات صعبه فشخ كنت مدمن و اتعافيت الحمدلله من 6 سنين و 4 شهور وكنت عايش بره لوحدي و فجأة تعبت وقعدت علي كرسي بعجل سنتين ونص بس كل ده كنت بعافر وارجع اقف تاني بس المره دي انا مبقاش عندي طاقه اني حتي اتحرك و قعدتي في البيت بسبب ظروف معينه مخلياني تعبان اكتر و خلاص هتجنن بجد . المجتمع بتاعنا مستنقع و شايفني مجرم عشان غلطه زمان و اني كنت مدمن . انا كلامي ملخبط بس انا تايه يارب تعديها

انا كنت مخطوبه. ملهوش كلمه. ولا. راي في اي شئ مامته الي. بتمشيه وأخواته بنات عرفت منه ان مامته كانت. بتضربه وهو. صغير. هو. ولد الكبير. و الوحيد مامته صعبه وبتخوف بتتكلم ب نظرات مهم. مامته قالت انه يسيبني وفعلا. سابني. مع انه الي جاي. اتقدم علشان عارفني من الدرس من ٦ سنين. يعني. هو الطرف الي. بيحبني اصلا المهم. بعد مرجعتله حاجته. بعد اسبوع بعتلي. طلب علي فيس. ومسدجات ويتصل علي موبايل بعتله علي الفيس. ان. مش. هقبلك علي اي حاجه انت الي. نهيت العلاقه وخليك في حالك. وانا في حالي فضل يقول. انه تعبان نفسيا ومش. مبسوط. وطلب. مني. طلب غريب ان امشي في جنازته حسيت ان هيعمل حاجه في نفسه. بعت. لي اخته جمله خلي بالك من اخوكي. لانه. قال جمله امشي في جنازته. ولا. قلت انه عمال. يبتعلي. ويحاول. بكل طرق مهم. رديت عليا بتقولي هو انتي ازي. لسه بتتكلمي معاه واني. معنديش كرامه وان هو قالهم انو مش عايزني. ولا عايز. شئ بنا في المستقبل. وبتقولي. مترخصيش من نفسك اكتر من كده روحت بعتلها. اسكرينات ان عمال. يبعتلي. طلب من كل تطبيقات ومسدجات ان بيتحايل. عليا. ان ارد عليه انا مش. مضايقني. غير. جمله. مترخصيش من نفسك أكتر من كده طب هو. عيل. ومش قد كلمته. وبيخاف. يواجهه تصرفاته. جه. ليه واتقدم. وعارف اني. عندي. شخصيه. وهو مفيش انا ايه ذنبي

انا امى كانت نرجسية خفية وابويا مات وانا صغيره خالص انا كنت كبش فدا استحملت ف بيت اهلى ضرب واهانه واتهامات وظلم لا يوصف لحد مااتجوزت وانا منهارة على الرغم ماكنتش عاوزة اتجوز اساسا بس اتغصبت ومابينتش انى مغصوبة طبعا دا بعد خمس سنين معيشنى ف عذاب بسبب انى كنت برفض بعد الجواز جوزى كان دايما معيشنى ف صمت عقابى كان بيخاصمنى بالشهور ف بداية جوازنا دا بعد ما ادانى كام يوم حلوين خلانى فيهم اتعود عليه اتارينى اتجوزت شخص نرجسي شيطان سرق صحتى وفلوسي وحياتى كلها اتناشر سنه عشت معاه انا كنت فيهم الراجل والست ف كل حاجة حرفيا اتدمرت وصحتى راحت خلفت اربع عيال انا اللى مسؤولة عنهم حرفيا ليا سنيين بطلب الطلاق خواتى يقولولى هانخلص عليكى لو اتطلقت وهو مارضيش يطلق انا بشتغل مدرسة عرفت ادكن قرشين يجبولى شقة ومرتبى يعيشنى بس انا مابقاش فىا صحة لعيال ولا مشاكل ومش عاوزة اتعامل معاه تانى ابدا انا منهارة وكل اللى عاوزاه بعد ماعمرى كله خلص ف المشاكل انى ارتاح نفسي اطلق وابعد ارجوكم حد يقولى ازاى اعمل كدة ف ظروفي دى مش يقولى ماتطلقيش لا الطلاق بالنسبة ليا حياه بعد موت وعذاب لابد منه انا عاوزة اعرف اعملها ازاى من غير مشاكل مع خواتى اللى متربيين على كراهيتى وتفكيرى بيقولى اسيب عيالى

مره كنت بتشاكل مع اختي وفنص الكلام قالتلي (عشان كدا محدش بيحبك وكل الناس بتكرهك) ومره مع ماما وقالتلي (انتي لازم تتعالجي نفسياً) مره كانت حياتي حرفيا بتدمر وعلاقتي كلها بتدمر وحكيت لصاحبتي وعشان نسيت حاجه كنا كاتبينها مهمه قالتلي (انتي تستاهلي كل الي بحصلك) المشكله ان مكنش ليا غيرها ساعتها كرهوني ف نفسي

ما حسيت بهذا الضعف من قبل غير مرة واحدة من كنت احاول قتل نفسي وما قدرت لان خفت من هذا ، كل هذا غير مهم الان ، الان اشعر بالعجز حقيقيي اليوم ، لما رجعنا البيت ك اي يوم طبيعي ورة ما كنا خارجين او اي شيء كانت تسعل وبساعات قليلة اشتد سعالها وصار وجهها اصفر وديتها لطبيب وكتبلنا لها حقن وادويه وهي الان تسعل وحيدة اعطيتها الحقنه بنفسي قبل نص ساعة بجد احس روحي عاجز

زيلو الستار عن عمر عده فشوش و أنا لسه قلبي بالمحبة صبي مين اللي قال العمر بالسنوات يحسب ويجمع والحساب ده غبي العمر محسوب بالهنا لحظات بمحبه طاله و دعوه في الصلوات وطبطبه أمي و كوم دعوات بالطاعه و الدمعه علي الهفوات محسوب بحضن الغايبين بالذات احسب حسابك للزمن بالروح و إياك تعد العمر بالأيام كام عمر عدي و دمعتك بتبوح وعملت في وسط الجروح دي همام ضلك علي أرض الحياه يوصفك عود طارح الأوراق علي الأغصان و القلب أخضر مهما عودك نشف و خريف زمانهم يوصفك بزمان فاكرين بأن الشيبه خط العمر و الحق انك طفل ناقصة حنان

ونبدأأنا مش عارف اعمل حاجة كل حاجة بتيجي وتعدي عليا بفضل اكتبها لان مهما حصل حاجة مبعرفش احكي لحد مهما كان قريب مني وعمرو معرف الحقيقة حتي اعز حد ليا أنا الي هو بعاملة زي اخويا بالظبط الي هو فلان ودا الشخص الوحيد الي حاسه بيستحملني بس انا سعات بتقل عليه اوي بس مفيش حد غيره ليا عمر ما كان ليا أصحاب ومفيش حد بيحبني غير المجبورين زي امي ابويا خالي ويتري اخويا بيحبني عشاني ولا عشان امي موجودة مش عارف لو ماتت هيتعامل معيا ازاي هو وابويا الي بيقولي أنا بعمل اي حاجة عشان خاطر امك وهل في حد من بعدها هيحبني ولا سعتها فعلا هيموت احن واطيب واحدة عليا الي بعاملها بقسوة وشدة ومش عارف انا بعمل ايه هي الي خلاني بني ادم تعبت معايا كتير عشان احفظ قران وتشجعني اني أخطب في الجامع وكان عندي الجراءة اني ققف ادام الناس دي كلها عشان متاكد ان في حد ورايا وساندني وكمان أنا مش عارف أنا صح ولا غلط وانا لا املك شيء غير الي امي ساعدتني عليها ولا املك مال ولا عمل ولا جمال ولا اي حاجة مجرد انسان مجرد من المسئولية لا اتحمل عواقبي ولا عواقب غيري وبالرغم من هذا أنا لا أستطيع العيش بمفردي في هذا العالم

هو لو أنا شفت ابويا بيخون امي ققول ولا مقولش أنا مش عارف اعمل ايه مع العلم أن عندي حاجة وعشرين سنة😞 فا أنا عايز حد يقولي اعمل ايه لاني حاسس ان في مشاكل في السكة مش هعرف اعمل اي حاجه خالص وانا اكبر اخواتي

