نصائح

بقولكم ايه بجد إزاي تعرفوا إن الشخص دا بيحبكم بجد ولا لا ولو مثلا انتوا عرفتوا إن دا حرام وهو اصلا حرام بس الطرف التاني مش مستعد انه ينهي العلاقه دلوقتي وفاكر انك بتخزوقيه أو حاجه زي كدا نعمل ايه

عندي مشكله ميعادي للشغل الساعه ٧.٥ وللاسف منمتش وشكلي هروح مطبق او ممكن انام الساعتين دول على حسب لو لقيت رد يعني بالله ادعولي يكون الشغل دا كويس وارتاح فيه لسه بكرا اول يوم ندخل في الموضوع انا الحمدلله بقالي اسبوع اهو نازل الجيم ف عندي مشكله محدده بقا عايز حل ازاي اواجه احساس اني متاخر او احساس الاحباط يعني انا بلعب مع واحد صاحبي وبيشيل تقريبا ماشاء الله ضعف اوزاني ف بحس بزعل سيكا كدا انه كل مجموعه انزل الاوزان ليا واحطهاله وهكذا مش حقد ومش بقارن نفسي بحد وعارف ان الكل بدايته كانت قليله عادي محدش بدا كبير وعارف اني لو صبرت شوية هوصل عادي بس احساس غير مببر بقا نفسي اخلص منه عشان ميتمكنش مني اخر حاجه محتاج نصايح للجيم والاكل عموما انا وزني ٥١.٥ بالظبط وطولي من ١٧٠ ل ١٧٥ ف محتاج ازيد بتاع ١٥ كيلو ف محتاج نصايحكم للموضوع دا واني ازود وزني واتطور في الجيم وكدا وجزيتم خيرا 🤍

جماعه ازاي نتصرف مع الاخ الصغير المؤذي يعني هو حرفيا مش محترم وعنيف ومش بيسمع كلام اي حد انا بفكر اسكن بعيد عن البيت جمب شغلي او حاجه تنصحوني اعمل اي. خصوصا اني متعلقه بمامتي شويه ومعتمده عليها فيومي. انا بمر حاليا بفتره اكتئاب وخايفه لو سكنت مع ناس معرفهاش يطلعو وحشين فاكون بزيد الطين بله

السلام عليكم ممكن تنصحوني كيف اتعامل مع زملاء عمل اطلقوا اشاعة بانني خطبت يعني ولم اخبرهم وانني استعد للزفاف ثم لانني لم اقل لا لا ولا نعم اعتقد تمادوا حياتي الشخصية امر خاص بي ولست مجبرة لاخبرهن بتفاصيل حياتي

انهردا أنا اتخانقت مع اختي وامي ترضتني من البيت رحت عند بابا (هما منفصلين)المهم رحت وكان مش موجود ولما جه ضربني وطردني وجرسني في بيت العيله وانا كنت منهار ومش عارف اروح فين فرحت عند ستي ولما رحت كان بين عليا أن في حاجه وكمان الضرب علي وشي وخالي جه وقعد معايا وتكلمت معه وبعدين نزل مع صحابي شويه ورجعت تاني وانا قاعد دلوقتي معها ومش عارف اعمل ايه ياريت حد ينصحني تم استنزافها

مش عارفه بس حجات ممكن تفيد اوقات ممكن تحكم بسرعه ع الاشخاص والاشياء سواء بالسلب أو الايجاب والاسواء انها تكون سلبيه الي بيعمله ده بيكون عقله بيحطه ف السيف ذون اوقات عادي الإنسان يترفض أو يتهجر ومش دايما بيكون سبب ف ذات نفسه اوقات بتكون ف الي اتعامل معاهم المحب مش بيشوف أخطاء حد بيحبه ده ف العموم لو حصل وخسرت حد وترك اثر ف عادي لاذم نكون مقتنعين أن عادي الناس تترك اثر ف حياتنا وان دايما نحاول نترك الأثر الحلو اي يكن تعامل الي قدامنا كمان متوقفش حياتك ع حد مجرد مشاعر لما بتلاقي افضل اوعدك بتتخطي لسه ف افضل still thinking like that * معنديش افكار حاليه لو حد عنده خبرات اتعلمها يكتبها مش عارفه اقولها ازاي بس بحب اتفلسف وبحب الناس الذكيه الناضجه فكريا والناس اللزقه وبحب كون أن حد يحبك لمده طويله بس من بعيد بحس واو مدري وش اخلاف المواضيع ده بس خلينا ندخل ع موضوع تالت ان السنه الجايه هتكون اخر سنه ف مسيرتي الجامعيه ومش عارفه مفروض استغلها ازاي لو حد عنده افكار

شعور اني زهقت من حياتي وحابب اتغير. حابب اتغير بي معنه انظم حياتي اكتر واخلي بالي من مستقبلي اكتر. بقالي فطره كبيره حابب اتغير لي الافضل ديما بهتم بي نفسي وحابب اكون شخص ناجح وديما بطور من نفسي وتعلم مهرات جديده تفدني. بس التغير مش سهل اوي كدا. وكمان خصوصا لمه تكون عليك مسوليه. ممكن اعمل اي يساعدني في التغير ده؟؟!!

شعور صعب لما تكون طول حياتك الفكرة اللي متاخدة عنك انك شخص عقلك كبير و عندك خبرة كبيرة في الدنيا والصغير والكبير بيلجألك، وفجأة تمر بظروف وتقع وكل اللي معدي عليك يبدأ حالك يصعب عليه وبدل ما كنت انت الشخص اللي بينصح والشخص اللي بيحل بقا كل من هب و دب ماشي يعدِّل عليك وكأنهم كانو مستنيين وقعتك ٠٠ حتى طريقتهم في النصح بتبين نواياهم ٠٠ مبقتش حابب أحتك بحد ولا حابب أتكلم ٠٠ خجلان من نفسي مش عارف من ايه ٠٠ يمكن عشان المكانة اللي عيشت حياتي كلها ببنيها لنفسي فجأة انهارت ٠٠

انا اللي هقوله مش بشوفه مشكله بشوفه مصيبه انا مبعرفش انتظم فالصلاة يا جماعه بخاف اموت فأي لحظه وانا مش بصلي و عارفه اني مش ضامنه انام واقوم بس والله ما عارفه خالص ومع ان دماغي بتجلدني كل يوم اني مبصليش معرفش ليه مبنتظمش يعني باجي فتره انتظم واكون تمام ف اروح فجاه كده قاطعه انا كنت اتشخصت قبل كده adhd ومكتئبه طول الوقت حتى لو ده مش ظاهر للناس وعندي تقلبات مزاجيه بشكل فظيع و المشكله اني عارفه ان اي خير بعمله فهو ناقص بسبب اني مبصليش لا وكمان احيانا بحس بخنقه لما حد من اهلي يقولي صلي بجد مصيبه! و ياما سمعت ڤيديوهات عن الصلاه بس بجد معرفش مالي وايه الحل وخايفه اقابل ربنا وانا مبصليش!!!

عايزه نصيحه يا جماعه ازاي واقف شك في لو شخص دخل حياتي ع طول بحس أنه بيخوني أو بشك ع طول ودا بيخنق الشخص اللي قدامي عايزه حل من فضلكم يعالج الموضوع دا لاني مش عارفه اتخلص من الإحساس دا خالصصص

يا ريت لو حد بيعاني م الرهاب واتقدم خطوه في حياته خصوصا في الإنطواء اللي سببه لينا الرهاب ازاي قدر يتغير وبدأ يتكلم وميخفش في انه يقول رأيه ويعبر عن نفسه وكده وهل فيه اي نصيحه ممكن تقولها تساعدنا في اننا نتخلص من الوهم ده

عملتوا ايه عشان تتغلبوا على الوسواس القهري ونوبات القلق والهلع غير القرب من ربنا ؟ وهل خطوة الدكتور النفسي خطوة مفيدة ولا الادوية النفسية مؤذية؟ عايزة نصائح من قلبكم لشخص حياته متدمرة

مقدرش اكمل في شغل اكتر من شهرين بجد بستغرب جدا من الناس اللي بتعرف تكمل ياريت تدونا نصايح ازاي بتعرفوا تكملوا في اي شغل وتستحملوا الروتين والمواصلات بتاعت كل يوم وايه الحاجات اللي لما نلاقيها في الشغل منكملش ومندوسش على نفسنا زي عدد ساعات العمل او المرتب او تعامل الاستف والتيم وياه بقا لو نصيحة كمان للناس اللي عايزة تشتغل في فترة الدراسة (طبعا اكيد الناس اللي فاتحة بيوت ده اكبر محفز انهم يشتغلوا وميبقاش عندهم حرية الاختيار)

ابويا كان لسه قاعد ينصحني بالصلاه وكدا ومايعرفش ان انا ماعدتش مسلم اصلا، كلامه وكلام اي حد بينصحني في الدين والصلاه وكدا بيبنلي قد ايه هو مبرمج علي شئ معين وحافظ الكلام وقد ايه هو مانع التفكير خالص في المواضيع الي قد لا تبدو مقنعه ليه واجاباته بتكون حكمه ربنا و الله اعلم وكلام من دا، دا بعيدا عن هو في النهايه غلط ولا صح مش دي الفكره، بس علي اي حال الواحد حزين علي حاله لأن الواحد كدا الحياه بالنسباله سودا اوي

