السلام عليكم و رحمة الله و بركاته.. يا جماعة محتاجة أكلم معاكم فى مشكلة بتواجهني وبتتكرر معايا كتير، فى بداية كل خطوة جديدة سواء بقى لتعافى او عادة او عبادة محتاجة ازودها في أول كام يوم بكون متحمسة جداً وطاقتي عالية علشان اعملها بس أول ما بوصل لليوم العاشر مثلاً أو بعدها بكام يوم، بحس بانتكاسة نفسية وخمول رهيب، والشغف بيموت تماماً، وده أكتر وقت بكون فيه عرضة للانتكاس. أنا بمر بالمرحلة دي حالياً وحاسة بضغط وخوف من إني أضعف، هو بصراحة انا مش خايفة اضعف، لا بصراحة انا عاوزة اضعف عاوزة ارتاح شوية مجرد استراحة بس حاسة انى هبطت اوى زى ما يكون ب اجرى من سنين و خلاص جبت اخرى و عاوزة ارتاح شوية بجد هو مشكلة فعلا انى اضعف؟! يعني معقول مش من حقى ك بنى آدم اسيب الحبل شوية و اريح نفسي شوية بدل كل التعب ده؟! مين بيمر بنفس المشكلة دي حالياً أو مر بيها؟ وازاي بتتعاملوا مع الأيام الصعبة اللي الحماس والوعي فيها بيقل؟ محتاجة نصايحكم وأفكاركم نساعد بيها بعض.
من حقك انك ترتاحي.... مش لازم دايما تبقى 100٪... بس لازم إنك تعرفي.... إمتى الوقت المناسب لكده.... مينفعش أبقا لسه بتعلم الحساب جديد ولما احس اني خلاص بقيت بعرف اجمع و اطرح اروح واخد أجازه كبيره.... وقت الراحة بيجي لما تحسي انك خلاص بقيتي بتعملي الحاجه دي من غير ما تفكري... بقت جزء رئيسي منك...... بدل ما تحاولي تعملي تغيير كبير مره واحده.... حاولي تعدلي حاجه صغيره بحاجه صغيره.... لأن طوبه جبن طوبه بتكون جدار و جدار جنب جدار بيكون بيت و بيوت جنب بعض ممكن تبقا مملكه... بس ده مش معناه انه اصلها مكنش طوبه.... في فكره انا عاوز اوصلها بس طريقة الشرح معاقه شوية 😂..... أنصحك تقرئي كتاب"العادات الذرية" (بيشرح الي أنا قلته) و كتاب خفيف كده عباره عن اقتباسات اسمه (و يصلح بالهم) و لو بتحبي الروايات فاقرئي"في قلبي أنثى عبريه"(قصه حقيقيه +اتحداكي متتأثريش) و لو مش بتحبي انك تقرئي فعادي.....(😭🤧)
ده امر طبيعي بس ديما بيحتاج تدريب وتعود ممكن يكون من ضمن العيوب اننا بنحسب مر علينا كام يوم عن العاده دي او العباده دي احنا لو بطلنا نعد في الأيام ونجدد الطاقه اللي جوانا اكيد ح تفرق