فقط اريد اناام كل شيء غلطة ما احس باي نعاس ، اشتاق لماما ما اريد ارجع ليها اريد فقط ارحل من كل شيء الكل خاصة هية ح يكونوا افضل بدوني ، ما يجيني اي نعاس لكن احتاج انام كلها كم ساعة وتصحى وتلاحظ اني ما انام مرة اخرى ، من اخدع انا الليل كله هي مطمأنة جنبي تحس فيي وفي كيف انا قضيت الوقت أحدق بالسقف وافتح المبايل واعيد وبهذه الحركتين بدل النوم متأكد ح تسأل عن كلشيء حالما تستيقظ

انا ولدي و ولتي منفصلين بسبب مشاكل كتير لكن اهم حاجها فيهم انو سكير، و انا ف 3ثانوي قررو اني اروح اعيش معاه اجبار و لما سكت و استحملت علي امل انها سنه و تعدي و لما جت المراحعات من فتره طلب اني ارجع استقر عندها تاني لان المدرسه بتاعتي كانت قريبه منها ف ردتلا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، رغم اني كنت متوقع فعل زي ده بس مكنتش متخيله هيجي بالطريقه دي و حاليا واخد وعد علي نفسي ان المعامله تكون علي القد زي الغريب بظبط و مش هروح ليها زيرات تاني

افتكرت حاجة دلوقتي هي مؤلمة الصراحة وحشني أوي لما ماما كانت بترقيني كانت بتقولي بسم الله أرقيكي من كل شئ يؤذيكي الله يشفيكي وتمسح على راسي أنا بحاول أشغل الرقية وساعات أقولها لنفسي بس مش عارفة أحسها زي ما ماما كانت بتعمل ربنا يرحمها ويرحم بابا يا رب ويجمعني بيهم على خير ويعجل لقائي بيهم والله ..

عندي طاقة رغي رهيبه يجماعه عاملين ايه الاول يلا انتو مش غرب هحكيلكوا قصة حياتي بصوا يجماعة امبارح اتخانقت مع ماما اسألوا ليه عشان شايفه اني بنام كتييير اووي بس انا in fact يعتبر مش بنام اصلا الفتره دي بسبب كام حاجه علطول دماغي شغالة مش بعرف انام خالص وكمان بنام واقوم انام واقوم بصحى متكسرهه ومش قادره اتحرك ولا اي حاجه بقعد زي قلتي طول اليوم قدموا حلول سريعة يشباب قبل م اطفش من البيت

انا مبقتش فهمه احساسي حاسه اني بدات اشوف الدنيا الي حواليا بلا معنى بلا روح حاجات مش قادرة استوعبها حاسه اني بمشي فالدنيا بلا هدف بعد ما كنت بدعي بكذا حاجه بقيت اقول يارب استرها و دخلني الجنة مش عايزة حاجه من الدنيا في حاجات كتيرة في حياتي المفروض انها هتحصل و بكرن مبسوطة جدا ليها مش بقول هتحصل يعني حاجه في علم الغيب لسه اقصد حاجه مترتب ليها يعني بالفعل الاقي ان احساس السعادة ده راح كليا و افتكر اني هموت و الحاجة دي مش معايا هسبها و امشي يعني كل الي ضيعت عمري عليه مثلا هسيبه بكل بساطة و غيري هياخدة فبقيت مش متعلقة بحاجة بقيت شايفة ان كل حاجه عادي في حياتي مبقاش ليا اهداف دنياوية حتى في حاجات تانية مش قادرة افهمها زي حب الام لابنها حب عنترة لعبلة حب قيس لليلة و حب البنات للمكياج و الحب الرجال للنساء و حب الولاد للكورة و حب الدحيح للدرجات الي حواليا عندهم من الحب ده امال انا عندي انهي حب فيهم ده انا حتى وصلت لمرحلة انا مكنتش اتوقع اني اوصلها انا مبقاش فارق معايا حد مبقاش فارق معايا الحب و الاوهام الي دفعتي فيها حتى حاسه اني مستغرباهم بعيدا عن انه حرام لكن حتى مش مشتهياه زيهم بس في جزء فيا كنت حاسه انه نايم و صحي من شوية اني كنت بحب ماما اوي و انا صغيرة افتكر اني كنت اعيط و الاقيها مش فالبيت و تغيب حبه على ما ترجع اشتقت انها تذاكرلي و تزعقلي تاني اشتقت اني احضنها و انا صغيرة بعد ما اكون معيطة و هى تيجي تراضيني اشتقت للحضن ده اه ماما لسه عايشة ربنا يطول فعمرها و يحميها و يحمي كل امهات المسلمين لاولادهم و يرحم امواتنا جميعا بس حاسة اني كبرت و كل الحاجات الي معرفش اني كنت بحبها حاسه انها مبقتش موجودة لاني كبرت طول عمري كان نفسي اكبر و اكون حد بالغ زي ما كنت بشوف الناس الكبيرة لحد ما طلعت من الاوضة من شوية عشان اشرب ماية و لقيت ماما قاعدة بتذاكر لاخويا الصغير فجأة جالي احساس غريب زي ما يكون استرجعت جزء مني كنت ناسياه رغم اني بشوفها كل يوم على الحال ده بس اشتقت لحنيتها ليا و انا صغيرة انا دلوقتي بقول يارتني ارجع صغيرة تاني و ارجع احب ماما تنام جمبي شكرا 🌹

انا بقيت بحس بخوف دائم من أن حاجة تحصل والخوف دا من مامتى بالذات انا من صغرى وانا بخاف منها جدا والخوف دا كبر معايا لحد دلوقتى (حاليا أنا فى الجامعة ) لو مثلا وانا مروحة باجى اركب ومش بلاقى مواصلات بخاف تزعقلى لما اروح عشان اتأخرت لما مثلا فى محاضرة زيادة جات فجأة بخاف عشان هيا هتعمل مشكلة انى اتأخرت وانا دايما فى الضغط دا وزهقت من احساس الخوف دا مشعرفة ايه الحل

عايزه نصيحه اختي ثانويه عامه وعايزه تقعد من الدروس وبتقول بتضيع وقت ومش بتستفاد من الدروس ومفضلش حاجه علي الامتحانات وبتضيع وقت ف البيت كمان ومش بتحل كتير وبتنام وقت طويل وانا تعبت بصراحه ووالدتي وهي بيعاندوا وماما رافضه تسيب الدروس تماما ، وانا مبقتش عارفه اعمل ايه يعني اوافقها عشان متلومناش بعدين او ترمي علينا سبب النتيجه لو لاقدر الله مجبتش اللي بتتمناه ، اعمل ايه ؟

جماعه انا مستغربه نفسي والله ومضايقه منها هحكي بس اتمني تفهموني بدون هجوم والدي زعق لمامتي جامد ودي كانت اول مره تحصل وقدامنا كمان وقدام خالتي كانت عندنا وقال لخالتي بقت لا تطاق وبابا في العادي بيحترم ماما جدا خاصه قدامنا الغريب بقا اني مزعلتش من بابا بل الله حسيت بإنتصار استغفرالله والله بحب امي جدا وبخاف علي زعلها بس ليه كده ليه احس بكده اصلا حتي بابا رضاها والموضوع عدي ع خير الحمدالله انا بقا ليييه ليييييه احس( بشعور الي هو احسن ) فاهمين حاجه!!!!!

اتمني كل اللي يشوف يقرا كل الكلام ويعلق برايو انا تعبان ومحتاج نصيحه كنت كاتب قبل كده ابويا مش راضي يشغلني وف المقابل مش بيلبي طلباتي حاليا قامه خنافه بسبب اخويا لقيتوا من غير سبب بيقولي انت مش شيخ وانا االي هاكسرك ومحدش يطلب فلوس ده غير سب الدين اللي انا معتاد عليه كلم امي والموبايل كان بيسجل قالها مش هقدملوا ف تمريض عسكري مع اني قدمت مره وسقطت وهو االي كان قايلي هقدم وعلقني تاني وقال انه مش هالمس من ايدو فلوس اللب انا اصلا مش باطلبها منوا ف المره دي انا تعبت تاني يوم بسبب الكلام اللي قالوا جالي حاله صدمه لان كرامتي اتقلت اوي واتكسرت قلتلوا انا راجل لو اترميت ف الشارع اعمل مستقبل وهاطلع اشتغل رن عليا وسب الدين وانا هاعمل وهاعمل ومفيش شغل لو خرجت برا البيت متقعدش فيه وسبلي الدين تاني وانا لما اجيلك بالليل لاطلع وسب الدين حلفت لامي ايمانات حلفان اني اسيب البيت بس قلبي ضعف عشانها بتقولي هسيب البيت هي ملهاش حد غيري اخدتوا مبرر وهاستناه لو مد ايدوا عليا هسيب البيت وهامشي ودي هتبقي اخر مره يشوفني فيها انا تعبان وعايز اعيط بس مش عارف ازاي يقول انا مش هاعملوا راجل وهاكسروا هو انا قليل لما حارمني من كل حاجه وعايز يكسرني لو بعدت عنوا وسيبت البيت ومشيت هل انا كده غلط انا خايف علي امي ومش هاعرف اوصلها ف المستقبل بسببوا وغير كده بيسب الدين ازاي واحد يسب الدين يبقي قدوه وازاي اكمل معاه انا تعبت والله اعمل ايه

