بص الافضل انك تقول مامتك لو مش صعبه تقولها تتصرف هى هما بنات هيتفاهمو مع بعض والحل التاني انك تكلمها بهدوء من غير عصبيه تقولها الي انتي بتعمليه دا غلط وانتي لسه صغيره وبلاش الكلام دا هتندمي عليه لما تكبري وانا اخوكي وخايف عليكي وبنصحك واتكلم بهدوء خالص لو مسمعتش الكلام دخل حد كبير بس بلاش بباك انا بنت بس صدقني اكتر علاقات ندمت عليها هي الي كانت ف فتره ثانوي وملقتش حد يمنعني او ينصحني وقتها كنت بس محتاجه النصيحه عشان ابعد ف انا مجربه انصحها عشان متضعش ومتتعودش علي كدا وحاول تقرب منها اكتر وتبقي حنين عليها بس بجد متسيبوهاش تكلم ولاد أبداً في السن دا

يارب يكون الأمر عدى على خير بينكم

الكومنت إللي بإذن الله يبقى الأخير، القوة بقا... ' في حالة لم تستجيب للهدوء وحُسن المعاملة يبقى يجي دور الشدة والعقاب والشدة مفيهاش إختيارات دي في عقاب إلزامي هتبقى عملت إللي عليك و زيادة فـ إللي هيتعمل إنك تمنع عنها كل شيء بتحبه أو رفاهية في حياتها، مفيش موبايل، مفيش صُحاب، مفيش دروس، مفيش مدرسة، كل شيء ممنوع، قولها مادام أنتِ عايزة كدا ليكي إللي طلبته بأفعالك، و عرفها عواقب فعلها على نفسها وعليكم وخصوصا إنها بنت. (وياريت في كلى الحالتين لو تساعدها تغير البيئة المُحيطة بـ بيئة كويسة خليها تلتحق بحلقات لحفظ القرآن والسنة وتتعرف على صُحبة صالحة تأخد بإيديها للخير) و ربنا يوفقك ويكتبلك الخير ويجعلك خير لنفسك وأهلك، وبعتذر على كم الكلام دا.

(مبدأ الثواب والعقاب) زي مافي شر فـ في خير لازم يوصلها دا و خطة العلاج هتحتاج تغير رقمها وتغير كل سُبل الوصول ليها و تفلتر حياتها تمامًا ولازم تكون معاها في كل خطوة (ولعلمك دا هيساعدك أنت شخصيًا تشوف صعوبة تعافي أختك نفس درجة صعوبة تعافي البنات إللي بتدخلهم حياتك)، نروح للإحتمال إللي مش محبب وهو الإنكار ودا بقا محتاج مواجهه بس بذكاء، متغيرش أي حاجة في ردة فعلك وقولها بس إللي شوفته بيقول غير كدا صدقيني مش عايز أذيكي و أكون أخ سيء خالص والله أنا عايز أبقا جمبك وأعوضك ونحتوي المشكلة أنا مش عايز أتوجع فيكي أنا معنديش أغلى منك، و عرفها إنك شوفت وإسمعها وإمشي على نفس الخطوات ويارب يكون خير وتخرج بنتيجة كويسة، وبعتذر في كومنت كمان هكتبه عشان أوضح نقطة مالا يأتي بالهدوء يأتي بالقوة.

الكومنت التالت😅... تسألها هل هي عملت دا؟ حبت؟ إرتبطت؟ وهل هي حاسة بفجوة وإفتقار تجاة شعور محدد داخل البيت؟ إعرف الأجوبة وإفهمها و إفهم تفكيرها وحلله وعشان مش عايزين نطول المدة فـ أنت محتاج تعمل كل دا في جلسة واحدة (قاعدة) في حالة كانت صريحة معاك وياريت دا إللي يحصل كمل على نفس النهج اظهر حزنك الشديد وصدمتك و زعلك و أسالها ليه وإزاي عرفته و إزاي بدأو كلام وعلى أي أساس عرفت إنها بتحبه وإنه بيحبها؟ وليه سابها؟ و لأي مدى وِصلت علاقتهم؟ وإنها لازم تكون صريحة معاك عشان تقدر تساندها وتدعمها وإن دي فرصة غيرها بيتمناها الالاف البنات محتاجين أي يفهمهم ويسمعهم ويحتوي الموقف قبل ما يكبر غيرها بيسيب نفسه لمرحلة أكبر وأسوء مرحلة إستغلال توصلهم لأفكار و خطوات تخليهم نكرة وسط المجتمع و عقباهم من الله كبير جدًا، واسمعها كويس و كلامكم هيحل الأمر بشكل كبير وخلي الجلسة دي أو القاعدة والحكاوي دي بشكل مستمر عشان تحد من أي مشكلة فيما بعد بشكل أسرع قبل حدوثه، وقولها لو شاب حاول يقرب منها أو حد بعتلها أو أو تبلغك عشان تسأل عنه وتشوف وضعه ولو حد محترم أنت مش هتقف في خير ليها وهخطبها ليه (هكمل في كومنت ٤)

