يا جماعة أنا محتاجة نصيحة حقيقية من حد مر بتجربة مشابهة أو مختص. اخويا بقاله 4 سنين مدمن قمار إلكتروني ومراهنات اتعرضنا بسببه لجميع انواع الاذى النفسي و الجسدي حتى انا اكتشفت اني عندي اكتئاب و رهاب من حاجات كتير بعد الموضوع دا الموضوع بدأ معاه من سنين طويلة على ما اعتقد لأني كنت صغيرة فتوقع مني عشان كنت بروح ساعات معه السيبر انها من أيام ألعاب زي (كونكر) واتطور معاه لحد ما دمر حياتنا وحياته. حالياً الشخص ده وصل لمرحلة 'انهيار تام'. مهمل في نظافته الشخصية وشكله بقى شبه المشردين، مش بيستحمى وشعره ودقنه بقوا بشكل مخيف. هو حالياً معندوش موبايل ولا إنترنت، ومفلس تماماً، ادناله فرص كتير و سبناه للدنيا تعلمه كتير وللأسف إحنا كأهل أفلسنا معاه بسبب انه لاعب بردو بفلوسنا، لدرجة إن ناس غريبة اتعرضت لينا ولبيتنا بسببه انا ذات نفسي من الخوف كنت بنزل اروح الكلية بشيفنج في الشنطه عشان لو حد اتعرضلي ​هو بيطلب يشوف ولاده، لكن إحنا خايفين جداً لأن رؤية ولاده معناها إن مكاننا هيتعرف والدائنين يوصلوا لينا تاني ويأذونا، وفي نفس الوقت حالته النفسية والشكلية متسمحش للأطفال يشوفوه بالمنظر ده. ​انا مش قادره اتعامل خالص معه و لا اتكلم معه و مش عاوزه اوجهه انا لحد دلوقتي مشفتوش من سنتين لكنه رجع بشكل دا تنصحوني اعمل اي اتكلم معه ازاي اكيد مش هكلمه تاني في غلطه لأنه بحالته خلاص هو وصل للنهايه و اعمل اي عشان انقذه من دا كله و حوار ولاده اعمل اي و اسفه اني طولت