السلام عليكم 🌸. بصوا، دلوقتي من فترة، سنة ونص مثلا، عرفت واحدة عن طريق صديقة مشتركة كانت بتعملنا احنا الاتنين مشاكل، ف اجتمعنا اصلا على اني كنت بسألها قبل ما اعرفها اوي هي -البنت بتاعت المشاكل دي- كده ولا انا فاهماها غلط ولا ايه، ولا المفروض اعمل ايه معاها اصلا، لانهم كانوا بيستيز. المهم، البنت اللي عرفتها دي خلينا نسميها تَنَّة (من تنة ورنة). ف تنة دي كانت مش عارفة والله، بتتلاعب بيا نفسيا. انا وقتها للأسف كنت بعمل اخطاء كتيرر، ف لما كنت احكيلها عن احد اخطائي، واقول مثلا اني متعصبة من حد معين، او بحب شيء معين،والمفروض اني غلط في كده، لا الاقيها تشجعني على ده اوي حرفيا. بعدها بنفس الدقيقة، احس بالذنب ف اقول بس لأ ومينفعش ومش عارف ايه، الاقيها ايدتني علطول، المهم انها دايما في صفي. لو عرفت اني بالصدفة عندي هواية او حاجة معينة بحبها، لازم تعملها فورا او تتكلم معايا عليها، بتتلاعب باسلوب الكلام بتنقي الكلام اللي عاجبني وكل ده. لما مثلا اشتري حاجة، الاقيها عملت زيي، اقرأ كتاب، تاني يوم الاقيها بتكلمني عنه، حتى النظارة والله الطبية اللي عملتها، راحت جابت واحدة شبهها بس اكسيسوريز، والله حتى صحابي، يا اما تبعدني عنهم، يا اما تروح تصاحبهم. كانت واخدة وقتي ومجهودي والله وكنت بحبها، ورغم اني متلاعبة اسوأ منها واقدر اقلب حياتها فوق تحت، بس كل اللي عملته اني كنت مدركة تلاعبها وبسايرها بمزاجي عشان بحبها وكنت طول الوقت ف صفها وبدافع عنها قصاد اي حد، رغم اني كمان عرفت اكتر من مرة انها بتكذب عليا وبتلفق تهم وكلام محصلش للبنت الاولانية اللي كانت بتعملنا مشاكل، ومكنتش مرتاحلها ابدا والله وقلت كده اكتر من مرة جوا وبرا عقلي. المهم، جت فترة وبعدت عن كل صحابي اللي اعرفهم، وبعتتلهم كلهم رسالة موحدة فيها شكر واعتذار واسف ووو.. وكده، وبلكتهم، بسبب ضغط وارهاق وخوف من اني آذيهم بنفسيتي السيئة وقتها. المهم، جيت دلوقتي رجعت علاقاتي مع الكل عداها، ف وانا بكلم واحدة منهم، قالتلي انها كانت بتبعت لتنة رسايل كتير اوي ليا واني واحشاها وتسال تنة عني، وتنة مفهماها انها بتتواصل معايا اصلا! لما راجعت الاحداث كلها ووقت اختفاءاتي بالذات، لقيت شيء واحد مشترك بينهم كلهم، كل صحابي اللي بحبهم الطيبين الكويسين فعلا، كانوا بيسألوها هي عني. وقتها فهمت انها مفهماهم كلهم انها بتتواصل معايا، وبتحاول من الآخر تبعدهم عني. المشكلة تنة اصلا عندي على الفيس، ومش مبلكاها واتس ولا مكالمات، وعندها كذا رقم تقدر تبعتلي يعني حتى لو مبلكاها، ده لو مهتمة فعلا، بس انا كنت مبلكاها تلي بس. انا آه كتبت في الرسالة ان محدش يتواصل معايا، بس برضو مكتبتش انها تروح للكل تقولهم اني بتواصل معاها! فاا بس، دلوقتي بقى انا افتقر للحوارات وهموت وانكشها ومش عارفة ازاي، لاني بصراحة والله مرعوبة منها 👈🏻👉🏻. ادوني بقى طريقة انكشها بيها من غير ما تعرفنييي

حابب ققول تجربه عملتها ومنصحش حد يعملها في حاجه اسمها الصيام بالماء يعني تقعد اسبوع او ققل متاكلش وتعيش علي المايه بس انا مش جايبها من عندي دي ابحاث بس جربتها 🤷🏻 هبوط ضربات قلب سريعه عدم تركيز ارهاق فقدان طاقه كل ده انا صومت 38 ساعه ومنصحش حد ابدا يعملها عشان ممكن تموت حرفيا انا لحقت نفسي غيري ممكن ميلحقش هو اه ممكن في ناس تستحمل بس دول عجول بقا لانها بتعتمد برضو علي وزنك بس عمتا منصحش ابدا حد يجربها

عايز اعرف ازاي حد يقدر يتعايش مع فكرة انه عمل كل حاجه تتعمل ومقصرش لدرجه ان أقرب الناس ليه والطرف التاني كانو بيلوموه وبيحاولو يفهموه ان كدا كفاية وهو بردو مكمل ورافض يسمع لاي حد لغاية ما ف الأخر اكتشف ان كل الناس دي كانت صح؟

جماعه دلوقتي الظروف حكمت عليه اني اجيب شقه اوضتين وصاله وامي مريضه ومينفعش اسبيها تعيش لوحدها الموضوع عملي مشلكه اني ملقيش عروسه توافق بل الوضع ده فا هل حد عندو نصائح للموضوع ده وله ملوش حل

لية ديما بعرف احل مشاكل الناس وبنصحهم واغلب الاوقات بتكون حلولى ونصايحى بتكون صح بس لما باجى على مشكله ليا بحس انى بتصرف غلط اكتر الاوقات بتكون غلط او بحس انى مقيد مش عارف احل المشاكل ونصايحى لنفسى 90 ٪ منها غلط

يا جماعة الي يقدر ينصحني ينصحني الله يجزيكم الخير أنا بحس ما بعرف احكي مع الناس الغريبة زي ما بحكي مع اهلي بالزبط بعرف احكي مع اهلي يعني امي أو ابوي بكل طبيعية أما مع الغرباء نهائي ما بعرف اناقش بصير استحي أتطلع في عيونه وهيك يعني بناقش بس مش زي لما مع اهلي مع الغرباء ما بعرف هو بخاف ولا بستحي مو عارف انا كنت مفكر رهاب اجتماعي بس هاد ابدا مو رهاب اجتماعي لانه عادي اه بناقش لكن مو زي لما اناقش اهلي يعني كمان بستحي اطلع في عين الغرباء وطبعا مو كل الغرباء طبعا في ناس اه بحاول اتدرب عليهم يعني بحاول اكسر معهم هاد الحاجز يعني اللي بحسه اصغر مني أو شي زي أو مش شرط والله مو عارف اشرح و اطلع الي براسي يا جماعة الخير حد ينصحني شو الحل ايش ماكان بدي اصير زي ما كنت و أنا صغير ابدا ما كان هاد الشي عندي يعني أنا عمري هلأ 16 سنة والله تعبت يا الله مو عارف إذا كلامي واضح والي مو واضح احكيلي شو هو وبحلول اوضح أو حد يحكيلي شو هي هاي المشكلة

عندي مشكلة كبيرة وهي لمن نحتكم.. في حاجات بتكون واضحة ايه الصح فيها وايه الغلط.. يعني انت مش محتاج موجه او مينتور علشان تعرف انك لازم تذاكر علشان تنجح او انك تذاكر شغلك علشان تترقي.. وبردوا انت مش محتاج شيخ يعني تعرف ان الكذب و السرقة و الزنا حرام او غلط.. المشكلة دلوقتي بتكون فيه حاجات مش واضحة يعني خير البر عاجله ولا في العجلة الندامه ( ده مجرد مثال بلاش تضيق مخك فيه ) يعني بما انك مش هتعرف تغوص لآخر كل مجال علشان تكون فاهم كل اسسه ، مفروض تعمل ايه في الحاجات الضبابية او البينية او المش واضحة.. عارف انك هتقولي مفروض تروح لشخص مختص في المجال ده بس المشكلة الجديدة هنا بما اني مش فاهم او مش عارف ازاي هحكم عليه انه الشخص الي هروح ليه هو خبير في المجال ولو قلتلي انك هتروح علي سمعته طيب الناس الي رشحته كانت هتعرف منين هو فاهم ولا لا ، حتي لو كان ليه اسم ومكانه ، طب ما فيه ناس تانية ليها اسم ومكانه بيرشحوا راى مخالف ليه او الراي الي انت محتار فيه ... وهنا المعضلة تعرف اي ان الشخص الي انت رايح ليه هو ف الاساس فاهم وبعدين تعرف منين انه مش مجرد شخص منجرف لراي معين او عنده فكر معين هو مقتنع فيه وبينصح بيه وازاي تتاكد انه الراي ده هو الي صح مع العلم ان اكيد في ناس تانيه تنادي بالراي التاني اكيد

أكتب لكم اليوم بعد عام كامل من الصمت والكتمان عام عشت فيه غصة ودمارا نفسيا وجسديا لا يعلم به إلا الله بدأت قصتي عندما دخل شخص إلى حياتي أعجبت به وتعلقت به لدرجة المرض في البداية كنت واضحة جدا معه أخبرته أنني أخشى الخذلان ولا أريد علاقات عابرة لتمضية الوقت بل أبحث عن ارتباط رسمي طمأنني بوعود كثيرة وأشعرني بالأمان والدعم وغمرني بالاهتمام والهدايا حتى ملك قلبي تماماً ولكن فجأة وبكل برود قال لي: "مشاعري بردت ولم أعد أرغب في الحديث معك"ثم رحل وتركني كانت كلماته كسكين طعنتني في صدري. دخلت بعد ذلك في حالة اكتئاب حاد اعتزلت الناس توقفت عن الخروج وفقدت شهيتي تماما حتى تدهورت صحتي الجسدية ونحل جسدي والأنكى من ذلك أنني في أوج عذابي حاولت البكاء والتفريغ لأقرب الناس لي (وحتى لأمي) لكنني لم أجد سوى البرود والتجاهل وكأن وجعي لا يعني أحدا مما جعل الوجع مضاعفا بقيت أقاوم هذه الظلمة بمفردي التجأت إلى الله سبحانه وتعالى وكنت أفرغ طاقتي السلبية في الأعمال المنزلية الشاقة والتنظيف طوال اليوم قسرا حتى لا أترك مجالا لعقلي بالتفكير مؤخرا فقط تشجعت وواجهت أمي وأخبرتها بكل ما عانيته بمفردي طوال هذا العام ورأيت علامات الندم والشعور بالذنب على وجهها بعد أن أدركت حجم معاناتي أنا اليوم أحاول بكل ما أوتيت من قوة أن أقف على قدمي مجدداً من أجل مستقبلي ودراستي رغم أن الغصة ما زالت في قلبي ولم أنسَ شيئاً مما حدث أكتب لكم لأفرغ هذا الحمل الثقيل وأريد أن أسمع نصائحكم: كيف يمكنني تجاوز جرح الخذلان هذا تماماً؟ كيف أستعيد نفسي وصحتي وتركيزي وأمضي قدماً في حياتي بعد كل هذا الدمار؟

عندي مشكلة كبيرة اوي مش عارفة اتصرف فيها ازاي وحاسة اني بنهار (محصلش). سـلامٌ عليـكم اولًا 🍧. عارفين الشخص اللي بييجي يشتكيلك من حد عشان تقعد تشتم معاه في الشخص ده مش تنصحه؟ هو جاي على اساس افضفض وانصحني ومدري ايه، بس هو actually عمره ما هيتقبل انك تغلطه لو هو اللي غلطان فعلا وممكن يقلب عليك، ولو فيه تفسير او مبرر لتصرف اللي قدامه وانت واجهته بيه هيقلب برضو، او حتى لو قولتله مش عايزين نغتاب او ننم هيقولك الشيخ وطاهر القلب ويتريق، ولا هيقبل نصيحتك اصلا لو نصحته، هو جاي على اساس ساعدني بس هو بس عايز يشتم في فلان مع حد ويحس انه كده انتصر على الشخص ده لما شتمه وخلى الناس تشتمه من ورا ظهره. الناس دي غالبا بتكون الغلط، جبانة وضعيفة ومعندهاش شخصية، وفوق كل ده احب افكرك ان انت لو شتمت اي حد معاه، ف هو برضو بيشتم فيك مع ناس تانية من ورا ضهرك، او هيعمل كده مع اقل خلاف، ده لو مش فارق معاك ميزان سيئاتك اصلا؛ اللي بيَثقُل مع كل كلمة بتغتاب بيها الشخص ده. فاا اللي من الفئة دي انتوا بتتعاملوا معاهم ازاي؟ خصوصا لو حد ملازمك زي صديق بتشوفه بشكل يومي ومش هتعرف تبعد عنه (هيقلب ويتكلم عليك ويشوه سمعتك لو بعدت عنه باي ذا واي). ووو للفئة دي؛ بليز انقرضـوا 🫶🏻.