إقترح عليها تعمل مشروب أنتوا بتحبوه وقولها تعالي نقعد سوا نتكلم ومتظهرش إنها محتوى الكلام بالعكس إظهر إنك إللي محتاج تتكلم، ببساطة إبدا كلامك عن قهر الرجال و مدى سوءه وقد إيه الراجل بيحب أهله وبيخاف عليهم من الهوا وإنه ممكن يغلط و ميشعرش بغلطه و مدى سوءه غير لما يشوفه بيترد في أعز ما يملك وإنها أعز ما يملك، أسالها أنتي شيفاني إزاي؟ وإنك زعلان من نفسك واللي عملته على مدار حياتك من أفعال سيئة وخايف تترد فيها و تتكسر وإن كسرتك فيها مش هينة خالص، أسالها إزاي أنت تبعد عن الطريق دا وإنك تكلم بنات تاني وتإذيهم في مشاعرهم وإنك مش قادر تتقبل واحده فيهم ولا ترتبط بيها رسميا عشان مش قادر تثق فيهم (خلينا معترفين إنك غلط ودا تفكير غلط برضو مش هننكر بس نصلح الأمر الأول) و إن مفيش شاب بيقدر ياخد خطوة رسمية تجاه بنت إتكلم معاها وخصوصا لما بتكون صغيره لانها مجرد تسلية وتضيع وقت وصلها الرسالة بشكل غير مباشر في الأول، وبعدها أسالها عن أصحابها هي واحده فيهم أرتبطت أو حبت أو بتظهر رغبتها في دا؟ أفهم دماغ البيئة إللي حواليها عشان تحدد طريقة علاج الموقف بشكل إيجابي ونهائي، وبعد كدا تسألها هل هي عملت دا؟ هكمل

الأمر دا مراحل وما لا يأتي بالهدوء يأتي بالقوة، كل الآراء قرأتها و ردود حضرتك كمان و إللي وضح عمق الفجوة إللي في البيت واللي ببساطة دي السبب ورا إنها تعمل دا بس مش دايمًا الأسباب دافع قوي للضعف دا، مهم تعرف إن البيئة ليها دور يعني لو صحابها نفس الوضع دا وأنت كلمتها واتشقلبت حرفيًا هما هيفضلوا وراها لحد ما ترجع و مش هتبقى مجرد شات دي هتخفي وهتنتبه جدًا بعد كدا، ومهم تفكر كويس هل هي شخصيتها عدوانية وهتشد قصادك وتعند معاك أو تسلك و تقولك ماشي وحاضر و ترجع عادي جدًا ولا هي بنوته متفهمه وهادية، وكمان الأهم والأهم تحط في بالك سؤال هي علاقتها وصلت لفين؟ مجرد شات و تعبير عن الحب و سد للإحتياج النفسي ولا صور و كول وممكن يرجع يكسرها أو يبتزها بيهم؟ قبل أي خطوة محتاج تخطط للخطوة كويس جدًا و أنا بأكد كـ بنت تربية البنات واحتواهم مش سهل، و ما دامت ولدتك كدا فـ هنبعد عن فكرة تبليغها وأقعد مع أختك و بهدوء لأنك متعرفش هي علاقتها بالشاب وأصحابها نظامهم إيه و قالت عنك إيه وهما قالوا عنك إيه، لعلمك ممكن هما دول إللي عاملين الفجوة بينك وبين أختك حتى لو مش ظاهرة بشكل كُلي، أقترح عليها... هكمل في كومنت تاني

انا شايفه ان احسن حاجه تعملها انك تقعد معاها وتكلمها بهدوء وتحسسها جدا ب الامان وانك مش هتزعلها او تضربها او تعرف حد فهمها قد اي دا بيستهلك المشاعر، وانك شاب اهو وعارف ان الشباب اللي بتكلم بنات صغيرين بيبقو فعليا بيتسلو وقلها ان الحب كدا كدا جاي لما نكبر ونعقل كدا، وعمرو مهيجي بطريقة حرام وتغضب ربنا وقولها ان اه في بنات كتير دلوقتي بتكلم ولاد وترتبط بس ف النهاية دا غلط غلط غلط حتي لو الكل عملو

قبل اي حاجه تمالك أعصابك وخليك هادي واتكلم معاها بهدوء وفهمها انها لسه صغيره والغلطه دي متوقعه جدا بس مينفعش تتكرر تاني وفهمها لي مينفعش ، لان كل اللي هيحبك دلوقتي هيتسلي بيكي وفي الآخر مش هيتجوزك وبعدين انتي لسه صغيره عايزه تتجوزي دلوقتي ولا اي وحرام تتصاحبي مع شباب وانا موجود لو احتاجتي تتكلمي او احتاجتي حنيه ، (اي فعل بيكون ناتج عن احتياج وانت لازم تعوض الإحتياج ده) ، وركزي في تعليمك ومتكسريش ثقة أهلك فيكي وانا زعلان منك جدا بس هسامحك المرادي وتخليها تطلع التليفون وتعمل بلوك من كل حته للي بتكلمه