أخ

لسا مقابل اخويا من ام تانية بحبو جداً من صغري هو اكبر مني بـ ١٢ سنة وانا مشوفتوش بقالي ٧ سنين بعد وفاة ابويا امي قطعتنا عن بعض ولسا واصلو النهردة وخرجنا مع بعض واتبسطنا وشوفت قرايبو اللي اتربيت معاهم وللعلم امو هي اللي مربياني مش امي انا وغير كدة مبسوط جداً وهمومي انزاحت وحسيت بالفرحة وهو معايا واننا اتجمعنا تاني

قعدت افكر في هدف في دماغي النهاردة بس مش عارفة ابدأ منين ولا المفروض ادخل كلية معينة عشان اروح المجال دا ولا ملهاش علاقة صحيت النهاردة علي كلمة انا عايزة ابقا أخصائية تخاطب و بعدين ابقا اعمل دكتوراه فالمجال دا لان ضحية جلسات التخاطب كان اكتر حد بحبه و هو اخويا الصغير ناس معندهاش ضمير ولا رأفة و هي ساعة و ياخدو بالالف جنيه يعني الجلسة مش سحرية حضرتك هيتعالج فساعتها لا و فالساعة دي كمان بيقعد يصرخ و يعيط ولا بيستفاد حاجة فبجد انا حطيت حاجة فدماغي وسط عوائق كتير و منهم اهلي بردو و حاسة اني هخون نفسي لو محققتش الهدف دا

انتم ازاي بتتعملوا مع اخوكم الصغير عندي مشكله مع اخويا الصغير و معرفش ايه الي وصله لي كدا اخويا صغير قليل آلادب شويه جوه البيت بيقول اسؤ ألفاظ ( مش اسؤ اوي الصراحه بس بيقول الفاظ مينفعش تتقال في بيت ) في وجود انا أو اخويا الكبير أو امي اجي اتكلم مع يتخانق و يقل أدبه اجي اشتكي لي امي تقولي كبر دماغك منه هو قليل ادب اعمل ايه اكلم اخويا الكبير يقولي اعملك ايه اضربه يعني مشكله أنه أسلوبه معايا انا بذات اوحش وأحد بمعني ديما مش طايقني مع اني مش بكره بس ديما في كره مبالغ في نحيتي انا بس اجي اهزر معاه يضايق و ديما حاسه بعيد عني عكس اخويا الكبير الي انا و هو قريبين من بعض و مشكله أنه اوقات كبيره بيقل أدبه عليه علشان بهزر معاه يشتم و يقولي هضربك و بتاع و انا المفروض اخوه الكبير انا مش عارف بحكي ليه تفاصيل كتير بس انا مدايق و مخنوق قولت افك هنا شويه

عندى مشكلة ان اخويا الغالى بيقف فى اوقات مينفعش يقف معايا فيها ومن اقل حاجة ومش اى وقفة بيقف على اخره وبيبقا باين اوى قبل كدا كنت فى الشغل وعندى فى المكتب اتنين بنات شغالين معايا ساعتها مره افتكرت حاجة خلته مش عايز يهدا خالص والبنت واحده منهم لاحظتنى

دلوقتي انا اخويا للاسف دخل في سكة القروض و لما كان ليعجز عن السداد كان للاسف بيجيب قرض تاني وهكذا لحد ما دخلنا كلما معاه في دوامه ملهاش اخر و كلنا ينحاول نساعد معاه بس للاسف كل ده مش مكفي برضو حد عنده اقتراح او رأي ممكن يساعد في الموضوع ده

كل ما راح أنام يجيني سؤال ليش ليش ما عندي حد بيحبني و أكون أنا أولوياته ليش ما عندي علاقة حلوة مع أخوي ألي تربينة زي توأم و على طول بيتجهلني ليش أنا أعطي كل وقتي لناس باه نفهمهون و ننصحهوم فلمقابل ما نلقى حتى أحد يسمعلي ولا ينصح من قلبو مثلي حتى وليت نكره نقص من طاقتي و نمدهوم فلعلاقات لي ما تنفعي ليش ؟!!!