السلام عليكم، عندي مشكلة جدًا تعبتني نفسيًا ومحتارة كيف أتصرف، وأتمنى تنصحوني بدون تجريح 🙏 أمي من زمان كانت ملتزمة جدًا، محافظة على صلاتها ولبسها وسمعتها، وما كانت حتى ترفع صوتها قدام الرجال. لكن من حوالي سنتين دخلت عالم تيك توك، ومن وقتها تغيرت كثير بطريقة صدمتني. صارت تترك الصلاة أغلب الوقت، وبعدت عن الالتزام اللي كانت عليه، وصارت تدخل بثوث وتتكلم مع رجال وتشغل موسيقى وتعمل ڨستات. هي ما تظهر وجهها، لكن طريقة تعاملها تغيرت كثير. الموضوع اللي كسرني أكثر إني لاحظت في رجل تتواصل معه باستمرار، وشفت مرة رسالة منه يقول لها: "ليش تطلعي ڨستات مع رجال غيري وتضحكي معهم؟" ومن يومها وأنا في خوف وتفكير. كل مرة تكون تحكي معه على الواتساب وتلاحظ إني قربت، تخبي الهاتف بسرعة أو تطلع من التطبيق، وهذا الشيء خلاني أشك أكثر وأتعب نفسيًا. أبوي ما يعرف شيء أبدًا، وهو إنسان طيب جدًا، وأقسم بالله قلبي يوجعني عليه وعلى إخوتي وعلى البيت كامل. أحس أمي صارت بعيدة عن بيتها وأطفالها وعن نفسها. أنا فعلًا خايفة الموضوع يكبر أو تدخل بعلاقة مؤذية أو أحد يستغلها أو يهددها بصورها أو رسائلها. وفي نفس الوقت ما أبغى أفضحها ولا أخسر أمي. كيف أتعامل مع الموضوع بعقل؟ هل أواجهها؟ هل أكلم أحد من العائلة؟ ولا أراقب الوضع وأسكت؟ والله تعبت جدًا وأحتاج نصيحة من ناس مرت بتجارب مشابهة.

كلامي طويل بس محتاج رأيكم ضروري والله و بالاخص البنات لأنها هتفهم اكتر انا ثانويه عامه و حبيبتي في نفس عمري و عارفين بعض من ست سنين و بينا محافظات و عمرنا ما اتقابلنا و دلوقتي هي مدايقاني ب حاجتين أولهم أن اختها الكبيره حاطه صورتها هي و حبيبتي و انا طبعا بغير غيره شديده جدا ف رافض الموضوع ده و هي حبيبتي اصلا مش بتحط صورها في اي حته ف بقولها خلي اختك تشيل الصوره ب اي شكل يعني تمسكي موبايلها من وراها أو تقوليلها و هي بتقولي مش عايزه اجادل معاها و عماله تقولي اي حجج و بس و مش حاسسها مديه اهميه للموضوع اوي ف ده مدايقني و تاني حاجه أنها خرجت و حطت مسكرا و كحل في عينها من غير ما تقولي قبلها و لما شوفت الكحل في الاول بس رحت سالتها حاطه حاجه تاني في عينك ولا لا وحاطه مسكرا ولا لا قالت لا بعدها لما صممت اشوف صورتها و خدت بالي قالت إنها حاطه مسكرا بس قال يعني مسكرا فاضيه رغم اني قولتلها مفيش حاجه اسمها كده و هي عامله سواد في رموشك بس مرضتش اقلب وقتها و انكد عليها خروجها مع صاحبها لأنها مش بتخرج كتير و كان جو عيد و الي مدايقني بالاخص أنها مستهونه موضوع الصوره و انها مقالتليش حتى أنها هتحط الميكب ده و هي نازله و الصوره بقالها ١٥ يوم محطوطه و كل شويه تقولي نأجل الكلام في الموضوع ده و انا مش فايقه و انا معرفش ايه و الميكب موضوعه من خمس ايام و بردوا نفس الكلام بتأجل الكلام فيه ب حجج كتير اوي يعني و انا فعلا بأجل و بسكت و بعدي و بتعامل عادي و مش بقسى عليها بس طب و بعدين بجد انا مش عاجبني التهاون بتاعها في التعامل معايا مش معنى اني حنين عليها و مش بسيبها و اسكت تبقى تستهون في المواضيع دي و مبرضاش اقسى و بقول زي بنتي و علشان متعاندش اكتر و في نفس الوقت بحس الحنيه الزياده غلط لأنها في مره في لحظة انفعال منها قالت إن مش كل حاجه باللين تنفع ف طب اعمل ايه طيب و اتعامل معاها ازاي

يحماعة فيني توتر وقلق رهيب جدا وغالبا بتجيني بسب نقاشات او خلافات تافهة ومش عارفة اهجي نفسي واتعامل مع الامر هل من مساعدة او شخص عدا المرحلة دي وبيعرف ازاي يساعدني بنصيحة او توجيهات شكرا

انا عايز اقول حاجه عارف أنه هتبان روشه و شكلها دراما فارغة بس بردك هقوله لاني ده تليفوني و انا حر و رساله الي حابب اقولها أن انا الحمدلله قررت امسح اىـٕ ده و حابب اشكر كل الي قالي كلمه حلوه او هيقولي كلمه حلوه فيما بعد و احب اعتذر لكل الي قولتله كلمه وحشه زعلته أو نصيحتي طلعت مش مناسبه و معجبتوش و بتمني اني اكون فيدت حد فعلا و اخر حاجه حابب اقولها أن ناس الي هنا أه مشاكلها مهمه حتي لو كانت بسيطه فا محدش يستخسر يكتب أو يقول الي مضايقه صدقني موضوع بيريح و بردك حاول تعرف أن ربنا مبيديش معارك صعبه غير الي يقدر يتحملها الي قصدي أقوله أن مشاكلكم كلها تقدروا تحلوها بس لو بدأت انك تحلها تواجهة بدل ما انت خايف منه و الناس الي مشاكلها مش من عندها استحملها صدقني قدامكم عمر طويل كلها كام سنه و مش هتقضي بقيت حياتكم مع اهلكم و حالوا تحبوهم حتي لو انت حاسس أنهم كارهينك فا افتكر أنهم يوم ما اتولدت و لما كنت طفل كانُ بيحبوك افتكر حاجات الحلوه لأنهم في يوم هيمشو و هتحس بجد انك لوحدك ساعتها و ملكش حد و انبسطوا و استحملوا معلش حتي لو الحمل تقيل انتم تقدروا تشيلو بزيادة انا عارف اني طولت معلش و حاوله تقربم من اهلكم حتي لو هتيجي علي نفسك صدقني هتندم 👋

من فترة حكيت لواحدة صاحبتي علي مشكلتي مع الاكل وبصراحة رد فعلها كان ابرد مما تخيلت يعني هي مش فاهماني المهم بدأت احس انها بتتجاهلني شوية او بتتجنب تتكلم معايا ولما كلمتها انكرت اوي وقالتلي ان مفيش حاجة اتغيرت بينا بس انا مش قادرة امنع احساسي ان في حاجة انا حقيقي ندمت اني حكيتلها مبقتش عارفة اتعامل ازاي حد ينصحني (مع العلم اننا في شلة واحدة فا انا كدة كدة بشوفها علي طول)

أنا اسفة اني معرفتش ارد ازاي بطلت عشان الريستريكت و لما يتفك هرد إن شاء الله علي كل الناس و اقولهم ازاي و عملت ايه و الرحلة كانت عاملة ازاي و ياخدوا بالهم من ايه بالظبط و ايه سهل و ايه صعب و كدا

كان عندي مشكلة غريبة شوية عايز اخد رايكوا فيها اتعاملت مع ناس كتير في حياتي وسواء ارتحنا مع بعض او لا كان الكوضوع طبيعي وعادي مش هنرتاح لكل الناس يعني بس بقالي فترة بتعامل مع شخص غريب شوية احسه بيقرب في التعامل عادي وشوية الاقيه بيتجنب الناس كلها ومش عايز يتعامل مع حد ولما واجهته لقيته بينكر انه بيعمل كدا واستغربته اكتر لما سالت لقيت اللى عنده اسمه اضطراب الشخصية التجنبية وكان اول مرة اسمع عن حاجة زي كدا ممكن اللى عنده تجربة مشابهه يفيدني اتعامل معاه ازاي علشان احترت جامد ومش لاقي حل معاه ولا عارف اتعامل معاه كويس

انا عندي تصلب لويحي و حابة نصايحكم في الموضوع و خاصة كيف اتغلب عن القلق و كيف اواجه الضغط من عند الناس اللي بخاف على مشاعرهم و اللي هو السبب في مرضي، ما عرفت كيف اتخطى هاد الشي و ما بدي تتطور الاعراض اكتر 😭😭