بلكت أمي انهاردة، قرار صعب لكن أظن اني أبعد عنهم أفضل، كنت كل الي عاوزه أسمع صوتها، لكن دايما لازم أخش في مشاكل انا في غنى عنها، ممكن أكون مش فارق فعلا بالنسبالهم، هأجل مسألة رجوعي البيت لفترة، بالرغم اني تعبت وبالرغم ان الوحدة صعبة لكنها أفضل حل

حكاية التقدير صعبة شوية، انا دكتور حاجة وتلاتين سنة واتجوزت اكتر من مرة ومخلف، يعني مريت بظروف وتجارب ومع ذلك امي بتاخدني ع اد عقلي ، المفروض ان ليا رأي في حياتي وقراراتي انما شيفاني برضع لسه، ويعتبر عدم احترام من الاخت الكبيرة ، ودا غالبا بيصيب الطفل الاوسط وبيتبهدل،، اقصد يعني انسى ان اهلك او مجتمعك او حتى مراتك هتعملك قيمة طالما مش مشاغب ومخربش وبتفرض نفسك، انشغل بنفسك وطور نفسك ومصيرك هتكون بين ناس تقدرك وتعرف قيمتك 🌷🌿

في حاجه حصلت معايا انهارده كنت واقف عند الدمشقي بتاع الشاورما فطنطا فالحلو تمام واذا فجاة الاقي واحدة معاها امها والبنت اواخر عشرينات بس حرفيا بطل ولا غلطة بالعباية السمرا وقعدت تلاغيني وتبادلني نظرات العيون وكده بس للاسف ركبو توكتوك هي وامها ومشيو ومش عارف اوصلها المشكلة مش في كده المشكلة اني مكنتش عارف اشقطها ازاي وهي مع امها

كان نفسي اكون افضل من كده .. كان نفسي اكون انسان سوي نفسيآ و مستقر و راضي و اقدر اتحمل مسئولية .. والدتي نفسها تشوفني في افضل حال بس انا للأسف خيبت ظنها .. هو مش بمزاجي و الامراض النفسية مش انا اللي اخترتها اكيد .. بس بعد 10 سنين محاولات علاج نفسي و مفيش تحسن و وصلت لسن 32 مازلت كده .. للأسف عرفت ان مكتوب عليا اعيش غير سوي .. لا عمري هيبقي ليا بيت ولا هتجوز ولا هتحمل مسئولية .. كان نفسي اكون كويس ...

جماعه انا دايما والدتي كل دنيتي وبحبها جدا جدا حتي لو مش ظاهر هي دايما القريبه مني بتفهمني بتسمعني الوحيده اللي ممكن ابكي قصدها او معاها عامتا حتي لو ع التلفون علي عكس والدي كان بعيد حتي لو بحبه بردوا بس هو مكنش زيها او مفيش حد زيها بالنسبالي بس دا مش مخليني ابن امي بردوا اللي هو التحكم والتعريف اللي الناس بتطلقه علي الشخص اللي بيقولوا عليه ابن امه مثلا من تحكم وسيطره وفرض رأي لا انا مش كده خالص وهي مش كده بردوا سيبانا ع حريتنا خالص والدتي دلوقتي علي وشك انها تطلع معاش انا بشوف ف والدتي تعب مبقتش زي الاول المهم من يومين كنت جاي من سفر وقاعد معاها وفضلت تتكلم معايا قالتلي هتعمل اي لما اموت وفضلت توصيني علي اخواتي وتقولي نفسي اقعد لحد اما اشوفك بتتجوز واشوف عيالك واشوفك وانت دكتور كبير وف عيادتك بتقول كده اكنها زعلانه انا قلبي اتقبض من كلامها انا عمري ما اتخيل يوم من عمري بعدها معرفش لو راحت مني انا هعيش ازاي من غيرها انا مقدرش علي كده مقدرش اشوف فيها حاجه وحشه خوفت خوفت جدااا من كلامها اللي لا انتي لسه بدري اوي هتشوفي جوازي وعيالي يعني اي متشوفيهمش انا اصلا مش شايف حياه بعدك انا عمري ما هعرف افرح لو رحتي مني انا مش عارف في اي بس حاسس اني مش عايز امشي من جمبها انا عندي دراسه وشغل برا محافظتي والله ما قادر امشي اني السفر تقيل اوي عليا مش عايز اسيبها هي وبابا وامشي أجلت سفري يومين بسبب تفكيري دا

اهلا انا شب عمري ٢١سنه عشت و لازلت عايش في نفس الدايره من ساعة ما اتولدت اللي هيا انا لوحدي بجد محتاج اهل يكونوا مقدرين وجودي بشوف اللي مش عندهم اولاد ببقي بجد نفسي اقولها اعتبروني ابنكوا لاني بجد محتاج اب ينصح و ام تحن وتهمت بيا

هو طبيعي أن أمي متقوليش اي كلمه حلوه ابدا في حياتي مع انها بتقول لأخواتي يعني مثلا انا ابقي لابسه فستان وكل الناس تقولي حلو وهي تقولي مش حلو عليكي حتي من غير ما اطلب رأيها حاسه أن قلبي واجعني اوي والله

مساء الخير دلوقتي انا ابني كل يوم بيصحي من النوم بليل مخضوض هو عنده سنة بس مش عارفة ماله بقاله ٤ ايام كدا بيقوم فعلا مخضوض ويقعد يعيط ويصوت ومش بيسكت بسهولة خالص مش عارفة اعمل اي او اي الحل ممكن تفيدوني ماما قالتلي اقريله قرآن وشغليله الرقية فالبيت بعمل كدا وبرضو لسة زي ماهو

ادعولي القط بتاعي يرجع عشان والله دا روحي فيه وربنا ييسرلنا الامور عشان بجد قلبي متقطع عليه خالص مامتي طلعته تبني ومشته هو وقطه تانيه والراجل هيرجعلنا القطه ومش راضيه تخليه يرجع القط اختي بتقولها سيبيه مش مهم خليه هناك هنعملو ايه يعني وبتعمل كده عشان هي اصلا مبتحبوش انما لو كان قط زي قطتها مكانتش هتمشيه اصلا والمهم ان بجد الراجل اصلا مش مستريحالو ولا هو ولا مراتو خالص..

لي يجماعه الاهل مش حنينين بجد كل شوية بحس ان ماما مش بتحبني ولا اهلي كلهم بجد بحس دايما ان مفيش حد عاوزني ولا بيحبني بجد يجماعه الموضوع تعبني اوي من جوايا بجد بحس ان انا لوحدي وسط عيلتي دول

البنت اللي انا بحبها دي بعد اما امها خدت التلفون قالت ابعد وكلمتني وبتاع وما تكلمهاش لاكن الوقتي حاسس ان هي هتقبل لأنها بعد اما كانت بتقولي ابعد الوقتي لا سبوني الوقتي بس انا عايز نتفق انا والبنت ان احنا نخليها توافق نعمل اي

انو حتى لو اتكلمت فى مفيش حاجه هتتغير ومهما عيطت ودبدبت فى الارض مستحيل تتغير حاجه اصلو مين هيغير ابوه وامه!! عموماً الحمدلله وكمان الحجات اللي بتخيلك تسكت دى بتربيك وتخيلك اقوى فااا اتس اوكيه خير خير باى

انا في تالتة ثانوي علمي علوم و متراكم عليا حاجات كتير بسبب ظروف معينة ف انا مش عارفه اعمل ايه و تائهة و عايزة اجيب مجموع يفرح امي لانها تعبت معايا كتير اتمنى لو في حد كان مكاني يقولي هل هيا صعبة زي ما بيقولوا و لا بيضخموا الأمور و لا انا اللي مستهترة لاني كل ما اسئل حد يقول معرفش

أنا بمرّ بفترة صعبة شوية… الاحتياج للحنان… للاهتمام… لكلمة طيبة أو حضن يطمنك إنك مش لوحدك… إحساس الوحدة بيبقى تقيل جدًا لما القلب يكون محتاج. والأصعب بقى، لما الظلم ييجي من أقرب الناس… من الأم.الواحد طول عمره فاكر إن الأم أمان وسند، بس لما تحس إنها مش شايفة وجعك أو مش مقدّرة تعبك، الوجع بيبقى مضاعف. أنا مش بشتكي قد ما أنا بحاول أعبّر… يمكن الكلام يخفف شوية، يمكن حد يحس بيا، أو حتى أدّي نفسي حقها إني أقول: أنا تعبانة… ومحتاجة رحمة. ربنا يعدّي الأيام دي على خير… ويجبر قلبي جبر ينسّيني كل اللي فات.