رحت وقفت قدام قبره زي ما بعمل وبشتكي ليه من اللي بيحصل ف حياتي وديما ببقى ماسكه نفسي وم بعيط وببقى هادية وبقعد اضحك وانا بكلمه وبوريه الحاجات اللي اتغيرت ف شكلي وبحكيله ع شخصيتي الجديدة بس المرة دي روحت وبدل ما اتكلم قعدت أعيط عليه فضلت ف حالة مكنتش اتمني اوصلها ابدا قعدت أعيط واقوله اني محتاجاله قعدت أعيط ع وحشني قعدت أعيط ع نفسي اترمي ف حضنه واقوله اني تعبانة قعدت اقوله انت مقولتش ليه انك هتمشي وانت بتحضني قعدت أعاتب فيه ف حاجة لا بإيدي ولا بإيده اربع سنين مقدرتش اتخطي فيهم أنه مشى لسه لما سيرته بتيجي قلبي بينهار انا عارفة أنه ف مكان احسن واني لازم اتعايش بس ده اخويا ده حته مني انا عارفة كل الكلام اللي هيتقال اصله ف مكان احسن اصل انتي متعرفيش حكمة ربنا ادعيله وغيره انا عارفة كل ده وم عايزة اسمعه

عندي مشكله رخمه شوية وهي بختصار بيقولو الي ف ايدي مش ليا يعني ممكن مثلا احوش مبلغ عشان اخد بي خطوة ف شقتي ويجي اخويا يستلف منو عشان كان بيصب وفلوسو مكفتش مبرضاش اقول لا بس انا كمان معملتش حاجة زاي حجات كتيره شبه كدا

سؤالي للشباب عشان محتاجة اعرف رآيهم في موضوع بما انهم شباب زي بعض انا اخويا عنده 26 سنة وييشتغل شغلانة كويسة بمرتب كويس الحمدلله وجاهز انه ياخد خطوو الخطوبة بس عمره ما فكر يتجوز زي باقي الشباب مابتفكر بقالنا فترة ماما بتكلمو في الموضوع شوف بنت ومش عارف ايه ورشحناله كذا وحدة شوف دي وشوف دي مفيش بردو يقولنا لا انا مش بفكر دلوقتي وكمان لسه النصيب مجاش هو اكيد الجواز دا نصيب انا عارفة لدرجة بابا قاله انا هساعدك في تكاليف الزواج متقلقش وانا معاك بردو مفيش انا اخويا وسيم شويتين تلاتة وبنات كتيرر بتكرش عليه من ايام ماكنا في المدرسة لحد الشغل وبنات كتير كانت تيجي تكلمني وتصاحبني لمجرد انا اخته وهو عارف دا كويس وساعات في بنات كتيرر يلمحوله بس بيطنش ومش بيدي اي اهتمام هو تقيل اوووي وهو عمره في حياته ماكلمنا عن اي بنت معجب بيها حتي ولا اي حاجة بجد ولما نسأله يااما يقولنا انا حاسس مش جاهز دلوقتي او لسه النصيب او خايف من المسؤولية وليه اعلق واحدة بيا دلوقتي وهو من النوع الملتزم دينيا شوية ومش بيحب جو الارتباط وكدا فهل دا طبيعي؟؟ هو كتوم اوي مبنعرفش ناخد منه كلمتين ع بعض فعشان كدا قلت اسأل يمكن حد عنده اجابة

السلام عليكم عندى اخويا الصغير بيشرب سجائر وما عارف ازاى أبعده عنها هو فى تالته ثانوي وما متقبل منى كلام أو اى نصيحه وكل كلامه عن السفر وهو مش متحمل مسؤولية نسفه فى اى حاجه بيصرف ويصرف بس واهلى مقللين كلمتى عليه وكل ما يغلط من زمان اوى وكده بيعدولوا أو عقاب ولو فيه بيكون جزئ وبيتلغي تانى يوم بعيد أنه عكس ال كان بيحصل معايا أو البيحصل دلوقت فا دى مش مشكلتى وهو بقا من شخص فاسد لشخص مفسد و المشكله أن اهلى كل ما يغلط بيوسعوله اكتر مش العكس براضوه وهو مش محترمهم أو عامل ليهم حساب وبيعلى صوته وقلت تقدير غير طبيعيه وبروضوا خايفين على مشاعره وبيحاولوا يراضوه + الواحد كان نفسه يشوف اى دعم أو اى حاجه برضوا لنفسه ما في بس خير أن شاء الله المهم ازاى اصلحه