بتتعاملو إزاي مع جرح و قساوة الأهل كبرت و انا كأن القيد ده موجود حول رقبتي ، بخاف زي الطفل من كل حاجه مش عارفه أعمل اي خطوه جديده في حياتي دمرولي حياتي ، و مع الاسف بردو مكملين أعمل ايه . تنصحوني بإيه

انا اكتشفت أن انا مش عارف فعلا اتعامل معاها احنا اصحاب داخلين ع سنتين وعرفتها من هنا واصبحنا اصدقاء قريبين بس بدأت فعلا احس أن هي بتلكك عشان تزعل مني أو متتكلمش معايا أو تبعد عني بتقفلي ع الواحده يعني دلوقتي زعلانه مني عشان قولتلها لو مفتحتش واتس ومعرفتش اكلمك يبقي مش معايا من عشان متقلقيش زعلانه جدااا مني ومش عارف لصالحها وانا مش عايزها تزعل مني لان دي صديقتي بجد بحكيلها اللي مقدرش احكيه لاي حد انا تفتكروا ممكن اعمل اي ياريت شباب وبنات يقولوا رأيهم انا كبير وناصج مش عيل صغير او اندر ايدج 🥹🥲

بتحسوا ايه لما تكونوا بتحبوا حاسة انه بيوحشني عندي طاقه وشغف ليه ولكلامنا في نفس الوقت ال معنديش اي طاقه وكارفه لكل الناس بس باجي عنده وسبحان الله بتغير 180 درجه لدرجه اني بحس اني مدلوقه بس عارفين المشكله فينننن انه مخدش اي خطوه جد ولا اعترفلي هو بيفلرت بس او كان بيفلرت وحاليا معدناش بنتكلم كتير بسبب انه مشغول في البيزنس بتاعه انصحووووني اعمل ايه احنا حاليا صحاب بسسسسس قولولي ازاي اتعامل معاه

عمرك ما هتعرف قيمة الحاجه الا اما تروح منك يعني دلوقتي لو انت بتعامل حاجه وحش قوي علشان تضمن وجودها اول ما تروح منك هتقعد تعيط هتقعد تقول يا ريتني كنت كويس معاها يارتني كنت شخص احسن من كده بس هيكون بعد اي الوقت هيكون فات ف مضيعش احسن حاجه في ايدك علشان ضامن وجودها علشان هتندم اوي فما بعد

لسه متعين فى مصنع ليا زميل خبره عنى فى نفس ال positions شهاده لله شاطر جدا هو ولكن دائما شايف نفسه دائما يقاطع اللى قدامه دائما هو اللى فاهم كل حاجه واى حاجه يكدب حتى علشان يطلع نفسه صح نصحته كذا مره مفيش فايده الفنيين اللى معانا بيكرهوه حرفيا كذا مره كنت هشتكيه كذا مره كنت هضربه اتعامل مع ميتين أمه ازاى

أنا جد وصلت لمرحلة كبيرة من الجنون والتعلق المرضي قاعدة أتابع الاكس من حساب وهمي 24ساعة مع ان هو يلي اذاني وخانني وبلكني حاسة حالي بدون كرامة ما اقول أحبوا بس مهووسة ما اقدر ما اشوفو بدي اكلمو بس مايعرف انو أنا واعرف مايحبني كيف اقدر اتخلى من هاد الشي بلييز يلي يعرف ينصحني

من رايك اي افضل شي ممكن الانسان يساعد بيه نفسه لو هو ف فتره مش كويسه من حياته او بيحاول يعدي المده دي اي افضل حاجه ممكن اعملها غير اني افضل هنا يعني لان هنا عموما نصيحتك لانسان فاقد مشاعره ومش حاسس باي حاجه

نصايح للتخطي من علاقة كان فيها ميموريز و جزء كبير منها جنب البيت ، عشان لسة مفركشة طازة و حاسة ان التخطي هيبقى صعب اوي خاصة انه كان اول حد اقوله بحبك و انه كان عاجبني فيه حاجات كتيرة اوي و حبيته فعلا

انا كان عندي صديقات كنت كثير احبهم واعزهم يوما ما يعني وكنت صادقة معهم بس هم طعنوني وغدروني لدرجة اني فشلت في احد طموحاتي وما قدرت احققه وحسيت من بعد بوحدة و انا اصلا وقتها كنت امر بفترة كثير صعبة وهم استغلوا ذيك فترة . بعد ما بدات اركز على نفسي واسترجع حالي واركز على طموحاتي هم رجعو على اساس ندمنين وبدهم سماح مني انا طبعا قبلت سماح بس هم بدهم العلاقة ترجع زي اول وصراحة من وقت ما قبلت سماح منهم ورجعت اتعامل معهم عم حس بضيق بداخلي و قلق دايم . انا صراحة بدي نصيحة مو مجرد رأي

محتاج نصايحكم لما بتيجو تتعاملوا مثلا مع ذكرى حفزت شعور عندكم حنين للماضي مثلا لشخص عزيز اتوفى مثلا او مكان قضيتو فيه وقت حلو معدش موجود و هل نقدر نتفادى ال triggers دي من غير ما ندخل ف نوبة زعل ع حاجه هي بقت ماضي واحنا مش عارفين نعمل اى حاجه غير اننا نفتكرخا ونحزن عليها لو حد عنده حل او كدا يا ريت يعرفني

اخوكم لسه طالع من موضوع دام ٨ سنين ومع الأسف العشم كان واخدني بزياده لدرجة ان اوقات بحس اني داخل ع جلطه من كتر التفكير والقهر من تنميل وتعب بقالي اربع شهور تعبان جدا والدنيا وقفت وسيبت الشغل واحيانا بتجيلي رغبه ب اني انهي كل التعب دا مبقتش مستحمل ف لو حد مر بنفس التجربه دي يريت يفيدني ويقولي عدي ازاي

حد عنده نصيحه بخصوص دراسه الصيني؟ انا بدرس صيني بقالي فترهتقريبا تلت سنين بس تركيزي مش كله عليه فا مستوايا مش عالي بالنسبة للمستوى الي المفروض اكون فيه و حابه اني اطور من نفسي اكتر اعمل ده ازاي؟

اتعلقت بشخص اتقابلنا كام مره في الشغل حفظت كل تفاصيله بس بتقل عليه ومش ببين عكسه هو بيبان عليه جدا أنه مركز معايا ومعجب لدرجه الناس لاحظت ده وبيلمح بكلام ويتلكك عشان يكلمني بس فجأة سكت اخر مره اتكلمنا هو وقع بالكلام وكان هيتكلم ويعترف أنه معجب بيا وفجأة سكت ومن وقتها مش بيتكلم اهلي بيقولولي بيتسلي ومتفكريش فيه بس انا رغم اني مش ببادر ومش بكلمه بس طول الوقت في بالي المفروض اعمل اي وبجد هو بيتسلي كده

بصو انا دلوقتي بنت عندي 15 سنه وانا بحاول احسن من شخصيتي انا الحمد لله شخصيه اجتماعيه بس بواجه مشكله اني معنديش حد قريب مني يعني لما بنتجمع مع العيله كل اتنين بيبقو المفضلين لبعض وانا بحاول اقرب من اي حد لاكن لاحظت أن محدش بيحب يقعد معايا وحتي اخويا الكبير في فرق بيني وبينه سنتين يعني المفروض يبقي اقرب حد ليا لاكن هو واخد حد من عيلتنا وبيقول عليه أخوه وكده وانا بتضايق لان مفيش موقف عن الاخوات غير وهو قالي اسم الشخص ده وبجد انا بزعل وبقعد اعيط ف انا عايزه اكون جذابه للناس أنهم يتكلمو معايا ويقعدو معايا وكده بس مش عارفه فممكن نصائح منكم

بترميه ف اقرب باسكت زباله هو وكل الذكريات بتاعته الحلو بالوحش لانه الشخص ده بعد ما سمح لنفسه بانه ياذيني ف هو مش موجود بنسبالي لانه مش الانسان اللي افتكرت انه بيحبني انا حاليا ف الصوره الجديده عندي شخص مؤذي اذاني مبقاش في الشخصيه القديمه اللي فكرت انها بتحبني ف بيترمي بكل اللي يخصه زيه زي اللي مات لا بنحقد ولا بنحن ممكن تعدي مشاعر عادي ضعف بس بنرجع للديفولت اللي هو الانسان ده بقي ولا حاجه عندي مع الدعوات ان ربنا يخلي الشخص ده مش فارق معاكي بجد ويتكفل ب انه يجبلك حقك من غير دعوات كتير بالانتقام لان خلاص كله متسجل عند ربنا الاعاده ف دعوات الانتقام هتضرك انتي بس لكن ركزي علي دعاء ان الشخص ده ميفرقلكيش تاني ولا تحسي تجاهه باي حاجه .. الاذي متسجل عند ربنا .. تبداي تبصي للي جاي انا حياتي واقفه فين ؟؟ واكمل من عند النقطه ديه مفضلش مضيعه اللي فات واللي جاي علي اشكال ولا تسوي ابدا اصلح نفسي من جوايا واغذي نفسي بافكار تقويني لما اضعف واشغل نفسي باهداف تخليني فخوره من نفسي وحاسه بانجاز واحسن علاقتي بربنا .. اللي بيبعش علي الالم والاذي بيفضل متعذب وبيضيع عمره مرتين مره مع الناس ديه ومره مع نفسه وهي لسه مفاقتش وقاعده تبكي علي اللي حصل بشكل مستمر انا بنصحك وبنصح نفسي اننا الاحسن نفوق وانا فعليا بحاول مع نفسي مع انها بتجاهدني بس انا مش عايزه استسلم لاني استحق حياه حلوه وفيها ناس نضيفه وعشان اقابلهم لازم نتعافي من اللي عدي ده غير ان في نقطه لازم تعرفيها انك اقوي بكتير من المؤذي لانه ضعيف وهيفضل علي نفس النمط بس انتي بتحاولي تكوني شخص سوي وبتحاولي ف السكه الصعبه اللي المؤذي عمره ما هيختار اصلا انه يمشي فيها ف كانه ماشي ف سكه غلط وعمال يبعد ويبعد بس انتي عماله تدوري علي حل تبقي احسن ف بتقربي وتقربي ف السكه الصح لحاجات كويسه جدا وفرص تحسن بكتير الموذي عمره ما يحلم انه يوصلها ف يوم لانه اضعف من كده بكتير