حاسه اني مش كويسه، محققتش حاجه لسه ومش عارفة اركز ف حاجة، مدايقه من معامله اهلي ليا خصوصا والدتي، دايما شايفين اني حد متأخر وفاشله مش عارفه ع اي، أنا الحمد لله بحاول ارضيهم ع اد ما اقدر، خلصت جامعه واشتغلت ف مجال غير مجالي عشان مقعدش ع كدا بس مش عاجبه برضو وطول الوقت انتقادات، ومشاكل تانية كتيرر الحمدلله على كل حال بس حاسه اني مخنوقه والدنيا ضيقه اوي عليا والله 💔

السلام عليكم انا عايزة احكي مشكلتي ان انا شخص حساس جدا و بتضايق من اقل حاجة و ممكن بجد اقل حاجة تقلبلي مودي طول اليوم الشخص الحساس ده بيقى بجد الناس مش فاهمينه غير اللى زييه ، انا مشكلتي بجد هما صحابي ، مدمرني نفسيا بس انا مش عارفة ابعد عنهم ، هي عموما شخص واحد بس هي ال bestie بتاعتي ف كل نرة تضايقني و تصدرلي طاقة سابية اسامح و اعدي اسامح و اعدي لحد ما انفجرت و مش قاظرة استحمل عايزة ارزح لدكتور نفسي و والدتي مش موافقة

انا حاسه ان مامتي مبقتش تهتم بيا أو شايفه أن اي حاجه تحصلي عادي و في نفس الوقت بتعامل اخواتي ب اهتمام زياده يعني في موقف من المواقف كنت بدخل اختي الصغيره للحمام الفجر و جاتلي حاله من الدوخه الشديده و وكنت واقفه مع اختي الصغيره قلتلها تقف معاها عشان حاسه اني هقع رحت و ماما خلصت مع اختي و خرجت مسألتنيش عن اي حاجه و اختي التانيه قالت لماما إن عندها صداع ماما فضلت كل شويه تطمن عليها و خرجت من الغرفه مخصوص عشان تشوفها و دي مش اول مره تتعامل معايا بتجاهل في موقف تاني ماما اتعصبت عليا عشان اتأخرت شويه على اخويا و مجبتوش من الدرس و في نفس اليوم باليل انفعلت على اختي هي هي و والله مكملتش عشر دقائق و نادتها من قططنا قلتلها لأ لإن بتعامل مع القطط كتير و حاسه ان السبب نفسي و مش عايزه اقلها

انا بجد مش فاهمه هي ماما ليه مش مصدقاني خلتني اكلم صحبتي عشان تتأكد هو بجد كده بتثق في الاغراب و لاكن بنتها لا بجد مش فهماها و هي فكراني ان انا متقبله الدرجات بتاعتي و انا والله العظيم كاره نفسي و كارها درجاتي و كارها حياتي عمتا انا بخاف اتكلم معاها و بخاف اني اقولها الحقيقه انا مش عارفه هي ليه خليتنا نوصل لكده بجد

حبو عيالكم، حبو اولادكم، حبو بناتكم، حبوهم من فضلكم. عيالك مش ذنبهم انك رجعت من الشغل مضايق فا اتخانقت مع البيت كلوا هما بس كانوا مستنينك ترجع عشان يحكولك عن يومهم. عيالك مش ذنبهم ان مودك مش حلو النهاردة او حصلتلك مشكله فا طلعتي غضبك عليهم مش ذنبهم بتاتا. بالطريقة دي عيالكم بيبعدو عنكم صورة العيلة بتكون مشوة في عينيهم، بيدوروا عن الامان برا لان محدش سامعهم في البيت او حتي محاولة الكلام بيكون فيها ردة فعل سيئة. تلاقي البنت معجبة بالمدرس بتاعها لانها شافت فيه أب و راجل شخص هيديها الحب و الاحتواء الي كانت المفروض تاخدهم من ابوها، و الولد بيبدأ ينعزل زيادة و تلاقي مستواه الدراسي بينزل. انك تكون بتوفر لأولادك الدعم المادي ده مش كفاية و مش هيخليكم اب و ام كويسين هما محتاجين دعمكم المعنوي قبل اي حاجه. يمكن كلامي متلخبط مش مترتب بس لو في أهالي هنا او ناس كبيرة بجد حبو عيالكم و قربوا منهم.

تروما من فتره بسبب موقف حصلي انا عرفت واحده من حوالي ٣ سنين حبيتها جدا وهي كانت فعلا كويسة وتستحق ده لكن الي حصل اني قابلت العكس تماما من امها والي كانت رافضة علاقانا بشكل قاطع وبلا سبب واضح حتى وحتى لما حاولت ادور واعرف هي فعلا رافضة العلاقة لمجرد وجودي انا ك شخص مش عشان حاجه معينة انا عملتها او عشان سبب منطقي هو رفض لمجرد فرض السيطرة او ما شابه، حتى لما عرفت ان كان في حد بيحاول يكلم نفس البنت قبلي امها كل الي قالتهوله تعالى اخطبها، وعلى الجانب الاخر انا مرفوض بشكل مستفز، وخلاص انا تقبلت الواقع وقررت اكمل معاها وربنا يقدم الخير لكن الي حصل ان امها اتعدت حدودها جدا من شتيمة وقلة ذوق وادب رغم ان امها دكتورة والمفروض متعلمة يعني، الموضوع وصل لان اخر مرة البنت طلبت مني اشوفها لان كان بقالنا فتره منعرفش حاجه عن بعض بسبب امها وروحت وبعدها ب شوية امها جات وشافتنا والي اتفاجئت بيه ان انا حرفيا اتجمدت ومعرفتش اتحرك رغم اني ف العادي انا مش كده ابدا وامها تقريبا خطبتني ف وشي بحاجه انا حقيقي يدوب فاكر الموقف كانه كان حلم، من ساعتها والموضوع ماثر ف نفسيتي، والاسوا اني مازلت مش عايز اسيبها، وده لاسباب كتير زي مثلا اني حاسس لو سيبت هبقى ضيعت حقي قدام امها وف نفس الوقت انا فعلا عايزها وهي عايزاني. حابب اخد رايكم مع العلم ان في تفاصيل امتر من كده بكتير بس مش عايز اخد من وقتكم اكتر من كده

بعد ما فشكلت خطوبتي مع البنت الي حبته 4 سنين من عمري من سعتها ونا مش انا مش نفس الشخص الي كان بيسعي واله بيعمل اي حاجه حسيت اني حتي مني مبقتش موجوده والسبب كانت امي عشان كده انا متعذب بي فكرت اني مش عايز اواجه امي عشان مكسرهش وفي نفس الوقت كاتم جوايه تعب مش قادر اتخلص منو بس من ساعات اليوم ده وانا مش موجود انا جسد ماشي علي الارض من غير روح واتحولت من صاحب طموح لي مجرد انسان كل همو اليوم يعدي عشان يهرب من دنيا بي النوم ومش فارق معاه اي شئ