الفكره انك تتقبل ان الشخص ده ف مكان احسن و تبقي عارف انك هتقابله دي لوحدها بتصبرك اخويا اتوفي ف حادثه سير و اتخطيت الموقف ف نفس اللحظه و قولت إنا لله وإنا اليه راجعون وعارف انه ربنا صبرني علشان امي و ابويا و اخواتي كانو اضعف ناس ف الموقف ده وانا اللي كنت لازم ابقا ضهرهم وشايلهم ربنا يجيبلنا حقنا من الناس اللي موتت اخويا❤

مهم انا عندي مشكل اني راني موسوس وخايف في نفس وقت خطرش انا نخدم بعيد على دارنا و يما مريضة شوية وخويا صغير قبيح وبابا كيفو ويما مريضة شويا وهذي حاجة خلاتني منرقدش ليل بسبتها وديما موسوس كاش ما يصرالها

اتمني من كل اخواتي المحترمين الي هنا تدعي لاخويا بالرحمه متوفي يوم الوقفه وحشتني اوي ياحبيبي 💔💔 ..............💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔 💔 في الجنه ونعيماها ياحبيبي قاعد علي سريرك وليه ريحتك فيه وكانك نايم جنبي مش كنا متفقين اننا هنخرج بعد العيد سفريه حلوه

معاملة اهلي ليا عامة مكنتش احسن حاجه خالص نهائي يعني مكنتش بحس اني محبوبة ف البيت ولا مرتاحة ولا مقربة من حد منهم كنت اتنشن و انا صغيرة ل مجرد اني الفت الانتباه او تصادف انهم يحسو بيا و يفهموني بس مبيحصلش انا البنت الوسطانية بحب اختي الكبيرة و جدا كمان و اخويا الصغير برضو كنت بحبو و بهتم بيه و بلعب معاه و اخلي بالي منه و كل حاجة كنت بهتم بيه جدا بس واحدة واحدة بدأو يدخلو ف دماغو افكار وحشة زي اني بكرهه او بغير منه او مش بحبو و ده مكنش حقيقي عامة ف هو كرهني و صدقهم و بدأ يعاملني وحش و يتمرد عليا بعد مهو كان صاحبي الوحيد لأن حتي مكنش عندي صحاب ف المدرسة كنت بثبتلو اني بحبو بس برضو كان دايما عليا هجوم منهم و اني وحشة معاه و مبحبوش لدرجة انه الوحيد خسرتو و احنا دلوقتي كبرنا و برضو لسه نفس الكلام بيتقال و هو حتي بيقولهالي اني مبحبوش و بغير منه ، زاد اكتر عدم التفاهم ف البيت معاهم انا للاسف محتاجاهم و هفضل محتاجاهم بس اعمل ايه لحد انهاردة ف خلافات معاهم و بذات مع امي هي اللي ف وشي و انا ف وشها ف بنرازي فبعض هي حتي لدرجة اني لو معملتلهاش كباية شاي حرفيا تسمعني كلام زي السم بجد بتقول كلام وحش جدا ف الرايحة و الجاية و مسمياني الجاحدة و تقول مش عارفه دي طالعة كده ليه ولا لمين طب م انا كده بسببك انا بحبها بس زعلانة و بزعل منها اوي بخاف قلبي يقفل عليها و اكرهها او بعاملها ب جفا و برود زي م فمعظم الوقت بلاقيها و مش عارفة احل ، كنا صحاب زمان يعتبر انا و هي اكتر من دلوقتي بس انا اللي كنت بخلي بالي منها مش العكس و مع ذلك عمرها م افتكرتلي حاجة كويسة ولا شكرت فيا انا اسوء شئ عندها ، يعني و ابويا كده كده مش موجود هو عايش بس سايبنا و هما مطلقين عمره م فكر فيا برضو ولا حبني انا بحبو بس افعالو و تصرفاته بتمنعني من ده لأنه كل م بيجي او يرجع مبصدق بس ببقي عارفة انه ماشي ف معلقش نفسي بيه بس يعني عامة معرفتش احقق معاهم العلاقة الناجحة مع اني بحبهم بس تصرفاتهم بتزقني و بس .