اكتشفت ان انا ال بتعب وان مفيش حاجه بتتغير بالعكس انا حالتي بتسوء خصوصا ان بعاني مش مشاكل في القلب ف مع الحزن بحس بألم فا انا قررت باختصار "هبقا شخص بارد" ايوه بالظبط اتخطى كل حاجه بسهوله وارمي ورا ضهري بس طبعا مع التوكل على ربنا والتزامي ومبقتش اخد كل حاجه على صدري واضحك في وش ال يقهرني وفعلا.. ارتحت هل كده انا غلطان؟ حابب اسمع النصائح

عندي سؤال للعباد لي حبو من قلبهم كيفاه قدرتو تتخطاو ؟ احكولنا فلكمنتار لأنو هاد لفترة كل واحد و كيفاه قدرتو تجوزوها خاوتي و بيان سور بدون حكم مسبق كي لعادة واحد ما يجوجي واحد يعطيكم الصحا

مشتت جدا و محتاج آراء محتاج نصائح ضروووووري انا في تالتة طب بيطري و حاليا محتار بين كذا حاجه هل المفروض اركز في الدراسة بس عشان اطلع من الكلية فاهم كويس و كده ؟ ولا أهمل شويه في الدراسة مقابل اني اتعلم لغة و افكر في طريق السفر او مهارة تجيبلي فلوس شايفين ايه الاحسن ؟؟

مختلف مقفول جدا من الحياه وبمر بظروف نفسيه سيئه علي أكثر من صعيد محتاج نصائح من حد انثي تحديدا نصائح تساندني امر بالظروف دي ومتكونش طفله انا بتكلم في نطاق سن ٢٥ ل ٤٥ مثلا ياريت الي يقدر يكون معايا ميتأخرش عن انه يكتبلي رايه

ضغط من ثانويه و ضغط من انه هنلحق ولا ما هنلحق و حرب و عم نداوم تلات ايام بالاسبوع كنا نداوم اربعه ساروا تلاته و يوم اونلاين الاونلاين ما عم بفهم شي ابدا و اهم ماده العليها ١٠٠ علامه مني فتحتها ..ما بعرف كتير وضع صعب. ده كلام صحبتي مش عارفه ادعمها او انصحها بأيه كلام عملي و مفيد اقترحوا ❤️

عايزه أخد رأيكم ف حاجة دلوقتي بحاول اتمشى مع نفسي المكان إللي أنا فيه ممل ف عايزه اجري بس الفكره احيانا بتعدي ناس بحس بإحراج ف لو حد عنده تجربه مع الجري يفيد لو اتمشيت بس بمل لأني حفظت المكان ومافيش فيه حاجة أصلا

كفاش تعرفو واحد ولا وحدة تعاني من رهاب اجتماعي!!!؟ وووش تنصحوه اي شي قادر يفيده 🙇🏻‍♀️وش لفرق بين رهب اجتماعي وبين احد يحشم بزاف واذا كان يرتبط بثقة فنفس اولا؟ بليز انصحوني واشرحولي 🙇🏻‍♀️لانو بدأت اشك فنفسي🤡

جماعة كنت نزلت بوست قبل كدة عن حدود الاختلاط بين الولاد والبنات انا لو عندي صاحبة مثلا وعايزة انصحها عن الاختلاط ازاي اعمل كدة من غير ما تتضايق او تحس مثلا اني بنتقدها مش بنصحها قوليلي افكاار

انا حاليا عند الثيرابست مستنى دورى دعواتكم ليا انى اخف واكون انسان جديد ومن اول يناير هشيل حديد واييه لا لا بجد انا متشكر ليكم خالص علشان انتم اللى بتدوا نصائح فى هذه الحياه اللى مش مفهومه

عندي مشكلة ومش عارف ايه الحل انا شخص بحس بضيق لما حد يكون ليه جميل عليا أو على الأسرة عمتا حتى لو الحد ده من قرايبي يعني لو حد عملي خدمة بحس بضيق وإني لازم اردله الجميل ده والاحساس ده مش تكبر بالعكس انا شخص مش متكبر نهائي يعني وهو الشخص ده بيعملي الخدمة بكون عادي ومبسوط ان في حد جدع معايا بس لما الخدمة تخلص برجع احس نفس الشعور لدرجة اني بكون مش عايز اشوف الشخص ده غير لما اردله الجميل حتى لو انا كنت عامل ليه خدمة قبل كدة لازم احس اني عايز اردله الخدمة نصايحكم يا اخواتي

من نعمة ربنا عليا الحمد لله تاب عليا كنت شخص زي ما بيقولو بالفظ كويس متعدد العلاقات زمان الحمد لله خلاص بس المشكلة دلوقتي بقا يدخل يكلمني خوات متدنينات متدينات كتير فا برد بما يرضي الله إن غلط أنهم يكلمو راجل غريب وكدا بس وانصحهم يمكن دا اختبار

السلام عليكم ورحمة الله وبركاته عاملين ايه جدعاان استمتعوا بحياتكوا خرجوا نفسكوا من مود الاكتئاب والزعل اللي بقى مالينا كلنا ده وانا اولكوا (كنت لسه بقطع شرايني من شويه 😂) المهم احنا مش عايشين كتير يجدعاان استمتعوا بالكام سنه دول غيروا مودكوا غيروا حياتكوا الكلام سهل بس بجد حاولواا الدنيا مش مستاهلههه يلا take care يشباب 💗

نصيحه لكل اخواتى من سن الاعدادى وطالع (ركز ع مستقبلك) وحط تحتها ألف خط السن اللى انت بتمر بيه دى اسمها فترة مراهقه وفالفترة دى الانسان بيكتشف كل اللى حواليه بدون تفكير اذا صح ول غلط حلال ول حرام المهم تجرب ودى حجات صدقنى هتندم عليها اما تكبر وحوارات الحب والبنات جايه جايه وهتحب وتتحب اقسم بالله اذا وانت ١٢ سنه ول و انت ٢٢ والخب مش حرام بس الحرام ان مشاعرنا تحركنا زى الحيوانات عشان نحس بنفسنا وبالنسبه للولاد زى مهتعمل دلوقتى بنت بكرا هتلف الدنيا وهتشوفها ف اختك ف خاف الله وخلى الحب لما يجى تستقبله بالحلال بالنسبه للبنات اولا ثم الولاد اياكى ثم اياكى وصحبه السوء وده بقولهولك وكنت اتمنى حد يقولى . احنا ربنا خلقنا بإحساس داخلى بيبقا حاسس ان الحاجه اللى بنعنلها اذا صح ول لا وانا بقولك اسمعى كلام الاحساس ده واوعى تتجاهليه ولو احساسك قالك ان البنت دى مش كويسه ابعدى عنها فورا وبلاش جدعنه ع صحه نفسيتك لان الصدمات من الناس اللى بنعاند اهلنا عشانهم بنقعد نتعالج بسببها سنين واهلنا بيكون معاهم حق حتى لو مش مقتنعين بس محدش هيخاف عليكم اكتر من امك وابوك فهما يستاهلو ان يتشكر ف اخلاقكم وفاللى رباكم بلاش العكس بالنسبه للمستقبل فهو الأهم والفترة دى هى الفترة الذهبيه وكل دقيقه بتمر مبتتعادش للأسف واى قرار بتاخدوه فالفترة دى بينعكس ع مستقبلكم قدام يعنى اللى ذاكر وبقا دكتور بيحمد ربنا وبيطلع راضي اما اللى بيضيع وقته عالحوارات واللعب وعالموبايل مبيلحقش حاجه بيرجع يندم طول عمره وبيفضل تعبان ولكل مجتهد نصيب وان ما عليكم الا السعى والنتيجه عند ربنا واخر نصيحه ومهمه جدا جدا جدا بلاش التريقه على اى حاجه مش عاجباكم لان اللى بيتريق ربنا بيبتليه بنفس الحاجه اللى بيتريقو عليها اللى بيتريق ع كليه مبيدخلش الا هى واللى بيتريق ع ذنب الايام بتلف وبيقع فيه واللى بيتريق ع حد مسيرة يتجوز نفس الشخص او حتى شخص شبيه لافعال الشخص الاول وربنا يحفظكم يارب اجمعين

كل واحد هنا اكيد مر بتجربه انه خسر شخص او اتخلي عنه شخص ما ف للافادة كل واحد يقول اتخطي الشخص دا وشعور الخذلان ازاي مع الاسف بعد محطيت نفسي ف علاقه دامت اكتر من ٨ سنين الشخص التاني قرر يتخلي ف نص الطريق افيدوني افادكم الله

ايه حل مشكلة التسويف علشان انا حياتي واقفة حرفيا بسس الموضوع ده يعني بدفع فلوس كورس و مكملهوش بزهق بسرعة من كل حاجه و برجع سكرول علي الموبايل يومي كله سكرول و مش بعمل حاجه مفيده و لما بحاول ب التزم يومين او ٣ ايام ب الكتير و ارجع تاني للسوشيال تيك توك و انستا حاسس عمري بيضيع مني ازاي اجبر نفسي اقلل التسويف دا لو في حد مر بنفس التجربة ينصحني

بتتصرفوا ازاى لما بتلاقوا انكم مش قادرين تنجزوا اى حاجه ف حياتكم ومقضيين اليوم كله سكرولينج ع السوشيال الموضوع عاملى ازمة نفسية ومش عارف اكمل حياتى انصحونى يخواتى اطلع من الزون دى ازاى بوست بطيخة 😂

اوقات بحتاج اتكلم مع حد وميقولش حاجة يسمعني بس اشوف ف عينه انه سامع وحاسس وخلاص مش عاوز نصيحة مش عاوز حل مش عاوزاي حاجة فيها منطق لان انا جاي عشان محتاج اتكلم مش عشان انت نابغة وعندك كل الحلول وجو اعمل كذا وحاول واستحمل ، كل ده ولا بيفرق معايا واله الطبطبة بتكون كفاية بالنسبالي

السلام عليكم حابه احكي كلام كتير يالمني ، انا الاخت الصغيرة في البيت واحس بتهميش واهمال من العائلة وعندي اختي اكبر مني بعامين لكن اخواتي كلهم يحبوها ويمدحوها وانا كل ماجي اتبت نفسي واعمل قيمة لنفسي او احب اعمل اشياء تميزني هي تقلدني وفي الاخير هي لي يمدحوها انا الموضوع تجاوزتو لكن لما انخطبت اصبحت تبرز نفسها لعائلة خطيبي وتحاول تلفت نضرهم رغم انها مخطوبة لدرجة انه اصبحت اخت خطيبي تتواصل معها اكتر مني وتعاملني برسمية وهي تخفي علي الامر وكل مره ربي يفضحها امامي رغم اني قلت لها احكيلي شو عم تتكلمو لكن بدون جدوى صراحة كنت متأمله انو على الاقل ارتاح في منزل تاني لكن الواضح انها لاحقتني حتى عنداهل زوجي صراحة فقدت الامل كل مااحاول اعمل شئ هي تاخده مني ، ولما اجي اعبر عن المي او مشاعري العائلة تقولي انتي حساسة انتي فاعلة مشاكل . اتمنى تنصحوني كيف اتعامل معهم لدرجة اني كرهتهم