من سنتين وانا كنت في تانيه ثانوي وبروح دروسي وكده المهم في واحد في ثالثه ثانوي الواد ده جميل ووسيم يعني المهم اعجب بيا في الدرس وكان كل شويه يحاول يجذب انتباهي بكل الاشكال يستناني بعد الدرس وغيره يعني المهم انا بدأت اركز معاه بعد اما بصيت نظرة ف عينه لمحتها يعني وبدأت انا كمان اعجب بيه المهم الدفعه بتاعته والدفعه بتاعتي كلهم كانوا معجبين بيه وانا ما كنتش حاطاه في بالي في الاول وبعدين هو اعجب بيا وكده وراح كلم المستر عليا وقال له هي دي مين وغيره ففي بنت قده شافته وهو بيتكلم مع مستر عليا فقامت مسيحه الدنيا وقالت لي الدفعه بتاعتها كلها والدفعه بتاعتها كلها قالوا للدفعه بتاعتي لغايه اما السنتر معظمه عرف ان الواد ده معجب ببنت المهم بدات اركز معاه وبدات اعجب بيه بس ما كنتش ببين يعني اللي هو بشوفه مثلا في الشارع بعمل نفسي ولا كان شايفاه هو كان يتجنن المهم خلصت السنه وهو راح كليته وكليته بعيد يعني بيسافر عشان يروح فطبعا ما تقابلناش من يومها من بعدها كان بيجي عند المستر كل فتره كده كل ما ينزل اجازه عشان يجي يشوفني وانا في ثالثه ثانوي وكده المهم المستر كان عارف يعني وكان يرخم عليه والمستر اللي عرفني ان هو معجب بيا ومن بعدها بدات اركز معايا يعني من بعد ما المستر قال لي اكتر جينا في شهر وانا في تالته ثانوي هو دخل كلمني عشان حصل حوار وكده وعرف ان العيال في السنتر بيتكلموا عليا فدخل قعد يتاسف لي ويتكلم معايا وبيقول لي ان انا معجب بيكي ومش عارف ايه وهكذا يعني للعلم الواد ده اهله ناس دينيه قوي ومربيينه احسن تربيه وهو امام مسجد يعني ما فيش بنت دخلت حياته قبل كده وهو كان شخص كمان رياضي فاكيد اي بنت بتحلم بالمواصفات دي ف اي راجل المهم طبعا الدفعه بتاعتي كانت بدات تضايقني وكل شويه ترمي كلمه طبعا معجبين بيه فمتضايقين المهم طبعا انا خلصت السنه وطلعت كليتي قريبه من المكان اللي هو فيه طبعا انا عرفت والدتي وهو كمان والدته عرفت وعارفه ان احنا بنمشي مع بعض وكده المهم طلعي عليا اشاعه الدفعه بتاعي ان انا اللي بجري وراه وهو مش معبرني فطبعا انا ما سكتش ودخلت عند كل واحده من الشله يعني اللي بتقول وقلت لها حسبي الله ونعم الوكيل فيك ومش مسامحه وغيره يعني ففي واحده كانت بتحبه قوي لدرجه وحشه يعني بس هو طبعا ما عبرهاش فما دخلتش كلمتها عشان ما اجرحهاش او ما اعملش نفس مشكله بس طبعا لما كلمت الشله بتاعتها ذكرت اسم كل واحده مع كل واحده واجهتها ومتكلمتش معاها هيا المهم دخلت علي صارحني وبتقولي اسمعي يبت انتي متعرفيش انا ممكن اعمل ايه لو قلتي اسمي تاني وكده وانا ستك ومش ستك للعلم أن الشله دي كلها دخلت كليه واطيه جدا وانا الوحيده اللي دخلت كليه حلوة وعاليه الحمد لله طبعا انا وهو عدينا مشاكل كتير وهو بيحبني جامد عشان اهله ناس شديده قوي وعملت له عقد فهو شايف ان انا الجزء الحنين اللي في حياته وما فيش غيري فاهمني البنت اللي هي دخلت لي على صارحني دي دخلت رديت عليها بس في الواتس نفسه واديتها كلمتين في جنابها يعني قلت لها ما لكيش دعوه بيا ما تدوريش ورايا وكفايه لغايه كده لانها دايما بتدور ورايا دايما دايما يعني اول واحده بتعرف اي خبر عني انا وهو المهم راحت اتكلمت مع مامته وقالت لها ان ناس كتير عارفه بالموضوع ووالده لو عرف هتحصل مشاكل وانا خايفه عليها وسمعتها وبينت قد ايه انها بنت طيوبه ومفيش من امها اتنين المهم والدته اصلا كانت عارفه وما اتكلمتش قبل كده ولو اتكلمت معاه معرفش قالتله ايه المهم والدته كلمتني وقالت لي اعملي لنفسك قيمه عنده جرحتني قوي بالكلام ومش عارفه اعمل ايه واكلمه واقول له ولا لا انا بحبه وهو بيحبني جامد قوي يعني حتى لو اهله ما وافقوش هو بيقول لي انا بحبك وهاخدك بالغصب انا مش عارفه اعمل ايه اكلمه واقول له ما تتكلمش مع ماما انا حبيت اعرفك يعني ولا ايه وكده كده امه كانت عارفه اتكلمت معايا او ما اتكلمتش مش هيفرق حاجه بس هي قالت تقول لي كلام وحش يعني بس بالذوق فاهميني وقولي لي اعمل ايه اكلمه اقول له ايه ولا اعمل ايه واسفه اني طولت عليكم وشكرا لاي حد قرأ لغايه هنا

عايزه اعرف بتتعاملوا ازاي مع ماماتكم او اهلكم لو كل شويه بيضغطوا عليا بالكلام ! يعني ماما علطول مبتريحش نفسها بس بتشتغل وهي مش بتسكت لا بتفضل تتعصب عليا لو شربت كوبايه شاي مثلا وسيبتها شويه هي متستحملش تشوفها وتغسلها وتفضل تزعقلي ، خرجت مثلا حاجه من مكانها ونسيت ادخلها هي تدخلها وتتعصب عليا ، المشكله ان عارفه اني انا غلط وبنسي كتير وكمان هي معودتنيش علي كده من زمان بس انا ف نفس الوقت سعات بكون مضغوطه والكلام والعصبيه والنكد بيعصبني ، يعني حتي مش بتديني فرصه ادخل انا الحاجه او اعملها برواقه لا لازم تصحي الفجر تصلي مثلا وتفرك بقي غسيل ترويق تنضيف وانا مش كده خالص ولا بحب كده دا ممكن تعمل الغدا وتصحيني من احلي نومه اتغدي مثلا بس مش دايما بس انا مش بحب كده وتتعصب برضه وهي بتصحيني انها محدش ساعدها وهي لوحدها شغاله مع اني قولتلا ترتاح ميت مره وانا هعمل علي مهلي بس مفيش فايده

هقولها يا حبيبتي مفيش شخص مثالي ومش لازم تبقي شاطرة وبتسمعي الكلام وبتذاكري علطول همحي جملة غلطة الشاطر بألف اللي هو ازاي طيب واحدة مراهقة ماتغلطش .. ولو غلطت يبقى خلاص الدنيا اتهدت اغلطي واتعلمي وعاملي كل الناس طالما عارفة حدودك وعندك اللي يرجعك مهما بعدتي عشان هتكبري تلاقي واحدة عايشة لسه طفلة مهما كبرت عشان مافهمتش ده ..فبطلي هبل بقى 😅

انا محتاجه مساعده ضروري انا اهلي منفصلين وعايشه مع مامتي واخواتي وابويا سايبني بقاله كذا سنه وقايلي اني مش بنته وكلام كتير بس انا نفس شخصيته ومش بعرف اتعامل مع مامتي واخواتي وطول الوقت في مشاكل معاهم لدرجه ان هما ولا مستحملني ولا انا مستحمله اقعد معاهم خالص فعلت وجبت اخري عايزه امشي من البيت بس مش عارفه اروح فين انا بتعامل بطريقه ابويا ونفس شخصيته ودي اكتر حاجه بكرهها انا مس نفسي ابقى شبهو خالص والله بس غصب عني زيه في كل حاجه حد يساعدني اروحله ولا اعمل ايه وملحوظه انا مامتي لو قلتلها اني هروحله ممكن مترجعنيش تاني وانا ثانويه عامه ونفسيتي وحشه اوي ومش بذاكر خالص بسببهم ف حاسه اني محتاجه افصل من البيت

بكره لما أتعب و محدش يسأل فيا ولا يعبرني و يلوموني لو قصرت في حاجه و لما حد فيهم يتعب لازم انا اهتم بيهم و اقدر انهم تعبانين و اساعدهم و اهتم بيهم (بتكلم عن ماما و اخواتي) مثلا اول يوم عيد تعبت و سخنت و كنت دايخه ، محدش دخل يتطمن عليا وانا نايه، وانا الي كنت بروح لماما بقولها جسيني انا تعبانه مش قادره المشكله لحس بالذنب لما بشوفهم بيعملولي حاجات تانيه في اوقات تانيه مثلا يفاجأوني في يوم ميلادي، او مثلا اخواتي يجيبولي هديه بدون مناسبه او ماما تعملي الاكله الي بحبها او تخرجني و تدفع كتير عشان تفرحني بحس اني بظلمهم بس فعلا محدش بيهتم بيا، مش بقول كدا عشان متضايقه منهم، لا لا ، ده الي بيحثل فعلا محدش بيعبرني وانا تعبانه و مريضه بحاول اكون ايجتبيه على قد ما اقدر بس تعبت...

طول الوقت بحس ان ف حاجة كبيرة جدا نقصاني والسبب ف دا للأسف هي ماما، شخصية لسانها صعب ومش بتراعيني ولا مهتمه ل مشاعري ولا تعبي، اهم حاجه الحاجة اللي هي عايزاني اعملها، سواء شغلي او شغل البيت، يعني النهارده مثلا شيفاني تعبانه جدا ومع ذلك قمت ساعدتها بس ع مقدرتش اعمل حاجه معينه حرفيا سمعتني كلام صعب وبتدعي عليا، وبتفتكر اني بتدلع! دايما شايفه ان بابا مدلعني، وبسبب كلامها علاقتي بيه بقت وحشه، طول الوقت بفتقد حتته الحنية، نفسي متقارنش بطوب الأرض ع كل كبيرة وصغيرة، نفسي احس يعني اي حضن ام ويعني اي حنيه الأمهات اللي بيقولو عليها بدل ما واحده بتدعي عليا اكتر ما بتتتفس 💔، نفسي تبطل تخلي كلام الناس يأثر عليها كدا وف الرايحة والجاية تعايرني اني مشتغلتش بشهادتي او متجوزتش او او، ونا لسه يادوب ٢٢ سنه مستنيه مني اي بجد انا تعبت 💔 استغفرالله العظيم والله بس بحس اني مبحبهاش ومش طيقاها بجد غصب عني

سلام عليكم، انا محمله الأبلكيشين ده عشان افضفض عن ال جوايا مش اكتر يمكن عشان مش لقياه حد افضفض معاه؟.. مش عارفه بس كل ال طلباه منكم تسمعوني وتدوني رأيكم واو مش عوزين مش مهم اسمعوني وبس.. انا بنت عندي مشاكل كتير اوي في حياتي واتحملت المسئوليه من بدري عندي مشاكل عائليه مخلياني كره نفسي وكره كل حاجه فيا حرفيا ماما عمرها ما قلتلي كلمه حلوه دياما شيفاني اسوء وحده لو حكتلها على موضوع واكون انا مش غلطانه فيه لازما تطلعني غلطانه لازما ديما تقراني بكل الناس تقولي ابقي قبليني لو عرفتي تعيشي مع حد ولا حد عرف يستحملك بتحسسني ان انا اوحش انسانه في الوجود انا مش وحشه اوي للدرجادي.. ده موضوع من ضمن المواضيع ال مأثره على نفسيتي جامد وبجد بلاش تقولوي هي عوزهمصلحتك بس مفيش ام بتقول لبنتها "ربنا يخدك" ولا امته تغوري من هنا ومنشوفش وشك تاني.. مش مشكلتي الوحيده بس بجد مأثره فيا اوي..

بجد لي الأمهات كده بجد لي اكون بعمل كل حاجه عشان ارضيها وفي الاخر تنيمني كل يوم مقهوره لي مش بتحس بيا لي قاسيه عليا كده عارفين اخر حاجه قولتلها تعبتني ياامي قعدت تدعي عليا وتشتمني وتقولي اني باجي عليها الي هو اي ياامي اعمل اي تاني عشان ارضيكي ابوس رجلك ولا اعمل اي اكتر من الي بيعملوا ورغم دي بعشقها بحسها توكسيك اوي بس هي امي وهفضل احبها لو اي حصل الفكره أن الحوار مآثر علي قلبي جامد بس يعني خير

انا مش عارفه ليه ماما دايما مهتمه بالدرجات بتاعتي اكتر مني اول ما اخلص اي امتحان بتسأل عليه بس لما صحابي يكلموا مامتهم مامتهم بتألهم عاملين ايه و بعد كده تشوف الامتحان و لما انقص درجه تقعد تقولي لو كنتي ركزتي شويه لاكن انا عملت اللي عليا و تقعد تقولي شوفي صحابك جايين كام المشكله ان انا بحل ب مجهودي لاكن هما بيغشوا من بعض انا مفسي ماما تهتم بيا بس شويه حتي لو شويه صغار المهم انها بتهتم اصلا

بفتكر ايام الكلية لما كنت طالب كحيان فى سنة اولى وتانية اما كنت اطلع على السلم والاقى الشباب والبنات بتوع تالتة ورابعة وهما قاعدين جمب بعض على السلم ومعاهم ساندوتشات الجبنة وقاعدين بيضحكوا وياكلوا كان نفسي اعمل زيهم وارتبط ويكون ليا حبيبة انا خريج تربية فنون بس ما بشتغلش فى تخصصي اشتغلت فى التسويق حبة وبطلت المهم نفسي ارتبط وتعرف على Girlونحب بعض انا ٢٩ سنة تفتكروا كدا كتر الزواج فاتنى ولا ايه وساعات لما اصور نفسي بحس انى شكلى مش جميل مع انى نوعا ما شكلى حلو وبلبس كويس ماما كانت بتحبنى جدا رحمة الله عليها وكانت بتجببلى لبس دايما مش عارف اعمل ايه.

سعات بستغرب ليه بقول امي امي امي دايما هعوض امي عن التعب وعن الدنيا وناسي ابويا اي نعم كدا كدا هعوض ابويا بس ابويا راجل يعني هيتصرف 😂 بس الحقيقه امي تستاهل كنوز الدنيا امي متجوزه بقالها ١٩ او ٢٠ سنه متهنتش فيهم ابدا يدوب ٥ شهور وحملت فيا 😂 شافت كتييير اوي واللي مجنني ان عمرها محسست حد بحاجه ستي من يومين بتقولي امك بقالها كتير منزلتش هي تعبانه ؟ سرحت حبه كدا واتكسفت عشان انا مش عارف فعلا ان كانت تعبانه ولا لا انا اسف بس عمري ما كنت اعرف ان البنات بيحصلهم وجع وقت الحيض لان عمري عمرها ما قصرت معانا ف لحظه فالوقت دا وبتتعامل كانها عادي مهما كانت وجعها عمري ما شوفت امي راقده في السرير كدا زي الناس اللي بتتعب كدا وحد يقعد حوليهم حتى امبارح بقولها متعيشي المرض يا امي يعني عادي لما تتعبي ارقدي شوية او اقعدي كدا عشان البيت يميل ونحس وردها انها ضحكت بحبك والله يا امي وربنا يبارك فيكي ويحفظك ويرزقني اعوضك عن كل لحظه تعبتي فيها عشانا واحققلك كل اللي نفسك فيه عشان انتي بجد تستاهلي كنوز الدنيا

مهم انا عندي مشكل اني راني موسوس وخايف في نفس وقت خطرش انا نخدم بعيد على دارنا و يما مريضة شوية وخويا صغير قبيح وبابا كيفو ويما مريضة شويا وهذي حاجة خلاتني منرقدش ليل بسبتها وديما موسوس كاش ما يصرالها

انا ابويا سايبني بقاله كذا سنه وقايلي اني مش بنته وانا حاليا عايشه مع مامتي واخواتي هما تلت ولاد اصغر مني هو بيكلمهم عادي وبيقابلهم بس انا لا وطول الوقت بحس اني اقل منهم واني محتاجه مامتي تفرق في المعامله بينا علشان احس اني احسن منهم او على الاقل زيهم وانا تعبت من ان ماما بتعاملني بطريقه غريبه وبحس انها بتحبهم اكتر مني وانا مبحبش اكون لوحدي علطول متعوده حواليا ناس ف الموضوع بقى صعب عليا اوي وحتى لما بتعب مش بحس ب اهتمام منها زي ما بتعمل معاهم لما بيتعبوا بتوديني المستشفى بالعافيه ده لو ودتني وانا بتعب من كتر التفكير ومش بعرف اتكلم معاها عشان بتحسسني اني اوفر وبكبر المواضيع

عايزه اخد رايكم في حاجه ليا واحده صاحبتي قموره جدا جميله بطريقه المهم ان في واحد كان بيحبها وكانوا بيتواصلوا وجه يتقدم لها وبعدين في واحد جه غني ومسافر بره مصر وكده المهم الواد الاولاني ده اللي هي بتحبه نوع ما ما كانش بيقف جنبها وقت الشده مع انه كان بيموت فيها هو بيموت فيها وبيجيب لها هدايا غاليه جدا بس ما بيعرفش يقف جنبها صح وقت زعلها او كده بس الواد ده كان لسه قدامه تسع شهور ولا حاجه عما يخطبها عشان اخويا يخطب الاول المهم أن ام الواد ده كمان وليه خبيثه اوي مش طيبه نهائي وبخيله جدا حرفيا الواد الغني أمه طيبه اوي اوي وبتحب صحبتي جدا لانها صاحبه مامتها واتكلمو شويه والواد حرفيا بقا بيموت فيها بقا بيحبها جامد اوي وبعدين حصل موقف ف بعدو عن بعض بعدت عن الاتنين وقالت مش موافقه عليهم لأنها عايزة حد يكون فاهم دماغها فاهمين بس دلوقتي الاتنين مستعدين يعملو اي حاجه عشان ترجع تاني وبيكلمو اختها دايما واللي بيحاول اكتر هوا الواد الغني ويعيط حرفيا وامها ضغطه عليها تديه فرصه تانيه رأيكم أيه تاخد انهي