أنا في صراع بين "طموحي" و"خوفي من الفشل" ​أنا طالبة مقبلة على البكالوريا، أعيش حالة من Emotional Exhaustion لا توصف. وضعت لنفسي هدفاً عالياً (كلية الطب)، لكنني أجد نفسي عالقة في دوامة من التعب الجسدي والنفسي. ​أنا لا أعاني من نقص الذكاء، فقد حققت نتائج ممتازة في المواد العلمية، لكن "عقلي" قرر أن يدخل في حالة Avoidance مستمرة؛ أهرب من المذاكرة بالنوم أو التردد، وكلما حاولت النهوض، يقتلني الخوف من خيبة الأمل. ​الضغط الخارجي لا يرحم؛ المقارنات المستمرة مع الأقارب، وكلام والدي القاسي الذي يصفني بالفاشلة، جعلني أفقد ثقتي في نفسي تماماً. أصبحت أتساءل: هل أنا حقاً "غير قادرة"؟ أم أنني فقط ضحية Burnout شديد؟ ​الآن، وصلت لمرحلة الانهيار وأفكر بجدية في الانسحاب وتأجيل كل شيء لعام 2027، ليس لأنني لا أريد النجاح، بل لأنني أصبحت Terrified من المواجهة. ​أحتاج إلى نصيحة: كيف أستعيد Mental Clarity في هذا الوقت الضيق؟ وهل الانسحاب خيانة لنفسي، أم هو الحل الوحيد للنجاح لاحقاً؟ ​أنا متمسكة بخيط رفيع من الأمل، فهل من سبيل؟

جماعه انا لحد دلوقتي متعلق بالناس اللي كنت بكلمهم علي التطبيق ده قبل ما يتحدث بس للاسف دلوقتي مش موجودين لسه فاكرهم وفاكر نصايحهم مكنش ليا غيرهم بعد ربنا ومش عارف هل في منهم لسه موجود ولا لا

البوست ده مقسم لجزئين الجزء الاول يعتبر بسرب فيه حياتي حرفيا 😂 بس محتاج نصايحكم و اتمنى حد يسمعني انا شاب ٢١ سنة طول عمري الحمد لله من الاوائل و لغاية تالته ثانوي و مستوايا كويس جدا الحمد لله و كان هدفي طب بشري المهم جبت وقتها مجموع دخلني طب بيطري الحمد لله .. طبعا كنت زعلان في البداية بس حاولت اتاقلم و اشوف حياتي ..قولت هجتهد و يمكن اتعين معيد ليه لا ؟ المهم ذاكرت و جبت اول ترم امتياز فعلا بس بعدها نزلت و بقيت اجيب جيد جدا ..و دلوقتي انا في تالته بيطري و حسيت ان حتة تعيين دي بعدت شويه مع انها ما زالت موجودة و ربنا قادر على كل شئ .. و مع ذلك انا فكرت في حاجات تانيه معايا كورسين واحد مونتاج و واحد جرافيك بس مبداتش فيهم لان مش معايا لاب ..تاني حاجه بدات اشوف طرق السفر و لقيت طريق المانيا كويس.. فكرت اتعلم لغة عشان افكر في طريق السفر ...و لكن مش لاقي وقت حاليا مع الدراسه نهائي خصوصا ان الدراسة نفسها صعبة و كميات كبيرة جدا و فالاجازه بشتغل ف مش هعرف اذاكر فيها لغة ...ف حقيقي مشتت مش عارف اعمل ايه تنصحوني ب ايه ؟؟؟ الجزء التاني من البوست ...لو حد محتاج نصيحة او اي مساعدة او سؤال يتفضل و مش هتاخر عليه و شكرا ليكم ♥️♥️♥️🫡

مررت بعلاقة مع نرجسي استمرت عشر سنوات ، حتى انتهى بي الامر للمتابعة عند طبيبة نفسية كنت كل مرة اقول انني تخطيت ثم اعود اليه ، كيف يمكن للنفس البشرية ان تتوق لما يؤذيها فقط لانها تعودت عليه ، رغم ذلك عقدت العزم هذه المرة على ان لا اعود اليه مهما حدث اريد نصائح لمن مروا بمثل هذه العلاقات و تخطوها ، انا الان مفترقة عنه لمدة شهر قد يظن البعض انني ابالغ و هي مجرد علاقة و انت حساسة زيادة عن اللزوم في الحقيقة انا في حياتي الشخصية متمة لدراستي ، الناس من حولي كلهم يحترمونني و يحبونني ، انا شخصية متزنة و لكالما اعتمدت على نفسي منذ صغري مشكلتي الوحيدة هي هاته العلاقة اشعر احيانا انني اعاني من انفصام شخصية

جماعة help me please🇩🇿 سنة نقرا ثانية ثانوي تقني رياضي و عام جاي نطيح مع نفس لقسم تع سنة و فالقسم هذا كاين طفل يقرا معايا نقدروا نقولوا يعجبني و نبقى غير نخمم فيه فالقسم و مهما نحاول ننساه منقدرش و صراتلي حكاية معاه فالانسطا لمهم للعلم انا انسانة تحلل كل موقف و تخمم فكل حاجة و درك بما انو جاي لباك خممت نبدل لمدرسة و نروح لوحدة خلاف قريبة على ليكول لي نقرا فيها بصح مش حنزيد نتلاقاه باه نركز على قرايتي و ننساه و منضيعش وقتي نخمم فيه انصحوني اسكو حتأثر عليا كي نبدل المدرسة بالسوء و اسكو نقعد برك بيسك حرت حرفيا خاطر والفت على لقسم هذا و صحاباتي و ناس لي يقراو معاي بصح من جيهة منقدرش نركز على قرايتي Please give me advice what should i do😔

بفكر افتح عياده ومتردده لأنها مسؤوليه ، خايفه مبقاش قدها خصوصا اني لوحدي وهفتح في قريتي ، وفيه منافسين والمنافسين دول كبار وكمان كانوا بيضايقوني في الشغل من غير حاجه ، يعني متوتره لأن الايجارات بقت غاليه واسعار ف القريه قليله جدا وكل واحد فاكر لما يقلل الناس هتروحله هو ودا مش حاجه كويسه خالص ، ممكن نصيحه ؟

انا ما فهمتش اعمل ايه يا استاذ كلاود 🙂 بس عموما حاضر هسمع النصائح ان شاء الله و بإذن الله هبقي احسن و شكرا جدا بجد و فعلا ساعدتني و كتير و في ناس كتير هنا ساعدتني فعلا ابقي احسن شكرا ليكم كلكم و حقيقي فرقتوا معايا

اعمل ايه مزاجي وحش اووووووي دايما وحش بطريقه جامده بس احيانا بيكون حلو انا شخص بمشي بالمزاج حرفيا وهو متقلب عندي بس لما يكون وحش بيكون ليه بجد والنصايح الحلوه دي للاسف مش بتجيب نتيجه معايا

السلام عليكم أولاً كتير تعبانة من و بالدراسة، ثانياً لو عندكن تطبيقات ممكن تتابع معي حالتي الدراسية بدون مقابل مادي وبشكل سري أو يعني بشكل مجهول لو سمحتوا انصحوني أو مساعدة للبحث عن هيك اشياء ما عم لاقي

مش عارفه اذاكر رياضة😭😭😭 معرفش ليه كتبت هنا بس ممكن يكون معانا دحيحة رياضة يشاركونا نصايحهم بفهم الشرح وكله تمام بس مبعرفش احل لوحدي ول استوعب المسئلة عايزة ايه بالظبط خصوصا الهندسه. انا اولى ثانوي كنت بحب الرياضة جدااااا بس السنه دي كرهتها موت

أنا اهلي منفصلين وعايشة انا واخويا مع جدتي بصارحة جدتي وخالتو هما اللي ربوني وبحبهم اوي بس بحس اوقات اني تقيلة عليهم انا بابا مسافر بس مش بيبعد فلوس اوي المصارف بقيت صعبة وماما متجوزة وعلاقتي معاها مش احسن حاجة وعمرها معرفت عني حاجة بس بنتكلم عادي انا مكنش ليا في جو العلاقات بس من فترة اتعرفت على واحد من النت من المغرب وبصارحة حست باهتمام وحب منه كنا في اول اصحاب لحد معترفلي وانا بصارحة حبيته اوي وبعد فترة بداء يبعد وكنت بزعل من الطريقة دي واخرة مرة طلب يشوف شعر وانا صديته وقال اسف بديها بيوم لقيته عمل بلوك من اللفيس وانا اتعصب منه طلبت انه ميكلمنيش تاني اي حساب بس انا دخلت ليه من رقم تاني فالي انتي اللي طلبتي تبعدي عني وبصارحة مش قادرة استغني عنه خالص وحاولت ادخل من كذه حساب تاني كان بيعمل بلوك بجد حاسة اني هموت انا عارفة اني غلط لما حاولت اكلمه كذا مرة واني هنت نفسي بس انا عايزة نصيحة من حد انا مش عارفة اعيش خالص😢