انا عندي مشكله كبيره مع امي و احب اعرفك الاول على وضعي و البيت عندي انا الاخ الكبير و من بعد وفاة والدي الله يرحمه بقيت محطوط تحت ضغط و كبت و زعل كتير اوي بس كل الي بعملو هو اني بشتغل و مبتكلمش عن حاجه و مبسئلش على حاجه حتى حق نفسي نسيته و كان كل همي هو اني اسعد اخواتي و امي و اعيشهم احسن عيشه بس كل الي امي شايفاه هو اني فاشل و مليش لازمه و ان كل الناس و كل العالم احسن مني و اني كده كده مش هبقى حاجه ليها فايده في المستقبل و ده الي خلاني مصاب بامراض نفسيه كتير بوصف من دكتور شاطر انا مبدئتش العلاج النفسي لان بالنسبه لاهلي كلهم دي فضيحه اني ابقى بتعالج نفسيا بقيت فاهم و عارف اني بني ادم مكروه من كل الناس حتى من امي و اخواتي بخاف من الرفض و ده الي منعني احاول اتعامل مع اي واحده تخفف عني الحمل الي جوايا

جالي عريس صالونات و كنت رافضة لاني مش حساه و امي غصبتني اوافق لانه يحترمها و خفيف الدم و انا كنت رافضة اني حاسة انه مستحيل يكون مناسب كزوج و بس وافقت عشان ماما ، تعلقت فيه بس بعدين اكتشفت ان اسباب يلي كنت ارفضه عشانها زادت عن حدها و صارت بشعة جدا و محدش يقدر يتحملها ، بس ما قدرتش ابعد ابدا لاني تعلقت فيه و حبيته ، ف لغاية دلوقتي بلوم ماما لاني حذرتها لو وافقت عليه و حبيته و تعلقت فيه و أكتشفت انه وحش و مقدرش ابعد عنه من رغم الاذى يلي بيأذيه لي ، مش هعرف اعيش بنفسية كويسة تاني ، ف عمري ما رح ارغم بنتي او ابني على حد هم مش شايفنه مناسب

انا عندي ١٨ سنه كلمت بنت من سنه و نص و انا حبيتها و اتعلقت بيها و مكنش في مشاكل من ناحيه اهلها لأني كلمت امها و هي وافقت تخلينا نتكلم من كام يوم امها محبتش علاقتنا انا و بنتها و خلتنا نسيب بعض وانا بحب بنتها اوي و مش عارف اعمل ايه لأني بتعلق بسرعه و من كتر ما انا مش عارف اعمل حاجه و بسبب خنقتي بقيت بشرب سجاير مع اني كنت واخد عهد علي نفسي مقربش منها ابدا انا عارف ان دي مش نهاية الدنيا ولا حاجه بس انا مبقتش قادر اكمل و حاسس اني بقيت لوحدي علشان هي كانت بيتي و حياتي كلها انا بجد تعبت

انا متزوجة وعندى اطفال وضعنا الحمد لله بس لوحدى طول الوقت جدا مبعملش حاجة فى يومى غير انى بشوف كل حد محتاج ايه واعمله مبقاش عندى اصحاب زى زمان اكامهم اهلى مشغولين بحياتهم ومشاكلهم وزوجى من الشغل للقهوة لأهله حاسه ان حياتى بتضيع على اللى حواليا وفى الاخر معنديش حد اتكلم معاه ازاى اخلى حياتى شبهى او ابقى سعيدة من غير مااعتمد على حد غيرى انا وبس

الاذي النفسي مآثر دايما والجسدي أن ابويا كان بيضربني بتوگه الحذام وامي بتلسعني بالمعلقه والشمع ع ايدي وأماكن حساسه دي مواقف عمري ننساهااا ابدا بجد وان اهلي مكنوش بيصدقوني ولا بيدعموني وانا صغيره

اهلي كل يوم اصحي ع صريخهم ابويا كل شويه بيضرب امي بقيت اكره البيت والقاعدة فيه معنديش حتي طاقه لنفسي اعدي بيها كله فوق دماغي ابويا ع طول منكد علينا حتي يوم الوقفه كنتت مبسوطه اوي اوي لاقيته نكد علينا فضلت قاعده متوتره وزعلانه لحد تالت يوم العيد طب لي م الاول كل د بجد

في يوم والدتي قالتلي أنا عاوزاك تبطلي كلام مع فلان قولتلها أنا عمري ما كلمت حد وفضلت مصرة أننا كلمته و بعدين وقعت في الكلام وقالت إن ابن خالتي هو اللي قالها اني بعمل كده (ابن خالتي في نفس عمري) و عدى الموضوع على خير و بعدين اختي في يوم نسيت اللاب مفتوح و لاحظت أنه بيكلمها و باعتلها علي الواتس و مرتبطين ببعض و من صدمتي فضلت اقلب في شأنهم و مكنش هاممني خصوصية او انها تزعل مني أو اي حاجه و لقيت ان هو اللي قائل لوالدتي ان أنا بكلم فلان ده و فيه بيننا علاقة واختي كمان سمحتله أنه يطلع عليا سمعه زي ده واكتشفت اصلا أن والدتي وخالتي عارفين انهم بيكلموا بعض ابص في وشهم ازاي دلوقتي و هم مسببينلي مشاكل نفسية وفي المقابل هم مبسوطين و كل واحد في حياته مع ان أنا بالشكل ده انضف واحد فيهم واكتر واحد متسببله مشاكل

خلتني بنيءادمه جبانه وكارهه نفسي وماشيه احكم ع الناس بكل الصفات الوحشه اللي فيا خلتني ضعيفه وهشه في عيوني وف عيون اللي حواليا خلتني مكروه او انا مفكره كد مبطيقش ان حد يحبني وخلتني حراميه وم عارفه اتعالج من حاجات كتير اوي وحشه وخلتني بخيله ف كل حاجه حتا مشاعري

مش عارفه اصلي حاولت بكل طرق ومش عارفه بحس اني متكتفه والله يشهد ربي انا عملت كل حاجه سامعه الاذان وتعبانه حتي رمضان معرفتش اصلي امي تقولي انتي شيطان ذات نفسه قربت اصدق اني كدا .؟.................... اعمل ايه طيب عندكم اكيد افكار دلوني ع الخير والله كفايا الاجر

مش عارفة هل انى حلوة زى ما بيتقال نقمة مش نعمة معرفش عندى ٣٤ سنة مجوزتش بشتغل في مكان محترم وظيفة محترمة جدا من اللى حياتهم بدل فورمال دول ، زمان حد قال لاهلى متفرحوش انها حلوة مش بيجوزو ، المهم حبيت وعشت قصة الحب التحفة واتخطبت بعد سنين كتير كدا بنحب بعض وكانت اسعد لحظة في حياتى لما لبست دبلتة واة كان اى حد يشوفنا يقولى بتحبي على اية كنت بتوجع منة كتير وبشوف منة كتير بس لما اتخطب كرهتو وكرهنى فسخت قبل جوازى بشهر ومشاء الله علية اجوز يمكن بعدها بكام شهر ، انا حبيتو في وقت وحش في حياتى اوى وكنت شخصية مهزوزة معا دايما على رغم انى مش كدا خالص بالعكس بيتقال انى قوية وحلوة ومحدش بيقرب منى عشان كدة المصيبة انى بقيت شخص عملى لدرجة مؤذية جدا ولو فكرت في حد مش بيكون حب بنبهر جدا لما يكون اللى قدامى شخصية قوية ولى معنى وكلمة واكيد كلهم مش مناسبين بس في كل دة اكبر وجع حاجتين نفسى ابقي ام ونفسى ابقي مطمنة مع حد نفسي ارجع بحس او يبقي عندى مشاعر حتى تجاة حد

ان بقيت ديما خايف من الفشل وحاسس ديما احساس بالنقص وان موصلتش لاي حاجه وبسبب دا انا في كليه بكرها لمجرد ان مكنش ينفع ابقي اقل من كده وهمي بقا ليا لوحدي محدس ينفع يعرف عنه حاجه بقيت شخصيه حساسه عن اللزوم من اي حاجه مهما كانت صغيره بحس ان بتخنق بالمعني الحرفي كان نفسي امي تفهمني ان مش في سباق مع حد ولا حتي مع نفسي وان ساعدتي وراحتي اهم كان نفسي وقت اما كنت بحكلها عن ان الشخص ده اذاني تاخد رده فعل زي ما عملت ما اخويا بس هي سبتني بكل دا يتراكم جوايا من وانا ٨ سنين لحد النهارده مس قادر اتجاوز وياريتها فهمتني ان المحاوله لا تعنب حتميه الوصول وان اهون دا علي نفسي وانه عادي معامله اهلي خلتني طفل مكتئب ديما لحد اما كبرت اوقات بحس اني بكرهم وديما عندي احساس ان عايز اهرب