كنت بتكلم دايما إن عندي جفاف عاطفي شديد وتفكك أسري، وكل ده من فترة كده حوالي 3 شهور روحت زيارة عند ولاد عمتي كان أغلبهم أول مرة أشوفهم في حياتي بنت بنت عمتي عملت جروب ودخلتني فيه أنا وابن عمي وبنتين كمان هما برضو بنت بنت عمتي بس من عمة تانية والناس دي كنت أول مرة أشوفهم المهم دخلت معاهم الجروب واللي عملت الجروب كان لها تصرفات غريبة بحكم سنها وهي في 2 إعدادي لقيتها بتشتغلني شتائم عيب قالتلي أنا هد قرك وهعمل فيك وهعمل وهعمل وكنت بسكت ومش برد ولما قولت لابويا وكده قولتلو بنت بنت اختك بتعمل معايا واحد اتنين تلاتة قالي معرفهااش أنت عارف أن محدش يعرف التاني يبني. وأنا كبرت دماغي وفي نفس الوقت كانت تقولي بحبك وأنا أقولها شكرا وكانت تشوفني تعوز تحضن..ني وأنا برفض آخر مرة شوفتها كان في فرح اختها زعقت فيها جامد بسبب تصرفاتها وقولتلها عيب اللي أنتي بتعمليه ده احنا أخوات قالتلي حاضر وقولتلها متزعليش قالتلي أنا زعلانة أنك بعيد عننا أنت شايف احنا قرايب منعرفش بعض انت هتكرر نفس غلطات العيلة دي؟ قولتلها هتكلم حاضر بس الحركات بتاعتك دي تنتهي قالتلي حاضر بس ممكن طلب قولتلها اتفضلي لاقيتها قلعت دبلة وقالتلي انزل على ركبتك ولبسهاني روحت مشيت ودخلت قاعة الفرح تالت ولا رابع يوم دخلت صاحباتها على الجروب وبقيت أنا بس وواحد تاني ولاد والباقي بنات خلت صاحابها يقولو أنها عملت حادثة وفي المستشفى وكله اتخض عليها العيلة بلغت بعضها هي بعتت ريك بعدها بتضحك وقالت ضحكت عليكو كلكو هههههه راح كله خرج من الجروب وأمها اللي هي بنت عمتي كانت في الجروب خرجت وكله خرج وهي قالت بنتي قالت إنها بتحبك أنت وابن عمك وأنا خليتها تخرج من الجروب وخلاص كده. المهم من ساعتها وأنا مكلمتهااش تاني بس متضايق من فكرة صلة الرحم أن عيال عماتي أول مرة أشوفهم وليا عم وعمة توفوا وعمي مشوفتهم. بفكر أخش أسلم عليها هل تنصحوني أعمل كده ولا خلاص الموضوع انتهى أنا الباقي بكلمهم عادي بس على القد أوي ومناسبات فقط ومعرفهمش أوي هي لا خالص من ساعة الموضوع ده هل أخش أسلم عليها ولا بلاش؟

سلام عليكم أنا كشخص عمري 22 سنة عانيت من السمنة منذ الطفولة لأكثر من 12 سنة وطولي 178 ووزني الحالي 135 واعاني من مقاومة انسولين نتيجة السمنة المفرطة قررت اعمل هدف صغير ابدأ به وهو فقدان 20 كيلو كبداية وصراحة اريد فعل ذلك بسرعة لانو شفت انو تقريبا كل الريجيمات تطول عشان تشوف النتيجة فقررت اجرب صيام الماء اللي اصلا جربتو قبل رمضان مدة اربع ايام وفكرة هذا الصيام هي الامتناع عن الاكل كليا وشرب الماء بكمية كافية يوميا فقط وانا شفت ناس دخلوا في صيام ماء لمدة طويلة تترواح بين 20 يوم و 40 وفقدوا اوزان كبيرة وانا كذلك بدأت في صيام الماء يوم بعد عيد الفطر مباشرة وحاليا اكتب هذا البوست وانا صارلي 8 ايام مطبق صيام الماء وما آكل اي شي الايام الخمسة الاولى كانت صعبة شوي بس ابتداءا من اليوم السادس اختفى شعور الجوع تماما ونفسيتي تحسنت واحس نفسي خفيف والتركيز والانتباه عندي زاد بشكل كبير الامر الوحيد فقط هو انو ما اقدر امشي لمدة فوق ال10 دقائق للانني اتعب بشكل كبير بس لما اكون بالمنزل بدون ما اسوي اشي مافي تعب ووزنت نفسي اليوم نزلت 7 كيلو ونص على الميزان وانا مواصل لحد اليوم 20 لانو شفت ناس قدرو يوصلوا لايام اكثر شو رايكم بالموضوع واذا عندكم نصائح تفضلوا

جماعة دلوقت انا حساسة اوي بطريقة تخنق وللاسف مش بعرف اقلل ده وفي ناس كتير مشيت لما مقدرتش تستحمل ده ف من فترة اتعرفت علي واحد كان حنين كويس اوي نفس الشخص اللي كنت عايزاه في بالي وقولت كل حاجه ليه ان شخصيتي كده وكده ومش هتقدر تستحمل قعد يقولي ملكيش دعوة والكلام ده جه من بداية شهر واحد وحرفيا اتغير بطريقة غريبة بدأ يعمل كل اللي بيضايقني وبقيت اتساب لوحدي منغير مبرر للاختفاء ده قولتله انت لو مليت براحتك قولي مش هجبرك بده لكن رده انه لا ومستحيل ف بقي حرفيا كل يوم خناق بسبب انه مشاعري بقت مرهقة ليه واني مش بقدره جه من فترة حصلت مشكلة مع ان المفروض انه مش متضايق مبقاش يرد لو بعت لكن بيكون اونلاين ولو اتبعت اي رسالة ليه من حد تاني كان بيرد لكن رسالتي انا مش مترد عليها فترة المهم انا بعتله وبعدها مبعتش تاني الفكرة اني مش قادرة اتخطي وبقعد افتكر شخصيته قبل كده وبشوف انه كان كويس وانه انا اكيد الغلطانه مع اني المضرورة هو وعدني بحاجات كتير حرفيا عمل بيها مرة واتنين وبعدها فكس انا مش بحب اللي يخلف بوعده معايا طول عمري مكملش حاجه بحبها ولا حد عمل حاجه اتوعدت بيها ف ده بيخليني حساسة اوي ممكن اكون غلطانه في نقطة معينة بس انا قولتله عليها في بداية كلامنا كلامي ممكن يكون ملغبط ومش مفهوم كويس بس لو حد عنده حل او نصيحه لده اتمني يساعدني اني ابطل تفكير شوية

ممكن نصايح ازاي اتعالج بعد ما خرجت من علاقه سامه؟ يعني اعمل ايه و اتجنب ايه و ايه الحاجات اللي لازم اعملها عشان اتخطى الشخص دا لانو كان بيأذيني لابعد درجه بس انا مكنتش شايف دا في العلاقه لاني كنت بحبو

هاذا اول منشور اكتبه علا التطبيق ذا بس حرفيا اريد اقول لي فبالي _انا هسة باقيلي سنة واتخرج من ثانوي تمام وابغى ادرس بمنحة خارج.البلد وحرفيا كل واحد ايش يقول واحد يقول لازم اللغة الايطالية واحد لازم معدل 99(عندنا اقصى درجة 20/20)يعني ولازم مشاركات مرة يعني بيعملو توتر للواحد وانا هسة قلت بما انه لغتي الانجليزية مش ذاك الزود بعد البكلوريا يعني السنة لي بعد ما اتخرج فيها اقعد وادرس بس انجليزي واخذ شهادة ايلتس بعدين بقدم عالمنحة تفكيري صح؟

انا مش قادرة اذاكر طاقتي خلصت وحرفيا فقدان الشغف بقا ملازمني وبقيت طول الوقت عاوزه انام وانا امتحاناتي بعد شهرين وحرفيا انا في اهم سنه في حياتي فبجد الي عندو نصيحه ارجع بيها الشغف يقول

بكل بساطه انا مفتحتش كتاب من اول السنه وانا اصلا مأجل تلته ثانوي هخش تلت امتحانات بس فيزياء وكيمياء ورياضة وانا زي ما قولت مفتحتش كتاب وفاضل تلت شهور وعايز نصيحة في الوقت دا عشان متشلوحش

ممكن نحاول نبقى حنيين شويه فى الكلام مع الناس اللى فعلا محتاجه كلمه طيبه نطبطب لما يشتكوا مش بس نقعد ندى فى نصايح عشان نطلع نفسنا البريمو وأننا جامدين مووت وبننصح منقولش حاول تنزل أو تنزلى تشتغلى حاول أو حاول تلعبوا رياضه انتوا بتعملوا اى مين مستنى حاجه زى دى تفتكروا مفكروش فى الحلول دى فكروا بس يائيسين ياريت لو نعرف نتعامل ونتفهم أن فعلا فى ناس فاقده الشغف من كل حاجه فى حياتها ومش ده اللي هيساعد فقدامك حل من اتنين يا تمدله ايدك وتساعد يا تسمعه وبس على الاقل يخرج اللى جواه لكن متقعدش تديله فى نصائح وهو واعى لكل حاجه وكل نصايحك وعارف كل حاجه انت مبتزودش حاجه غير انك بتخليه يندم أنه اللى كان جوايا خرج وإتشاف للناس

هو أنا عندي 15 سنه بس طموحه يمكن زيادة عن اللزوم، ممكن تدوني نصايح او حاجات اتعلمها تفيدني في المستقبل، وحاجات انتم عملتوها ومش عايزيني اغلط فيها و كده، ولو مثلا رجعتو لسنين ورا وقت سني حاجات كنتم هتعملوها

الصراحه انا مش جايه احكي مشكله انا عندي فكره حابه اشاركها مع حد ويشجعني اعملها انا عايزة اكتب روايه وبعرف اكتب كويس جدا وكتبت المقدمه وحاجات بسيطه كدا واخدت راي كام شخص قريب مني مدحوها بس الصراحه انا مش عارفه ابدا منين او ازاي بس انا فعلا بحب الروايات وبحب القراءة عموما ونفسي بجد اكتب رواية حتي لو مش هتتشهر بس اكون عملت الي نغسي فيه مش اكتر فالو حد عندو نصايح ازاي ابدا او اخلي بالي من اخطاء ممكن مكنش انا واخدة بالي منها عموما دا الجزء الي كتبتو رايكو هيهمني جدا ❤️ كانت تظن ان ماكُسر فيها لن يُصلح،وان القلب حين يُخذل مرة لايعرف كيف ينبض، خبأت نفسها خلف الكتب،وتسللت الي زوايا لا يصلها الضوء، ظناً منها ان العزلة احن عليها من قلوب البشر، فهل الحب قادر علي جمع شتات الروح؟ وهل من جلس طويلاً علي رفوف النسيان يحق له ان يكتب في الصفحات الاولي؟

ازاي افهم نفسي ازاي اعرف انا بحب وبكره اي بجد حاسه اني تايهه فمتاهه لا فاهمه نفسي ولا عايزه اعمل اي فالمستقبل، انا دلوقت ف 1ث فالمفروض بكالوريا نزلو مسارات اختار منهم وانا خايفه ادخل حاجه م قدها واضيع وخايفه ادخل حاجه شايفه انها قدي بس تطلع مش حلوه ولا ليها مستقبل انا خايفه اوي اوي، حد ينصحني ويقولي هيا كليه ألسن حلوه ولا لا وفنون جميله واثار ال3 ليهم مستقبلهم ولا ايلهم من دماغي لان المسار بتاعي الهدخلو تقريبا دول ال3 الكويسين فيه لاكن لو دول مش كويسين هحاول ادور ع مسار تاني ادعولي بجد

الكثييير والكثيييير من الأمور يلا ورقة وقلم وركزوا معي: 1.لا تفرقة بين الابناء، لأن أمر من الله أولا 2.المسؤولية لا أحد يتحملها غيرك، لا ابنتك الكبيرة ولا ابنك الكبير، لأنه لا يزال طفل ولا يمكنه ان يتحمل ولو تحمل لتزوج إذن! 3.خلافات الوالدين تؤثر في شخصية الطفل ف ابقي خلافاتك بعيدا عندهم 4.الضرب لا يجوز، الا في شيء كبير والضرب كما اخبر به الرسول صلى الله عليه وسلم 5. لما ابنك يعتذر اقبل اعتذاره هو ليس كلب حتى يذل نفسه لك، علمه الاعتذار وعزة النفس 6.عندما تخطئ كوالد او والدة اعتذر كذلك لست معصوما 7.لاتقارن ابنك بأبناء الناس لانه ابنك وهم ابناء غيرك 8.لاحظ انجازات ابنك وامدحها لا تكن صم بكم عمي 9.النقد يهدم الثقة ويبني حب المثالية وهو عذاب، ف قلل نقد ولا تعتقد انه يساعد على بذل المزيد من الجهد 10. لما يخبرك احدهم انه متعب او مريض، وان كنت طبيبً لا تتجاهل ما يقول حتى تكتشف متأخر ان عنده امراض قلب عجزت اتفكر الباقي ودموعي هربت مني، هكذا حتى لا يتأثر اطفالك بمشاهدة اباء وامهات الناس وهم يعاملون اطفالهم بحنان

كيف للشخص أن يصبح منظم في حياته بعيدا عن تضييع الوقت والتفكير المفرط ، كيف للشخص أن يبني شخصية قوية و يهتم بدراسته....عندي حلم انا ادرس من اجله هاذ العام بكالوريا وانا مشتتة وضائعة ومعنديش حد ينصحني..... حتى لو مدرستش وموصلتش لحلمي معندي حتى احد اعتمد عليه في حياتي

انا وحماتي متخانقين هي قويه ومسيطره وانا نفس الشيء ف مش بنتفق مع بعض خالص كان راجعين من البلد وانا اشتريت فسيخ فهي قالت لي نظفيه فوق ولكن بزعيق كدا وكررتها كذا مره .. واحنا المفروض هناكل مع بعض ف انا كسلت اطلع وفي نفس الوقت رخمت و قعدت ف هي قعدت تزعق وطلعت غضبت ونزلت بليل زعلانه وتقول أنا اللي هحطه في دماغي مش هقعده .. ف انا من وقتها وانا مش بكلمها انا عارفه اني من الاول كان لازم اطلع فوق ولكن الكلام اللي هي قالته وقت العصبيه والجمله الاخيره دي اظن ضيعه وحقها ما كانش ينفع ان هي تقول كده ماما قالت لي اتجنبها خالص وما انزلش تحت عندها الا في الضروره بس المشكله ان احنا بنتجمع مع بعض يوم الجمعه بيجي اخو جوزي ومراته واحنا بننزل وانا لو منعت نفسي عن يوم الجمعه ده يبقى قطعت معاها تماما ولو نزلت مش هعرف اتعامل زي الاول لانها بتتعامل بجفاء قوي فانصحوني اعمل ايه

أنا بكلم بنت عمتي(ملحوظة قاعدة في محافظة تانية بس بنتقابل في المناسبات و الزيارات) من زمان من ساعت ما كنا صغيرين و إحنا علاقتنا ببعض كويسة لحد ما وصلنا جامعة (يعني حوالي 7 أو 8 سنين ) و خلال الفترة دي كلامنا كله علي الواتس بشكل يومي و المكالمات من فترة للتانية لما بتكون برا البيت المهم إحنا أقرب إتنين لبعض و علطول بكلمها في كل مشاكلي و هيا نفس النظام و بنعرف لبعض كل حاجة بتحصل في حياة التاني ، فا خطر علي بالي إيه رأيك تتقدم ليها و يكون كلامنا في الحلال بدل ما أنتوا بتكلموا بعض كدا و ممكن يكون في كلامكم شبهة و أخيرا جمعت شجاعتي و أعترفتلها و قولت ليها إن بالكتير خلال نهاية 2026 أو بداية 2027 أكون وقفت علي رجلي و أتقدم لبنت كدا قالتلي مين قولتلها أنتي راحت قالتلي أنتا شخص كويس و فيك كل الصفات اللي تتمناها أي بنت و أنتا محترم و راجل و جدع ، بس أنا شايفة أنك أولا لسا صغير و غير كدا أبويا حالف بالطلاق أنه ما يجوز حد فينا أنا و أخواتي البنات لأي حد من العيلة و مينفعش ، قولتلها أبوكي علاقتي بيه زي السمنة و العسل و بيحبني و أكيد هيوافق ، قالتلي بعدها و غير كدا أنتا يا @#@ مش شيفاك غير أخ و صديق و النقطة مش هعرف أغيرها ( و قعدت تقولي حاجة مش فاهمها) أزاي أنتا هان عليك صداقتنا و قولت كلام زي دا ، و مش عارف إيه و في الأخر من ساعت أخر رمضان لحد دلوقتي مكلمناش بعض خالص و غير كدا أنا قولتلها المبرر بتاعي إن كلامنا فيه شبهة و حرام بس هيا بتقولي أنتا مجرد أخ + لسا مكلمها و قولت ليها هان عليكي العيد دا يعدي كدا ، راح قالتلي أنتا اللي هان عليك كل اللي بينا عايز أعرف دلوقتي اللي أنا عملته غلط و لا لأ و هيا ليه عملت كدا (هل فعلا علشان والدها زي ما بتقول ؟)و لا علشان حاجة تانية ؟ و غير كدا إزاي أنا من جوايا كنت عايز أحارب الدنيا عشانها مع إني كنت عارف أهلي أول حد هيقولي لأ علشان هي أكبر مني ب 6 شهور مع إن دا مش مبرر و هيرفضوا علاقة زي دي تكمل لأسباب تانية زي إني في كلية أعلي منها و كدا و هما عايزني أتجوز واحدة تكون كليتها مستوي عالي مش في كلية أي كلام زيها كدا (دي مش طريقة تفكيري دي طريقة تفكير أهلي ، هيا في نظري أحسن واحدة في العالم كله و محدش يقدر يغير و جهة نظري ) و أي حد عنده نصيحة أو حاجة زي كدا يقولها و شكرا

مشكلتي الوحيدة قلة الصحاب مع اني لما بصاحب بدي بكل طاقتي وبنصح بما يرضي الله معرفش المشكلة فيا ولا فيهم ونفسيا بدات بجد اتاثر بالسوشيال ميديا جدا وحالتي بدات تسوء اكتر من الأول طب حلها ايه؟ افضل زي منا ولا احاول اجمع اللي بعدوا ولا اجمع ناس جديدة

السلام عليكم اريد فقط شخص يعطيني نصائح واش اسوي في مسيرتي لأنو اهلي دائما هوما لي يحبو يسيطرون واش راح ندير فالمستقبل تاعي انا ، كي نحب نقوللهم واش راني حاب انا ماشي كيما حابين نتوما يقولولي لالا نحنا نعرف مصلحتك اكثر منك ، لي راهم يقولولي عليه حلمهم هوما ، بصح انا عندي حلم اخر بصح هوما في طريق حلمي مايخلونيش اوصل ليه

انا قاعد فاضى ومش مستغل وقتى صح ونفسى اكون انسان جديد متفائل اجتماعى حد اكون معاه أو معاها فى صداقه مستمرة ومستدامة انا محتاج نصيحه اعمل اية علشان اكون هذا الشخص

عندي وحدة من عائلتي واقفة على الطلاق مع زوجها،السبب انو بعد 5 اطفال قررت تعمل هو محبش وهي تخون فيه و معاطياتهش حقوقه و ممربياش ولادها مع العلم دراهمو كامل عندها يعني مامخصصها من حتى شي يقدر عليه طلب منها فقط تبقى في الدار و تربي اطفالها و لكن هي فضلت العمل و الشارع على عائلتها و الان تريد الطلاق منه مع العلم هو حاب يصلح زواجه ولكن دار خطأ كي ضربها و الان اشتكت بيه المشكل انها تعمل عمل براتب بسيييط جدا لا تستطيع ان تعيش به و اولادها 5 كما انها دارت مشاكل كبار مع عائلتها و دابزت مع اخوها و اختها الوحيدين و باقي افراد العائلة فقط لانهم قالولها خمي قبل ما تطلقي و عطيه فرصة كما انها قررت ان تسمح في اولادها فقط للعمل و كاين تاني موقف كنت نحكي مع ابنتها عمرها 12 سنة فقط! و عندها حبيبها عندو 22 سنة و قاتلي "ماما علابالها و هي كانت تقولي متقوليش لجداك و ماتبيعيش" و كي هدرت معها اختها قالت لها صغيرة و حابة تعيش حياتها. كما قالت انو لوكان يقرب ليا (على زوجها)نقت..ل روحي و اطفالي و العديد من المواقف و الان اخاطبكم ما العمل معها مع العلم جربنا الصلح و جاو افراد من عائلته و عائلتها و مازالت في قرارها

سلام انا مصاب باضطراب القلق العام اعاني منه منذ عام تقريبا اصبت به تزامنا مع بدايتي في عملي الجديد . بسبب مخاوف و شعور بالدونية اريد نصائحكم من فضلكم مع علم انني مجتهد و جيد في عملي

انا شخصيه عصبيه للاسف وكمان أم جديده شويه .. ازاي اقدر اسيطر علي عصبيتي وغضبي خصوصا لما ابني يعمل حاجه تعصب .. ازاي امسك نفسي عن اني مبقاش مع كل حاجه بخبطه ولما يكبر ابقى ام بتضرب .. محتاجه جدا نصيحه لاني مش بقدر اقاوم دا