انا مش عارفه هو انا لوحدي و لا لا بس انا ماما دايما بتعاملني حلو لما يكون عندها مزاج لكن لما ميكونش عندها مزاج حلو بتعاملني اوسخ معامله بتبقي موجوده معن و الله انا معرفش هي بتعاملني كده ليه و هي اصلا مش فضيالي انا بزعل اوي علي نفسي لما اشوف صحابي و مامتهم معاملتهم مع بعض حلو و الام بتبقي مهتميه بتفاصيل بنتها و مهتميه بيومها لكن ماما لما اجي احكيلها حاجه دايما يا بتكون مش مركزه معايه يا بتقولي ان هي مش عايزه تتكلم

والدتي كلمتني من حبة قالتلي اني اخلي بالي من اخويا و من والدي و من جدتي لو هي حصلها حاجة و ان دي وصيتها و كانت هتعيط وهي بتكلم و انا مش من عادتي اني ابين مشاعري او كده ف البيت و قالتلي كذا حاجة و وصتني على كذا حد وقالتلي كمان انها واثقة اني مش هعمل حاجة غلط او حرام و انا اخدت الموضوع بضحك و قعدت اقولها بعد الشر بس الكلام ده بيقطع ف قلبي والله و مش متخيلة فكرة ان هي متكونش موجودة و انا حتى مش هقدر اوصلها ده و حاسة اني مش قد مسؤولية اي حاجه هي قالتلي اني اخلي بالي منها بجد حاسه اني دلوقتي مليش لازمة طالما حتى دي مش عارفة اعملها و لما قالت انها واثقة اني مش هعمل حاجة غلط حسيت اني بجد جردل مايه ساقعه اتحدف عليا انا مش بعمل حاجة غلط او كده بس العادي بالنسبالي ساعات بيكون غلط بالنسبالها و مش عارفة اعمل ايه

معاملة اهلي ليا عامة مكنتش احسن حاجه خالص نهائي يعني مكنتش بحس اني محبوبة ف البيت ولا مرتاحة ولا مقربة من حد منهم كنت اتنشن و انا صغيرة ل مجرد اني الفت الانتباه او تصادف انهم يحسو بيا و يفهموني بس مبيحصلش انا البنت الوسطانية بحب اختي الكبيرة و جدا كمان و اخويا الصغير برضو كنت بحبو و بهتم بيه و بلعب معاه و اخلي بالي منه و كل حاجة كنت بهتم بيه جدا بس واحدة واحدة بدأو يدخلو ف دماغو افكار وحشة زي اني بكرهه او بغير منه او مش بحبو و ده مكنش حقيقي عامة ف هو كرهني و صدقهم و بدأ يعاملني وحش و يتمرد عليا بعد مهو كان صاحبي الوحيد لأن حتي مكنش عندي صحاب ف المدرسة كنت بثبتلو اني بحبو بس برضو كان دايما عليا هجوم منهم و اني وحشة معاه و مبحبوش لدرجة انه الوحيد خسرتو و احنا دلوقتي كبرنا و برضو لسه نفس الكلام بيتقال و هو حتي بيقولهالي اني مبحبوش و بغير منه ، زاد اكتر عدم التفاهم ف البيت معاهم انا للاسف محتاجاهم و هفضل محتاجاهم بس اعمل ايه لحد انهاردة ف خلافات معاهم و بذات مع امي هي اللي ف وشي و انا ف وشها ف بنرازي فبعض هي حتي لدرجة اني لو معملتلهاش كباية شاي حرفيا تسمعني كلام زي السم بجد بتقول كلام وحش جدا ف الرايحة و الجاية و مسمياني الجاحدة و تقول مش عارفه دي طالعة كده ليه ولا لمين طب م انا كده بسببك انا بحبها بس زعلانة و بزعل منها اوي بخاف قلبي يقفل عليها و اكرهها او بعاملها ب جفا و برود زي م فمعظم الوقت بلاقيها و مش عارفة احل ، كنا صحاب زمان يعتبر انا و هي اكتر من دلوقتي بس انا اللي كنت بخلي بالي منها مش العكس و مع ذلك عمرها م افتكرتلي حاجة كويسة ولا شكرت فيا انا اسوء شئ عندها ، يعني و ابويا كده كده مش موجود هو عايش بس سايبنا و هما مطلقين عمره م فكر فيا برضو ولا حبني انا بحبو بس افعالو و تصرفاته بتمنعني من ده لأنه كل م بيجي او يرجع مبصدق بس ببقي عارفة انه ماشي ف معلقش نفسي بيه بس يعني عامة معرفتش احقق معاهم العلاقة الناجحة مع اني بحبهم بس تصرفاتهم بتزقني و بس .

اللي اتقفشوا من امهاتهم انهم بيكلموا ولاد عملوا ايه عشان يرجعوا ثقتهم تاني، خصوصا لو الأم كانت بتفضلك على باقي اخواتك وعيلتك وحاطه فيك الثقة كلها وعمرها ما كانت بتشك فيك

هحاول اكرر شكري و حبي ليهم كل شوية و دعمي ليهم اتقبل اخطأهم و هصبر عليهم واستمتع برحله التربيه مش هستعجلهم علي حاجه لازم ياخدو وقتهم مفيش هزار بالشتيمه أو اتعدى حدودى معاهم بالضرب مفيش خناقات ف الاعياد أو رمضان أو الخروجات أو المناسبات اي اختلاف هيتأجل لتاني يوم دايما هكون مستمعه ليهم هعلمهم ازاي يكون في مساحه امان بينا هشاركهم مصايبهم حتي لو هنغلط كلنا مفيش انتقاد أو تباهي قدام الناس مفيش عادات وتقاليد فقط الحلال والحرام والشرع مفيش سيطره عليهم دى حياتهم وهما احرار وكل واحد له صحيفته ربنا هيحاسبه عليها مفيش ابتزاز ديني أو عاطفي مفيش تدخل ف اختيار الأصدقاء أو اللبس أو الاذواق فقط مشاركه رأي ويكون مبدأهم لقياس تصرفاتهم حلال وحرام مفيش صريخ بدون سبب أو تسلط حاجات كتير اوى بس هحاول علي قد ما اقدر اكون ام حنينه قريبه من عيالها تطلع اسوياء نفسيا و البيت هو الامان مش مكان نهرب منه للشغل أو الدراسه لمجرد أنهم يطلعو برا البيت

عندى اب نرجسي لابعد حد و امي شخصيتها كانت ضعيفه بتتحمل المعامله السيئه عشان تكمل العيشه و ده بيخليه يتمادي ويتعامل كأنها لعبه ف أيده و لكن ففتره مراهقتي اكتشفت اني ال black sheep اقنعتها أنها تسيبه وأننا مش مبسوطين ومحدش مستفيد ولا احنا تمام ولا هي تمام وكلنا هنشتغل ونساعد بعض وفعلا اتطلقت وانا اكتر واحدة وقفت جنبها وكنت بدعمها نفسيا برغم اذيتها ليا من صغرى لاني انا الوحيده اللي بتفرغ فيا طاقتها من معامله بابا الوحشه ليها وده خلالها تعمل إسقاط وتحاول السيطره على بنتها عشان تحس انها هي كمان قادرة تكون مؤذية وتاخد حقها بسببهم بقيت بوردرلاين وبعاااااني من التريجرز اللي بتحصلي بسببهم بس بحاول اسيطر علي نفسي وعلي تصرفاتي و بقت هي نرجسيه زى بابا بالظبط وبعيد نفس الدايره من تاني

السلام عليكم ورحمة الله وبركاته رضا الام ده بيتعمل ازاي بالله عليكوا بجد يعني الواحد بيحاول يعمل كل حاجه عشان يرضيها وتتعامل مع الواحد كويس من غير زعيق ونكد بس بجد مفيش حاجه نافعه يعني لو عملت اي حاجه بجد لازم تتطلع فيها ميت عيب عارفين انتو الحاجات اللي محدش بياخد باله منها غير الامهات هو ده بالظبط ده غير طبعا انها بتقلل من الواحد ادام اي حد بجد يعني كلام كتييير زي اني مش بعرف اعمل حاجه واني مش نافعه وكل الكلام ده عارفينه الفكره ان الكلام ده مش بيبقى ليا يعني ادام اعمامي وولادهم وخلاتي وكده بجد الموضوع مؤذي نفسياً بطريقه رهيبه اسفين على الاطالة 🫢